ISFT talabalari uchun Janubiy Koreyada tahsil olish imkoniyatlari kengaymoqda

🇺🇿🇰🇷 Avval xabar berganimizdek, ISFT Instituti delegatsiyasining Janubiy Koreyaga xizmat safari doirasida xalqaro hamkorlikni kengaytirish va talabalar uchun yangi imkoniyatlar yaratishga qaratilgan muhim kelishuvlarga erishilmoqda.

Navbatdagi manzil — Woosuk University. Universitet rahbariyati va fakultetlar vakillari bilan o‘tkazilgan uchrashuvlar yakunida Hamkorlik memorandumi (MoU) hamda Talabalar almashinuvi to‘g‘risidagi kelishuv (SEA) imzolandi. Ushbu hujjatlar akademik aloqalarni mustahkamlash va talabalar uchun yangi xalqaro imkoniyatlar yaratishda muhim ahamiyat kasb etadi.

🌍Kelishuvlar ISFT talabalariga Woosuk University’da tahsil olish, xalqaro tajriba orttirish va xorijiy ta’lim muhitida o‘z bilim hamda ko‘nikmalarini rivojlantirish imkonini beradi.

Muzokaralar davomida qo‘shma ta’lim dasturlarini yo‘lga qo‘yish, professor-o‘qituvchilar va fakultetlar o‘rtasidagi hamkorlikni rivojlantirish, qo‘shma ilmiy loyihalar hamda xalqaro konferensiyalar tashkil etish masalalari ham muhokama qilindi.

👉 Ijtimoiy tarmoqlardagi rasmiy sahifalarimizni kuzatib boring!
😁Telegram 📷 Instagram 🗳Facebook ▶️YouTube

Samarqanddan Gwangjugacha: ISFT talabalari uchun yangi xalqaro imkoniyatlar

🇺🇿🇰🇷 ISFT Instituti rahbariyati delegatsiyasining Janubiy Koreyaga xizmat safari doirasida Gwangju shahridagi Honam University vakillari bilan uchrashuv bo‘lib o‘tdi.

❤️ Muzokaralarda turizm, mehmonxona boshqaruvi, menejment va koreys filologiyasi yo‘nalishlarida akademik almashinuvni rivojlantirish, aviatsiya sohasi bo‘yicha yangi ta’lim imkoniyatlarini o‘rganish hamda ISFT professor-o‘qituvchilari uchun 144 soatlik malaka oshirish treningini tashkil etish masalalari muhokama qilindi.

Chet tilini o‘rganayotgan talabalar uchun ajoyib yangilik!

Honam University’da xalqaro aviatsiya sohasi uchun bort kuzatuvchilarini tayyorlash dasturlari ham mavjud. Muzokaralarda ushbu yo‘nalishga alohida e’tibor qaratildi. Bu esa kelgusida xorijiy tillarni puxta egallagan ISFT yoshlari uchun aviatsiya, turizm va xalqaro servis sohalarida yangi kasbiy istiqbollarni yuzaga keltirishi mumkin.

ISFT uchun xalqaro hamkorlikning asosiy maqsadi — erishilgan kelishuvlarni talabalar va professor-o‘qituvchilar uchun real ta’lim hamda kasbiy rivojlanish imkoniyatlariga aylantirishdir.

👉 Ijtimoiy tarmoqlardagi rasmiy sahifalarimizni kuzatib boring!
😁Telegram 📷 Instagram 🗳Facebook ▶️YouTube

ISFTNING KOREYA SAFARI: TALABA-QIZLAR UCHUN YANGI IMKONIYATLAR ESHIGI OCHILMOQDA

🎓 Har bir talabaning o‘z orzusi bor: kimdir xorijda tahsil olishni, kimdir yangi tajriba orttirishni, yana kimdir o‘z kasbining yetuk mutaxassisi bo‘lishni istaydi. Institutimizning xalqaro hamkorlik yo‘lidagi navbatdagi qadami ana shu orzularga yanada yaqinlashtiradigan imkoniyatlarni yaratishga qaratilgan.

Janubiy Koreyaning Busan shahrida institut delegatsiyasi Busan Women’s University bilan hamkorlikni yo‘lga qo‘ydi. Uchrashuv yakunida ikki muhim hujjat — Hamkorlik memorandumi (MoU) va Talabalar almashinuvi to‘g‘risidagi kelishuv (SEA) imzolandi.

Bu kelishuv ISFT talaba-qizlari uchun qanday imkoniyatlar eshgini ochadi?
Endilikda talabalar almashinuvi dasturlari, yozgi va qishki maktablar hamda qisqa muddatli akademik dasturlarda ishtirok etish imkoniyatlarini kengaytirish uchun zamin yaratildi. Bu esa yangi bilimlar, boshqa ta’lim muhiti va xalqaro tajriba sari muhim qadamdir.

🌏Yana bir istiqbolli yo‘nalish — turizm! Busan Women’s University’da Global Tourism Management bakalavriat dasturini ingliz va koreys tillarida yo‘lga qo‘yish rejalashtirilmoqda. Ushbu tashabbus kelgusida turizm va xalqaro xizmat ko‘rsatish sohalarida o‘z yo‘lini topmoqchi bo‘lgan yoshlar uchun yangi imkoniyatlar yaratadi.
Hamkorlik faqat talabalar bilan cheklanmaydi.

Professor-o‘qituvchilar uchun ham malaka oshirish va tajriba almashish imkoniyatlarini rivojlantirish ko‘zda tutilgan.

👉 Ijtimoiy tarmoqlardagi rasmiy sahifalarimizni kuzatib boring!
😁Telegram 📷 Instagram 🗳Facebook ▶️YouTube