သတင်းလွတ်လပ်ခွင့်အတွက် စီဂျေသတင်းသမား
================

စစ်ကောင်စီကထိန်းချုပ်ထားတဲ့ နေ့စဉ်ထုတ်နိုင်ငံပိုင် သတင်းစာတွေမှာ နေ့တိုင်း ဖော်ပြနေတဲ့သတင်းတစ်ခုက “အကြမ်းဖက်အုပ်စုအဖြစ်ကြေညာထားသော CRPH ၊ NUG နှင့် ၎င်းတို့၏လက်ဝေခံများ၏ လှုံ့ဆော်၊ ဝါဒဖြန့် ခြင်းများအား လိုက်ပါလုပ်ဆောင်ခြင်း၊ အားပေးကူညီခြင်းများပြုလုပ်ခဲ့သူများအား ဖော်ထုတ်အရေးယူ” .. ဆိုတဲ့ ဖော်ပြချက် ဖြစ်ပါတယ်။

စစ်ကောင်စီကို ဆန့်ကျင်တဲ့သူ တစ်ယောက်ဟာ ဆိုရှယ်မီဒီယာတစ်ခုခုမှာ စစ်ကောင်စီကို ဆန့်ကျင်တဲ့ရေး သားဖော်ပြမှုတစ်ခုခု ၊ ဒါမှမဟုတ် အခြားသူတစ်ယောက်ယောက် ရေးထားတာကို ပြန်လည်မျှဝေမှု ၊မှတ်ချက် ရေးသားမှု စတဲ့ ကိစ္စတစ်ရပ်ရပ်ကို လုပ်ဆောင်မယ်ဆိုရင် အနည်းဆုံး ရာဇသတ်ကြီး ပုဒ်မ -၅၀၅ - က နဲ့ အမှု ဖွင့် တရားစွဲခံရနိုင်ပါတယ်။

https://youtu.be/Rg32aEehVVg

#Newsfeature
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မဇ္ဈိမအတွက် ဗွီအိုအေ သတင်းလွှာ၊ မေလ ၁၂ ရက်၊ ၂၀၂၃ | VOA On Mizzima
=============================

မကြာခင်မှာ ကျင်းပမယ့် ထိုင်းရွေးကောက်ပွဲက ထိုင်းနိုင်ငံရေးနဲ့ စီးပွားရေးအတွက် အပြောင်းအလဲဖော်ဆောင်နိုင်ဖို့ ထိုင်း ပြည်သူတွေက မျှော်လင့်နေကြပါတယ်။ ဒီလို စိတ်ဝင်စားစရာ နိုင်ငံတကာသတင်းဆောင်းပါးတွေနဲ့အတူ လူမှုကွန်ယက်ပေါ်မှာ လူကြည့်များတဲ့ တမိနစ်သတင်းတိုတွေ၊ နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ မေလ ၁၂ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။ 

https://youtu.be/5f-TT3joO-s

#VOA
#MizzimaTV
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ထိုင်းဒီမိုကရေစီစနစ်ကို စမ်းသပ်မယ့် ရွေးကောက်ပွဲ | VOA On Mizzima
.
Watch more detail - https://youtu.be/6JXzXGuD7ww

#VOA #ထိုင်းဒီမိုကရေစီစနစ်ကို စမ်းသပ်မယ့် ရွေးကောက်ပွဲ #VideoNews #shorts #reels

ထိုင်းဒီမိုကရေစီစနစ်ကို စမ်းသပ်မယ့် ရွေးကောက်ပွဲ | VOA On Mizzima
================

မေလ ၁၄ ရက်နေ့ ထိုင်းနိုင်ငံမှာ ကျင်းပမယ့် ရွေးကောက်ပွဲဟာ ဒီမိုကရေစီ လိုလားတဲ့ အတိုက်အခံပါတီတွေက တဖက်၊ တိုင်းပြည်ကို ဆယ်စုနှစ်ချီ လွှမ်းမိုး ချုပ်ကိုင်ခဲ့တဲ့ ကွန်ဆာဗေးတစ် စစ်တပ် ဗိုလ်ချုပ်ကြီးတွေနဲ့ လက်တွဲဘက်တွေက တဘက်၊ ယေဘုယျ အားပြိုင်ကြတဲ့ပွဲ ဖြစ်လာပါတယ်။ စစ်တမ်းတွေမှာ လူထုထောက်ခံမှု အများအပြားရထားပြီး လူကြိုက်များလာတဲ့ ပါတီတခုကတော့ Move Forward ပါတီဖြစ်ပါတယ်။ ထိုင်းနိုင်ငံရဲ့ နိုင်ငံရေးနဲ့ စီးပွားရေး အဓိက အပြောင်းအလဲတွေ ဖေါ်ဆောင်ဖို့ တိုက်တွန်းတောင်းဆိုနေပါတယ်။ Move Forward ပါတီအကြောင်း ဘန်ကောက်မြို့တော်ကနေ Vijitra Duangdee သတင်းပေးပို့ထားတာကို ကိုစံကျော် တင်ဆက်ထားပါတယ်။

https://youtu.be/6JXzXGuD7ww

#VOA
#mizzimatv

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ဆိုင်ကလုန်းမုန်တိုင်း “မိုခါ” ဘင်္ဂလားဒေ့ရှ်-မြန်မာကမ်းရိုးတန်းသို့ ဦးတည်နေပြီး လိမ္မော်ရောင်အဆင့်သတ်မှတ်
====================

KMN
(မဇ္ဈိမ)။ ။ဘင်္ဂလား ပင်လယ်အော်အရှေ့တောင်ပိုင်းတွင် ဖြစ်ပေါ်နေသော အားကောင်းသော ဆိုင်ကလုန်းမုန်တိုင်း “မိုခါ” သည် ယနေ့ မေလ ၁၂ ရက်နေ့ နံနက်ပိုင်းတွင် မြောက်ယွန်းယွန်းသို့ ရွေ့လျားခဲ့ပြီး ဘင်္ဂလားဒေ့ရှ်-မြန်မာကမ်းရိုးတန်းသို့ ဦးတည်နေသည့်အတွက် လိမ္မော်ရောင်အဆင့်သတ်မှတ်ထားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှထုတ်ပြန်သည်။

လိမ္မော်ရောင်အဆင့်သတ်မှတ်ချက်သည် မြန်မာ့ကမ်းရိုးတန်းကို မုန်တိုင်းဦးတည်နေပြီး မုန်တိုင်း၏ပြောင်းလဲမှုအား အထူးသတိထားစောင့်ကြည့်ရန်သတ်မှတ်သည့် အရောင်စနစ်တစ်ခုဖြစ်သည်။
၎င်းဆိုင်ကလုန်းမုန်တိုင်းသည် မြန်မာနိုင်ငံ၊ ကိုကိုးကျွန်းမြို့၏ အနောက်-အနောက်တောင်ဘက် ရေမိုင် ၃၂၀ မိုင်ခန့်၊ ဟိုင်းကြီး ကျွန်းမြို့၏ အနောက်တောင်ဘက် ရေမိုင် ၄၁၅ မိုင်ခန့်၊ စစ်တွေမြို့ ၏ တောင်- အနောက်တောင်ဘက် ရေမိုင် ၅၂၀ မိုင်ခန့်တွင် ယနေ့နံနက်ပိုင်း၌ တည်ရှိနေသည်။

ထိုဆိုင်ကလုန်းမုန်တိုင်းသည် ယနေ့ မေလ ၁၂ ရက်နေ့တွင် နာမည်ရသည့် ဆိုင်ကလုန်းမုန်တိုင်း မိုခါအဖြစ်အသွင်ပြောင်းပြီး မေလ ၁၄ ရက်နေ့ ဝန်းကျင်တွင် အရှေ့မြောက်ဘက်ရွေ့လျားကာ ရခိုင်ပြည်နယ်၊ စစ်တွေမြို့မှတစ်ဆင့် မြန်မာနိုင်ငံကုန်းတွင်ပိုင်းကို ဝင်ရောက်မည်ဖြစ်ကြောင်း မိုးလေဝသခန့်မှန်းလေ့လာသူ ဦးဝင်းနိုင်က မဇ္ဈိမကို ပြောကြားသည်။

ဆိုင်ကလုန်းမုန်တိုင်း “မိုခါ” နှင့်ပတ်သက်ပြီး ဥရောပသမဂ္ဂ(EU)နှင့်ကုလသမဂ္ဂ(UN)မှ ဦးစီးလုပ်ကိုင်နေသည့် သဘာဝဘေးအန္တရာယ်ဆိုင်ရာ သတိပေးချက်စနစ်(GDACS) အရ မြန်မာနိုင်ငံသို့ အမြင့်ဆုံးလေတိုက်နှုန်း ၁၆၇ ကီလိုမီတာ (တစ်နာရီ ၁၀၃.၇ မိုင်) ရှိသည့် ဆိုင်ကလုန်းမုန်တိုင်းဝင်ရောက်နိုင်သည်။

၎င်းဆိုင်ကလုန်းမုန်တိုင်းကြောင့် လူဦးရေ နှစ်သန်းကို ထိခိုက်နိုင်ကြောင်း အနီရောင်အဆင့် သတိပေးချက် “RED ALERT” ထုတ်ပြန်ထားသည်။

လူဦးရေ နှစ်သန်းတွင် ရခိုင်ပြည်နယ်မှ လူဦးရေ ၉၃၀,၀၀၀ ခန့်၊ ချင်းပြည်နယ်မှ လူဦးရေ ၂၁၀,၀၀၀ ခန့်၊ မကွေးတိုင်းမှ လူဦးရေ ၁၇၀,၀၀၀ခန့်၊ စစ်ကိုင်းတိုင်းမှ လူဦးရေ ၄၄၀,၀၀၀ ခန့်တို့မှာ အန္တရာယ်ရှိသည့် လေပြင်းတိုက်ခိုက်ခြင်းကို ခံရနိုင်ချေရှိနေသည်။

စစ်ကောင်စီ၏မိုးလေဝသနှင့် ဇလဗေဒညွှန်ကြားမှုဦးစီးဌာနက
အားအလွန်ကောင်းသောဆိုင်ကလုန်းမုန်တိုင်း “မိုခါ(MOCHA)” သည် မြောက်-အရှေ့မြောက်ဘက်သို့ ဆက်လက်ရွေ့လျားနိုင်ပြီး၊ မေလ ၁၄ ရက်နေ့တွင် ဘင်္ဂလားဒေ့ရှ်နိုင်ငံ၊ ကော့ဘဇား မြို့နှင့် မြန်မာနိုင်ငံ၊ ကျောက်ဖြူမြို့တို့ကြား စစ်တွေမြို့ အနီးမှ ဖြတ်ကျော်ဝင်ရောက်နိုင်သည်ဟု ခန့်မှန်းထားသည်။

ဆိုင်ကလုန်းမုန်တိုင်း “မိုခါ (MOCHA)” ၏အရှိန်ကြောင့် နောက် ၂၄ နာရီအတွင်း လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက် ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်ပြီး မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင် ပြည်နယ်တို့တွင် အမြင့်ဆုံးလေတိုက်နှုန်းမှာ တစ်နာရီလျှင် မိုင် ၄၀ မှ ၄၅ မိုင်ခန့်အထိ တိုက်ခတ်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှထုတ်ပြန်ထားသည်။

စာတည်း - သန့်ဇော်(သန်လျင်)

#Mizzima
#မိုခါ
#ဆိုင်ကလုန်း
#မုန်တိုင်း
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ယူကရိန်းငြိမ်းချမ်းရေးအတွက် ကြိုးပမ်းဖို့ တရုတ်ကိုပြင်သစ်တောင်းဆို

#internationalnews #reels #shorts #Ukraine #China

လူမှုကွန်ယက်ပေါ်မှာ လူကြည့်များတဲ့ တမိနစ်သတင်းတိုများ

Watch more detail - https://youtu.be/xTd2FWg8zo8

#VOA #VideoNews #shorts #reels #Mizzima

လူမှုကွန်ယက်ပေါ်မှာ လူကြည့်များတဲ့ တမိနစ်သတင်းတိုများ | VOA On Mizzima
=====================

တောင်တရုတ်ပင်လယ်မှာ ဖိလစ်ပိုင်ကမ်းခြေစောင့်တပ် သင်္ဘောနဲ့ တရုတ်ကမ်းခြေစောင့်တပ် သင်္ဘောတို့ နီးနီးလေးကပ်တဲ့အထိ ရောက်ပြီး ထိပ်တိုက်ရင်ဆိုင် တွေ့ခဲ့ကြပါတယ်။ ဝါရှင်တန်မြို့တော် ဆင်ခြေဖုံးမှာတော့ ရဲအရာရှိတဦး အသက်ဘေးက ကပ်လွတ်သွားတာ ဗွီဒီယိုမှတ်တမ်းမှာ တွေ့ရပါတယ်။ ဒီလို ဆိုရှယ်မီဒီယာပေါ်မှာ လူကြည့်များတဲ့ တမိနစ် သတင်းတိုလေးတွေကို မအေးသန္တာကျော် စုစည်းတင်ဆက်ထားပါတယ်။

https://youtu.be/xTd2FWg8zo8

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

May - 12 [12 Pm] Mizzima News Hour

Mizzima Headline News

#12pmnews #mizzimanewshour
#reels #shorts

​​ဗင်နီဇွဲလားရဲ့ 'အသက်အကြီးဆုံး' ဘေ့စ်ဘောပရိသတ် အသက် ၁၀၄ နှစ်မှာ ကွယ်လွန်
========================

အသက် ၁၀၄ နှစ်ရှိ ကာရက်ကတ်လိုင်းယွန်းရဲ့ နံပါတ်တစ် ပရိသတ်ဖြစ်တဲ့ ဂျီဆပ်'ချီဗီတာ' လီဇီမာ သေဆုံးသွားကြောင်း ကြာသပတေးနေ့မှာ ထွတ်ပေါ်လာပြီးနောက် ဗင်နီဇွဲလားဘေ့စ်ဘောဟာ ဝမ်းနည်းပူဆွေးနေပါတယ်။

ကာရက်ကတ်လိုင်းယွန်းအသင်းရဲ့ အကြီးဆုံးအမာခံပရိသတ်ဟာ သူ့ရဲ့ကျန်းမာရေးအခြေအနေကို ဆိုးရွားစွာထိခိုက်စေတဲ့ သူ့ခြေထောက်တွေမှာ သွေးခဲတဲ့ဝေဒနာခံစားရပြီးနောက် ရက်အတော်ကြာ ဆေးရုံတင်ထားရပါတယ်။

သူသေဆုံးမှုနဲ့ပတ်သက်လို့ သတင်းအကြောင်းကို သတင်းထောက် မာရီ မွန်တီစ်က ထုတ်ပြန်ခဲ့ပြီး နောက်ပိုင်းမှာ LVBP ဥက္ကဋ္ဌဟောင်း ဟိုဆေး ဂရက်ဆိုက အတည်ပြုခဲ့ပါတယ်။

ဒီမုတ်ဆတ်ရှည်ပရိသတ်ဟာ ဗင်နီဇွဲလားမှာ အရေးကြီးဆုံး အားကစားအမွေအနှစ်တွေထဲက တစ်ခုလို့ သတ်မှတ်ခံထားရပါတယ်။ Cervecería Caracas အဖွဲ့အစည်းကို စတင်တည်ထောင်ခဲ့တုန်းက သူဟာ ၁၉၄၂ မှာ လီယွန်စ်တို့ကို စတင်အားပေးခဲ့ပါတယ်။
လီဇီမာကို ၁၉၁၉ ခုနှစ် ဖေဖော်ဝါရီ ၉ ရက်မှာ ဒယ်တာ အာမီကျူလိုပြည်နယ်၊ တာကူပီတာမြို့မှာ မွေးဖွားခဲ့ပါတယ်။ သူဟာ ၁၉၃၆ မှာ မြို့တော်ကို ပြောင်းရွှေ့ခဲ့ပြီး သူဟာ အသက် ၂၃ နှစ်ကနေ ခရီအိုးလ် ဘေ့စ်ဘောရဲ့ သစ္စာရှိချစ်သူဖြစ်လာခဲ့ပါတယ်။

မေလ (၁၂)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
=====================

01:02 - ဆိုင်ကလုန်းမုန်တိုင်း “မိုခါ” ဘင်္ဂလားဒေ့ရှ်-မြန်မာကမ်းရိုးတန်းကို ဦးတည်
နေပြီး လိမ္မော်ရောင်အဆင့်သတ်မှတ်ထားတဲ့ သတင်း

02:55 - မန္တလေးတိုင်း၀န်ကြီးချုပ် ဒေါက်တာဇော်မြင့်မောင် ရာသီဥတု အပူဒဏ်ကြောင့် အကျဉ်းထောင်အတွင်း အသက်ရှူကျပ် ဝေဒနာခံစားနေရတဲ့သတင်း

07:14 - အမေရိကန်အတိုင်ပင်ခံကုမ္ပဏီကို တရုတ်ကအမျိုးသားလုံခြုံရေးအကြောင်းပြချက်နဲ့ ဝင်ရောက်စီနင်းတဲ့ အကြောင်းနဲ့

10:55 - မနက် ၁၁ နာရီအထိ ရရှိထားတဲ့ ငွေလဲနှုန်း၊ ရွှေစျေး၊ စက်သုံးဆီစျေး နဲ့ စားအုန်းဆီစျေးတွေအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/aZJQWVmuHaE

#12pmnews
#Mizzimanewshour
#mizzimatv

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မုံရွာ - ချောင်းဦးလမ်းပိုင်း၌ ကြေးနီသယ်လာတဲ့ကားတန်း မိုင်းဆွဲတိုက်ခိုက်ခံရ
======================

ပါခွီး
(မဇ္စျိမ) ။ ။ စစ်ကိုင်းတိုင်း ၊ မုံရွာ နှင့် ချောင်းဦးမြို့နယ်လမ်းပိုင်း တစ်နေရာတွင် ကြေးနီသယ်လာသည့် ကားတန်းကို မိုင်းဆွဲတိုက်ခိုက်ခဲ့ကြောင်း Area 71 PDF Monywa ထံမှ သိရသည်။

အနောက်မြောက်တိုင်းစစ်ဌာနချုပ် (နမခ) မှ ကြေးနီများသယ်ဆောင်လာပြီး ကားများဖြင့် ငါးစီး တစ်သုတ် ၊ လေးစီး တစ်သုတ် ၊ နှစ်စီး တစ်သုတ် ခွဲ၍ ထွက်ခွာလာသော ယာဉ်များကို မေလ ၁၁ရက် မွန်းလွဲ ၁နာရီ ၁၅မိနစ်အချိန်တွင် တိုက်ခိုက်ခဲ့ခြင်းဖြစ်ကြောင်း ဆိုသည်။

“ကြေးနီ ကားမိုင်းဆွဲတာမှာ လူထိခိုက်မှုကိုတော့ မသိရဘူးဗျ၊ ကားကတော့ ရှေ့ဆက်ပြီး မောင်းမရတော့တာကို သိရပါတယ်” ဟု Area 71 PDF Monywa တာဝန်ရှိသူက မဇ္စျိမ ကိုပြောသည်။

အဆိုပါ အသုတ်လိုက်ခွဲပြီး ကြေးနီများတင်ဆောင်လာသည့် ၁၂ဘီးကားတန်း၏ နှစ်စီးအသုတ် ထွက်လာသော ကားတန်း ပထမမြောက်ကားကို စစ်ကောင်စီတပ်ကင်းပုန်းများ၏ မလှမ်းမကမ်းမှနေ၍ ပဒေသာမိုင်း ကိုးလုံးတစ်တွဲဖြင့် တိုက်ခိုက်ခဲ့ခြင်းဖြစ်ကြောင်း ဆိုသည်။

ယင်းသို့ တိုက်ခိုက်မှုကြောင့် ကားမှာ ထိုးရပ်သွားခဲ့ပြီး လူအသေအပျောက်ကိုမူ မသိရှိရကြောင်း နှင့် အနီးဝန်းကျင်ရှိ ကင်းပုန်းဝပ်နေသောစစ်ကောင်စီတပ်သားများမှ ပတ်ဝန်းကျင်သို့ ရမ်းသန်းပစ်ခတ်ခဲ့သော်လည်း ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ကြောင်းသိရသည်။

မေလ ၁၂ရက် ယနေ့ နံနက်အချိန်အထိ ချောင်းဦး မှ မုံရွာ အထိစစ်ကောင်စီတပ်သားများ လုံခြုံရေးဆက်လက်ယူထားလျက်ရှိနေပြီး သာမန် ကြေးနီသယ်သည့် ကားတန်းလုံခြုံရေးအတွက်သာမက အရေးကြီးပစ္စည်းများသယ်ယူရန် အစီစဉ်ရှိနိုင်ကြောင်း ကာကွယ်ရေးတပ်ဖွဲ့ တာဝန်ရှိသူက သုံးသပ် ပြောဆိုသည်။
ဦးပိုင်ကုမ္ပဏီနှင့်ဖက်စပ်လုပ်ကိုင်နေသော ဝမ်ပါင် -မြန်မာ နှင့် ယမ်စီ - မြန်မာတို့မှ တစ်လလျှင် တစ်ကြိမ်ခန့် ကြေးနီများသယ်ဆောင်လေ့ရှိကြောင်း သိရသည်။

မေလ ၁၀ရက် ညနေ ၅နာရီ ၂မိနစ်အချိန်က စစ်ကိုင်းမှ ထွက်လာသော စစ်ကောင်စီတပ်သားများ လိုက်ပါလာသည့် ကားသုံးစီးတန်းကို ချောင်းဦး - မုံရွာလမ်းပိုင်းတွင် မိုင်းဆွဲတိုက်ခိုက်ခဲ့သေးကြောင်း သိရသည်။

ကာကွယ်ရေးတပ်ဖွဲ့၏ ကြိုတင်ပြင်ဆင်ထားသော မိုင်းပွိုင့် တည်နေရာပေါ်သို့ လာရာက်ရပ်နားနေကြောင်း စစ်ကောင်စီတပ် ကင်းပုန်းအထပ်ထပ်ချထားသည့်ကြားမှ ပွိုင့်စောင့်ကြည့်ရေးရဲဘော်၏ သတင်းပေးချက်အရ ဖောက်ခွဲခဲ့ခြင်းဖြစ်ကြာင်း ဆိုသည်။
“စကစ တစ်ယောက်ရောက်၊ ပက်လက်လန်ပြီး ပွဲချင်းပြီး သေသွားတာကို မြင်တွေ့ခဲ့ရပါတယ်” ဟု Area 71 PDF တာဝန်ရှိသူက ဆက်လက်ပြောဆိုခဲ့သည်။

စစ်ကောင်စီတပ် ကားသုံးစီးကို ပဒေသာမိုင်း လေးလုံးဖြင့် တိုက်ခိုက်ခဲ့ခြင်းဖြစ်ကာ စစ်ကောင်စီတပ်သား တစ်ဦးသေဆုံးပြီး ထိခိုက်ဒဏ်ရာရရှိသူများလည်းရှိကြောင်းဆိုသည်။

စစ်ကောင်စီတပ်၏ မိုင်းရှင်းလင်းရေးများတွင် တော်လှန်ရေးအင်အားစုများ၏ မိုင်းများ ဆုံးရှုံးခဲ့ရပြီး ကင်းပုန်းအထပ်ထပ်ချထားသည့်ကြားမှ မဖြစ်ဖြစ်တဲ့နည်းနဲ့ စစ်ကောင်စီတပ်လမ်းကြောင်းများကို အလျော့မပေးသည့်စိတ်ဓါတ်ဖြင့် ဟန့်တားတိုက်ခိုက်နိုင်ခဲ့ခြင်းဖြစ်ကြောင်း ကာကွယ်ရေးတပ်ဖွဲ့ တာဝန်ရှိသူက ပြောဆိုခဲ့သည်။

https://youtu.be/SDb12aRKZsI

စာတည်း - သန့်ဇော်(သန်လျင်)

#mizzima
#စစ်ကောင်စီတပ်
#မိုင်းရှင်းလင်းရေး
#တော်လှန်ရေးအင်အားစု
#ချောင်းဦးမြို့နယ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ရန်ကုန်တိုင်းအစိုးရအဖွဲ့ရုံး ၄၀ မမ ဗုံးသီးဖြင့် ပစ်ခတ်တိုက်ခိုက်ခံရ
====================

ဂန္ဒမာ
(မဇ္ဈိမ)။ ။ ရန်ကုန်တိုင်းဒေသကြီး၊ ဒဂုံမြို့နယ်၊ ရန်ကုန်တိုင်းဒေသကြီးလွှတ်တော်ဝန်းအတွင်းရှိ ရန်ကုန်တိုင်းဒေသကြီး အစိုးရအဖွဲ့ရုံးအား မေလ ၁၂ ရက် နံနက် ၄ နာရီ ၃၀မိနစ်ခန့်က ၄၀ မမ ဗုံးသီးဖြင့် ပစ်ခတ်တိုက်ခိုက်မှုဖြစ်ပွားခဲ့ကြောင်း သိရသည်။

“ရန်ကုန်တိုင်းလွှတ်တော်ဝန်းထဲက စကစတပ်ခြေကုတ်ယူထားတဲ့အတွက် တိုက်ခိုက်ခဲ့တာပါ။ သူတို့ခြေကုတ်ယူထားတဲ့နေရာကို အဓိကပစ်မှတ်ထား တိုက်ခိုက်ခဲ့တာပါ။ ပစ်မှတ်ကိုတော့ ရောက်အောင်ပစ်ခဲ့နိုင်ပါတယ်။ ထိခိုက်မှုကတော့ ဝန်းထဲမှာဖြစ်တဲ့အတွက် မသိပါဘူးခင်ဗျ။” ဟု အမျိုးသားညီညွတ်ရေးအစိုးရ၊ ရန်ကုန်တိုင်း၊ အနောက်ပိုင်းခရိုင်ပြည်သူ့ကာကွယ်ရေးအဖွဲ့ တာဝန်ရှိသူက မဇ္ဈိမ ကို ပြောသည်။

မစ်ရှင်ပြုလုပ်ချိန်တွင်လည်း ရန်ကုန်တိုင်းလွှတ်တော်ဝန်းအနီးအနားရှိ ကလပ်များမှ ထွက်လာသည့် ကားနှင့်လူများကြောင့် မစ်ရှင်ကိုအပြီးထိဖော်ဆောင်နိုင်ခြင်းမရှိခဲ့ဘဲ ၄၀ မမ ဗုံးသီး သုံးလုံးပစ်ရန်ရည်ရွယ်ထားရာမှ တစ်လုံးသာ ပစ်ခတ်နိုင်ခဲ့ကြောင်း ဆိုသည်။

“ကလပ်သွားတာတွေ၊ စစ်ကောင်စီနဲ့ပတ်သက်တဲ့နေရာတွေ သွားတာတွေကို နောက်ပိုင်းဆင်ခြင်စေချင်ပါတယ်။ ထိသွားရင် ရေပေါ်ဆီတွေက ပြည်သူဆိုပြီး ဖြစ်ကြဦးမှာ။” ဟူ၍လည်း အနောက်ပိုင်းခရိုင်ပြည်သူ့ကာကွယ်ရေးအဖွဲ့ တာဝန်ရှိသူက ဆက်ပြောသည်။

ဒဂုံမြို့နယ်ရှိ ရန်ကုန်တိုင်းလွှတ်တော်ဝန်းတွင် စစ်ကောင်စီတပ်အစောင့်အကြပ်များရှိနေသော်လည်း ၎င်းတို့ အလစ်အငိုက်ကိုစောင့်၍ မစ်ရှင်ဖော်ဆောင်ခြင်းဖြစ်ပြီး ယနေ့တိုက်ခိုက်မှုအား အနောက်ပိုင်းခရိုင် ပကဖ တပ်ရင်း တပ်ခွဲ(၁) နှင့် စမ်းချောင်း ပကဖမှ ပူးတွဲဆောင်ရွက်ခြင်းဖြစ်ကြောင်း သိရသည်။

စာတည်း - သန့်ဇော်(သန်လျင်)

#mizzima
#ဒဂုံမြို့နယ်
#ရန်ကုန်တိုင်း
#လွှတ်တော်ဝန်း
#ပစ်ခတ်တိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာအကျပ်အတည်းဖြေရှင်းရာမှာ ဒေသတွင်းနိုင်ငံတွေ စုပေါင်းဆောင်ရွက်ဖို့ ကုလကိုယ်စားလှယ် တိုက်တွန်း

Watch more detail -
https://youtu.be/9vPIgMHMqls

#PoliticalNews #Myanmar #UN #VideoNews #shorts #Reels