​​မြန်မာပိုင် ကိုကိုးကျွန်းရှိ တရုတ်စောင့်ကြည့်ရေးစခန်းများနှင့် ပတ်သက်ပြီး အိန္ဒိယမေးခွန်းထုတ် 
=====================

အိန္ဒိယအစိုးရက ဗိုလ်ချုပ်မှူးကြီး မင်းအောင်လှိုင်နှင့် ဆက်ဆံရေး ဆက်လက် တည်ဆောက်ထားပြီး အိန္ဒိယ ဝန်ကြီးချုပ်ရုံး၊ ကာကွယ်ရေးနှင့် နိုင်ငံခြားရေးဝန်ကြီးဌာနများ (South Block)က ကိုကိုးကျွန်းအရေးနှင့် ပတ် သက်ပြီး မေးခွန်းထုတ်မှုများကို မြန်မာအစိုးရက စိတ်ကျေနပ်အောင် အဖြေများမပေးနိုင်ခဲ့ပေ။

-----------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒေသခံသပိတ်စစ်ကြောင်းများ ပူးပေါင်းချီတက်ခဲ့သည့် ကျေးရွာပေါင်းစုံသပိတ်
=====================

ပါခွီး (မဇ္စျိမ) ။ ။စစ်ကိုင်းတိုင်း၊ ယင်းမာပင်မြို့နယ်နှင့်ဆားလင်းကြီးမြို့နယ်တို့မှ ကျေးရွာများစုပေါင်း၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မွေးနေ့အထိမ်းအမှတ်နှင့် စစ်အာဏာရှင်ဆန့် ကျင်ရေးဆန္ဒပြပွဲကို ယနေ့ ဇွန်လ ၁၉ ရက်နေ့တွင် ပြုလုပ်ခဲ့ကြသည်။

လူထုသပိတ်စစ်ကြောင်းသည် “ဗေဒါပျံအံကိုခဲ ပန်းပန်လျက်ပဲ” ၊ “တော်လှန်ပန်းတွေလွင့်ပျံ အမျိုးသမီး ထုအားမာန်” ၊ “ပုခက်လွှဲသောလက်များက ကမ္ဘာကိုကိုင်လှုပ်နိုင်ရမည်” စသည့် စာတန်းများကိုင်ဆောင် ကာ ကြွေးကြော်သံများဟစ်ကြွေး ချီတက်ခဲ့ကြခြင်းဖြစ်သည်။

ဒေသတွင်း နယ်မြေမငြိမ်သက်မှုများကြားမှ ကျေးရွာပေါင်းစုံသပိတ်စစ်ကြောင်းသည် စစ်အာဏာရှင်ဆန့် ကျင်ရေး ရက်ပေါင်း ၈၂၀ ရက်မြောက်အဖြစ် ချီတက်ခဲ့ခြင်းဖြစ်သည်။

ယင်းမာပင်မြို့နယ်နှင့် ဆားလင်းကြီးမြို့နယ်တို့မှ ကျေးရွာပေါင်းစုံသပိတ်စစ်ကြောင်းသည် ၂၀၂၁ ခုနှစ် မတ်လ ၉ ရက်နေ့မှစတင်ကာ စစ်အာဏာရှင်ကို ဆန့်ကျင်ဆန္ဒပြခဲ့ခြင်းဖြစ်သည်။

https://youtu.be/DwZaBWti1Uc

စာတည်း။ ။စောဖေ

#စစ်ကိုင်းတိုင်း
#ကျေးရွာပေါင်းစုံသပိတ်စစ်ကြောင်း
#စစ်အာဏာရှင်ဆန့်ကျင်ရေး

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​မြန်မာ့အရေးပြဿနာများဖြေရှင်းရာတွင် ‌ဒေါ်အောင်ဆန်းစုကြည်က အရေးပါဆုံးပုဂ္ဂိုလ်ဟု NLD ထုတ်ပြန်
===================

ရွှေနွယ်
(မဇ္ဈိမ)။ ။စစ်အာဏာသိမ်းမှုကြောင့်ပေါ်ပေါက်လာသော မြန်မာ့နိုင်ငံရေးပြဿနာများကို ဖြေရှင်းရာတွင် ဒေါ်အောင်ဆန်းစုကြည်သည် အရေးပါဆုံးပုဂ္ဂိုလ်ဖြစ်ပြီး သူနှင့်တွေ့ဆုံဆွေးနွေးမှုမပါဝင်ဘဲ ပြေလည်ရေးလမ်းစ ရနိုင်မည်မဟုတ်ဟုယုံကြည်ကြောင်း အမျိုးသားဒီမိုကရေစီအဖွဲ့ချုပ်ပါတီ NLDက ထုတ်ပြန်သည်။
ယနေ့ ဇွန်လ ၁၉ ရက်နေ့တွင် ကျရောက်သည့် ပါတီဥက္ကဌ ဒေါ်အောင်ဆန်းစုကြည်၏ (၇၈) နှစ်မြောက်မွေးနေ့တွင် အမျိုးသားဒီမိုကရေစီအဖွဲ့ချုပ်ပါတီ NLDက ယင်းကဲ့သို့ ထည့်သွင်းဖော်ပြထားခြင်းဖြစ်သည်။

" ယနေ့ထက်တိုင် ပြည်သူလူထုတရပ်လုံး၏ချစ်ခင်မြတ်နိုးမှု၊ ယုံကြည်အားကိုးမှုတို့ဖြင့် လူထုခေါင်းဆောင်ဟု သတ်မှတ်ခံထားရသူဖြစ်သလိုအနိုင်ရပါတီခေါင်းဆောင်လည်းဖြစ်သော ဒေါ်အောင်ဆန်းစုကြည်သည် မြန်မာ့အရေးပြဿနာများကို ဖြေရှင်းရာတွင် ခြွင်းချန်ထား၍မရသော အရေးပါဆုံးသော ပုဂ္ဂိုလ်တစ်ဦးဖြစ်သည်ဟု မိမိတို့ အမျိုးသားဒီမိုကရေစီအဖွဲ့ချုပ်မှရှုမြင်ပါသည်" ထုတ်ပြန်ချက်တွင်ဖော်ပြထားသည်။

စစ်အာဏာသိမ်းမှုကြောင့်ပေါ်ပေါက်လာသော မြန်မာ့နိုင်ငံရေး ပြဿနာများကို ဖြေရှင်းရာတွင် ဒေါ်အောင်ဆန်းစုကြည်နှင့်တွေ့ဆုံဆွေးနွေးမှုမပါဝင်ဘဲ ပြေလည်ရေးလမ်းစရနိုင်မည်မဟုတ်ဟုယုံကြည်သောကြောင့် ဒေါ်အောင်ဆန်းစုကြည် အပါအဝင် မတရားဖမ်းဆီးထိန်းသိမ်းခံထားရသော နိုင်ငံရေး အကျဉ်းသားများအားလုံး ခြွင်းချက်မရှိ အမြန်ဆုံး လွတ်မြောက်နိုင်ရေးအတွက်မိတ်ဆွေနိုင်ငံများနှင့်အတူ၊ပြည်တွင်းပြည်ပမိတ်ဖက်အင်အားစုများ အားလုံးနှင့် ထိရောက်စွာ ပူးပေါင်းဆောင်ရွက်သွားမည်ဖြစ်ကြောင်း ထုတ်ပြန်အသိ‌ပေးထားသည်။

ဒေါ်အောင်ဆန်းစုကြည်သည် ၁၉၈၈ ခုနှစ် မြန်မာ့ဒီမိုကရေစီရေး ကြိုးပမ်းချိန်မှစတင်၍ ၁၅နှစ်ကျော်အကျဉ်းချခံခဲ့ရပြီး၂၀၂၁ ဖေဖေါ်ဝါရီ ၁ ရက် စစ်တပ်မှအာဏာသိမ်းသည်နှင့်တပြိုင်နက် ဖမ်းဆီးအကျဉ်းချခံထားရသည်မှာ ယနေ့အချိန်ထိ ၂ နှစ်ကျော်ပြီဟု NLD က ထုတ်ပြန်သည်။ မြန်မာပြည်သူများလိုလားတောင့်တသော ဒီမိုကရေစီရေး၊ လူ့အခွင့်အရေး၊ ငြိမ်းချမ်းရေးပန်းတိုင်သို့ ရောက်ရှိရေးကြိုးပမ်းအားထုတ်ရာတွင်လည်း ဒေါ်အောင်ဆန်းစုကြည်သည် နိုင်ငံရေးနည်းလမ်းကိုသာ တစိုက်မတ်မတ်စွဲကိုင်ခဲ့ပါသည်ဟု ရှင်းပြထားသည်။

ထို့အပြင် ပြည်သူလူထု၏ တာဝန်ပေးအပ်မှုဖြင့် အစိုးရဖွဲ့စည်းဆောင်ရွက်ခွင့်ရသည့် ၂၀၁၆ ခုနှစ် မှ ၂၀၂၁ ခုနှစ် ဇန်နဝါရီလအတွင်း လူမှုရေး၊ စီးပွားရေး၊ နိုင်ငံတကာဆက်ဆံရေးများ တိုးတက်အောင်ဆောင်ရွက်နိုင်ခဲ့သလို ဒီမိုကရေစီနှင့်လွတ်လပ်မှုတန်ဖိုးများကိုလည်း ပြည်သူလူထုတရပ်လုံးခံစားနိုင်အောင် စွမ်းဆောင်ပေးနိုင်ခဲ့သည့်အတွက် ၂၀၂၀ ခုနှစ် ရွေးကောက်ပွဲတွင် မဲဆန္ဒနယ်အားလုံး၏ ၈၂ ရာခိုင်နှုန်းကျော် ထောက်ခံမှုရရှိပြီး သောင်ပြိုကမ်းပြိုအနိုင်ရ ရှိခဲ့သည်ဟုNLDပါတီက ရှင်းပြထားသည်။

ယနေ့ကျရောက်သော ဒေါ်အောင်ဆန်းစုကြည်၏ (၇၈) နှစ်မြောက်မွေးနေ့တွင် NLD ပါတီက အထက်ပါအတိုင်းထုတ်ပြန်သလို အမျိုးသားညီညွတ်ရေးအစိုးရ (NUG) ယာယီသမ္မတဒူဝါလရှီးလကလည်း ဒေါ်အောင်ဆန်းစုကြည်၏ စိတ်ဓာတ်သတ္တိများကို စံပြုအတုယူရမည်ဟု တိုက်တွန်းစကား ပြောကြားပြီး တဆက်တည်းတွင် စစ်ခေါင်းဆောင်များသည် ဒေါ်အောင်ဆန်းစုကြည်အား နိုင်ငံရေးဇာတ်ခုံပေါ်မှ တွန်းချရန် အားထုတ်ခဲ့သည်ဟု ပြောသည်။
" ဒေါ်အောင်ဆန်းစုကြည်ကို ဖယ်ရှားဖို့ ကြိုးစားခြင်းဟာ လူထုရဲ့ လွတ်လပ်ခွင့်နဲ့ လူထုတရားမျှတမှုကို ငြင်းဖျက်တာနဲ့ အတူတူပဲလို့ ပြောချင်ပါတယ်။ ကျွန်တော်တို့ဟာ လူထုလွတ်လပ်ခွင့်အတွက် အမြဲတိုက်ပွဲဝင်နေကြရပါလိမ့်မယ်" ဟု ယာယီသမ္မတက ပြောကြားသည်။

ဒေါ်အောင်ဆန်းစုကြည်၏ ယနေ့ ကျရောက်သောမွေးနေ့အထိမ်းအမှတ်အဖြစ် မြန်မာပြည်သူများနှင့် ပြည်တွင်းနှင့် နိုင်ငံတကာမှ စစ်အာဏာရှင်တော်လှန်ရေးအင်အားစုများက မွေးနေ့ပွဲအခမ်းအနားများကို ပုံစံမျိုးစုံဖြင့်ပြုလုပ်နေကြသည်။မွေးနေ့ အခမ်းအနားကို ပါဝင်ကျင်းပကြသူများ၊ သဝဏ်လွှာပေးပို့ပါသော အဖွဲ့အစည်းများနှင့် ကမ္ဘာတလွှားတွင် မွေးနေ့ပွဲကျင်းပပြီး လွတ်မြောက်ရေးအတွက်ဆုတောင်းမေတ္တာပို့သပေးပါသော လူပုဂ္ဂိုလ်အဖွဲ့အစည်းများ၊ ပြည်တွင်းတွင် မွေးနေ့အမှတ်တရ ဆောင်ရွက်ကြသူများ အားလုံးကို ကျေးဇူးအထူးတင်ရှိကြောင်း NLD က ထုတ်ပြန်ထားသည်။

စာတည်း - မောင်ကြီး

#mizzima
#ဒေါ်အောင်ဆန်းစုကြည်
#အရေးပါဆုံးပုဂ္ဂိုလ်
#အမျိုးသားဒီမိုကရေစီအဖွဲ့ချုပ်ပါတီ
-----------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မန္တလေးတွင် အိမ်စီးကား တိမ်းမှောက်ပြီး ၅ နှစ်အရွယ် ကလေးငယ်နှင့် ဖခင်ဖြစ်သူ သေဆုံး
====================

007
(မဇ္စျိမ) ။ ။ မန္တလေးတိုင်း၊ အမရပူရမြို့နယ်၊ စစ်ကိုင်း-မန္တလေးကားလမ်းပေါ်တွင် အိမ်စီးကားတစ်စီး အရှိန်မထိန်းနိုင်ဘဲ တိမ်းမှောက်ခဲ့ရာ အသက် ၅ နှစ်အရွယ် ကလေးငယ်နှင့် ဖခင်ဖြစ်သူတို့ သေဆုံးသွားကြောင်း မိသားစုနှင့် နီးစပ်သူများထံမှ သိရသည်။
စစ်ကိုင်း-မန္တလေးကားလမ်း၊ ရွှေဂဲပွား ရေဆိုးထုတ် စက်ရုံအနီး ယမန်နေ့ ဇွန်လ ၁၈ ရက်နေ့ ည ၉ နာရီဝန်းကျင်ခန့်က မိသားစုလေးဦး စီးနင်းလာသော အိမ်စီးကား တိမ်းမှောက်မှု ဖြစ်ပွားခဲ့ခြင်း ဖြစ်သည်။

"မိသားစုလေးယောက် အိမ်ကနေ ကားနဲ့ထွက်သွားပြီး သိပ်မကြာဘူး၊ ကားမှောက် တဲ့သတင်း ဝင်လာတာပဲ၊ အဲဒီနားက မကြာခဏ လုယက်မှုဖြစ်လေ့ရှိတော့ တောင်မြို့ (အမရပူရမြို့နယ်)သား တော်တော်များများက အဲဒီနားရောက်တိုင်း အရှိန်တင်မောင်းတတ်ကြတယ်၊ ညကဖြစ်တာက ကားက အရှိန်မထိန်းနိုင်ဘဲ လမ်းဘေးဆွဲချသွားရာကနေ သားအဖနှစ်ယောက်က အပြင်ကို လွင့်ကျပြီး ဆုံးသွားရှာတာ" ဟု မိသားစုနှင့် နီးစပ်သူတစ်ဦးက ပြောသည်။

ယခုကားတိမ်းမှောက်သည့် နေရာသည် ညအချိန် လူပြတ်လေ့ရှိပြီး စစ်အာဏာသိမ်းပြီးနောက်ပိုင်း လုယက်မှုများ မကြာခဏဖြစ်ပွားသည့် နေရာဖြစ်ကြောင်းလည်း ဒေသခံများက ပြောသည်။

"ကျွန်တော်တို့ရောက်တော့ သီရိဆင်ကာအသင်းကလူတွေလည်း ရောက်နေပြီ၊ အသက် ၅ နှစ်အရွယ် ကလေးတစ်ယောက်နဲ့ သူ့ဖခင်နဲ့က ကားအပြင်မှာ သေနေပြီ၊ နောက်ထပ်ကလေးတစ်ယောက်နဲ့ အမျိုးသမီးတစ်ယောက်က ဒဏ်ရာနဲ့ မေ့မြောနေတယ်၊ မိသားစုလိုက်ကြီး အဖြစ်ဆိုးနဲ့ ကြုံရတာပါဗျာ၊ အဲဒီနေရာက စစ်အာဏာသိမ်းတစ်လျှောက်လုံး လုယက်မှုတွေကြောင့် မကြာခဏ Accident ဖြစ်တယ်၊ လုံခြုံမှုမရှိတဲ့ဘဝတွေ ခံနေကြရတာပေါ့ဗျာ" ဟု အခင်းဖြစ်နေရာသို့ ရောက်ရှိခဲ့သူတစ်ဦးက ပြောသည်။

ယာဥ်တိမ်းမှောက်မှုကြောင့် အသက် (၃၈) နှစ်အရွယ် ဦးရဲဝင်းထွန်းနှင့် အသက် ငါးနှစ်အရွယ် မောင်ကောင်းစည်သူတို့ သေဆုံးသွားခြင်းဖြစ်ပြီး ဇနီးဖြစ်သူနှင့် အသက်သုံးနှစ်အရွယ်သားတစ်ဦးတို့ အပြင်းအထန်ဒဏ်ရာရခဲ့ကြောင်း သိရသည်။

အဆိုပါယာဥ်တိမ်းမှောက်မှုကြောင့် သေဆုံးရုပ်အလောင်းနှင့် ထိခိုက်ဒဏ်ရာရသူ များကို သီရိဆင်ကာ ပရဟိတလူမှုကူညီရေး အသင်းက ဆေးရုံသို့ ပို့ဆောင်ပေး ခဲ့ကြောင်း သိရသည်။
သေဆုံးသူ နှစ်ဦး၏ ရုပ်အလောင်းကို ယနေ့ ဇွန်လ ၁၉ ရက်နေ့၊ မွန်းလွဲပိုင်းတွင် အိုးထိန်းမှော်သုဿန်၌ သင်္ဂြိုဟ်လိုက်ကြောင်း သိရသည်။

Photo - သီရိဆင်ကာပရဟိတလူမှုကူညီရေးအသင်း
စာတည်း။ ။ နောင်နောင်

#မန္တလေး
#ယာဉ်တိမ်းမှောက်
#သားဖနှစ်ဦးသေဆုံး
#Mizzima
-----------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဒုဗိုလ်ချုပ်မှူးကြီးစိုးဝင်း၏တပည့် ရန်ကုန်လေဆိပ်လုံခြုံရေးအရာရှိချုပ်ပစ်ခတ်ခံရပြီး သေဆုံး
==========================

ဂန္ဒမာ
(မဇ္ဈိမ)။ ။စစ်ကောင်စီဒုတိယခေါင်းဆောင် ဒုတိယဗိုလ်ချုပ်မှူးကြီးစိုးဝင်း၏ တပည့် ရန်ကုန်အပြည်ပြည်ဆိုင်ရာလေဆိပ်၏ လုံခြုံရေးအရာရှိချုပ်၊ဗိုလ်မှူးဟောင်း ရဲခိုင်ကို ပစ်ခတ်ရှင်းလင်းလိုက်ကြောင်းUrban Owls ရန်ကုန်မြို့ပြပြောက်ကျား တပ်ဖွဲ့က သတင်းထုတ်ပြန်သည်။

" ရန်ကုန်အပြည်ပြည်ဆိုင်ရာလေဆိပ်၏ လုံခြုံရေးအရာရှိချုပ်၊(Chief of Security Division) ဖြစ်သူ ဗိုလ်မှူးဟောင်းရဲခိုင်ကို ကျွန်ုပ်တို့ Urban Owls ရန်ကုန်မြို့ပြပြောက်ကျားတပ်ဖွဲ့က ယနေ့ ဇွန်လ ၁၉ ရက်နေ့ ၂၀၂၃ ခုနှစ်၊ ညနေ (၇း၀၀) အချိန်တွင် ပစ်ခတ်ရှင်းလင်းသုတ်သင်ခဲ့သည်" ဟု ထုတ်ပြန်ထားသည်။

ဗိုလ်မှူးဟောင်းရဲခိုင်သည် စစ်တက္ကသိုလ် အပတ်စဉ် (၄၂) ဆင်း လေတပ်အရာရှိ ဗိုလ်မှူးတစ်ဦးဖြစ်ပြီး စစ်တပ်၏ စီးပွားရေးထောက်တိုင် Asia World ကုမ္ပဏီပိုင်ရှင် ထွန်းမြင့်နိုင်၏ လူယုံတစ်ဦး ဖြစ်သလို စစ်ကောင်စီ ဒုခေါင်းဆောင်ဒုတိယဗိုလ်ချုပ်မှူးကြီးစိုးဝင်း၏ တပည့်လည်း ဖြစ်သည်ဟု Urban Owls ရန်ကုန်မြို့ပြပြောက်ကျားတပ်ဖွဲ့က ဆိုသည်။

"ရန်ကုန်လေဆိပ်ဟာဆိုရင် တော်လှန်ရေးသမားတွေ၊ CDM တွေကို မတရားဖမ်းဆီးနှိပ်စက်တာတွေအပြင် သာမန်ခရီးသွားပြည်သူတွေကိုပါ နိုင်ထက် စီးနင်းလုပ်နေတာဖြစ်တယ်။ အခုလို လေဆိပ်မှာ အနိုင်ကျင့်၊ လာဘ်စား၊ ဖမ်းဆီးညှင်းပန်းနေတဲ့ လုံခြုံရေးတာဝန်ခံတွေ၊ စစ်ဘက်တာဝန်ခံတွေ၊ လေကြောင်းလိုင်းတာဝန်ခံတွေရဲ့ အချက်အလက်တွေ ကျွန်တော်တို့လက်ထဲ ရထားပြီ" ဟု Urban Owls စစ်ဆင်ရေးတာဝန်ခံက မဇ္ဈိမ ကို ပြောသည်။

ဗိုလ်မှူးဟောင်းရဲခိုင်သည် ၂ဝ၂၁ ရန်ကုန်အပြည်ပြည်ဆိုင်ရာလေဆိပ်ကို ပူးပေါင်းအဖွဲ့ဖြင့် ပိတ်ဆို့စစ်ဆေးခြင်း၊ တော်လှန်ရေးနှင့် CDM လှုပ်ရှားမှုတွင် ပါဝင်သူများအား ပြည်ပထွက်ခွါခွင့်ပိတ်ပင်ခြင်းနှင့် ဖမ်းဆီးခြင်း၊ ပြည်ပသို့ ပညာသင်ရန် (သို့) အလုပ်လုပ်ရန် ထွက်ခွါမည့်သူများအား ငွေညှစ်အနိုင်ကျင့်ခြင်း၊ ပြည်သူဘက်ရပ်တည်သော အနုပညာရှင်များအား ဖမ်းဆီးခြင်း၊ မြန်မာပြည်၏ ထင်ရှားကျော်ကြားသူများကို ပြည်ပထွက်ခွင့် ပိတ်ပင်ခြင်း၊ သာမန် ခရီးသွားပြည်သူများအား ငွေညှစ် ဓားပြတိုက် ခြိမ်းခြောက်ခြင်း၊ စစ်ဆေးစရာရှိသည်ဟုဆိုကာ ခေါ်ဆောင်သွားပြီး စစ်ကြောရေးပို့ဆောင်ခြင်း အစရှိသည်တို့ကို လုပ်ဆောင်ရာတွင် ကိုယ်တိုင်ကိုယ်ကျ ဦးဆောင်ပါဝင်သူဖြစ်သည်ဟု Urban Owls က ရှင်းပြထားသည်။

၎င်းတို့ အပါအဝင် ရန်ကုန်မြို့ပြပြောက်ကျား တပ်ဖွဲ့များသည် လေတပ်အရာရှိများ၊ လေဆိပ်တွင် ပြည်သူများအား ခြိမ်းခြောက်အနိုင်ကျင့်သူများ၊ အကြမ်းဖက်စစ်တပ်အား ကူညီပေးနေသော လေကြောင်းလိုင်းမှတာဝန်ရှိသူများ၏ စာရင်းကို စနစ်တကျပြုစုနေပြီး သတင်းအချက်လက်များစွာလည်း ရရှိထားပြီးဖြစ်သည်ဟု Urban Owls အသိပေးထားသည်။

အာဏာသိမ်းပြီးနောက် မြန်မာနိုင်ငံအတွင်း နေထိုင်သူများ ရင်ဆိုင်နေရသည့် မလုံခြုံမှုများ၊ စီးပွားရေးနှင့် ကျပ်ငွေတန်ဖိုးတရှိန်ထိုး ကျဆင်းမှုကြောင့် ဖြစ်ပေါ်လာသည့် အခက်အခဲများ၊ လျှပ်စစ်မီးပျက်တောက်ခြင်းအပါအဝင် ယိုယွင်းလာသည့် အခြေနေများအားလုံးသည် စစ်ကောင်စီပြုတ်ကျမှာသာ ပြေလည်မည့် ကိစ္စများဖြစ်သည်ဟု Urban Owlsက ထုတ်ပြန်ထားသည်။

ရန်ကုန်မြို့နေ ပြည်သူလူထုအနေဖြင့် အရှိန်မြင့်လာမည့် တော်လှန်ရေးလှုပ်ရှားမှုများအတွက် ပြင်ဆင်ထားကြရန်၊ တော်လှန်ရေးနှင့် လုံခြုံရေး အသိသတိရှိကြရန်၊ တော်လှန်ရေးနှင့် ရဲဘော်များအား ရရာနည်းလမ်းဖြင့်ကူညီ ပံ့ပိုးသွားကြရန်လည်း တိုက်တွန်းထားသည်။

" တော်လှန်ရေး၏ အရေးပါဆုံးကာလသို့ မကြာခင်မှာ ရောက်ရှိလာတော့မည်ဖြစ်သည်" ဟု Urban Owls၏ ထုတ်ပြန်ချက်တွင် ဖော်ပြထားသည်။

Urban Owls ရန်ကုန်မြို့ပြပြောက်ကျားတပ်ဖွဲ့သည် စစ်ခေါင်းဆောင်များ၏ ပိုင်ဆိုင်မှုများကို ပြည်ပသို့ ပြောင်းရွှေ့ပေးနေသော ထားဝယ်အထူးစီးပွားရေးဇုန် ဥပဒေရေးရာကော်မတီဝင် ဦးမင်းတေဇညွန့်တင်အား မတ်လ ၂၄ ရက်နေ့က သန်လျှင်မြို့တွင် ရှင်းလင်းမှုပြုလုပ်ခဲ့သည့် အဖွဲ့ဖြစ်သည်။

ဦးမင်းတေဇညွန့်တင်အား ပစ်ခတ်ရှင်းလင်းပြီး သုံးလခန့်အကြာတွင် စစ်ကောင်စီ၏ အဆင့်မြင့်အရာရှိတစ်ဦးကို ထပ်မံရှင်းလင်းခြင်းဖြစ်သည်။

Urban Owls စစ်ဆင်ရေးတာဝန်ခံက " ဒီလိုစစ်ကောင်စီလက်ပါးစေတွေကို ကျွန်တော်တို့ အောင်အောင်မြင်မြင်ရှင်းလင်းနိုင်ခဲ့တယ်။ နောက်လည်းထပ်ပြီး ပစ်မှတ်ထားတိုက်ခိုက်သွားဦးမယ်။ အခုဆိုရင် ရန်ကုန်အခြေစိုက် PDF တပ်ဖွဲ့လည်းရှိနေပြီ။ ရန်ကုန်အပါအဝင် တတိုင်းပြည်လုံးမှာ အရှိန်မြှင့်လာပြီဖြစ်တဲ့ တန်ပြန်တိုက်စစ်မှာ ပြည်သူတွေအနေနဲ့လည်း တက်တက်ကြွကြွရှိဖို့ တိုက်တွန်းပါတယ်" ဟုလူထုအားတောင်းဆိုသည်။

ဓာတ်ပုံ - ဗိုလ်မှူးဟောင်းရဲခိုင်
စာတည်း - မောင်ကြီး

#mizzima
#ရန်ကုန်လေဆိပ်လုံခြုံရေးအရာရှိချုပ်
#ဗိုလ်မှူးဟောင်းရဲခိုင်
#ပစ်ခတ်ရှင်းလင်း
#Urban Owls

ရေဝါးရွက်ရဲ့အကျိုးကျေးဇူးများ
==========

-ရေဝါးရွက်က သင့်ကျန်းမာရေးအတွက် ဘာတွေအကျိုးပြုမလဲ ?

-ရေဝါးရွက်မှာ ပါဝင်တဲ့ အစွမ်းသတ္တိတွေက ဘာတွေလဲ ?

-ရေဝါးရွက်မှာရှိတဲ့ လျှို့ဝှက်ချက် အကျိုးအာနိသင်တွေက ဘာတွေလဲ ?

အစရှိတဲ့ အကြောင်းအရာတွေကို ဒီအစီအစဉ်ကနေ တင်ဆက်ပေးသွားမှာပါ ......

https://youtu.be/VSVAWepsL3U

#naturearticle
#videonews
#ရေဝါးရွက်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇွန်လ (၂၀) ရက် ၊ အင်္ဂါနေ့ မနက်ပိုင်း မဇ္ဈိမရေဒီယိုအစီအစဉ်
=====================

ဒီကနေ့ မနက်နားဆင်ရမယ့် သတင်းတွေကတော့

ဗိုလ်ကြီးဆိုင်ဂုံ ဖမ်းဆီးစစ်ဆေးခံနေရမှု ရိုးရှင်းမှုမရှိဘူးလို့ ပြည်သူ့စစ်သားဦးဆောင်အဖွဲ့ကပြောတဲ့ သတင်းနဲ့အတူ အညာဒေသမှာ စစ်ကောင်စီတပ်ဖွဲ့က ရိက္ခာတွေကို ဘယ်လိုသယ်နေလဲ ဆိုတဲ့ သတင်းလွှာတွေပါဝင်တဲ့

နောက်ဆုံးရ ပြည်တွင်းသတင်းတွေ၊စီးပွားရေးသတင်းတွေနဲ့ ထိပ်တန်းရောက် နိုင်ငံတကာသတင်းတွေကို နားဆင်ကြရပါမယ်။

သတင်းတွေအပြီးမှာတော့ အပတ်စဉ်ကဏ္ဍတွေအနေနဲ့ “Mizzima Editorial Talk” အစီအစဉ်ကို နားဆင်ရမှာပါ။

https://youtu.be/zLbottjWwLc

#Mizzimaradio
#Morningradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မဇ္ဈိမအတွက် ဗွီအိုအေ သတင်းလွှာ၊ ဇွန်လ ၂၀ ရက်၊ ၂၀၂၃ | VOA On Mizzima
======================

အိမ်ဝေးသူတို့မျှော်လင့်ချက် ကမ္ဘာ့ဒုက္ခသည်များနေ့အထူးအစီအစဉ်အပါအဝင် စိတ်ဝင်စားစရာ နိုင်ငံတကာသတင်းဆောင်းပါးတွေနဲ့ နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ ဇွန်လ ၂၀ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/bU_jM1vvmtY

#မဇ္ဈိမအတွက်ဗွီအိုအေ
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အိမ်ဝေးသူတို့ရဲ့ မျှော်လင့်ချက် | VOA On Mizzima
=============

သိန်းချီတဲ့ရိုဟင်ဂျာတွေကို ခိုလှုံခွင့်ပေးထားတဲ့ အိမ်ရှင်ဘင်္ဂလားဒေ့ရှ်နိုင်ငံအနေနဲ့ ရိုဟင်ဂျာဒုက္ခသည်တွေကို တရားဝင်အလုပ်အကိုင်လုပ်ကိုင်ခွင့်ပေးဖို့ အသက်မွေးဝမ်းကျောင်းပညာရပ်တွေ စနစ်တကျသင်ကြားပေးဖို့ ရိုဟင်ဂျာတွေက တောင်းဆိုလိုက်ပါတယ်။ ရိုဟင်ဂျာဒုက္ခသည်တွေ ကိုယ့်ကိုကိုယ် မှီခိုအားထား အသက်မွေးဝမ်းကျောင်းပြု ရှာဖွေစားသောက်ကြဖို့ ကုလသမဂ္ဂ ဒုက္ခသည်များဆိုင်ရာ ဒုတိယမဟာမင်းကြီးကလည်း တိုက်တွန်းဆော်သြထားပါတယ်။ မွေးရပ်မြေရဲ့ အဝေးကိုထွက်ပြေးနေရတဲ့ ဒုက္ခသည်တွေရဲ့ “Hope Away from Home 2023” အိမ်ဝေးသူတို့မျှော်လင့်ချက် ကမ္ဘာ့ဒုက္ခသည်များနေ့အထူးအစီအစဉ်အဖြစ် ရိုဟင်ဂျာဒုက္ခသည်တွေကို ဆက်သွယ်မေးမြန်းပြီး မဆုမွန်စုစည်းတင်ပြထားပါတယ်။

https://youtu.be/CpGtW4rj7l0

#မဇ္ဈိမအတွက်ဗွီအိုအေ
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ရေဝါးရွက်ရဲ့အကျိုးကျေးဇူးများ | Nature Article

Watch more detail - https://www.youtube.com/watch?v=VSVAWepsL3U

#naturearticle
#reels
#shorts
#ရေဝါးရွက်

စိတ်ရူးပေါက်ပြီး ထင်တိုင်းရိုင်းနေတဲ့ စစ်ကောင်စီ
===============

မိုင်းလားဆွေးနွေးပွဲမှာ အရှက်ကွဲခဲ့တဲ့ စစ်ကောင်စီဟာ စိတ်ရူးပေါက်ပြီး ထင်တိုင်းရိုင်းနေပါတယ်။

ဆွေးနွေးပွဲမှာ သူတို့လိုချင်တဲ့အဖြေထွက်မလာတဲ့နောက် နိုင်ငံရေးလှည့်ကွက်လို့ပြောရမှာတောင်ရှက်စရာကောင်းတဲ့ လုပ်ရပ် တွေကို စိတ်ရူးပေါက်တိုင်း လျှောက်လုပ်နေတာဖြစ်ပါတယ်။

ပထမဆုံးမိုင်းလားဆွေးနွေးပွဲပျက်ပြီးနောက် စစ်ကောင် စီဟာ မြန်မာအမျိုးသား ဒီမိုကရက်တစ်မဟာမိတ်တပ်(MNDAA)/ကိုးကန့် တပ်စခန်းကိုစတိုက်ပြီး တစ်ကျော့ပြန် တိုက်ပွဲတွေဖန်တီးခဲ့တာတွေ့ရပါတယ်။

တရုတ်စီစဉ်မှုနဲ့ ရှမ်းပြည်နယ်၊ မိုင်းလားမြို့မှာ ဇွန် ၁ ရက်က မြောက်ပိုင်းမဟာမိတ်ညီနောင်သုံးဖွဲ့နဲ့ စစ်ကောင်စီ ကိုယ်စားလှယ်အဖွဲ့တို့ တွေ့ဆုံ ဆွေးနွေးခဲ့တာ ဖြစ်ပါတယ်။ဆွေးနွေးပွဲ ဒုတိယရက်အရောက်မှာပဲ စစ်ကောင်စီတပ်တွေဟာ ကိုးကန့်တပ်စခန်းတစ်ခုကိုဝင်ရောက်တိုက်ခိုက်ခဲ့ပြီးနောက် တိုက်ပွဲတွေ ဆက်တိုက်ဖြစ်ပွားခဲ့တာဖြစ်ပါတယ်။

https://youtu.be/yJaiqBU_bIc

#Newsfeature
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U