တိုက်ပွဲများကြောင့် စစ်ဘေး ဒုက္ခသည် ၃,၀၀၀ ကျော် ထိုင်းနိုင်ငံသို့ ထွက်ပြေး တိမ်းရှောင်
=====================

ကိုရွှေမြိတ်
မဲဆောက် (မဇ္ဈိမ) ။ ။ မြန်မာ-ထိုင်း နယ်စပ် ၊ ထိုင်းနိုင်ငံ ၊ မယ်ဟောင်ဆောင်ခရိုင်၊ ဘန်စင်ဟင်မြို့သို့ မြန်မာ စစ်ဘေး ဒုက္ခသည် ၃,၀၀၀ ကျော် ထွက်ပြေးတိမ်းရှောင်လာကြောင်း ထိုင်း NationOnline သတင်းတွင် ယနေ့ ဇွန်လ ၁၄ ရက်နေ့ နံနက်ပိုင်းက ရေးသားဖော်ပြထားသည်။

ကရင်နီပြည်နယ်ရှိ ဘန်မဲချောင်း ရဲစခန်း သုံးခုနှင့် အခြား စစ်ကောင်စီ စစ်စခန်း သုံးခုကို ကရင်နီ လက်နက်ကိုင် ပူးပေါင်းတပ်ဖွဲ့က စီးနင်းဝင်ရောက်တိုက်ခိုက်ရာမှ တိုက်ပွဲပြင်းထန်လာ၍ မြန်မာစစ်ဘေးရှာင် ၃,၃၄၂ ဦးသည် ထိုင်းနိုင်ငံဘက်သို့ ထွက်ပြေးတိမ်းရှောင်လာခြင်းဖြစ်သည်ဟု ထိုသတင်းစာတွင် ဖော်ပြထားသည်။

လက်ရှိ မြန်မာနိုင်ငံတွင် တိုက်ပွဲများ ဖြစ်နေပြီး လက်နက်ကြီး ပစ်ခတ်မှုများ ရှိနေသေး၍ ထိုင်းနိုင်ငံသို့ စစ်ဘေးရှောင်သူအရေအတွက် ပိုမိုများပြားလာနိုင်သည်ဟု ကရင်နီပြည် စစ်ဘေးရှောင် ကူညီရေး စောင့်ရှောက်ရေးကွန်ရက်အဖွဲ့ တာဝန်ရှိသူ တစ်ဦးက ပြောသည်။

" စစ်ရှောင်တွေက ဒီထက် ပိုများလာနိုင်ပါတယ်။ အခု ထိုင်း သတင်းတွေမှာ ဖော်ပြထားတာက ၃,၀၀၀ ကျော် ဆိုပေမယ့် ဒီထက် ပိုများနိုင်တယ်”ဟု ၎င်းကဆိုသည်။

တိုက်ပွဲများကြောင့် ကရင်နီဒေသမှ ပြည်သူ ၁၀,၀၀၀ ကျော်နီးပါးသည် ဒေသအသီးသီးသို့ ထွက်ပြေး စစ်ရှောင်နေရပြီး မိုးရာသီရောက်ရှိနေ၍ စစ်ရှောင်များ ဒုက္ခရောက်နေရကြောင်း အဆိုပါ တာ၀န်ရှိသူက ပြောသည်။

မယ်ဟောင်ဆောင်ခရိုင် အုပ်ချုပ်ရေးမှူး မစ္စတာ Chettha Mosikarat သည် မယ်ဟောင်ဆောင် နယ်ခြားစောင့် စခန်းမှ စစ်သည်များ၊ ခရိုင် အုပ်ချုပ်ရေးမှူးများနှင့် တပ်ဖွဲ့ဝင်များ စုစည်းကာထွက်ပြေး ခိုလှုံလာသည့် ထိုမြန်မာစစ်ရှောင်များကို လူသားချင်း စာနာ ထောက်ထားမှု ဆိုင်ရာ အခြေခံမူများအရ ကူညီစောင့်ရှောက် ပေးထားကြောင်း NationOnlineတွင် ရေးသားထားသည်။

စာတည်း။ ။အောင်ကျော်ဖြိုး

#Mizzima
#မယ်ဟောင်ဆောင်ခရိုင်
#မြန်မာစစ်ရှောင်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ခင်ဦးတွင် စစ်ကြောင်းကို မိုင်းဆွဲပြီး ပြန်လည်ဆုတ်ခွာစဥ် မိုင်းမတော်တဆဖြစ်၍ ကာကွယ်ရေးတပ်ဖွဲ့၀င် ၆ ဦး ဒဏ်ရာရ
====================

ရောင်နီ
(မဇ္စျိမ)။ ။ စစ်ကိုင်းတိုင်း၊ ရွှေဘိုခရိုင်၊ ခင်ဦးမြို့နယ်တွင် စစ်ကောင်စီတပ်ပူးပေါင်းစစ်ကြောင်းကို မိုင်းဆွဲပြီး ပြန်လည်ဆုတ်ခွာစဥ် မိုင်းမတော်တဆပေါက်ကွဲမှု ဖြစ်ပွားခဲ့၍ ကာကွယ်ရေးတပ်ဖွဲ့၀င် ရဲဘော်ခြောက်ဦး ထိခိုက်ဒဏ်ရာရခဲ့ကြောင်း သိရသည်။

ခင်ဦးမြို့နယ် မကျီးတုံပျူရွာမှ စစ်ကောင်စီတပ်နှင့် ပျူစောထီး ပူးပေါင်း စစ်ကြောင်းသည် ဇွန်လ ၁၃ ရက်နေ့က ကံသစ်ကျေးရွာဘက်သ်ို့ဦးတည်ထွက်ခွာလာရာ ခင်ဦးမြို့နယ်အထွက် ဆီပန့်ဆိုင်အနီးတွင် ရွှေဘိုခရိုင် အမှတ် (၂၂) တပ်ရင်းက ယင်းနေ့ မွန်းလွဲ ၁ နာရီ ၄၀ မိနစ်အချိန်တွင် မိုင်းသုံးလုံးဖြင့် ဖောက်ခွဲတိုက်ခိုက်ခဲ့ခြင်းဖြစ်သည်။

“ မိုင်း သုံးလုံးနဲ့ ဆွဲပြီး တိုက်ခိုက်တာ ဖြစ်ပါတယ်။ စစ်ကြောင်းမှာပါတဲ့ ကားတစ်စီးကတော့ စုတ်ပြတ်သွားတယ်။ ဒဏ်ရာရတဲ့သူ ဘယ်နှစ်ယောက်ရှိလဲဆိုတာတော့ မသိလိုက်ရဘူး” ဟု ရွှေဘိုခရိုင် အမှတ် (၂၂) တပ်ရင်း ပြန်ကြားရေးတာ၀န်ရှိသူက မဇ္စျိမကို ပြောသည်။

မိုင်းဆွဲတိုက်ခိုက်မှုတွင် စစ်ကောင်စီတပ် စစ်ကြောင်းမှ လက်နက်ကြီးများဖြင့် ရမ်းသန်းပစ်ခတ်မှုများရှိခဲ့သည့်အတွက် ကာကွယ်ရေးတပ်ဖွဲ့၀င် ရဲဘော်များ ပြန်လည် ဆုတ်ခွာခဲ့ရကြောင်း သိရသည်။

ထိုသို့ ဆုတ်ခွာစဥ် ကာကွယ်ရေးတပ်ထောင်ထားခဲ့သည့် ကျန်ရှိမိုင်းများရှော့ဖြစ်ပေါက်ကွဲရာမှာတစ်ဆင့် ရဲဘော်များ ထိခိုက်ဒဏ်ရာရရှိခဲ့ကြခြင်း ဖြစ်သည်။

“စစ်သားတွေကို မိုင်းဆွဲပြီး ပြန်ဆုတ်ခွာရာမှာ ကိုယ်တွေထောင်ထားတဲ့ မိုင်းတွေက အနှုတ်ဘက်မှာ ရှော့ဖြစ်ပြီး ခုနစ်လုံးဆက်တိုက် တန်းကွဲသွားတာ။ ကိုယ်တွေကလည်း အုပ်စုလိုက်ဆုတ်မိတော့ အကုန်ထိကုန်တာ” ဟု တပ်ဖွဲ့တာ၀န်ရှိသူက ဆိုသည်။

စစ်ကောင်စီတပ်စစ်ကြောင်းကို မိုင်းဆွဲတိုက်ခိုက်ရန် ကာကွယ်ရေးတပ်ဖွဲ့မှ ရဲဘော် ခုနစ်ဦး ထွက်ခွာလာခဲ့ခြင်းဖြစ်ပြီး မိုင်းမတော်တဆ ပေါက်ကွဲမှုတွင် ရဲဘော် ခြောက်ဦး ထိခိုက်ဒဏ်ရာရရှိခဲ့သည်။
“ မိုင်းမတော်တဆမှုဖြစ်စဥ်မှာ ခြောက်ယောက်ထိတယ်။ အဲ့အထဲက သုံးယောက်က အတော်ဆိုးတယ်။ ကိုယ်အစိတ်အပိုင်းတွေ စိုးရိမ်စရာရှိပါတယ်။ ဆေးကုသဖို့လည်း လတ်တလောမှာ အခက်ခဲတွေ ရှိနေပါတယ်” ဟု ရွှေဘိုခရိုင် အမှတ် (၂၂) တပ်ရင်း ပြန်ကြားရေးတာ၀န်ရှိသူက ပြောသည်။

မိုင်းမတော်တဆမှုဖြစ်စဥ်မှ ထိခိုက်ဒဏ်ရာရသူများကို လက်ရှိအချိန်တွင် တပ်ရင်းက ဆေး၀ါးကုသမှုအချို့ ပြုလုပ်ပေးထားကြောင်း သိရသည်။

သို့သော် စိုးရိမ်ရသည့် ထိခိုက်ဒဏ်ရာရရှိသူများကို ဆက်လက်ဆေးကုသမှုများ ပြုလုပ်ရန် အလှူငွေများ လိုအပ်လျက်ရှိသည့်အတွက် ၀ိုင်း၀န်းကူညီပေးကြရန်လည်း တိုက်တွန်းထားသည်။
ကာကွယ်ရေးတပ်ဖွဲ့၏ မိုင်းဆွဲတိုက်ခိုက်မှုခံခဲ့ရသည့် စစ်ကြောင်းသည် လက်ရှိအချိန်တွင် ခင်ဦးမြို့ပေါ်ရှိ စစ်ကောင်စီတပ်နှင့် ပူးပေါင်းပြီး အင်အား ၁၈၀ ခန့်ဖြင့် မြို့အတွင်းရှိ နေရာများတွင် ဖြန့်ကြက်တပ်စွဲ နေရာယူထားကြောင်း ဒေသခံများထံမှ သိရသည်။

စာတည်း-သန့်ဇော်(သန်လျင်)

#mizzima
#ကာကွယ်ရေးတပ်ဖွဲ့
#မိုင်းဆွဲတိုက်ခိုက်မှု
#စစ်ကြောင်း
#ခင်ဦးမြို့နယ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

June - 14 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

NUG ဗဟိုဘဏ် အထူးအကြံပေးအဖြစ် ပါမောက္ခရှောင်တာနဲလ်ကို ခန့်အပ်
======================

သြစတြေးလျနိုင်ငံသား စီးပွားရေးအကြံပေး ပါမောက္ခ ရှောင်တာနယ်ကို ကြားကာလ ဗဟိုဘဏ် အထူးအကြံပေးပုဂ္ဂိုလ်အဖြစ် အမျိုးသားညီညွတ်ရေးအစိုးရ (NUG)က ခန့်အပ်တာဝန်ပေးလိုက်ကြောင်း (ဇွန်လ ၁၃ရက်) မှာ ထုတ်ပြန်ကြေညာလိုက်ပါတယ်။
NUG ကြားကာလ ဗဟိုဘဏ် ဥက္ကဋ္ဌလည်းဖြစ် စီးပွားရေး၊ ဘဏ္ဍာရေးနဲ့ ရင်းနှီးမြုပ်နှံမှုဝန်ကြီးဌာန ဝန်ကြီးလည်းဖြစ်တဲ့ ဦးတင်ထွန်းနိုင်က ဇွန် ၁၃ ရက်နေ့စွဲနဲ့ လက်မှတ်ထိုးပြီး ထုတ်ပြန်တဲ့ကြညာချက်မှာ အခုလို ဖော်ပြထားတာပါ။

https://youtu.be/pj27aQAiJU0

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ခင်ဦးတွင် စစ်ကြောင်းကို မိုင်းဆွဲပြီး ပြန်လည်ဆုတ်ခွာစဥ် မိုင်းမတော်တဆဖြစ်၍ ကာကွယ်ရေးတပ်ဖွဲ့၀င် ၆ ဦး ဒဏ်ရာရ
===================

ရောင်နီ
(မဇ္စျိမ)။ ။ စစ်ကိုင်းတိုင်း၊ ရွှေဘိုခရိုင်၊ ခင်ဦးမြို့နယ်တွင် စစ်ကောင်စီတပ်ပူးပေါင်းစစ်ကြောင်းကို မိုင်းဆွဲပြီး ပြန်လည်ဆုတ်ခွာစဥ် မိုင်းမတော်တဆပေါက်ကွဲမှု ဖြစ်ပွားခဲ့၍ ကာကွယ်ရေးတပ်ဖွဲ့၀င် ရဲဘော်ခြောက်ဦး ထိခိုက်ဒဏ်ရာရခဲ့ကြောင်း သိရသည်။

ခင်ဦးမြို့နယ် မကျီးတုံပျူရွာမှ စစ်ကောင်စီတပ်နှင့် ပျူစောထီး ပူးပေါင်း စစ်ကြောင်းသည် ဇွန်လ ၁၃ ရက်နေ့က ကံသစ်ကျေးရွာဘက်သ်ို့ဦးတည်ထွက်ခွာလာရာ ခင်ဦးမြို့နယ်အထွက် ဆီပန့်ဆိုင်အနီးတွင် ရွှေဘိုခရိုင် အမှတ် (၂၂) တပ်ရင်းက ယင်းနေ့ မွန်းလွဲ ၁ နာရီ ၄၀ မိနစ်အချိန်တွင် မိုင်းသုံးလုံးဖြင့် ဖောက်ခွဲတိုက်ခိုက်ခဲ့ခြင်းဖြစ်သည်။

“ မိုင်း သုံးလုံးနဲ့ ဆွဲပြီး တိုက်ခိုက်တာ ဖြစ်ပါတယ်။ စစ်ကြောင်းမှာပါတဲ့ ကားတစ်စီးကတော့ စုတ်ပြတ်သွားတယ်။ ဒဏ်ရာရတဲ့သူ ဘယ်နှစ်ယောက်ရှိလဲဆိုတာတော့ မသိလိုက်ရဘူး” ဟု ရွှေဘိုခရိုင် အမှတ် (၂၂) တပ်ရင်း ပြန်ကြားရေးတာ၀န်ရှိသူက မဇ္စျိမကို ပြောသည်။

မိုင်းဆွဲတိုက်ခိုက်မှုတွင် စစ်ကောင်စီတပ် စစ်ကြောင်းမှ လက်နက်ကြီးများဖြင့် ရမ်းသန်းပစ်ခတ်မှုများရှိခဲ့သည့်အတွက် ကာကွယ်ရေးတပ်ဖွဲ့၀င် ရဲဘော်များ ပြန်လည် ဆုတ်ခွာခဲ့ရကြောင်း သိရသည်။

ထိုသို့ ဆုတ်ခွာစဥ် ကာကွယ်ရေးတပ်ထောင်ထားခဲ့သည့် ကျန်ရှိမိုင်းများရှော့ဖြစ်ပေါက်ကွဲရာမှာတစ်ဆင့် ရဲဘော်များ ထိခိုက်ဒဏ်ရာရရှိခဲ့ကြခြင်း ဖြစ်သည်။

“စစ်သားတွေကို မိုင်းဆွဲပြီး ပြန်ဆုတ်ခွာရာမှာ ကိုယ်တွေထောင်ထားတဲ့ မိုင်းတွေက အနှုတ်ဘက်မှာ ရှော့ဖြစ်ပြီး ခုနစ်လုံးဆက်တိုက် တန်းကွဲသွားတာ။ ကိုယ်တွေကလည်း အုပ်စုလိုက်ဆုတ်မိတော့ အကုန်ထိကုန်တာ” ဟု တပ်ဖွဲ့တာ၀န်ရှိသူက ဆိုသည်။

စစ်ကောင်စီတပ်စစ်ကြောင်းကို မိုင်းဆွဲတိုက်ခိုက်ရန် ကာကွယ်ရေးတပ်ဖွဲ့မှ ရဲဘော် ခုနစ်ဦး ထွက်ခွာလာခဲ့ခြင်းဖြစ်ပြီး မိုင်းမတော်တဆ ပေါက်ကွဲမှုတွင် ရဲဘော် ခြောက်ဦး ထိခိုက်ဒဏ်ရာရရှိခဲ့သည်။

“ မိုင်းမတော်တဆမှုဖြစ်စဥ်မှာ ခြောက်ယောက်ထိတယ်။ အဲ့အထဲက သုံးယောက်က အတော်ဆိုးတယ်။ ကိုယ်အစိတ်အပိုင်းတွေ စိုးရိမ်စရာရှိပါတယ်။ ဆေးကုသဖို့လည်း လတ်တလောမှာ အခက်ခဲတွေ ရှိနေပါတယ်” ဟု ရွှေဘိုခရိုင် အမှတ် (၂၂) တပ်ရင်း ပြန်ကြားရေးတာ၀န်ရှိသူက ပြောသည်။

မိုင်းမတော်တဆမှုဖြစ်စဥ်မှ ထိခိုက်ဒဏ်ရာရသူများကို လက်ရှိအချိန်တွင် တပ်ရင်းက ဆေး၀ါးကုသမှုအချို့ ပြုလုပ်ပေးထားကြောင်း သိရသည်။

သို့သော် စိုးရိမ်ရသည့် ထိခိုက်ဒဏ်ရာရရှိသူများကို ဆက်လက်ဆေးကုသမှုများ ပြုလုပ်ရန် အလှူငွေများ လိုအပ်လျက်ရှိသည့်အတွက် ၀ိုင်း၀န်းကူညီပေးကြရန်လည်း တိုက်တွန်းထားသည်။
ကာကွယ်ရေးတပ်ဖွဲ့၏ မိုင်းဆွဲတိုက်ခိုက်မှုခံခဲ့ရသည့် စစ်ကြောင်းသည် လက်ရှိအချိန်တွင် ခင်ဦးမြို့ပေါ်ရှိ စစ်ကောင်စီတပ်နှင့် ပူးပေါင်းပြီး အင်အား ၁၈၀ ခန့်ဖြင့် မြို့အတွင်းရှိ နေရာများတွင် ဖြန့်ကြက်တပ်စွဲ နေရာယူထားကြောင်း ဒေသခံများထံမှ သိရသည်။

စာတည်း-သန့်ဇော်(သန်လျင်)

#mizzima
#ကာကွယ်ရေးတပ်ဖွဲ့
#မိုင်းဆွဲတိုက်ခိုက်မှု
#စစ်ကြောင်း
#ခင်ဦးမြို့နယ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇွန်လ (၁၄)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
====================

01:03 - မြန်မာရဲ့ လူသားချင်းစာနာမှုအကူအညီတွေ ဝင်ရောက်ခွင့်ပိတ်ဆို့ထားတဲ့အပေါ် နားမလည်နိုင်ကြောင်း ကုလပြစ်တင်ရှုတ်ချတဲ့သတင်း

02:38 - သံလွင်တံတားပေါ်မှာ စစ်ကားက ဆိုင်ကယ်ကိုဝင်တိုက်လို့ စစ်သားနဲ့ ဆိုင်ကယ်မောင်းသူ သေဆုံးတဲ့သတင်း

03:47 - မြန်မာနိုင်ငံက ကလေးအလုပ်သမား ၁ သန်းကျော် ရှိနေကြောင်း (ILO) ထုတ်ပြန်တဲ့သတင်း

08:32 - စစ်ကောင်စီတပ်က လက်နက်ကြီးနဲ့ ပစ်ခတ်မှုကြောင့် ကျောက်ကြီးမှာ ဒေသခံတွေထွက်ပြေးတိမ်း ရှောင်နေရတဲ့သတင်း အပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/fy5qriOVML0

#2pmnews
#Mizzimanewshour
----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ရန်ကုန်တွင် ဘေးတွဲဆိုင်ကယ်ကယ်ရီများကို ရပ်ကွက်တံဆိပ်ပါ အင်္ကျီ ကျပ်၁၀,၀၀၀ဖြင့် ရပ်ကွက်အုပ်ချုပ်ရေးမှူးများ ရောင်း၊ ဖမ်းဆီးခံရပါက တာဝန်မယူဟုဆို
======================

မဇ္ဈိမ။ ။ ရန်ကုန်တိုင်းအတွင်း ဘေးတွဲဆိုင်ကယ်ကယ်ရီ‌ မောင်းနှင်သူများကို ရပ်ကွက်အုပ်ချုပ်ရေးမှူးများက ရပ်ကွက်အမည်ပါ အင်္ကျီတစ်ထည် ကျပ် ၁၀,၀၀၀ဖြင့်ရောင်းချနေပြီး စစ်တပ်နှင့်ရဲက ဖမ်းဆီးပါကတာဝန်မယူကြောင်းလည်း ကယ်ရီမောင်းသူများကပြောသည်။

ရန်ကုန်တိုင်းအတွင်း မြို့နယ်တချို့ရှိရပ်ကွက်ရုံးများတွင် ယခုရက်ပိုင်းအတွင်း ဘေးတွဲဆိုင်ကယ်မောင်းသူများအား အသိအမှတ်ပြုကဒ်ပြား၊နံပါတ်နှင့်ရပ်ကွက်အမည်ပါအင်္ကျီများကို အခကြေးငွေယူကာ ထုတ်ပေးနေခြင်းဟု သိရသည်။

"‘ရပ်ကွက်အုပ်ချုပ်ရေးမှူးကရပ်ကွက်ထဲမှာ ဘေးတွဲမောင်းတဲ့သူတွေကို စာရင်းလိုက်ကောက်တယ်။ပြီးတော့ အုပ်ချုပ်ရေးမှူးက ဓာတ်ပုံနဲ့အတူ ထောက်ခံပေးထားတယ်။ရပ်ကွက်တံဆိပ်ပါတဲ့ ကုတ်အင်္ကျီတံဆိပ်ကဒ်ပြားထုတ်ပေးထားတယ်။တစ်ထည်ကိုတော့ ၁၀,၀၀၀ပေးရတယ်" ဟု ဘေးတွဲဆိုင်ကယ်မောင်း သူတစ်ဦးကပြောသည်။

အင်္ကျီတစ်ထည် ကျပ် ၁၀,၀၀၀ဖြင့်ရောင်းချသော်လည်း စစ်တပ်နှင့်ရဲက ဖမ်းပါက တာဝန်မယူဟုရပ်ကွက်အုပ်ချုပ်ရေးမှူးများကပြောကြောင်း ၎င်းက ဆိုသည်။

" ရပ်ကွက်ထဲမှာမောင်းသူကို‌တော့မဖမ်းဘူးပေါ့။အပြင်လမ်းမပေါ်တွေမှာ စစ်တပ်၊ရဲတွေ စစ်ပြီးဖမ်းရင် တော့တာဝန်မယူဘူး။ ကိုယ့်ဖြစ်ကိုယ်ခံဆိုပြီးခေါ်ပြောတယ်’’ဟုဆိုသည်။

ရန်ကုန်တိုင်းအတွင်း လှိုင်သာယာ၊ ရွှေပြည်သာ၊ သန်လျင်၊မင်္ဂလာဒုံနှင့် ထောက်ကြံ့မြို့တို့တွင် ဆိုင်ကယ်ကယ်ရီနှင့် ဘေးတွဲဆိုင်ကယ်ကယ်ရီ မောင်းနှင်သူ အများအပြားရှိနေသည်။စစ်တပ်က န်ိုင်ငံတော် အာဏာသိမ်းပြီးနောက်ပိုင်း ရန်ကုန်တိုင်းအတွင်း ဆိုင်ကယ်ကယ်ရီနှင့်ဘေးတွဲကယ်ရီများကို ဖမ်းဆီးနေပြီး မောင်းနှင်ခွင့်လည်း ပိတ်ပင်ထားသည်။ တစ်ဖက်တွင်လည်း ယင်းလုပ်ငန်းဖြင့် အသက်မွေးသူများက စစ်တပ်နှင့် ရဲကို တတ်နိုင်သ၍ ရှောင်ရှားကာ ဆက်လက်မောင်းနှင်နေကြသည်။

ဘေးတွဲဆိုင်ကယ်တစ်စီးလျှင် အနည်းဆုံး ၈သိန်းဝန်းကျင်တန်‌ကြေးရှိနေပြီး အုံနာခတစ်နေ့လျင် ကျပ်၃,၀၀၀ ဝန်းကျင်ရှိကြောင်းသိရသည်။ စစ်တပ်နှင့်ရဲများဖမ်းဆီးပြီးဆိုင်ကယ်အသိမ်းခံရပါက အမျိုးအစားပေါ်မူတည်ပြီး ၅သောင်းမှ သိန်းဂဏန်းဝန်းကျင်ထိပေးကာ ရွေးယူရသည်ဟု ဘေးတွဲဆိုင်ကယ်မောင်းသူများကပြောသည်။

စစ်ကောင်စီ၏ရန်ကုန်တိုင်းအစိုးရအဖွဲ့၊ လုံခြုံရေးနှင့်နယ်စပ်ရေးရာဝန်ကြီးဗိုလ်မှူးကြီးဝင်းတင့်က ဘေးတွဲဆိုင်ကယ်များကို အရေးယူရန် ပြောကြားထားကြောင်း သိရသည်။

စာတည်း - မောင်ကြီး

#mizzima
#ရန်ကုန်တိုင်း
#ဘေးတွဲဆိုင်ကယ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

NUG ဗဟိုဘဏ် အထူးအကြံပေးအဖြစ် ပါမောက္ခရှောင်တာနဲလ်ကို ခန့်အပ်

Watch more detail -
https://youtu.be/pj27aQAiJU0

#ပါမောက္ခရှောင်တာနဲလ် #NUG #ခန့်အပ် #VideoNews #shorts #Reels

​​သက်ဆင် ပြန်လာမည့် အစီအစဉ်က ရဲအရေးကိစ္စသာဖြစ်ဟု ထိုင်းဝန်ကြီးချုပ် ပြော
====================

တရားခံပြေး ဝန်ကြီးချုပ်ဟောင်း သက်ဆင် ရှင်နာဝတ်ထရာက ကိုယ်တိုင်ပြည်ပြေးနေရာမှ ထိုင်းနိုင်ငံသို့ ပြန်လာမည့် အစီအစဉ်နှင့်ပတ်သက်ပြီး ရဲချုပ်နှင့် တွေ့ဆုံမှု၌ ဆွေးနွေးပြောဆိုခြင်း မရှိခဲ့ကြောင်း ထိုင်းဝန်ကြီးချုပ် ပရာယွတ် ချန်အိုချာက တနင်္လာနေ့တွင် ပြောသည်။

အမျိုးသား ရဲတပ်ဖွဲ့ ရဲချုပ် ဒမ်ရောင်ဆတ် ကစ်တီပရာပတ်စ်နှင့် တွေ့ဆုံဆွေးနွေးမှုအကြောင်းနှင့် သက်ဆင်နှင့် ပတ်သက်ပြီး ၎င်းတို့နှစ်ဦး ပြောဆိုဖြစ်မဖြစ် မေးခွန်းအား ဗိုလ်ချုပ်ကြီး ပရာယွတ်က မီဒီယာသို့ တုံ့ပြန်ဖြေဆိုခြင်း ဖြစ်သည်။

“ကျွန်တော်တို့ သက်ဆင်အကြောင်း ဘာမှ မပြောဘူး၊ သူ့အကြောင်း ပြောစရာ လိုမှာလား”ဟု ၎င်းက ပြောသည်။

ယူကရိန်းစစ်ပွဲက ဒဏ်ရာရစစ်သည်တွေကို ပူတင်ကဆုတံဆိပ်တွေချီးမြှင့်

https://www.facebook.com/reel/713444457215278

#internationalnews #reels #shorts #Ukraine #Putin

ကော့သောင်းတွင် ဧည့်စာရင်းတိုင်ထားသော်လည်း စစ်ကောင်စီတပ်က ဝင်စစ်ပြီး ဒဏ်ငွေ သိန်းချီရိုက်
========================

ကိုရွှေမြိတ်
မဲဆောက်(မဇ္ဈိမ)။ ။ တနင်္သာရီတိုင်း၊ ကော့သောင်းမြို့၊ အေးရိပ်ငြိမ်းရပ်ကွက်တွင် ဇွန်လ ၁၃ ရက်နေ့ နံနက် ၁ နာရီခွဲခန့်က တည်ခိုခန်းအချို့နှင့် ရပ်ကွက်အတွင်းရှိနေအိမ်များကို စစ်ကောင်စီတပ်ဖွဲ့ဝင် ငါးဦး က ဧည့်စာရင်းစစ်သည်ဟုအကြောင်းပြချက်ဖြင့် ပြည်သူ ၂၀ ကျော်ကို ဖမ်းဆီးပြီး ဒဏ်ငွေသိန်းချီ ခြိမ်း ခြောက်တောင်းယူခဲ့ကြောင်း ရပ်ကွက်နေဒေသခံများထံမှ သိရသည်။

ယင်းသို့ ဧည့်စာရင်းစစ်ရာတွင် ရပ်ကွက်အုပ်ချုပ်ရေးမှူးအဖွဲ့၊ ရဲတပ်ဖွဲ့နှင့် လူဝင်မှုကြီးကြပ်ရေးအဖွဲ့များ မပါဝင်ဘဲ ဗိုလ်ကြီးလင်းထက်ဝင်းဦးဆောင်သော စစ်ကောင်စီတပ်ဖွဲ့ဝင်ငါးဦးက ကြိုတင်အကြောင်းကြား ခြင်းမရှိဘဲ လာရောက်စစ်ဆေးပြီး အရပ်သား ၂၀ ကျော်ကိုဖမ်းဆီးကာ ရပ်ကွက်အုပ်ချုပ်ရေးမှူးရုံးသို့ ဖမ်း ဆီးခေါ်ဆောင်သွားသည်ဟု အုပ်ချုပ်ရေးအဖွဲ့နှင့်နီးစပ်သူတဦးက ပြောသည်။

“ပုံမှန်ဆိုရင် ဧည့်စာရင်းစစ်တာက ကြိုတင်အကြောင်းကြားပြီးမှ အဖွဲ့စုံနဲ့လာစစ်တတ်ပါတယ်။ အခုက အဲဒီလိုမျိုးမဟုတ်ဘဲ ငွေလိုချင်တဲ့ပုံစံမျိုးနဲ့ ရွေးပြီးလာစစ်သွားတာ” ဟု အေးရိပ်ငြိမ်းရပ်ကွက်အုပ်ချုပ် ရေးမှူးရုံးနှင့် နီးစပ်သူတဦးက ပြောသည်။
စစ်ဆေး ဖမ်းဆီးခံရသူအများစုသည် သက်ဆိုင်ရာ ရပ်ကွက်အုပ်ချုပ်ရေးမှူးရုံး၊ အုပ်ကြီးနှင့် ရာအိမ်မှူးများ ထံတွင် ဧည့်စာရင်းတိုင်ထားသူများဖြစ်သော်လည်း ဖမ်းဆီးရာတွင်ဦးဆောင်သူ ဗိုလ်ကြီးလင်းထက်ဝင်း က ရပ်ကွက်တွင်တိုင်ထားသည့်ဧည့်စာရင်းသည် တရားမဝင်ဟုခြိမ်းခြောက်ပြောဆိုကာ ဖမ်းဆီးပြီး ဒဏ် ငွေရိုက်ခိုင်းခဲ့ကြောင်း ဒေသခံများကပြောသည်။

“ဒဏ်ငွေကတော့ တည်ခိုးခန်းမှာဖမ်းခံရတဲ့သူတွေကို တယောက်ကို သုံးသိန်းတောင်းတယ်၊ နေအိမ်တွေ မှာဖမ်းခံရတဲ့သူတွေကျတော့ တယောက်ကို ငါးသောင်းတောင်းလို့ ညတွင်းချင်းပေးလိုက်ရတယ်” ဟု လုံခြုံရေးအရ အမည်မဖော်လိုသူ ဒေသခံတဦးကပြောသည်။
ဧည့်စာရင်းစစ်ရာတွင် ဖမ်းခံရသူများသည် ရပ်ကွက်ရုံး၌ ဧည့်စာရင်းတိုင်ကြားပြီးသူများဖြစ်ကြောင်း ပြော သော်လည်း ရပ်ကွက်ရုံးတွင်တိုင်ခြင်းမှာ တရားမဝင်ကြောင်း၊ ၎င်းတို့အား ဗျူဟာမှူးက ဧည့်စာရင်းစစ် ခိုင်း၍စစ်ရခြင်းဖြစ်ကြောင်း ဗိုလ်ကြီးလင်းထက်ဝင်းက ပြောဆိုခဲ့သည်။

“ရပ်ကွက်ရုံးမှာတိုင်ထားတဲ့ ဧည့်စာရင်းက တရားမဝင်ရင် ဘယ်ရုံးမှာ ဧည့်စာရင်းတိုင်ရမှာလည်း မသိ တော့ဘူး”ဟု အေးရိပ်ငြိမ်းရပ်ကွက်နေသူတဦးကလည်းပြောသည်။

ယခုကဲ့သို့ ဥပဒေမဲ့ဖမ်းဆီးခြင်းသည် သက်သက်ငွေညှစ်ခြင်းဖြစ်ပြီး၊ ပြည်သူများကျပ်တည်းနေချိန်တွင် ထပ်ပြီးဒုက္ခပေးနေသလိုဖြစ်နေကြောင်း ဒေသခံများက ပြောသည်။

ကော့သောင်းမြို့တွင် ဗျူဟာမှူး၏ ဧည့်စာရင်းစစ်ဆေးရန် တာဝန်ပေးအပ်ထားခံရသူ ဗိုလ်ကြီးလင်းထက် ဝင်းသည် မကြာခဏ ဧည့်စာရင်းစစ်ဆေးလေရှိပြီး ဖမ်းဆီးခံရသူများကိုလည်း ဒဏ်ငွေရိုက်လေ့ရှိကာ ၎င်း သည် သူဌေးကျွန်းဟိုတယ်ရှိ လောင်းကစားဝိုင်းသို့သွားတတ်သူဖြစ်ကြောင်း ၎င်းနှင့်နီးစပ်သော သတင်း ရင်းမြစ်များထံမှ သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#တနင်္သာရီတိုင်း
#ကော့သောင်းမြို့
#ဧည့်စာရင်းစစ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

June - 14 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts

Business Round Up (14 June 2023)
===============

- စက်သုံးဆီဈေးကျသော်လည်း ကုန်ဈေးနှုန်းမကျကြောင်း စစ်ခေါင်းဆောင်ပြော

- ပြည်တွင်း ရွှေဈေး ကျပ် ၃၁ သိန်းကျော်ထိ မြင့်တက်လာ

- မော်လမြိုင်-မြိတ် အာရှလမ်းမကြီးတစ်လျှောက် စစ်ကောင်စီတပ်ဖွဲ့ဝင်များနှင့် အတူမသွားလာရန် KNLA ထုတ်ပြန်

- ကမ္ဘာ့တိရစ္ဆာန်ကျန်းမာရေးအဖွဲ့က ကြက်ငှက်တုပ်ကွေးကာကွယ်ထိန်းချုပ်ဖို့ နည်းဗျူဟာအချို့ပြောင်းလာ

https://youtu.be/DM7aUWevN7A

#BusinessRoundUp
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာနိုင်ငံက ကလေးအလုပ်သမား ၁ သန်းကျော် ရှိနေကြောင်း (ILO) ထုတ်ပြန်
=======================

မြန်မာနိုင်ငံတွင်း ဆင်းရဲနွမ်းပါးမှုနဲ့ ကိုဗစ်ကပ်ဘေးရောဂါကြောင့် ကလေးအလုပ်သမား ၁ သန်းကျော် ရှိနေကြောင်း အပြည်ပြည်ဆိုင်ရာအလုပ်သမားအဖွဲ့ - ILO အဖွဲ့က ဇွန်လ ၁၂ ရက်နေ့မှာ ထုတ်ဖော်ပြောဆိုလိုက်ပါတယ်။

ဇွန်လ ၁၂ ရက်က ကျရောက်တဲ့ ကမ္ဘာ့ကလေးအလုပ်သမား ဆန့်ကျင်တိုက်ဖျက်ရေးနေ့ အထိမ်းအမှတ် အဖြစ် ILO (မြန်မာ) က ကြေညာချက် ထုတ်ပြန်ပြီး ကလေးအလုပ်သမားအဖြစ် လုပ်ကိုင်နေရတဲ့ ကလေးငယ် တစ်သန်းကျော် ရှိနေပြီး ကလေးအလုပ်သမား ပပျောက်ရေး အရေးတကြီး လုပ်ဆောင်ဖို့ လိုတဲ့အကြောင်း ILO ကပြောဆိုထားပါတယ်။

မြန်မာနိုင်ငံက အသက် ၅နှစ်နဲ့ ၁၇နှစ်ကြား ကလေး တသန်းကျော်ဟာ လုံခြုံရေးနဲ့ စိတ်ပိုင်းဆိုင်ရာ ဖွံ့ဖြိုးမှု တွေကို ထိခိုက်စေတဲ့ အလုပ်တွေကို လုပ်နေရကြောင်း အပြည်ပြည်ဆိုင်ရာ အလုပ်သမားရေးရာအဖွဲ့ ILO က ပြောပါတယ်။

မြန်မာနိုင်ငံအတွင်း လက်နက်ကိုင်ပဋိပက္ခတွေနဲ့ စီးပွားရေး ချွတ်ခြုံကျမှုကြောင့် လုပ်ငန်းခွင်တွေမှာ ကလေးလုပ်သား ဦးရေးဟာဆက်လက် များပြားလာနေတယ်လို့လည်း ကလေးလုပ်သားအရေး ကျွမ်းကျင်သူတွေက ပြောကြားထားပါတယ်။
လက်ရှိ မြန်မာနိုင်ငံမှာ ဖြစ်ပွားနေတဲ့ လူမှုရေး စီးပွားရေးနဲ့ နိုင်ငံရေးအကျပ်အတည်းတွေကြောင့်လည်း မိသားစုတွေအနေနဲ့ ကလေးအလုပ်သမားတွေကို အားကိုးအားထားပြုရတဲ့အခြေအနေ ဆိုက်ရောက်စေတဲ့ အကြောင်း ILO ရဲ့ ကြေညာချက်မှာ ဖေါ်ပြပါတယ်။

https://youtu.be/zKR0-o_VH6Q

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Two Years After Coup (Episode-3)
==============

"ပြည်သူတွေကျွေးထားမယ်၊ ရုံးမတက်နဲ့ ရုန်းထွက် ဆိုတဲ့စကားသာယုံပြီး ဒီလမ်းထဲဝင်လာခဲ့တယ်၊ CDM ထဲဝင်လာခဲ့တယ်ဆိုရင် ကျိန်းသေတယ်၊ ကျွန်မ ကိုယ့်ကိုယ်ကိုယ် သတ်သေပြီးနေလောက်ပြီ"
Two Years After Coup အစီအစဉ်ရဲ့ အပိုင်း (၃)ဖြစ်ပါတယ်။ ဒီအပိုင်းမှာ CDM ဆရာမတစ်ဦးရဲ့ တစ်ကိုယ်ရည်ခံစားချက်တွေကို မှတ်တမ်းတင်ထားပါတယ်။

https://youtu.be/1HWg-EsPV1I
 
#two_years_after_coup #episode3 #ရုန်းကန်သံ #SOSMYANMAR
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇွန်လ (၁၄)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
=======================

00:58 - NUG ဗဟိုဘဏ် အထူးအကြံပေးအဖြစ် ပါမောက္ခရှောင်တာနဲလ်ကို ခန့်အပ်တဲ့သတင်း

03:43 - "ဆက်ကြေးပေးရတဲ့ ရွှေလုပ်ငန်းတွေကြောင့် ဥရုမြစ် တိမ်ကောပျောက်ကွယ်တော့မယ်” ဆိုတဲ့သတင်း

07:49 - မြန်မာနိုင်ငံက ကလေးအလုပ်သမား ၁ သန်းကျော် ရှိနေကြောင်း (ILO) ထုတ်ပြန်တဲ့သတင်း

10:32 - တိုက်ပွဲတွေကြောင့် စစ်ဘေး ဒုက္ခသည် ၃,၀၀၀ ကျော် ထိုင်းနိုင်ငံသို့ ထွက်ပြေး တိမ်းရှောင်တဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/SC0GZPsZwUk

#4pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မြန်မာနိုင်ငံက ကလေးအလုပ်သမား ၁ သန်းကျော် ရှိနေကြောင်း (ILO) ထုတ်ပြန်

Watch more detail -
http://www.mizzimaburmese.com/article/129562

#ကလေးအလုပ်သမား #မြန်မာ #ILO #VideoNews #shorts #Reels