​​ကလေးမြို့ တာဟန်းရပ်ကွက်ရှိ စစ်ကောင်စီ ကင်းစခန်း တိုက်ခိုက်ခံရ
============
စစ်ကိုင်းတိုင်း၊ ကလေးမြို့ တာဟန်းရပ်ကွက် ဗိုလ်ချုပ်လမ်းမကြီးနှင့် ဝယ်စလီဆေးရုံ လမ်းထောင့်ရှိ စစ်ကောင်စီတပ် ကင်းစခန်းအား ယနေ့ မတ်လ ၂၉ ရက် နံနက် ၆ နာရီ ဝန်းကျင်တွင် ဝင်ရောက် တိုက် ခိုက်ခဲ့ရာ စစ်ကောင်စီ တပ်သား နှစ်ဦး ထိမှန်ကြောင်း PDF - Kalay က ထုတ်ပြန်သည်။
Kalay Civil Army (KCA) တည်ထောင်မှု တစ်နှစ်ပြည့် အဖြစ် တိုက်ခိုက်ခဲ့ခြင်း ဖြစ်ကြောင်း ထုတ်ပြန်ချက်တွင် ဖော်ပြသည်။
နွေဉီးတော်လှန်ရေး တိုက်ပွဲများ အတွင်း ကျဆုံးခဲ့သော အာဇာနည် သူရဲကောင်းများ၏ သွေးကြွေးကို မဖြစ်မနေ ပြန်လည်ရယူမည် ဖြစ်ကြောင်း ဖော်ပြသည်။
PDF - Kalay စတင် သန္ဓေတည်ခဲ့သော အဖွဲ့အစည်းများ အနက် Kalay Civil Army (KAC) အား တာဟန်း ခံတပ်တွင် စတင် ဖွဲ့စည်းခဲ့ခြင်း ဖြစ်ကြောင်း သိရသည်။
မတ်လ ၂၃ ရက်နေ့ကလည်း စစ်ကောင်စီတပ်နှင့် ပျူစောထီး ပူးပေါင်း အင်အား ၁၀ ဦးခန့်အား မြစ်သာမြစ် အနီး ကြံသာရွာတွင် တိုက်ခိုက်ခဲ့ရာ တစ်ဦး ဒဏ်ရာ ရရှိကြောင်း PDF-Kalay က ထုတ်ပြန် ထားသည်။

#Mizzima
#ကလေးမြို့နယ်
#Kalay Civil Army (KAC )
#PDF-Kalay
#ဝယ်စလီဆေးရုံ

​​ကလေးမြို့နယ်တွင် ၂ ရက်ဆက် ဖြစ်ပွါးသည့်တိုက်ပွဲတွင် စစ်ကောင်စီတပ်သား ၂၅ ဦးသေဆုံးဟု ကာကွယ်ရေးတပ်ဖွဲ့ပြောကြား
======================

စစ်ကိုင်းတိုင်း၊ ကလေးမြို့နယ်အတွင်း နှစ်ရက်ဆက်တိုက် စစ်ကောင်စီတပ်ဖွဲ့နှင့် ကာကွယ်ရေးတပ်ဖွဲ့တို့ ပြင်းထန်တိုက်ပွဲများ ဖြစ်ပွားခဲ့ရာ စစ်ကောင်စီတပ်သား ၂၅ ဦး သေဆုံးသွားကြောင်း ကာကွယ်ရေး တပ်ဖွဲ့ များထံမှ သိရသည်။

“စစ်ကောင်စီတပ်တွေက နတ်ချောင်းရွာထဲက အိမ်တွေကို မီးရှို့နေတုန်း ကျနော်တို့ ပူးပေါင်းတပ်ဖွဲ့တွေ က ဝင်တိုက်ခိုက်ခဲ့ကြတာ” ဟု ချင်းအမျိုးသားကာကွယ်ရေးတပ်ဖွဲ့ (CNDF) ပြောရေးဆိုခွင့်ရှိသူမှ မဇ္စျိမ ကိုပြောသည်။

ဧပြီလ ၁၁ ရက်နေ့ နံနက် ၆ နာရီ ၃၀ မိနစ်တွင် နတ်ချောင်းရွာအတွင်းသို့ ရောက်ရှိနေသော စစ်ကောင်စီအင်အား ၁၀၀ ဝန်းကျင်ခန့်အား နတ်ချောင်းဈေးတန်းနှင့် ပညာဗိဗ္မာန်လမ်းကြားတွင် ပစ်ခတ် တိုက်ခိုက်ခဲ့ရာ စစ်ကောင်စီတပ်မှ ၁၅ ဦးသေဆုံးပြီး အများအပြားဒဏ်ရာရရှိသွားကြောင်းသိရသည်။

နတ်ချောင်းကျေးရွာတွင် လူများနေထိုင်ခြင်းမရှိသော်လည်း ယမန်နေ့တိုက်ပွဲများတွင် စစ်ကောင်စီ တပ်သားများအထိနာခဲ့သဖြင့် ယခုကဲ့သို့ ပြည်သူများ၏နေအိမ်များအား မီးရှို့ခြင်းဖြစ်နိုင်ကြောင်း သုံးသပ် ပြောဆိုသည်။

ယင်းတိုက်ပွဲအား ချင်းကာကွယ်ရေးတပ်ဖွဲ့ (ကလေး ၊ ကဘော် ၊ ဂန့်ဂေါ)CDF – KKG ၊ ပြည်သူ့ ကာကွယ် ရေးတပ်ဖွဲ့ (ကလေး) PDF – Kalay နှင့် ပ.က.ဖ တို့မှ ပူးပေါင်းတိုက်ခိုက်ခဲ့ပြီး CNDF မှ ရဲဘော် နှစ်ဦး လက်နက်ကြီးထိမှန်ဒဏ်ရာရရှိခဲ့ကာ တစ်ဦးမှာ အသက်အန္တရာယ်စိုးရိမ်ရပြီး နောက်တစ်ဦးမှာလည်း ဒဏ်ရာပြင်းထန် ကြောင်းသိရသည်။

ဧပြီလ ၁၀ ရက်နေ့ နံနက် ၁၁ နာရီတွင် ရန်ကြီးအောင်ရွာမှ စစ်ကြောင်းထွက်လာသော စစ်ကောင်စီတပ်ဖွဲ့ ယာဉ်တန်းနှင့် စစ်ကောင်စီ၏ ခြေလျင်တပ်အင်အား ၁၄၀ ခန့်အား ခွေကျိန်ရွာအထွက် တံတားအနီးတွင် ချုံခို၍ကြားဖြတ် အနီးကပ်ပစ်ခတ်တိုက်ခိုက်ခဲ့ကြောင်း ချင်းအမျိုးသား ကာကွယ်ရေးတပ်ဖွဲ့ (CNDF)၏ ထုတ်ပြန်ချက်တွင်ဖော်ပြထားသည်။

ယင်းနေ့ ညနေ ၄ နာရီအချိန်တွင် ချောင်းခွရွာထဲသို့ရောက်ရှိပြီး နေအိမ်များဖောက်ထွင်းကာ ပစ္စည်းများ ခိုးယူ၍ နေအိမ်များမီးရှို့ဖျက်ဆီးနေစဉ်တွင် ချောင်းခွနှင့် နတ်ချောင်းရွာအကြား ထိတွေ့ပစ်ခတ်မှုများ ဖြစ်ပွားခဲ့ပြီး စစ်ကောင်စီတပ်မှ ၁၀ ဦး သေဆုံးပြီး အများအပြားဒဏ်ရာရရှိခဲ့ကြောင်း ဆိုသည်။

ယင်းတိုက်ပွဲအား CNDF နှင့်အတူ CDF – KKG တပ်ရင်း ၃ က ပူးပေါင်းတိုက်ခိုက်ခဲ့ပြီး ၎င်းတို့ဘက်မှ အထိ အခိုက်မရှိကြောင်းဖော်ပြထားသည်။

ယအခုအကြိမ် နတ်ချောင်းကျေးရွာအား စစ်ကောင်စီမှ မီးရှို့ဖျက်ဆီးမှုကြောင့် လူနေအိမ် ၁၀၀ မှ ၁၅၀ အတွင်း ပျက်စီးဆုံးရှုံးနိုင်ပြီး အသေးစိတ်စာရင်းအချက်အလက်များ ပြုစုလျက်ရှိနေကြောင်း ဒေသခံများ ထံမှ သိရသည်။

ကလေးမြို့နယ်တောင်ပိုင်းတွင် လတ်တလော စစ်ရေးတင်းမာမှုအခြေအနေများအရ ကလေး - ဂန့်ဂေါ လမ်းမကြီးအား ဧပြီလ ၉ ရက်မှ ရက်သတ္တပတ်အတွင်း ဖြတ်သန်းသွားလာခြင်းမပြုကြရန် Kalay – PDF က သတိပေး မေတ္တာရပ်ခံထားသည်။

#Mizzima
#စစ်ကိုင်းတိုင်း
#ကလေးမြို့
#CNDF
#Kalay–PDF
#တိုက်ပွဲဖြစ်ပွား
#လူနေအိမ်မီးရှို့ဖျက်ဆီး
=====================
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို ဖိတ်ခေါ်ပါတယ်။ 
သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ 
Follow the link : https://bit.ly/2VhJ12U

Kalay Region Support Center မှ ကမ့်ပိန်းတာဝန်ခံ ကိုဂျပန်ကြီး နှင့် ဆက်သွယ် မေးမြန်ချက် (ရုပ်/သံ)
=====================

“ကျနော်တို့ အားနည်းချက်က လေယာဉ်ပစ်လက်နက်တွေမရှိဘူး။ သူတို့ကို ပြန်တိုက်ခိုက်နိုင်မယ့် တာဝေးပစ်လက်နက်တွေမရှိဘူးပေါ့ ။ သူတို့ရဲ့ တော်ရုံလက်နက်ကြီး ကို မကြောက်ဘူး။ လေယာဉ်ပစ်ကူသာမပါနဲ့ ။ မြေပြင်စစ်ကြောင်းထိုးရင် ကျွန်တော်တို့ကို သူတို့နိုင်တယ်ဆိုတာ မရှိတော့ဘူး ကျနော်တို့ရဲ့အားသာချက်က အဲဒါ”

---------------------------------------------------------------

ပါခွီး

(မဇ္စျိမ)။ ။ စစ်ကိုင်းတိုင်း၊ ကလေးမြို့နယ်အတွင်းရှိ ကျေးရွာတစ်ရွာကို မကြာသေးမီက စစ်ကောင်စီတပ်သည် လေကြောင်းမှ တိုက်ခိုက်ခဲ့ပြီ အခြားရွာများကို လက်နက်ကြီးများဖြင့် ပစ်ခတ်ခဲ့သည်။ ထိုပစ်ခတ်မှုများအတွင်း သေဆုံး၊ ဒဏ်ရာရသည့် ပြည်သူများရှိခဲ့ပြီး ကလေးမြို့ တောင်ဘက် နှင့်မြောက်ဘက်သို့ စစ်ကောင်စီက စစ်ကြောင်းထိုးမည့်အခြေအနေရှိကြောင်း သိရသည်။

ထို့ကြောင့် ပြည်သူ့ကာကွယ်ရေးတပ်မတော်(ကလေး) (PDF – Kalay)အနေဖြင့် စစ်ဆင်ရေးများ ဖော်ဆောင်နိုင်ရန် Kalay Region Support Center (KRSC) က ရန်ပုံငွေကမ်ပိန်း တစ်ခု ပြုလုပ်ထားသည်။ “ကလေးမြို့ကိုကူ တော်လှန်ရေးကိုလှူ” ကမ်ပိန်းကို PDF – Kalay တပ်ဖွဲ့ ထောင်ခြင်း နှစ်နှစ်ပြည်သည့် မေလ ၂၄ရက်မှ ဇွန်လ ၂၂ရက်အတွင်း ကျပ် ၁၀၀,၀၀၀,၀၀၀(သိန်းတစ်ထောင်) ရရှိရန် ရည်မှန်းထားကြောင်း သိရသည်။

လတ်တလော ကလေးမြို့နယ်စစ်ရေး အခြေအနေ၊ PDF နှင့် စစ်ကောင်စီတပ်၏ အားသားချက် ၊ အားနည်းချက်များအပါအဝင် ယခုပြုလုပ်လျက်ရှိသည့် ကမ့်ပိန်း အကြောင်းများကို Kalay Region Support Center (KRSC) မှ ကမ်ပိန်းတာဝန်ခံ ကိုဂျပန်ကြီး ကို မဇ္စျိမ ကဆက်သွယ်မေးမြန်း ထားသည်။

https://youtu.be/_bstiRWqPMc

စာတည်း။ ။အောင်ကျော်ဖြိုး

#Mizzima
#Kalay Region Support Center (KRSC)
#PDF – Kalay
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

#Myanmar military drops 100 #bombs on villages in #Sagaing’s #Kalay, prompting #exodus:

https://eng.mizzima.com/2025/02/16/19236

Joint revolutionary forces capture five #Myanmar military camps in southern #Kalay Township, #junta responds with #airstrikes

https://eng.mizzima.com/2025/02/19/19345