ဇွန်လ (၁၉)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
===========================

01:02 − စစ်ကောင်စီက မန္တလေးမြို့အနှံ့ ပိတ်ဆို့စစ်ဆေးနေပြီး ပန်းပန်ထားလျှင် ဆဲဆိုပြီး ဆွဲဖြုတ်ခိုင်းနေတဲ့ သတင်း

02:45 − မြန်မာ့နိုင်ငံရေးအခြေအနေ တိုးတက်မှုမရှိဘဲ ပိုမိုဆိုးရွားလာနိုင်ကြောင်း စင်္ကာပူနဲ့ အမေရိကန်ပြောတဲ့သတင်း

09:07 − နတ်သံကွင်းတိုက်ပွဲအပြီး ပစ်ခတ်မှုတွေကြောင့် ဒေသခံ ၄၀ ထက်မနည်းထိခိုက်ပြီး အယောက်၂၀ သေဆုံးထားတယ်လို့ ဒေသခံတွေပြောတဲ့သတင်းနဲ့

12:38 − နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ (၇၈) နှစ်ပြည့် မွေးနေ့ အထိမ်းအမှတ် ပန်းသပိတ် ပြုလုပ် ချီတက် ဆန္ဒပြတဲ့သတင်းအပါအဝင် နောက်ဆုံးရပြည်တွင်းသတင်းတွေနဲ့ နိုင်ငံတကာသတင်း တွေကို တင်ဆက်ပေးသွားမှာပါ။

https://youtu.be/i_Ux0ryJN3c

#4pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Business Round Up (19 June 2023)
==================

- လေအားလျှပ်စစ်စီမံကိန်း ၃ ခုအတွက် ရုရှားနှင့် စစ်ကောင်စီ MOU ထိုး

- ဒေါ်လာ ပြတ်လပ်မှုကြောင့် မြန်မာနှင့် ဘင်္ဂလားဒေ့ရှ် နယ်စပ်ကုန်သွယ်မှု နှောင့်နှေး

- တရုတ်သမ္မတရှီကျင့်ဖျင်နဲ့ Microsoft သူဌေးဘေဂိတ်တို့ တွေ့ဆုံ

- ပိတ်ဆို့အရေးယူမှုများက အမေရိကန်ဒေါ်လာ၏လွှမ်းမိုးမှုကို ခြိမ်းခြောက်နေ

https://youtu.be/BMJXrir-9V4

#BusinessRoundUp
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဒေါ်အောင်ဆန်းစုကြည်၏ မွေးနေ့အထိမ်းအမှတ် ဆုတောင်းပွဲ နယူးဒေလီမြို့တွင် ပြုလုပ်
========================

နယူးဒေလီ
(မဇ္စျိမ)။ ။အိန္ဒိယနိုင်ငံ၊ နယူးဒေလီမြို့တွင် ဒေါ်အောင်ဆန်းစုကြည်၏ မွေးနေ့အထိမ်းအမှတ် ဆုတောင်းပွဲအခမ်းအနားကို ယနေ့ ဇွန်လ ၁၉ ရက်နေ့ နံနက်ပိုင်းက ပြုလုပ်ခဲ့ကြသည်။

အခမ်းအနားကို CRPH နှင့် NUG Support Group India တို့မှ ဦးဆောင်ပြုလုပ်ခြင်းဖြစ်ပြီး သက်ဆိုင်ရာ နယ်ပယ်အလိုက်မှ ဖိတ်ကြားထားသူများအပြင် နယူးဒေလီမြို့တွင် အကြောင်းအမျိုးမျိုးဖြင့် ရောက်ရှိနေ သည့် မြန်မာနိုင်ငံသားများ တက်ရောက်ခဲ့ကြသည်။

အခမ်းအနားတွင် NLD အဖွဲ့ချုပ်ကော်မတီမှ ဒေါ်အောင်ဆန်းစုကြည်၏မွေးနေ့အတွက် ပေးပို့သည့် သ၀ဏ်လွှာကိုဖတ်ကြားခြင်း၊ မွေးနေ့အမှတ်တရစကားများပြောကြားခြင်းတို့ကို ပြုလုပ်ခဲ့သည်။
ထို့အတူ မြန်မာပြည်အမှန်တကယ် ငြိမ်းချမ်းရေးရရှိစေရန် ဖယောင်းတိုင်ထွန်းညှိကာ ဆုတောင်းခြင်း၊ ငှက်လွတ်ခြင်း အစီအစဥ်များကို ထည့်သွင်းပြုလုပ်ခဲ့ကြသည်။

ယနေ့ ဇွန်လ ၁၉ ရက်နေ့တွင် ကျရောက်သည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက် ၇၈ နှစ်ပြည့်မွေးနေ့ ဆုတောင်းပွဲအခမ်းအနားများကို ကမ္ဘာ့နိုင်ငံအသီးသီးတွင်ရောက်ရှိနေသည့် မြန်မာနိုင်ငံသားများက ကျင်းပပြုလုပ်လျက်ရှိသည်။

စာတည်း ။ ။ Alden
စာမူတည်းဖြတ်။ ။စောဖေ

#ဒေါ်အောင်ဆန်းစုကြည်
#မွေးနေ့
#နယူးဒေလီ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကန့်ကွက်မှုတွေနဲ့ရင်ဆိုင်နေရတဲ့ တရားစီရင်ရေးဆိုင်ရာ ပြုပြင်ပြောင်းလဲမှုတွေကို ဆက်လက်လုပ်ဆောင်သွားမယ်လို့ အစ္စရေးဝန်ကြီးချုပ်ပြော

https://www.facebook.com/reel/885390086575728

#InternationalNews #reels #shorts

​​ဒရုန်းဖြင့် ဗုံးချတိုက်ခိုက်ခံရပြီးနောက် စစ်ကောင်စီတပ်က လက်နက်ကြီးဖြင့် ရမ်းသန်းပစ်၍ ဒေသခံ ၁ ဦး သေ၊ ၂ ဦးဒဏ်ရာရ
======================

ပါခွီး
(မဇ္စျိမ)။ ။စစ်ကိုင်းတိုင်း၊ ကလေးမြို့နယ်တွင် စစ်ကောင်စီတပ်သားများ တပ်စွဲထားသည့်နေရာကို ဒေသကာကွယ်ရေးတပ်ဖွဲ့က ဒရုန်းဖြင့်ဗုံးချတိုက်ခိုက်ပြီးနောက် စစ်ကောင်စီတပ်မှလက်နက်ကြီးများဖြင့် ရမ်းသန်းပစ်ခတ်ခဲ့ရာ ဒေသခံတဦးသေဆုံးပြီး နှစ်ဦးဒဏ်ရာရရှိသွားကြောင်း သိရသည်။

ကလေးမြို့တောင်ပိုင်း သာယာဝတီ(ထိုမာ)နည်းပညာတက္ကသိုလ်အတွင်း တပ်စွဲထားသော စစ်ကောင်စီ တပ်ကို ဇွန်လ ၁၈ ရက် နံနက် ၁၁ နာရီ ၄၀ မိနစ်တွင် ဒရုန်းဖြင့် ဗုံးချခဲ့ခြင်းဖြစ်ကြောင်းဆိုသည်။
စစ်ကောင်စီတပ်စွဲထားသည့်နေရာကို Fixed Wings Drone အမျိုးအစားဖြင့်ဗုံးကြဲခဲ့ရာ အထိအခိုက်ရှိ ကြောင်း တိုက်ပွဲတွင်ပါဝင်သူ ရဲဘော်တဦးထံမှသိရသည်။

“စစ်ကောင်စီတပ်တွေက အကြောင်းမဲ့ လက်နက်ကြီးတွေနဲ့ပစ်ခတ်ခြင်း၊ ပြည်သူများကို ဖမ်းဆီးခြင်း မကြာခဏလုပ်နေတဲ့အတွက် အခုလို ဗုံးချတိုက်ခိုက်ခဲ့တာပါ” ဟု ဒရုန်းတပ်ဖွဲ့ဝင်တဦးက ပြောသည်။
ဗုံးချပြီးနောက် စစ်ကောင်စီတပ်သားများ၏ အော်ဟစ်ဆဲဆိုသံများကြားခဲ့ရပြီး အထိခိုက်များနိုင်ကြောင်း နှင့် သေဆုံးသည့်အရေအတွက်ကို မသိရှိရကြောင်းဆိုသည်။

ညနေ ၄ နာရီ ၁၈ မိနစ်အချိန်တွင် အဆိုပါနေရာကို ဒုတိယအကြိမ် ထပ်မံဗုံးကြဲတိုက်ခိုက်ခဲ့ကြောင်း သိရသည်။

ယင်းသို့တိုက်ခိုက်ပြီးနောက် ညနေ ၇ နာရီမှစ၍ စစ်ကောင်စီတပ်များက ကလေးမြို့တောင်ပိုင်းသို့ လက် နက်ကြီးများဖြင့် အချက် ၂၀ ခန့် ရမ်းသန်းပစ်ခတ်ခဲ့ကြောင်း ဆိုသည်။

စစ်ကောင်စီတပ်၏ လက်နက်ကြီးကျည်ကြောင့် ထိုမာကျေးရွာမှ အသက် ၃၄ နှစ်အရွယ် အမျိုးသားတဦး သေဆုံးခဲ့ပြီး တဦးဒဏ်ရာရခဲ့ကာ သာယာကုန်းကျေးရွာမှ အသက် ၅၀ အရွယ် အမျိုးသမီးတဦး ဒဏ်ရာ ရရှိခဲ့ကြောင်း သိရသည်။

ဇွန်လ ၁၉ ရက် ယနေ့တွင် ကလေးမြို့ ညောင်ပင်သာရပ်ကွက်ရှိ မြို့မဈေး၌ ပန်းပန်ထားသည့် အမျိုးသမီး ၂၀ ကျော်ကို စစ်ကောင်စီတပ်သားများက ဖမ်းဆီးသွားကြောင်း ဒေသခံများထံမှ သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#စစ်ကိုင်းတိုင်း
#ကလေးမြို့
#ထိုမာကျေးရွာ
#လက်နက်ကြီး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

June - 19 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts

ဒေါ်အောင်ဆန်းစုကြည်၏ မွေးနေ့အထိမ်းအမှတ် ဆုတောင်းပွဲ နယူးဒေလီမြို့တွင် ပြုလုပ်
=========================

နယူးဒေလီ
(မဇ္စျိမ)။ ။အိန္ဒိယနိုင်ငံ၊ နယူးဒေလီမြို့တွင် ဒေါ်အောင်ဆန်းစုကြည်၏ မွေးနေ့အထိမ်းအမှတ် ဆုတောင်းပွဲအခမ်းအနားကို ယနေ့ ဇွန်လ ၁၉ ရက်နေ့ နံနက်ပိုင်းက ပြုလုပ်ခဲ့ကြသည်။

အခမ်းအနားကို CRPH နှင့် NUG Support Group India တို့မှ ဦးဆောင်ပြုလုပ်ခြင်းဖြစ်ပြီး သက်ဆိုင်ရာ နယ်ပယ်အလိုက်မှ ဖိတ်ကြားထားသူများအပြင် နယူးဒေလီမြို့တွင် အကြောင်းအမျိုးမျိုးဖြင့် ရောက်ရှိနေ သည့် မြန်မာနိုင်ငံသားများ တက်ရောက်ခဲ့ကြသည်။
အခမ်းအနားတွင် NLD အဖွဲ့ချုပ်ကော်မတီမှ ဒေါ်အောင်ဆန်းစုကြည်၏မွေးနေ့အတွက် ပေးပို့သည့် သ၀ဏ်လွှာကိုဖတ်ကြားခြင်း၊ မွေးနေ့အမှတ်တရစကားများပြောကြားခြင်းတို့ကို ပြုလုပ်ခဲ့သည်။
ထို့အတူ မြန်မာပြည်အမှန်တကယ် ငြိမ်းချမ်းရေးရရှိစေရန် ဖယောင်းတိုင်ထွန်းညှိကာ ဆုတောင်းခြင်း၊ ငှက်လွတ်ခြင်း အစီအစဥ်များကို ထည့်သွင်းပြုလုပ်ခဲ့ကြသည်။

ယနေ့ ဇွန်လ ၁၉ ရက်နေ့တွင် ကျရောက်သည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက် ၇၈ နှစ်ပြည့်မွေးနေ့ ဆုတောင်းပွဲအခမ်းအနားများကို ကမ္ဘာ့နိုင်ငံအသီးသီးတွင်ရောက်ရှိနေသည့် မြန်မာနိုင်ငံသားများက ကျင်းပပြုလုပ်လျက်ရှိသည်။

စာတည်း ။ ။ Alden
စာမူတည်းဖြတ်။ ။စောဖေ

#ဒေါ်အောင်ဆန်းစုကြည်
#မွေးနေ့
#နယူးဒေလီ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မိုးဗြဲတိုက်ပွဲမှာ PDF ၃၂ ယောက်ကျဆုံးတယ်ဆိုတဲ့ သတင်းမှား |Misinformation Buster S3| Ep.71
====================

မဇ္ဈိပရိသတ်များအားလုံး မင်္ဂလာပါ။ သတင်းတု/မှား များကို တိုက်ဖျက်ခြင်း (Misinformation Buster) အစီအစဉ်ကနေ ပြန်လည်ကြိုဆိုလိုက်ပါတယ်။

ဒီတပတ်မှာတော့
-ရွှေတောင်မြို့မှာ ဆိုင်ကယ်အရောင်းဆိုင်မရှိဘဲ အွန်လိုင်းမှာ ဆိုင်ကယ်ရောင်းချပြီး ငွေကြေးလိမ်လည်နေတဲ့အကြောင်းနဲ့အတူ
-သာဇင်ကျေးရွာက နေအိမ်အလုံး ၆၀၀ ကို ပြည်သူ့ကာကွယ်ရေးတပ်တွေမီးရှို့တယ်ဆိုတဲ့ သတင်းမှားနဲ့
-မိုးဗြဲတိုက်ပွဲမှာ ပြည်သူ့ကာကွယ်ရေးတပ်ဖွဲ့ဝင် ၃၂ ယောက် ကျဆုံးတယ်ဆိုတဲ့ သတင်းမှား စတဲ့ တစ်ပါတ်အတွင်း မဇ္ဈိမ က စိစစ်တွေ့ရှိထားတဲ့ သတင်းတုသတင်းမှားတွေကို ဂျူချန်းက တင်ဆက်ထားပါတယ်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

https://youtu.be/vc0wobtK1iw

#Misinformation_Buster
#Weekly_Package
#Fake_News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ယူကရိန်းပဋိပက္ခနဲ့ပတ်သက်ပြီး အာဖရိကနိုင်ငံတွေရဲ့ မျှတတဲ့ချဉ်းကပ်မှုအပေါ် ပူတင်ချီးကျူး

https://www.facebook.com/reel/252668227396116/?s=single_unit

#InternationalNews #reels #shorts
#Mizzima #Ukraine #Afica

​​အာဏာသိမ်းကာလအတွင်း မိုးဗြဲမြို့တွင် အရပ်သား ၆၀ ကျော်သေဆုံးဟု PKPF ထုတ်ပြန်
=======================

001
(မဇ္စျိမ) ။ ။ အာဏာသိမ်းကာလ ၂၀၂၁ ခုနှစ် ဖေဖော်ဝါရီလမှ ၂၀၂၃ ခုနှစ် ဇွန်လ ၁၇ ရက်နေ့အတွင်း ရှမ်းပြည်နယ်တောင်ပိုင်း၊ မိုးဗြဲမြို့တွင် အရပ်သား ၆၀ ကျော်သေဆုံးခဲ့ကြောင်း တိုးတက်သောကရင်နီ ပြည်သူ့အင်အားစု(PKPF)က ထုတ်ပြန်သည်။

PKPF ၏ လက်လှမ်းမီသ၍ ပြုစုထားသည့်စာရင်းများအရ သေဆုံးသူများတွင် အမျိုးသား ၄၅ ဦး၊ အမျိုး သမီး ၁၅ ဦးနှင့် ကျား၊ မ မသိရသေးသူခြောက်ဦးပါဝင်ပြီး ထိုအထဲတွင် အသက် ၁၈ နှစ်အောက် ကလေး သူငယ် ၁၃ ဦးပါဝင်ကြောင်း ထုတ်ပြန်ချက်တွင်ဖော်ပြသည်။

အရပ်သားများမှာ စစ်ကောင်စီတပ်၏ ပစ်ခတ်သတ်ဖြတ်ခံရခြင်း၊ လက်နက်ကြီးထိမှန်ခြင်း၊ လေကြောင်း မှတိုက်ခိုက်ခံရခြင်း၊ မိုင်းနင်းမိခြင်းနှင့် လက်နက်ကြီးသံကြောင့် ထိတ်လန့်ပြီးသေဆုံးရခြင်းတို့ ပါဝင် သည်။

“ ဒီလ ကျွန်တော်တို့စာရင်းအရဆိုရင် ၂၇ ယောက်လောက်ရှိတယ်။ လောလောဆယ် ကျွန်တော်သိထား သလောက်ပေါ့။ အခုကတော့ တမြို့လုံးရှောင်ထားတယ်။ လူသွား၊ လူလာမရှိဘူး၊ ဒီလမ်းမကြီး လောက်ပဲ အသွားအလာရှိကြတယ်။ ဒီလတော့ ဖမ်းဆီးသတ်ဖြတ်တာတို့၊ လက်နက်ကြီးထိမှန်ပြီး သေတာတို့၊ ထိ ခိုက်တာပဲ တွေ့ရပါတယ်”ဟု PKPF တာဝန်ရှိသူတစ်ဦးက ပြောသည်။

မိုးဗြဲမြို့တွင် ၂၀၂၃ ခုနှစ်၊ ဇွန်လအစပိုင်းမှစတင်ကာ တိုက်ပွဲပြန်လည်ပြင်းထန်လာခဲ့ပြီး လက်ရှိတွင် မြို့ခံ အများအပြား နေရပ်စွန့်ခွာတိမ်းရှောင်နေရ၍ စားနပ်ရိက္ခာ၊ နေရေးထိုင်ရေးနှင့် ဆေးဝါးအခက်အခဲများ လည်း ကြုံတွေ့နေရသည်။

“ ကျွန်တော်တို့လည်း လယ်တောကတဲမှာပဲ အတူတူသွားရှောင်ကြတာပေါ့။ ကျပ်တည်းနေကြတာပေါ့ နော်။ တချို့ကတော့ ဖယ်ခုံဘက်ပြေးတယ်၊ တချို့ကလည်း တောင်ပေါ်ဘက် ပြေးကြတယ်။
နေရာပြန့် ကျဲနေတာပေါ့။ တနေရာတည်းတော့ မပြေးသွားဘူး။ အခုလည်း တချို့က စားနပ်ရိက္ခာမရှိကြတော့၊ စားနပ်ရိက္ခာမလုံလောက်တော့ အဲ့ဒီအတိုင်းပဲ ရှိတဲ့လူနဲ့ မျှစားနေရတာပေါ့” ဟု မိုးဗြဲဒေသခံတဦးက ပြောသည်။

လက်ရှိ၌ မိုးဗြဲဒေသခံများမှာ အိမ်မပြန်ရဲကြသေးဘဲ တောတောင်ထဲတွင် ဆက်လက်ခိုလှုံနေရကာ ကလေးသူငယ်အချို့ ဝမ်းပျက်ဝမ်းလျှောရောဂါဖြစ်ပွားနေကြောင်း အဆိုပါဒေသခံကပြောသည်။

တိုက်ပွဲများပြင်းထန်ခဲ့သည့်မိုးဗြဲမြို့တွင် ရက်ပိုင်းအတွင်း တိုက်ပွဲများငြိမ်နေသော်လည်း စစ်ကောင်စီ တပ်မှ တပ်စွဲထားစဲဖြစ်ပြီး နှစ်ဖက်စစ်ရေး တင်းမာနေ၍ ဒေသခံများ နေရပ် မပြန်သေးကြရန် PDF များက သတိပေးထားသည်။

စစ်အာဏာသိမ်းပြီးနောက်ပိုင်း မိုးဗြဲမြို့တွင် တိုက်ပွဲ ၆၁ ကြိမ်ဖြစ်ပွားခဲ့ပြီး လေကြောင်း တိုက်ခိုက်မှု ၃၉ ကြိမ်နှင့် နေအိမ်ပျက်စီးမှု ၁၇၄ လုံးရှိကြောင်း တိုးတက်သောကရင်နီပြည်သူ့အင်အားစု PKPF မှ ထုတ် ပြန်ထားသည်။

စာတည်း ။ ။ Alden
စာမူတည်းဖြတ်။ ။စောဖေ

#မိုးဗြဲမြို့
#ကရင်နီ
#PKPF
#အရပ်သားသေဆုံး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U