​​မန္တလေးတွင် နိုက်ကလပ်နှင့် ဘားမှပြန်လာသူများကို ဖမ်းဆီးငွေညှစ်ခြင်းများရှိဟုဆို
=====================

007
(မဇ္စျိမ)။ ။ မန္တလေးမြို့တွင် ညအချိန် နိုက်ကလပ်နှင့် ဘားများမှ ပြန်လာသူများအား ကားဖြင့်လိုက်ဖမ်းပြီး ငွေညှစ်သည့်ဖြစ်စဉ်များ ယခုရက်ပိုင်း ဖြစ်ပွားနေကြောင်း ကိုယ်တိုင်ကြုံတွေ့ခဲ့ကြသူများထံက သိရသည်။

"ဘားကနေ ကျွန်တော်တို့ထွက်လာတော့ လူနှစ်ယောက်က လမ်းလယ်ထွက်ပြီး တားတယ် ။မင်းတို့ ညဘက်မထွက်ရဘူးဆိုတာ မသိဘူးလား ဘာပုဒ်မနဲ့အရေးယူမယ် ဘာညာဆိုပြီး ငွေညှိခိုင်းတယ်။ ငါးသိန်းတောင်းတယ်။ ကျွန်တော်တို့ သုံးသိန်းနဲ့ဖြတ်ခဲ့ရတယ်" ဟု ဇူလိုင်လ ၂ ရက် ညပိုင်းက ကိုယ်တိုင်ကြုံတွေ့ခဲ့သည့် ဖြစ်စဉ်နှင့်ပတ်သက်၍ မြို့ခံတစ်ဦးက ပြောသည်။

ယင်းဖြစ်စဉ်မှာ မန္တလေးတိုင်း ၊ အောင်မြေသာစံမြို့နယ် ၂၆ လမ်းနှင့် ၅၈ လမ်းထောင့်အနီးတွင် ဖြစ်ပွားခဲ့ခြင်းဖြစ်ပြီး ယနေ့အထိ ဖမ်းဆီးငွေညှစ်ခံရသူ လေးဦးထက်မနည်းရှိနေပြီဖြစ်ကြောင်း သိရသည်။
"အရင်လတွေတုန်းကတော့ တစ်ညလုံးဖွင့်ထားပေးလို့ရတော့ အများစုက ညဘက်မပြန်ကြဘူး။ တစ်ညလုံးကလပ်ထဲမှာပဲ ပျော်ကြပြီး မနက်မှပြန်တယ်။ တချို့လည်း ကလပ်နဲ့အနီးဆုံး ဟိုတယ်၊ တည်းခိုခန်းတစ်ခုထဲ၀င်အိပ်လိုက်ကြတယ်၊ ငွေညှစ်ခံရတဲ့ကိစ္စက ဒီနှစ်ရက်သုံးရက်မှာ စကြားရတာပဲ၊ ကျွန်တော် သိရသလောက် လေးငါးခါလောက်ရှိပြီ" ဟု လုံခြုံရေးအရ အမည်မဖော်လိုသည့် Night Club ၀န်ထမ်းတစ်ဦးက ပြောသည်။

ကားဖြင့်ငွေလိုက်ညှစ်သည့်အဖွဲ့တွင် ယူနီဖောင်း၀တ်တစ်ဦးနှင့် အရပ်၀တ်တစ်ဦးအပြင် ကားပေါ်တွင် အနည်းဆုံး နှစ်ဦးခန့် ရှိမည်ဟု ခန့်မှန်းရကြောင်း ကိုယ်တိုင်ကြုံတွေ့ခဲ့ရသူ အခြားတစ်ဦးက ပြောသည်။

"ရုတ်တရတ်ဆိုတော့ ကျွန်တော်တို့လည်းကြောင်သွားတယ်။ သူတို့က သေနတ်တွေလည်းပါတယ်။ လာလိုက်ခဲ့ဆိုပြီး၊ အောင်ပင်လယ်ကန်ပတ်လမ်းဘက် ခေါ်သွားတယ်။ ဟိုရောက်တော့မှ ငွေညှစ်တာမှန်းသိရတာ၊ လက်စွပ်တောင်းတော့ ပေးလိုက်တယ်။ ငွေငါးသိန်းထပ်တောင်းတယ်၊ ငွေမပါလို့ Kpay ပေးမယ်ဆိုတာမရဘူး။ အဲဲဒါနဲ့ Bar ပြန်သွားပြီး ၀န်ထမ်းတစ်ယောက်ကို အကူအညီတောင်းပြီးဖြေရှင်းလိုက်ရတယ်" ဟု ၎င်းကပြောသည်။

အဆိုပါကိစ္စနှင့်ပတ်သက်၍ Night Out ထွက်ပြီးပြန်လာသူများအား ငွေညှစ်တောင်းယူခြင်းကိုလက်သင့်မခံကြောင်း၊ နောက်နောင်ထပ် လုပ်လာလျှင် နယ်မြေအပိုင် ရဲစခန်းနာမည်နှင့်တကွ ထုတ်ဖော်ပြောဆိုသွားမည်ဖြစ်ကြောင်း စစ်ကောင်စီ၏ သတင်းများကို ဝါဒဖြန့်ပေးနေသည့် တယ်လီဂရမ်ချန်နယ်များက ရေးသားဖော်ပြထားကြသည်။

စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#မန္တလေးတိုင်း
#NightClub
#Bar
#ဖမ်းဆီးစစ်ဆေး

ဓာတ်ပုံ- မန္တလေးက ကလပ်တစ်ခုကို တွေ့ရစဉ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဂျာမနီ အားကစားဝတ်စုံ အမှတ်တံဆိပ် Jako မြန်မာနိုင်ငံမှ ထွက်ခွာမည်
=====================

ဂျာမနီ အားကစားဝတ်စုံ အမှတ်တံဆိပ် Jako က မြန်မာနိုင်ငံ၌ ယင်း၏ ထုတ်ကုန်များ အပ်နှံထုတ်လုပ်နေမှုကို ရပ်ဆိုင်းပြီး နိုင်ငံမှ ရုပ်သိမ်းထွက်ခွာမည့် အစီအစဉ်များကို ကြေညာခဲ့ကြောင်း သိရသည်။

မြန်မာတွင် Jako ၏ ထုတ်ကုန်များကို လက်ခံချုပ်လုပ်ပေးနေသည့် စက်ရုံတစ်ရုံ၌ အထည်ချုပ်အလုပ်သမားနှစ်ဦးကို အာဏာသိမ်းစစ်ကောင်စီက ဖမ်းဆီးခဲ့ပြီးနောက် Jako က ယခုကဲ့သို့ မြန်မာမှ ထွက်ခွာမည့် အစီအစဉ်ကို ကြေညာခဲ့ခြင်း ဖြစ်ကြောင်း Ecotextile News က ဖော်ပြသည်။

ယခု ဆုံးဖြတ်ချက်ကို ခက်ခက်ခဲခဲ ချမှတ်ခဲ့ရခြင်းဖြစ်ပြီး၊ အကြောင်းမှာ Jako အမှတ်တံဆိပ် ထုတ်ကုန်များကို လက်ခံချုပ်လုပ်ပေးနေသည့် ရန်ကုန်ရှိ Sun Apparel စက်ရုံ၌ လုပ်ကိုင်နေသော အလုပ်သမားများအတွက် စီးပွားရေးဂယက်ရိုက်ခတ်မှုများ ရှိ၍ ဖြစ်ကြောင်း Jako ၏ အဝယ်ဌာန အကြီးအကဲ ဟိုင်ကို ရမ်းမ်က Ecotextile News ကို ပြောသည်။

ကရင်ပြည်နယ်တွင် ပြည်သူများ မိုးတွင်းကာလ စိုက်ပျိုးရန် မျိုးစေ့ KNWO ထောက်ပံ့
========================

ကိုဇာနည်
(မဇ္စျိမ) ။ ။ ကရင်နီပြည်နယ်၊ လွိုင်ကော်မြို့နယ်နှင့် ဒီးမော့ဆိုမြို့နယ်ရှိ ကျေးရွာများနှင့် ထိုင်း -ကရင်နီ နယ်စပ်ရှိ စစ်ရှောင်စခန်း တချို့တွင် မိုးရာသီကာလအတွင်း ရာသီသီးနှံများ စိုက်ပျိုးနိုင်ရန်အတွက် ဒေသခံများအား ကရင်နီအမျိုးသမီးအစည်းအရုံး(KNWO)က သီးနှံမျိုးစေ့များ ထောက်ပံ့ပေးနေကြောင်း သိရ သည်။

" မျိုးစေ့ပေးရခြင်း ရည်ချက်က အများအားဖြင့် စစ်ရှောင်တွေက ဝင်ငွေမရှိတဲ့အတွက် တစ်ရက် တစ်ရက် စားဖို့ ဟင်းဖိုးပိုက်ဆံကုန်ကျသက်သာအောင် တစ်ပိုင်တစ်နိုင်စိုက်ပျိုးနိုင်ရန် ရည်ရွယ်တာဖြစ်တယ် ။ အဓိထောက်ပံ့ပေးတဲ့ မျိုးစေ့ အမျိုးအစားများက ဖရုံ၊ သခွား၊ ငရုပ်၊ မြေပဲ၊ ပြောင်းဖူး၊ ချည်ပေါင်နဲ့ ခရမ်းသီးတို့ဖြစ်တယ်"KNWO တာဝန်ရှိသူတစ်ဦးက မဇ္စျိမကိုပြောသည်။

ကရင်နီပြည်နယ်တွင် စစ်ဘေးရှောင်ပြည်သူများ နေ့စဥ်ပိုမိုများပြားလာသည့်အတွက် စားဝတ်နေရေး တစ်ဖက်တစ်လမ်းမှ အဆင်ပြေစေရန် ဒီးမော့ဆိုမြို့နယ်နှင့် လွိုင်ကော်မြို့နယ်မှ ကျေးရွာ ၁၂ ရွာအား မျိုးစေ့ ထောက်ပံ့ပေးပြီး ထိုင်းနယ်စပ်ရှိ စစ်ရှောင် စခန်း လေးခုမှ စစ်ဘေးရှောင်များအား မေလ ပထမပတ်နှင့် ဒုတိယပတ်တွင် မျိုးစေ့များ ပေးဝေထောက်ပံ့ပေးခဲ့သည်ဟု သိရပါသည်။

ပြီးခဲ့သည့် ၂၀၂၂ ခုနှစ် နှစ်ကုန်ပိုင်းအတွင်းက ကရင်နီပြည်နယ်တွင် အစာရေစာ ပြတ်လပ်မှုနှင့် ဖျားနာမှုများကြောင့် သေဆုံးသူစစ်ရှောင်ဦးရေ ၃၀ ဝန်းကျင်ရှိခဲ့ကြောင်း စစ်ဘေးရှောင်ကယ်ဆယ်ရေး အဖွဲ့ဝင်တစ်ဦးက မဇ္ဈိမကို ပြောကြားထားသည်။

၂၀၂၁ ခုနှစ် စစ်တပ်အာဏာသိမ်းပြီးနောက်ပိုင်း ကရင်နီပြည်နယ်တွင် တော်လှန်ရေး ပူးပေါင်းတပ်ဖွဲ့များနှင့် စစ်ကောင်စီတပ်အကြား တိုက်ပွဲများကြောင့် စစ်ဘေးရှောင်ဦးရေများပြားလာပြီး
လက်ရှိတွင် စစ်ဘေးရှောင်ဦးရေ ၂၅၀,၀၀၀ ဝန်းကျင်ရှိကြောင်း စစ်ဘေးရှောင်ကူညီရေးအဖွဲ့များ၏ စာရင်းအရ သိရသည်။

စာတည်း။ ။အောင်ကျော်ဖြိုး

#Mizzima
#ကရင်နီပြည်
#စစ်ရှောင်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

လုံခြုံရေးကောင်စီမှာ မြန်မာ့အရေးနဲ့ပတ်သတ်ပြီး ဗြိတိန်က အလေးပေးဆွေးနွေးမည်ဟုဆို
========================

ယခုလအတွင်း ဦးစားပေးဆွေးနွေးမယ့်အကြောင်းအရာတွေထဲမှာ မြန်မာ့အရေးလည်း ပါဝင်တယ်လို့ ကုလသမဂ္ဂဆိုင်ရာ ဗြိတိန်သံအမတ်ကြီး Barbara Woodward က ဇူလိုင်လ ၃ ရက်နေ့က သတင်းထောက်တွေကို ပြောကြားလိုက်ပါတယ်။
ကုလသမဂ္ဂ လုံခြုံရေးကောင်စီရဲ့ ဇူလိုင်လအတွက် အလှည့်ကျဥက္ကဋ္ဌနေရာကို ဗြိတိန်နိုင်ငံက တာဝန်ယူမှာဖြစ်ပြီး၊ လတ်တလော ဖြစ်နေတဲ့ မြန်မာ၊ ဆီးရီးယား၊ ကွန်ကိုနဲ့၊ ယူကရိန်းနိုင်ငံက စစ်ရေးပဋိပက္ခတွေအတွင်း လိင်ပိုင်းဆိုင်ရာအကြမ်းဖက်ခံရမှုတွေ တိုးလာနေတာကို တွေ့ရတယ်လို့ သူကပြောပါတယ်။
မြန်မာနိုင်ငံက လူ့အခွင့်အရေးလှုပ်ရှားသူ အမျိုးသမီးတွေ၊ လိင်ပိုင်းဆိုင်ရာ အကြမ်းဖက်ခံရမှုကနေ လွတ်မြောက်လာသူတွေရဲ့ ပြောပြချက်တွေကို လုံခြုံရေးကောင်စီမှာ ကြားနာဖို့ရှိတယ်လို့လည်း ဗြိတိန်သံအမတ်ကြီးကပြောပါတယ်။

https://youtu.be/i-LaoFucE2I

#Political News
#MizzimaTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

(၇၄) နှစ်မြောက် ကရင်အမျိုးသားလွတ်မြောက်ရေးနေ့ကို KNU လွတ်မြောက်နယ်မြေတွင် ကျင်းပ
===================

TZL
(မဇ္ဈိမ) ။ ။ (၇၄) နှစ်မြောက် ကရင်အမျိုးသားလွတ်မြောက်ရေးကို ယနေ့ ဇူလိုင်လ ၅ ရက်နေ့၊ နံနက်ပိုင်းတွင် ကရင်အမျိုးသား အစည်းအရုံး (KNU) ၏ လွတ်မြောက်နယ်မြေ၌ ကျင်းပခဲ့သည်။
ကရင်အမျိုးသားလွတ်မြောက်ရေးတပ်မတော် (KNLA) သည် ကရင်အမျိုးသား အစည်းအရုံး(KNU)၏ လက်အောက်တွင်ရှိသော လက်နက်ကိုင်အဖွဲ့အစည်း ဖြစ်သည်။

၁၉၄၇ ခုနှစ် ဇူလိုင်လ ၁၆ ရက်နေ့တွင် ကရင့်လက်နက်ကိုင်တော်လှန်ရေးအတွက် KNDO ကို ကရင့်အခြေခံလက်နက်ကိုင်တပ်မတော်အဖြစ် ဦးစွာဖွဲ့စည်းခဲ့ပြီး KNDO ကိုဖွဲ့စည်းသည်နှင့်တစ်ပြိုင်နက် ဖဆပလ လက်အောက်တွင် အမှုထမ်း ကြသောလက်နက်ကိုင်တပ်များအားလုံးကိုလည်း ကြိုးစားဆက်သွယ် စည်းရုံးခဲ့ပါတယ်။

ထိုကဲ့သို့ ဆက်သွယ်စည်းရုံးသည့်အတိုင်း ကရင့်လက်နက်ကိုင်တော်လှန်ရေး စတင်သည့် အခါတွင် ရန်သူ့ လက်အောက်တွင်ရှိသော ကရင့်လက်နက်ကိုင် တပ်များဖြစ်သည့် Karen Rifile, UMP, Police, Armed Forest, Signal, အမြောက်တပ်၊ ရေတပ်အချို့သည် ကရင့်လက်နက်ကိုင်တပ်သို့ ပါ၀င်လာကြသည်။

ထိုကဲ့သို့ တပ်အမျိုးမျိုးပါလာကြသဖြင့် စည်းကမ်းရှိရှိနှင့် ချုပ်ကိုင်နိုင်ရန် ကော်သူးလေအစိုးရ Government of Kawthoolei ဖွဲ့စည်းသည့်အချိန်တွင် ကရင့်လက်နက်ကိုင်တော်လှန်ရေး၌ ပါ၀င်လာကြသော ကရင့်လက်နက်ကိုင်များအားလုံးကို KAF ( KawThooLei Armed Forces) ကော်သူးလေလက်နက်ကိုင်တပ်ပေါင်းစုအဖြစ် ဖွဲ့စည်းပြီး ခရိုင်တစ်ခုကို တပ်မဟာ တစ်ခုအဖြစ် ဖွဲ့စည်းရာ အရှေ့တိုင်းတွင် တပ်မ တစ်ခု၊ တပ်မဟာ ခြောက်ခုနှင့် မြစ်၀ကျွန်းပေါ်တွင် တပ်မ တစ်ခု၊ တပ်မဟာ ခြောက်ခုဖွဲ့စည်းခဲ့သည်။

၁၉၅၂ ခုနှစ်တွင် အရှေ့တိုင်း၌ တပ်မ နှစ်ခု၊ မြစ်၀ကျွန်းပေါ်တွင် တပ်မ နှစ်ခုဖြင့် တိုးချဲ့ဖွဲ့စည်းခဲ့သည်။ KAF ဖွဲ့စည်းပုံမှာ အင်္ဂလိပ်တပ်ဖွဲ့စည်းပုံကို အခြေခံသဖြင့် တော်လှန်ရေးနှင့် မကိုက်ညီမှုများလည်းရှိ၍ တော်လှန်ရေးနှင့်ကိုက်ညီမှုရှိသော တပ်မတော်တစ်ရပ်ကို ဖွဲ့ စည်းရန် အခြေအနေတောင်းဆိုလာသည်။

၁၉၅၆ ခုနှစ် ဇူလိုင်လ ၅ ရက်နေ့တွင် ကရင့်တော်လှန်ရေး စစ်ရေးလမ်းစဉ်နှင့် ကရင့်လွှတ်မြောက်ရေးတပ်မတော် (KNLA) ဖွဲ့စည်းပုံကို အတည်ပြုသဖြင့် ထိုနေ့ ဇူလိုင် ၅ ရက်နေ့ကို ကော်သူးလေတပ်မတော်နေ့ (KawThooLei Army Day) အဖြစ် ကွန်ဂရက်က အတည်ပြုဆုံးဖြတ်ခဲ့ခြင်း ဖြစ်သည်။

စာတည်း။ ။ နောင်နောင်

#၇၄ကရင်အမျိုးသားနေ့
#KNU
#KNLA
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

လုံခြုံရေးကောင်စီမှာ မြန်မာ့အရေးနဲ့ပတ်သတ်ပြီး ဗြိတိန်က အလေးပေးဆွေးနွေးမည်ဟုဆို

Watch more detail -
https://https://buff.ly/3rdVDaU

#လုံခြုံရေးကောင်စီ #မြန်မာ့အရေး #ဆွေးနွေး #VideoNews #shorts #reels

စစ်အာဏာရှင်ကိုခုခံနေသည့် တော်လှန်ရေးအဖွဲ့တိုင်းနှင့် လက်တွဲပြီး ရန်သူများကို ခုခံတော်လှန်ရမည်ဟု KNU ဥက္ကဋ္ဌတိုက်တွန်း
===================

002
(မဇ္ဈိမ)။ ။စစ်အာဏာရှင်ကိုခုခံနေသည့် တော်လှန်ရေးအဖွဲ့အစည်းတိုင်းနှင့်လက်တွဲပြီး ရန်သူများကို ခုခံတော်လှန်ရမည်ဟု KNUဥက္ကဋ္ဌဖဒိုစောကွယ်ထူးဝင်းက ယနေ့ ကျင်းပသည့် (၇၄) နှစ် မြောက် ကရင့်အမျိုးသားလွတ်မြောက်ရေးတပ်မတော်နေ့ မိန့်ခွန်းတွင် တိုက်တွန်းပြောကြားသည်။

" ကရင့်အမျိုးသားလက်နက်ကိုင် ခုခံတော်လှန်ရေး သမားများအနေဖြင့် မိမိကိုယ်မိမိ ကရင့်အမျိုးသားများအဖြစ်နားလည်ထားပြီး ကရင့်အမျိုးသားများနှင့် ပြည်သူလူထုကြီး၏ ရန်သူများကို ခုခံတော်လှန်ကြရပါမည်။ စစ်အာဏာရှင်နှင့် အာဏာရှင်များကို ခုခံတော်လှန်နေသည့် လူမျိုးတိုင်း၊အဖွဲ့အစည်းတိုင်းနှင့်လက်တွဲလုပ်ဆောင်ကြရပါမည်" ဟု KNU ဥက္ကဋ္ဌက မိန့်ခွန်းပြောကြားသည်။

ယနေ့ဇူလိုင် (၅)ရက်တွင် ကျရောက်သည့် (၇၄)နှစ် မြောက် ကရင့်အမျိုးသားလွတ်မြောက်ရေး(ကော်သူးလေ)တပ်မတော်နေ့သို့ ကရင့်အမျိုးသားအစည်းအရုံး KNU ဥက္ကဋ္ဌဖဒိုစောကွယ်ထူးဝင်းက သဝဏ်လွှာပေးပို့ပြီး အထက်ပါအတိုင်း ပြောကြားခဲ့ခြင်းဖြစ်သည်။

လက်ရှိနိုင်ငံရေးနှင့် စစ်ရေးအခြေအနေများမှာ မိမိတို့နိုင်ငံ၏ သမိုင်းတလျှောက် ဖြစ်ပျက်ခဲ့သည့် နိုင်ငံရေး၊ စစ်ရေးများနှင့် မတူဘဲ လုံးဝခြားနားနေသည်ဟုလည်း ၎င်းက အသိပေးထားသည်။
ထို့အပြင် စစ်အုပ်စုက ပြည်သူလူထုကို ရန်သူသဖွယ်သဘောထားပြီး ရပ်ရွာများ၊ဆေးရုံများ၊ စာသင်ကျောင်းများ၊ ဘုန်းကြီးကျောင်းများ၊ ခရစ်ယာန်ကျောင်းများကို လေယာဉ်များ၊ လက်နက်ကြီးလက်နက်ငယ်များဖြင့် ပစ်ခတ်ခြင်းများလုပ်ဆောင်နေကြောင်း၊ကရင့်အမျိုးသားများ၏ အသက်အိုးအိမ်စည်းစိမ်နှင့် ကရင့်အမျိုးသားများအား သတ်ဖြတ်ခြင်း၊ ဖျက်ဆီးခြင်းများမှ အကာအကွယ်ပေးရန်အပြင် ပြည်သူလူထုအား စစ်အုပ်ချုပ်ရေးစနစ်နှင့် အာဏာရှင်စနစ်ဆိုးများ၏ညှင်းပန်းနှိပ်စက်ခြင်းများ၊ ရပ်ရွာများအားမီးရှို့ဖျက်ဆီးခြင်းနှင့် ရက်ရက်စက်စက်သတ်ဖြတ်ခြင်းများမှ တားဆီးကာကွယ်ပေးရန်လည်း KNUဥက္ကဋ္ဌက ပြောကြားထားသည်။

အခြေအနေပေးလာသည့် အခွင့်အရေးများကို အရယူပြီး ပြည်သူ့ရေးရာဝန်ဆောင်မှုအပြင်အုပ်ချုပ်ရေး၊ ကိုယ်ပိုင်လုံခြုံရေးစနစ်နှင့် လုပ်ထုံးလုပ်နည်းများကို ထူထောင်ရန် လိုအပ်ကြောင်းတိုက်တွန်းသည်။

" လက်ရှိအချိန်ကာလသည် ကြီးမားသည့် စိန်ခေါ်မှုများရှိနေ သကဲ့သို့ မိမိတို့၏ ကိုယ်ပိုင်ပြဌာန်းခွင့်နှင့် ကိုယ့်ကြမ္မာကိုယ် ဖန်တီးနိုင်မည့်အခွင့်အရေးကောင်းများလည်း ရှိနေပါသည်" ဟု KNUဥက္ကဋ္ဌဖဒိုစောကွယ်ထူးဝင်းကဆိုသည်။

ထို့ပြင် KNUဥက္ကဋ္ဌ၏ ယနေ့ မိန့်ခွန်းတွင် တော်လှန်ရေးလက်နက်ကိုင်အဖွဲ့အစည်းများနှင့် အားသွန်ခွန်စိုက်ကူညီနေကြသည့် ပြည်တွင်း၊ ပြည်ပရှိ ပြည်သူများကိုလည်း ကျေးဇူးတင်ရှိကြောင်း ထည့်သွင်းပြောကြားထားသည်ကို တွေ့ရသည်။

စာတည်း - မောင်ကြီး

#mizzima
#၇၄ နှစ်မြောက်ကရင့်အမျိုးသားလွတ်မြောက်ရေးတပ်မတော်နေ့
#ကရင့်အမျိုးသားအစည်းအရုံး KNU
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U