ဇူလိုင်လ( ၈ )ရက်၊ စနေနေ့မနက်ပိုင်း မဇ္ဈိမရေဒီယိုအစီအစဉ်
====================

ဒီကနေ့ မနက် နားဆင်ရမယ့် အစီစဉ်တွေကတော့ ...

နေပြည်တော်-ရန်ကုန်အမြန်လမ်းပိုင်းမှာ စစ်ထောက်ချုပ် ဒုတိယဗိုလ်ချုပ်ကြီးကျော်စွာလင်း

လိုက်ပါလာတယ်လို့ယူဆရတဲ့ စစ်ကောင်စီယာဉ်တန်းတိုက်ခိုက်ခံရတဲ့သတင်းနဲ့အတူ Federal Wings ဒရုန်းတပ်ဖွဲ့က ပြည်တွင်းပြည်ပနည်းပညာရှင်တွေရဲ့ ပူးပေါင်းပါ၀င်မှုနဲ့ တာဝေးစစ်ဆင်ရေးနဲ့ ကင်းထောက် ဒရုန်းတွေကို ထုတ်လုပ်နေတဲ့ သတင်းအပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။

အဲ့ဒီနောက်မှာတော့ စီးပွားရေးသတင်းတွေကို နားဆင်ကြရဖို့ရှိသလို ဒီကနေ့အတွက် သတင်းသုံးသပ်ချက်အစီအစဉ်နဲ့ အပတ်စဉ်တင်ဆက်နေကျဖြစ်တဲ့ Insight Myanmar အစီအစဉ်ကိုလည်း နားဆင်ရမှာဖြစ်ပါတယ်ခင်ဗျာ။

https://youtu.be/bV7Td_eooaI

#Morningradio
#Mizzimaradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

My india အစီအစဉ်
============

ဒီတစ်ပတ်ရဲ့My india အစီအစဉ်မှာ

-ရာမာဒန်အပြီး အစ္စလာမ်မစ်လဖြစ်တဲ့ Sawwal ရဲ့ ပထမဆုံးနေ့မှာ Meethi Eid ပွဲတော်ကို အိန္ဒိယမှာ ကျင်းပ

-အိန္ဒိယနိုင်ငံ အလယ်ပိုင်း အင်ဒိုရေးတိရစ္ဆာန်ရုံမှာ ခြင်္သေ့မ ဆွန်ဒါရီက ခြင်္သေ့ပေါက် ၃ကောင် ပေါက်ဖွားခဲ့ခြင်းကို လူအများက လာရောက်ကြည့်ရှူ

-အိန္ဒိယဝန်ကြီးချုပ် နာရင်ဒရာမိုဒီက နိုင်ငံရဲ့ ပထမဆုံး ရေကြောင်းလိုင်းဖြစ်တဲ့ Hybrid-Electric သင်္ဘောဝန်ဆောင်မှုကို တောင်ပိုင်း ကိုချီမြို့မှာ ဖွင့်လှစ်ပေးခဲ့

-အိန္ဒိယ ခရစ်ကတ်ချန်ပီယံဟောင်း ဆာချင် တန်ဒူလ်ကာရဲ့ အသက်၅၀ပြည့်မွေးနေ့ ကျရောက်ခဲ့ပြီဖြစ်တာကြောင့် အိန္ဒိယနိုင်ငံရဲ့ အရှေ့ပိုင်း ပူရီမြို့ကမ်းခြေမှာ သဲအနုပညာဖြင့် ပုံတူပြုလုပ်ခဲ့ပြီး ပရိတိသတ်များနဲ့ နာမည်ကျော်များက မွေးနေ့ဆုတောင်းပြုလုပ်ပေးခဲ့ကြ

-ကမ္ဘာ့နိုင်ငံအသီးသီးက ဖွံ့ဖြိုးတိုးတက်မှုသတင်းတွေနဲ့ အခြားသတင်းတွေပါဝင်တဲ့ World In Focus အစီအစဉ်နဲ့တကွ
အခြားစိတ်ဝင်စားစရာ အစီအစဉ်ကောင်းများကို တင်ဆက်ပေးမှာပဲဖြစ်ပါတယ်။

https://youtu.be/Ut5KRBWonHc

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ကရင်နီနှင့် အညာဒေသအတွက် တော်လှန်ရေးရန်ပုံငွေပွဲ ဂျပန်နိုင်ငံတွင် ပြုလုပ်မည်
======================

ကီရာ
(မဇ္ဈိမ)။ ။ဂျပန်နိုင်ငံ၊ အိုဆာကာနှင့် နာဂိုယာမြို့တွင် တော်လှန်အနုပညာရှင်များနှင့်လူရွင်တော်များ၏ အငြိမ့်ဖျော်ဖြေပွဲနှင့် မြန်မာအစားအစာ ဈေးရောင်းပွဲတော်ကို လာမည့်ဇူလိုင် ၉ရက် နံနက် ၁၁နာရီမှ ညနေ ၄နာရီအထိ ပြုလုပ်သွားမည်ဖြစ်ကြောင်း သိရသည်။
အဆိုပါပွဲအတွက် ဝင်ကြေး ဂျပန်ယန်း ၁,၅၀၀ သတ်မှတ်ထားပြီး ကံစမ်းမဲပြန်လည် မဲဖောက်ပေးသွားမည်ဖြစ်ကြောင်း ပွဲစီစဉ်သူများကပြောသည်။

ပေါက်မဲများအနေဖြင့် ဟားငါးကောင်လူရွှင်‌တော်အဖွဲ့ဝင်များနှင့်မင်းသမီးဆောင်းဝတီ၊ အဆိုတော် လင်းလင်း၊ ချစ်သုဝေ၊ မော်ဒယ်သရုပ်ဆောင် မြတ်နိုးအေး၊ အဆိုတော် မူးလားနှင့် အောင်မြင့်မြတ် တို့ လက်မှတ်ရေးထိုးသည့် တီရှပ်များနှင့် ရုပ်ရှင်သရုပ်ဆောင် ဒေါင်းရေးဆွဲထားသော ဆန္ဒရဲ့အလင်းရောင် ပန်းချီကားလက်မှတ်ပါ တီရှပ်၊ တော်လှန်အနုပညာရှင်များနှင့် တော်လှန်ရေးရဲ‌ဘော်များ လက်မှတ်ရေးထိုးထားသည့် ဂစ်တာတို့ပါဝင်မည်ဖြစ်သည်။

အငြိမ့်ပွဲကို Zoom Meeting မှတစ်ဆင့် ကျင်းပသွားမည်ဖြစ်ပြီး ကံစမ်းမဲများကို တော်လှန်အနုပညာရှင်များ ကိုယ်တိုင်မဲဖောက်ပေးသွားမည်ဖြစ်ကြောင်း သိရသည်။

“ တော်လှန်အနုပညာရှင်တွေကတော့ သူတို့အနုပညာနဲ့ရှာဖွေလို့ရတာလေးတွေကို ပြန်လှူဒါန်းချင်တာပါ။ ပြီးတော့ ကျွန်တော်တို့ကလည်း တော်လှန်ရေးမှာ မမေ့သေးဘူး၊ ဒီတော်လှန်ရေးမှာ ကျွန်တော်တို့က တက်တက်ကြွကြွရှိနေသေးတယ်ဆိုတာကို မြေပြင်ကတော်လှန်နေသူတွေကိုရော၊ တော်လှန်ရေးအနုပညာရှင်တွေကိုပါ ပြချင်တာပါ”ဟု အဆိုပါပွဲ ဖြစ်မြောက်ရေးအတွက် စီစဉ်ဆောင်ရွက်ရာတွင် ပါဝင်သည့် မြန်မာ့လူထု ကူညီထောက်ပံ့ရေးအသင်းမှ ဒုတိယ ဥက္ကဋ္ဌဦးကောင်းချစ်သဲကပြောသည်။

ပွဲစီစဉ်ထားမှုနှင့် ပတ်သက်၍လည်း “ အိုဆာကာရဲ့ သမဝါယမအသင်းရဲ့အဆောက်အဦ ခြောက်ထပ်မှာ လေးထပ်နဲ့ ခြောက်ထပ်ကို အသုံးပြုပြီး ‌‌ခြောက်ထပ်ကို ရုပ်ရှင်ပြမယ်။ လေးထပ်ကို ဈေးရောင်းပွဲလုပ်မယ်ဆိုပြီး စီစဉ်ထားပါတယ်။ နာဂိုယာမှာတော့ မြန်မာစားသောက်ဆိုင်မှာပဲ ပြဖို့ စီစဉ်ထားပါတယ်။ အငြိမ့်ကြည့်ရုံတစ်ခုတည်း မဟုတ်ဘဲ ကိုယ်စားချင်တဲ့အစားအသောက်တွေကို အလွယ်တကူ ဝယ်ယူလို့ ရပါတယ်။ မြန်မာမှာဆိုရင် လက်ဖက်ရည်ဆိုင်ယဉ်ကျေးမှုနဲ့ တူပါတယ်။ ဒါနဲ့ အနီးစပ်ဆုံးတူအောင် ခံစားရအောင်လည်း လုပ်ဆောင်ထားပါတယ်”ဟု ၎င်းက ဆက်လက်ပြောသည်။

အဆိုပါပွဲမှ ရရှိလာသည့် ရန်ပုံငွေများကိုလည်း ကရင်နီဒေသနှင့် အညာဒေသသို့ တိုက်ရိုက်ခွဲ‌ဝေ ထောက်ပို့ပေးသွားမည်ဟုလည်း သိရသည်။

စာတည်း - မောင်ကြီး
စာမူတည်းဖြတ်။ ။သန့်ဇော်(သန်လျင်)

#mizzima
#ဂျပန်နိုင်ငံ
#အိုဆာကာ
#နာဂိုယာမြို့
#အငြိမ့်ဖျော်ဖြေပွဲ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ထိုင်းနိုင်ငံမှာ ဘယ်အစိုးရတက်တက် အင်အားစုတွေအနေနဲ့ စနစ်တကျချဉ်းကပ်ဖို့လိုတယ်"
=====================

"ထိုင်းနိုင်ငံမှာ ဘယ်အစိုးရတက်တက် အင်အားစုတွေအနေနဲ့ စနစ်တကျချဉ်းကပ်ဖို့လိုတယ်" အမှုဆောင်ညွန်ကြားရေးမှူး ဦးထူးချစ် (အင်တာဗျူး)

မဇ္ဈိမ။ ။လာမယ့် ဇူလိုင်လ ၁၃ ရက်နေ့မှာ ထိုင်းနိုင်ငံရဲ့ ဝန်ကြီး ချုပ်အပြောင်းအလဲကြောင့် မြန်မာ့အရေး၊ နိုင်ငံရေးနဲ့ ရွှေ့ပြောင်း အလုပ်သမားအရေးတွေ ဘယ်လိုဖြစ်လာနိုင်ပါသလဲ။

ဒီနွေဦးတော်လှန်ရေးမှာ ရွှေ့ပြောင်းအလုပ်သမားတွေက ဘယ်လောက်ထိ အရေးပါပါသလဲ။

ဒီအကြောင်းအရာတွေနဲ့ ပတ်သတ်ပြီး ထိုင်း မြန်မာအလုပ်သမားအရေးဆောင်ရွက်နေတဲ့ ပညာရေးနဲ့ ဖွံဖြိုးတိုးတက်ရေး ဖောင်ဒေးရှင်း အမှုဆောင်ညွန်ကြားရေးမှူး ဦးထူးချစ်ကို ဒီတပတ် mizzima ရဲ့ weekly Interview မှာ ဆက်သွယ်မေးမြန်းထားပါတယ်။

တင်ဆက်၊မေးမြန်း၊တည်းဖြတ် - မောင်ခက်နွေ

https://youtu.be/m1CiFEld8qQ

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ဘင်္ဂလားဒေ့ရှ် ဒုက္ခသည်စခန်း၌ ICC ရှေ့နေ လာရောက်ပြီး နာရီပိုင်းအတွင်း လူ ၆ ဦး အသတ်ခံရ
======================

ဘင်္ဂလားဒေ့ရှ် ဒုက္ခသည်စခန်းတွင် ဒုက္ခသည်များ၏ ထွက်ဆိုချက်များကို မှတ်တမ်းယူရန် နိုင်ငံတကာ ရာဇဝတ်မှုခုံရုံး( ICC )မှ ရှေ့နေဖြစ်သူ လာရောက်ပြီး နာရီပိုင်းအတွင်း ထိပ်တိုက်တွေ့မှုဖြစ်ရာ၌ ရိုဟင်ဂျာ ခြောက်ဦး သေဆုံးကြောင်း ရဲက သောကြာနေ့တွင် ပြောသည်။

ဘင်္ဂလားဒေ့ရှ်နိုင်ငံသည် အိမ်နီးချင်း မြန်မာနိုင်ငံ၌ ၂၀၁၇ ခုနှစ်က စစ်တပ်၏ ဖြိုခွင်းမှုကြောင့် ထွက်ပြေးလာသော ရိုဟင်ဂျာ တစ်သန်းနီးပါးကို လက်ခံထားရာ ဖြစ်သည်။ အဆိုပါ မြန်မာစစ်တပ်၏ ဖြိုခွင်းမှုကို ကုလသမဂ္ဂ ခုံရုံး၌ လူမျိုးတုံး သတ်ဖြတ်မှုဖြင့် စုံစမ်းစစ်ဆေးလျက် ရှိသည်။

ယခု သီတင်းပတ် တိုက်ခိုက်မှုသည် ပြိုင်ဘက်သောင်းကျန်းသူနှစ်ဖွဲ့ဖြစ်သည့် အာရကန် ရိုဟင်ဂျာ ကယ်တင်ရေးတပ် ARSA နှင့် ရိုဟင်ဂျာ သွေးစည်းညီညွတ်ရေးအဖွဲ့ RSO ကြား လူသေဆုံးသည့် ထိပ်တိုက်တွေ့မှုများမှ နောက်ဆုံးဖြစ်စဉ် ဖြစ်သည်။

​​ပြင်သစ်နိုင်ငံ၏ အကြီးဆုံးစာကြည့်တိုက် မီးလောင်သည်ဆိုသော သတင်းအမှား
======================

ZZ
(မဇ္ဈိမ) ။ ။ပြင်သစ်နိုင်ငံ၏ အကြီးဆုံးစာကြည့်တိုက်တခု ဇူလိုင်လ ၅ ရက်နေ့က မီးလောင်ကျွမ်းခဲ့သည် ဆိုသောသတင်း လူမှုကွန်ရက်များတွင် ပျံ့နှံ့လျက်ရှိသည်။ ယင်းမှာ မှားယွင်းနေသည်။

“အမွှေစိန်”တယ်လီဂရမ်ချန်နယ်က “ပြင်သစ်ရဲ့ အကြီးဆုံးစာကြည့်တိုက် မီးလောင်???” ဟု (မူရင်းအရေး အသားအတိုင်း) စတင်ဖြန့်ဝေထားသည့်သတင်းတွင် အဆောက်အဦးတခုမီးလောင်နေသည့် ဗီဒီယိုဖိုင် လည်းပါဝင်နေသည်။ ထိုအကြောင်းကို အခြား တယ်လီဂရမ်ချန်နယ်နှင့် ဂရု ၂၈ ခုတွင်လည်း ပျံ့နှံ့နေ သည်။
ယင်းဗီဒီယိုဖိုင်ဖြင့်ပင် “မှိုင်းဝေ” တယ်လီဂရမ်ချန်နယ်က “NUG အကြမ်းဖက်အဖွဲ့ကကောင်တွေ ရောက် တဲ့နိုင်ငံနဲ့ဒေသတွေမှာ မတည်ငြိမ်မှုဖြစ်ပွားနေ၊ ယခုလည်း ပြင်သစ်ရဲ့ အကြီးဆုံးစာကြည့်တိုက်လည်း မီး လောင်သွားပြီဖြစ်ပါတယ်” ဟုရေးသားကာ ပြန်လည်ဖြန့်ဝေထားသည်။ အဆိုပါ အကြောင်းအရာမှာ ဖေ့စ်ဘုတ်၌လည်း ပျံ့နှံ့ခဲ့ပြီး ကြည့်ရှုသူစုစုပေါင်း ၂၀၀,၀၀၀ ကျော် နေပြီဖြစ်သည်။

မဇ္ဈိမ၏အချက်အလက်စစ်ဆေးသူများမှ ထိုအကြောင်းကို အချက်အလက်စစ်ဆေးခဲ့ရာတွင် ဗီဒီယိုဖိုင်ပါ စာကြည့်တိုက်မှာ ပြင်သစ်နိုင်ငံ၏ အကြီးဆုံးစာကြည့်တိုက် မီးလောင်ခြင်းမဟုတ်ကြောင်း တွေ့ရှိခဲ့သည်။

ပြင်သစ်နိုင်ငံ၏ အကြီးဆုံးစာကြည့်တိုက်ကို "France Largest Library" ဟုသည့် စကားလုံးဖြင့် Google တွင် ရှာဖွေခဲ့ရာတွင် ပြင်သစ်အမျိုးသားစာကြည့်တိုက်(Bibliothèque Nationale de France)ကို တွေ့ရှိ ခဲ့သည်။ ယခုမီးလောင်နေသည့် ဗီဒီယိုဖိုင်ပါ အဆောက်အဦးနှင့်မတူညီပေ။ လင့် - https://www.bnf.fr/fr
မီးလောင်နေသည့် အဆောက်အဦးမှာ ဖိလစ်ပိုင်နိုင်ငံ၏ အဓိက စာတိုက်ရုံးဖြစ်ပြီး ၂၀၂၃ ခုနှစ် မေလ ၂၂ ရက်နေ့က မီးလောင်ခဲ့ခြင်းဖြစ်သည်။ ထိုအကြောင်းကို AP သတင်းဌာနက နှစ်ပေါင်း ၁၀၀ နီးပါး သက် တမ်းရှိသည့် ဖိလစ်ပိုင်မြို့တော်ရှိ ပင်မစာတိုက်ကြီး မီးလောင်ပျက်စီးခဲ့ကြောင်း ဖော်ပြထားသည်။ လင့် - https://bit.ly/44AOsrA

လက်ရှိဖြစ်ပွားနေသောအဓိကရုန်းများကြောင့် ပြင်သစ်စာကြည့်တိုက် မီးလောင်ခဲ့ကြောင်း သတင်းတုမှာ တွစ်တာတွင်လည်း ပျံ့နှံ့ခဲ့သည်။ ထိုအကြောင်းကို အချက်အလက် စစ်ဆေးသည့် အဖွဲ့ဖြစ်သည့် Full Fact အဖွဲ့က ဖိလစ်ပိုင်နိုင်ငံ မနီလာတွင် မီးလောင်ခြင်းဖြစ်ကြောင်း ဖော်ထုတ်ထားသည်။ လင့် - https://bit.ly/44An90u

ထို့ကြောင့် ပြင်သစ်နိုင်ငံ ၏အကြီးဆုံးစာကြည့်တိုက်မီးလောင်သည်ဆိုသောသတင်းမှာ မှားယွင်းနေပြီး အမှန်တကယ်ဖြစ်ပွားခဲ့သည့် ဖိလစ်ပိုင်နိုင်ငံ၊ မနီလာမြို့မှ စာတိုက်ရုံးမီးလောင်ခဲ့စဉ်က ဗီဒီယိုအား လွဲမှား စွာ ဖော်ပြထား ခြင်းဖြစ်သည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်းပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News
#France_Library
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ပဲခူးခရိုင် ဗကသဒုဥက္ကဋ္ဌ ကိုခန့်လင်းနိုင်အား ကျိုက်စကောထောင်မှ ခေါ်ထုတ်သွားပြီးနောက် သေဆုံး
==============

ရွှေနွယ်
(မဇ္ဈိမ)။ ။ ပဲခူးတိုင်းအရှေ့ခြမ်း ဒိုက်ဦးမြို့နယ် ကျိုက်စကောထောင်အတွင်း ဖမ်းဆီးအကျဉ်းချခံထားရသော ပဲခူးခရိုင် ဗကသဒုတိယဥက္ကဋ္ဌ ကိုခန့်လင်းနိုင်အား စစ်ကောင်စီတပ်မှ လာရောက်ခေါ်ထုတ်သွားပြီးနောက်တွင် သေဆုံးသွားပြီဖြစ်ကြောင်းကို ယမန်နေ့ ဇူလိုင်လ ၇ ရက်နေ့၌ သိရှိရသည်ဟု ဗမာနိုင်ငံလုံးဆိုင်ရာ ကျောင်းသားများသမဂ္ဂအဖွဲ့ချုပ်က အသိပေးထုတ်ပြန်ထားသည်။

ကျိုက်စကောထောင်အတွင်းမှ ကိုခန့်လင်းနိုင်အပါအဝင် နိုင်ငံရေးအကျဉ်းသား လေးဦးအား ၂၀၂၃ ခုနှစ် မေလ ၂၈ ရက်နေ့တွင် စစ်ကောင်စီတပ်မှ လာရောက်ခေါ်ထုတ်သွားပြီးနောက် အဆက်အသွယ်ပြတ်တောက်သွားခဲ့ရာမှ သတင်းပြန်ရရှိချိန်တွင် သေဆုံးပြီဟုသိရကြောင်း ဗကသအဖွဲ့ချုပ်၏ထုတ်ပြန်ချက်တွင် ဖော်ပြထားသည်။
“ထောင်ကနေ မိသားစုကို သေဆုံးကြောင်း စာပို့အကြောင်းကြားတာပါ။ အလောင်းကိုမတွေ့ရပါဘူး” ဟု ဗကသများအဖွဲ့ချုပ် ဗဟိုအလုပ်မှုဆောင်တစ်ဦးမှ မဇ္ဈိမကိုပြောသည်။

ပဲခူးခရိုင်ကျောင်းသားများသမဂ္ဂ (ဗကသများအဖွဲ့ချုပ်) ၏ ဒုဥက္ကဋ္ဌဖြစ်သူ၊ အသက် ၂၀ အရွယ်ခန့်ရှိ ကိုခန့်လင်းနိုင်သည် ၂၀၂၁ ခုနှစ်၊ ဒီဇင်ဘာလ ၁၂ ရက်နေ့တွင် စစ်ကောင်စီတပ်မှ အမြန်လမ်းတစ်နေရာ၌ အဝေးပြေးကားပေါ်မှတစ်ဆင့် ဖမ်းဆီးခေါ်ဆောင်သွားခဲ့ခြင်း ဖြစ်သည်။

ထို့နောက် ပုဒ်မ ၅၀ (ည)၊ ၅၁ (ဂ) တို့ဖြင့် ထောင်ဒဏ် ၁၅ နှစ် ချမှတ်ခံထားရခြင်းဖြစ်သည်။

ပြီးခဲ့သည့် မေလ နောက်ဆုံးပတ်အတွင်းကလည်း ဒိုက်ဦးမြို့ ကျိုက်စကောထောင်မှ နိုင်ငံရေးအကျဉ်းသား ၂၄ ဦးအား စစ်ကောင်စီတပ်မှ ခေါ်ထုတ်သွားခဲ့ပြီး ပြင်းပြင်းထန်ထန်နှိပ်စက်ရိုက်နှက်ခဲ့ကြောင်းကို အကျဉ်းထောင်နှင့်နီးစပ်သည့်အသိုင်းအဝိုင်းမှသိရှိရပြီး အဆိုပါ နိုင်ကျဉ်းများ၏ နောက်ဆက်တွဲအခြေအနေအသေးစိတ်ကို မဇ္ဈိမအနေဖြင့် ဆက်လက်စုံစမ်း၍ မရရှိသေးပေ။

“ကျွန်မသားလေးလည်း အဲ့ဒီ ၂၄ ယောက်ထဲပါသွားတယ်လို့ သတင်းရတယ်လေ၊ ကျွန်မတို့ ခုထိသူဘာဖြစ်နေလဲမသိရသေးဘူး၊ စိုးရိမ်နေပါတယ်” ဟု ကျိုက်စကောထောင်တွင် အကျဉ်းကျခံနေရသော နိုင်ငံရေးအကျဉ်းသားတစ်ဦး၏ မိသားစုဝင်မှပြောသည်။
ထို့ပြင် မေလ ၂၅ ရက်နေ့တွင် ပဲခူးပကဖ လေ့ကျင့်စုဆောင်းရေးတာဝန်ခံ ကိုသန့်ဇင်ဝင်းအပါအဝင် နိုင်ငံရေးအကျဉ်းသား သုံးဦးအား ကျိုက်စကောထောင်မှခေါ်ထုတ်သွားပြီးနောက် မေလ ၂၇ ရက်နေ့တွင် ကိုသန့်ဇင်ဝင်းသေဆုံးသွားကြောင်း ပဲခူးတိုင်းပြည်သူ့ကာကွယ်ရေးတပ်ဖွဲ့ အသိုင်းအဝိုင်းမှ အတည်ပြုပြောကြားထားသည်။

ပြီးခဲ့သည့် ဇူလိုင်လ ၂ ရက်နေ့ကလည်း မြင်းခြံထောင်အတွင်း အကြမ်းဖက်မှုဥပဒေပုဒ်မဖြင့် ထောင်ဒဏ်ကျခံနေရသော နိုင်ငံရေးအကျဉ်းသား ကိုစိန်ဝင်း အစာအိမ်သွေးကြောပေါက်၍ သေဆုံးသွားပြီဖြစ်ကြောင်း မိသားစုသို့အကြောင်းကြားလာခဲ့ကြောင်းနှင့် ရုပ်အလောင်းတွင်မူ ညှဥ်းပန်းနှိပ်စက်ခံထားရသည့် ဒဏ်ရာများတွေ့ရကြောင်း မိသားစုနှင့်နီးစပ်သည့်အသိုင်းအဝိုင်းမှသိရသည်ဟု အမျိုးသားညီညွတ်ရေးအစိုးရ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာနက ဇူလိုင်လ ၄ ရက်နေ့တွင်ထုတ်ပြန်ထားသည်။
“တောင်ငူထောင်ဖြစ်စဉ်က စစ်ကောင်စီကိုတော်တော်လေးအရှက်တကွဲအကျိုးနည်းဖြစ်စေတယ်။ သူတို့အနေနဲ့ ထောင်တွေကို ထိန်းချုပ်နိုင်စွမ်းမရှိတော့ဘူး လူအင်အားလည်းမလောက်ငတော့ဘူး။ အဲ့တော့ ကျိုက်စကောထောင်အပါအဝင် တောင်ငူထောင်၊ မြင်းခြံထောင်၊ သာယာဝတီထောင် နိုင်ငံတစ်ဝန်းကထောင်တွေမှာ နိုင်ကျဉ်းတွေကို နှိပ်စက်ဖိနှိပ်ပြလာတယ်။ ဒါသတ္တိရှိလို့လုပ်နေတာမဟုတ်ဘူး သူရဲဘောကြောင်တဲ့လုပ်ရပ်ပဲ။ ငါတို့်ခြင်းထဲကကြက် ခေါင်းထောင်ထမလာစေရဘူးဆိုတဲ့ စိတ်နဲ့ အကျဉ်းထောင်လက်စွဲဥပဒေတွေ ဘာတွေ ဘာမှမရှိတော့ဘူး" ဟု နိုင်ငံရေးအကျဉ်းသားဟောင်းများအဖွဲ့ ဦးဆောင်ကော်မတီဝင် ဦးထွန်းကြည်မှပြောသည်။

ထိုသို့အကျဉ်းထောင်အသီးသီးတွင် အကျဉ်းသားများ ဖိနှိပ် နှိပ်စက်ခံနေရမှုများအတွက် ၎င်းတို့အနေဖြင့် နိုင်ငံတကာအဖွဲ့အစည်းများမှသိရှိစေရန်၊ အရေးယူဆောင်ရွက်စေရန် နည်းမျိုးစုံဖြင့်ဆောင်ရွက်နေကြောင်း၊ သို့သော် နိုင်ငံတကာအဖွဲ့အစည်းများသည် သတိပေးစာများထုတ်ခြင်းမှလွဲ၍ အရေးယူမှုများပျက်ကွက်နေပြီး ထိုသို့ပျက်ကွက်နေခြင်းများသည် စစ်ကောင်စီအား အကျဉ်းသားများအပေါ်ပြုမူချင်တိုင်းပြုမူရန် လိုင်စင်ချထားပေးသလိုဖြစ်နေကြောင်းနှင့် အမျိုးသားညီညွတ်ရေးအစိုးရနှင့်အတူ ၎င်း၏လူ့အခွင့်အရေးဆိုင်ရာဝန်ကြီးဌာနအနေဖြင့်လည်း အဆိုပါကိစ္စရပ်များအတွက် များစွာတာဝန်ရှိကြောင်း ဦးထွန်းကြည်မှပြောသည်။

စာတည်း - သန့်ဇော်(သန်လျင်)

#mizzima
#နိုင်ငံရေးအကျဉ်းသား
#AAPP
#ပဲခူးခရိုင်
#ဗကသဒုဥက္ကဋ္ဌ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Mizzima Weekly Sports အစီအစဉ်
=============

တပတ်အတွင်း အားကစားလောကရဲ့ထူးခြားတဲ့ သတင်းအကြောင်းအရာတွေကို ပရိသတ်တွေအတွက် စုစည်းတင်ဆက်ပေးသွားမယ့် Mizzima ရဲ့ Weekly Sports အစီအစဉ် ဖြစ်ပါတယ်။

ဒီတစ်ပတ်မှာတော့ .....

- ဂျာမနီ အားကစားဝတ်စုံ အမှတ်တံဆိပ် Jako မြန်မာနိုင်ငံမှ ထွက်ခွာမည်

- Anthony Joshua နဲ့ Dillian Whyte တို့ သြဂုတ်လမှာ ပြန်လည်ဆုံတွေ့မယ့် ဟဲဗီးဝိတ်မကျေပွဲ

- ဆွစ်ဇာလန်ကွင်းလယ်လူ Granit Xhaka အာဆင်နယ်အသင်းမှ ထွက်ခွာ

- FIFA ရဲ့ စမ်းသပ်မှုကို အောင်မြင်ခဲ့တဲ့ ဗီယက်နမ် VAR ဒိုင်လူကြီး ၁၈ ဦး စတဲ့အကြောင်းအရာတွေအပါအဝင် စိတ်ဝင်စားဖွယ် အားကစားသတင်းတွေကို တင်ဆက်ပေးမှာပါ။

https://youtu.be/ZNLBWd2qnX4

#weeklysports
#mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကျိုက်ထီးရိုးတောင်တက်ကားလမ်းတံတား မိုင်းခွဲဖျက်ဆီးခံရ
==================

YT
(မဇ္ဈိမ)။ ။ မွန်ပြည်နယ်၊ ကျိုက်ထိုမြို့နယ်၊ကျိုက်ထီးရိုးဘုရား တောင်တက်ကားလမ်းပေါ်ရှိ တံတားတစ်စင်းအား ဇူလိုင်လ ၆ ရက် ညနေ ၃ နာရီအချိန်တွင် တပ်မဟာ (၁) KNLA၊ PDF ပူးပေါင်းတပ်ဖွဲ့က မိုင်းခွဲဖျက်ဆီးခဲ့ကြောင်း သတင်းရရှိသည်။

“ကျိုက်ထီးရိုး ရင်ပြင်တော်ပေါ်မှာ ရှိနေတဲ့တပ်တွေကို လက်နက်ခဲယမ်းတွေ၊ လူ၊ တပ်အင်အားတွေ ပို့ဆောင် ထောက်ပို့လုပ်နေတဲ့လမ်းပါ။ လက်နက်ကြီး၊ လက်နက်ငယ် အကုန်လုံး၊ ခဲယမ်းသယ်ဆောင်တဲ့နေရာမှာ ထောက်ပို့လုပ်နေလို့ ဒီတံတားကို ဖျက်ဆီးရခြင်းဖြစ်ပါတယ်" ဟု သထုံခရိုင် PDF တာဝန်ခံ ကိုအေးမင်းထွန်းက မဇ္ဈိမကိုပြောသည်။

လက်ရှိ မိုးရာသီကာလဖြစ်၍ ဘုရားဖူးပြည်သူများ အသွားအလာမရှိချိန်တွင် ထိုသို့ ပြုလုပ်ရခြင်းဖြစ်သည်ဟု ၎င်းကဆိုသည်။
ကျိုက်ထီးရိုးဘုရား ရင်ပြင်တော်၊ ရသေ့တောင်၊ ကျီးကန်းပါးစပ်၊ ကျောက်ထပ်ကြီးတို့ရှိ စစ်ကောင်စီတပ်ဖွဲ့ အထိုင်ချ စခန်းများပေါ် စစ်ရိက္ခာ၊ အင်အား ပို့ဆောင်ရန် အသုံးပြုနေသည်ဟုဆိုကာ ကျိုက်ထီးရိုးတောင်တက်ကားလမ်းပေါ် ( ၁၀ မိနစ် ကားရပ်နားစခန်းအနီး) ရှိ လေးဖာလုံတံတားအား တပ်မဟာ (၁) KNLA၊ PDF ပူးပေါင်းတပ်ဖွဲ့က မိုင်းခွဲဖျက်ဆီးခဲ့ခြင်း ဖြစ်သည်ဟု သိရသည်။

မိုင်းခွဲဖျက်ဆီးခံရမှုကြောင့် အရှည် ၇၀ ပေ၊ အကျယ် ၁၄ ပေ ရှိသော လေးဖာလုံတံတား၏ အလယ်တွင် အပေါက်ဖြစ်သွားခဲ့ပြီး ကားသွားလာရန် အခက်အခဲဖြစ်သွားရကြောင်း သိရသည်။
ကျိုက်ထီးရိုးတောင်နှင့် အနီးတစ်ဝိုက်ရှိ အဆိုပါ စစ်ကောင်စီတပ်ဖွဲ့ အထိုင်ချစခန်းများသည် ကရင်အမျိုးသားအစည်းအရုံး (KNU) တပ်မဟာ (၁) တပ်ရင်း (၃) နယ်မြေအတွင်းသို့ စစ်ကြောင်းထိုးခြင်း၊ လက်နက်ကြီးများဖြင့် ပစ်ခတ်ခြင်းတို့ကို မကြာခဏ လုပ်ဆောင်လေ့ရှိကြောင်း သိရသည်။

ကျိုက်ထီးရိုးတောင်၏ တောင်စဖွင့်ချိန်သည် သီတင်းကျွတ်လပြည့်နေ့ဖြစ်ပြီး ကဆုန်လအထိအဖြစ်ပြီး ယခုကာလသည် မိုးတွင်းကာလဖြစ်သဖြင့် ကျိုက်ထီးရိုးတောင်သို့ လာရောက်သော ဘုရားဖူးအရေအတွက်သည် မရှိသလောက် နည်းပါးကြောင်းလည်း ကျိုက်ထီးရိုးတောင်ပေါ်တွင် ဈေးရောင်းသူတစ်ဦးထံက သိရသည်။
"ဒီအချိန်က တောင်ပိတ်ချိန်လို့ခေါ်ပါတယ်။ ဘုရားဖူးမရှိဘူးလေ။ ရှိရင်တောင် အနည်းအကျဉ်းပဲ" ဟု ကျိုက်ထီးရိုးတောင်ပေါ်တွင် ဈေးရောင်းသူတစ်ဦးက မဇ္ဈိမကိုပြောသည်။

ပြီးခဲ့သည့် မေလ ၁၆ ရက်နေ့ကလည်း ကျိုက်ထိုမြို့နယ်၊ ကျိုက်ထီးရိုးတောင်ဘေး၊ ရသေ့တောင်တွင် အမြောက်များဖြင့် အထိုင်ချထားသော စစ်ကောင်စီတပ်က KNU တပ်မဟာ (၁) တပ်ရင်း (၃) နယ်မြေအတွင်းရှိ ချောင်းစောက်ရွာသစ်ကျေးရွာအတွင်းသို့ လက်နက်ကြီးများဖြင့် ပစ်ခတ်ခဲ့ရာ ချောင်းစောက်ကျေးရွာအနီးအနားတွင် ကျရောက်ပေါက်ကွဲမှုများ ရှိခဲ့ကြောင်း သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#မွန်ပြည်နယ်
#ကျိုက်ထိုမြို့နယ်
#ကျိုက်ထီးရိုး
#စစ်ကောင်စီတပ်
#မိုင်းခွဲတိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အမေရိကန် သမ္မတလောင်းများ ထဲမှ Bitcoin ကို အားပေးထောက်ခံနေသူ ၄ ဦး
===================

၂၀၂၄ ခုနှစ်အမေရိကန် သမ္မတ ရွေးကောက်ပွဲဟာ လိုနေသေးသော်လည်း ယခုအချိန်တွင် သမ္မတလောင်းများရဲ့ယှဥ်ပြိုင်မှုများ ဟာ အရှိန်မြှင့်တက်နေပြီဖြစ်ပါတယ်။

အမေရိကန်သမ္မတဟောင်း Donald Trump ဟာလည်း သမ္မတ ရွေးကောက်ပွဲမှာ ပြန်လည်ယှဥ်ပြိုင်ဖို့စည်းရုံးမှုတွေ စတင်နေပြီး ၂၀၂၀ ရွေးကောက်ပွဲမှာသူ့ကို အနိုင်ရရှိသွားတဲ့ Joe Biden ကို ဖယ်ရှားပစ်မယ်လို့ ပြောဆိုနေပါတယ်။

အမေရိကန်နိုင်ငံ တွင် Bitcoin အပေါ်အမြင်အမျိုးမျိုးဖြင့် အငြင်းပွားမှုများ ရှိနေချိန်တွင် စိတ်၀င်စားဖို့ ကောင်းတာ တစ်ခုကတော့ သမ္မတလောင်းတွေထဲက ၄ ယောက်ဟာ Bitcoin ကို ထောက်ခံအားပေးပြီး Bitcoin ဟာ နိုင်ငံတကာလူ့အခွင့်အရေးများ တွင်လည်း ကူညီနေတာကို လက်ခံထားကြသူများဖြစ်ပါတယ်။
သမ္မတလောင်း ၄ ဦးကတော့ Robert Kennedy Jr, Vivek Ramaswamy, Ron Desantis နှင့် Francis Suarez တို့ပဲဖြစ်ပါတယ်။

ပထမဆုံးတစ်ဦးကတော့ Robert F. Kennedy Jr. ဖြစ်ပြီး Harvard တကသိုလ် ဥပဒေပညာဖြင့်ဘွဲ့ရထားပြီး အသက် ၆၉ နှစ်​ရှိပြီဖြစ်ပါတယ်။​

Robert F. Kennedy Jr. သည် အမေရိကန် အထက်လွှတ်တော်အမတ်ဟောင်း Robert F. Kennedy ၏သားဖြစ်ပြီး ရှေ့နေနှင့် သဘာဝပတ်ဝန်းကျင်အရေးကိစ္စ များတွင်လည်း တက်ကြွလှုပ်ရှားသူဖြစ်သည်။ သူသည် Bitcoin ကို "ဒီမိုကရေစီနှင့်လွတ်လပ်မှု၏သင်္ကေတ" ဟုခေါ်ဆိုခဲ့သည်။ Kennedy သည် ၎င်း၏ ရွေးကောက်ပွဲ campaign အတွက် လှူဒါန်းမှုများကိုလည်း Bitcoin လက်ခံနေလျက်ရှိသည်။ အမေရိကန် သမ္မတလောင်း Robert F. Kennedy Jr. ဟာလည်း မြန်မာနိုင်ငံ ရဲ့လွတ်လပ်ရေးကြိုးပမ်းမှုတွင် Bitcoin သည်အရေးကြီးသော အခန်းကဏတစ်ခု ကနေပါ၀င်ကြောင်း Twitter မှာ ထုတ်ဖော် ပြောကြားဖူးပါတယ်။

ဒုတိယတစ်ဦးကတော့ Vivek Ramaswamy ဖြစ်ပြီး Yale တက္ကသိုလ် ဥပဒေပညာဖြင့်ဘွဲ့ရထားပြီး
အသက် ၃၇ နှစ်ပဲ ရှိပါသေးတယ်။ Vivek Ramaswamy သည် ယခင်က ဆေးဝါးဆိုင်ရာ စွန့်ဦးတီထွင်သူ တစ်ဦးဖြစ်ပြီး ယခုအခါ နိုင်ငံရေးဝေဖန်သုံးသပ်သူနှင့် စာရေးဆရာတစ်ဦးလည်းဖြစ်ပါတယ်။ ၎င်းသည် သမာရိုးကျ fiat ငွေကြေးများထက် Bitcoin ဟာ ပိုမိုလုံခြုံပြီးစိတ်ချရသော ငွေကြေးပုံစံဖြစ်ကြောင်း Bitcoin ၏ အဆိုကို ထောက်ခံထားသူတစ်ဦးလည်းဖြစ်သည်။

တတိယမြောက်တစ်ဦးကတော့ Ron DeSantis ဖြစ်ပြီးတော့ အသက် ၄၄ နှစ်ရှိပြိဖြစ်ပြီး ၄င်းဟာလည်း Yale တက္ကသိုလ်ကနေပြီးတော့ ဥပဒေပညာနဲ့ ဘွဲ့ရထားသူတစ်ဦးပဲဖြစ်ပါတယ်။ Ron DeSantis သည် လက်ရှိ ဖလော်ရီဒါ ပြည်နယ် အုပ်ချုပ်ရေးမှူး ဖြစ်ပြီး ၄င်းသည် Bitcoin ကိုအားပေးထောက်ခံ သူလည်းဖြစ်ပြီး “Bitcoin ဟာကမ္ဘာကြီးကိုပြောင်းလဲစေပြီးအနှောင့်အယှက်ပေးသောအလားအလာရှိသောအချက်ကို ငြင်းခုံခဲ့သူတစ်ဦးလည်းဖြစ်သည်။
နေ
ာက်ဆုံးတစ်ဦးကတော့ Francis Suarez ဖြစ်ပြီးFlorida International University College of Law ကနေကျောင်းပြီးထားသူတစ်ဦးလည်းဖြစ်ပြီး အသက် ၄၅ နှစ်ရှိပါပြီ။ Francis Suarez သည် မိုင်ယာမီ၏ လက်ရှိမြို့တော်ဝန်ဖြစ်ပါတယ်။ သူဟာ Bitcoin ကိုခိုင်မာစွာထောက်ခံသူဖြစ်ပြီး Miami ကို ပင် “Bitcoin City” ဖြစ်စေခဲ့သည်။ Bitcoin သည် စီးပွားရေးကို မြှင့်တင်ရန် အလားအလာရှိသည့် "အသွင်ပြောင်းနည်းပညာ" ဖြစ်သည်ဟု ဆွာရက်ဇ်က ပြောဆိုထားတယ်။

သူတို့ဟာ Bitcoin က အမျိုးသား လုံခြုံရေး (National Security) ကိုမြှင့်တင်ရန်၊ Dollar ကို ပိုမိုခိုင်မာစေရန်၊ နိုင်ငံတကာ လူ့အခွင့်အရေးကို ကာကွယ်ရန် အရေးကြီးကြောင်းလိုအပ်ကြောင်း
လက်ခံထားကြသူများလည်းဖြစ်ပါတယ်။

အသက် ၇၇ နှစ် အရွယ်ရှိ သမ္မတဟောင်း ဒေါ်နယ်ထရန့် နဲ့ အသက် ၈၀ အရွယ်ရှိ လက်ရှိသမ္မတ ဂျိုးဘိုင်ဒင်တို့ကတော့ Bitcoin နည်းပညာနဲ့ ပက်သက်ပြီး ယခုအချိန်ထိ ထုတ်ဖော်ပြောဆိုခြင်း မရှိတာကို တွေ့ရပါတယ်။

လူငယ် အမေရိကန် သမ္မတလောင်းများရဲ့ အားပေးထောက်ခံမှုဟာ Bitcoin အတွက် အပြုသဘောဆောင်သော ဖွံ့ဖြိုးတိုးတက်မှုတစ်ခုဖြစ်ပြီး Bitcoin ကိုတရားဝင်ဖြစ်စေရန် နှင့် ၎င်းကို နိုင်ငံတကာမှာ Digital Gold (ဒစ်ဂျစ်ရွှေ) ကဲ့သို့ တန်ဖိုး ရှိသော အရာ တစ်ခု အဖြစ် မကြာတော့တဲ့ ကာလတွေမှာ ဖြစ်လာနိုင်မှာလား စိတ်ဝင်စားဖို့ ကောင်းပါတယ်။

(ယခု Bitcoin Myanmar Initiative Page မှ ကျွန်တော်တို့ ခေတ်ရဲ့ လွဲမှားနေတဲ့ စနစ်၊ Bitcoin နှင့် တခြားသော နည်းပညာများ အကြောင်းကို မျှဝေသွားမည် ဖြစ်သည်။ မျှဝေချက်များမှာ ပညာရေး အတွက်သာ ရည်ရွယ်ချက်ခြင်း ဖြစ်ပြီး ရင်းနှီးမြှုပ်နှံ့မှု တိုက်တွန်းချက်မပါဝင်ပါ။)
‌
Telegram တွင် စောင့်ဖတ်ရန် → [
https://t.me/BitcoinMyanmarEDU
](
https://t.me/BitcoinMyanmarEDU
"smartCard-inline")
website link >>>
http://www.mizzimaburmese.com/article/130567

#https://www.facebook.com/Bitcoin.MM.Initiative?_rdc=1&_rdr