​​'ကျနော်တို့တွေ ဘာဆက်ဖြစ်မလဲ ကြည့်ရမှာပါ' - ၂၀၂၆ ကမ္ဘာ့ဖလားအကြောင်း မက်ဆီ မသေချာ
================

By PKThawn

အာဂျင်တီးနားအသင်းခေါင်းဆောင် လီယွန်နယ် မက်ဆီက သူဟာ အသက် ၃၉ နှစ်ရှိချိန် ၂၀၂၆ မှာ အမေရိကန်၊ မက္ကဆီကိုနဲ့ ကနေဒါတို့က ပူးတွဲအိမ်ရှင်အဖြစ် ကျင်းပမယ့် လာမယ့်ကမ္ဘာ့ဖလားပြိုင်ပွဲမှာ သူ့ရဲ့ ပါဝင်မှုနဲ့ပတ်သက်လို့ မသေချာကြောင်း ပြောပါတယ်။

“ကျနော် အဲဒီနေရာကို ရောက်နိုင်ပါ့မလား မသိပါဘူး”လို့ သူက ကြာသပတေးနေ့က YouTube မှာ ထုတ်လွှင့်တဲ့ အင်တာဗျူးတစ်ခုမှာ အာဂျင်တီးနား မီဒီယာရဲ့ နာမည်ကြီး ဂေးလ် ဂါရာဒို့စ်ကို ပြောကြားခဲ့ပါတယ်။ "အဲဒီအကြောင်း မစဉ်းစားသေးပါဘူး။ ဘာကြောင့်လဲဆိုတော့ အဝေးကြီးလိုသေးလို့ပါ။"

လက်ရှိအချိန်မှာတော့ မက်ဆီက သူဟာ ၂၀၂၄ အမေရိကန်အိမ်ရှင်ကျင်းပမယ့် ကိုပါအမေရိကပြိုင်ပွဲကို အာရုံစိုက်နေတယ်လို့ ဆိုပါတယ်။

“ကိုပါအမေရိကဖလားပြီးမှ ကျနော်တို့တွေ ဘာဆက်ဖြစ်မလဲ ကြည့်ရမှာပါ။ ကျနော် ဘယ်လိုခံစားရလဲ ဆိုတာပေါ် မူတည်ပါလိမ့်မယ်။ ၃ နှစ် လိုပါသေးတယ်”လို့ သူက ပြောပါတယ်။ 

မက်ဆီဟာ ပြီးခဲ့တဲ့ ဒီဇင်ဘာလက ကာတာမှာ ကမ္ဘာ့ဖလား ဗိုလ်လုပွဲမှာ ပြင်သစ်ကို အနိုင်ရရှိအောင် အာဂျင်တီးနားအသင်ဂကို ဦးဆောင်ခဲ့ပါတယ်။

အင်တာဗျူးမှာ သူဟာ ကာတာမှာ ၂၀၂၂ ကမ္ဘာ့ဖလားကို ကိုင်မြောက်ခဲ့ပြီးနောက် သူ့ရဲ့ အရင်ပြင်သစ်ကလပ် ပဲရစ်စိန့်-ဂျာမိန်းမှာ လုံလောက်တဲ့ "အသိအမှတ်ပြုမှု" မရရှိခဲ့တဲ့အတွက် စိတ်ပျက်မိကြောင်း သူက ထပ်မံပြောကြားခဲ့ပါတယ်။

သူ့ရဲ့ ကလပ်ကနေ "အသိအမှတ်ပြုခြင်းမခံရ"တဲ့ အာဂျင်တီးနားအသင်းဖော်တွေထဲမှ သူ တစ်ဦးတည်းသာဖြစ်ခဲ့ကြောင်း သူက အခိုင်အမာဆိုခဲ့ပါတယ်။

"ဒါဟာ ကျနော် မျှော်လင့်ထားခဲ့သလိုမဟုတ်ပေမယ့် အကြောင်းပြချက်တခုခုကြောင့် ဖြစ်တတ်ပါတယ်လို့ ကျနော် အမြဲပြောနေကြပါ။"လို့ မက်ဆီက သူ့ရဲ့ ပဲရစ်မှာရှိတဲ့ နှစ်တွေအကြောင်း ပြောဆိုခဲ့ပြီး "အဲဒီမှာ အဆင်မပြေခဲ့ဘူး"လို့ ထပ်ပြီးပြောဆိုသွားပါတယ်။

ဘလွန်းဒီအော် (၇)ကြိမ်ရရှိခဲ့သူဟာ မေဂျာလိဂ်ဘောလုံးပြိုင်ပွဲမှာ အင်တာမိုင်ယာမီအတွက် ကစားပေးဖို့ ဖလော်ရီဒါကို မပြောင်းရွှေ့ခင် သူဟာ ပီအက်စ်ဂျီအသင်းမှာ မပျော်ခဲ့ကြောင်း အကြိမ်ကြိမ်ပြောဆိုခဲ့ပြီးဖြစ်ပါတယ်။

(AFP)

Photo: EPA

#messi #worldcup #WorldCup2026 #argentina #မက်ဆီ #ကမ္ဘာ့ဖလား

#Myanmar #junta criticises #Argentina arrest #warrant:

https://eng.mizzima.com/2025/02/16/19239

https://www.youtube.com/watch?v=iEVqUypRsqY
#Trump set to stop #aid to #Argentina if #Milei loses #elections

https://www.youtube.com/watch?v=tR6h3t7Hl-w
#Milei’s party wins big in crucial #Argentina midterms