Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
CDF-Senthang ၏ ဒုတိယအကြိမ်မြောက် အရန်တပ်ဖွဲ့သင်တန်းပြုလုပ်
====================

မောင်ခက်နွေ
(မဇ္ဈိမ)။ ။ချင်းပြည်နယ်၊ ဟားခါးမြို့အခြေစိုက် ချင်းကာကွယ်ရေးတပ် CDF-Senthang က ပြုလုပ်သည့် ဒုတိယအကြိမ်မြောက် အရန်တပ်ဖွဲ့ သင်တန်းကို အောင်မြင်စွာပြုလုပ်သည်ဟု ယမန်နေ့ ဧပြီလ ၇ရက်နေ့တွင် CDF-Senthang က ထုတ်ပြန်ထားသည်။
“သင်တန်းဖြစ်မြောက်နိုင်ရေးအတွက် အဖက်ဖက်မှ ဝိုင်းဝန်းကူညီပေးသူအားလုံးအပေါ် ကျေးဇူးတင်ကြောင်း” ထုတ်ပြန်ချက်တွင် ဖော်ပြထားသည်။

ပထမအကြိမ် အရန်တပ်ဖွဲ့သင်တန်းကို ပြီးခဲ့သည့် ဖေဖော်ဝါရီလ ၆ ရက်နေ့က ပြီးဆုံးခဲ့သည်ဟု သိရသည်။
CDF-Senthang သည် ချင်းအမျိုးသားတပ်ဦး-ချင်းအမျိုးသားတပ်မတော်(CNF/CNA) ၏ လမ်းညွှန်ကွပ်ကဲမှုအောက်ရှိ အဖွဲ့တစ်ဖွဲ့ဖြစ်သည်။

CDF-Senthang ကို၂၀၂၁ ခုနှစ် စက်တင်ဘာလ ၂၃ ရက်နေ့တွင် စတင်ဖွဲ့စည်းခဲ့ခြင်း ဖြစ်သည်။

#ချင်းပြည်နယ်
#ဟားခါးမြို့
#CDF-Senthang
#အရန်တပ်ဖွဲ့သင်တန်း
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍20🥰4😁2
​​ဒေါက်တာခလမ်ဆမ်ဆွန် ထောင်ဒဏ် ၆နှစ် ချမှတ်ခံရမှု အယူခံဝင်မည်

(မဇ္ဈိမ)
။ ။ ဒေါက်တာခလမ်ဆမ်ဆွန်ကို စစ်ကောင်စီက ထောင်ဒဏ်ခြောက်နှစ် အမိန့်ချမှတ်အပေါ် အယူခံဝင်သွားမည်ဖြစ်ကြောင်း အမှုကို လိုက်ပါဆောင်ရွက်ပေးနေသည့် ရှေ့နေထံက သိရသည်။
အမှုအားလုံးအတွက် အယူခံဝင်ရန် စီစဉ်နေပြီး တက်နိုင်သမျှ အစွမ်းကုန် ကြိုးစားသွားမည်ဟု ၎င်းက ဆိုသည်။
ကချင်နှစ်ခြင်းခရစ်ယာန်အဖွဲ့ချုပ် (KBC) အကြံပေးပုဂ္ဂိုလ် သိက္ခာတော်ရ ဆရာတော် ဒေါက်တာခလမ်ဆမ်ဆွန်ကို ယမန်နေ့ ဧပြီလ ၇ ရက်တွင် စစ်ကောင်စီ လက်အောက်ခံ မြစ်ကြီးနား ထောင်တွင်းတရားရုံးက အပြီးသတ် စီရင်ချက် ချမှတ်ခဲ့ခြင်းဖြစ်သည်။
" ကြိုးစားလို့နိုင်သမျှ အကုန်ကြိုးစားမယ်။ အယူခံကို ထပ်ဝင်လို့ရမယ့် လုပ်ငန်းစဥ်တွေကို ကျွန်‌ေတာ်တို့ မနေ့ကတည်း စလုပ်နေပါပြီ"လို့အမှူကို လိုက်ပါဆောင်ရွက်ပေးနေသည့် KBC အဖွဲ့မှ သတင်းရင်းမြစ်က ဆိုသည်။
ဒေါက်တာ ခလမ်ဆမ်ဆွန်ကို ပုဒ်မ ၁၇(၁)ပုဒ်မအတွက် ထောင်ဒဏ် နှစ် နှစ်၊ ၅၀၅ (က) ပုဒ်မအတွက်ထောင်ဒဏ် တစ်နှစ်နှင့် ပုဒ်မ ၅၂(က) ပုဒ်မ အတွက် ထောင်ဒဏ် သုံးနှစ် စုစုပေါင်း ထောင်ဒဏ် ခြောက်နှစ် ချမှတ်လိုက်ခြင်း ဖြစ်သည်။
KIO/KIA ဥက္ကဌ ဗိုလ်ချုပ်ကြီးအင်ဘန်လနှင့် ဗိုလ်ချုပ်ဂွမ်မော်တို့ကို ၂၀၂၂ ခုနှစ်၊ ဇန်နဝါရီလတွင် သွားရောက်တွေ့ဆုံခဲ့သည်ဟုဆိုကာ မတရားအသင်းအက်ဥပဒေပုဒ်မ ၁၇ (၁)၊ လူငယ်ဆွေးနွေးပွဲတစ်ခုတွင် " ခရစ်တော်၌ နိုင်ငံတော်ကိုတည်ထောင်ကြပါစို့" ဆိုသည့် ခေါင်းစဉ်ဖြင့် ဝေမျှရာတွင် နိုင်ငံတော်အကြည်ညိုပျက်စေသည့် စကားလုံးအသုံးအနှုန်းများ တွေ့ရသည်ဆိုကာ ပုဒ်မ ၅၀၅-ကဖြင့် မြောက်ပိုင်းတိုင်းစစ်ဌာနချုပ်၊ ဗိုလ်မှူးသူအောင်ဇော်က တရားလိုပြုလုပ်ပြီး တရားစွဲဆိုခဲ့ခြင်းဖြစ်သည်။
ထို့အပြင် အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလ၊ သယံဇာတနဲ့ သဘာဝပတ်ဝန်း ကျင်ထိန်းသိမ်းရေးဝန်ကြီး ဒေါက်တာတူးခေါင်၊ ပညာရေးဒုဝန်ကြီး ဒေါ်ဂျာထွယ်ပန်တို့နှင့် သွားရောက်တွေ့ဆုံသည်ဟုဆိုကာ ပုဒ်မ ၅၂(က)ဖြင့် မြစ်ကြီးနား ထောင်တွင်း တရားရုံးက မတ်လ ၁၄ ရက်တွင် ထပ်တိုး တရားစွဲဆိုခဲ့သည်။
ဒေါက်တာခလမ်ဆမ်ဆွန်သည် ၂၀၂၂ ခုနှစ် ဒီဇင်ဘာလ ၅ ရက်နေ့က ထိုင်းနိုင်ငံ၊ ဘန်ကောက်မြို့သို့ ဆေးစစ်ရန်သွားသည့်အချိန် မန္တလေးတံတားဦး အပြည်ပြည်ဆိုင်ရာ လေဆိပ်တွင် စစ်ကောင်စီစစ်ဘက်ဆိုင်ရာ လုံခြုံရေးတပ်ဖွဲ့ (စရဖ)၏ ဖမ်းဆီးထိန်းသိမ်းခြင်း ခံခဲရသည်။
ဖမ်းဆီးခံရပြီးနောက် မြစ်ကြီးနား စစ်တပ်စစ်ကြောရေးတွင် မိသားစုနှင့် ဆက်သွယ်ခွင့်မရဘဲ ၂၄ ရက်ကြာ နေခဲ့ရပြီး‌ေနာက် ၂၀၂၂ ခုနှစ် ဒီဇင်ဘာလ ၂၈ ရက်တွင် မြစ်ကြီးနား အကျဉ်းထောင်သို့ ရွှေ့ပြောင်းခံခဲ့ရသည်။
စာတည်း။ ။ အောင်ကျော်ဖြိုး
#Mizzima
#ဒေါက်တာခလမ်ဆမ်ဆွန်
#အယူခံဝင်
#ကချင်နှစ်ခြင်းခရစ်ယာန်အဖွဲ့ချုပ် (KBC)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14😁1💩1
အကြွေစောတဲ့ ကြယ်ဖြူလေးများဆီသို့ ကတိစကား

- ချမ်းငြိမ်း
သူငယ်ချင်းရေ
မင်းတို့ငါတို့တတွေက စစ်အာဏာသိမ်းမှုတွေနဲ့ ခဏခဏ ကြုံတွေ့နေကြရတဲ့ မြန်မာနိုင်ငံမှာ မွေးဖွားကြီးပြင်းလာခဲ့ကြတယ်လေ
ငါတို့ရဲ့ရှေ့က ခေတ်အဆက်ဆက်မှာ ငါတို့ရဲ့ အကိုအမတွေ စစ်အာဏာသိမ်းမှုတွေနဲ့ အဆင့်ဆင့်ကြုံတွေ့ခဲ့ကြရပြီး တော်လှန် ပုန်ကန်ခဲ့ကြရင်း အသက်ပေါင်းများစွာ ဘဝပေါင်းများစွာ စတေးပေးဆပ်ခဲ့ကြဖူးတယ်လေ
ဒါပေမဲ့သူတို့တတွေ အောင်ပန်းကို မဆင်မြန်းနိုင်ခဲ့ကြဘူးလေ…
သူငယ်ချင်းရေ.....
သူငယ်ချင်းရေ ဟုအစချီရင်း ရွတ်ဖတ်‌နေသည့်ကဗျာရွတ်သံက အခမ်းအနားအတွင်း ပျံ့လွင့်နေသည်။ ချည်ထည်အကျီအဖြူနှင့် ဘောင်းဘီရှည်အနက်ရောင်ဝတ်ဆင်ထားသည့် ရဲဘော်တုတ်ကြီးက စင်မြင့်တနေရာမှနေ၍ ရွတ်ဖတ်နေခြင်းဖြစ်သည်။
ထိုကဗျာက ပြီးခဲ့သည့် တော်လှန်ရေးကာလ နှစ်နှစ်တာကာလအတွင်း ကျဆုံးသွားသော သူ၏ ရဲဘော် ရဲဘက်များအား ရည်ညွှန်း၍ ရဲဘော်တုတ်ကြီး သီကုံး‌ရေးစပ်ထားသော ကဗျာဖြစ်သည်။
ကဗျာရွတ်နေစဉ် ရဲဘော်တုတ်ကြီး၏ မျက်နှာအမူအယာသည် ညိုးရော်သွားလိုက်၊ တင်းမာသွားလိုက်ဖြစ်နေသည်။ ရုတ်တရက်ကျဆင်းလာသည့် မျက် ရည်စီးကြောင်းကလည်း ရေကာတာ တာရိုးကျိုးကျသည့်အလား ထိန်းချုပ်မရအောင် သူ့ပါးပြင်ပေါ် တရဟော စီးကျလာတာကို မြင်နေရသည်။
👍14🔥1😁1
ရဲဘော်တုတ်ကြီးက ကဗျာရွတ်နေချိန် စင်အောက်တွင် ရှိနေသူများကလည်း မျက်လုံစုံမှိတ်ထားသည်။ ခေါင်းငုံ့ထားကြသည်။သူတို့အားလုံး၏ စိတ်အလျဉ်က တနေရာရာသို့ စူးနစ်ရောက်နေကြပုံရသည်။ ထိုနေရာဝန်းကျင်တွင် ကဗျာရွတ်သံက ခပ်အုပ်အုပ်၊ ခပ်မှန်မှန် လွင့်ပျံ့နေသည်။
အထက်ပါမြင်ကွင်းက ဧပြီလ ၂ရက် နံနက်က စစ်ကိုင်းတိုင်း ကနီမြို့နယ် ပြည်သူ့ကာကွယ်ရေးစခန်းတနေရာမှမြင်ကွင်းဖြစ်သည်။
ရဲဘော်တုတ်ကြီးက ကျောက်လုံးကြီးပြည်သူ့ကာကွယ်ရေးတပ်ဖွဲ့မှ ထောက်ပို့ရဲဘော်။သူ့ရင်တွင်းဖြစ်များကို စိုးရွှေဇယ် - ကျောက်လုံးကြီးအမည်ဖြင့်လည်း ဖွင့်အံရေးလေ့ရှိသူ။ ထိုနေ့ ဧပြီလ ၂ရက်သည် စစ်အာဏာရှင်အား လက်နက်ကိုင်တော်လှန်ရန်ဆုံးဖြတ်ခဲ့သည့် ကနီဒေသ၏ အညာသားတစုအတွက် သမိုင်းဝင်နေ့လည်းဖြစ်သည်။
ရဲဘော်တုတ်ကြီးတို့၏ ကျောက်လုံးကြီး ပြည်သူ့ကာကွယ်ရေးတပ်ဖွဲ့(KLG PDF) ကို ၂၀၂၁ခုနှစ် ဧပြီလ ၂ရက်တွင် စတင်ဖွဲ့စည်းခဲ့ရာယခု ၂၀၂၃ ခုနှစ် ဧပြီ ၂ရက်တွင် တည်ထောင်ခြင်း နှစ်နှစ်မြောက်ခဲ့ပြီ။ တပ်ဖွဲ့ကို ကျောက်လုံးကြီးဆရာတော်က ဦးဆောင်ပြီး လူပုဂ္ဂိုလ် ၃၅ဦးဖြင့် စတင်ဖွဲ့စည်းခဲ့သည်။အာဏာရှင်၏ ယုတ်ကန်းသမျှကို နဖူးတွေ့ဒူးတွေ သိမြင်လာသော ဒေသခံအများအပြား လာရောက်ပူးပေါင်းကြသည်။
နှစ်နှစ်အတွင်း တပ်ဖွဲ့ဝင်အင်အား ထောင်ချီရှိလာသည်။ကျောက်လုံးကြီး ပြည်သူ့ကာကွယ်ရေးတပ်ဖွဲ့တွင် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန လက်အောက်ခံ တပ်ရင်းသုံးရင်းလည်း ရှိနေပြီ။စစ်အာဏာရှင်တပ်အား ထိပ်တိုက်ရင်ဆိုင်ခဲ့သည့် တိုက်ပွဲပေါင်းလည်းအလီလီ တိုက်ခဲ့ပြီးပြီ။ စစ်‌ကောင်စီတပ်ဖွဲ့ဝင် ၃၀၀ ကျော်ကို ရှင်းလင်းနိုင်ခဲ့သလို ပြည်သူ့ကာကွယ်ရေးတပ်ဖွဲ့ဝင် လူငယ် ၁၉ ဦးလည်း ကျဆုံးခဲ့ရသည်။
ယခုကျင်းပသည့် အခမ်းအနားက စစ်ကျွန်ဘဝမှ လွတ်မြောက်ရေးအတွက် အသက်ပေးသွားခဲ့သော သူရဲကောင်းများအား အောက့်မေ့လွမ်းဆွတ်ရင်း
ရှေ့အနာဂတ် တော်လှန်ရေးခရီးကြမ်းကို တက်ညီလက်ညီဆက်ကြရန် ထပ်တိုးသံနိဌာန်ချခြင်းလည်းဖြစ်သည်။
အခမ်းအနား ပြင်ဆင်ထားပုံက ပြည့်စုံခမ်းနားလှသည်မဟုတ်။ အခမ်းအနားပကာသနထက် PDF ရဲဘော်များ၏ တော်လှန်ရေးသံနိဌာန်နှင့် ယုံကြည်ချက်ကသာ ကြီးမားနေသည့် အငွေ့အသက်ကို ခံစားရစေသည်။
လက်နက်အင်အားအသာစီးရထား‌သည့် အရိုင်းအစိုင်းစစ်တပ်ကို တုတ်၊ဓား၊လေးခွ၊တူမီးဖြင့်စတင်ခုခံတော်လှန်ရင်း ကျဆုံး ကြွေလွင့်ခဲ့ရသည့် ရဲဘော်များအတွက် ကျန်ရစ်သူတို့၏ လွမ်းသူ့ပန်းစည်းများဖြင့် စီခြယ်ထားသည်။
ပန်းစည်းတစည်းချင်းစီတွင် သနပ်ခါးပန်း၊ ဂန္တမာပန်း၊ နှင်းဆီပန်းအဖြူ၊ နှင်းဆီပန်းအနီ စသည့် ပန်းအမျိုးအစားများဖြင့် ဖန်တီးထားသည်။
ကျောက်လုံးကြီးပြည်သူ့ကာကွယ်ရေးတပ်ဖွဲ့ စတင်တည်ထောင်သည့် ၂၀၂၁ ခုနှစ် ဧပြီလ ၂ရက်ကပင် ပထမဆုံးတိုက်ပွဲခေါ်သံညံခဲ့သော တပြေအေးတိုက်ပွဲတွင် ရဲဘော်စိုးသူကျဆုံးခဲ့သည်။ ထို့နောက်ရဲဘော်အာကာမိုး၊ အာကာဖြိုး၊ ချစ်မင်းစိုး၊ ဌေးလွင်၊ ကျော်မင်းသိန်း၊ လင်းခန့်ကျော်၊ မောင်မောင်စိုး၊ မြင့်သူအောင်၊ မျိုးသန့်ဇင်၊ နိုင်လင်းထွန်း၊ နေမျိုးဦး၊ ပြည့်ဖြိုးကျော်၊ စန်းမင်းနိုင်၊ ဝေယံစိုး၊ သန်းကျော်စိုး၊ ဇော်ကြီး၊ ဇော်ဝင်းထွဋ်၊ သန်းကျော်ဌေး စသည့် ကျဆုံးရဲဘော်များ၏ အငွေ့အသက်များက ယနေ့ကျင်းပသည့် အခမ်းအနားကို လွမ်းမောဖွယ်ရာ လွမ်းခြုံနေသည်။
" သူငယ်ချင်းရေ
မင်းတို့ငါတို့တတွေ ဆိုးအတူ ကောင်းအတူ ရင်ဆိုင်မျှဝေကြရင်း တော်လှန်ရေး ရောင်နီဦးကို ဖမ်းဆုပ်နိုင်ခဲ့ကြပြီလေ…
ဒါပေမဲ့ သူငယ်ချင်းရာ
စစ်ပွဲဆိုတာ အကျိုးအမြတ်တွေရှိသလို ပေးဆပ်ရမှုတွေလည်း ရှိတယ်ကွာ
အဲ့ပေးဆပ်မှုတွေထဲမှာ မင်းနာမည်လည်း ပါသွားခဲ့ပြီလေ...
တော်လှန်ရေးမှာ အကြွေစောတဲ့ ကြယ်ဖြူလေး အဖြစ်နဲ့ပေါ့…
ရဲဘော်တုတ်ကြီး၏ ကဗျာရွတ်သံကလည်း ဆို့နင့်‌ကြေကွဲဖွယ်ရာ လွင့်ပျံ့လာပြန်သည်။
ထိုကျဆုံးရဲဘော်များကို ရည်စူးပြီး သံဃာတော် ခုနှစ်ပါးပင့်ဖိတ်ကာ ရေစက်ချအမျှဝေခြင်း၊ ဝတ္ထုငွေကပ်လှူခြင်းနှင့် ဆွမ်းကပ်လှူခြင်းများ ပြုလုပ်ကြသည်။ အခမ်းအနားသို့ မဟာမိတ်ပြည်သူ့ကာကွယ်ရေးတပ်ဖွဲ့ပေါင်းများနှင့် ဒေသခံအများအပြားတက်ရောက် လာကြသည်။
စစ်အာဏာရှင်တော်လှန်ရေး၏ ပင်မအုတ်မြစ်ဖြစ်သော ဒေသခံများနှင့် ကျဆုံးရဲဘော်များ၏ မိသားစုဝင်များကလည်း အခမ်းအနားသို့ အရောက်လာကြပြီး သွားလေသူ သူရဲကောင်းများကို ဦးညွှတ်ကြသည်။
👍19🔥1😁1
ဧည့်ခံကျွေးမွေးမှုကလည်း ရိုးစင်းလှသလို ပြည်သူ့အုပ်ချုပ်ရေးယန္တရားအသက်ဝင်နေပြီဖြစ်သည့် ဒေသတခု၏ သရုပ်သကန်အတိုင်း အေးအေးဆေးဆေးရှိသည်။ကုမ္မာရီအမျိုးသမီးများနှင့် ကာလသားများက ဧည့်ခံကျွေးမွေးကြသည်။ ဒေသအစားအစာများဖြစ်သော ကြက်သားငရုတ်သီးထိုး၊ ပဲကြော်နှင့်ချဉ်ပေါင်ရွက်၊ မျှစ်ချဉ်၊ ခရမ်းချဉ်သီး၊ ရုံးပတီသီး၊ ဂေါ်ဖီထုတ်၊ မုန်လာဥဖြူ၊ ပန်းမုံလာ၊ အာလူးစသည်တို့ ပါဝင်သော သီးစုံချဉ်ရည်ဟင်းတို့ဖြင့် ချက်ပြုတ်ကျွေးမွေးကြသည်။
အခမ်းအနားသို့ တက်ရောက်လာသည့် မဟာမိတ်တပ်ဖွဲ့ဝင်များမှ ရဲဘော်များသည် တပ်ဖွဲ့တဖွဲ့ချင်းစီ၏ သတ်မှတ်ထားသည့် ဝတ်စုံယူနီဖောင်းများအား စမတ်ကျကျ ဝတ်ဆင်ထားကြသည်။
ရဲဘော်အများစုက ဆယ်ကျော်အသက်အရွယ်များဖြစ်သည်။ လူလတ်ပိုင်း၊ လူကြီးပိုင်းတွေလည်းပါသည်။ သူတို့အားလုံးတွင် ယခုသူတို့ပါဝင်ဆင်နွှဲနေသော စစ်အာဏာရှင်တော်လှန်ရေးကြီး မုချအောင်မြင်ရမည်ဟူသော ယုံကြည်ချက်များ ပြည့်လွမ်းနေသည်ကို အထင်းသားမြင်နေရသည်။
👍20❤4🔥1🥴1
အတူတူတိုက်ပွဲဝင်ရင်း ကျဆုံး‌ကြွေလွင့်သွားခဲ့ကြသည့် သူငယ်ချင်း ရဲဘော်ရဲဘက်များကိုလည်း သူတို့အားလုံး လွမ်းဆွတ်နေကြသည်။တိုက်ခိုက်ရေးရဲဘော်များပီပီ မျက်နှာဟန်ပန်များက တည်တံ့တင်းမာနေသော်လည်း သွားလေသူ သူငယ်ချင်း ရဲဘော်ရဲဘက်များအား သတိရစိတ်ကြောင့် တချက်တချက် ညိုးငယ်သွားကြသည်။
တော်လှန်ရေးခရီးကြမ်း နှစ်နှစ်တာကာလအတွင်း ဖြစ်ပွားခဲ့သော တိုက်ပွဲများတွင် ကျဆုံးကြွေလွင့်သွားသော အာဇာနည်သူရဲကောင်းများအတွက် အာဇာနည်ကုန်းတည်ဆောက်ရန် ရည်ရွယ်ထားသည့်ဟု ကျောက်လုံးကြီးဆရာတော်( ကျောက်လုံးကြီးပြည်သူ့ကာကွယ်ရေး တပ်ဖွဲ့ ဦးဆောင်နာယကဆရာတော်) က မိန့်ကြားလာသည်။ထိုအာဇာနည်ကုန်းသည် သူတို့ဒေသ၏ အထင်ကရ သမိုင်းပုံရိပ်ဖြစ်လာလိမ့်မည်။
" ဒီလိုအာဇာနည်ကုန်းတည်ဆောက်ရတာက လေးစားထိုက်တဲ့သူ ဂုဏ်ပြုထိုက်တဲ့သူတွေကို လေးစားဂုဏ်ပြုခြင်းဖြစ်တယ်။ ဒီအာဇာနည်သူရဲကောင်းတွေဟာဆိုရင် ပြည်သူလူထုအတွက် တွက်ပွဲဝင်ရင်း ကျဆုံးသွားကြရတာဖြစ်တဲ့အတွက်ကြောင့် ပြည်သူတွေကလည်း ပြစ်မထားကြပါနဲ့။ သူတို့အတွက် လုပ်ပေးနိုင်တာဆိုလို့ ဒါပဲရှိတယ်။ ဖြစ်အောင်လည်းလုပ်မယ် " ဟု ကျောက်လုံးကြီးဆရာတော်က မိန့်ကြားသည်။
အာဇာနည်ကုန်းတည်ဆောက်ရန် စိတ်ကူးပုံဖော်ထားသော ပုံစံကိုလည်း ဆရာတော်က တပါတည်း မိန့်ကြားသည်။
ကျယ်ဝန်းပြန့်ပြူးသော ကုန်းမြင့်မြေပြန့်တနေရာတွင် အာဇာနည်သူရဲကောင်းလေးများ၏ အုတ်ဂူလေးများတည်ဆောက်မည်။ ညာဘက်ထောင့်တွင် ကုန်းမြင့်ပေါ်သို့ တက်ရောက်မည့် အတက်လမ်းနှင့် တဘက်တွင် အထွက်လမ်းဟူ၍ လမ်းနှစ်လမ်းဖြင့် တည်ဆောက်သွားမည် ဖြစ်သည်။
တူမီး၊ လေးခွတို့ဖြင့်စတင်ခဲ့သော
စစ်အာဏာရှင်ကို တော်လှန်ရရေး ခရီးကြမ်းတွင် လမ်းခုလတ်၌ ကျန်ရစ်ကြွေလွင့်ခဲ့ရသော သူရဲကောင်းလေးများ၏ ဇာတိမာန်များ လွမ်းခြုံထားသော အာဇာနည်ကုန်းသည် မကြာမီတွင် ချင်းတွင်းမြစ်ဝှမ်းဒေသ ကနီမြို့နယ်တနေရာ၌ ပေါ်ပေါက်လာတော့မည်။
ဧပြီလ ၂ရက်နေ့က ကနီမြို့တွင် နွေရာသီ၏ ပုံမှန်အခြေအနေအတိုင်း မိုးသားတိမ်ရိပ်ကင်းစင်ပြီး အပူငွေ့ကဲနေခဲ့သည်။ သစ်ရိပ်သစ်တောကို ဖြတ်တိုက်လာတတ်သော လေအေးကြောင့်သာ အပူဒဏ်မှ အနည်းငယ် သက်သာရာရစေသည်။ သို့သော် တော်လှန်ရေးခရီးကြမ်း နှစ်နှစ်ပြည့် အခမ်းအနားသို့ တက်ရောက်လာသော ပြည်သူ့ကာကွယ်ရေးရဲဘော်များ၊ ဒေသခံအရပ်သားများ၏ ရင်ထဲတွင်တော့ စစ်အာဏာရှင်အမြစ်ပြတ်အောင် အမြန်ဆုံးမောင်းထုတ်နိုင်ရေး ဇောကသာ ကြီးစိုးနေသည်။ စစ်အာဏာရှင်ပြုတ်ကျပြီး ပြည်သူများအကြောက်တရားကင်းမဲ့သည့် နိုင်ငံရေးစနစ်သို့ ရောက်အောင် သူတို့အားလုံးရှေ့ဆက် တိုက်ပွဲဝင်ကြမည်ဟု သံနိဌာန်ချလိုက်ကြသည်။
ရဲဘော်တုတ်ကြီး၏ ကဗျာရွတ်သံက အခမ်းအနားကျင်းပရာ ဝန်းကျင်တဝိုက် လွင့်ပျံ့လာပြန်သည်။
သူငယ်ချင်းရေ
မင်းရဲ့အနစ်နာခံပေးဆပ်မှုတွေ အလဟဿ မဖြစ်စေရပါဘူးကွာ… မင်းရည်ရွယ်ခဲ့တဲ့ ပန်းတိုင်ကို တနေ့မှာ သေချာပေါက် လှမ်းကိုင်နိုင်ဖို့အတွက် ငါတို့တတွေ အရိုးကြေကြေ အရေခမ်းခမ်း မဆုတ်မနစ်တမ်း ကြိုးပမ်းသွားမှာပါကွာ… ပြည်သူအပေါင်း အကြောက်တရား ကုန်ဆုံးသည်အထိ မဖောက်မပြား ကြိုးစားသွားပါ့မယ်ကွာ… မင်းသယ်ခဲ့တဲ့ဝန်တွေရော ငါပိုးလို့ အဆတိုးပြီး ကြိုးစားနေပါတယ်။
သေချာပါတယ်သူငယ်ချင်း
မင်းလိုချင်တဲ့ ပန်းတိုင်ကို ငါတို့ တနေ့လှမ်းကိုင်နိုင်မှာပါ… မဝေးကွာလှတော့တဲ့ နေ့တနေ့မှာပေါ့…. "
စာတည်း - မောင်ကြီး
#mizzima
#ကျောက်လုံးကြီးပြည်သူ့ကာကွယ်ရေးတပ်ဖွဲ့
#တည်ထောင်ခြင်းနှစ်နှစ်မြောက်
#ကြယ်ဖြူလေးများ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17❤3🔥1😁1
KNUတပ်မဟာ(၃)နယ်မြေတွင် ဖမ်းဆီးမှုများပြုလုပ်နေပြီး စစ်ကောင်စီတပ်မှလက်နက်ကြီးများဖြင့် ပစ်ခတ်၍ ဒေသခံ ၅ ဦးဒဏ်ရာရ

YT
(မဇ္ဈိမ)။ ။ ကရင်အမျိုးသားအစည်းအရုံး (KNU)၊ တပ်မဟာ (၃) နယ်မြေ၊ ညောင်လေးပင်ခရိုင်၊ ကျောက်ကြီးမြို့နယ်အတွင်း စစ်ကောင်စီတပ်သားများ​​၏ ဖမ်းဆီးခြင်းခံရသော ဒေသခံပြည်သူများရှိနေပြီး စစ်ကောင်စီတပ်မှ ပစ်ခတ်သော လက်နက်ကြီးများကြောင့် ဒေသခံ ငါးဦး ထိခိုက်ဒဏ်ရာရခဲ့ကြောင်း KNU ဗဟိုက ယမန်နေ့က ထုတ်ပြန်သည်။
🤬5🔥2😢2👍1😁1
ပြီးခဲ့သည့် မတ်လ ၃၀ ရက်နေ့တွင် တပ်မ(၇၇)မှ စစ်သားများသည် ကျောက်ကြီးမြို့နယ်၊ နရွဲပင်ကျေးရွာနှင့် ကြို့ကုန်းကျေးရွာအတွင်းသို့ ဝင်ရောက်ခဲ့ပြီး ဒေသခံပြည်သူများအား " PDF အင်အား ဘယ်လောက်ရှိလဲ၊ PDF တွေက KNU၊ KNLA တို့နဲ့ ပူးပေါင်းလုပ်ကိုင်နေသလား၊ ဗောဓိကုန်းရွာနှင့် စပ်လဲကျေးရွာတွင် PDF နှင့် KNLA တပ်ဖွဲ့များရှိသလား၊ ဘုရားလေးကုန်းတွင် တပ်များရှိသလား၊ ကျောက်ကြီးမြို့ အထက်တန်းကျောင်းက ဘယ်မှာရှိသလဲ" စသည့် မေးခွန်းများအား မေးမြန်းခဲ့ကြောင်း၊ ဒေသခံများ​၏ ပစ္စည်းဥစ္စာများအား ဖျက်ဆီးခဲ့ကာ ကြို့ကုန်းရွာမှ ဒေသခံ ၁၀ ဦးအား အကြောင်းမဲ့ဖမ်းဆီးသွားခဲ့ကြောင်း KNU မှ ထုတ်ပြန်ချက်အရ သိရသည်။
ဖမ်းဆီးခံရသော ဒေသခံ ၁၀ ဦးအနက် ကိုးဦးအား ဧပြီလ ၃ ရက်နေ့ ညတွင် ပြန်လွှတ်ပေးခဲ့ကြောင်း၊ ကျန်တစ်ဦးအား ညောင်တန်းကျေးရွာအထိ ဖမ်းဆီးခေါ်ဆောင်သွားခဲ့ကာ ဧပြီလ ၄ ရက်နေ့ နံနက်ပိုင်း၌ ပြန်လွှတ်ပေးခဲ့ကြောင်း၊ ထို့နောက် ညောင်တန်းရွာမှ ဒေသခံတစ်ဦးအား ခေါင်းအစွပ် စွပ်၍ ထပ်မံဖမ်းဆီးသွားကြောင်း KNUက ဖော်ပြထားသည်။
ထို့အပြင် ဧပြီလ ၄ ရက်နေ့နှင့် ၅ ရက်နေ့များတွင် ကျောက်ကြီးမြို့နယ်၊ ဆင်မတောင်၊ ခြေတော်ရံနှင့် ဆိပ်ကြီးကျေးရွာရှိ စစ်ကောင်စီတပ်​၏ တပ်မ(၇၇)အထိုင်ချနေသော စစ်စခန်းများမှ ပစ်ခတ်သော လက်နက်ကြီးကျည် ၁၀ လုံးကျော်သည် ကျောက်ကြီးမြို့နယ်၊ ပေတူးကျေးရွာနှင့် စပ်လဲကျေးရွာအတွင်း ကျရောက်ပေါက်ကွဲခဲ့ပြီး စပ်လဲကျေးရွာမှ ဆယ်ကျော်သက်အရွယ် လူငယ်နှစ်ဦးအပါအဝင် ဒေသခံငါးဦး ထိခိုက်ဒဏ်ရာရခဲ့ကြောင်း သိရသည်။
လက်နက်ကြီးကျည်ထိမှန်၍ ထိခိုက်ဒဏ်ရာရသူများမှာ အသက်၄၀ အရွယ်ရှိ ညားခင်ခင်​​၊ ညားခင်ခင်​၏ သားနှစ်ဦးဖြစ်သူ အသက် ၁၆ နှစ်အရွယ်ရှိ စောအယ်ကညောနှင့် အသက် ၁၃ နှစ်အရွယ်ရှိ စောဟဲနေစေး၊ အသက် ၄၅ နှစ်အရွယ်ရှိ ညားနော်ကေမူး​နှင့် သူမ​၏ သမီးဖြစ်သူ အသက် ၁၁ နှစ်အရွယ်ရှိ စောထီးရှီး​တို့ ကျည်စထိမှန် ဒဏ်ရာရခဲ့ကြကြောင်း သိရသည်။
" လက်နက်ကြီးထိတဲ့သူတွေက ဒဏ်ရာအရမ်းအပြင်းအထန်ကြီးတော့ မဟုတ်ပါဘူး။ အစတွေ ထိတာမျိုးပါ။ လက်နက်ကြီးကတော့ သူတို့က နေ့တိုင်းလိိုလို ပစ်နေတာပါပဲ" ဟု ကျောက်ကြီးမြို့နယ်အတွင်းရှိ ဒေသခံတစ်ဦးက မဇ္ဈိမကိုပြောသည်။
ထိုသို့ လက်နက်ကြီးများပစ်ခတ်မှုကြောင့် ပေတူးကျေးရွာ၊ စပ်လဲကျေးရွာနှင့် လော်မူသောကျေးရွာမှ ဒေသခံပြည်သူများ နေအိမ်စွန့်ခွာ၍ ထွက်ပြေးတိမ်းရှောင်နေရပြီး ထိုပစ်ခတ်မှုကြောင့် ကျောက်ကြီးမြို့နယ်တွင် စစ်ရှောင်ဦးရေ ၁,၀၅၆ ဦးရှိကြောင်း သိရသည်။
စစ်ကောင်စီလော်ဘီချန်နယ်များတွင်မူ ယခုကဲ့သို့ ဒေသခံငါးဦး ထိခိုက်ဒဏ်ရာရခြင်းသည် KNU၊ PDF များမှ လက်နက်ကြီးများ ရမ်းသန်းပစ်ခတ်မှုကြောင့်သာဖြစ်ကြောင်း ယမန်နေ့က ထုတ်ပြန်ထားသည်။
KNU နယ်မြေများတွင် ပြီးခဲ့သည့် ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၃ ခုနှစ် ဖေဖော်ဝါရီလအတွင်း စစ်ကောင်စီတပ်စခန်းများမှ ပြည်သူနေထိုင်သည့် ကျေးရွာများအတွင်းလက်နက်ကြီးများဖြင့် အကြိမ်ရေ ၉၂၆ ကြိမ်ခန့် ပစ်ခတ်တိုက်ခိုက်ခဲ့ပြီး ထိုလက်နက်ကြီးများကြောင့် ဒေသခံ ၁၂၈ ဦး သေဆုံးခဲ့ရကာ ၃၉၆ ဦး ထိခိုက်ဒဏ်ရာရခဲ့ကြောင်း KNU မှထုတ်ပြန်ခဲ့သော အစီရင်ခံစာအရ သိရသည်။
စာတည်း - သန့်ဇော်(သန်လျင်)
#mizzima
#ကျောက်ကြီးမြို့နယ်
#စစ်ကောင်စီတပ်သား
#ဖမ်းဆီး
#ဒေသခံပြည်သူ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🤬4🔥2😁1
​​စစ်ကောင်စီ ကျူးလွန်သော ပြစ်မှုများက ‘ဂျပန်ခေတ်က ရက်စက်ယုတ်မာမှုတို့ထက် ပို၍ ဆိုးသည်’ ဟု NUG ဝန်ကြီးနှင့် လူ့အခွင့်အရေးတက်ကြွလှုပ်ရှားသူ ပြော

မြန်မာနိုင်ငံ၏ လူ့အခွင့်အရေး အခြေအနေသည် စစ်တပ်အာဏာသိမ်းပြီးနောက် နှစ်နှစ်ကျော်ကာလတွင် ကြောက်မက်ဖွယ်တမျှ ဖြစ်နေပြီး ဒုတိယကမ္ဘာစစ်အတွင်း ဂျပန်တို့ ကျူးလွန်သည့် ရက်စက်ယုတ်မာမှုထက် ပို၍ ဆိုးသည့် လယ်ဗယ်တစ်ခု ဖြစ်နေသည်။
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17🔥2❤1😁1