​​ဘီးလင်း၊ ကျိုက်ထို နှင့်သထုံရှိ စစ်ကောင်စီ၊ BGF စခန်းများ တိုက်ခိုက်ခံရ၊ အရာရှိ ၂ ဦး သေဆုံးပြီး ဒဏ်ရာရသူများပြား

YT
(မဇ္ဈိမ)။ ။ ကရင်အမျိုးသားအစည်းအရုံး (KNU)၊ တပ်မဟာ (၁) နယ်မြေ၊ သထုံခရိုင်၊ ကျိုက်ထိုမြို့နယ်၊ သထုံမြို့နယ်နှင့် ဘီးလင်းမြို့နယ်ရှိ စစ်ကောင်စီတပ်စခန်း၊ ၎င်း ၏ လက်အောက်ခံ BGF စခန်းတို့ တိုက်ခိုက်ခံရပြီး အရာရှိ နှစ်ဦး သေဆုံးကာ ဒဏ်ရာရသူများပြား‌ေကြာင်း သိရသည်။
ယနေ့ ဧပြီလ ၉ ရက်နေ့ နံနက် ၁၀ နာရီ ၅၀ မိနစ်အချိန်တွင် ဘီးလင်းမြို့နယ်ရှိ မဲလံ BGF စခန်းအား KNU တပ်မဟာ(၁) ၊ KNLA၊ KRF၊ PPDF- KD၊ PDF ပူးပေါင်းတပ်ဖွဲ့မှ ဒရုန်းဖြင့် တိုက်ခိုက်ခဲ့ကြောင်း KRF ၏ တာဝန်ရှိသူထံက သိရသည်။
“ ကျွန်တော်တို့ ပူးပေါင်းအဖွဲ့ကနေ ဒရုန်းမစ်ရှင်လုပ်တာပေါ့။ အရာရှိ နှစ်ယောက်ကျတယ်လို့တော့ သိရတယ်။ နာမည်တွေက မိုးစက်နဲ့ မြဝင်းလို့သိရတယ်။ ဒါ သူတို့အတွင်း သတင်းက လှမ်းပြောပေးတာပါ " ဟု KRF တာဝန်ခံ ကိုအေးမင်းထွန်းက မဇ္ဈိမကိုပြောသည်။
မဲလံစခန်းတွင် BGF သာမက စစ်ကောင်စီတပ်သားများပါ ပူးပေါင်းအထိုင်ချနေပြီး ဒရုန်းမစ်ရှင်အတွင်း မဲလံစခန်းရှိ စစ်ကောင်စီနှင့် BGF တပ်သားများက လက်နက်ကြီး၊ လက်နက်ငယ်များဖြင့် ပြန်လည်ပစ်ခတ်ခဲ့ပြီး ပူးပေါင်းတပ်ဖွဲ့ဘက်တွင် အထိအခိုက်မရှိခဲ့ကြောင်း ကိုအေးမင်းထွန်းထံက သိရသည်။
ဒါ့အပြင် ယနေ့ နံနက် ၁၀ နာရီဝန်းကျင်တွင် ကျိုက်ထိုမြို့နယ်၊ တောင်ကလေးကျေးရွာ အခြေစိုက် တပ်မ- ၄၄ ဌာနချုပ်အား KNLA၊ KRF၊ PDF ပါဝင်သော ပူးပေါင်းတပ်ဖွဲ့က လက်နက်ကြီးလေးလုံးဖြင့် သွားရောက်တိုက်ခိုက်ခဲ့သေးကြောင်း၊ အထိအခိုက်အကျအဆုံးများအား စုံစမ်းနေဆဲဖြစ်ကြောင်း ကိုအေးမင်းထွန်းထံက သိရသည်။
ပြီးခဲ့သည့် ဧပြီလ ၇ ရက်နေ့ နံနက်အစောပိုင်းကလည်း သထုံမြို့၊ ဝီယော်ကျေးရွာအခြေစိုက် ခမရ (၉ ) တပ်ရင်းအား KNLA ပါဝင်သော ပြည်သူ့ကာကွယ်ရေးပူးပေါင်းတပ်ဖွဲ့က လက်နက်ကြီးများဖြင့် သွားရောက်တိုက်ခိုက်ခဲ့ကြောင်း သိရသည်။
လက်နက်ကြီးဖြင့် တိုက်ခိုက်ခံရမှုကြောင့် စစ်ကောင်စီတပ်တွင် အထိအခိုက်ရှိနိုင်သော်လည်း စုံစမ်းနေဆဲဖြစ်ပြီး၊ ထိုတိုက်ခိုက်မှုအပြီးတွင် ခမရ(၉) စစ်ကောင်စီတပ်မှ ဝီယော်ကျေးရွာ၊ ချောင်းစောင့်ကျေးရွာ၊ မိကျောင်းအိုင်ကျေးရွာနှင့် မရမ်းကုန်းကျေးရွာဘက်များအား လက်နက်ကြီးများဖြင့် ပြန်လည်ပစ်ခတ်ခဲ့ကြောင်းသိရသည်။
KNU တပ်မဟာ (၁) နယ်မြေ၊ သထုံခရိုင်တွင် စစ်ကောင်စီ၊ BGF အထိုင်စခန်း၊ တပ်စခန်းများအား KNLA၊ PDF ပါဝင်သော ပူးပေါင်းတပ်ဖွဲ့များမှ လက်နက်ကြီး၊ ဒရုန်းများဖြင့် မကြာခဏ မစ်ရှင်ဖော်ဆောင် တိုက်ခိုက်မှုများ ပြုလုပ်လျက်ရှိကြောင်း သိရသည်။
စာတည်း။ ။ အောင်ကျော်ဖြိုး
#Mizzima
#BGF
#အရာရှိ ၂ ဦးသေဆုံး

​​သင်္ဃန်းညီနောင်တွင် BGF ကားနှင့် တိုက်မိ၍ အရပ်သား ၁ ဦး သေဆုံး

YT
(မဇ္ဈိမ)။ ။ကရင်ပြည်နယ်၊ မြဝတီမြို့နယ်၊ သင်္ဃန်းညီနောင်ရွာသစ် ဘုန်းကြီးကျောင်းအနီးတွင် ဆိုင်ကယ် စီးနင်းလာသောအရပ်သားတစ်ဦး ကရင်နယ်ခြားစောင့်တပ်(BGF)များ စီးနင်းလာသောကားမှဝင် တိုက်ခဲ့ ၍ သေဆုံးသွားကြောင်း မြဝတီမြို့နယ်ရှိ ဒေသခံများက မဇ္ဈိမကို ပြောသည်။
သေဆုံးသူမှာ သင်္ဃန်းညီနောင် လက်ဖက်ရည်ဆိုင်ပိုင်ရှင်၏သားဖြစ်သူ အသက်(၂၁)နှစ်အရွယ်ရှိ ကိုလင်း ထက်အောင်ဖြစ်ပြီး မေလ ၆ ရက်နေ့ ည ၇ နာရီဝန်းကျင်တွင် ကားတိုက်ခံရခြင်း ဖြစ်သည်။
“သင်္ဃန်းညီနောင် လက်ဖက်ရည်ဆိုင်ပိုင်ရှင်ရဲ့သားပါ၊ နေရာမှာတင် ပွဲချင်းပြီးဆုံးသွားပါတယ်” ဟု မြဝတီ မြို့နယ်မှ ဒေသခံတစ်ဦးက ပြောသည်။
ကိုလင်းထက်အောင် ဆိုင်ကယ်စီးနင်းနေစဉ် သင်္ဃန်းညီနောင်ရွာသစ် ဘုန်းကြီးကျောင်းအရှေ့ အရောက် ၌ ကားတိုက်ခံခဲ့ရခြင်းဖြစ်ပြီး နေရာတွင်ပင် ပွဲချင်းပြီး သေဆုံးခဲ့ကြောင်း သိရသည်။
BGF တပ်သားများစီးနင်းလာသောကားသည် ကိုလင်းထက်အောင်စီးလာသော ဆိုင်ကယ်အားတိုက်မိ ချိန်တွင် ကားကို မရပ်ဘဲဆက်လက်မောင်းနင်ခဲ့မှုကြောင့် ကားနှင့်ပွတ်ဆွဲသကဲ့သို့ဖြစ်သွား၍ အသက်ဆုံး ရှုံးခဲ့ရခြင်းဖြစ်သည်ဟု ကိုလင်းထက်အောင်၏ မိသားစုနှင့် နီးစပ်သူတစ်ဦးက ပြောသည်။
“ကျွန်မတို့တော့မမြင်ရဘူး အနီးအနားက ကားဆရာတွေပြောပြတာက တိုက်တိုက်ချင်း ကားရပ်လိုက် ရင် ကလေးကမသေဘူး၊ ဆက်မောင်းတော့ ဆိုင်ကယ်ရောလူပါ ကားနဲ့ ဆွဲပြီးပါသွားတာ” ဟု မိသားစုနှင့် နီးစပ်သူတစ်ဦးက မဇ္ဈိမကိုပြောသည်။
ဝင်တိုက်ခဲ့သောကားသည် BGF အဖွဲ့အစည်းပိုင်ကားဖြစ်ပြီး သွားရောက်ကူညီမည့်ဒေသခံများကို သေနတ်ပစ်ဖောက်ခြောက်လှန့်သဖြင့် ထိုသူများ ထွက်သွားပြီးနောက်မှသာ အခြေအနေအား သွားရောက် ကြည့်ရှုနိုင်ခဲ့ကြောင်းလည်း ပြောသည်။
ကိုလင်းထက်အောင်သည် သာမန်အနေအေးသော လူငယ်တစ်ဦးဖြစ်ပြီး ရန်ုငြှိုးရန်စ နည်းသူတစ်ဦးဖြစ် ကြောင်း ၎င်း၏ မိသားစုနှင့် နီးစပ်သူက ပြောသည်။
ကရင်ပြည်နယ်၊ မြဝတီမြို့နယ်၊ သင်္ဃန်းညီနောင်ကျေးရွာ၊ အာရှလမ်းမကြီးလမ်းပိုင်းတွင် ဧပြီလ ပထမ ပတ်က KNLA ပူးပေါင်းတပ်ဖွဲ့နှင့် စစ်ကောင်စီတပ်၊ BGF ပူးပေါင်းတပ်တို့အကြား တိုက်ပွဲများ ပြင်းပြင်း ထန်ထန်ဖြစ်ပွားခဲ့ပြီး သင်္ဃန်းညီနောင်ရဲစခန်းလည်း တိုက်ခိုက်ခံခဲ့ရသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
#သင်္ဃန်းညီနောင်
#BGF
#မြဝတီမြို့နယ်
#Mizzima
ဓာတ်ပုံ- BGF တပ်သားများကို တွေ့ရစဉ် (ပုံဟောင်း)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​လေးလအတွင်း တိုက်ပွဲပေါင်း ၁,၆၀၀ ကျော်ဖြစ်ပွားခဲ့ဟု KNU ထုတ်ပြန်
====================

YT
(မဇ္ဈိမ)။ ။ကရင်အမျိုးသားအစည်းအရုံး(KNU)၊ ကော်သူးလေအုပ်ချုပ်နယ်မြေများတွင် ၂၀၂၃ ခုနှစ်၊ ဇန်နဝါရီလမှဧပြီလထိ လေးလအတွင်း တိုက်ပွဲပေါင်း ၁,၆၄၂ ကြိမ် ဖြစ်ပွားခဲ့ကြောင်း KNU (ဗဟို) က ယနေ့ မေလ ၁၁ ရက်နေ့တွင် ထုတ်ပြန်သည်။

၂၀၂၃ ခုနှစ် ဇန်နဝါရီလမှဧပြီလအတွင်း ကရင်အမျိုးသားလွတ်မြောက်ရေးတပ်မတော် (KNLA)၊ ကရင် အမျိုးသားကာကွယ်ရေးတပ်ဖွဲ့ (KNDO)တို့နှင့် စစ်ကောင်စီတပ်၊ ၎င်းတို့၏လက်အောက်ခံ ကရင်နယ် ခြားစောင့်တပ် (BGF) တို့အကြား တိုက်ပွဲပေါင်း ၁,၆၄၂ ကြိမ်ဖြစ်ပွားခဲ့ခြင်းဖြစ်သည်။

ထိုတိုက်ပွဲများအတွင်း စစ်ကောင်စီဘက်မှ တပ်ရင်းမှူး လေးဦး၊ ဒု-တပ်ရင်းမှူး ငါးဦးအပါအဝင် ၁,၇၃၆ ဦးသေဆုံး၍ ၁,၁၈၈ ဦး ထိခိုက်ဒဏ်ရာရခဲ့သည်ဟု ထုတ်ပြန်ချက်တွင် ဖော်ပြသည်။

လေးလအတွင်း ဖြစ်ပွားခဲ့သောတိုက်ပွဲများအတွင်း KNLA ၊ KNDO ဘက်မှလည်း ရဲဘော် ၅၉ ဦး ကျဆုံး ခဲ့ကာ ၁၉၆ ဦး ထိခိုက်ဒဏ်ရာရခဲ့ကြောင်း သိရသည်။

ကော်သူးလေအုပ်ချုပ်နယ်မြေများတွင် စစ်ကောင်စီတပ်နှင့် BGF တို့၏ စစ်ရေးလှုပ်ရှားမှုများ၊ လူ့အခွင့် အရေး ချိုးဖောက်မှုများကြောင့် ဒေသခံပြည်သူ ၄၀၀,၀၀၀ ကျော် ဘေးကင်းရာသို့ တိမ်းရှောင်နေခဲ့ရ သည်။

ထို့ပြင် ဒေသခံ ၁၀၀,၀၀၀ ကျော်၏ လုပ်ငန်းခွင်များပျက်စီးခဲ့ရကာ KNU အနေဖြင့် စစ်ဘေးရှောင်ပြည်သူ ၄၀၀,၀၀၀ ကျော်အနက် ပြည်သူ ၈၅,၀၀၀ အတွက်သာ လစဉ် စားနပ်ရိက္ခာများ ထောက်ပံ့ပေးနိုင်လျက် ရှိကြောင်း ဖော်ပြထားသည်။

“ KNU အနေဖြင့် စစ်ကောင်စီတပ်အား နိုင်ငံရေး၊ စစ်ရေးအရ ရင်ဆိုင်နေရသည်သာမက ကော်သူးလေ အုပ်ချုပ်နယ်မြေများအတွင်းဖြစ်ပွားသော တိုက်ပွဲများကြောင့် ထွက်ပြေးတိမ်းရှောင်နေကြရသည့် ပြည်သူ လူထုများ၏ လိုအပ်ချက်များကိုလည်း ကြိုးစားပြီး ကိုင်တွယ်ဖြေရှင်းနေကြရလျက်ရှိသည်” ဟု ထုတ်ပြန် ချက်ကဆိုသည်။

စစ်ဘေးရှောင်နေရသော ပြည်သူများအနေဖြင့် စားနပ်ရိက္ခာမလုံလောက်မှု၊ အမိုးအကာ မလုံလောက်မှု၊ ဆေးဝါးမလုံလောက်မှု ပြသနာများအား ကြုံတွေ့နေရပြီး လူသားချင်းစာနာထောက်ထားမှုဆိုင်ရာ အကူ အညီများလိုအပ်နေကြောင်း KNU ကဆိုသည်။
စစ်ကောင်စီအာဏာသိမ်းသည့် ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၃ နှစ် မတ်လအထိ နှစ်နှစ် ကျော်ကာလအတွင်း KNU နယ်မြေများတွင် စစ်ကောင်စီတပ်နှင့် ၎င်း၏လက်အောက်ခံ BGF တို့မှ ကျူးလွန်ခဲ့သော လူ့အခွင့်အရေးချိုးဖောက်မှု အကြိမ်ရေပေါင်း ၂,၀၀၀ ကျော်ရှိကြောင်း KNU မှ ထုတ် ပြန်ခဲ့သည့် အစီရင်ခံများတွင်ဖော်ပြထားချက်အရ သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#တိုက်ပွဲ
#လူ့အခွင့်အရေးချိုးဖောက်မှု
#KNU
#KNLA
#BGF
#စစ်ကောင်စီတပ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

BGF စခန်းအား KNLA ဝင်ရောက်တိုက်ခိုက်၊ တပ်ခွဲမှူးအပါအဝင် ၅ ဦးသေဆုံး
======================

YT
(မဇ္ဈိမ)။ ။ကရင်အမျိုးသားအစည်းအရုံး (KNU)​၊ တပ်မဟာ(၅)နယ်မြေ၊ မူတြော်ခရိုင် ( ဖာပွန်ခရိုင်)၊ဒွယ်လိုးမြို့နယ်၊ ကတဲတိကျေးရွာနှင့် ထီးကဆောမဲကျေးရွာအကြားရှိကရင်နယ်ခြားစောင့်တပ်(BGF)ဂိတ်စခန်းအား ကရင်အမျိုးသားလွတ်မြောက်ရေးတပ်မတော်(KNLA)က သွားရောက်တိုက်ခိုက်ခဲ့ကြောင်း KNU-မူတြော်သတင်းစဉ်က ယနေ့ မေလ ၂၄ ရက်နေ့တွင် ထုတ်ပြန်သည်။

မေလ ၂၀ ရက်နေ့ ညနေ ၃ နာရီ ၃၀ မိနစ်တွင်ကတဲတိကျေးရွာနှင့်ထီးကဆောမဲကျေးရွာအကြားရှိ BGF ဂိတ်စခန်အား တပ်မဟာ(၅) KNLA ၊ တပ်ရင်း(၁၀၂)နှင့် တပ်ခွဲများမှ ဝင်ရောက်တိုက်ခိုက်ခဲ့ခြင်းဖြစ်ပြီး BGFဘက်မှ တပ်ခွဲမှူး စောဘာယိုအပါအဝင် ငါးဦးသေဆုံးခဲ့ပြီး BGF ပိုင်ဆိုင်သော ကားတစ်စီးအား မီးရှို့ဖျက်ဆီးခဲ့ကြောင်းသိရသည်။

အဆိုပါစခန်းမှ BGF တပ်သားများသည် ဖြတ်သန်းသွားလာနေသောဒေသခံများထံမှ ဆက်ကြေး ကောက် ခံလျက်ရှိသောဂိတ်ဖြစ်ကြောင်းထုတ်ပြန်ချက်တွင် ဖော်ပြထားသည်။

KNUတပ်မဟာ(၅)နယ်မြေအတွင်း BGF တပ်ရင်း (၁၀၁၃)နှင့် တပ်ရင်း(၁၀၁၄)တို့ အဓိကလှုပ်ရှားလျက် ရှိပြီး တပ်ရင်း(၁၀၁၁)သည်တပ်မဟာ(၅)နှင့် တပ်မဟာ(၁)အစပ်တွင် လှုပ်ရှားနေကြောင်း၊ အဆိုပါ BGF တပ်များသည် စစ်ကောင်စီတပ်များနှင့်ပူးတွဲ၍ စစ်ကြောင်းဖွဲ့လှုပ်ရှားကြကြောင်း KNU တပ်မဟာ(၅)မှ ပြောရေးဆိုခွင့်ရှိသူ ဒုဗိုလ်မှူးကြီး စောကလယ်ဒို့ကပြောသည်။

တပ်မဟာ(၅)မှာအခြေချလှုပ်ရှားတဲ့ BGFတပ်ရင်းက (၁၀၁၃)နဲ့ (၁၀၁၄) တပ်ရင်း နှစ်ရင်းဖြစ်တယ်။ တပ်ရင်း(၁၀၁၁)ကျတော့ တပ်မဟာ (၅)မှာတဝက်နဲ့တပ်မဟာ(၁)မှာတဝက် တာဝန်ယူလှုပ်ရှားတယ်။

သူတို့ရဲ့လှုပ်ရှားမှုကစစ်ကောင်စီတပ်နဲ့တွဲပြီး စစ်ကြောင်းဖွဲ့အတူလှုပ်ရှားတယ်။ စစ်ကောင်စီတပ် လက် နက်ခဲယမ်းနဲ့ရိက္ခာကိုဝိုင်းဝန်းသယ်ကူပေးတယ်” ဒုဗိုလ်မှူးကြီး စောကလယ်ဒို့ကမဇ္ဈိမကိုပြောသည်။

KNUတပ်မဟာ (၅) နယ်မြေအတွင်း အထိုင်ချလှုပ်ရှားနေသောစစ်ကောင်စီတပ်သားများနှင့် ၎င်းတို့​၏ လက်အောက်ခံ BGF များသည် လက်နက်ကြီးများဖြင့် ကျေးရွာများ၊ဥယျာဉ်ခြံများအတွင်း ပစ်ခတ်ခြင်း များပြုလုပ်လျက်ရှိကြောင်းလည်း သိရသည်။

ပြီးခဲ့သည့် မေလ ၁၉ ရက်နေ့ကလည်း BGF(၁၀၁၃)တပ်ရင်းမှူး မောင်လှကြိုင်​၏ အမိန့်ပေးစေခိုင်းချက် အရ ဖိုဃဲထာကျေးရွာအတွင်းသို့ လက်နက်ကြီးများဖြင့် ပစ်ခတ်ခဲ့ရာ ဖိုဃဲထာကျေးရွာမှ အသက်(၂၁) နှစ် အရွယ်ရှိ စောကျော်ခူ ထိမှန်ဒဏ်ရာရခဲ့ပြီး နေအိမ်နှစ်လုံးထိခိုက်ပျက်စီးခဲ့ရကြောင်း သိရသည်။

မေလ ၁ ရက်မှ ၁၅ ရက်နေ့အတွင်း KNUတပ်မဟာ(၅)နယ်မြေတွင် KNLA နှင့် စစ်ကောင်စီတပ်အကြား တိုက်ပွဲ ၆၃ ကြိမ်ဖြစ်ပွားခဲ့ပြီးစစ်ကောင်စီတပ်မှ တပ်ခွဲမှူးတဦး၊ ဒု- ခွဲမှူးတဦး၊ တပ်ကြပ်တဦးအပါအဝင် ၂၆ဦးသေဆုံးခဲ့ကြောင်း သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#KNUတပ်မဟာ(၅)
#KNLA
#BGF
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

KNU တပ်မဟာ (၅)အတွင်းသို့ စစ်ကောင်စီတပ်နှင့် BGFများ စစ်ကြောင်းထိုးလျက်ရှိ
=======================

YT
(မဇ္ဈိမ) ။ ။ ကရင်အမျိုးသားအစည်းအရုံး (KNU)​၊ တပ်မဟာ (၅)နယ်မြေ၊ မူတြော်ခရိုင် (ကရင်ပြည်နယ်၊ ဖာပွန်ခရိုင်)အတွင်းသို့ စစ်ကောင်စီတပ်သားများနှင့် ၎င်း​၏ လက်အောက်ခံ ကရင်နယ်ခြားစောင့်တပ်(BGF) များက စစ်ကြောင်းထိုးလျက်ရှိနေကြောင်း တပ်မဟာ (၅) KNLA သတင်းအရင်းအမြစ်တစ်ဦးထံက သိရသည်။

၂၀၂၃ ခုနှစ်၊ မေလနောက်ဆုံးအပတ်မှစတင်၍ တပ်မဟာ(၅) နယ်မြေ၊ ကမမောင်းမြို့အတွင်း စစ်ကောင်စီတပ်သားများနှင့် BGF တပ်သား ၁၀၀ နီးပါးရောက်ရှိနေပြီး ဖာပွန်မြို့ အထက်ဘက်တွင်လည်း စစ်ကောင်စီတပ်စစ်ကြောင်းတစ်ကြောင်းရှိနေကာ တပ်မဟာ (၅) KNLA တပ်ဖွဲ့များနှင့် နေ့စဉ်ထိတွေ့တိုက်ပွဲများ ဖြစ်ပွားလျက်ရှိကြောင်း သိရသည်။

" ပြောက်ကျား​ ပစ်ခတ်မှုကတော့ နေ့တိုင်း အမြဲရှိတယ်။ အရင်ရှိပြီးသား စခန်းအထိုင်တွေနဲ့ ရောနေပြီလား။ မိမိဖက်က ပစ်ပြီး ဘေးကင်းနေရာပြန်လာနေတော့ သူတို့လုပ်ရှားမှု အတိကျမရဘူး" ဟု တပ်မဟာ (၅) KNLA သတင်းအရင်းအမြစ်တစ်ဦးက မဇ္ဈိမကိုပြောသည်။

လက်ရှိတွင် ဖာပွန်မြို့အထက်ဘက်ရှိ စစ်ကောင်စီတပ်စစ်ကြောင်းသည် လယ်တိုးစစ်ကောင်စီတပ်စခန်းနှင့် မယ်ခါးထာ့အကြား စခန်းချရန် အစီအစဥ်ရှိသည်ဟု သတင်းရထားကြောင်း တပ်မဟာ (၅) KNLA သတင်းအရင်းအမြစ်က ဆိုသည်။

ပြီးခဲ့သည့် မေလ ၂၆ ရက်နေ့၊ နံနက် ၆ နာရီ ၁၃ မိနစ်အချိန်က ဝါးဒူးကျေးရွာနှင့် လယ်ကွဲကျေးရွာကြားရှိ ဓာတ်ဆီဆိုင်တစ်ဆိုင်တွင် ကင်းစောင့်၍ လုံခြုံရေးယူနေသော BGF တပ်ရင်း(၁၀၁၃) မှ တပ်သားများအား တပ်မဟာ (၅) KNLA တပ်ရင်း(၁၀၂ )မှ ရဲဘော်များက ဝင်ရောက်တိုက်ခိုက်ခဲ့ရာ BGF ဘက်မှ ငါးဦးသေဆုံးခဲ့ကြောင်း KNU- မူတြော်သတင်းစဉ်က မေလ ၂၈ ရက်နေ့ ရက်စွဲဖြင့်ထုတ်ပြန်သည်။

အဆိုပါတိုက်ပွဲအတွင်း BGF များ​၏ M-၁၆ AR လေးလက်၊ ကျည်ဘောက် လေးချပ်၊ ကျည်တောင့် ၃၂၀ တောင့်၊ M-၇၉ လောင်ချာတစ်လက်၊ M-၇၉ ကျည် ၁၇ လုံး၊ ၉-မမ ပစ္စတိုတစ်လက်၊ စစ်ဝတ်စုံလေးစုံ၊ စကားပြောစက်တစ်လုံး၊ ကျောပိုးအိတ်ခြောက်လုံးတို့အား သိမ်းဆည်းရမိခဲ့ကြောင်း ထုတ်ပြန်ချက်တွင် ဖော်ပြထားသည်။

ပြီးခဲ့သည့် မေလ ၂၃ ရက်နေ့ကလည်း လယ်မူပလောမြို့နယ်၊ ယိုဒိုခိုနှင့် ယူဂိုလော် ဒေသကြားရှိ စစ်ကောင်စီတပ်နှင့် BGF တပ်စခန်းများအား တပ်မဟာ (၅) KNLA လက်အောက်ရှိ တပ်ရင်းရဲဘော်များက ပြောက်ကျားစစ်ဖြင့် ရှောင်တခင် ဝင်ရောက်တိုက်ခိုက်ခဲ့ပြီး စစ်ကောင်စီတပ်သား လေးဦးသေဆုံးခဲ့ကြောင်း KNU မူတြော်သတင်းစဉ်က မေလ ၂၆ ရက်နေ့က သတင်းထုတ်ပြန်ခဲ့သေးသည်။

စာတည်း - သန့်ဇော်(သန်လျင်)

#mizzima
#စစ်ကောင်စီတပ်
#BGF
#တြော်ခရိုင်
#KNU
#ကရင်ပြည်နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရွှေကုက္ကိုလ်မြို့သစ်စီမံကိန်းနှင့် တရုတ်မြို့သစ်စီမံကိန်းနေရာများကို ထိုင်းနိုင်ငံက လျှပ်စစ်မီးဖြတ်တောက်
===================

သွင်းထူးဈာန်
(ကော်သူးလေ)မဇ္ဈိမ။ ။ ကရင်ပြည်နယ် မြဝတီခရိုင်အတွင်းရှိ ရွှေကုက္ကိုလ်မြို့သစ်စီမံကိန်းနှင့် KK Park အမည်ရတရုတ်မြို့သစ်စီမံကိန်းများကို ထိုင်းနိင်ငံက ယမန်နေ့ဇွန် ၅ ရက် ည ၁၂ နာရီမှ စတင်ပြီး လျှပ်စစ်မီး ဖြတ်တောက်လိုက်ကြောင်း သတင်းရရှိသည်။
“မီးဖြတ်လိုက်တာ ဟုတ်တယ်။ မနေ့ညက စပြီးဖျက်လိုက်တာပေါ့။ တရုတ်စီမံကိန်း‌နေရာတွေတင်မဟုတ်ဘူး၊ ရွာတွေပါမီးမရတော့ဘူး"ဟု ရွှေကုက္ကိုလ်မြို့သစ်စီမံကိန်းအနီးရှိ မင်းလက်ပံရွာဒေသခံတစ်ဦးကပြောသည်။

ယခုဖြစ်စဉ်သည်ရွှေကုက္ကိုလ်မြို့သစ်စီမံကိန်းနှင့် KK Park တရုတ်မြို့သစ်စီမံကိန်းအတွင်းမှ လောင်းကစားရုံများကို အဓိကထား၍မီးဖြတ်လိုက်ခြင်းဟု သိရသည်။ ထို့ကြောင့် လျှပ်စစ်မီးပြန်လည် ရရှ်ိရေးအတွက် ကရင်နယ်‌ခြားစောင့်တပ် BGF ခေါင်းဆောင်များက ထိုင်းဖက်နှင့် ညှိနှိုင်းနေကြောင်း မဇ္ဈိမ၏ သတင်းရင်းမြစ်များကပြောသည်

" ဖြတ်လိုက်တဲ့နေရာတွေက BGFထိန်းချုပ်တဲ့နေရာတွေပဲ။ BGFက ဗိုလ်တင်ဝင်းနဲ့ စောချစ်သူတို့က ထိုင်းဖက်နဲ့ညှိနှိုင်းနေတယ်လို့ကြားတယ်”ဟု မင်းလက်ပံရွာဒေသခံက ဆက်ပြောသည်။
ယခုကဲ့သို့ ထိုင်းဖက်မှ လျှပ်စစ်မီးဖြတ်တောက်လိုက်ခြင်းကြောင့် ရွှေကုက္ကိုလ်မြို့နှင့် အနီးကျေးရွာများနှင့် လေးကေကော်ဒေသရှိ မယ်ထော်လေး၊ပဟိကလော်၊အင်ကြင်းမြိုင်၊မင်းလက်ပံနှင့်မေတ္တာလင်းမြိုင်ကျေးရွာတို့တွင် လျှပ်စစ်မီးပြတ်တောက်ခဲ့သည်။

လောင်းကစားရုံများကို အဓိကထား၍လျှပ်စစ်မီးဖြတ်တောက်လိုက်ခြင်းဖြစ်သော်လည်း မီးစက်အကြီးစားများအသုံးပြုကာ အွန်လိုင်းလောင်းကစားလုပ်ငန်းများ ဆက်လက်လုပ်ဆောင်နေကြောင်းသိရသည်။ လျှပ်စစ်မီးအပြင် ရွှေကုက္ကိုလ်ဒေသ အင်တာနက်မြန်နှုန်းများကိုလည်း ထိုင်းနိုင်ငံဘက်က လျှော့ချထား သည်ဟု ဒေသခံများကပြောသည်။

လျှပ်စစ်မီးဖြတ်တောက်ရန်အတွက် ထိုင်းနိုင်ငံရှိ မြန်မာသံရုံးမှ ထိုင်းအစိုးရကို တောင်းဆိုခဲ့ခြင်းဖြစ်ကြောင်း သတင်းများထွက်ပေါ်နေသည်။ထို့အပြင်ယခု မီးဖြတ်တောက်မှုသည် မြန်မာနိုင်ငံဆိုင်ရာ တရုတ်သံအမတ်က စစ်ကောင်စီနှင့် မေလ ၃၁ ရက်က သွားရောက်တွေ့ဆုံပြီး မြန်မာ-ထိုင်းနယ်စပ်မှ အွန်လိုင်းဂိမ်းလောင်းကစား ဂိုဏ်းများ၊ နယ်စပ်ပြဿနာများကို ပူးပေါင်းဖြေရှင်းရေးအရှိန်မြှင့်ရန် တိုက်တွန်းပြီးနောက်ဖြစ်ပေါ်လာခြင်း ဖြစ်သည်။ ထို့အပြင် နယ်စပ်တလျှောက် အင်တာနက်လိမ်လည်မှုနှင့်ပတ်သက်သည့် ရာဇဝတ်ဂိုဏ်းများကို တရုတ် - မြန်မာ - ထိုင်း ပူးတွဲဖြေရှင်းရန် တရုတ်က တိုက်တွန်းခဲ့ကြောင်း သတင်းရရှိသည်။

ထိုင်း-မြန်မာနယ်စပ်ရှိ ရွှေကုက္ကိုလ်အပါအဝင် တရုတ်စီမံကိန်းများသည် မြို့သစ်စီမံကိန်းဟု အကြောင်းပြကာ လူကုန်ကူးမှုများ၊အွန်လိုင်းလိမ်လည်မှု၊မူးယစ်ဆေးဝါးမှုနှင့်လောင်းကစားများကို ပြုလုပ်နေခြင်းဖြစ်ပြီး အာရှဒေသမှ ရာဇဝတ်ဂိုဏ်းများ ခိုလှုံရာနေရာဖြစ်ကြောင်း နိုင်ငံတကာသတင်းဌာနများမှ ရေးသားဖော်ပြထားကြသည်။

ယင်း လုပ်ငန်းကို တရုတ်ရာဇဝတ်ဂိုဏ်းများက အဓိကဦးဆောင်လုပ်ကိုင်နေပြီး BGFတပ်ဖွဲ့အပါအဝင် ကရင့်လက်နက်ကိုင်တပ်ဖွဲ့အချို့လည်း ပါဝင်ပတ်သက်မှုရှိနေကြောင်း ဒေသတွင်း သတင်းအရင်းအမြစ်အချို့ကပြောသည်။

လတ်တလောဖြစ်ရပ်များနှင့်ပတ်သက်၍ BGFအပါအဝင် ကရင့်လက်နက်ကိုင်တပ်ဖွဲ့အချို့၏ တာဝန်ရှိသူများထံ ဆက်သွယ်မေးမြန်းရန်ကြိုးစားသော်လည်း မရရှိသေးပေ။

ရွှေကုက္ကိုမြို့သစ်စီမံကိန်းသည် ကရင်ပြည်နယ်၊ မြဝတီမြို့၏ မြောက်ဘက်ဆယ်မိုင်အကွာ မြန်မာ-ထိုင်းနယ်စပ် သောင်ရင်းမြစ်ဘေးတွင် အကောင်အထည်ဖော်နေသော စီမံကိန်းတစ်ခုဖြစ်သည်။

ကရင်ပြည်နယ်၏ China Town ဟု လူသိများသည်။အဆိုပါစီမံကိန်းကို ကရင်ပြည်နယ် နယ်ခြားစောင့်တပ်ဖွဲ့ BGFနှင့် ဟောင်ကောင်တွင် မှတ်ပုံတင်ထားသော တရုတ်ကုမ္ပဏီ ရထိုက်နိုင်ငံတကာဦးပိုင်အုပ်စု(Yatai International Holdings Group) တို့ ပူးပေါင်း၍ လုပ်ကိုင်နေသည်ဟု မြန်မာ့ဗျုဟာနှင့်မူဝါဒလေ့လာရေးအင်စတီကျု - ISP Myanmar က ဖော်ပြထားသည်။ KK Park မြို့သစ်စီမံကိန်းမှာလည်း မြို့သစ်စီမံကိန်းအမည်ခံပြီး လောင်းကစားလုပ်ငန်းများလုပ်နေသည့်ဒေသဟု နာမည်ကြီးသည်။

စာတည်း - မောင်ကြီး

#mizzima
#ရွှေကုက္ကိုလ်မြို့သစ်စီမံကိန်း
#လျှပ်စစ်မီးဖြတ်တောက်
#BGF
Photo လေးကေကော်မြို့သစ်နောက်အနီးမှ တရုတ်စီမံကိန်းများ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖားဆောင်းတွင် နယ်ခြားစောင့် ကင်းစခန်း ၃ ခုကို တိုက်ခိုက်၊ စစ်ကောင်စီနှင့် BGF ၂၀ ဝန်းကျင်သေဆုံး
===================

YT

(မဇ္ဈိမ) ။ ။ ထိုင်း - မြန်မာ နယ်စပ် ကရင်နီပြည်နယ်၊ ဖားဆောင်းမြို့နယ်ရှိ စစ်ကောင်စီနှင့် နယ်ခြားစောင့်တပ် (BGF) ၏ ကင်းစခန်း သုံးခုအား ဝင်ရောက်တိုက်ခိုက်ခဲ့ကြောင်း
ပြည်သူ့ကာကွယ်ရေးတပ်ဖွဲ့များ၏ မဟာဗျူဟာလေ့လာရေး မှတ်တမ်းဌာနတာဝန်ခံနှင့် ဒေသတွင်း သတင်းရင်းမြစ်တစ်ဦးထံက သိရသည်။

ပြီးခဲ့သည့် ဇွန်လ ၂၁ ရက်နေ့မှစ၍ ဖားဆောင်းမြို့နယ်၊ ကွက်သစ်တောင်ပေါ်ကျေးရွာအခြေစိုက် စစ်ကောင်စီ ခြေလျင်တပ်ရင်း ခလရ (၁၃၄)၊ ခလရ (၁၃၅) ကင်းစခန်းများနှင့် ပတောင် (ဖားဆောင်း) အခြေစိုက် BGF တပ်ရင်းဗျူဟာကုန်းတို့အား ကရင်နီတပ်မတော် (KA)၊ ကရင်နီအမျိုးသားများ ခုခံကာကွယ်ရေးတပ် (KNDF)၊ ပြည်သူ့ကာကွယ်ရေးတပ်ဖွဲ့ (PDF) များက အင်အား ၃၀၀ ကျော်ဖြင့် ဝင်ရောက်တိုက်ခိုက်ခဲ့ခြင်းဖြစ်သည်။

အဆိုပါ စစ်ကောင်စီနှင့် BGF ကင်းစခန်း အသီးသီးတွင် စစ်ကောင်စီ အင်အား ၅၀ ကျော်အထိုင်ချလျက်ရှိပြီး နှစ်ဖက် ပစ်ခတ်မှုများသည် ယမန်နေ့ ဇွန်လ ၂၃ ရက်နေ့အထိ ပြင်းထန်ခဲ့ကြောင်း သိရသည်။

" ၂၁ ရက်ကနေ ၂၃ ရက်နေ့အထိ တိုက်ပွဲပြင်းထန်နေတာပါ။ သူတို့ဘက်က ၂၀ လောက်ကျတယ်။ ကိုယ်တွေဘက်က ဒဏ်ရာရတဲ့သူရှိပေမယ့် ကျဆုံးသူမရှိသေးဘူး" ဟု ပြည်သူ့ကာကွယ်ရေးတပ်ဖွဲ့များ၏ မဟာဗျူဟာလေ့လာရေး မှတ်တမ်းဌာနတာဝန်ခံက မဇ္ဈိမကိုပြောသည်။

တိုက်ခိုက်မှုများအတွင်း စစ်ကောင်စီဘက်မှ လေကြောင်းတိုက်ခိုက်မှုကိုပါ အသုံးပြုခဲ့‌ပြီး ကရင်နီတော်လှန်ရေး တပ်ပေါင်းစုများဘက်တွင်လည်း ထိခိုက်ဒဏ်ရာရခဲ့ကြောင်း သိရသည်။

အဆိုပါ ပစ်ခတ်တိုက်ခိုက်မှုများကြောင့် ဖားဆောင်းမြို့နယ်၊ ကွက်သစ်တောင်ပေါ်၊ ပတောင်ဒေသ အနီးတစ်ဝိုက်မှ ဒေသခံများသည် ထိုင်းနိုင်ငံ၊ မယ့်ဟောင်ဆောင်ခရိုင်ဘက်သို့ ထွက်ပြေးတိမ်းရှောင်နေကြရကြောင်း ဒေသတွင်း သတင်းရင်းမြစ်ထံက သိရသည်။

" တိုက်ပွဲတွေ အများကြီးဖြစ်နေကြတာ။ ဒေသခံတွေလည်း မယ့်ဟောင်ဆောင်ဘက်ကို တိမ်းရှောင်နေတာရှိတယ်" ဟု ဆိုသည်။

ကရင်နီပြည်နယ်အတွင်းရှိ တော်လှန်ရေးတပ်ပေါင်းစုများအနေဖြင့် ၎င်းတို့ တိုက်ခိုက်နိုင်ခြေရှိသော စစ်ကောင်စီတပ်စခန်းများကို သိမ်းပိုက်ခြင်းဖြစ်ပြီး စစ်ကောင်စီဘက်မှလည်း ထိုစခန်းများအား ပြန်လည်သိမ်းပိုက်နိုင်ရေးအတွက် ပြန်လည်ကြိုးစားလာနိုင်ကြောင်း ပြည်သူ့ကာကွယ်ရေးတပ်ဖွဲ့များ၏ မဟာဗျူဟာလေ့လာရေး မှတ်တမ်းဌာနတာဝန်ခံက ဆိုသည်။

"ကရင်နီ တပ်ပေါင်းစုရဲ့စစ်ရေး ရည်မှန်ချက်ကလည်း အတွင်းပိုင်းမြို့တွေကို စကစတပ်တွေ ဖိတိုက်နေတဲ့အချိန် ကိုယ်အတွက် နိုင်ခြေရှိမယ့် စခန်းတွေကို တက်သိမ်းပြတဲ့ အနေအထားပါ။စစ်ကောင်စီကလည်း ပြန်သိမ်းဖို့ လုပ်မှာပါ" ဟု ပြည်သူ့ကာကွယ်ရေးတပ်ဖွဲ့များ၏ မဟာဗျူဟာလေ့လာရေး မှတ်တမ်းဌာနတာဝန်ခံက ဆက်လက်ပြောဆိုသည်။

ပြီးခဲ့သည့် ဇွန်လ ၂၀ ရက်နေ့ကလည်း ဖားဆောင်းမြို့နယ်အခြေစိုက် ခလရ (၁၃၄) နှင့် (၁၃၅) စခန်းတို့အား ကရင်နီတော်လှန်ရေးတပ်ပေါင်းစုများက ဒရုန်းဖြင့် ဗုံးသီးချ တိုက်ခိုက်ခဲ့သေးပြီး အဆိုပါတိုက်ခိုက်မှုအတွင်း စစ်ကောင်စီ တပ်ကြပ်ကြီး အောင်ချမ်းငြိမ်းအပါအဝင် သုံးဦး သေဆုံးခဲ့ကြောင်း သိရသည်။

https://youtu.be/5UnGN_JfinA

စာတည်း ။ ။အောင်ကျော်ဖြိုး
#Mizzima
#ဖားဆောင်းမြို့နယ်
#BGF
#၂၀ ဝန်းကျင် သေဆုံး

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

တော်လှန်ရေး အင်အားစုတွေနဲ့အတူ စစ်ကောင်စီတပ်ကို တိုက်ခိုက်သွားမယ်လို့ ကလလတတပ် ကြေညာ
================

ဂျူချန်း
(မဇ္ဈိမ)။ ။ ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ) အနေနဲ့ တော်လှန်ရေး အင်အားစုတွေနဲ့ ပူးပေါင်းပြိး အာဏာသိမ်းစစ်ကောင်စီကို ပြတ်ပြတ်သားသား တိုက်ခိုက်သွားမှာ ဖြစ်တယ်လို့ ဒီနေ့ ဇူလိုင်လ ၁ ရက်နေ့မှာ တရားဝင်အသိပေး ထုတ်ပြန်လိုက်ပါတယ်။

ပြည်ထောင်စုလွှတ်တော်ကိုယ်စားပြုကော်မတီ(CRPH)၊ အမျိုးသားညီညွတ်ရေးအစိုးရ(NUG) နဲ့ နွေဦးတော်လှန်ရေးမှာ တိုက်ပွဲဝင်နေကြတဲ့ တောင်ပေါ်မြေပြန့် ဒေသအနှံ့က တော်လှန်ရေးအဖွဲ့အစည်းတွေအားလုံးနဲ့ ပူးပေါင်းဆောင်ရွက်သွားဖို့ အဆင်သင့်ရှိတယ်လို့လည်း ပြောထားပါတယ်။

ကလလတ တပ်ဖွဲ့ဟာ နွေဦးတော်လှန်ရေးကာလ ကနေစပြီး ကရင်နီလူငယ်တွေကို စစ်သင်တန်းပေးတာအပြင် အဖက်ဖက်ကနေ ကူညီပေးခဲ့ပြီး အခုလို တရားဝင်ကြေညာလိုက်တာဟာ ကရင်နီပြည်မှာရှိတဲ့ လက်နက်ကိုင်အင်အားစုတွေ အားလုံး စည်းစည်းလုံးလုံးနဲ့ တော်လှန်ရေးရဲ့ အရွေ့ နောက်တဆင့်ကို တက်လှမ်းနိုင်ဖို့အတွက်ဖြစ်တယ်လို့ KNDF ဗဟို သတင်းနဲ့ ပြန်ကြားရေးဌာနမှ တာဝန်ရှိသူတစ်ယောက် မဇ္ဈိမကို ပြောပါတယ်။

ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ) ဟာ နအဖ စစ်အစိုးရလက်ထက် ၁၉၉၄ ခုနှစ်မှာ ပစ်အခတ်ရပ်စဲပြီး တပ်ဖွဲ့ဝင်တချို့ကို စစ်အုပ်စုလက်အောက်ခံ နယ်ခြားစောင့်တပ်(BGF) အဖြစ် အသွင်ပြောင်းဖွဲ့စည်းခဲ့တာပါ။
လက်ရှိမှာတော့ ကလလတဟာ စစ်ကောင်စီတပ်ကို ပြန်လည်ခုခံတိုက်ခိုက်နေတဲ့ ပထမဦးဆုံး နယ်ခြားစောင့်တပ်တစ်ခု ဖြစ်လာသလို ဒါဟာ နွေဦးတော်လှန်ရေး အောင်မြင်ဖို့အတွက် အလားအလာကောင်းတစ်ခုဖြစ်တယ်လို့လည်း စစ်ရေးအကဲခတ်တွေက သုံးသပ်နေကြပါတယ်။

https://youtu.be/pRfk5X2IYYs

တည်းဖြတ်/တင်ဆက်= ဂျူချန်း

#ကရင်နီ
#ကလလတ
#BGF
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​တဦးတယောက်အတွက်ကြောင့် တော်လှန်ရေးကို အထိခိုက်ခံမည်မဟုတ်ဟု ကလလတ ပြော
=======================

ဂျူချန်း
(မဇ္ဈိမ)။ ။တဦးတယောက်အတွက်ကြောင့် တော်လှန်ရေးကိုအထိခိုက်ခံမည်မဟုတ်ကြောင်း ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး(ကလလတ)၏ ပြောရေးဆိုခွင့်ရှိသူ တွဲဘက်အထွေထွေ အတွင်းရေးမှူး ရဲဘော်လော်ရင်းစိုးက မဇ္ဈိမသို့ပြောသည်။

တော်လှန်ရေးအင်အားစုများနှင့်ပူးပေါင်းရန်အသင့်ရှိကြောင်း ကလလတ၏ ဇူလိုင် ၁ ရက်နေ့ ထုတ်ပြန် ချက်အပေါ်ဆန့်ကျင်ကြောင်း ကလလတ-ငြိမ်းချမ်းရေးအဖွဲ့ (လွိုင်ကော်ခရိုင်) ဒုတိယဥက္ကဋ္ဌ ထူးကော်က ထုတ်ပြန်လာမှုအပေါ် တုံ့ပြန်လိုက်ခြင်းဖြစ်သည်။

ကလလတ-ငြိမ်းချမ်းရေးအဖွဲ့(လွိုင်ကော်ခရိုင်) ဒုတိယဥက္ကဋ္ဌ ထူးကော်၏လက်မှတ်ဖြင့် စစ်ကောင်စီနှင့် ပူးပေါင်းမည်ဖြစ်ကြောင်း ဆိုထားခြင်းဖြစ်သည်။

အဆိုပါကိစ္စနှင့်ပတ်သက်၍ ကလလတအနေဖြင့် ဇူလိုင် ၁ ရက်နေ့ထုတ်ပြန်ချက်ကို ဗဟိုကော်မတီဝင်နှင့် အရံဗဟိုကော်မတီဝင် ၉၀ ရာခိုင်နှုန်းကျော်၏ သဘောထားဖြင့် ထုတ်ပြန်ခဲ့ခြင်းဖြစ်ကြောင်း ရဲဘော် လော်ရင်းစိုးက ပြောသည်။

ထို့ပြင် ကလလတအနေဖြင့် စစ်ကောင်စီကိုအဆုံးတိုက်ထုတ်သွားမည်ဖြစ်ပြီး အမျိုးသားညီညွတ်ရေး အစိုးရ(NUG) အပါအဝင် တော်လှန်ရေးအင်အားစုများနှင့် ပူးပေါင်းဆောင်ရွက်ရန် အဆင်သင့်ရှိကြောင်း ဆိုသည်။

“ ကျနော်တို့ အဖွဲ့အစည်းရဲ့ ရပ်တည်ချက်ကတော့ အာဏာရှင်စနစ်ကို အမြစ်ပြတ်တဲ့အထိ ပြည်သူလူထု နဲ့ အတူ ရပ်တည်သွားမယ်လို့ တရားဝင်ကြေညာထားပါတယ်။ သူတို့လို တဦးတယောက်နဲ့ ဒီကိစ္စကို အထိခိုက်ခံမှာမဟုတ်ဘူး။ ပြီးတော့ စစ်အုပ်စုနဲ့ပူးပေါင်းတဲ့ပုဂ္ဂိုလ်မှန်သမျှက ပြည်သူလူထုရဲ့ ရန်သူဖြစ် မှာပဲ။ နောက် ကျနော်တို့ရဲ့ရန်သူဖြစ်မှာပဲ။ ခုသူထုတ်ပြန်တဲ့ဟာက ကလလတရဲ့မူအရ တရားမဝင်ပါဘူး။ ဗဟိုကော်မတီသဘောတူညီချက် မဟုတ်ဘဲနဲ့ သူထုတ်ပြန်တဲ့အတွက် သူ့မှာပစ်မှုရှိပါတယ်” ဟု (ကလ လတ) ပြောရေးဆိုခွင့်ရှိသူ တွဲဘက်အထွေထွေအတွင်းရေးမှူး ရဲဘော်လော်ရင်းစိုးက မဇ္ဈိမသို့ပြောသည်။

မယ်စဲ့မြို့၌ တိုက်ပွဲမစတင်မီကာလတွင် အဖွဲ့အစည်းအနေဖြင့် ရဲဘော်ထူးကော်ကို အကြိမ်ကြိမ်ဆွေးနွေး ခဲ့သော်လည်း ၎င်း၏ကိုယ်ကျိုးစီးပွားကြောင့် စစ်ကောင်စီ၏ အသုံးချခံနေရခြင်းဟု ကလလတ ဗဟို ကော်မတီမှ ဇူလိုင်လ ၃ ရက်နေ့တွင် ထုတ်ပြန်ခဲ့သည်။

ထိုထုတ်ပြန်ချက်တွင် ရဲဘော်ထူးကော်အနေဖြင့် ရန်သူနှင့်ပူးပေါင်းပြီး အဖိနှိပ်ခံပြည်သူများ၊ တော်လှန် ရေးနှင့် မိခင်အဖွဲ့အစည်းဖြစ်သည့် ကလလတကို မဆန့်ကျင်မိစေရန်နှင့် ရန်သူ့အကြိုက် လိုက်လုပ်နေ သည့် လုပ်ရပ်များကိုရပ်တန့်စေလိုသည်ဟု သတိပေးထားသည်။

အဆိုပါထုတ်ပြန်ချက်နှင့်ပတ်သက်၍ ကလလတ-ငြိမ်းချမ်းရေးအဖွဲ့(လွိုင်ကော်ခရိုင်)ဒုတိယဥက္ကဋ္ဌ ထူးကော်ထံမဇ္ဈိမမှ ဆက်သွယ်ရန်ကြိုးပမ်းနေသော်လည်း အဆက်အသွယ် မရရှိသေးပေ။
ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ) (KNPLF) အဖွဲ့အစည်းတွင် ဗဟိုကော်မတီဝင် ၃၀ ဦးနှင့် အရံဗဟိုကော်မတီဝင် ငါးဦး စုစုပေါင်း ၃၅ ဦးရှိပြီး ရဲဘော်ထူးကော်သည် ကလလတ ဗဟိုကော်မတီဝင် ဒုတိယဥက္ကဋ္ဌ (၂) ဖြစ်သည်။

ကလလတ ကို နအဖ စစ်အစိုးရလက်ထက် ၁၉၉၄ ခုနှစ်မှစတင်ကာ နယ်ခြားစောင့်တပ် (BGF) အဖြစ် ဖိအားပေးအသွင်ပြောင်းခံထားရကာ လက်ရှိတွင်မယ်စဲ့နှင့် ရွာသစ်မြို့ရှိ BGF အသွင်ပြောင်း ကလလတ တပ်ရင်းနှစ်ခုသည် စစ်ကောင်စီကို ပြန်လည်တိုက်ခိုက်လျက်ရှိသည်။

စာတည်း ။ ။ Alden
စာမူတည်းဖြတ်။ ။စောဖေ

#ကလလတ
#KNPLF
#BGF
#တော်လှန်ရေး
#ငြိမ်းချမ်းရေးအဖွဲ့
ဓါတ်ပုံ- ၂၀၂၀၊ ဇွန်လ ၂၆ ရက်နေ့၊ ကလလတ ၄၂ နှစ်ပြည့် နှစ်ပတ်လည်အခမ်းအနားမှပုံ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​တဦးတယောက်အတွက်ကြောင့် တော်လှန်ရေးကို အထိခိုက်ခံမည်မဟုတ်ဟု ကလလတ ပြော
=======================

ဂျူချန်း
(မဇ္ဈိမ)။ ။တဦးတယောက်အတွက်ကြောင့် တော်လှန်ရေးကိုအထိခိုက်ခံမည်မဟုတ်ကြောင်း ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး(ကလလတ)၏ ပြောရေးဆိုခွင့်ရှိသူ တွဲဘက်အထွေထွေ အတွင်းရေးမှူး ရဲဘော်လော်ရင်းစိုးက မဇ္ဈိမသို့ပြောသည်။

တော်လှန်ရေးအင်အားစုများနှင့်ပူးပေါင်းရန်အသင့်ရှိကြောင်း ကလလတ၏ ဇူလိုင် ၁ ရက်နေ့ ထုတ်ပြန် ချက်အပေါ်ဆန့်ကျင်ကြောင်း ကလလတ-ငြိမ်းချမ်းရေးအဖွဲ့ (လွိုင်ကော်ခရိုင်) ဒုတိယဥက္ကဋ္ဌ ထူးကော်က ထုတ်ပြန်လာမှုအပေါ် တုံ့ပြန်လိုက်ခြင်းဖြစ်သည်။

ကလလတ-ငြိမ်းချမ်းရေးအဖွဲ့(လွိုင်ကော်ခရိုင်) ဒုတိယဥက္ကဋ္ဌ ထူးကော်၏လက်မှတ်ဖြင့် စစ်ကောင်စီနှင့် ပူးပေါင်းမည်ဖြစ်ကြောင်း ဆိုထားခြင်းဖြစ်သည်။

အဆိုပါကိစ္စနှင့်ပတ်သက်၍ ကလလတအနေဖြင့် ဇူလိုင် ၁ ရက်နေ့ထုတ်ပြန်ချက်ကို ဗဟိုကော်မတီဝင်နှင့် အရံဗဟိုကော်မတီဝင် ၉၀ ရာခိုင်နှုန်းကျော်၏ သဘောထားဖြင့် ထုတ်ပြန်ခဲ့ခြင်းဖြစ်ကြောင်း ရဲဘော် လော်ရင်းစိုးက ပြောသည်။

ထို့ပြင် ကလလတအနေဖြင့် စစ်ကောင်စီကိုအဆုံးတိုက်ထုတ်သွားမည်ဖြစ်ပြီး အမျိုးသားညီညွတ်ရေး အစိုးရ(NUG) အပါအဝင် တော်လှန်ရေးအင်အားစုများနှင့် ပူးပေါင်းဆောင်ရွက်ရန် အဆင်သင့်ရှိကြောင်း ဆိုသည်။

“ ကျနော်တို့ အဖွဲ့အစည်းရဲ့ ရပ်တည်ချက်ကတော့ အာဏာရှင်စနစ်ကို အမြစ်ပြတ်တဲ့အထိ ပြည်သူလူထု နဲ့ အတူ ရပ်တည်သွားမယ်လို့ တရားဝင်ကြေညာထားပါတယ်။ သူတို့လို တဦးတယောက်နဲ့ ဒီကိစ္စကို အထိခိုက်ခံမှာမဟုတ်ဘူး။ ပြီးတော့ စစ်အုပ်စုနဲ့ပူးပေါင်းတဲ့ပုဂ္ဂိုလ်မှန်သမျှက ပြည်သူလူထုရဲ့ ရန်သူဖြစ် မှာပဲ။ နောက် ကျနော်တို့ရဲ့ရန်သူဖြစ်မှာပဲ။ ခုသူထုတ်ပြန်တဲ့ဟာက ကလလတရဲ့မူအရ တရားမဝင်ပါဘူး။ ဗဟိုကော်မတီသဘောတူညီချက် မဟုတ်ဘဲနဲ့ သူထုတ်ပြန်တဲ့အတွက် သူ့မှာပစ်မှုရှိပါတယ်” ဟု (ကလ လတ) ပြောရေးဆိုခွင့်ရှိသူ တွဲဘက်အထွေထွေအတွင်းရေးမှူး ရဲဘော်လော်ရင်းစိုးက မဇ္ဈိမသို့ပြောသည်။

မယ်စဲ့မြို့၌ တိုက်ပွဲမစတင်မီကာလတွင် အဖွဲ့အစည်းအနေဖြင့် ရဲဘော်ထူးကော်ကို အကြိမ်ကြိမ်ဆွေးနွေး ခဲ့သော်လည်း ၎င်း၏ကိုယ်ကျိုးစီးပွားကြောင့် စစ်ကောင်စီ၏ အသုံးချခံနေရခြင်းဟု ကလလတ ဗဟို ကော်မတီမှ ဇူလိုင်လ ၃ ရက်နေ့တွင် ထုတ်ပြန်ခဲ့သည်။

ထိုထုတ်ပြန်ချက်တွင် ရဲဘော်ထူးကော်အနေဖြင့် ရန်သူနှင့်ပူးပေါင်းပြီး အဖိနှိပ်ခံပြည်သူများ၊ တော်လှန် ရေးနှင့် မိခင်အဖွဲ့အစည်းဖြစ်သည့် ကလလတကို မဆန့်ကျင်မိစေရန်နှင့် ရန်သူ့အကြိုက် လိုက်လုပ်နေ သည့် လုပ်ရပ်များကိုရပ်တန့်စေလိုသည်ဟု သတိပေးထားသည်။

အဆိုပါထုတ်ပြန်ချက်နှင့်ပတ်သက်၍ ကလလတ-ငြိမ်းချမ်းရေးအဖွဲ့(လွိုင်ကော်ခရိုင်)ဒုတိယဥက္ကဋ္ဌ ထူးကော်ထံမဇ္ဈိမမှ ဆက်သွယ်ရန်ကြိုးပမ်းနေသော်လည်း အဆက်အသွယ် မရရှိသေးပေ။
ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ) (KNPLF) အဖွဲ့အစည်းတွင် ဗဟိုကော်မတီဝင် ၃၀ ဦးနှင့် အရံဗဟိုကော်မတီဝင် ငါးဦး စုစုပေါင်း ၃၅ ဦးရှိပြီး ရဲဘော်ထူးကော်သည် ကလလတ ဗဟိုကော်မတီဝင် ဒုတိယဥက္ကဋ္ဌ (၂) ဖြစ်သည်။

ကလလတ ကို နအဖ စစ်အစိုးရလက်ထက် ၁၉၉၄ ခုနှစ်မှစတင်ကာ နယ်ခြားစောင့်တပ် (BGF) အဖြစ် ဖိအားပေးအသွင်ပြောင်းခံထားရကာ လက်ရှိတွင်မယ်စဲ့နှင့် ရွာသစ်မြို့ရှိ BGF အသွင်ပြောင်း ကလလတ တပ်ရင်းနှစ်ခုသည် စစ်ကောင်စီကို ပြန်လည်တိုက်ခိုက်လျက်ရှိသည်။

စာတည်း ။ ။ Alden
စာမူတည်းဖြတ်။ ။စောဖေ

#ကလလတ
#KNPLF
#BGF
#တော်လှန်ရေး
#ငြိမ်းချမ်းရေးအဖွဲ့
ဓါတ်ပုံ- ၂၀၂၀၊ ဇွန်လ ၂၆ ရက်နေ့၊ ကလလတ ၄၂ နှစ်ပြည့် နှစ်ပတ်လည်အခမ်းအနားမှပုံ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​လက်ခတ်တောင်စခန်းကို စစ်ကောင်စီတပ်က လေယာဉ် ၃စီးဖြင့် ဗုံးကြဲ
=====================

သွင်ထူးဈာန်
ကော်သူးလေ(မဇ္ဈိမ)။ ။ ကရင်ပြည်နယ်၊ မြဝတီမြို့အနီး KNU တပ်မဟာ(၆) ထိန်းချုပ်နယ်မြေအတွင်းရှိ လက်ခတ်တောင်စခန်းကုန်းကို ယနေ့ ဩဂုတ်လ ၁၈ရက်နေ့ နေ့လယ် ၁ နာရီခွဲဝန်းကျင်တွင် စစ်ကောင်စီတပ်မှ တိုက်လေယာဉ် သုံးစီးဖြင့် ဗုံးကြဲတိုက်ခိုက်ခဲ့ကြောင်း ရှေ့တန်းရောက်ရှိနေသည့် မဇ္ဈိမသတင်းထောက်က အတည်ပြုပြောကြားသည်။

“နေ့လယ် ၁နာရီ ၂၅မိနစ်လောက်မှာ ပထမဆုံးတလုံး ကြဲတယ်၊ နောက် ငါးမိနစ်မှာ ဒုတိယအလုံး၊ ၁၀မိနစ်လောက်မှာ တတိယအလုံးကြဲတယ်၊ လာကြဲတာက သုံးစီး၊ တိုက်လေယာဉ်လို့ပဲ ခန့်မှန်းလို့ပဲရမယ်၊ အမျိုးအစားမသိသေးဘူး၊ အရင်လို လေယာဉ်သံ အရင်ကြားပြီးမှ ဗုံးကြဲတာမဟုတ်ဘူး၊ ဗုံးကြဲပြီးမှ လေယာဉ်သံကြားတာ” ဟု မဇ္ဈိမသတင်းထောက်က ပြောသည်။

လက်ခတ်တောင်ပေါ်ရှိ စခန်းများကို ဗုံး သုံးလုံးဖြင့် စစ်ကောက်စီမှ လေကြောင်းတိုက်ခိုက်ခဲ့ပြီး ယင်းတိုက်ခိုက်မှုကြောင့် သာသနိကအဆောက်အဦများ ပျက်စီးခဲ့ကာ တော်လှန်ရေးတပ်ဖွဲ့များဘက်မှ ထိခိုက်မှုမရှိခဲ့ကြောင်းသိရသည်။

အဆိုပါ လက်ခတ်တောင်စခန်းကုန်းကို ပြည်သူ့ကာကွယ်ရေးတပ်ဖွဲ့များဖြစ်သည့် ကော်ဘရာစစ်ကြောင်း(၁)နှင့် ကျားသစ်နက်စစ်ကြောင်းတို့မှ ဇူလိုင်လ၂၁ရက်နေ့တွင် တိုက်ခိုက်သိမ်းယူနိုင်ခဲ့ခြင်းဖြစ်သည်။

သိမ်းပိုက်ခံလိုက်ရသည့် လက်ခတ်တောင်စခန်းကုန်းကို စစ်ကောင်စီမှ ပြန်လည်သိမ်းယူရန် ၁၀ကြိမ်ကျော် စစ်ကြောင်းထိုး ထိုးစစ်ဆင်နေသော်လည်း အထိအခိုက်အကျဆုံးများကာ တပ်ဆုတ်ခွာခဲ့ရသည်။

ပြီးခဲ့သည့် ဩဂုတ်လ ၁၅ရက်နေ့တွင် စစ်ကောင်စီတပ် တပ်မ(၄၄) လက်အောက်ခံ တပ်ရင်းများနှင့် ဗိုလ်ချစ်သူ ဦးဆောင်သည့် ကရင်နယ်ခြားစောင့်တပ်(BGF)တို့မှ မြေပြင်အင်အား အလုံးအရင်းဖြင့် စစ်ကြောင်းထိုးရုံမက လေကြောင်းတိုက်ခိုက်မှုကိုပါ ပြုလုပ်ခဲ့သော်လည် သေဆုံးအထိအခိုက်များကာ ဆုတ်ခွာထွက်ပြေးခဲ့ရကြောင်း ကော်ဘရာစစ်ကြောင်းထံမှ သိရသည်။

အဆိုပါနေ့ တိုက်ပွဲတွင် စစ်ကောင်စီတပ်မှ ဗိုလ်ကြီးတဦး၊ ဗိုလ်မှူးတဦး အပါအဝင် ၁၅ဦးသေဆုံး ၂၁ဦးဒဏ်ရာရရှိကာ တော်လှန်ရေးပူးပေါင်းတပ်ဖွဲ့မှ နှစ်ဦးကျဆုံးကာ ငါးဦးထိခိုက်ဒဏ်ရာရရှိခဲ့ကြောင်း သိရသည်။

စာတည်း - သန့်ဇော်(သန်လျင်)

#mizzima
#BGF
#ကရင်ပြည်နယ်
#မြဝတီမြို့
#Hardnews
#Ethnic

ပုံစာ - ကော်ဘရာစစ်ကြောင်း

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကျိုက်ထိုတွင် BGF ဗိုလ်ကြီးနှင့် ဇနီးပစ်ခတ်ခံရပြီးသေဆုံး
===================

ဂျူချန်း
(မဇ္ဈိမ)။ ။ မွန်ပြည်နယ်၊ ကျိုက်ထိုမြို့မှ စစ်ကောင်စီလက်အောက်ခံ ကရင်ပြည််နယ်ခြားစောင့်တပ်BGFဗိုလ်ကြီးနှင့် ဇနီးဖြစ်သူသည် ယမန်နေ့ ဩဂုတ်လ ၂၄ ရက် နံနက်က ပစ်ခတ်ခံရပြီး သေဆုံးသွားခဲ့ကြောင်း ကျိုက်ထိုတော်လှန်ရေးအင်အားစု KRF နှင့်ပဲခူးစစ်ဒေသခွဲက သတင်းထုတ်ပြန်သည်။

ကျိုက်ထိုမြို့မှ BGFမှ စီးပွားရေးတာဝန်ခံ ဗိုလ်ကြီးဝင်းစိုးကို ဝေါမြို့နယ်ပကဖ နှင့် ကျိုက်ထိုတော်လှန်ရေးအင်အားစု (KRF) တို့ ပူးပေါင်း၍ ကျိုက်ထိုမြို့ ကော့ထင်းကျေးရွာနှင့် ဘုရားကြီးကျေးရွာအနီးတွင် ဩဂုတ်လ၂၄ရက် နံနက် ၇နာရီ ၃၀မိနစ်ခန့်က ပစ်ခတ်ခဲ့ခြင်းဟု သိရသည်။

BGF မှ ဗိုလ်ကြီးဝင်းစိုးမောင်းနှင်လာသော Mark II ကားကို တော်လှန်ရေးပူးပေါင်းတပ်ဖွဲ့က ပစ်ခတ်တိုက်ခိုက်ရာ ကားမှာ မြောင်းထဲ ထိုးကျသွားပြီး ဗိုလ်ကြီးဝင်းစိုးနှင့် ဇနီးဖြစ်သူ ပွဲချင်းပြီး သေဆုံးသွားခဲ့သည်ဟု ပဲခူးစစ်ဒေသခွဲက ထုတ်ပြန်ထားသည်။ ထို့အပြင်သေနတ်နှစ်လက်၊ ဖုန်းတလုံးနှင့် သက်သေခံကတ်ပြားများ သိမ်းဆည်းရရှိခဲ့သည်ဟု ထုတ်ပြန်ချက်တွင် ဖော်ပြထားသည်။
"သူက စီးပွားရေးအဓိကလုပ်တာ။ ပိုက်ဆံရ အကုန်လုပ်တယ်” ဟု KRF ပြန်ကြားရေးတာဝန်ခံက မဇ္ဈိမ ကိုပြောသည်။

ဗိုလ်ကြီးဝင်းစိုးသည် ကျိုက်ထိုမြို့နယ်အတွင်း ပြည်သူများအား လက်နက်အားကိုးဖြင့် အနိုင်ကျင့်နေသူဖြစ်ပြီး ပြီးခဲ့သည့် ၂၀၂၁ ခုနှစ်က မြို့ခံအမျိုးသားတဦးကိုသေနတ်ဖြင့် ပစ်သတ်ခဲ့ဖူးကြောင်း ကျိုက်ထိုတော်လှန်ရေးအင်အားစု KRF ပြန်ကြားရေးတာဝန်ခံက ပြောသည်။

ထို့အပြင် ၎င်းကိုယ်တိုင်လောင်းကစားဝိုင်းများကို ဦးဆောင်ပြုလုပ်ကာ ရဲများကိုသတင်းပေးဖမ်းခိုင်းပြီး ပေါင်းစားခြင်း၊ တရားမဝင် ကားမှောင်ခိုလုပ်ငန်း လုပ်ကိုင်ခြင်း၊ အကြမ်းဖက်စစ်ကောင်စီလက်အောက်ခံ မြို့နယ်လယ်ယာမြေစီမံခန့်ခွဲရေးကော်မတီနှင့် ပူးပေါင်း၍ သောင်နုမြေ ဧက ၃၀၀ ကို မတရား သိမ်းယူခြင်း၊ ကျေးရွာသူ/သားများထံမှ လယ်ယာမြေများကို ခြိမ်းခြောက်၍ ဈေးနှိမ်ဝယ်ယူခြင်း၊ ကျေးရွာများကို လျှပ်စစ်မီးကို ဖြတ်တောက်ခြင်း၊ မီတာခ၊ ဆက်ကြေးများ ကောက်ခံ၍ စစ်ကောင်စီထံ ပေးသွင်းခြင်း၊ ပြည်သူလူထုအပေါ် လက်နက်အားကိုးဖြင့် ဖမ်းဆီး ရိုက်နှက်နှိပ်စက်ခြင်း၊ နိုင်ငံရေးတက်ကြွ လှုပ်ရှားသူများကို ထောက်လှမ်း၍ သတင်းပေး ဖမ်းဆီးခိုင်းခြင်းများကို ကျူးလွန်လုပ်ဆောင်ခဲ့သူ ဖြစ်ကြောင်း KRFနှင့်ပဲခူးစစ်ဒေသခွဲက ထုတ်ပြန်ထားသည်။

ဗိုလ်မှူးချုပ်အဆင့်ရှိ စောချစ်သူခေါင်းဆောင်သော ကရင်ပြည််နယ်ခြားစောင့်တပ် BGFသည် စစ်ကောင်စီလက်အောက်ခံ လက်နက်ကိုင်တပ်အဖြစ်ရပ်တည်နေသည်။ ကရင်ပြည်နယ်၊ မွန်ပြည်နယ်၊ ပဲခူးတိုင်းနှင့် တနင်္သာရီတိုင်းတို့တွင် စစ်ကောင်စီနှင့်အတူ စစ်ရေးလှုပ်ရှားမှုများ ပြုလုပ်နေကြောင်း တော်လှန်ရေးအင်အားစုများကပြောသည်။

စာတည်း - အေးချမ်း

#mizzima
#ကျိုက်ထိုမြို့
#BGF
#ပဲခူးစစ်ဒေသခွဲ
#KRF
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ရခိုင်ပြည်နယ်ထဲကို ဒုံးကျည်နဲ့ပစ်ချသယောင် ဖြန့်ဝေထားတဲ့ ရုပ်သံဖိုင်တခု ပျံ့နှံ့နေပါတယ်။
ရခိုင်ပြည်နယ်ထဲကို ဒုံးကျည်နဲ့ပစ်ချသယောင် ဖြန့်ဝေထားတဲ့ ...
https://www.youtube.com/watch?v=e1mrVIzJEGY

ကရင်နယ်ခြားစောင့်တပ် BGF ကို ထောက်ပံ့ပေးထားတဲ့ လက်နက်တွေအားလုံး ပြန်အပ်ဖို့ စစ်ကောင်စီပြော
ကရင်နယ်ခြားစောင့်တပ် BGF ကို ထောက်ပံ့ပေးထားတဲ့ လက်နက်တွေအားလုံး ပြန်အပ်ဖို့ စစ်ကောင်စီပြောWatch more detail - https://youtu.be/BFXlhFcezpc#BGF #စစ်ကောင်စီ#VideoNews #shorts #reels-----------------------------------------မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12USubscribe our channel:https://www.youtube.com/channel/UCk9f0cLiMmtchQySOogzoig/joinFollow us: Facebook | Myanmar Language https://bit.ly/3vCKbIzFacebook | English languagehttps://bit.ly/3J5UgADFacebook | Mizzima+TV https://bit.ly/3eGNjdlTwitter https://twitter.com/MizzimaNewsTelegramhttps://bit.ly/3vEyqRUSportifyhttps://spoti.fi/3U4N91EGet Mizzima TV App Free https://bit.ly/3U39QDBWebsite :https://bit.ly/3vIkhTDhttps://bit.ly/4ajxPUEhttps://bit.ly/3RQ09VG.....................About us: Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.
https://www.youtube.com/watch?v=_JNc7UwHg08

Prosecutors decide evidence insufficient for arrest warrants for 3 #BGF leaders

https://eng.mizzima.com/2025/02/14/19175