🇺🇿🇮🇩ISFT Institutida Indoneziya universitetlari bilan xalqaro ilmiy tadqiqot va yangi hamkorlik istiqbollari!

2026-yil 19–21-oktyabr kunlari ISFT Institutida Indoneziyaning Universitas Negeri Padang (UNP) va Universitas Pendidikan Indonesia (UPI) universitetlaridan tashrif buyurgan 7 nafar professor-o‘qituvchi va tadqiqotchilar ishtirokida xalqaro ilmiy tadqiqot o‘tkazildi.

🔬Tadqiqot sun’iy intellekt texnologiyalari yordamida talabalarning statistik tafakkurini rivojlantirish, ehtimollar nazariyasini loyihaga asoslangan ta’lim modeli orqali o‘qitish mavzusiga bag‘ishlandi.

📚Uch kun davom etgan tadqiqot jarayonida ISFT Institutining 75 nafardan ortiq talabalari faol ishtirok etib, amaliy mashg‘ulotlar, test sinovlari va ilmiy tajribalarda o‘z bilim hamda ko‘nikmalarini namoyon etdilar. Faollik ko‘rsatgan talabalar indoneziyalik mehmonlar tomonidan esdalik sovg‘alari bilan taqdirlandilar.

Hamkorlikning muhim natijalaridan biri — Indoneziya universitetlari bilan ISFT Institutining Psixologiya va pedagogika kafedrasi hamkorligida qo‘shma ilmiy tadqiqotlarni rivojlantirishga qaratilgan memorandumi (MoU) imzolandi.

Shuningdek, uchrashuvlar davomida hamkorlikni ilmiy tadqiqotlar bilan cheklab qolmasdan, quyidagi yo‘nalishlarda kengaytirish istiqbollari muhokama qilindi:
✅ Student Exchange — talabalar almashinuvi dasturlarini yo‘lga qo‘yish;
✅ Short-term Academic Exchange — talabalar va professor-o‘qituvchilar uchun qisqa muddatli akademik almashinuv dasturlarini tashkil etish;
✅ Staff Training — professor-o‘qituvchilarning xalqaro malaka oshirish va tajriba almashish imkoniyatlarini rivojlantirish;
✅Joint Research — qo‘shma ilmiy loyihalar va xalqaro ilmiy nashrlar ustida hamkorlik qilish.

🎓 Barcha talaba va professor-o‘qituvchilarimizni bunday xalqaro imkoniyatlardan unumli foydalanishga va kelgusi loyihalarda faol ishtirok etishga chorlaymiz!

Instagram | Telegram | YouTube | Facebook

🇺🇿🇰🇷ISFT Instituti va Jeonbuk National University o‘rtasidagi xalqaro hamkorlik yangi bosqichga ko‘tarilmoqda!

ISFT Instituti va Janubiy Koreyaning nufuzli oliy ta’lim muassasalaridan biri — Jeonbuk National University (JBNU) o‘rtasidagi xalqaro hamkorlik yangi bosqichga ko‘tarilmoqda. Koreyada boshlangan hamkorlik tashabbuslari endilikda ISFT Instituti da davom etib, ikki oliy ta’lim muassasasi o‘rtasida Talabalar almashinuvi to‘g‘risidagi bitim (Student Exchange Agreement) imzolanishi bilan muhim amaliy natijaga aylandi.

ISFT Institutida JBNU rahbariyati va vakillari ishtirokida rasmiy uchrashuv bo‘lib o‘tdi. Unda qo‘shma ta’lim dasturlari, ikki diplomli (Double Degree) dasturlarni yo‘lga qo‘yish, professor-o‘qituvchilar almashinuvi hamda qo‘shma ilmiy tadqiqotlarni amalga oshirish istiqbollari muhokama qilindi.

Imzolangan bitim ISFT Instituti talabalari uchun Janubiy Koreyada tahsil olish, xalqaro akademik tajriba orttirish hamda grant va stipendiya asosida o‘qish imkoniyatlarini yaratadi. Shu bilan birga, JBNU talabalari ham ISFT Institutida ta’lim olish imkoniyatiga ega bo‘ladilar.

Rasmiy uchrashuvdan so‘ng JBNU vakillari ISFT Instituti talabalari bilan alohida uchrashuv o‘tkazdilar. Taqdimot davomida talabalar universitet, uning ta’lim imkoniyatlari va almashinuv dasturlari bilan tanishdilar hamda o‘zlarini qiziqtirgan savollarga javob oldilar.

Mazkur tashrif va imzolangan bitim ISFT Instituti hamda Jeonbuk National University o‘rtasidagi hamkorlikni mustahkamlash, talabalar uchun yangi xalqaro imkoniyatlar yaratish va ta’lim hamda ilm-fan sohasidagi aloqalarni rivojlantirish yo‘lidagi muhim qadamdir.

🎓 ISFT Instituti talabalar uchun xalqaro ta’lim, grant va stipendiya imkoniyatlarini kengaytirish hamda nufuzli xorijiy universitetlar bilan hamkorlikni rivojlantirishda davom etadi.

Instagram | Telegram | YouTube | Facebook

🌍BIR TALABA — IKKI UNIVERSITET, XALQARO TAJRIBA VA KATTA IMKONIYATLAR!

🇺🇿🇵🇱ISFT talabasi Azizjon Abrorov bugun ta’lim yo‘lini xalqaro maydonda davom ettirmoqda!

📚ISFT instituti Samarqand filialining 3-kurs Management yo‘nalishi talabasi Azizjon ayni paytda Polshaning Rzeszów University of Technology universitetida exchange dasturi asosida tahsil olmoqda.

Eng muhimi, u ISFTdagi ta’limini davom ettirgan holda xorijda ham bilim va tajriba orttirish imkoniyatiga ega bo‘lmoqda.

🚀ISFTda o‘qib, xalqaro tajriba orttirish — dunyo sari ochilayotgan imkoniyat!

Instagram | Telegram | YouTube | Facebook