စစ်တွေမြို့နယ်ရှိ ရိုဟင်ဂျာ ဒုက္ခသည် စခန်းက မိုခါ ထူထောင်ရေး အခြေအနေတွေ
====================

မိုခါအလွန် ရခိုင်ဒေသ အခြေအနေတွေကို နားဆင်ကြရပါမယ်။
ဒီအပတ် နားဆင်ကြရမှာကတော့ “စစ်တွေမြို့နယ်ရှိ ရိုဟင်ဂျာ ဒုက္ခသည် စခန်းက မိုခါ ထူထောင်ရေး အခြေအနေတွေ”အကြောင်း ဖြစ်ပါတယ်။

https://youtu.be/cH_C9owmb-c

#postmocha
#Mizzima
#Rakhine
#Ep-2
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၁၃ ဇူလိုင် ၂၀၂၃)
==================

အမျိုးသားညီညွတ်ရေး အစိုးရ
•   နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပတ်သက်ပြီး ထိုင်းနိုင်ငံခြားရေး ဝန်ကြီး ဒွန်ပရာမွတ် ဝီနိုင်း၏ ပြောကြားချက်မှာ နိုင်ငံရေး လုပ်ကြံမှု တစ်ခုဖြစ်ကြောင်း အမျိုးသားညီညွတ်ရေးအစိုးရ (NUG) ၊ နိုင်ငံတော်သမ္မတရုံး ပြောရေးဆိုခွင့်ရှိသူ ဦးကျော်ဇော်က ပြောသည်။

•   စစ်ကိုင်းတိုင်း၊ ကလေးမြို့ပေါ်တွင် မူးယစ်ဆေးဝါး ရောင်းချသူ ၁ ဦးကို ကလေးမြို့နယ် ပြည်သူ့ ရဲတပ်ဖွဲ့က ဖမ်းဆီးလိုက်ကြောင်း NUG အစိုးရ၏ စစ်ကိုင်းတိုင်း ပြည်ထဲရေး နှင့် လူဝင်မှု ကြီးကြပ်ရေး ဝန်ကြီးဌာနက ထုတ်ပြန်ထားသည်။

•   အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေး နှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီး ဌာန၊ ပြည်ထောင်စု ဝန်ကြီး ဒေါက်တာ ဝင်းမြတ်အေးသည် အမေရိကန် ပြည်ထောင်စုသို့ ရောက်ရှိနေပြီး ဇူလိူင် ၁၁ ရက်တွင် ကယ်လီဖိုးနီးယား ပြည်နယ်မှ မြန်မာ မိသားစုများ နှင့် ရင်းရင်းနှီးနှီး တွေဆုံဆွေးနွေးခဲ့ကြောင်း သိရသည်။

•   အမျိုးသားညီညွတ်ရေးအစိုးရ၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ဒုဝန်ကြီး David Gum Awng က ပြီးခဲ့တဲ့ ဇွန်လအတွင်း အီတလီနိုင်ငံကို သွားရောက်ပြီး ပါးမားမြို့ နှင့် ရောမမြို့များတွင် မြို့တော်ဝန်၊ အစိုးရ တာဝန်ရှိသူများ လွှတ်တော်အမတ်များ အီတလီရောက် မြန်မာများ နှင့် တွေ့ဆုံခဲ့ပြီး လက်ရှိ မြန်မာနိုင်ငံ အခြေအနေ၊ တော်လှန်ရေး တိုးတက်အောင် မြင်မှုများ နှင့် အီတလီ-မြန်မာနှစ်နိုင်ငံ ပူးပေါင်းဆောင်ရွက်ရေး အစီအစဉ်များကို တွေ့ဆုံ ဆွေးနွေးခဲ့သည်ဟု အမျိုးသားညီညွတ်ရေးအစိုးရက ထုတ်ပြန်ထားသည်။

•   အမျိုးသားညီညွတ်ရေးအစိုးရ၊ ကြားကာလဒေသန္တရ ပြည်သူ့အုပ်ချုပ်ရေးဖော်ဆောင်မှု ဗဟို ကော်မတီနှင့် မန္တလေးတိုင်း၊ မကွေးတိုင်းမှ မြို့နယ်ပြည်သူ့အုပ်ချုပ်ရေး အဖွဲ့များ တွေ့ဆုံ ဆွေးနွေးပွဲကို ဇူလိုင် ၁၂ ရက်၊ မွန်းလွဲ ၁ နာရီခန့်တွင် ပြုလုပ်ခဲ့ကြသည်။

•   PDF အမည်အသုံးပြုပြီး စီးပွားရေးသမားများကို ခြိမ်းခြောက်ငွေတောင်းမှုများ ပြုလုပ် နေသည်ဟု ပခုက္ကူမြို့နယ် ပြည်သူ့ကာကွယ်ရေးအဖွဲ့(ပကဖ)က ဇူလိုင် ၁၁ ရက်က အသိပေး ထုတ်ပြန်လိုက်သည်။

​​အနောက်ဖိလစ်ပိုင်ပင်လယ်ဆိုင်ရာ အနုညာတစီရင်ဆုံးဖြတ်ချက်ကို ထောက်ခံကြောင်း ဥရောသမဂ္ဂအဖွဲ့ဝင် နိုင်ငံများ ထပ်မံအတည်ပြု
====================

ဖိလစ်ပိုင်နိုင်ငံရှိ ဥရောပသမဂ္ဂ ကိုယ်စားလှယ်အဖွဲ့နှင့် ဥရောပသမဂ္ဂ(EU) အဖွဲ့ဝင် ၂၇ နိုင်ငံအနက်မှ ၁၆ နိုင်ငံသည် ဇူလိုင် ၁၁ ရက်တွင် ပူးတွဲကြေညာချက်တစ်စောင် ထုတ်ပြန်ခဲ့ပြီး အနောက်ဖိလစ်ပိုင်ပင်လယ် ဆိုင်ရာ ဖိလစ်ပိုင်နိုင်ငံ၏ ရပိုင်ခွင့် အခွင့်အရေးများကို အသိအမှတ်ပြုသည့် အမြဲတမ်းခုံသမာဓိရုံး၏ ၂၀၁၆ စီရင်ဆုံးဖြတ်ချက်ကို ထောက်ခံကြောင်း ထပ်မံ အတည်ပြုလိုက်သည်။

တရုတ်က တစ်ဖက်သတ် သတ်မှတ်ထားသော ရေပိုင်နက်သတ်မှတ်မျဉ်း (nine-dash-line) ကို အသုံးပြု၍ ပိုင်နက်အငြင်းပွားတောင်းဆိုမှုအား ပယ်ချခဲ့သည့် အဆိုပါ စီရင်ဆုံးဖြတ်ချက်သည် ဇူလိုင်လ ၁၂ ရက်တွင် ၇ နှစ် ပြည့်မြောက်ခဲ့ပြီ ဖြစ်သည်။
 
ယင်းအမှုကို ဖိလစ်ပိုင်က ဘန်နစ်ဂ်နိုအကွီနို(၃) အစိုးရ လက်ထက် ၂၀၁၃ ခုနှစ်တွင် တရားစွဲဆိုခဲ့ခြင်း ဖြစ်ပြီး ရိုဒရီဂို ဒူတာတေး အစိုးရ လက်ထက် ၂၀၁၆ ခုနှစ်တွင် အဆိုပါ စီရင်ဆုံးဖြတ်ချက်ကို ချမှတ်ခဲ့ခြင်း ဖြစ်သည်။ ထိုစီရင်ဆုံးဖြတ်ချက်ကို အသိအမှတ်ပြု လက်ခံရန် တရုတ်က ငြင်းဆိုထားသည်။

​​ဒေါ်အောင်ဆန်းစုကြည်နှင့် ထိုင်းနိုင်ငံခြားရေးဝန်ကြီးတို့အား သီးသန့်တွေ့ဆုံခွင့်ပေးခဲ့ကြောင်း စစ်ကောင်စီပြော
===================

001
မဇ္စျိမ။ ။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်းတို့အား ဇူလိုင်လ ၉ ရက်နေ့က သီးသန့်တွေ့ဆုံခွင့်ပေးခဲ့ကြောင်း စစ်ကောင်စီပြောခွင့်ရဗိုလ်ချုပ်ဇော်မင်းထွန်းက စစ်ကောင်စီဝါဒဖြန့် မြဝတီရုပ်သံမှတဆင့် ယနေ့ ဇူလိုင် ၁၃ရက်​နေ့တွင် ပြောဆိုသည်။

“ တွေ့ဆုံချိန်ကတော့ တစ်နာရီခွဲနီးပါးလောက်ကြာမြင့်ပါတယ်။ နှစ်ယောက်ချင်းလွတ်လွတ်လပ်လပ်တွေ့ဆုံတာဖြစ်ပါတယ်။ လွတ်လွတ်လပ်လပ်တွေ့ဆုံတဲ့အတွက် ထိုင်းနိုင်ငံခြားရေးဝန်ကြီးအနေနဲ့လည်း သူဆွေးနွေးချင်တဲ့အချက်တွေကို လွတ်လွတ်လပ်လပ် ဆွေးနွေးခဲ့တာဖြစ်ပါတယ်။ နှစ်ယောက်ချင်းတွေ့ဆုံပြီးလွတ်လွတ်လပ်လပ်ဆွေးနွေးတာဖြစ်တဲ့အတွက် ဆွေးနွေးချက်တွေကိုတော့ ကျွန်တော်တို့အသေးစိတ်မသိရှိပါဘူး”ဟု ဗိုလ်ချုပ်​ဇော်မင်းထွန်းက ဆိုသည်။

ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်းအနေဖြင့် အာဆီယံနိုင်ငံခြားရေးဝန်ကြီးများအစည်းအဝေးမကျင်းပမီတွင် နေပြည်တော်သို့ တိတ်တဆိတ် လာရောက်ခဲ့ခြင်းဖြစ်သည်။
ထို့နောက် ဇူလိုင်လ ၁၁ ရက်နေ့တွင် ကျင်းပခဲ့သည့် အာဆီယံအစည်းအဝေးတွင် ထိုင်းနိုင်ငံခြားရေးဝန်ကြီးက ယင်းတွေ့ဆုံမှုကို ပြောဆိုခဲ့ခြင်းဖြစ်ကြောင်း ဂျပန်သတင်းဌာန ကျိုဒိုက ဖော်ပြခဲ့သည်။

ဒေါ်အောင်ဆန်းစုကြည်၏ ကျန်းမာရေးကောင်းမွန်ပြီး ၎င်းက တွေ့ဆုံဆွေးနွေးရေးကို အားပေးကြောင်း ထိုင်းနိုင်ငံခြားရေးဝန်ကြီးက ဇူလိုင်လ ၁၂ ရက်နေ့ အာဆီယံအစည်းအဝေးအပြီးတွင်လည်း သတင်းထောက်များကို ဖြေဆိုခဲ့ပြီး အသေးစိတ်ပြောဆိုခြင်း မရှိခဲ့ပေ။

လက်ရှိတွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေဖြင့် အမှုပေါင်း ၁၉ မှုဖြင့် စွပ်စွဲခံရပြီး ထောင်ဒဏ် ၃၃ နှစ်ချမှတ်ခံထားရကာ နေပြည်တော်အချုပ်ထောင်တွင် ထိန်းသိမ်းခံထားရသည်။

ဇူလိုင် ၉ ရက်နေ့က ထိုင်းနိုင်ငံခြားရေးဝန်ကြီးနှင့် ဒေါ်အောင်ဆန်းစုကြည်တို့ မည်သည့်နေရာတွင် တွေ့ဆုံခဲ့သည်ကိုမူ ထုတ်ပြန်ခြင်းမရှိပါ။
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

National Unity Government (NUG)၏ PVTV Channel မှ ၂၀၂၃ ခုနှစ် ဇူလိုင်လ ၁၃ ရက်ထုတ်လွှင့်မှုများ
================

https://youtu.be/RgdGUwJ1GuM

#PVTV
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ထိုင်း-မြန်မာနယ်စပ်ရှိ ဒေါနို့ကူးစစ်ရှောင်စခန်းဗုံးကြဲခံရပြီး သေဆုံးသူရှိ
====================

ဂျူချန်း
(မဇ္ဈိမ) ။ ။ ထိုင်း-မြန်မာနယ်စပ်အနီး မယ်စဲ့မြို့နယ်ရှိ ဒေါနို့ကူးစစ်ရှောင်စခန်း ဗုံးကြဲခံရပြီး အသက် ၃၀ နှစ်အရွယ် စစ်ရှောင်တစ်ဦးသေဆုံးခဲ့ကာ စစ်ရှောင်စာသင်ကျောင်းပါပျက်စီးခဲ့ရကြောင်း စစ်ရှောင်အရေးကူညီပေးနေသူအချို့ထံမှ သိရသည်။

ဒေါနူးခူ စစ်ဘေးရှောင်စခန်းကို စစ်ကောင်စီမှ ဇူလိုင်လ ၁၂ ရက်နေ့ နံနက်စောစော ၁ နာရီခန့်တွင် စစ်ကောင်စီတပ်မှ ဗုံးခြောက်ကြိမ်လာကြဲခဲ့ခြင်းဖြစ်သည်။

ဗုံးကြဲမှုကြောင့် အခြားစစ်ရှောင် ငါးဦး ပြင်းထန်ဒဏ်ရာများရရှိခဲ့သည့်အပြင် ပျက်စီးခဲ့ရသည့် ဆယ်သဲစစ်ရှောင်စာသင်ကျောင်းတွင် ကျောင်းသူ၊ ကျောင်းသား ၂၀၀ ခန့် ပညာသင်ကြားနေကြောင်း ဆိုသည်။

“ စာသင်ကျောင်းက တစ်ကျောင်းလုံးပျက်စီးသွားတယ်။ ပထမနှစ်၊ ဒုတိယနှစ် ထားထားတယ်၊ ကျောင်းသား ၂၀၀ ကျော်လောက်ရှိမယ်” ဟု စစ်ရှောင်အရေးကူညီပေးနေသည့် သတင်းရင်းမြစ်က ပြောသည်။

ဆယ်သဲစာသင်ကျောင်းတွင် တက္ကသိုလ်ဆက်မတက်ဖြစ်သည့် ကျောင်းသူ၊ ကျောင်းသားများအား အင်္ဂလိပ်စာ၊ ကရင်နီဘာသာ၊ လူမှုရေးသိပ္ပံ၊ စီမံခန့်ခွဲမှုဘာသာရပ်နှင့် ကွန်ပြူတာဘာသာရပ်များကို သင်ကြားပို့ချပေးလျက်ရှိကြောင်း သိရသည်။

အဆိုပါကျောင်းကို ၂၀၁၃ ခုနှစ် ဇွန်လတွင် ကရင်နီပြည်နယ်၊ ဒီးမော့ဆိုမြို့နယ်၌ စတင်တည်ထောင်ခဲ့ပြီး ကရင်နီပြည်အတွင်းဖြစ်ပွားနေသည့်တိုက်ပွဲများကြောင့် မယ်စဲ့ဘက်သို့ ပြောင်းရွှေ့ခဲ့သည်မှာ တစ်နှစ်ကျော်ခန့်ရှိပြီဟုဆိုသည်။

ယနေ့ ဇူလိုင်လ ၁၃ ရက်နေ့အထိ ကောက်ယူထားသည့်စာရင်းများအရ စစ်တပ်၏လေကြောင်းတိုက်ခိုက်မှုကြောင့် ထိုင်းဘက်သို့စစ်ရှောင်သူ ၃,၅၉၁ ဦးရှိရာ ထိုင်းအာဏာပိုင်များမှ ယာယီခိုလှုံခွင့်ပြုထားကြောင်း ကရင်နီဒုက္ခသည်ကော်မတီမှ သိရသည်။

စစ်ဘေးရှောင်သူများအနက် အသက် ခုနစ်လအောက် ကလေးငယ် ၁၀ ဦးပါဝင်ပြီး ငါးနှစ်အောက်ကလေးငယ် ၂၅၇ ဦး၊ ကိုယ်ဝန်ဆောင် ၂၀ ဦးနှင့် သက်ကြီးရွယ်အို ၁၆၈ ဦး ပါဝင်ကြောင်း သိရသည်။
“ ဒီရက် (ဇူလိုင် ၁၂ ရက်) မှာပဲ သွေးတိုးတာလား၊ စိတ်ထိခိုက်လို့လားမသိဘူး၊ တစ်ယောက်ထပ်ဆုံးသွားသေးတယ်၊ ထွက်ပြေးလာရင်းနဲ့ပေါ့။ တချို့ကတော့ ပြေးတုန်းပဲ ရှိသေးတယ်။ ရှုပ်ယှက်ခတ်နေတဲ့ ကာလမှာပဲ ရှိပါသေးတယ်” ဟု အရေးပေါ်ကယ်ဆယ်ရေး ဆက်စပ်ဆောင်ရွက်မှုအဖွဲ့ (CTER-Karenni) မှ တာဝန်ရှိသူတစ်ဦးက ပြောသည်။

ထိုင်းအာဏာပိုင်များဘက်မှ စစ်ရှောင်များကို ရေရှည်ပေးနေရန်မရှိသော်လည်း လတ်တလောတွင် တဲများထိုးကာ ရပ်ကွက်အလိုက်ပေးနေထားကြောင်းဆိုသည်။ သို့သော် စစ်ရှောင်များအသုံးပြုရန်အတွက် ရေအိမ်၊ သုံးရန်ရေကဲ့သို့ အခြေခံလိုအပ်ချက်များရရှိရန် ကျန်ရှိနေသေးကြောင်းသိရသည်။

လက်ရှိ စစ်ဘေးရှောင်များ စားသောက်ရန်အတွက် စခန်းကော်မတီနှင့် ရပ်ကွက်ကော်မတီမှ ပူးပေါင်းကာ စေတနာ့ဝန်ထမ်းများဖြင့် ချက်ပြုတ်ကျွေးမွေးထားသော်လည်း စစ်ဘေးရှောင်များအတွက် စားနပ်ရိက္ခာများ လိုအပ်နေဆဲဟုလည်း သိရသည်။

စာတည်း ။ ။ Alden
စာမူတည်းဖြတ်။ ။ သန့်ဇော်(သန်လျင်)

#ဒေါနို့ကူး
#စစ်ရှောင်စခန်း
#ဗုံးကြဲခံရ
#မယ်စဲ့
#ကရင်နီ
#ထိုင်းနယ်စပ်

ဓါတ်ပုံ- CTER-Karenni
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Death toll rises to 66 in India's monsoon mayhem
===================

https://youtu.be/GnsyLQTULZM

China says it does not recognise the South China Sea Arbitration
======================

https://youtu.be/t0HUxkV6bJ0

ဇူလိုင်လ (၁၄)ရက်၊ သောကြာနေ့ မနက်ပိုင်း မဇ္ဈိမ ရေဒီယို အစီအစဉ်
=============================

ဒီကနေ့ မနက်နားဆင်ရမယ့် သတင်းတွေကတော့

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပတ်သက်ပြီး ထိုင်းနိုင်ငံခြားရေးဝန်ကြီး ဒွန်ပရာ မွတ်ဝီနိုင်းရဲ့ ပြောကြားချက်ဟာ နိုင်ငံရေးလုပ်ကြံမှု တစ်ခုဖြစ်တယ်လို့ အမျိုးသား ညီညွတ်ရေး အစိုးရ ကပြောဆိုလိုက်တဲ့ သတင်းနဲ့အတူ တနင်္သာရီတိုင်း၊ ထားဝယ်မြို့နယ်က ဇဟာရွာအနီးမှာရှိတဲ့ ရေး-ထားဝယ် ပြည်ထောင်စုလမ်းမကြီးပေါ်မှာ စစ်ကားတစ်စီးပစ်ခတ်ခံရပြီး အရာရှိအပါဝင် ၃ ဦး သေဆုံးခဲ့တဲ့ သတင်း အပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။

အဲဒါပြီးရင်တော့ အစီအစဉ်သစ်တခုအဖြစ် “Post Mocha” ဆိုတဲ့ခေါင်းစဉ်နဲ့ မိုခါအလွန် ရခိုင်ဒေသအခြေအနေတွေအကြောင်းကို နားဆင်ရမှာပါ။

အဲ့ဒီနောက်မှာတော့ အပတ်စဉ်ကဏ္ဍအနေနဲ့ “ကျန်းမာသုတလူမှုဘဝ“ အစီအစဉ်ကို နားဆင်ရမှာဖြစ်ပါတယ်ခင်ဗျာ။

https://youtu.be/mXykOemkQIM

#Mizzimaradio
#Morningradio
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မဇ္ဈိမအတွက် ဗွီအိုအေ သတင်းလွှာ၊ ဇူလိုင်လ ၁၄ ရက်၊ ၂၀၂၃ | VOA On Mizzima
======================

ထိုင်းနိုင်ငံရေး နောက်ဆုံးအခြေအနေ သုံးသပ်ချက်နဲ့ ယူကရိန်းစစ်က လွတ်မြောက်လာတဲ့ ကလေးတွေရဲ့ဘဝအကြောင်း၊ ဒီလို စိတ်ဝင်စားစရာ ဆောင်းပါးတွေအပြင် နောက်ဆုံးရ ငွေလဲနှုန်း၊ ရွှေဈေးနဲ့ စက်သုံးဆီဈေးတွေကိုလည်း ၂၀၂၃ ခုနှစ်၊ ဇူလိုင်လ ၁၄ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/gWaqvFEpwFw

#VOA
#mizzimatv

-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U