​​ဂျာနယ်လစ်အသတ်ခံရမှုအတွက် နိုင်ငံရေးသမား ၁ ဦးကို ဘင်္ဂလားဒေ့ရှ်ရဲတပ်ဖွဲ့ ဖမ်းဆီး
========================

ဘင်္ဂလားဒေ့ရှ်နိုင်ငံတွင် ဂျာနယ်လစ်တစ်ဦး အသတ်ခံရသည့် လူသတ်မှုကို ကြိုးကိုင်စီစဉ်မှုဖြင့် နိုင်ငံရေးသမားတစ်ဦးကို ရဲတပ်ဖွဲ့က ဇွန်လ ၁၇ ရက်တွင် ဖမ်းဆီးထိန်းသိမ်းလိုက်သည်။ အဆိုပါ ဖမ်းဆီးခံရသည့် နိုင်ငံရေးသမားသည် ၎င်း၏ မိသားစုအကြောင်း သတင်းစတိုရီများ ရေးသားခဲ့သည့် ဂျာနယ်လစ်ကို သတ်ဖြတ်ရန် စီစဉ်ညွှန်ကြားခဲ့သူဖြစ်ကြောင်း စွပ်စွဲခံထားရသည်။
http://www.mizzimaburmese.com/article/129726
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒေါ်အောင်ဆန်းစုကြည်မွေးနေ့အထိမ်းအမှတ် အဖြစ် လှူဒါန်းမှုများပြုလုပ်
=====================

KMN
(မဇ္ဈိမ) ။ ။ ဇွန်လ ၁၉ ရက်တွင် ကျရောက်မည့် ဒေါ်အောင်ဆန်းစုကြည်မွေးနေ့အထိမ်းအမှတ်အဖြစ် ဒီပဲယင်းမြို့နယ်၊ ရွှေဘိုမြို့နယ် နှင့် အရာတော်မြို့နယ်များတွင် လှူဒါန်းမှုများပြုလုပ်နေကြောင်း S&C မီးဘေးစစ်ဘေးပညာရေး ကူညီစောင့်ရှောက်ရေးအဖွဲ့က ထုတ်ပြန်သည်။

"၇၈ နှစ်ပြည့် အမေစုမွေးနေ့အထိမ်းအမှတ်အဖြစ် ဇွန်လ ၁၇ ရက်နေ့ကနေ ဇွန်လ ၁၉ ရက်နေ့အထိ စစ်ဘေးသင့် ပြည်သူတွေ အတွက် ကျပ်သိန်း ၂၅၀ တန်ကြေးရှိတဲ့ လှူဒါန်းမှုတွေကို သုံးရက်တိတိပြုလုပ်ပါမယ် " ဟု S&C အဖွဲ့ တာဝန်ခံက ပြောကြားသည်။
ဒီပဲယင်းမြို့နယ်၊ ရွှေဘိုမြို့နယ်နှင့် အရာတော်မြို့နယ်များအပါအဝင် မြို့နယ် ငါး မြို့နယ်မှ ကျေးရွာ ၁၀ ရွာတွင် လှူဒါန်းမှုများပြုလုပ်နေကြောင်း၎င်းက ဆိုသည်။

S&C အဖွဲ့ သည် ဒေါ်အောင်ဆန်းစုကြည်မွေးနေ့ အထိမ်းအမှတ်အဖြစ် ဇွန်လ ၁၇ ရက်နှင့် ဇွန်လ ၁၈ ရက်နေ့များတွင် အရာတော်မြို့နယ်မှ မြွေကိုက်ခံရသည့်လူနာ နှစ်ဦးအား မြွေဆိပ်ဖြေဆေးအလုံး ၂၀ ပေးအပ်ခဲ့ကြောင်း၊ ဆားလင်းကြီးမြို့နယ်၊ညောင်ပင်ကြီးကျေးရွာမှ စစ်ဘေးရှောင် ၁,၀၅၀ ဦးအား ထမင်းဟင်းများကျွေးမွေးခဲ့ကြောင်း၊ ခင်ဦးမြို့နယ်စစ်ဘေးသင့်ကျေးရွာ ကိုသွားရောက်ပြီး ဆီ၊ဆား၊မိုးကာ၊အဝတ်အထည်များ ပေးအပ်ခဲ့ကြောင်းသိရသည်။

၎င်းအပြင် ဒီပဲယင်းမြို့နယ်၊ စစ်ဘေးသင့် ကျေးရွာနေပြည်သူများအတွက် Solar Power Station စုစုပေါင်း ၂၁ စုံလှူဒါန်းပေးခဲ့ကြောင်း၊ စစ်ဘေးသင့်ကျေးရွာတစ်ရွာတွင် နွေဦးတွဲလက်များအမည်ပေးထားသည့်စစ်ဘေးသင့်ပြည်သူတွေအတွက်ရေကန်တည်ဆောက်ပေးခဲ့ပြီးစစ်ဘေးမီးဘေးသင့် ကျောင်းသား၊ ကျောင်းသူ ၁၃ ဦးအတွက်ကျောင်းသုံးသင်ထောက်ကူပစ္စည်းများပေးအပ်ခဲ့ကြောင်း၎င်းအဖွဲ့က ထုတ်ပြန်ထားသည်။

စာတည်း။ ။ အောင်ကျော်ဖြိုး
Photo - S&C အဖွဲ့

#Mizzima
#ဒေါ်အောင်ဆန်းစုကြည်မွေးနေ့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ယူကရိန်းနှင့် အိန္ဒိယအကြီးအကဲနှစ်ဦး၏ သဘောတူညီချက်များကို အကောင်အထည်ဖော်ရေး ဆွေးနွေး
========================

ယူကရိန်းသမ္မတရုံးအကြီးအကဲ အန်ဒရီ ယာမတ်သည် အိန္ဒိယဝန်ကြီးချုပ်၏ နိုင်ငံတော်လုံခြုံရေးအကြံပေး အာဂျစ်ကူးမားဒိုဗယ်အား ဇွန်လ ၁၄ရက်တွင် ဖုန်းခေါ်ဆိုကာ နှစ်နိုင်ငံသဘောတူညီချက်များကို အကောင် အထည်ဖော်ရေး ဆွေးနွေးခဲ့သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဆားလင်းကြီးမြို့နယ်မှာ စစ်ကောင်စီတပ်ဖွဲ့ စစ်ကြောင်းထိုးလာလို့ ဒေသခံတွေ ထပ်ပြီးစစ်ရှောင်နေရ
=========================

လွမ်းမိုး (မဇ္ဈိမ)။ ။ စစ်ကိုင်းတိုင်း၊ ဆားလင်းကြီးမြို့နယ်ထဲက ရွာတွေကို စစ်ကောင်စီတပ်ဖွဲ့က စစ်ကြောင်းထိုးလာတဲ့အတွက် ဒေသခံတွေ ထပ်ပြီးစစ်ဘေးရှောင်နေရတယ်လို့ သိရပါတယ်။

ဇွန်လ ၈ ရက်နေ့ကစပြီး ဒေသခံတွေက စစ်ရှောင်နေရတာဖြစ်တယ်လို့ ကူညီနေသူတွေက ပြောပါတယ်။

စစ်ကောင်စီတပ်ဖွဲ့ စစ်ကြောင်းထိုးလာတဲ့နောက် ဇွန်လ ၉ရက်နေ့ကစပြီး ကျေးရွာတွေက လူနေအိမ်တွေကို မီးရှို့ဖျက်ဆီးတာတွေ လုပ်လာတဲ့အကြောင်း ဒေသခံက ပြောပါတယ်။

စစ်ကောင်စီတပ်ဖွဲ့ စစ်ကြောင်းဟာ လက်ရှိ ညောင်ပင်ကြီးကျေးရွာမှာ အထိုင်ချတပ်စွဲထားတယ်လို့ သိရပါတယ်။ ညောင်ပင်ကြီး စခန်းအနီးမှာရှိတဲ့ ဒေသခံတွေပိုင်တဲ့ မြေပေါ်မှာ အထိုင်တပ်စခန်းတစ်ခု တည်ဆောက်သွားဖို့ လုပ်နေကြတယ်လို့ ကာကွယ်ရေးတပ်ဖွဲ့ဝင်တွေဆီကနေ သိရပါတယ်။

https://youtu.be/cjlUTffDzro

ရုပ်သံတည်းဖြတ်။ ။ ရွှေနွယ်

#စစ်ကိုင်းတိုင်း
#ဆားလင်းကြီးမြို့နယ်
#စစ်ကောင်စီတပ်
#စစ်ဘေးရှောင်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ရေစကြို ပြည်သူ့ကာကွယ်ရေးတပ်ဖွဲ့၏ စခန်းခွဲစီးနင်းခံရပြီး ရဲဘော် ၁ ဦး ဖမ်းဆီးသတ်ဖြတ်ခံရ
========================

MTO
(မဇ္ဈိမ)။ ။မကွေးတိုင်း ၊ ရေစကြိုမြို့နယ်အတွင်းရှိ ရေစကြိုပြည်သူ့ကာကွယ်ရေးတပ်ဖွဲ့၏ တပ်စခန်းခွဲတခု ကို စစ်ကောင်စီတပ်ဖွဲ့က ဇွန်လ ၁၃ ရက် နံနက်အစောပိုင်းတွင်ဝင်ရောက်စီးနင်းခဲ့ရာ ရဲဘော်တဦးဖမ်း ဆီးခံလိုက်ရကြောင်း ရေစကြိုပကဖမှ သတင်းထုတ်ပြန်ထားသည်။

တပ်စခန်းခွဲကို စစ်ကောင်စီတပ်ဖွဲ့ ချဉ်းကပ်လာချိန်တွင် ကာကွယ်ရေးတပ်ဖွဲ့၏ ကင်းအဖွဲ့နှင့် ထိတွေ့မှု ဖြစ်ပွားခဲ့ပြီးနောက် ရဲဘော်တဦးဖမ်းဆီးခံရကာ စခန်းကိုစီးနင်းခံလိုက်ရခြင်ဖြစ်ကြောင်း ရေစကြိုပကဖ မှ ပြန်ကြားရေးတာဝန်ခံက ပြောသည်။

“နားနေတဲ့အချိန် ရုတ်တရက်ဝင်လာတော့ ရှေ့ဆုံးကကင်းသမားက အရှင်ဖမ်းခံလိုက်ရတယ်။ ကျန်တဲ့ ကင်းအဖွဲ့နဲ့ အပြန်အလှန်ထိတွေ့မှု ၁၅ မိနစ်လောက်ဖြစ်ခဲ့တယ်။ သူတို့ ဘက်မှာလည်းထိခိုက်မှုတွေ ရှိနိုင် ပေမယ့် အတည်မပြုနိင်ဘူး။ စခန်းစီးနင်းခံရမှုမှာ ကားတစ်စီးရယ်၊ ယူနီဖောင်းတွေ၊ ကျည်ဘောက်တွေ၊ ဖောက်ခွဲရေးပစ္စည်တွေ ဆုံးရှုံးခဲ့တယ်” ဟု ၎င်းကပြောသည်။

စစ်ကောင်စီတပ်ဖွဲ့၏ ဖမ်းဆီးခြင်းခံလိုက်ရသည့်ရဲဘော်မှာ လက်ပြန်ကြိုးတုပ်ကာ သေနတ်ဖြင့်ပစ်ခတ် သတ်ဖြတ်ခံခဲ့ရကြောင်း ရေစကြိုပကဖမှ ပြန်ကြားရေးတာဝန်ခံက ဆိုသည်။
“ကျနော်တို့ ရဲဘော်ရဲ့ခေါင်းကိုပစ်ပြီး ချင်းတွင်းမြစ်ထဲကို မျှောလိုက်တာ ၁၆ ရက်နေ့က ဆယ်ပြီး သင်္ဂြိုဟ်‌ပေးခဲ့ရတယ် “ ဟု ၎င်းက ပြောသည်။

စခန်းစီးနင်းခံရမှုတွင် လက်နက်အင်အား ပြည့်စုံလုံလောက်စွာမရှိခြင်းနှင့် သတင်းပေးဒလန်များ၏ နေရာ အတိအကျ သတင်းပေးပို့မှုများကြောင့် ဖြစ်ကြောင်း ရေစကြိုပကဖမှ ပြန်ကြားရေးတာဝန်ခံက ဆိုသည်။

“အဓိကတော့ လက်နက်ခဲယမ်းပဲ။ ကျနော်တို့ အရင်မြင်ခဲ့တယ် ပြန်ပြီးတော့လည်း ခံပစ်တယ်။ အဲဒီနေရာ မှာ အော်တို ၁၀ လက်လောက်ရှိရင် သူတို့ကိုခံပစ်နိုင်တယ်။ အခုလိုအခြေအနေတွေလည်း ဖြစ်မှာ မဟုတ်ဘူး “ ဟု ၎င်းကပြောသည်။

စခန်းစီးနင်းခံရမှုအတွင်း ပြည်သူ့ကာကွယ်ရေးတပ်ဖွဲ့၏ ယူနီဖောင်းများ သိမ်ဆည်းခံလိုက်ရသဖြင့် စစ်ကောင်စီတပ်ဖွဲ့က ၎င်းတို့၏ ယူနီဖောင်များကိုဝတ်ဆင်ကာ ပုံမှားရိုက်နိုင်သည့်အတွက် ပြည်သူများ အနေဖြင့် သတိပြုနေထိုင်သွားလာကြပါရန် ရေစကြိုပကဖမှ အသိပေးထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#မကွေးတိုင်း
#ရေစကြိုမြို့နယ်
#ကာ‌ကွယ်ရေးတပ်ဖွဲ့စခန်း
#စီးနင်းမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြန်မာနိုင်ငံရှိ စားနပ်ရိက္ခာ မလုံခြုံမှုနှင့်ပတ်သက်၍ စိုးရိမ်ပူပန်ဟု FAO ထုတ်ပြန်
====================

မြန်မာနိုင်ငံတွင် တုန်လှုပ်ဖွယ်ရာ ရှော့ခ် အမျိုးမျိုးကြောင့် ဖြစ်ပေါ်သည့် စားနပ်ရိက္ခာ အကျပ်အတည်း အခြေအနေနှင့်ပတ်သက်ပြီး စိုးရိမ်ပူပန်ကြောင်း ကုလသမဂ္ဂ၏ စားနပ်ရိက္ခာနှင့် စိုက်ပျိုးရေးအဖွဲ့ (FAO) က ဇွန်လ ၁၄ ရက် အစီရင်ခံစာတွင် ထုတ်ဖော်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဆယ်​ကျော်သက်အရွယ် စိတ်ကျန်းမာရေး ​| ကျန်းမာသုတ လူမှုဘဝ Episode - 18

https://youtu.be/G3KvkMD_aXc

#ကျန်းမာသုတလူမှုဘဝ
#selfwareness
#စိတ်ကျန်းမာရေး
#TeenageMentalHealth
#reels
#shorts

ဇွန်လ (၁၈) ရက်၊ တနင်္ဂနွေနေ့ညပိုင်း မဇ္ဈိမရေဒီယိုအစီအစဉ်
=================

ဒီကနေ့ည နားဆင်ရမယ့် အစီစဉ်တွေကတော့

စစ်ကောင်စီပါဝင်မယ့် ထိုင်းအစိုးရရဲ့ မြန်မာ့အရေး Track 1.5 အစည်းအဝေးကို ဖိတ်ကြားခံရတဲ့နိုင်ငံတွေအနေနဲ့ မတက်ရောက်ကြဖို့အတွက် NUG နိုင်ငံခြားရေးက တောင်းဆိုလိုက်တဲ့သတင်းနဲ့အတူ

မြန်မာ့အရေး အလွတ်သဘောဆွေးနွေးပွဲအတွက် ထိုင်းရဲ့ ဖိတ်ကြားမှုကို အဓိကအာဆီယံအဖွဲ့ဝင်တွေ ငြင်းပယ်လိုက်တဲ့သတင်းအပါအဝင်

နောက်ဆုံးရ ပြည်တွင်းသတင်းတွေနဲ့ တပတ်အတွင်း နိုင်ငံတကာသတင်းတွေကို နားဆင်ကြရပါမယ်။

အဲဒီနောက်မှာတော့ တပတ်အတွင်း စီးပွားရေးသတင်းတွေကို နားဆင်ကြရမှာပါ။

သတင်းတွေအပြီးမှာတော့ အပတ်စဉ်တင်ဆက်နေကျဖြစ်တဲ့ Vox Pop အစီအစဉ်ကိုတင်ဆက်သွားမှာပါ။

ဒီတစ်ပတ်မှာတော့ "ဇွန်လ ၁၉ ရက်နေ့မှာ ကျရောက်မယ့် ဒေါ်အောင်ဆန်းစုကြည်မွေးနေ့အတွက် သူတို့ဘာတွေပြောသလဲ" ဆိုတဲ့ အကြောင်းအရာကိုတင်ဆက်ထားပါတယ်။

အဲ့ဒီနောက်မှာတော့ “နိုင်ငံရေးတွေမပြောချင်ဘူးကိုတုတ်ကြီးရယ်” အစီအစဉ်ကို ထုတ်လွှင့်သွားမှာပါ။

နောက်ဆုံးမှာတော့ တိုင်းရင်းသားတွေရဲ့အသံကို စုစည်းတင်ဆက်ပေးနေတဲ့ BNI ရေဒီယိုအစီအစဉ်ကိုလည်း ထုတ်လွှင့်သွားမှာဖြစ်ပါတယ်။

https://youtu.be/fGZkkv6-2Pg

#Mizzimaradio
#Eveningradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဆယ်​ကျော်သက်အရွယ် စိတ်ကျန်းမာရေး ​| ကျန်းမာသုတ လူမှုဘဝ Episode - 18
====================

ဆယ်​ကျော်သက်အရွယ် စိတ်ကျန်းမာရေးဆိုတာ ဘ၀မှာ အင်မတန် အရေးကြီးတဲ့ ကိစ္စရပ်ဖြစ်ပါတယ်။ ဒါကြောင့်
''ကျန်းမာသုတ လူမှုဘ၀'' အစီအစဉ်ကနေ ဒီတစ်ခါမှာတော့ ဆယ်​ကျော်သက် စိတ်ကျန်းမာရေးနဲ့ ပတ်သက်ပြီး တင်ဆက်ပေးချင်ပါတယ်။

အပျို​ဖော် လူပျို​ဖော်ဝင်ချိန် ဖြစ်တတ်တဲ့ စိတ်ပိုင်းဆိုင်ရာ အ​ပြောင်းအလဲ​တွေနဲ့ ဘာ​တွေ လုပ်​ဆောင်သင့်သလဲ၊ သတိထားသင့်သလဲဆိုတာတွေကို ဒေါက်တာ ဖြိုးသီဟက ဆွေးနွေးပေးထားပါတယ်။

https://youtu.be/jY47zYMGC_0

#စိတ်ကျန်းမာရေး
#ကျန်းမာသုတလူမှုဘဝ
#ဒေါက်တာဖြိုးသီဟ
#TeenageMentalHealth
#mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​စစ်ကောင်စီကိုဖိတ်ကြားမည့် Track1.5 အစည်းအဝေးကို ချက်ချင်းဖျက်သိမ်းရန် အရပ်ဘက်အဖွဲ့ ၃၄၀ က ထိုင်းအစိုးရကို တောင်းဆို
====================

မိုးသောက်
မဲဆောက်(မဇ္ဈိမ) ။ ။ ထိုင်းနိုင်ငံ နိုင်ငံခြားရေးဝန်ကြီး ဒွန်ပရာမုဒ်ဝီနိုင်း စီစဉ်ပြီး ယနေ့ ဇွန်လ ၁၈ ရက်တွင် စတင်ကျင်းပပြုလုပ်နေသည့် မြန်မာ့အရေးဆွေးနွေးပွဲ Track1.5 ကို အပြင်းအထန်ရှုတ်ချပြီး ချက်ချင်းဖျက်သိမ်းပေးရန် မြန်မာနိုင်ငံရှိ အရပ်ဘက်အဖွဲ့အစည်း ၃၄၀ က ယနေ့ တောင်းဆိုလိုက်သည်။

တောင်းဆိုစာကို မြန်မာနိုင်ငံရှိ အရပ်ဘက်အဖွဲ့အစည်း ၁၀၂ ဖွဲ့က အမည်ထုတ်ဖော်ပြီး ကျန်၂၃၅ဖွဲ့မှာအမည်မဖော်ဘဲ ရေးသားတောင်းဆိုခဲ့ခြင်းဖြစ်သည်။

တောင်းဆိုစာနှင့်ပတ်သက်ပြီး ပြောရေးဆိုခွင့်ရှိသူ ကိုရဲက ”ပွင့်ပွင့်လင်းလင်းပြောရရင် လက်ရှိထိုင်းရဲ့ ဦးဆောင်နေတဲ့ အိမ်စောင့်အစိုးရက ထိုင်းပြည်သူတွေကို ကိုယ်စားမပြုဘူးဆိုတာသေချာတယ်။ ရွေးကောက်ပွဲရလဒ်အရ သူတို့သည်ထိုင်းပြည်သူကို ကိုယ်စားမပြုဘူး။ သူတို့သည်စစ်တပ်နှင့် ဒါနောက်ဆုံး ဗမာစကားပုံအရဆို မီးစာကုန်ခါနီးမီးထတောက်တဲ့ သဘောပါပဲ။ အဲဒါကြောင့် ဒီဟာမျိုးဆက်မလုပ်ဖို့ကို ကျနော်တို့က ကန့်ကွက်တယ်။

နောက်ဆက်ပြီး သူတို့နဲ့ပ တ်သက်နေတဲ့ ဆက်ပြီး ဖိတ်ကြားမယ့်အခြားနိုင်ငံတွေကိုလည်း မတက်ဖို့ အသိပေးချင်ပါတယ်” ဟုမဇ္ဈိမကိုပြောသည်။

တောင်းဆိုစာကို ထိုင်းနိုင်ငံရေးပါတီများနှင့် မီဒီယာများကိုပေးပို့ထားပြီး မနက်ဖြန် ရုံးဖွင့်ရက်တွင် ထိုင်းနိုင်ငံအစိုးရအဖွဲ့၊ နိုင်ငံခြားရေးဝန်ကြီးဌာနတို့နှင့် အာဆီယံနိုင်ငံများကို ဆက်လက်ပေး ပို့သွားမည်ဟုသိရသည်။

ထိုင်းနိုင်ငံ၏ ယခုကဲ့သို့ဆောင်ရွက်ချက်သည် စစ်ကောင်စီကို အသိအမှတ်မပြုသည့် အာဆီယံ၏သဘောထားများနှင့် ဖီလာဆန့်ကျင်နေပြီး ၂၀၂၁ ခုနှစ် ဒီဇင်ဘာ ၂၁ ရက်နေ့ ကုလသမဂ္ဂ လုံခြုံရေးကောင်စီ၏ ဆုံးဖြတ်ချက် ၂၆၆၉ ကိုလည်း ထပ်မံဆန့်ကျင်နေကြောင်း တောင်းဆိုစာတွင် ဖော်ပြထားသည်။

“တရားမ၀င် စစ်အာဏာရှင်များနှင့် “အပြည့်အ၀ ပြန်လည်ထိတွေ့ဆက်ဆံရန်” ကြိုးပမ်းခြင်းသည် အာဆီယံ အဖွဲ့ဝင်နိုင်ငံများမှ ကိုယ်စားလှယ်များအား မြန်မာပြည်သူများ၏ ဆန္ဒဖြစ်သော စစ်အာဏာရှင်စနစ် ချုပ်ငြိမ်းရေး နှင့် ဖက်ဒရယ် ဒီမိုကရေစီ ပြည်ထောင်စု တည်ဆောက်ရေးတို့နှင့် ဆန့်ကျင်ရာအရပ်၌ ရပ်တည်သွားစေမည် ဖြစ်သည်။ “ဟု အရပ်ဘက်အဖွဲ့အစည်းများကဆိုသည်။

ထိုင်းနိုင်ငံမှ စီစဉ်သည့်အစည်းအဝေးတွင်ပါဝင်ခြင်းနှင့် စစ်ကောင်စီကိုဖြတ်တောက်ရန် ပျက်ကွက်ခြင်းသည် မအောင်မြင်သော ငြိမ်းချမ်းရေးလုပ်ငန်းစဉ်အစဖြစ်စေမမည့်အပြင် အာဆီယံအနေဖြင့်လည်း အစည်းအဝေးကို အသိအမှတ်ပြုရာ ရောက်စေမည့် အချက်ပြမှုဖြစ်နိင်သည်ဟု တောင်းဆိုစာတွင် ထည့်သွင်းရေးသားထားသည်။

အစည်းအဝေးကို ဇွန်လ ၁၈ ရက်နေ့ နှင့် ၁၉ရက်နေ့တို့တွင် ကျင်းပမည်ဟုသိရပြီး မြန်မာနိုင်ငံရေးပြဿနာများကို ဖြေရှင်းနိုင်မည့် မဟုတ်သည့်အပြင် ပြည်သူများ၏ ဒီမိုကရေစီ၊ တရားမျှတမှုနှက့် လူ့အခွင့်ရေးကြိုးပမ်း ဆောင်ရွက်မှုမျာအတွက် ပျက်ရယ် ပြုနေရောက်နေကာ ပြဿနာကို ခက်ခဲရှုပ်ထွေးစေနိုင်ကြောင်း အမျိုးသားညီညွတ်ရေးအစိုးရ မနေ့ကထုတ်ပြန်ထားသည်။

Track1.5 အစည်းအဝေးသည် စစ်ကောင်စီကို စာနာထောက်ထားမှုဆိုင်ရာ အကူအညီများအား လက်နက်အဖြစ် အသုံးချရန်နှင့် ရက်စက်ကြမ်းကြုတ်သည့် အုပ်ချုပ်ရေးကို ပြဌာန်းရန် ကြိုးစားနေမှုများအပေါ်တွင် ဆက်လက်ကျူးလွန်စေရန် ရဲဆေးတင်ပေးရာရောက်မည်ဖြစ်ကြောင်း အရပ်ဘက်အဖွဲ့အစည်းများက မှတ်ချက်ပြုသည်။

Track 1.5 ဆိုသည်မှာ အစိုးရတာဝန်ရှိပုဂ္ဂိုလ်များနှင့် ကျွမ်းကျင်သူများတွေ့ဆုံဆွေးနွေးခြင်းကိုဆိုလိုသည်။

စာတည်း။ ။အောင်ကျော်ဖြိုး

#Mizzima
# Track1.5
#အရပ်ဘက်အဖွဲ့ ၃၄၀
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ယူကရိန်းစစ်ပွဲအောင်နိုင်ရေးအတွက် ရုရှားက တရုတ်စစ်သား ၃သန်း လိုအပ်နေ 
==================

ယူကရိန်းကို အနိုင်ရရှိရန် ရုရှားက သန်းနဲ့ချီသော တရုတ်စစ်သားများ လိုအပ် နေကြောင်း ရုရှားမီဒီယာများက ဖော်ပြသည်။
ယူကရိန်း၏ တန်ပြန်ထိုးစစ်တွင် အနိုင်ရရှိရန် ရုရှားသည် တရုတ်စစ်သား နှစ်သန်းမှ သုံးသန်းခန့် လိုအပ်မည်ဟု နိုင်ငံပိုင်ရုပ်သံလိုင်း Russia-1 မှ “မိနစ် ၆၀” စာ အစီအစဉ်တင်ဆက်သူ အိုဂါ စကာဗီရေးကား က အကြံပြုသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၁၈ ဇွန် ၂၀၂၃)
==============

အမျိုးသားညီညွတ်ရေး အစိုးရ

• ထိုင်းနိုင်ငံတွင် မြန်မာနိုင်ငံအရေးနှင့်ပတ်သက်ပြီး အလွတ်သဘောဆွေးနွေးပွဲ တစ်ရပ်ကို ဇွန် ၁၈ ရက် နှင့် ၁၉ ရက်အထိ ကျင်းပပြုလုပ်မည် ဖြစ်ပြီး မြန်မာအကြမ်းဖက် စစ်အုပ်စု နိုင်ငံခြားရေး ဝန်ကြီးကို ဖိတ်ကြားရန် စီစဉ်ထားသည်ကို ကြားသိရသည့်အတွက် အမျိုးသားညီညွတ်ရေး အစိုးရအနေဖြင့် များစွာ စိတ်ပျက်မိကြောင်း သတင်းထုတ်ပြန်ထားသည်။

• ဇွန် ၁၉ ရက်တွင် ကျရောက်မည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ မွေးနေ့အထိမ်းအမှတ်အဖြစ် တစ်နိုင်ငံလုံး အတိုင်းအတာနှင့် ပန်းသပိတ်ပြုလုပ်နိုင်ရန် NUG ပြည်ထဲရေး နှင့် လူဝင်မှု ကြီးကြပ်ရေး ဝန်ကြီးဌာနက ဦးဆောင်ပြီး မြို့နယ်ပြည်သူ့အုပ်ချုပ်ရေးအဖွဲ့များ နှင့် မြေပြင် သပိတ်အင်အားစုများ တွေ့ဆုံဆွေးနွေးပွဲကို ဇွန် ၁၆ ရက်က ကျင်းပ ပြုလုပ်ခဲ့ကြောင်း သိရသည်။

• စစ်ကောင်စီပါဝင်မည့် ထိုင်းအစိုးရ၏ မြန်မာ့အရေး Track 1.5 အစည်းအဝေးသို့ ဖိတ်ကြားခံရသည့် နိုင်ငံများ မတက်ရောက်ရန် NUG နိုင်ငံခြားရေး ဝန်ကြီးဌာနက တောင်းဆိုချက် ထုတ်ပြန်ခဲ့သည်။
• အိန္ဒိယနိုင်ငံအတွင်း ခိုလှုံနေကြသည့် မြန်မာနိုင်ငံသားများ လိုက်နာရန် အချက်များကို အမျိုးသား ညီညွတ်ရေး အစိုးရ (NUG) နိုင်ငံခြားရေး ဝန်ကြီးဌာနက ဇွန် ၁၅ ရက်တွင် အသိပေး ထုတ်ပြန်သည်။

​​KNU တပ်မဟာ (၅) နယ်မြေတွင် ၂ ပတ်အတွင်း တိုက်ပွဲ ၇၁ ကြိမ်ဖြစ်ပွား၊ စစ်သား ၄၅ ဦးသေဆုံး
======================

YT
(မဇ္ဈိမ)။ ။ ကရင်အမျိုးသားအစည်းအရုံး (KNU) တပ်မဟာ (၅) နယ်မြေ၊ ဖာပွန် (မူတြော်) ခရိုင်တွင် ဇွန်လ ၁ ရက်နေ့မှ ဇွန်လ ၁၅ ရက်အထိ နှစ်ပတ်အတွင်း တိုက်ပွဲပေါင်း ၇၁ ကြိမ် ဖြစ်ပွားခဲ့ကြောင်း KNU- မူတြော်သတင်းစဉ်က ယနေ့ ဇွန်လ ၁၈ ရက်နေ့တွင် သတင်းထုတ်ပြန်သည်။

ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ (၅) ရဲဘော်များနှင့် စစ်ကောင်စီတပ်၊ ၎င်း​၏ လက်အောက်ခံ ကရင်နယ်ခြားစောင့်တပ် (BGF ) တို့အကြား ဖြစ်ပွားခဲ့သည့် ထိုတိုက်ပွဲများတွင် စစ်ကောင်စီတပ်နှင့် BGF ဘက်မှ ၄၅ ဦးသေဆုံး၍ ၁၃ ဦး ထိခိုက်ဒဏ်ရာရခဲ့ကြောင်း ထုတ်ပြန်ချက်တွင် ဖော်ပြထားသည်။
" တိုက်ပွဲတွေက နေ့စဉ်ဖြစ်နေတာပါ။ BGF တွေလည်းပါတယ်၊ စစ်ကောင်စီကတော့ အဓိကပေါ့။ BGF ကတော့ တပ်မဟာ (၅) ထဲမှာရှိနေတဲ့ သူတို့တပ်ရင်းတွေထဲကပါပဲ" ဟု တပ်မဟာ (၅) KNLAနှင့် နီးစပ်သည့် သတင်းရင်းမြစ်တစ်ဦးက မဇ္ဈိမကိုပြောသည်။

အဆိုပါတိုက်ပွဲများအတွင်း KNLA ရဲဘော်လေးဦး ကျဆုံးခဲ့ပြီး ၁၀ ဦး ထိခိုက်ဒဏ်ရာရခဲ့ကာ စစ်ကောင်စီတပ်ပိုင်ဆိုင်သော မြင်း ငါးကောင်နှင့် ကားတစ်စီးအား ဖျက်ဆီးနိုင်ခဲ့ကြောင်း ဆိုသည်။
ထို့အပြင် ဒွယ်လိုးမြို့နယ်တွင် စစ်ကောင်စီတပ် ပစ်ခတ်သော လက်နက်ကြီးကျည်ကြောင့် ပြည်သူပိုင် အဆောက်အအုံတစ်လုံး ပျက်စီးခဲ့ကြောင်း တပ်မဟာ (၅) KNLA သတင်းအရင်းအမြစ်ထံက သိရသည်။

" စစ်ကောင်စီ ပစ်ခတ်သည့် လက်နက်ကြီးကျည်ကြောင့် နယ်ခံပြည်သူ့အဆောက်အအုံ ပျက်စီးခဲ့တာပါ" ဟု KNLA အဖွဲ့ဝင်သတင်းရင်းမြစ်က မဇ္ဈိမကိုပြောသည်။

ထို့ရက်များအတွင်း စစ်ကောင်စီတပ်​၏ လက်နက်ကြီးပစ်ခတ်မှုများကြောင့် KNU တပ်မဟာ (၅) နယ်မြေအတွင်း နေထိုင်သော ဒေသခံပြည်သူတစ်ဦးသေဆုံးခဲ့ရကြောင်း သိရသည်။

ပြီးခဲ့သည့် မေလအတွင်း စစ်ကောင်စီ၊ BGFများနှင့် တပ်မဟာ (၅) KNLA ပူးပေါင်းတပ်ဖွဲ့အကြား တိုက်ပွဲပေါင်း အကြိမ်ရေ ၂၀၀ ဖြစ်ပွားခဲ့ပြီး အဆိုပါတိုက်ပွဲများအတွင်း စစ်ကောင်စီတပ်နှင့် BGF ဘက်မှ တပ်ခွဲမှူးတစ်ဦး၊ ဒု-ခွဲမှူးနှစ်ဦး၊ တပ်ကြပ်ကြီးသုံးဦး၊ တပ်ကြပ်တစ်ဦး အပါအဝင် ၁၂၂ ဦးသေဆုံး၍ ၄၈ ဦး ထိခိုက်ဒဏ်ရာရခဲ့ကြောင်း သိရသည်။

အဆိုပါ မေလတစ်လတာတိုက်ပွဲများအတွင်း တပ်မဟာ (၅) KNLA ပူးပေါင်းတပ်ဖွဲ့ဘက်ကလည်း ရဲဘော်နှစ်ဦးကျဆုံးပြီး ၁၀ ဦး ထိခိုက်ဒဏ်ရာရခဲ့သော်လည်း စစ်ကောင်စီတပ်နှင့် BGF ပိုင်ဆိုင်သော ပို့ဆောင်ရေးယာဉ်ခြောက်စီး၊ မြင်းလားခြောက်ကောင်တို့အားလည်း ဖျက်ဆီးနိုင်ခဲ့ကြောင်း သိရသည်။

စာတည်း။ ။အောင်ကျော်ဖြိုး
#KNU တပ်မဟာ (၅)
#တိုက်ပွဲ ၇၁ ကြိမ်ဖြစ်ပွား
# စစ်သား ၄၅ ဦး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

“စစ်ကိုင်းဖိုရမ် လက်ရှိနဲ့ ရှေ့ခရီး” | Editors’ Talk Episode-15

Watch more detail - https://www.youtube.com/watch?v=JE4op61xha0

#စကားဝိုင်း #Editors’Talk #reels #shorts #Mizzima