**
Ko'zlarimga boq sevgim yonadi,
Ko'zlarimga boq mehring qonadi.
Ko'zlarimga boq so'zlaydi mahzun
Ko'zlarimga boq ko'rinmas afsun,

Elnur Niyozmuhammad

@ijodkor_qalblar

Тонгда туғилдиму,
Пешинда-йигит,
Шомда қариб бўлдим,
Тунни билмайман.

Билганим...
Шу тонг,
Пешин,
Шу шомнинг ҳақи —
Севиб қолдим сени, жонимдан ортиқ.

Биргина илтифот,
Севгилим...
Бир сокин илтифот
Ҳадя этсанг —бас.
Турибман
Тун остонасида,
Тургандайин хас.

Зулмат чорлаётир,
Кўнглим жуда ғаш,
Гўё қурилгандек сирли бир қафас.
Ҳадя эт...
Ҳадя эт,
Севгилим,
Сен ширин нафас.
Ифорингни тўяй,
Бағримга босай,
Умидла кулгунгга тикилиб турай.
Шу ҳаловат ичра зулматга эмас —
Қадр кечасига киргандек кирай.

Анвар Тўраев

@ijodkor_qalblar

✍🎙 Elnur Niyozmuhammad

@ijodkor_qalblar

Nola

Men seni olisdan
kuzatsam bo'ldi,
Sog'inchim, nigohdan
uzatsam bo'ldi.
Dunyoning tashvishin
bir chetga surib,
Tunlari Xudoga
nolalar qilib,
Chil-parchin yurakni
tuzatsam bo'ldi...

A. Suvonov

@ijodkor_qalblar

###
Ташқарида ёмғир ёғар,
Кўз ёшдан ҳам оғир ёғар.
Бу юраксиз дунё узра
Юрак ёғар, бағир ёғар.

Айрилиққа кўним йўқдир,
Наҳот, ишққа ўлим йўқдир.
Кўз ёшингни артмоқликка
Қўлим йўқдир,
Кўнглим йўқдир...

✍️Усмон  АЗИМ

@ijodkor_qalblar

Сентябрь тиғ урди август ортидан,
Япроқларга сачраб кетди қон.
Ҳолсизланган қуёшни судраб,
Кетиб борар эди саратон.

Куйиб куйлар эди ҳотима куйин,
Атиргул шохидан кетолмаган қуш.
Наводек ҳавога кетолмам сингиб,
Уёғи хаёл ва у томони туш.

Қайта келаверар армонлар ёдга,
Ўтмишга интилиб тасаввур ҳалак.
Тийрамоҳ тиғига урар ўзини,
Саратон қонига беланган юрак.

Нажмиддин Эрматов

@ijodkor_qalblar

ОДДИЙ  МУАЛЛИМ

Қадри билинади энди менга гоҳ,
Оддий мактабимнинг ўша беҳашам,
Навоийку бизга устоздир бироқ,
Кимдир ўқитганку Алишерни ҳам,
Шундай буюк зотга ҳарф ўргатган ким?
Оддий муаллимда, оддий муаллим! 

Аяган ҳаётнинг санчиқларидан,
Йиқилса кўтарган тўсиқларидан,
Отадек эзилган ғуссага ботса, 
Боладек қувонган ютуқларидан.
Уйқуда шогирдин ўйлаб ётган ким?
Оддий муаллимда, оддий муаллим! 

Йўқдан Берунийни бинолар қилган,
Ҳусайнни ибн Синолар қилган,
Машрабни машҳуру - дунёлар қилган.
Абдуллонинг тилин бурролар қилган,
Илон ўйнатгандек сўз ўйнатган ким?
Оддий муаллимда, оддий муаллим! 

Юзга кираман мен Худо хоҳласа,
Эҳтимол юздан ҳам ўтарман бир кун.
Қайноқ қучоғида ҳурлар чорласа,
Ҳеч кимдан қарзим йўқ кетарман бир кун.
Бўлса ҳам, бир зотда  бўлади қарзим,
Оддий муаллим у, оддий муаллим!

© Муҳаммад Юсуф


@ijodkor_qalblar

Ustozlar bor...
Ustozlar bor zukko, bilimdon,
Shirinsuxan, oqil, mehribon.
Ustozlar bor ilmsiz, nodon,
Chillakilik odati har on.

Ustozlar bor mehnatkash, dono,
Har bir darsi sermazmun, a'lo.
Ustozlar bor qo'pol, ro'dapo,
Daholikka qilishlar da'vo.

Ustozlar bor dil quvnatadi,
Ustozlar bor til sayratadi.
Ustozlar bor ulug', mo'tabar,
Ustozlar bor hayvondan battar.

Ustozlar bor sehrlar so'zi,
Mehr sochar chiroyli ko'zi
Ustozlar bor vaqting o'g'irlar,
Faqat tartib, kiyim to'g'irlar.

Ustoz bo'lsang, ibrat bo'l doim,
So'zlar bo'lsang, so'zla muloyim.
Farzandday bil o'z o'quvchingni,
Ko'rsatmagan faqat kuchingni.

Yo'l topa ol shogird diliga,
Qo'pol so'zni olmay tilingga.
Shunda seni ular qadrlar,
Sen haqingda bitar satrlar.

Shunday ustoz doim bor bo'lsin,
Shon-sharafga, elga yor bo'lsin.

👇
Elnur Niyozmuhammad

@ijodkor_qalblar

Ustoz

Ustoz deya etgayman e'zoz,
Butun umrim hayotim ichra.
Ustoz uchun qancha qilsak oz,
Chunki bilim berganlar shuncha.

Ustoz go'yo sehrgar kabi,
Shogirdiga kalit tutgan ul.
Olib borib xazina sari,
Ezgulikka ko'rsatgandir yo'l.

Qutlug' bo'lgan shu obod yurtda,
Uztozlarning ham ustozi bor.
Ustozlarning ishonchin oqlash,
Shogird uchun sharaf, iftixor.


🌹🌷🌷🌷🌹🌹🌷🌷🌷🌹


@ijodkor_qalblar

БАЙРАМИНГИЗ МУБОРАК БЎЛСИН АЗИЗ УСТОЗЛАР!


Сермашаккат ишларингизга ривож берсин.

🌷🌷🌷🌹🌷🌷🌷

@ijodkor_qalblar

БАЙРАМИНГИЗ МУБОРАК БЎЛСИН, АЗИЗ УСТОЗЛАР !

Юртимиз учун, болажонларимиз учун доимо соғ - омон бўлинг!

•┈┈┈┈•❈••✾••❈•┈┈┈┈•
Биз билан бирга бўлинг👇


🦋🦋🦋🌹🌹🌹🦋🦋🦋

@Elnur_Niyozmuhammad

Aziz va qadrli mehridaryo ustozlar! 🌷🌹🌹🌹🌹🌹🌹🌹🌹🌹🌹🌹🌹🌷
Sizlarni 1-oktabr Ustoz va murabbiylar kuni bilan chin qalbimdan muborakbod etaman! Sizning mehringiz, sabringiz, fidokorona mehnatingiz va ilmga bo‘lgan sadoqatingiz har bir shogird qalbida unutilmas iz qoldiradi. Siz nafaqat bilim berasiz, balki yosh avlodga orzu qilishni, intilishni, yaxshilikni va insoniylikni ham o‘rgatasiz.
Har bir darsingiz shogirdlar uchun yangi imkoniyatlar eshigini ochsin, har bir ezgu so‘zingiz ularning kelajagiga nur bo‘lib yo‘l ko‘rsatsin. Sizlarga mustahkam sog‘liq, oilaviy baxt, qalb xotirjamligi, cheksiz kuch-g‘ayrat va kasbiy faoliyatingizda ulkan zafarlar tilayman.
Shogirdlaringizning yutuqlari doimo sizga faxr va quvonch olib kelsin. Qalbingizdagi mehr, ko‘zingizdagi nur va ustozlik sharafi hech qachon so‘nmasin.
Bayramingiz muborak bo‘lsin, aziz ustozlar!
🌷🌷🌷🌷🌷🌷🌷🌷🌷🌷🌷🌷🌷
Ehtirom ila: Elnur Niyozmatov

@ijodkor_qalblar

G. Asqarova she'ri

Elnur Niyozmatov o'qigan

💥☘☘☘💥☘☘☘💥

https://t.me/ijod_zarblari

Сарик дардига чалинди дарахт,
Кушлар тарк этишди ошёнларини.
Армонлар ювишар йиглаб тухтамай,
Тиллоранг куз ёши хазонларини.

🦋☘🦋

Sariq dardiga chalindi daraxt,
Qushlar tark etishdi oshyonlarini.
Armonlar yuvishar yig'lab to'xtamay,
Tillorang ko'zyoshi xazonlarini.

Elnur Niyozmuhammad

@ijodkor_qalblar

* Қадрдон наволар

КЕЛАСАНМИ...

Бугунгидек кўкдан ёғиларкан нур,
Нурафшон боғларда учрашар эдик.
Кўнгилда бир ажиб ҳаловат, ҳузур,
Ҳузурбахш оқшомлар ажрашар эдик.

Келасанми дердим, хайрлашар чоғ,
Келаман деярдинг, секин ийманиб.
Тилимни учида ҳануз шу сўроқ,
Ҳануз юрагимни айлайди майиб.

Биз юрган йўлларни бирга жамласак,
Бориб келиш мумкин Ойга пиёда.
Лекин бағримизда кўнгил жонсарак,
Энди бу гаплардан кимга не фойда?

Ўша боғда яна учрашиб ногоҳ,
Эрта келасанми, келақол десам,
Соғинчлар бағрингни ўртаса, аммо
Келаман демайсан, келгинг келса ҳам...

Тўлаган ТЎХТАЕВ

Акбарали ОЧИЛОВ ижросида

@ijodkor_qalblar

Йиқилди деб ўйламанг,
Ўйламанг синдим, чўкдим...
Келгуси баҳоргача,
Фақат баргимни тўкдим...

© Жалолиддин Румий


@ijodkor_qalblar

#
Bekatdan turibsan, aftoda, abgor,
Bor darding, alaming ichingga yutib.
Soyabon yomg'irdan panohdir lekin,
O'zingdan qocholmay boqasan mahzun...
Yig'laging keladi osmonga o'xshab.
Ko'z yosh-la gardlaring yuvilarmidi,
Titraging keladi daraxtday qaqshab,
Ustingdan gunohlar to'kilarmidi...

Elnur Niyozmuhammad


☺️☀️😢😏🌞

@ijodkor_qalblar

#######
Yuragim bir orom, bir taskin topgan,
Allohim gunohlar eshigin yopgan.
Moʻtabar tuprogʻing koʻzimga surtgan,
Makkai munavvarram, sogʻindim seni.
Choʻgʻday issiq ekan quchoqlaring ham,
Kunduzday charogʻon tun choqlaring ham,
Mehringni barchamiz koʻrganmiz baham,
Makkai munavvarram, sogʻindim seni.
Bir oydin tunlaring farahbaxsh edi,
Issiq bagʻring juda rohatbaxsh edi.
Qani shunda jismim qolsaydi derdim,
Makkai munavvarra sogʻindim seni.
Kunimiz goʻzaldir duolar bilan,
Tunimiz charogʻon ibodat bilan.
Tilimiz burro zikrlar, shukrlar bilan,
Makkai munavvarram, sogʻindim seni.

Elnur Niyozmuhammad

@ijodkor_qalblar