ပင်လုံသစ္စာအလွန်၊ ဖက်ဒရယ်ရေးရာ ဆွေးနွေးစရာများ
==================

နိုင်ငံရေးအင်အားစုတွေက ဖက်ဒရယ်ကိစ္စကို ကျယ်ကျယ်လောင်လောင် ပြောဆိုဆွေးနွေးနေကြတဲ့ အခုလိုအချိန်မှာ ဖက်ဒရယ်နဲ့ ပတ်သက်လို့ စဥ်းစားဖို့ လိုအပ်တဲ့ နိုင်ငံရေးသီအိုရီပိုင်းဆိုင်ရာတွေကို အစဖေါ်ထုတ်ပေးတဲ့အနေနဲ့ “ပင်လုံသစ္စာအလွန်၊ ဖက်ဒရယ်ရေးရာ ဆွေးနွေးစရာများ” အစီအစဥ်ကို Mizzima TV ကနေ ဗုဒ္ဓဟူးနေ့ ည ၇နာရီခွဲတိုင်း တင်ဆက်ပေးနေပါတယ်။ နိုင်ငံရေးသိပ္ပံ လေ့လာသူဒေါ်ခင်မမမျိုးနဲ့ ဖက်ဒရယ်နဲ့ အခြေခံဥပဒေရေးရာ လေ့လာသူ ဦးခင်မောင်၀င်းတို့က ဆွေးနွေးတင်ဆက်သွားမှာပါ။

ဒီကနေ့မှာတော့ ကမ္ဘာ့နိုင်ငံ ၃၀ လောက်မှာ ဘာကြောင့် ဖက်ဒရယ်စနစ်ကို ကျင့်သုံးနေရတာလဲ ဆိုတဲ့ ခေါင်းစဉ်ကို ဆွေးနွေးမှာ ဖြစ်ပါတယ်။

https://youtu.be/1JtGhRmFlnI

#ပင်လုံသစ္စာ
#federal
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မြင်းမူရဲစခန်းနှင့် ထွေအုပ်ရုံးကို Federal Wings ဒရုန်းတပ်ဖွဲ့ တိုက်ခိုက်
=====================

ရောင်နီ
(မဇ္စျိမ)။ ။ စစ်ကိုင်းတိုင်း၊ မြင်းမူမြို့နယ်အတွင်းရှိစစ်ရေးပစ်မှတ်များဖြစ်သော မြင်းမူမြို့မရဲစခန်းနှင့် ထွေအုပ်ရုံးကို ဒရုန်းဖြင့် ‌ဗုံးသီးချတိုက်ခိုက်ခဲ့ကြောင်း Federal Wings ဒရုန်းတပ်ဖွဲ့က သတင်းထုတ်ပြန်သည်။

မြင်းမူမြို့မရဲစခန်းနှင့် မြင်းမူမြို့နယ်ထွေအုပ်ရုံးကို ဇွန်လ ၂၄ ရက်နေ့ ညတွင် တိုက်ခိုက်ခဲ့ခြင်းဟု Federal Wings ဒရုန်းအဖွဲ့က ယနေ့ဇွန်လ ၂၆ရက် ထုတ်ပြန်သည်။

" ထိချက်တွေက ကောင်းတယ်ဗျ။ ပေါက်ကွဲသံတွေ ဆူညံသွားတာ။ဒရုန်းနဲ့ အချခံရတာ မနက်မှသိတာ"ဟု မြင်းမူမြို့မရဲစခန်းအနီးတွင်နေသူတစ်ဦးကဆိုသည်။

တိုက်ခိုက်မှုဖြစ်စဉ်ကို Federal Wings ဒရုန်းတပ်ဖွဲ့ထံ ဆက်သွယ်မေးမြန်းရာ အသေးစိတ်မပြောနိုင်သေးကြောင်း ပြန်လည်ဖြေကြားသည်။ သို့‌သော်ရဲစခန်းအဆောက်အအုံ နှစ်လုံး နှင့် ထွေအုပ်ရုံးအဆောက်အအုံ သုံးလုံးပေါ် သို့ တိုက်ရိုက်ထိမှန်ခဲ့ပြီး စစ်ကောင်စီတပ်ဘက်တွင် ထိခိုက်မှုများရှိကာ အသေးစိတ်ဆက်လက်စုံစမ်းဆဲဟု Federal Wings ဒရုန်းတပ်ဖွဲ့၏ ထုတ်ပြန်ချက်တွင် ဖော်ပြထားသည်။

အဆိုပါ စစ်ဆင်ရေးကို အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ စစ်ကိုင်းခရိုင်ကွပ်ကဲရေးအဖွဲ့၏ ကွပ်ကဲမှုဖြင့် လုပ်ဆောင်ခဲ့ခြင်းဟု သိရသည်။Federal Wings ဒရုန်းတပ်ဖွဲ့သည် စစ်ကိုင်းတိုင်းအတွင်းရှိ စစ်ကောင်စီတပ်၏ စစ်ရေးပစ်မှတ်များကို ယခု ၂၀၂၃ခုနှစ် ဇွန်လမှ စတင်ကာ တိုက်ခိုက်နေခြင်းဖြစ်သည်။ ပထမဆုံးအကြိမ်တိုက်ခိုက်မှုအဖြစ် ပြီးခဲ့သည့် ဇွန်လ ၁၈ ရက်နှင့် ၁၉ ရက်တွင် မန္တလေးမုံရွာ ကားလမ်းမကြီးဘေးရှိ ညောင်ပင်၀န်းရဲစခန်းကို နှစ်ရက်ဆက်တိုက် ဗုံးသီးချ တိုက်ခိုက်ခဲ့သည်ဟု သိရသည်။

စာတည်း - မောင်ကြီး

#mizzima
#မြင်းမူမြို့မရဲစခန်း
#မြင်းမူထွေအုပ်ရုံး
#Federal Wings ဒရုန်းတပ်ဖွဲ့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြဝတီတွင်နေထိုင်သူများ စစ်ကောင်စီတပ်စွဲထားသည့်နေရာများနှင့် ဝေးဝေးနေကြရန် Federal Wings သတိပေး
=================


002
(မဇ္ဈိမ) ။ ။ကရင်ပြည်နယ်၊ မြဝတီမြို့တွင် နေထိုင်သူများအနေဖြင့် စစ်ကောင်စီတပ်စွဲထားသည့် နေရာများ နှင့် ဝေးဝေးနေကြရန် ကရင်အမျိုးသားလွတ်မြောက်ရေးတပ်မတော်(K.N.L.A)နှင့် တော်လှန်ရေးပူးပေါင်း တပ်ဖွဲ့ဖြစ်သည့် Cobra စစ်ကြောင်းတို့၏ စီမံခန့်ခွဲမှုလက်အောက်ခံ Federal Wings က သတိပေးထား သည်။

ဒရုန်းတိုက်ခိုက်မှုများသည် တိကျမှုရှိသည်မှာ မှန်သော်လည်း မလိုလားအပ်သည့် ဘေးထွက်ထိခိုက်မှုများ မှ ရှောင်ရှားနိုင်ရန်အတွက် မြဝတီမြို့တွင်နေထိုင်သော မိဘပြည်သူများအနေဖြင့် စစ်ကောင်စီတပ်စွဲထား သည့် ရုံးများ၊ တပ်စခန်းများနှင့် ဝေးရာအရပ်သို့ ရွှေ့ပြောင်းနေထိုင်ပေးကြပါရန် အထူး မေတ္တာရပ်ခံ သတိပေးပန်ကြားအပ်ကြောင်း Federal Wings က ထုတ်ပြန်ထားခြင်းဖြစ်သည်။

ထို့ပြင် စစ်ကောင်စီအားတော်လှန်တိုက်ခိုက်ရာတွင် လက်နက်ကိုင်ထားသူများကို ထိခိုက်စေသည့် ရည် ရွယ်ချက်ရှိကြောင်း၊ လက်နက်မကိုင်ထားသည့် ဝန်ထမ်းများနှင့် မိသားစုဝင်များ၊ စစ်ကောင်စီဝန်ထမ်း၏ မိသားစုဝင်များအနေဖြင့် သက်ဆိုင်ရာ ရုံးဌာနများ၊ လိုင်းခန်းများမှ စွန့်ခွာဖယ်ရှားကြရန် အထူးသတိပေး အပ်ကြောင်း Federal Wings က ဆိုသည်။

စက်တင်ဘာလ ၃ ရက်နေ့ညပိုင်းက စစ်ကောင်စီတပ်ဖွဲ့များအခြေချတပ်စွဲနေသည့် မြ၀တီမြို့ထွေအုပ် ရုံးနှင့်ရဲစခန်းအား Federal Wings ဒရုန်းတပ်ဖွဲ့မှ နှစ်ကြိမ် ဗုံးကြဲတိုက်ခိုက်ခဲ့သည်။
အဆိုပါတိုက်ခိုက်မှုအတွင်း ခလရ (၂၇၅) ယာယီတပ်ရင်းမှူး အောင်ကျော်မင်း၊ မြ၀တီခရိုင် အုပ်ချုပ်ရေး မှူး ဦးစိုးတင့်၊ ခရိုင်ထွေအုပ်ဦးစီး ဦးထွန်းထွန်းလင်း၊ ထွေ/အုပ်စာရေး ဦးပြည့်ဖြိုးအောင်နှင့် ယာဉ်ထိန်း ရဲအုပ် နေလင်းစိုးတို့ သေဆုံးခဲ့ပြီး စစ်ကောင်စီတပ်ဖွဲ့ဝင် ၁၁ ဦးဒဏ်ရာရရှိခဲ့ကာ ငါးဦးမှာ ဒဏ်ရာပြင်းထန် ခဲ့သည်။
Federal Wings မှာ စစ်ကောင်စီကို ဒရုန်းဖြင့် ခုခံတိုက်ခိုက်နေသည့်အဖွဲ့ဖြစ်ပြီး ဒရုန်းများကို နည်းပညာ အဆင့်မြှင့်တင်မှုများ ဆက်တိုက်လုပ်ဆောင်နေသည်ဟု အဆိုပါအဖွဲ့က ပြောကြားထားသည်။

စာတည်း။ ။စောဖေ

#ကရင်ပြည်နယ်
#မြဝတီမြို့
#Federal_Wings
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ခေါင်းဆောင်ပြောတဲ့ ဖက်ဒရယ် (Editorial Talk)
================

ဒီတပတ် Mizzima Editorial Talk အစီအစဉ်မှာ “စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ပြောတဲ့ ဖက်ဒရယ်” အကြောင်းနဲ့ပတ်သက်ပြီး မဇ္ဈိမသတင်းခန်းစီမံခန့်ခွဲမှုအယ်ဒီတာ ဦးစိန်ဝင်းနဲ့ သတင်းထောက် ဂျူချန်းတို့က ဆွေးနွေးထားပါတယ်။

https://youtu.be/RV3ikcl6Wm8?si=4OkZxXUJDXTYbP0Y

#Editorialtalk
#Mizzima
#စစ်ကောင်စီ
#မင်းအောင်လှိုင်
#Federal
#NCA
#EAO
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

13 #federal and state #Hluttaws in #Myanmar call for Aung San #SuuKyi’s release ahead of 80th #birthday

Read More : https://eng.mizzima.com/2025/06/19/23548