မူဆယ်တွင် တရုတ်နှင့် နယ်စပ်အနီး တိုက်ပွဲဆက်ဖြစ်နေ၊ စစ်ဘေးရှောင် ၁,၂၀၀ခန့်ရှိလာ
=======================

မောင်ခက်နွေ
(မဇ္ဈိမ) ။ ။ ရှမ်းပြည်နယ်မြောက်ပိုင်း၊ မူဆယ်မြို့နယ်အတွင်း မြန်မာ- တရုတ်နယ်စပ်အနီးကျေးရွာများတွင် စစ်ကောင်စီတပ်နှင့် တအာင်းအမျိုးသားလွတ်‌မြောက်ရေးတပ်မတော် (TNLA) တိုက်ပွဲဖြစ်ပွားနေပြီး ဒေသခံ ၁,၂၀၀ခန့်သည် ဘေးလွတ်ရာ ထွက်ပြေးတိမ်း ရှောင်နေကြရကြောင်း သိရသည်။

မူဆယ်-နမ့်ခမ်းလမ်းမပေါ်ရှိ စယ်လန့်ရွာအနီး တရုတ်နိုင်ငံနယ်စပ်နှင့် နီးသောကျေးရွာများတွင် တိုက်ပွဲအပြင်းအထန်ဖြစ်ပွားနေခြင်းဟု စစ်ဘေးရှောင်များအားကူညီနေသူများကပြောသည်။တိုက်ပွဲ‌ကြောင့်စယ်လန့်ရွာ၊ ဂေါင်ရာရွာသစ်၊ မန်ကန်ရွာ၊ မိုင်းဆတ်ရွာနှင့်နမ့်ကတ်ရွာစသည့် ကျေးရွာများမှ ဒေသခံများသည် မူဆယ်နှင့် နမ့်ခမ်းမြို့ပေါ်သို့ ထွက်ပြေးတိမ်းရှောင်လာကြခြင်းဟု သိရသည်။

“အခုဟာက အဝေးကနေပြီးတော့ လက်နက်ကြီးနဲ့ ရမ်းသန်းမှန်းသန်း ပစ်နေတာ။ လူတွေနေတဲ့ ရွာတွေပေါ်ကျတော့ ဒုက္ခရောက်တာပေါ့ဗျာ။ ဘယ်သူမှ မနေရဲဘူး ပြေးကြရတာ” ဟု စစ်ဘေးရှောင်အရေး ကူညီပေးသူတဦးကမဇ္ဈိမကို ပြောသည်။

စစ်ဘေးရှောင်အချို့သည် မူဆယ်မြို့ပေါ် ဟိုနား ရပ်ကွက်၊ စွမ်စော် ရပ်ကွက်၊ တင်းလုံရပ်ကွက်၊ပန်ခမ်းရွာနှင့် နမ့်ခမ်းမြို့နယ်၊တုန်ခွမ်ရွာတို့ရှိ ဆွေမျိုးများအိမ်တွင် နေကြပြီး အများစုမှာ ဘုန်းကြီးကျောင်းများတွင် ခိုလှုံနေကြရသည်ဟု သိရသည်။ ယနေ့ ဩဂုတ်လ ၃၁ရက်ညနေ စာရင်းအရ စစ်ဘေးရှောင်နေရသူ အရေအတွက်သည် ၁၂၀၀ခန့် ရှိနေပြီဟု သတင်းရရှိသည်။

" စယ်လန့် အပေါ်တောင်ကြောတခုလုံးကနေထွက်ပြေးလာကြတာ။တရုတ်နယ်စပ်နဲ့ နီးတယ်။ စယ်လန့်တောင်ပေါ်က ကြည့်ရင် တရုတ်နိုင်ငံကို လှမ်းမြင်နေရတယ်။ ဒီနေ့ ထပ်ရောက်တာနဲ့ဆို များမယ်။ အဲ့နားက ရွာတွေ အားလုံးက ရှောင်လာကြပြီ” ဟု နမ့်ခမ်းမြို့မှ ပရဟိတအရေး ဆောင်ရွက်နေသူတဦးကပြောသည်။

စစ်ကောင်စီတပ်နှင့်TNLA မြန်မာ-တရုတ်နယ်စပ်အနီး မြန်မာဘက်အခြမ်းမှ ကျေးရွာအချို့တွင် ပြီးခဲ့သည့် သြဂုတ် ၂၈ ရက်နေ့မှစပြီး တိုက်ပွဲများဖြစ်ပွားခဲ့သည်။တအာင်းတပ်မတော် တပ်မဟာ(၁) တပ်ရင်း(၅၇၁)နှင့် (၁၁၂)ကစစ်ကောင်စီ၏မန်မိုင်နှင့် လွယ်ကျလော့တပ်စခန်းအား တပြိုင်နက် တန်ပြန်ထိုးစစ်ဆင်တိုက်ခိုက်ခဲ့ပြီး နှစ်ဖက်တိုက်ပွဲပြင်းထန်ခဲ့ကြောင်း၊တိုက်ပွဲအတွင်း စစ်ကောင်စီတပ်မှ ထိခိုက်ကျဆုံးမှုရှိခဲ့ပြီး အသေးစိတ်မသိရှိရသေးကြောင်း TNLA က ယနေ့ဩဂုတ်လ ၃၁ရက်တွင် သတင်းထုတ်ပြန်ထားသည်။

တိုက်ပွဲများ ပြင်းထန်လာပါက စစ်ဘေးရှောင်များအတွက် စားရေးသောက်ရေးနှင့် နေထိုင်ရေးအခက်အခဲများ ကြုံတွေ့လာနိုင်သည်ဟု ဒေသတွင်းလူမှုကူညီရေးအဖွဲ့များကပြောသည်။ လတ်တလော စစ်ဘေးရှောင်လာသူများတွင် အမျိုးသမီးများနှင့်ကလေးငယ်များ အများအပြားပါဝင်ကြောင်းသိရသည်။

ယနေ့တွင််လည်း စယ်လန့်ကျေးရွာအုပ်စုရှိ လွိုင်တေးမိန်းတောင်ပေါ်တွင် စစ်ကောင်စီတပ်က ဂျက်လေယာဉ်ဖြင့် နှစ်ကြိမ်ထက်မနည်း ပျံဝဲကာ ကင်းထောက်သွားသောကြောင့် လေကြောင်းအသုံးပြုတိုက်ခိုက်လာမည်ကို မူဆယ်နှင့် နမ့်ခမ်းဒေသခံများကစိုးရိမ်နေသည်။ မြေပြင်တိုက်ပွဲလည်းဆက်လက်ဖြစ်ပွားနေသည်ဟု ၎င်းတို့ကပြောသည်။

ဒေသတွင်းအခြေအနေများနှင့် ပတ်သက်၍ အသေးစိတ်သိနိုင်ရန် TNLAထံ ယနေ့ညနေတွင် ဖုန်းအကြိမ်ကြိမ် ဆက်သွယ်ခဲ့သော်လည်း မရရှိသေးပေ။

စာတည်း - အေးချမ်း

#mizzima
#မူဆယ်မြို့နယ်
#စစ်ကောင်စီတပ်
#TNLA
#တိုက်ပွဲ
#စစ်ဘေးရှောင်များ

ပုံစာ - တိုက်ပွဲကြောင့် ထွက်ပြေးတိမ်းရှောင်လာကြသည့် ဒေသခံများ (Photo/HMS)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၃၁ ဩဂုတ် ၂၀၂၃)
======================

စစ်ကောင်စီက ပြည်တွင်းစားသုံးဆီဈေးမြင့်တက်နေသည်ကို ထိန်းချုပ်ရန် ဆီကုန်သည်များကိုအတင်းအကျပ် ဖိအားပေးမှုများ ပြုလုပ်နေသည်ကို တွေ့ရသည်။စစ်ကောင်စီက ဝန်ထမ်းငွေပေးချေမှု နှင့် အခြားကိစ္စရပ်များတွင် နှစ်သောင်းတန်ငွေစက္ကူကို အသုံးပြုမည်ဟု သိရသည့်အတွက် စစ်ကောင်စီသည် ငွေကြေးဖောင်းပွမှုမြင့်တက်အောင် ပြုလုပ်နေသည်ကို တွေ့ရသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

National Unity Government (NUG)၏ PVTV Channel မှ ၂၀၂၃ ခုနှစ် သြဂုတ်လ ၃၁ ရက်ထုတ်လွှင့်မှုများ
====================

https://youtu.be/xE7qBtpoSqs?si=wCoW1TCUyWiJuFRT

#PVTV
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စက်တင်ဘာလ(၁)ရက်၊ သောကြာနေ့ မနက်ပိုင်း မဇ္ဈိမ ရေဒီယို အစီအစဉ်
====================

ဒီကနေ့ မနက်နားဆင်ရမယ့် အစီစဉ်တွေတွေကတော့
ရိုဟင်ဂျာတွေ နေရပ်ပြန်နိုင်ရေး ဒီနှစ်ကုန်ပိုင်းမှာ စတင်မယ်လို့ ဘင်္ဂလားဒေ့ရှ်နိုင်ငံခြားရေးဝန်ကြီးကပြောဆို လိုက်တဲ့ သတင်းနဲ့အတူ ချင်းပြည်နယ် ထန်တလန်မှာ ချင်းကာကွယ်ရေးတပ်ဖွဲ့တွေနဲ့ စစ်ကောင်စီအကြား ဩဂုတ်လ ၂၇ ရက်နေ့ကနေ ၂၈ ရက်နေ့အထိ နှစ်ရက်တာတိုက်ပွဲမှာ ချင်းကာကွယ်ရေးတပ်ဖွဲ့ဝင် ၁၅ ဦးနဲ့ စစ်ကောင်စီတပ်ဖွဲ့ဝင် ၃၀ ကျော် သေဆုံးခဲ့တဲ့သတင်း အပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာ သတင်း တွေကို နားဆင်ကြရမှာပါ။

အဲ့ဒီနောက်မှာတော့ စီးပွားရေးသတင်းတွေနဲ့ ဒီကနေ့အတွက် သတင်းသုံးသပ်ချက်အစီအစဉ်ကို နားဆင်ရဖို့ရှိသလို ကျန်းမာရေးအကြောင်းပြောပြထားတဲ့ ကျန်းမာသုတ လူမှုဘဝ အစီအစဉ်ကို နားဆင်ရမှာဖြစ်ပါတယ်။

https://youtu.be/H06t7uUUgSc?si=3uOtEm_Bc-m_w0UY

#Mizzimaradio
#Morningradio
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မဇ္ဈိမအတွက် ဗွီအိုအေ သတင်းလွှာ( စက်တင်ဘာလ ၁ ရက်၊ ၂၀၂၃ ) | VOA On Mizzima
====================

ရုရှားကြေးစားတပ်ခေါင်းဆောင်သေဆုံးမှုအလွန် အာဖရိက၊ AI ဉာဏ်ရည်တုသုံးပြီး ကွယ်လွန်သူတွေနဲ့ပြန်ဆုံနိုင်၊ ဒီလို စိတ်ဝင်စားစရာ နိုင်ငံတကာသတင်းဆောင်းပါးတွေနဲ့ နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ စက်တင်ဘာလ ၁ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/2-e5ozFMr3s?si=aDdJlJFW7stI1oeR

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ရုရှားကြေးစားတပ်ခေါင်းဆောင်သေဆုံးမှုအလွန် အာဖရိက | VOA On Mizzima
======================

ရုရှားကြေးစားစစ်တပ် Wagner Group ခေါင်းဆောင် Yevgeny Prigozhin နဲ့အခြားခေါင်းဆောင်တချို့သေဆုံးခဲ့တဲ့ အတွက် ဒီတပ်ဖွဲ့တွေရဲ့အာဖရိကနိုင်ငံတွေမှာလုပ်ဆောင်နေတာတွေအပေါ် ဘယ်လို သက်ရောက်မှုရှိလာမလဲဆိုတာကို လေ့လာသုံးသပ်ဖို့ အချိန်စောနေနိုင်သေးပေမယ့်၊ တချို့သုတေသီတွေကတော့ ရေတိုအချိန်အတိုင်းအတာတခုအထိ အခက်အခဲရှိနိုင်တယ်လို့ သုံးသပ်ကြပါတယ်။ အဓိကဆက်သွယ်လုပ်ဆောင်ခဲ့တဲ့ အဖွဲ့ရဲ့ ထိပ်တန်းခေါင်းဆောင် Prigozhin နေရာကို ခေါင်းဆောင်သစ်အစားထိုးဖို့ဟာ အချိန်ယူဖို့လိုမယ်လို့ သုံးသပ်ထားပါတယ်။ နိုင်ရိုဘီမြို့တော်က VOA ဌာနခွဲအကြီးအကဲ Mariama Diallo သတင်းပေးပို့ထားတာကို ကိုဇော်မိုးကျော် တင်ဆက်ထားပါတယ်။

https://youtu.be/4jxxLEQuYac?si=jzmZmZw2f5BzdHO1

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

၂၀၀၀၀ တန်ဂယက်ကြောင့်
=============

စစ်ကောင်စီက သြဂုတ်လ ၃၁ ရက်နေ့မှာ ထုတ်ပေးမယ့် နိုင်ငံတဝှမ်းက Non-CDM ဌာနဆိုင်ရာ ဝန်ထမ်းတွေရဲ့ လစာငွေတွေထဲမှာ ကျပ် ၂ သောင်းတန် ငွေစက္ကူအသစ်တွေ ပါဝင်လာပါတော့မယ်။
စစ်ကောင်စီက နိုင်ငံတဝန်းကို ၂ သောင်းတန် ငွေစက္ကူအသစ်တွေ အလုံးအရင်းနဲ့ ပေးပို့နေပြီလို့လည်း သတင်းတွေ ထွက်ပေါ်နေပါတယ်။

စစ်ကိုင်းတိုင်း၊ ဟုမ္မလင်းမြို့နဲ့ ခန္တီးက Non-CDM ဝန်ထမ်းတွေကို လစာပေးဖို့အတွက် စစ်တပ်က ရိက္ခာတင် သင်္ဘောတွေနဲ့ ၂ သောင်းတန် ငွေစက္ကူထုပ်တွေ သယ်ဆောင်လာပြီး အစိုးရဘဏ်ဝန်ထမ်းတွေပါ လိုက်ပါ လာကြောင်းနဲ့ လေကြောင်း၊ ရေကြောင်းတွေကနေ ၂ သောင်းတန် ငွေစက္ကူတွေကို အလုံးအရင်းနဲ့ သယ်ဆောင်နေပြီလို့ ရန်ကုန်ခေတ်သစ် သတင်းဌာနမှာ ဖော်ပြထားတာ တွေ့ရပါတယ်။

https://youtu.be/iNtS6yOqQec?si=hOZG3BPjqZiPECmY

#politics
#Newsfeature
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သဘာဝပတ်ဝန်းကျင်မထိခိုက်အောင် ဘယ်လို ခရီးသွားမလဲ | VOA On Mizzima
======================

အပန်းဖြေ ခရီး သွားမယ့်နေရာမှာ တောမီးလောင်တာ၊ ရေကြီးတာ၊ ဒါမှ မဟုတ် အပူလှိုင်း အန္တရာယ်တွေ ကျရောက်နေမယ်ဆိုရင် ကမ္ဘာကြီးပူနွေးလာပြီး ရာသီဥတုဖောက်ပြန်မှုကို စဉ်းစားစရာလည်း ဖြစ်လာပါတယ်။ AP သတင်းဆောင်းပါးကို အခြေခံပြီး အလိမ္မာ တင်ဆက်ထားပါတယ်။

https://youtu.be/QkgEP74d9VE?si=hM0g85f1EjLyD8DE

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စက်တင်ဘာလ ၁ ရက်နေ့ ၊ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊စားအုန်းဆီစျေး
======================

https://youtu.be/bUgYZKQJWvg?si=Ws3MVbJY0ahaafSS

အမေရိကန်ရဲ့စစ်ရေးအကူအညီပေးနေမှုက ထိုင်ဝမ်ရဲ့လုံခြုံရေးကိုထိခိုက်စေကြောင်း တရုတ်သတိပေး
==========================

https://youtu.be/5ZbVwzcx7Os?si=ugWbvqbSX4jx3LB2

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U