​​ကုန်းကြမ်းမြို့ကို သိမ်းပိုက်ထားပြီး ခလရ (၁၂၅) တပ်ရင်း အလံဖြူပြ လက်နက်ချဟု MNDAA ပြော
====================

ရွှေနွယ်
(မဇ္ဈိမ) ။ ။ ရှမ်းပြည်နယ်မြောက်ပိုင်း၊ လောက်ကိုင်ခရိုင်ရှိ ကုန်းကြမ်းမြို့ကို ယမန်နေ့ နိုဝင်ဘာ ၂၈ ရက်နေ့က အောင်မြင်စွာသိမ်းပိုက်နိုင်ခဲ့ပြီး စစ်ကောင်စီတပ်၏ ခြေလျင်တပ်ရင်း (၁၂၅) မှ စစ်ကောင်စီတပ်သားများ အလံဖြူပြ၍ လက်နက်ချခဲ့ကြောင်း မြန်မာအမျိုးသားဒီမိုကရက်တစ် မဟာမိတ်တပ်မတော် (MNDAA) ပြောခွင့်ရသူ လီကျားဝင်းက မဇ္ဈိမကို ပြောသည်။

"ကုန်းကြမ်းဒေသတခုလုံးကို ထိန်းချုပ်ထားနိုင်ပြီလို့ပြောလို့ရပါတယ်၊ ခလရ (၁၂၅) ကအလံဖြူထောင် လက်နက်ချ အလင်းဝင်လာခဲ့ပြီ" ဟု MNDAA ၏ပြောခွင့်ရသူ လီကျားဝင်းက မဇ္ဈိမကို ပြောသည်။
အလံဖြူပြ လက်နက်ချလာသည့် အမှတ် (၁၂၅) ခြေလျင်တပ်ရင်းသည် လောက်ကိုင် ဒေသကွပ်ကဲမှုစစ်ဌာနချုပ်၏ လက်အောက်ခံတပ်ရင်းတခုဖြစ်ပြီး ယမန်နေ့ နိုဝင်ဘာလ ၂၈ ရက်နေ့တွင် လက်နက်ချလာခြင်းဖြစ်ကြောင်း ပြောသည်။
လက်နက်ချသည့် တပ်ဖွဲ့အရေအတွက်နှင့် သိမ်းဆည်းရရှိသည့် လက်နက်ခဲယမ်း အရေအတွက်ကို စာရင်းပြုစုဆဲဖြစ်သည့်အတွက် မကြာမီတွင် ထုတ်ပြန်ပေးမည်ဖြစ်ကြောင်းလည်း ၎င်းကဆိုသည်။
MNDAA အနေဖြင့် အဆိုပါ ကုန်းကြမ်းမြို့နှင့် အနီးတဝိုက်ဒေသများအား ရှင်းကိုင်းဒေသဟုသာခေါ်ဆိုပြီး စစ်ကောင်စီတပ်သည် ၁၉၉၂ ခုနှစ်မှ စတင်ကာ ကုန်းကြမ်းမြို့ရှိ စစ်စခန်းကို အခိုင်အမာတည်ဆောက်ထားခြင်း ဖြစ်သည်။
၁၉၉၂ ခုနှစ်နောက်ပိုင်းတွင် ကိုးကန့်ဒေသ၌ တိုက်ပွဲများပြင်းထန်မှုရှိခဲ့သော်လည်း အဆိုပါ ကုန်းကြမ်းစခန်းအား MNDAA ဘက်မှသိမ်းပိုက်နိုင်ခြင်းမရှိဘဲ ယခု ၁၀၂၇ စစ်ဆင်ရေးတွင်မှ သိမ်းယူနိုင်ခဲ့ခြင်း ဖြစ်သည်။
"သူက ကွမ်းလုံဗျူဟာကုန်းကဲ့သို့ ခိုင်ခိုင်မာမာတည်ဆောက်ထားတဲ့ စခန်းကြီး တခုဖြစ်တယ်၊ ဆိုတော့ ဒီလို နှစ် ၄၀ ကျော်ကြာ ခိုင်ခိုင်မာမာ တည်ဆောက်လာတဲ့ စခန်းကြီးက ကျွန်တော်တို့ ၁၀၂၇ စစ်ဆင်ရေးမှာ လက်လွတ်ဆုံးရှုံးခဲ့ရပြီဆိုတော့ စစ်ကောင်စီရဲ့ပြိုကွဲမှု အတွင်းပိုင်းကနေ ပျက်စီးနေမှုကိုတော့ တွေ့မြင်နိုင်ပါတယ်" ဟု MNDAA ပြောခွင့်ရသူ လီကျားဝင်းက ပြောသည်။
လောက်ကိုင် ဒကစ လက်အောက်တွင် အမှတ် (၁၂၅)၊ အမှတ် (၁၂၇)၊ အမှတ် (၁၂၈)၊ အမှတ် (၁၂၉) ၊ အမှတ် (၂၃၉)၊ အမှတ် (၃၁၂) နှင့် အမှတ် (၃၂၂) ဟူ၍ ခြေလျင်နှင့် ခြေမြန်တပ်ရင်း ခုနှစ်ခုရှိသည်။
ထိုတပ်ရင်းများအနက် ပြီးခဲ့သည့် နိုဝင်ဘာ ၁၂ ရက်နေ့ကလည်း လောက်ကိုင်အခြေစိုက် ခြေလျင်တပ်ရင်း (၁၂၉) မှ စစ်ကောင်စီတပ်သားများနှင့် မိသားစုဝင်များ တပ်ရင်းလိုက် လက်နက်ချခဲ့ကြသေးသည်။
ထို့ပြင် အမှတ် (၁၂၈) ပါစင်ကျော်တပ်ရင်းကိုလည်း MNDAA က သိမ်းပိုက်ရရှိထားသည်။
စစ်ဆင်ရေး ၁၀၂၇ အတွင်း MNDAA နှင့် မဟာမိတ်ပူးပေါင်းတပ်ဖွဲ့များအနေဖြင့် ရှမ်းပြည်နယ်မြောက်ပိုင်းရှိ ချင်းရွှေဟော်၊ ကြူကုတ်(ပန်ဆိုင်း)၊ ကွမ်းလုံ၊ နမ့်ခမ်း၊ ဖောင်းဆိုင်၊ မုံးကိုးမြို့တို့ကိုလည်း သိမ်းပိုက်ထိန်းချုပ်ထားသည်။
MNDAA နှင့် မဟာမိတ်တပ်ဖွဲ့များသည် လောက်ကိုင်မြို့သိမ်းတိုက်ပွဲအတွက် ဆက်လက်ထိုးစစ်ဆင် တိုက်ခိုက်နေကြပြီး နိုဝင်ဘာလ ၂၇ ရက်နေ့အထိ စစ်ကောင်စီတပ်၏ တပ်စခန်းအကြီး၊ အသေး စုစုပေါင်း ၁၈၀ ကို တိုက်ခိုက်သိမ်းပိုက်ထားသည်။

ပုံအညွှန်း- ကုန်းကြမ်းမြို့ (Photo- Google)
စာတည်း။ ။ နောင်နောင်

#Mizzima
#MNDAA
#ကုန်းကြမ်းမြို့
#မြောက်ပိုင်းသုံးဖွဲ့
#ရှမ်းမြောက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တော်လှန်ရေးအဖွဲ့တွေ ဗုဒ္ဓဘာသာကိုတိုက်ခိုက်နေကြောင်း စစ်ကောင်စီဝါဒဖြန့်(ရုပ်သံသတင်း)
(မဇ္ဈိမ) ။ ။MNDAAတပ်ဖွဲ့ဝင်တဦးက စေတီတဆူကို ...
https://www.youtube.com/watch?v=XTd4B3VhiFw

သံချပ်ကာတစီးပေါ်မှာကလေးတွေကိုတင်ဆောင်ထားတဲ့ရုပ်သံတခုလူမှုကွန်ရက်စာမျက်နှာမှာပျံ့နှံ့
သံချပ်ကာကားတစီးပေါ်မှာ စစ်ဝတ်စုံဝတ်ထားတဲ့ လူတဦးနဲ့ ...
https://www.youtube.com/watch?v=c16crv5bagE

https://www.youtube.com/watch?v=BIPwwp2OgyQ
MNDAA ထိန်းချုပ်ထားတဲ့ လားရှိုးဆေးရုံမှာ ကုသစရိတ်မြင့်မားမှုကြောင့် မြို့ခံတွေ ဝေဖန် (ရုပ်သံ)

Talks between the #MNDAA and the #Myanmar #junta in #Kunming fail over #Lashio control
https://eng.mizzima.com/2025/03/27/20500

https://www.youtube.com/watch?v=8Qsg5gXQkuY
“MNDAA, TNLAတို့က တရုတ်ရဲ့ ဖိအားဆိုတာထက် မက်လုံးပေါ့ဗျ” ဒေါက်တာလှကျော်ဇော်

https://www.youtube.com/watch?v=MNqeL4jawzA
TNLAနဲ့ MNDAA က တော်လှန်ရေးနဲ့ပတ်သက်ပြီး လူမျိုးရေးခွဲခြားထားတယ်ဆိုတဲ့ သတင်းအမှား

နွေဦးတော်လှန်ရေး နေ့စဉ်မှတ်စု (၁၄ မတ် ၂၀၂၆ )

၁၀၂၇ စစ်ဆင်ရေးအတွင်း တအာင်းတပ် TNLA သိမ်းပိုက်ထားသည့် ရှမ်းပြည်နယ်မြောက်ပိုင်းက ကွတ်ခိုင်တွင် ညီနောင်သုံးဖွဲ့ အဖွဲ့ဝင်များဖြစ်ကြသည့် TNLA နှင့် ကိုးကန့်တပ် MNDAA တို့ကြား ယနေ့ (မတ်လ ၁၄ ရက်) တွင် တိုက်ပွဲဖြစ်ပွားနေကြောင်း မြေပြင်သတင်းရင်းမြစ်များနှင့် ဒေသခံများထံမှ သိရသည်။

♦ သတင်း အပြည့်အစုံကို ကွန်းမန့်ရှိလင့်မှတဆင့် ဝင်ရောက်ဖတ်ရှုနိုင်ပါသည်။

#ကွတ်ခိုင်မြို့
#TNLA
#MNDAA
#မဇ္ဈိမသတင်းဌာန
#MizzimaBurmeseNews
#နေ့စဉ်မှတ်စု
------------------------------------------

နွေဦးတော်လှန်ရေး နေ့စဉ်မှတ်စု (၁၇ မတ် ၂၀၂၆ )

ပဋိပက္ခဖြစ်ပွားနေသည့် ညီနောင်မဟာမိတ်အဖွဲ့ဝင် တအာင်းတပ် (TNLA) နှင့် ကိုးကန့်တပ် (MND AA ) ခေါင်း ဆောင်များသည် အပစ်ရပ်ကိစ္စ ညှိနှိုင်းရန် ယနေ့ (မတ်လ ၁၇ ရက်) တွင် လောက်ကိုင်မြို့သို့ ရောက်ရှိနေပြီဖြစ်ကြောင်း TNLA ပြောရေးဆိုခွင့်ရှိသူ လွေးယေဦးက မဇ္ဈိမကို ပြောသည်။

♦ သတင်း အပြည့်အစုံကို ကွန်းမန့်ရှိလင့်မှတဆင့် ဝင်ရောက်ဖတ်ရှုနိုင်ပါသည်။

#ပဋိပက္ခ
#ညီနောင်သုံးဖွဲ့
#ကွတ်ခိုင်
#MNDAA
#TNA
#မဇ္ဈိမသတင်းဌာန
#MizzimaBurmeseNews
#နေ့စဉ်မှတ်စု
-------------------------------------------

နွေဦးတော်လှန်ရေး နေ့စဉ်မှတ်စု (၁၈ မတ် ၂၀၂၆ )

ရှမ်းပြည်နယ်မြောက်ပိုင်းတွင် ဖြစ်ပွားခဲ့သော မြန်မာအမျိုးသားဒီမိုကရက်တစ်မဟာမိတ်တပ်မတော် (MNDAA) နှင့် တအာင်းအမျိုးသားလွတ်မြောက်ရေးတပ်မတော် (TNLA) တို့အကြား ပဋိပက္ခကို ငြိမ်းချမ်းစွာဖြေရှင်းရန် နှစ်ဖက်ခေါင်းဆောင်များ တွေ့ဆုံဆွေးနွေးနေမှုကို အမျိုးသားညီညွတ်ရေးအစိုးရ (NUG) ယာယီသမ္မတ ဒူဝါလရှီးလက ကြိုဆိုလိုက်ပြီး တော်လှန်ရေးအကျိုးစီးပွားကို ရှေးရှုရန် တိုက်တွန်းလိုက်သည်။

♦ သတင်း အပြည့်အစုံကို ကွန်းမန့်ရှိလင့်မှတဆင့် ဝင်ရောက်ဖတ်ရှုနိုင်ပါသည်။

#NUG
#TNLA
#ရှမ်းပြည်နယ်
#MNDAA
#မဇ္ဈိမသတင်းဌာန
#MizzimaBurmeseNews
#နေ့စဉ်မှတ်စု
-------------------------------------------