​​မုံရွာမြို့နယ် ရေကန်စုကျေးရွာကို စစ်ကောင်စီတပ်က ၀င်ရောက်စီးနင်းပြီး ပြည်သူ ၅ ဦးကို သတ်ဖြတ်
====================

ရောင်နီ
(မဇ္စျိမ) ။ ။စစ်ကိုင်းတိုင်း၊ မုံရွာမြို့နယ်ရှိ ရေကန်စုကျေးရွာကို စစ်ကောင်စီတပ်က ၀င်ရောက်စီးနင်းပြီး ပြည်သူ ငါးဦးကို နှိပ်စက်သတ်ဖြတ်သွားကြောင်း ဒေသခံများထံမှ သိရသည်။
ဇွန်လ ၇ ရက်နေ့ နံနက် ၄ နာရီ၀န်းကျင်တွင် အင်အား ၁၀၀ ခန့်ပါသည့်စစ်ကြောင်းသည် ရေကန်စုကျေးရွာအတွင်း သေနတ်ပစ်ဖောက်၀င်ရောက်ကာ စီးနင်းခဲ့ခြင်းဖြစ်သည်။

“မနက် ၄ နာရီထိုးလောက် ရွာကို၀င်စီးတယ်။ အငိုက်ဖမ်းပြီး ရွာထဲ၀င်လာတဲ့သဘောပေါ့။ စစ်တပ်၀င်လာတော့ ရွာထဲကပြည်သူတွေကလည်း ထွက်ပြေးကြတာ။ အဲဒီလို ထွက်ပြေးတဲ့ပြည်သူတွေကို စစ်ကောင်စီတပ်က လိုက်လံ ဖမ်းဆီးတာတွေလုပ်ခဲ့တယ် ” ဟု ဒေသခံသတင်းရင်းမြစ်က မဇ္စျိမကို ပြောသည်။

စစ်ကောင်စီတပ်က ကျေးရွာအတွင်းရှိ ပြည်သူ ၅၀ နီးပါးကို စာသင်ကျောင်းအတွင်းဖမ်းဆီးထားပြီးနောက် ၎င်းတို့အနက်မှ ငါးဦးကို နှိပ်စက်သတ်ဖြတ်သွားခဲ့ကြောင်း ဆိုသည်။

“ စာရင်းအနေနဲ့ကတော့ ခြောက်ယောက်လို့သိထားရတယ်။ မြေပြင်မှာ စုံစမ်းရသလောက်တော့ လောလောဆယ် ငါးယောက်ပါ။ အရှင်လတ်လတ် ခေါင်းဖြတ်သတ်ခံရပြီးမှ မီးပုံရှို့ထားခဲ့တာပါ” ဟု ဒေသခံသတင်းရင်းမြစ်က ဆိုသည်။

စစ်ကောင်စီတပ်က ရေကုန်စုကျေးရွာအတွင်းကို ၀င်ရောက်စီးနင်းပြီး အမျိုးသားသုံးဦးနှင့် အမျိုးသမီးနှစ်ဦးကို အကြမ်းဖက်နှိပ်စက် သတ်ဖြတ်သွားခဲ့ခြင်းဖြစ်သည်။

သတ်ဖြတ်ခံရသူများထဲတွင် ကလေးငယ်တစ်ဦးပါ၀င်ကြောင်း သတင်းများထွက်ပေါ်နေသော်လည်း မဇ္စျိမအနေ ဖြင့် သီးခြားအတည်ပြုနိုင်ခြင်းမရှိသေးပေ။

စစ်ကောင်စီ၀ါဒဖြန့် တယ်လီဂရမ် ချန်နယ်များတွင်လည်း ရေကန်စုကျေးရွာကို ၀င်ရောက်စီးနင်းမှုအတွင်း PDF တပ်ဖွဲ့၀င် ငါးဦးကိုသတ်ဖြတ်ခဲ့ကာ လက်နက်ခဲယမ်းများကို သိမ်းဆည်းရမိခဲ့ကြောင်း ဖော်ပြမှုရှိခဲ့သည်။

“ ခေါင်းဖြတ်သတ်ဖြတ်ခံခဲ့ရတဲ့သူ ငါးဦးစလုံးက အရပ်သားပြည်သူတွေပါ။ လက်နက်ခဲယမ်းတွေ ဖမ်းဆီးရမိတယ် ဆိုတာကလည်း မဟုတ်ပါဘူး။ သူတို့က တခြားတစ်နေရာကနေယူလာတာတွေပါ” ဟု ဒေသခံသတင်းရင်းမြစ်က ပြောသည်။

စစ်ကောင်စီတပ်က ကျေးရွာများအတွင်း၀င်ရောက်စီးနင်းမှုတွင် လက်နက်ခဲယမ်းများ သိမ်းဆည်းရမိကြောင်း သတင်းထုတ်ပြန်လေ့ရှိပြီး အဆိုပါလုပ်ရပ်သည် စစ်ကောင်စီတပ်၏ လှည့်ကွက်သာဖြစ်ကြောင်း မုံရွာအခြေစိုက် ကာကွယ်ရေးတပ်ဖွဲ့ တစ်ခုမှ တာ၀န်ရှိသူတစ်ဦးက ဆိုသည်။

“ အရင်ကလည်း ကျွန်တော်တို့ အထိုင်စခန်း ၀င်စီးခံရတုန်းက လက်လုပ် ၄၀ ( ၄၀ မမ ) သုံးလက်ပါသွားတာရှိ တယ်။ တစ်လကျော်လောက်အကြာ မိုးညှင်းဖက်မှာ သူတို့ကိုခုခံလို့ ပဒက်ကင်တစ်ကောင်ကို ပစ်ခတ်ဖမ်းမိတယ် ဆိုပြီး ပြည်သူအလောင်းဘေးမှာ ကျနော်တို့ သေနတ်ကိုချပြီး ဓာတ်ပုံရိုက်တာတွေရှိတယ်။ စစ်တပ်ရဲ့ လှည့်ကွက် တွေပါ ” ဟု နွေဦးသစ္စာ ပြောက်ကျားအင်အားစုအဖွဲ့မှ ကိုဒေါင်းရာဇာက ပြောသည်။

စစ်ကောင်စီတပ်က၀င်ရောက်စီးနင်းကာ ပြည်သူငါးဦးကို သတ်ဖြတ်ခဲ့သည့် ရေကန်စုကျေးရွာသည် မုံရွာ-အရာ တော်လမ်း မြောက်ဘက်တွင်တည်ရှိသည့် ကျေးရွာတရွာဖြစ်သည်။

ဇွန်လ ၇ ရက်နေ့ နံနက်အစောပိုင်းက ရေကန်စုကျေးရွာအတွင်း စစ်ကောင်စီတပ်၏ ၀င်ရောက်စီးနင်းမှု ဖြစ်စဥ် သည် စစ်တပ်အာဏာသိမ်းပြီးနောက် ပထမဆုံးအကြိမ်ဖြစ်ကြောင်း ဒေသခံများက ပြောသည်။

ထို့အတူ ယင်းနေ့တွင်ပင် ရောင်တော်ထုံးကျေးရွာကိုလည်း စစ်ကောင်စီတပ်က ၀င်ရောက်စီးနင်းမှုရှိခဲ့သော်လည်း ထိခိုက်ပျက်စီးမှုမရှိခဲ့ကြောင်း သိရသည်။

“ ရေကန်စုရွာကို တခါမှ စစ်ကောင်စီတပ်၀င်စီးတာ မရှိဘူး အခုမှ ၀င်တာ။ ရောင်တော်ထုံးရွာကလည်း ၀င်ခဲတယ်” ဟု ဒေသခံတစ်ဦးက ပြောသည်။

လက်ရှိအချိန်တွင် ရေကန်စုကျေးရွာအတွင်း၀င်ရောက်စီးနင်းခဲ့သည့် စစ်ကောင်စီစစ်ကြောင်းသည် ၎င်းပတ်ဝန်း ကျင်အနီးအနားရှိကျေးရွာများကို ဆက်လက်စစ်ကြောင်းထိုးမည့် အခြေအနေရှိနေကြောင်း ဒေသခံများနှင့် ကာကွယ်ရေးတပ်ဖွဲ့များထံမှ သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#မုံရွာမြို့နယ်
#ရေကန်စုကျေးရွာ
#ဒေသခံအရပ်သား
#နှိပ်စက်သတ်ဖြတ်
#စစ်ကောင်စီတပ်
#စစ်ကြောင်း
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကိုးကန့်မှာ စစ်ကောင်စီနဲ့ MNDAA တို့ကြား တိုက်ပွဲပြင်းထန်နေ

Watch more detail -
https://youtu.be/HV4TLiNLE4w

#ကိုးကန့် #တိုက်ပွဲ #VideoNews #shorts #Reels

ယူကရိန်းရဲ့ထိုးစစ်ကို ချေမှုန်းရာမှာ ရုရှားစစ်သား ၇၁ ဦး သေဆုံးခဲ့ကြောင်း မော်စကိုပြော

https://www.facebook.com/reel/2135170406683832

#International #MizzimaTV #Ukraine #Russia #Reels #shorts

ဗြိတိန်ကျောက်မျက်ကုမ္ပဏီ TJC မြန်မာ့ရတနာတွေ ရောင်းချမှုရပ်ဆိုင်း
======================

မြန်မာ့ပတ္တမြားနဲ့ ကျောက်မျက်ရတနာတွေ ရောင်းချနေတာတွေကို ရပ်တန့်လိုက်တယ်ဆိုတဲ့ TJC ကျောက်မျက် ကုမ္ပဏီရဲ့ ဆုံးဖြတ်ချက်ကို ကြိုဆိုတယ်လို့ Burma Campaign UK က ထုတ်ပြန်လိုက်ပါတယ်။

ဗြိတိန်အခြေစိုက် TJC ကုမ္ပဏီဟာ ကျောက်မျက်ရတနာရောင်းဝယ်ရေးနဲ့ အွန်လိုင်းကနေ ဈေးရောင်းဈေးဝယ်လုပ်တဲ့ အကြီးမားဆုံးလုပ်ငန်းဖြစ်ပါတယ်။

စစ်တပ်က အာဏာသိမ်းပြီးနောက်ပိုင်းကတည်းက မြန်မာနိုင်ငံက ကျောက်မျက်ရတနာတွေ မရောင်းချဖို့ ဆုံးဖြတ်ထားတဲ့အကြောင်းနဲ့၊ အွန်လိုင်းမှာ မှားယွင်း ကြော်ငြာထားတာတွေကို ရုတ်သိမ်းလိုက်ပြီဖြစ်တဲ့အကြောင်း TJC က Burma Campaign UK ကို စာရေး အကြောင်းကြားထားပါတယ်။

https://youtu.be/Lk6FWXdxHXQ

#politicalnews
----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အထက်တန်းကျောင်း ဘွဲ့နှင်းသဘင်ရာသီ | VOA on Mizzima
=================

ကိုဗစ် ၁၉ ကပ်ရောဂါကာလအတွင်း အမေရိကန်အပါအဝင် ကမ္ဘာတဝန်းက ကျောင်းသူ ကျောင်းသားတွေ ပညာသင်ကြားရေးက နောက်ကျနေခဲ့ပါတယ်။ အခုသိပ်မကြာခင်ကတော့ အထက်တန်း ကျောင်းပြီးလို့ တက္ကသိုလ်တက်ရတော့မယ့် သူတွေကလည်း အထက်တန်းကျောင်း ဘွဲ့သာရသွားလိုက်တယ်၊ ကျောင်းမတက်လိုက်ရတဲ့အချိန်တွေကြောင့် တချို့ဘာသာရပ်တွေမှာ နောက်ကျကျန်နေတယ်လို့ ပြောပါတယ်။ VOA သတင်းထောက် Laurel Bowman က မကြာခင်မှာ အထက်တန်းအောင်ပြီး တက္ကသိုလ်တက်ရတော့မယ် ကျောင်းသားတချို့နဲ့ တွေ့ဆုံပြီး သတင်းပေးပို့ ထားတာကို ကိုရန်နိုင် တင်ဆက်ပေးထားပါတယ်။

https://youtu.be/iw6iatcT9Qo

#voa
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဗြိတိန်ကျောက်မျက်ကုမ္ပဏီ TJC မြန်မာ့ရတနာတွေ ရောင်းချမှုရပ်ဆိုင်း

Watch more detail -
https://youtu.be/Lk6FWXdxHXQ

#ကျောက်မျက် #ရောင်းချမှုရပ်ဆိုင်း #VideoNews #shorts #reels

June - 8 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts

Business Round Up (8 June 2023)
==============

- မြစ်ဆုံစီမံကိန်းအတွင်း ရွှေတူးဖော်မှုကြောင့် ရေကြီး ရေလျှံမည်ကို ဒေသခံများစိုးရိမ်

- ကျဆင်းနေသည့် ဆန်နှင့်ဆန်ကွဲပြည်ပတင်ပို့မှု ပြန်လည်မြင့်တက်လာ

- ကုန်သွယ်ရေးလမ်းကြောင်း တိုးချဲ့ရေး တရုတ်နှင့် မြန်မာဆွေးနွေး

- မြန်မာ့မတ်ပဲအပေါ် မှီခိုနေရခြင်းကို လျှော့ချရန် အိန္ဒိယက ဈေးကွက်သစ် ရှာဖွေနေ

- တောင်ကိုရီးယား စက်မှုကဏ္ဍ စစ်လက်နက်ပစ္စည်း ထုတ်လုပ်မှု အရှိန်မြှင့်တင်

https://youtu.be/9NnQ6eU2K2Q

#BusinessRoundUp
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အထက်တန်းကျောင်း ဘွဲ့နှင်းသဘင်ရာသီ | VOA on Mizzima

Watch more detail - https://youtu.be/iw6iatcT9Qo

#VOA #ဘွဲ့နှင်းသဘင် #ရာသီ #Mizzima #shorts #reels

ရုရှားက ထိန်းချုပ်ထားတဲ့ ယူကရိန်းမြို့မှာ ဆည်ကျိုးပြီး ရေလွှမ်းမိုးနေ

https://www.facebook.com/reel/971783580731697

#Internationalnews #Mizzima #Russia #Ukraine

ဇွန်လ (၈)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
===========================

-Project C.U.R.E က မြန်မာနိုင်ငံအတွက် ဆေးနှင့်ဆေးပစ္စည်းများလှူဒါန်းဖို့ NUGနဲ့ ဆွေးနွေးတဲ့သတင်း

-NLD ဝန်ကြီး ၂ ဦး၏ အဂတိမှု အထူးအယူခံကို တရားလွှတ်တော်ချုပ် ပယ်ချတဲ့သတင်း

-ဇွန်လဒုတိယလပတ်အတွင်း မြန်မာတနိုင်ငံလုံးမှာ အနောက်တောင်မုတ်သုံလေဝင်ရောက်နိုင်ပြီး ကမ်းရိုး တန်းဒေသတွေ မိုးကြီးမယ့်သတိပေးချက် NUG ထုတ်ပြန်တဲ့သတင်း

-ရခိုင်က မုန်တိုင်းသင့်ဒေသတွေမှာ သောက်သုံးရေမသန့် ရှင်းတာကြောင့် ဝမ်းပျက် ဝမ်းလျှောရောဂါအဖြစ်များနေတဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ် သတင်းတွေကို တက်ဆက်ပေးမှာဖြစ်ပါတယ်။

https://youtu.be/NdQsGAgH4Dk

#4pmnews
#Mizzimanewshour
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​လက်ပံတန်းမြို့တွင် စတိုးဆိုင် ဖောက်ထွင်းခံရပြီး ရွှေ ၃ ပိဿာခန့် နှင့် ငွေသားများပါသွား
======================

ရွှေနွယ်
(မဇ္ဈိမ)။ ။ပဲခူးတိုင်း အနောက်ခြမ်း ၊ လက်ပံတန်းမြို့၊ မင်းရပ်ရပ်ကွက် လမ်းမတော်လမ်းရှိ သိန်းသိန်းစတိုးဆိုင်ကို ဇွန်လ ၆ ရက်နေ့ နံနက် ၁ နာရီ ၃၀ မိနစ်ခန့်တွင် လူတစ်ဦးက လာရောက်ဖောက်ထွင်းကာ သုံးပိဿာခန့် ရှိ ရွှေထည်ပစ္စည်းများနှင့် ငွေသားများ ယူဆောင်သွားကြောင်း မင်းရပ် ရပ်ကွက်နေ ပြည်သူများကပြောသည်။

လာရောက်ဖောက်ထွင်းသည်ကို ဆိုင်ရှိသူများ မသိလိုက်ကြသော်လည်း CCTV မှတ်တမ်းအရ မီးခံသေတ္တာ ဖောက်ထွင်းသွားသည်ကို သိရှိခြင်းဖြစ်ကြောင်း သိရသည်။

“မှတ်တမ်းအရတော့ တရားခံကတစ်ယောက်ပဲလို့ သိရတယ်။ မမိသေးဘူး ရဲတွေတော့ ဝင်ထွက်စစ်ဆေးနေကြတာပဲ။ မီးခံသေတ္တာကိုဖောက်ယူသွားတာဆိုတော့ ရွှေထည် သုံးပိဿာလောက်နဲ့ ငွေသားလည်း တော်တော်များများပါသွားပါတယ်” ဟု မင်းရပ်ရပ်ကွက် လမ်းမတော်လမ်းနေ ဒေသခံတစ်ဦးက မဇ္ဈိမကိုပြောသည်။

လက်ရှိတွင် လက်ပံတန်းရဲစခန်း၌ အမှုဖွင့်စစ်ဆေးနေကြောင်းနှင့် ဖောက်ထွင်းယူဆောင်သွားသည့် ငွေသားပမာဏမှာ ကျပ်သိန်း ၂,၀၀၀ ခန့် ရှိသည်ဟု ကြားသိရသော်လည်း အတည်မပြုနိုင်သေးကြောင်း ဒေသခံက ပြောသည်။

“ပိုင်ရှင်က တော်တော်လေး ကြိုးကြိုးစားစား အလုပ်လုပ်ကိုင်တာ။ လာဖောက်သွားတဲ့သူကလည်း မီးခံသေတ္တာပါ ဖောက်သွားတာဆိုတော့ ကျွမ်းကျွမ်းကျင်ကျင်ပဲနေမယ်” ဟု အဆိုပါ ရပ်ကွက်နေ အခြားဒေသခံတစ်ဦးကလည်း ပြောသည်။

ဖောက်ထွင်းခံလိုက်ရသူများသည် သိန်းသိန်းမီနီမားကတ် ဆိုင်အသစ်ကိုလည်း ဖွင့်လှစ်ထားပြီး ရွှေထည်ပစ္စည်းများလည်းအပေါင်ခံကြောင်း သိရသည်။

“သူတို့က နိုင်ငံရေးကိစ္စနဲ့ ဆက်စပ်သူတွေဆိုရင်သာ မမိ မိအောင်ဖမ်းနေတာ။ ရာဇဝတ်မှုတွေကျ ရအောင်မဖမ်းဘူး” ဟု ဒေသခံက ဆိုသည်။

ဖောက်ထွင်းခံရသော သိန်းသိန်းစတိုးဆိုင်မိသားစုနှင့် တိုက်ရိုက်အဆက်အသွယ်ရနိုင်ရန် မဇ္ဈိမက တယ်လီဖုန်းဖြင့် ဆက်သွယ်ခဲ့သော်လည်း ဆက်သွယ်၍မရသေးပေ။

ထို့ကြောင့် သိန်းသိန်းစတိုးမိသားစု ဆုံးရှုံးလိုက်ရသော တန်ဖိုးအတိအကျနှင့် အမှု၏နောက်ဆက်တွဲ အခြေအနေများအား မဇ္ဈိမအနေဖြင့် အသေးစိတ်မသိရှိရသေးပေ။

၂၀၂၂ ခုနှစ် ဩဂုတ်လအတွင်းကလည်း လက်ပံတန်းမြို့၊ ဗိုလ်အောင်ကျော်လမ်းတွင် နေအိမ်တစ်ခု၌ ဓားပြတိုက်မှုတစ်ခုဖြစ်ပွားခဲ့သေးသည်။ထို့ပြင် လက်ပံတန်းမြို့တွင် အခြား ဖောက်ထွင်းခံရမှုများ ရှိခဲ့သော်လည်း သက်ဆိုင်ရာရဲများက တရားခံကို မိအောင်မဖမ်းနိုင်ခဲ့ကြောင်း ဒေသခံက ဆိုသည်။

စာတည်း။ ။အောင်ကျော်ဖြိုး

#Mizzima
# ရွှေ ၃ ပိဿာခန့်
#စတိုးဆိုင် ဖောက်ထွင်းခံရ
#လက်ပံတန်းမြို့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ရခိုင်က မုန်တိုင်းသင့်ဒေသတွေမှာ သောက်သုံးရေမသန့် ရှင်းတာကြောင့် ဝမ်းပျက် ဝမ်းလျှောရောဂါအဖြစ်များနေ
==================

မိုခါမုန်တိုင်းကြောင့် အကြီးအကျယ်ပျက်စီးခဲ့တဲ့ ရခိုင်ပြည်မြောက်ပိုင်းက ဒေသ တော်တော်များများမှာ သောက်သုံးရေမသန့် ရှင်းတာကြောင့် ဝမ်းပျက်ဝမ်းလျှောနဲ့ အရေပြားရောဂါတွေ အဖြစ်များလာတယ်လို့ သိရပါတယ်။

ရခိုင်မြောက်ပိုင်းကမုန်တိုင်းဒဏ်သင့်ဒေသတွေမှာ ဆေးဝါးသယ်ယူခွင့်တွေ ကန့်သတ်ခံထားရတာကြောင့် ကျန်းမာရေးစောင့်ရှောင်မှုတွေ အားနည်းနေတယ်လို့လည်း ဒေသခံတွေကို လိုက်လံဆေးကုသပေးနေတဲ့ ဆရာဝန်တဦးက ပြောပါတယ်။ \

ပုဏ္ဏားကျွန်းမြို့နယ်၊ ပြိုင်းတောကျေးရွာက စစ်ဘေးဒုက္ခသည်စခန်းမှာဆိုရင်လည်း စားဝတ်နေရေး ခက်ခဲနေသလို မသန့်ရှင်းတဲ့ သောက်သုံးရေတွေကြောင့် ဝမ်းပျက် ဝမ်းလျော ဖြစ်နေကြတယ်လို့ စစ်ဘေးဒုက္ခသည်တဦးက ပြောပါတယ်။

ရခိုင်မြောက်ပိုင်းက တချို့ဒေသတွေကို စစ်ကောင်စီက သွားရေးလာရေးနဲ့ ဆေးဝါး သယ်ယူခွင့်တွေ ကန့်သတ်ထားတာကြောင့် မုန်တိုင်းဒဏ်သင့် ဒေသတွေမှာ ကျန်းမာရေးစောင့် ရှောက်မှုတွေ အားနည်းနေတယ်လို့ ဒေသခံ ဆရာဝန်တဦးက ပြောပါတယ်။

ရခိုင်ပြည်နယ်ရှိ ဒေသံခံတွေဟာ သန်းရှင်းမှုမရှိတဲ့ရေများကို သောက်သုံးနေရကြောင်း ကုလသမဂ္ဂ လက်အောက်ခံအဖွဲ့အစည်းတစ်ခုဖြစ်တဲ့ UNDPကလည်း သတင်းထုတ်ပြန်ထားပါတယ်။

https://youtu.be/WI9nhDmIH3w

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​NUG လူ့အခွင့်ရေးဆိုင်ရာဝန်ကြီးဌာန အကြံပေးဖြစ်သူ၏ အကိုအကြီးဆုံး အသတ်ခံရ
======================

မိုးသောက်
(မဇ္ဈိမ)။ ။ အမျိုးသားညီညွတ်ရေးအစိုးရ၊ လူ့အခွင့်ရေးဆိုင်ရာ ဝန်ကြီးဌာန အကြံပေးဖြစ်သူ ဦးအောင်ကျော်မိုး၏ အစ်ကို အကြီးဆုံးဖြစ်သူ ဦးသန်းမြင့်သည် မနေ့က ညပိုင်းတွင် သတ်ဖြတ်ခြင်းခံလိုက်ရသည်။

“ အိမ်နားမှာ အမည်မသိလူတစ်စုက လာသတ်သွားတယ်ပြောတယ်၊ ဒီသတ်ဖြတ်မှုက ရည်ရွယ်ချက်ရှိနိုင်တယ်” ဟု ဦးအောင်ကျော်မိုးက မဇ္ဈိမသို့အတည်ပြုပြောကြားသည်။

အသက် ၄၅နှစ်အရွယ် ဦးသန်းမြင့်သည် မနေ့ကဇွန်လ ၇ရက်နေ့ ည၁၁နာရီဝန်းကျင်ခန့်တွင် ရန်ကုန်တိုင်း ဒေါပုံမြို့နယ်ရှိ သူ၏နေအိမ်နှင့် ကိုက် ၅၀၀ ကျော်အကွာ၌ ဓားဖြင့် သုံး လေးချက်ခန့်အထိ ထိုးသတ်ခံခဲ့ရခြင်းဖြစ်ကြောင်း ဦးအောင်ကျော်မိုးက ဆက်ပြောသည်။

ပြီးခဲ့သည့် သီတင်းပတ်အတွင်း ရန်ကုန်မြို့တွင် အမျိုးသားရေးလှုပ်ရှားသူ နှစ်ဦးဖြစ်သည့် ဦးတင့်လွင်နှင့် အဆိုတော် ဒေါ်လီလီနိုင်ကျော် အသတ်ခံရပြီးနောက်ပိုင်းတွင် ဒီမိုကရေစီလှုပ်ရှားသူများဘက်မှ မိသားစုဝင်များကို လုပ်ကြံသတ်ဖြတ်ရန် စစ်တပ်ထောက်ခံသူများက ပစ်မှတ်ထားလာကြသည်ကို တွေ့ရသည်။

အထူးသဖြင့် တော်လှန်ရေးတွင်ပါဝင်နေသည့် အနုပညာရှင်များ၊ နိုင်ငံရေးတက်ကြွလှုပ်ရှားသူများနှင့် ထင်ပေါ်ကျော်ကြားသူများ၏ မိသားစုဝင်များကို ရှာဖွေကြရန်အတွက် စစ်ကောင်စီလော်ဘီချန်နယ်များတွင် ဖော်ပြနေကြသည်။

လီလီနိုင်ကျော်အသတ်ခံရမှုနှင့်ပတ်သက်ပြီး ဖမ်းဆီးခံထားရသည့် သံသယတရားခံနှစ်ဦးဖြစ်သည့် ကောင်းဇာနည်ဟိန်း(ခ) လပြည့်နှင့် ကျော်သူရ(ခ) အီးတီတို့အနက် ကိုကောင်းဇာနည်ဟိန်း၏ မိခင်နှင့်အစ်မဖြစ်သူ သည်လည်း မနေ့က ရက်ရက်စက်စက် သတ်ဖြတ်ခံခဲ့ရသည်။

စာတည်း - သန့်ဇော်(သန်လျင်)

#mizzima
#ကိုကောင်းဇာနည်ဟိန်း
#ဦးသန်းမြင့်
#ဒေါ်လီလီနိုင်ကျော်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဘင်္ဂလားဒေ့ရှ်၌ ဆယ်စုနှစ်များအတွင်း အရှည်ကြာဆုံးသော အပူလှိုင်းကျရောက်စဉ် ကျောင်းများ ပိတ်ပြီး ဓာတ်အားလျှော့ချမှုများ လုပ်ဆောင်နေရ
=====================

ဘင်္ဂလားဒေ့ရှ်နိုင်ငံတွင် ရာစုနှစ်ဝက်တစ်ခုအတွင်း အရှည်ကြာဆုံးသော အပူလှိုင်းတစ်ခုကို ဖြတ်ကျော်ရန် အပြင်းအထန် ကြိုးပမ်းနေရစဉ် စာသင်ကျောင်းပေါင်း ထောင်ချီကို ပိတ်ထားရကြောင်း သိရသည်။ ထို့ပြင် ပျံ့နှံ့ပေါ်ပေါက်နေသော လျှပ်စစ်ဓာတ်အား လျှော့ချဖြတ်တောက်မှုများကြောင့်လည်း ပြည်သူတို့၏ အခက်အခဲဒုက္ခများကို ပိုဆိုးစေလျက် ရှိသည်။

​​မြိုင်တွင် စစ်ကောင်စီရိက္ခာယာဉ်တန်း လုံခြုံရေးစစ်ကြောင်း တိုက်ခိုက်ခံရပြီး ၂ ဦးထက် မနည်းသေဆုံးဟုဆို
====================

MTO
(မဇ္ဈိမ)။ ။မကွေးတိုင်း၊ မြိုင်မြို့နယ်တွင် စစ်ကောင်စီရိက္ခာယာဉ်တန်းကို လုံခြုံရေးယူပေးနေသည့် စစ်ကြောင်းအား ပြည်သူ့ကာကွယ်ရေးတပ်ဖွဲ့များကတိုက်ခိုက်ခဲ့ရာ စစ်ကောင်စီတပ်ဖွဲ့ဝင် နှစ်ဦးထက်မနည်း သေဆုံးသွားကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့မှ သတင်းထုတ်ပြန်ထားသည်။

ဇွန်လ ၇ ရက်နေ့ မွန်းလွဲပိုင်းတွင် ပခုက္ကူမှ စက်မှု(၂)သို့ ရိက္ခာလာပို့သော ယာဉ်ငါးစီးအတွက် လုံခြုံရေးယူပေးနေ သည့် အင်အား ၂၀ ပါ စစ်ကောင်စီစစ်ကြောင်းကို မိုင်းဆွဲတိုက်ခိုက်ခဲ့ပြီးနောက်လက်နက်ငယ်များဖြင့်ပစ်ခတ်ခဲ့ ခြင်းဖြစ်ကြောင်း မြိုင် ပကဖ ခေါင်းဆောင် ဗိုလ်လက်ယာက ပြောသည်။

“ကျနော်တို့က အရင်မိုင်းဆွဲလိုက်တာ ပြီးတော့ ဒီကောင်တွေက ပြီးသွားပြီဆိုပြီးထအလာမှာ Auto သမားက ၅၀၊ ၆၀ နဲ့ ဝိုင်းပစ်တာ ဒီကောင်တွေ တော်တော်ထိသွားတယ်” ဟု ၎င်းကပြောသည်။
တိုက်ခိုက်မှုတွင် စစ်ကောင်စီတပ်ဖွဲ့ဝင်နှစ်ဦးသေဆုံးကာ အများအပြားထိခိုက်ဒဏ်ရာရရှိသွားပြီး မြိုင်ဆေးရုံသို့ ပို့ဆောင်းထားရကြောင်း မြိုင်(ပကဖ)၏ထုတ်ပြန်ချက်တွင် ပါရှိသည်။

ယင်းအပြင် ဇွန်လ ၇ ရက်နေ့ ည ၇နာရီခန့်တွင် မြိုင်မှပြန်လာသည့် စစ်ကောင်စီကားနှစ်စီးကို တွင်းမပျူစခန်းနှင့် ကမ္မစခန်းကြားတွင် မိုင်းပွိုင့်နှစ်လုံးဖြင့် မိုင်းဆွဲတိုက်ခိုက်ခဲ့ရာ စစ်ကောင်စီတပ်၏ကားများ ပျက်စီးမှုရှိကြောင်း မြိုင် (ပကဖ) မှ ထုတ်ပြန်ထားသည်။

တိုက်ခိုက်မှုများကို မြိုင် (ပကဖ) တပ်ရင်း(၁) တပ်ခွဲ(၁)၊ တပ်ခွဲ (၂-ဂဠုန်) ၊ တပ်ခွဲ (၄-စင်္ကြာ) ဝံပုလွေပြောက်ကျား တပ်ဖွဲ့၊ MUGDF တပ်ဖွဲ့၊ KMDF ကမ္မဒေသကာကွယ်ရေးတပ်ဖွဲ့ ၊ မုန်တိုင်းတပ်ဖွဲ့ ၊Anonymous Special Task force (ပေါက်)၊ TYK ပြောက်ကျားတပ်ဖွဲ့၊ GOD တပ်ဖွဲ့တို့ ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#မကွေးတိုင်း
#စစ်ကောင်စီယာဉ်တန်း
#မြိုင်မြို့နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မအူပင်မြို့ ငလျင်လှုပ်ခတ်မှု နောက်ဆက်တွဲအခြေအနေ
================

မင်းထက်
(မဇ္ဈိမ)။ ။ဧရာဝတီတိုင်း၊မအူပင်မြို့တွင် ယမန်နေ့ ညနေက လှုပ်ခဲ့သည့် ငလျင်အရှိန်ကြောင့် နောက် ဆက်တွဲအင်အားအနည်းငယ်အဆင့် ငလျင်အချို့ ယနေ့နေ့လည်အထိ လှုပ်ရှားနေပြီး ငလျင်ကြောင့် အ‌ဆောက်အဦအချို့ပျက်စီးကာ နှစ်ဦးသေဆုံး၊ နှစ်ဦးဒဏ်ရာရခဲ့ကြောင်း သတင်းရရှိသည်။

ငလျင်သည် မအူပင်မြို့တွင် ယမန်နေ့ ဇွန်လ ၇ ရက်၊ ညနေ ၄ နာရီ ၂၀မိနစ်ခန့်မှစတင်ကာ လှုပ်ရှားခဲ့ခြင်းဖြစ်သည်။ ယနေ့ ‌ဇွန်လ ၈ရက် ‌နေ့လယ် ၁၂နာရီခန့်အထိ နောက်ဆက်တွဲငလျင် ခြောက်ကြိမ်လှုပ်ခဲ့သည်ဟု မြို့ခံများကပြောသည်။

" ငလျင်ကတော်တော်ပြင်းပြင်းလှုပ်သွားတာဆိုတော့ ပျက်စီးမှုတွေလည်းများတယ်"ဟု မအူပင်မြို့ခံတစ်ဦးကပြောသည်။
ယမန်‌‌နေ့က ပထမဆုံးအကြိမ်လှုပ်သည့် ငလျင်ကြောင့် မအူပင်မြို့၊အမှတ် ၆ ရပ်ကွက်ရှိ မိုးကုတ်ဝိပဿနာကျောင်းတိုက်မှ အဆောက်အဦတစ်ခုပြိုကျပြီး အဆိုပါ အဆောက်အဦအတွင်းရှိ သီလရှင်တစ်ပါးနှင့်အမျိုးသမီးတစ်ဦးသေဆုံးခဲ့သည်ဟုသိရသည်။

ထို့အပြင် အထည်ချုပ်စက်ရုံမျက်နှာကျက်ပြိုကျကာ အလုပ်သမားနှစ်ဦး ဒဏ်ရာရခဲ့ကြောင်း ဒေသခံများကပြောသည်။ အဆောက်အဦပျက်စီးမှုအနေဖြင့် မအူပင်မြို့နယ် ထွေအုပ်ရုံး၊ ဆယ်သွယ်ရေးရုံး ၊ဆေးရုံ၊မိုးကုတ်ဝိပဿနာကျောင်းတိုက်၊အထည်ချုပ်စက်ရုံ၊ မအူပင်နည်းပညာတက္ကသိုလ်ဘွဲ့နှင်းသဘင်ခန်းမ၊တရားရုံးနှင့် လူနေအိမ်အချို့ ပျက်စီးမှုရှိခဲ့ပြီး ရွှေဘုန်းမြင့်စေတီတော်၏ စိန်ဖူးတော် ယိုင်လဲခဲ့သည်ဟုသိရသည်။

"ဆေးရုံ ခွဲခန်းရှေ့ လျှောက်လမ်းပြိုကျလို့ လူနာတွေ ဆင်းခိုင်းတယ်။ အရေးကြီးသူပဲ ထားတယ်" ဟုဒေသခံတစ်ဦးကပြောသည်။
ယမန်နေ့ညနေက ငလျင်လှုပ်ပြီးနောက်ပိုင်း နောက်ဆက်တွဲငလျင်များ ထပ်လှုပ်နေ၍ မြို့ခံများ သည် စိုးရိမ်ထိန့်လန့်ကာ နေအိမ်များပေါ်မှ ဆင်းနေခဲ့ကြသည်။ ဇွန်လ ၇ ရက်နေ့ ည ၉ နာရီခန်နှင့် ယနေ့ဇွန်လ ၈ ရက်နေ့နေ့လယ် ၁၂ နာရီခန့်တွင် ငလျင်နှစ်ကြိမ် ထပ်မံလှုပ်ခတ်ခဲ့သည်ဟု ဒေသခံများကပြောသည်။

ငလျင်၏ သဘောသဘာဝအရ အင်အားပြင်းငလျင်မလှုပ်ခင် ရှေ့ပြေးငလျင်အဖြစ် အင်အားအနည်း ငယ်အဆင့်ရှိသော ငလျင်များ လှုပ်ခတ်သလို အင် အားပြင်းငလျင်လှုပ်ပြီးပါကလည်း နောက်ဆက်တွဲ ငလျင်အဖြစ် အင်အားအနည်းငယ်အဆင့်ရှိသော ငလျင်များ လှုပ်ခတ်လေ့ရှိသည်။ငလျင်ပြင်းအား ရစ်(ခ်)တာစကေး ၃ဒဿမ၉ အဆင့်အထိကို အင်အားအနည်းငယ်အဆင့်ငလျင်၊ ရစ်(ခ်)တာစကေး ၄မှ ၄ဒဿမ၉ အဆင့်အထိကိုအင်အားအနည်းငယ်အဆင့်၊ရစ်(ခ်)တာစကေး ၅မှ ၅ဒဿမ၉အတွင်းကို အင်အားအသင့်အတင့်အဆင့်နှင့် ရစ်(ခ်)တာစကေး၆အထက်ကို အင်အားပြင်းငလျင်အဖြစ် သတ်မှတ်ထားသည်။

ယမန်နေ့က လှုပ်သော ငလျင်သည် ညောင်တုန်းမြို့၏ တောင်-အရှေ့တောင်ဘက် ငါးမိုင်ခန့်အကွာတွင် အနက် ၁၀ ကီလိုမီတာကို ဗဟိုပြု၍ အင်အားရစ်(ခ်)တာစကေး ၄ ဒဿမ ၈အဆင့်ဖြင့် လှုပ်ခတ်သွားကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနကသတင်းထုတ်ပြန်သည်။အမေရိကန် လူမိလေ့လာရေးဌာန USGS ကမူ အဆိုပါ ငလျင်သည် မအူပင်မြို့အနီး ဗဟိုပြုကာ ပြင်းအား ရစ်(ခ်)တာစကေး ၄ဒဿမ ၈အဆင့်ဖြင့် လှုပ်ခတ်ခြင်းဟု ထုတ်ပြန်ထားသည်။

ငလျင်လှုပ်ရှားမှုကို မအူပင်မြို့တွင်သာမက ဧရာဝတီတိုင်းအတွင်းရှိ ညောင်တုန်း၊ ဘိုကလေး၊ ဖျာပုံမြို့နှင့် ရန်ကုန်မြို့တွင်လည်း သိသိသာသာခံစားခဲ့ရကြောင်း သက်ဆိုင်ရာမြို့နယ်များရှိ ဒေသခံများကပြောသည်။ ရန်ကုန်မြို့ အနောက်ဘက် ဝန်းကျင်နှင့် ဧရာဝတီတိုင်း ထိစပ်ဒေသများတွင် အင်းအားအနည်းငယ်နှင့် အသင့်အတင့် လှုပ်ရှားလေ့ရှိသော ပြတ်ရွေ့အသေးများ ရှိနေပြီး အင်အားပြင်းအဆင့်ငလျင် လှုပ်ရှားလေ့မရှိကြောင်း ဘူမိဗေဒပညာရှင်တစ်ဦးကပြောသည်။

ပြီးခဲ့သည့် မေလ ၃၁ရက်ညနေကလည်း ကချင်ပြည်နယ်၊ ဟိုပင်မြို့ကိုဗဟိုပြု၍ အင်အားရစ်(ခ်)တာစကေး ၅ဒဿမ၉အဆင့် လှုပ်ခတ်သွားခဲ့ပြီး ပျက်စီးထိခိုက်မှုအချို့ရှိခဲ့သည်။

စာတည်း - မောင်ကြီး

#mizzima
#မအူပင်
#ငလျင်လှုပ်ရှား
#နောက်ဆက်တွဲငလျင်
ဓာတ်ပုံ - ငလျင်ကြောင့် မအူပင်နည်းပညာတက္ကသိုလ်ပျက်စီးမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Russia and China conduct joint air drills
=============

https://youtu.be/-mIKOql8THU

ရခိုင်က မုန်တိုင်းသင့်ဒေသတွေမှာ သောက်သုံးရေမသန့် ရှင်းတာကြောင့် ဝမ်းပျက် ဝမ်းလျှောရောဂါအဖြစ်များနေ

Watch more detail -
https://youtu.be/WI9nhDmIH3w

#သောက်သုံးရေ #ရခိုင် #မုန်တိုင်းသင့်ဒေသ #VideoNews #shorts #Reels #Mizzima

​​နတ်သံကွင်းတွင် စစ်ကောင်စီတပ်က ကုန်းလမ်း၊ ရေလမ်းများပါသုံး၍ စစ်အင်အားထပ်မံတိုးမြှင့်
======================

YT
(မဇ္ဈိမ) ။ ။ကရင်အမျိုးသားအစည်းအရုံး (KNU)၊ တပ်မဟာ (၃) နယ်မြေ၊ ညောင်လေးပင်ခရိုင်၊ နတ်သံကွင်းမြို့တွင် စစ်ကောင်စီတပ်မှ ကုန်းလမ်းသာမက ရေလမ်းကြောင်းကိုပါအသုံးပြု၍ စစ်အင်အား ထပ်မံတိုးမြှင့်နေကြောင်း သိရ သည်။

“ မနေ့ ( ဇွန်လ ၇ ရက်နေ့) က ပျဥ်းမပင်ရွာမှာ စုနေကြပြီး နတ်သံကွင်းမြို့ထဲကို မြစ်ထဲကနေကူးပြီး နေရာယူတာ။ အင်အား ၂၀၀ လောက်လို့ပြောတယ်။ ကျိုးသွားတဲ့တံတား (စစ်တောင်းတံတား)နဲ့ ညောင်ဝိုင်း ပျဥ်းမပင်ကတဆက် တည်းပဲလေ” ဟု ဒေသတွင်း သတင်းရင်းမြစ်တဦးက မဇ္ဈိမသို့ ပြောသည်။

ဇွန်လ ၆ ရက်နေ့က နတ်သံကွင်း မြို့မရဲစခန်းအပါအဝင် စစ်ကောင်စီတပ်၏နေရာငါးခုကို တပ်မဟာ (၃) KNLA ၊ PDF ပူးပေါင်းတပ်ဖွဲ့များက တပြိုင်နက် စီးနင်းတိုက်ခိုက်ခဲ့သည်။

ယင်းနေ့၌ပင် စစ်ရေးအတွက်အဓိကအသုံးပြုနေသည့် စစ်တောင်းတံတား၊ နတ်ရွာတံတားနှင့် သာစည်တံတားတို့ အား KNLA ပူးပေါင်းတပ်မှဖျက်ဆီးခဲ့သဖြင့် စစ်ကောင်စီတပ်မှ စစ်ကြောင်းပြန်ထိုးရန် ရေလမ်းကိုပါအသုံးပြုနေ ခြင်းဖြစ်သည်။

စစ်ကောင်စီတပ်သည် ဇွန်လ ၇ ရက်နေ့ နံနက်ပိုင်းမှစတင်၍ စစ်တောင်းတံတားအနီးရှိ ညောင်ဝိုင်း၊ ပျဉ်းမပင်၊ ကွင်း ချောင်းဝကျေးရွာများမှတဆင့် နတ်သံကွင်းမြို့အတွင်းသို့ ပြန်လည်စစ်ကြောင်းထိုးလာနေကြောင်း သတင်းရင်းမြစ် ကဆိုသည်။
ထို့ပြင် ဖျက်ဆီးခံထားရသည့် စစ်တောင်းတံတားထိပ်၊ နတ်သံကွင်းမြို့ ရပ်ကွက်(၁) ရဲစခန်း၊ တံခွန်တိုင်ရပ်ကွက်၊ ရပ်ကွက်(၄)တို့တွင်လည်း စစ်အင်အားဖြန့်ထားကြောင်း သိရသည်။

စစ်တောင်းတံတား (နတ်သံကွင်း) ထိပ်ရှိ စစ်ကောင်စီဂိတ်တွင် ဇွန်လ ၇ ရက်နေ့ကလည်း စစ်ကောင်စီတပ်နှင့် တော်လှန်ရေးအင်အားစုများအကြား အပြန်အလှန်ပစ်ခတ်မှုအချို့ ရှိခဲ့သည်။

ကျောက်ကြီးမြို့နယ်၌ ခမရ(၃၅၁)၊ ခလရ(၆၀)ကဲ့သို့သော အခြေစိုက်တပ်ရင်းများရှိနေပြီး စစ်ကောင်စီအနေဖြင့် ထိုတပ်ရင်းများအား ရိက္ခာ၊ ကျည်၊ လူအင်အား ထောက်ပို့ခြင်း၊ နယ်မြေစိုးမိုးရေးများအတွက် စစ်အင်အားထပ်မံ တိုးမြှင့်ရန်ကြိုးပမ်းနေခြင်းဖြစ်ကြောင်း အခြား ဒေသတွင်းသတင်းရင်းမြစ်တဦးကလည်း ပြောသည်။

ဇွန်လ ၆ ရက်နေ့ကဖြစ်ပွားခဲ့သော တိုက်ပွဲများအတွင်း စစ်ကောင်စီတပ်သား ၄၀ ဦးသေဆုံး၍ ၁၂ ဦးထိခိုက်ဒဏ်ရာ ရခဲ့ကြောင်း၊ တပ်မဟာ (၃) KNLA ၊ PDF ပူးပေါင်းတပ်ဖွဲ့များဘက်မှ ရဲဘော်လေးဦးကျဆုံး၍ ၁၃ ဦး ထိခိုက်ဒဏ် ရာရခဲ့ကြောင်း KNU ဗဟိုက ယနေ့ ဇွန်လ ၈ ရက်နေ့တွင် ထုတ်ပြန်ထားသည်။

အဆိုပါတိုက်ပွဲများအတွင်း G-3 တလက်၊ MA-1 တလက်၊ MA-3 တလက်၊ MA-4 တလက်၊ MA ကျည်ဘောက် ၁၀ ခု၊ MA ကျည် ၃၈၄တောင့်၊ M 16 ကျည်ဘောက်တခု၊ ယူနီဖောင်းခြောက်စုံ၊ M14 မိုင်း ၆၀ လုံး၊ ကျောပိုးအိတ် ခြောက်လုံး၊ 79 လက်နက်ကြီးကျည် တလုံး၊ မိုင်းရှာစက် နှစ်စုံ၊ ယမ်းကူး ၁၅ ခု၊ မြန်မာငွေ ၄၈,၀၀၀ ကျပ်တို့အား သိမ်းဆည်းရမိခဲ့ကြောင်းလည်း ထုတ်ပြန်ချက်တွင် ဖော်ပြထားသည်။

စစ်ကောင်စီတပ်၏ လက်နက်ကြီးဖြင့်ပစ်ခတ်မှု၊ ဂျက်ဖိုက်တာဖြင့် ဗုံးကြဲတိုက်ခိုက်မှုတို့ကြောင့် အသက်ငါးနှစ်အ ရွယ်ကလေးနှစ်ဦးနှင့် အမျိုးသမီးသုံးဦး၊ အသက် ၅၀ အရွယ် အမျိုးသားတဦး ထိခိုက်ဒဏ်ရာရထားပြီး ဒေသခံ ၁၀,၀၀၀ ကျော် ထွက်ပြေးတိမ်းရှောင်နေရကြောင်း တပ်မဟာ (၃) KNLA တပ်မှူးတဦးထံမှ သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#နတ်သံကွင်း
#စစ်အင်အားတိုးမြှင့်
#ညောင်လေးပင်ခရိုင်
#ကုန်းလမ်း
#ရေလမ်း
ဓါတ်ပုံ- ဇွန်လ ၆ ရက်နေ့က မိုင်းခွဲ ဖျက်ဆီးခံခဲ့ရသော စစ်တောင်းတံတား (နတ်သံကွင်း)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U