ယမန်နေ့ နံနက်ပိုင်းတွင် မန္တလေးတောင်ခြေ ကုသိုလ်တော်ဘုရားအနီးရှိ လုံခြုံရေးတင်းကျပ်ထားသော ခလရ(၉၁၀)တပ်ကို ဒေသကာကွယ်ရေး ပြောက်ကျားတပ်ဖွဲ့များက ၄၀ မမဖြင့် သွားရောက်တိုက်ခိုက်ခဲ့သည်။ ထိုတိုက်ခိုက်မှုကို နတ်ဆိုးမြေအောက်တော်လှန်ရေးတပ်ဖွဲ့နှင့် ပြင်ဦးလွင်ခရိုင်အမှတ်(၁)တပ်ရင်း၊ တပ်ဖွဲ့(၁)တို့ပူးပေါင်းလုပ်ဆောင်ခဲ့ခြင်းဖြစ်ပြီးအထိအခိုက်စာရင်းကို မသိရသေးကြောင်း နတ်ဆိုးမြေအောက်တော်လှန်ရေးတပ်ဖွဲ့မှ ဗိုလ်နတ်ဆိုးက ဆိုသည်။
ထိုနေ့ ညနေ ၆ နာရီခန့်တွင်၊ ပြည်ကြီးတံခွန်မြို့နယ် မြ၀တီမင်းကြီး(၁)လမ်းနှင့် ၇၅ လမ်းထောင့်ရှိ၊ မြို့နယ်အခွန်ဦးစီးမှူးရုံး လက်လုပ်မိုင်းဖြင့်တိုက်ခိုက်ခံခဲ့ရသည်။ထိုတိုက်ခိုက်မှုကို ဒေသအခြေစိုက်ပြည်သူ့ကာကွယ်ရေးတပ်ဖွဲ့တစ်ခုဖြစ်သော No More Dictatorship People Defence Force(NMD)အဖွဲ့က လုပ်ဆောင်ခဲ့ခြင်းဖြစ်ပြီး ရုံးအနီးရပ်ထားသော မော်တော်ယာဉ်နှစ်စီး ထိခိုက်ပျက်စီးခဲ့ကြောင်း NMD အဖွဲ့ကသတင်းထုတ်ပြန်သည်။ ထို ပေါက်ကွဲမှုအတွင်း အရပ်သားပိုင် မော်တော်ယာဉ်တစ်စီး ထိခိုက်ပျက်စီးမှုရှိခဲ့ပြီး လူထိခိုက်မှုမရှိကြောင်း စစ်ကောင်စီ၏ ဝါဒဖြန့်သတင်းများကဆိုသည်။ မန္တလေးမြို့တွင် စစ်ကောင်စီက မေလ ၂၈ ရက် တစ်ရက်လုံး လုံခြုံရေးတင်းကျပ်စစ်ဆေးနေကြောင်းလည်း ဒေသခံများထံက သိရသည်။
စာတည်း။ ။အောင်ကျော်ဖြိုး
#Mizzma
#ခြေလျင်တပ်ရင်း နှင့်အခွန်ရုံး တိုက်ခိုက်ခံရ
#မင်းအောင်လှိုင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကောလင်းမြို့နယ်တွင် စစ်ကောင်စီတပ်က ပြည်သူများ၏ နေအိမ်ကို ဝင်ရောက်ဖျက်ဆီး
========================

အဂမ်
(မဇ္ဈိမ)။ ။ စစ်အုပ်ချုပ်ရေး ကြေညာထားသည့် ကောလင်းမြို့နယ် ကျောက်တန်းရွာရှိ ဒေသခံများ၏ နေအိမ်ကို စစ်ကောင်စီတပ်က ဝင်ရောက်ဖျက်ဆီးကာ ၎င်းတို့အလိုရှိသည့် ပစ္စည်းများကို ခိုးယူသွားကြောင်း ကောလင်း အခြေစိုက် Kawlin Revolution-KRအဖွဲ့ က ယနေ့ မေလ ၃၁ ရက်တွင် သတင်းထုတ်ပြန်သည်။

မေ ၂၆ ရက်က ကောလင်းမြို့မှ စတင်ထွက်ခွာလာသည့် စစ်ကောင်စီတပ်သည် မေ ၂၈ ရက်တွင် ကျောက်တန်းရွာသို့ ဝင်ရောက်လာခဲ့ခြင်းဖြစ်သည်။

စစ်ကောင်စီတပ်သည် ပစ္စည်းများကို ကားကြီး၊ ကားငယ်များဖြင့် တင်ဆောင်ပြီး ၎င်းတို့ အထိုင်ချရာ သစ်ဖုလတောင်ကုန်း (အရပ်ခေါ် ဒေါ်ချစ်ဘုရား)သို့ သယ်ဆောင်သွားကြောင်း Kawlin Revolution-KR အဖွဲ့ တာဝန်ရှိသူက ဆိုသည်။

ပြီးခဲ့သည့် မေလ ၂၈ ရက် မနက် ၉ နာရီတွင် သစ်ဖုလှတောင်ကုန်း မှ ကောလင်း-ကျောက်တန်းလမ်း အတိုင်း ကျောက်တန်းရွာသို့ ဆင်းလာသည့် စစ်ကောင်စီတပ်သည် ကျောက်တန်း အ.ထ.က စာသင်ကျောင်းရှေ့တွင် လည်း ကျောက်တန်းရွာသားတစ်ဦးကိုလည်း ပစ်သတ်သွားကြောင်းမဇ္ဈိမရဲ့မြေပြင်အဖွဲ့က စုံစမ်းသိရှိထားသည်။

လက်ရှိတွင် ကောလင်းမြို့နယ် အင်ငူ - စံလယ် - ကျောက်တန်း - ခံသာ - ဆင်ကုန်းရွာများသို့ စစ်ကောင် စတပ်အင်အား ၁၅၀ ကျော်က ဖြန့်ကျက်နေရာယူထားပြီး တိုက်ပွဲအခြေအနေအသေးစိတ်ကို မဇ္ဈိမရဲ့ မြေပြင် သတင်းအဖွဲ့က ဆက်လက်စုံစမ်းနေဆဲ ဖြစ်သည်။
ကောလင်းမြို့နယ် ကျောက်တန်းရွာသည် စစ်ကိုင်းတိုင်းအထက်ပိုင်း ကချင်ပြည်နယ်အစပ်တွင် တည်ရှိသည်။

စာတည်း။ ။အောင်ကျော်ဖြိုး
#Mizzma
#ပြည်သူများ၏ နေအိမ်ကို ဝင်ရောက်ဖျက်ဆီး
#ကျောက်တန်းရွာ
#ကောလင်းမြို့နယ်
Photo - KR-Teams
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အမရ စစ်သည်တော် အဖွဲ့ ၉မမ SIG လက်လုပ် သေနတ် ထုတ်လုပ်အောင်မြင်
=====================

မောင်ခက်နွေ
(မဇ္ဈိမ) ။ ။ အမရစစ်သည်တော်များအဖွဲ့ (မန္တလေး) (AMY) အနေဖြင့် ၉ မမ SIG လက်လုပ် သေနတ်များ ထုတ်လုပ်အောင်မြင်ထားပြီး အခြား PDF အဖွဲ့များကိုလည်း ထောက်ပံ့ကူညီသွားမည်ဖြစ်ကြောင်း AMY ၏ တာဝန်ရှိသူတစ်ဦးက မဇ္ဈိမကို ပြောသည်၊။
လက်နက်စရိတ်ကြီးမြင့်နေပြီး မြို့ပြမစ်ရှင်များပြုလုပ်သည့် ရဲဘော်တိုင်းကို လက်နက်၀ယ်မပေးနိုင်သည့်အတွက် အသေးစား သေနတ် တစ်မျိုးဖြစ်သည့် ၉ မမ လက်လုပ်သေနတ်ကို ကိုယ်တိုင် ထုတ်လုပ်ရခြင်းဖြစ်ကြောင်း ၎င်းကဆိုသည်။

“ကျွန်တော်တို့ တစ်ထောင့်ထိုးလည်း ထုတ်တယ်။ စတာတော့ မိုင်းနဲ့ စတင်ခဲ့တာပေါ့။ အဲ့ကနေတစ်ဆင့် နည်းပညာတိုးလိုက်တဲ့ အချိန်မှာ ရှော့ဂန်းတွေထုတ်တယ်။ လက်နက်ကြီး ပိုင်းအနေနဲ့ဆို ၆၀ မမ, ၄၀ မမ, ၈၀ မမ ဆိုပြီးထုတ်တယ်။ အောင် လည်း အောင်မြင်ခဲ့ပါတယ်”ဟု AMY၏ တာဝန်ရှိသူတစ်ဦးက ဆိုသည်။

ထုတ်လုပ်ထားသည့် ၉မမ SIG သေနတ်ကို ၁၅ လက်သာ ကန့်သတ်ထုတ်လုပ်သွားမည်ဖြစ်ပြီး ၎င်းတို့ ထုတ်လုပ်ခဲ့သည့် လက်နက်များကို ပြန်လည်းရောင်းချခြင်းမရှိဘဲ မြို့ပြပြောက်ကျား အဖွဲ့များကို လက်နက် ကူညီထောက်ပံ့မှုများ ပြုလုပ်ခဲ့ကြောင်း သိရသည်။

“ အောင်စည်တော် အဖွဲ့ဆို ကျွန်တော်မြို့တွင်း မစ်ရှင်တွေမှာ SIG အကြီးစားတွေ လှုဒါန်းထားတာရှိသလို တခြားမြို့ပြ မစ်ရှင်တွေကိုဆောင်ရွက်နေတဲ့ အဖွဲ့များစွာကိုလည်း လှူဒါန်းတာတွေ ပြုလုပ်ပေးနေတယ်။ ကျွန်တော်တို့ အနေနဲ့ တစ်ကျပ်တစ်ပြားမှ မယူခဲ့ဘူးလို့" ၎င်းက ပြောသည်။

မုံရွာအခြေစိုက် ပြောက်ကျားအဖွဲ့ဖြစ်သည့် GOD OF SNAKEအဖွဲ့၏ တာဝန်ရှိသူတစ်ဦးက မဟာမိတ်ညီနောင် အဖွဲ့ဖြစ်သည့် AMY ထံမှ လက်လုပ် ၄၀မမ တစ်လက်နှင့် ၉မမပစ္စတိုတစ်လက် လက်ခံရရှိထားကြောင်း မဇ္ဈိမကို ပြောသည်။

AMY ကို ဖွဲ့စည်းထားသည်မှာ နှစ်နှစ်ကျော်ပြီဖြစ်ပြီး စစ်ကိုင်းတိုင်းတွင် စစ်ကောင်စီတပ်သားများကို ရှင်းလင်းတိုက်ထုတ်နေသည့် အဖွဲ့တစ်ဖွဲ့ဖြစ်သည်။

စာတည်း ။ ။အောင်ကျော်ဖြိုး

#Mizzma
#အမရစစ်သည်တော်များအဖွဲ့
#၉မမ SIG လက်လုပ် သေနတ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

၂၀ရက် ဇူလိုင်လ ၂၀၂၃ နွေဦးတော်လှန်ရေးနေ့စဉ်မှတ်စုမှ
အမျိုးသားညီညွတ်ရေးအစိုးရသတင်းများ

#springrevolution #springdiary #myanmarnews
#mizzimadailynews #mizzma #newstodayofficial

၂၀၂၃ ဇူလိုင် ၂၁ နွေဦးတော်လှန်ရေးနေ့စဉ်မှတ်စုမှ တော်လှန်ရေးလှုပ်ရှားမှုသတင်းများ

#springrevolution #springdiary #myanmarnews #mizzimadailynews #mizzma #newstodayofficial

၂၀၂၃ ဇူလိုင် ၂၁ - နွေဦးတော်လှန်ရေးနေ့စဉ်မှတ်စုမှ အမျိုးသားညီညွတ်ရေးအစိုးရသတင်းများ

#springrevolution #springdiary #myanmarnews #mizzimadailynews #mizzma #newstodayofficial

ဇူလိုင်၂၂- နွေဦးတော်လှန်ရေးနေ့စဉ်မှတ်စု တော်လှန်ရေးလှုပ်ရှားမှုသတင်းများ

#springrevolution #springdiary #myanmarnews #mizzimadailynews #mizzma #newstodayofficial

ဇူလိုင်၂၂-နွေဦးတော်လှန်ရေးနေ့စဉ်မှတ်စု အမျိုးသားညီညွတ်ရေးအစိုးရသတင်းများ

#springrevolution #springdiary #myanmarnews #mizzimadailynews #mizzma #newstodayofficial

ဇူလိုင် ၂၂-နွေဦးတော်လှန်ရေးနေ့စဉ်မှတ်စု အမျိုးသားညီညွတ်ရေးအစိုးရသတင်းများ

#springrevolution #springdiary #myanmarnews #mizzimadailynews #mizzma #newstodayofficial

ဇူလိုင် ၂၃ နွေဦးတော်လှန်ရေးနေ့စဉ်မှတ်စု တော်လှန်ရေး လှုပ်ရှားမှုသတင်းများ

#springrevolution #springdiary #myanmarnews #mizzimadailynews #mizzma #newstodayofficial #sagaing #mandalay #peopledefenceforce #pdf #NUG #whathappeninginmyanmar

ဇူလိုင် ၂၄ နွေဦးတော်လှန်ရေးနေ့စဉ်မှတ်စု
အမျိုးသားညီညွတ်ရေးအစိုးရသတင်းများ

#springrevolution #springdiary #myanmarnews #mizzimadailynews #mizzma #newstodayofficial

ဇူလိုင် ၂၄ နွေဦးတော်လှန်ရေးနေ့စဉ်မှတ်စု တော်လှန်ရေး လှုပ်ရှားမှုသတင်းများ

#springrevolution #springdiary #myanmarnews #mizzimadailynews #mizzma #newstodayofficial

​​စဥ့်ကူးတွင် ကျေးရွာအုပ်ကြီး အပါအ၀င် ၃ ဦး ပစ်သတ်ရ
=================

007
(မဇ္စျိမ)။ ။မန္တလေးတိုင်း၊ စဥ့်ကူးမြို့နယ် ၊ လက်ပံလှကျေးရွာအုပ်စု လက်ပံလှကျေးရွာတွင် ယမန်နေ့ ညနေပိုင်းက ကျေးရွာအုပ်ချုပ်ရေးမှူး အပါအ၀င် သုံးဦး သေနတ်ဖြင့် ပစ်ခတ်ခံရပြီး စိုးရိမ်ရဒဏ်ရာများဖြင့် ဆေးရုံရောက်နေကြောင်း သိရသည်။

ယမန်နေ့ စက်တင်ဘာလ ၈ ရက် ညနေ ၄ နာရီခန့်က ၎င်းတို့သုံးဦး ကျေးရွာအုပ်ချုပ်ရေးမှူးရုံးအတွင်းရှိနေစဉ် ဆိုင်ကယ်နှစ်စီးဖြင့် ရောက်လာသော အမျိုးသားသုံးဦးက သေနတ်အရှည်များဖြင့် ပစ်ခတ်ထွက်ပြေးသွားခြင်းဖြစ်ကြောင်း မန္တလေးတိုင်းရဲတပ်ဖွဲ့နှင့် နီးစပ်သည့် အသိုက်အ၀န်းထံက သိရသည်။

" လက်ပံလှအုပ်ကြီးရယ်၊ ရာအိမ်မှူးရယ်၊ နောက်တစ်ယောက်က မီးသတ်သမားရယ်။ အားလုံးပေါင်းသုံးယောက်။ လက်ပံလှရုံး (လက်ပံလှကျေးရွာအုပ်ချုပ်ရေးမှူးရုံး)ထဲမှာ အတူရှိနေတုန်းသေနတ်သမားတွေက ရုံးထဲအထိ၀င်ဆွဲသွားတာ သုံးယောက်စလုံးအခု ဆေးရုံမှာ။ အခု နေ့လယ်ပိုင်းကြားသတင်းအရ မသေမရှင်ဖြစ်နေတယ်လို့သိရတယ် ဟု စဥ့်ကူးမြို့နယ်ပြည်သူ့ဆေးရုံနှင့်နီးစပ်သည့် ဒေသခံတစ်ဦးကပြောသည်။

ပစ်ခတ်ခံရမှုကြောင့် အသက် ၇၀ အရွယ် လက်ပံလှကျေးရွာ အုပ်ချုပ်ရေးမှူး ဦးထွန်းရွှေတွင် ယာဘက်ပုခုံးကျည်ဆန်ဒဏ်ရာတချက်၊ အသက် ၅၁ နှစ်အရွယ် ရာအိမ်မှူး ဦးမြင့်မော်တွင် ယာဘက် ခါးကျည်ဆန်ဖောက်၀င်ဒဏ်ရာ တချက်၊ အသက် ၅၈ နှစ်အရွယ် မြို့နယ်အရန် မီးသတ်တပ်ဖွဲ့၀င် ဦးမြင့်ရွှေ တွင် ယာဘက်ခါးကျည်ဆန်ဖောက်၀င် ဒဏ်ရာတချက် အသီးသီးရရှိခဲ့ကြောင်း၊ ၎င်းတို့အား စဥ့်ကူးမြို့နယ်ပြည်သူ့ဆေးရုံ အရေးပေါ်ဌာနတွင် ကုသမှုပေးထားကြောင်း ယနေ့ စက်တင်ဘာ ၉ ရက် နေ့လယ်ပိုင်းအချိန်အထိ စိုးရိမ်ရသည့်အခြေအနေတွင်ရှိ နေသေးကြောင်း သိရသည်။
ပစ်ခတ်မှုအား မည်သည့်အဖွဲ့အစည်းက လုပ်ဆောင်သွားခြင်းဖြစ်ကြောင်းကို မဇ္ဈိမက စုံစမ်းနေဆဲ ဖြစ်သည်။

စဥ့်ကူးမြို့နယ်တွင် စက်တင်ဘာလ ၇ ရက်နေ့က ညောင်ပင်၀န်းကျေးရွာမှ စစ်တပ်သတင်းပေး ဒလန်ဆိုသူ ဦး၀င်းစိုး( အသက် ၄၄ နှစ်)ဆိုသူ သေနတ်ဖြင့်ပစ်သတ်ခံခဲ့ရသေးသည်။
အဆိုပါဖြစ်စဉ်နှင့်ပတ်သက်၍လည်း မည်သည့်အဖွဲဲ့အစည်းကလုပ်ဆောင်သွားခြင်းဖြစ်ကြောင်း မသိရသေးပေ။

စာတည်း။ ။အောင်ကျော်ဖြိုး

#Mizzma
#စဥ့်ကူးမြို့နယ်
#ပစ်ခတ်

ပုံစာ - စဥ့်ကူး လက်ပံလှရွာအဝင်ဖြစ်ပါသည်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

https://www.youtube.com/watch?v=NswE28bK1Ms
နျူကလီးယားသန့်စင်ခြင်းလုပ်ငန်းကို စွန့်လွှတ်မည်မဟုတ်ဟု အီရန်နိုင်ငံခြားရေးဝန်ကြီးပြော