နေပြည်တော်က ဇေယျာသီရိကုန်တိုက် မီးလောင်နေတယ်ဆိုတဲ့ ဗီဒီယိုဖိုင် တစ်ခု Tik Tok မှာ ပျံ့နှံ့နေပါတယ်။
သတင်းအပြည့်အစုံဖတ်ရန် - https://www.facebook.com/MizzimaDaily/posts/6629566197078229/?_rdc=1&_rdr

#Misinformation_Buster #Shorts #Fake_News #Reels #TikTok #ဇေယျာသီရိ #နေပြည်တော်

​​“မင်းအောင်လှိုင်” အမည်ကို အသုံးပြု ဟာသရိုက်သည့် ဆယ်လီ ဇော်ဝင်းမောင် ဖမ်းဆီးခံရ
=======================

007
(မဇ္ဈိမ) ။ ။ အာဏာသိမ်း စစ်ခေါင်းဆောင် မင်းအောင်လှိုင် အမည်ကို အသုံးပြုပြီး ဟာသရိုက်ကူးခဲ့သည့် မန္တလေးမြို့က နာမည်ကြီး Tik Tok ဆယ်လီဇော်ဝင်းမောင်ကို စစ်ကောင်စီတပ်ဖွဲ့က ယမန်နေ့ ဇူလိုင်လ၂၆ရက် ညနေပိုင်းတွင် ဖမ်းဆီးလိုက်ကြောင်း ၎င်းနှင့်နီးစပ်သူများက မဇ္ဈိမကို ပြောသည်။

ဇော်ဝင်းမောင်သည် မန္တလေးမြို့၊ မဟာအောင်မြို့နယ်၊ လမ်း ၄၀ နှင့် ၈၂ လမ်းထောင့်ရှိ ၎င်း၏ တက်တူးဆိုင်တွင် ဇူလိုင်လ ၂၆ ရက်နေ့ ညနေပိုင်းက ဖမ်းဆီးထိန်းသိမ်း ခံလိုက်ရခြင်း ဖြစ်သည်။
"စစ်သားရော၊ ရဲရော အင်အား နှစ်ဆယ်ကျော်လောက်နဲ့ ဝင်ဖမ်းတယ်၊ ဘာလို့ဖမ်းတယ်ဆို တာသိတယ်၊ ဘာပုဒ်မတပ်ထားလဲ ဘယ်ကိုခေါ်သွားလဲတော့ မသိရသေးလို့ သူ့အမေက စိတ်တ အားပူနေတယ်" ဟု ဇော်ဝင်းမောင်နှင့် နီးစပ်သူတစ်ဦးက ပြောသည်။

ဖမ်းဆီးထိန်းသိမ်းခံထားရသော ဇော်ဝင်းမောင် အပါအဝင် လူငယ်လေးဦး ပါဝင်ရိုက်ကူး ထားသော ၄၆ စက္ကန့်ရှိ ဟာသရုပ်သံဖိုင်တွင် ဇော်ဝင်းမောင်က တစ်ဘက်လူငယ်ကို “မင်းနာမည် ဘယ်လိုခေါ်လဲ” ဟု မေးမြန်းရာ တစ်ဘက်လူငယ်က “မင်းအောင်လှိုင်ပါ” ဟု ဖြေကြားပြီးနောက် ဇော်ဝင်းမောင်က အဆိုပါလူငယ်ကို ခြေထောက်ဖြင့် ဆောင့်ကန်လိုက်သည်ကို တွေ့ရသည်။

ယင်းနောက် ဇော်ဝင်းမောင်က “မင်းနာမည်ပြောင်းလိုက်နော်” ဟု ပြောပြီး အဆုံးသတ်ထားသော ထိုရုပ်သံဖိုင်သည် စစ်အာဏာသိမ်းပြီး အစောပိုင်းကာလက ဟာသတစ်ခုအနေဖြင့် ရိုက်ကူးခဲ့ခြင်းဖြစ်ကြောင်း နီးစပ်သူများက ပြောသည်။

ထိုဟာသရုပ်သံတိုသည် ယခုရက်ပိုင်းအတွင်း အွန်လိုင်းပေါ်မှာ ထပ်မံပျံ့နှံ့လာပြီးနောက် စစ်ကောင်စီသတင်းကို ဝါဒဖြန့်နေသည့် “ဟန်ငြိမ်းဦး” တယ်လီဂရမ်ချန်နယ်က ဇော်ဝင်းမောင်ကို ဖမ်းဆီးရန် ဇူလိုင်လ ၂၆ ရက်နေ့ညပိုင်းတွင် လှုံ့ဆော်မှုများ ရှိခဲ့သည်။

ယင်းနောက် နာရီပိုင်းအကြာတွင် စစ်ကောာင်စီ၏ လက်နက်ကိုင် စစ်သားများနှင့် ရဲများက လာရောက်ဖမ်းဆီးခေါ်ဆောင်သွားခြင်းဖြစ်ကြောင်း မြို့ခံများက မဇ္ဈိမကို ပြောသည်။

"အဲဒီ Tik Top က အာဏာသိမ်းပြီးခါစတုန်းက လွှင့်ခဲ့တာကြီးပါ။ အဲဒါကို တစ်ယောက်ယောက်ကပြန်ဖော်ပြီး ဟန်ငြိမ်းဦးအကွက်ထဲ ထိုးထည့်သွားတာပါ။ အချင်းချင်းချောက်တွန်းခံလိုက်ရတာပါ" ဟု မန္တလေးမြို့ခံတစ်ဦးက ပြောသည်။

Tik Top ဆယ်လီဇော်ဝင်းမောင်သည် စစ်တပ် အာဏာမသိမ်းခင်ကတည်းက ဆိုရှယ်မီဒီယာတွင် ဟာသဇာတ်လမ်းတိုများဖြင့် နာမည်ကြီးလာသူတစ်ဦး ဖြစ်သည်။

လက်ရှိမှာ ဇော်ဝင်းမောင်ကို စစ်ကောင်စီက မည်သည့်ပုဒ်မဖြင့်အရေးယူထားပြီး မည်သည့်နေရာတွင်ဖမ်းဆီးထိန်းသိမ်းထားသည်ကို မသိရသေးပေ။

မြန်မာနိုင်ငံတွင် စစ်တပ်က အာဏာသိမ်းပြီးနောက် လူပေါင်း ၂၄,၀၀၀ ကျော်သည် စစ်ကောင်စီ၏ အကျဉ်းထောင်များတွင် ဖမ်းဆီးအကျဉ်းချခံခဲ့ရကြောင်း လွတ်လပ်သော နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က ထုတ်ပြန်ထားသည်။

စာတည်း။ ။ နောင်နောင်

#TikTokဆယ်လီဇော်ဝင်းမောင်
#Mizzima
#ဖမ်းဆီးခံရ
#မင်းအောင်လှိုင်
ဓာတ်ပုံ- Tik Tok ဆယ်လီဇော်ဝင်းမောင်

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​TikTok တွင် ဝါဒဖြန့်ရန် တပ်တွင်း ဆုကြေးပေး လှုံ့ဆော်
==================

ဂျူချန်း
(မဇ္ဈိမ)။ ။ ဆိုရှယ်မီဒီယာ ပလက်ဖောင်းတခုဖြစ်သည့် TikTok လူမှုကွန်ရက်တွင် ဓါတ်ပုံ သို့မဟုတ် သုံးမိနစ်စာ ရုပ်သံဖန်တီးကာ စစ်ကောင်စီကို အမွှန်းတင်ပြီး တော်လှန်ရေးအင်အားစုများကို ထိထိမိမိ တိုက်ခိုက်နိုင်မည့်သူကို ဆုငွေ ကျပ် ကျပ် ၁၀,၀၀၀ မှ ကျပ် ၁၀၀,၀၀၀ အထိ ချီးမြှင့်မည်ဟု ညွှန်ကြားထားကြောင်း တပ်တွင်းနီးစပ်သူထံက သိရသည်။

“Tiktok တွင် ပြုလုပ်မည့် သရုပ်ဖော်ပြိုင်ပွဲဝင်ရောက်နိုင်ရေး အကြောင်းကြားခြင်း” (လျှို့ဝှက်) ဟူသော အကြောင်းကြားစာတွင် စစ်တပ်အတွင်းရှိ အရာရှိများ၊ စစ်သားများနှင့် မိသားစုဝင်များ သည် စစ်ကောင်စီတပ်သားများ စိတ်ဓါတ်မြင့်မားလာစေရန် Tiktok ပေါ်တွင် သရုပ်ဖော်ပြိုင်ပွဲအစီအစဉ် ကျင်းပမည်ဖြစ်ကြောင်း ပါရှိသည်။

ထိုပြိုင်ပွဲအကြံပြုချက်အတွင်းတွင် စစ်ကောင်စီဆန့်ကျင်သူများ၏ သွေးကွဲမှုများအား သိသာအောင် ဖော်ထုတ်တင်ပြစေခြင်း၊ စစ်ကောင်စီဆန့်ကျင်သူများ၏ သတင်းတု၊ သတင်းမှားများကို ဟာသလုပ်ကာ လှောင်ပြောင်စေခြင်း အပါအဝင် စစ်ကောင်စီတပ်သားများ စိတ်ခွန်အားတက်ကြွစေရန် တင်ပြစေခြင်း၊ စစ်အာဏာသိမ်းစဉ်ကာလအတွင်း စစ်ကောင်စီ၏ လုပ်ဆောင်ချက်များကို ရှင်းလင်းတင်ပြခြင်း၊ စစ်ကောင်စီသည် အမျိုး၊ ဘာသာ၊ သာသနာကို စောင့်ရှောက်နေကြောင်း ပေါ်လွင်အောင် တင်ပြစေခြင်း စသည့် စစ်ကောင်စီ၏ ကောင်းကြောင်းကို အမွှန်းတင်ဖော်ပြရန် အကြံပြု တိုက်တွန်းထားသည်။

အဆိုပါ သရုပ်ဖော်ပြိုင်ပွဲကို စက်တင်ဘာလ ၃ ရက်နေ့မှ ၅ ရက်နေ့အထိ တဦးလျှင် ဓါတ်ပုံ သို့မဟုတ် ရုပ်သံ တခုထက်မက ယှဉ်ပြိုင်နိုင်ပြီး Like၊ comment နှင့် share များခြင်း၊ အကြောင်းအရာ ဆီလျော်ခြင်း၊ ထိမိစွာ ဖော်ပြနိုင်ခြင်း စသဖြင့် ရမှတ် ၅၀ မှတ် ဖြင့် သတ်မှတ်ထားသည်။

သတ်မှတ်အမှတ် အများဆုံးရရှိသူကို ပထမဆု ငွေကျပ် ၁၀၀,၀၀၀ အပါအဝင် ဒုတိယဆု၊ တတိယဆု၊ အထူးဆု(၁)၊ (၂) များကို ချီးမြှင့်မည်ဖြစ်ကြောင်း အကြောင်းကြားစာတွင် ပါရှိသည်။
ပြိုင်ပွဲဝင်များသည် အရာရှိ၊ စစ်သည်များ ဖြစ်ပါက မိမိကိုယ်ပိုင်အမှတ်၊ ရာထူးအဆင့်၊ အမည်၊ လိပ်စာ၊ ဖုန်းနံပါတ်သော်လည်းကောင်း၊ မိသားစုဝင်ဖြစ်ပါက အထက်ပါအချက်အလက်များအပြင် တော်စပ်ပုံ များကိုပါ Video link နှင့်အတူ သတ်မှတ်ထားသည့် Viber သို့မဟုတ် Telegram သို့ သတ်မှတ်ရက်အတွင်း ပေးပို့ရမည်ဖြစ်ကြောင်း သိရသည်။

TikTok သည် လူတန်းစားအမျိုးမျိုး သုံးစွဲနေကြပြီး စစ်ကောင်စီတပ်သားများ သုံးစွဲခြင်းများရှိသကဲ့သို့ တော်လှန်ရေးလူငယ်များလည်း သုံးစွဲကြလေ့ရှိသဖြင့် စစ်ကောင်စီ၏ Tiktok ပေါ်တွင် ယခုကဲ့သို့ ဝါဒဖြန့်ခြင်းလုပ်ရပ်သည် အဓိပ္ပာယ်မဲ့သည်မှန်သော်လည်း လျှော့တွက်၍ မရကြောင်း တပ်တွင်းနီးစပ်သူက ပြောသည်။

“တစ်တော့မှာ စစ်တပ်မိသားစုက သိန်းဂဏန်းလောက်ရှိမယ်ထင်တယ်။ သူတို့က ဒါကို အစုလိုက်အပြုံလိုက် တင်မယ်ဆိုရင် တစ်တော့မှာ ဒါတွေက ပျံ့နေမှာ။ ဒါသည် သူတို့ရဲ့ Propaganda (ဝါဒဖြန့်ခြင်း)တမျိုးပဲ။ သူတို့ဒါကို ဟာသလုပ်တာမဟုတ်ဘူး။ တစ်တော့ကိုယုံတဲ့လူတွေရှိတယ်။ သူတို့ဘက်မှာမှ မဟုတ်ဘူး။ ကျနော်တို့ဘက်က ရဲဘော်လေးတွေလည်း တစ်တော့ ဆော့ကြတယ်။ သူတို့ကို အထင်သွားသေးလို့တော့ မရဘူး” ဟု တပ်တွင်းနီးစပ်သူက ပြောသည်။

မြန်မာနိုင်ငံတွင် Tiktok ကို ၂၀၁၈ ခုနှစ်၌ စတင်သုံးစွဲသူ များလာပြီး ၂၀၂၂ ခုနှစ်တွင် Tiktok ကို ဒေါင်းလုပ်ပြုလုပ်ထားမှု စုစုပေါင်း သန်း ၅၀၀ ခန့်ရှိပြီး Tiktok သည် စတုတ္ထမြောက် လူသုံးအများဆုံး ဆိုရှယ်မီဒီယာ ပလက်ဖောင်းတခုဖြစ်ကြောင်း ထိုင်းနိုင်ငံအခြေစိုက် နည်းပညာကုမ္ပဏီ - HAPPIO က ဖော်ပြထားသည်။

Tiktok သည် Community Guide Line များရှိသော်လည်း လုံခြုံမှုမရှိသဖြင့် သြစတြေးလျ၊ ဘယ်လ်ဂျီယမ်၊ ကနေဒါ၊ ဒိန်းမတ်၊ နယ်သာလန်၊ နယူး ဇီလန်၊ အိန္ဒိယ တို့တွင် Tiktok အသုံးပြုခြင်းကို အစိုးရမှ ပိတ်ပင်ထားသည်။ အာဖဂန်နစ္စတန်တွင်မူ အစ္စလာမ်တရားဥပဒေနှင့် မကိုက်ညီသဖြင့် Tiktok ကို ပိတ်ပင်ထားသည်။
သို့သော် လက်ရှိတွင် ကမ္ဘာတဝှမ်းရှိ နိုင်ငံပေါင်း ၁၆၀ တွင် Tiktok ကို သုံးစွဲနေသူ အနည်းဆုံး တဘီလီယံကျော်ရှိနေပြီဖြစ်ကြောင်း သိရသည်။

စာတည်း။ ။အောင်ကျော်ဖြိုး

#Mizzima
#စစ်ကောင်စီဝါဒဖြန့်
#Tiktok
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

TikTok ပေါ်က သတိထားသင့်တဲ့ စစ်ကောင်စီဝါဒဖြန့်ချိရေးအကြောင်းနဲ့အတူ |Misinformation Buster S3| Ep.80
===============

မဇ္ဈိပရိသတ်များအားလုံး မင်္ဂလာပါ။ သတင်းတု/မှား များကို တိုက်ဖျက်ခြင်း (Misinformation Buster) အစီအစဉ်ကနေ ပြန်လည်ကြိုဆိုလိုက်ပါတယ်။ 

ဒီတပတ်မှာတော့ 
- TikTok ပေါ်က သတိထားသင့်တဲ့ စစ်ကောင်စီဝါဒဖြန့်ချိရေးအကြောင်းနဲ့အတူ

- ဗိုလ်နဂါးအဖွဲ့ကို အကြမ်းဖက်အဖွဲ့လို့ NUG မှ ကြေညာလိုက်တယ်ဆိုတဲ့ ထုတ်ပြန်ချက်အတု

- တောင်သူတွေရဲ့ နှမ်းခင်းကို PDF တွေ ဓားပြတိုက်တယ်ဆိုတဲ့ သတင်းအမှား စတဲ့ တစ်ပတ်အတွင်းမှာ ပျံ့နှံ့နေခဲ့တဲ့ သတင်းတုသတင်းမှားတွေကို စုစည်းတင်ဆက်ပေးမှာပါ။

https://youtu.be/vvSvAozP-Fk?si=gxb-YMDdnPjswg3c

#Misinformation_Buster
#Weekly_Package
#Fake_News
#TikTok
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U"

https://www.youtube.com/watch?v=DqtrTdU_Nmo
Arma3 ဂိမ်းဖိုင်များဖြင့် တစ်တော့တွင် မြန်မာပြည်မှ ဖြစ်ရပ်များအဖြစ် သတင်းမှားဖြန့်ဝေနေ

https://www.youtube.com/watch?v=FQwLCNGrgbs
လူအများစိတ်ဝင်စားပြီး နိုင်ငံရေးအခြေခံသည့်ခေါင်းစဉ်များဖြင့်သတင်းတုများဖန်တီးနေသည့် တစ်တော့ အကောင့်

https://www.youtube.com/watch?v=HBHQitUFGYA
#US '#TikTok #refugees' flee to #Chinese app #RedNote

https://www.youtube.com/watch?v=i3c5uJZhtQk
What to know about #TikTok's 75-day #US grace period

https://www.youtube.com/watch?v=iCSS2ppJv8w
Apple က တစ်တော့ကို ပိတ်ခဲ့ခြင်းမရှိ

https://www.youtube.com/watch?v=EXQSi4ZZwVE
TikTok က တရုတ်ဆီ အချက်အလက်တွေ ဆက်လက်ပေးပို့နေတယ်လို့ နော်ဝေ ပြော (ရုပ်သံ)