မြန်မာစစ်ကောင်စီထံ တရုတ်လက်နက်ရောင်းချကြောင်း ကုလအစီရင်ခံစာကို အမေရိကန် ထောက်ခံ
================

မြန်မာနိုင်ငံမှာ စစ်တပ်ကို ဆန့်ကျင်ကန့်ကွက်တဲ့ အင်အားစုတွေနဲ့ အရပ်သားပြည်သူတွေကို တိုက်ခိုက် နှိမ်နင်းဖို့ အာဏာသိမ်းပြီးနောက်ပိုင်း တရုတ်နိုင်ငံက စစ်လက်နက်နဲ့ စစ်ပစ္စည်းတွေ ဒေါ်လာသန်းနဲ့ချီ ဝယ်ယူခဲ့တယ်ဆိုတဲ့ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Tom Andrews ရဲ့ အစီရင်ခံစာကို အခိုင်အမာ ထောက်ခံတဲ့အကြောင်း အမေရိကန်ပြည်ထောင်စုက ပြောဆိုလိုက်ပါတယ်။ 
၂၀၂၁ ခုနှစ် အာဏာသိမ်းမှုနောက်ပိုင်း တော်လှန်ရေးတပ်ဖွဲ့တွေကို ဖိနှိပ်ရာမှာ အသုံးပြုခဲ့တဲ့ စစ်လက် နက်တွေကို တရုတ်နိုင်ငံက မြန်မာစစ်တပ်ထံ တင်ပို့ခဲ့တယ်ဆိုတဲ့ တွေ့ရှိချက်တွေကို တရုတ်နိုင်ငံက ပယ်ချခဲ့ပေမယ့် ဒီအစီရင်ခံစာကို အမေရိကန်နိုင်ငံက ထောက်ခံကြောင်း နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူတစ်ဦးက ပြောပါတယ်။
ကုလသမဂ္ဂ လူ့အခွင့်အရေးဆိုင်ရာ အထူးအစီရင်ခံစာတင်ပြသူဟာ သူရဲ့ လုပ်ပိုင်ခွင့်အာဏာကိုကျော် လွန်ခဲ့တယ် လို့ တရုတ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်က ဇူလိုင် ၁၈ သတင်းစာရှင်းလင်းပွဲမှာပြောကြားခဲ့တာဖြစ်ပါတယ်။
အထူးအစီရင်ခံစာတင်ပြသူအနေနဲ့ သူ့ရဲ့လုပ်ပိုင်ခွင့်အာဏာကိုမကျော် လွန်ဖို့ ကျွန်မတို့ သူ့ကို ပြောထားပါတယ် လို့ မော်နင်က ဆိုပါတယ်။
မြန်မာစစ်တပ်ဟာ အာဏာသိမ်းပြီးတဲ့ အချိန်ကစလို့ အမေရိကန်ဒေါ်လာ သန်း ၁၀၀၀ ဖိုး စစ်လက်နက်နဲ့ ဆက်စပ် ကုန်ကြမ်းပစ္စည်းတွေကို ရုရှားနဲ့ တရုတ် အပါအဝင် နိုင်ငံတချို့ ဆီကနေ တင်သွင်းခဲ့တယ်လို့ လူ့အခွင့်အရေး အထူးကိုယ်စားလှယ် Tom Andrews က ပြောပါတယ်။
ဒေါ်လာဘီလီယံချီတန် သေမန်းတမန် လက်နက်ကုန်သွယ်မှု၊ မြန်မာနိုင်ငံမှာ လူ့အခွင့်အရေး ချိုးဖောက် မှုတွေကို အားပေးနေတဲ့ နိုင်ငံတကာ လက်နက်ကွန်ရက် လို့ အမည်ပေးထားတဲ့ မေလအတွင်းကထုတ်ပြန်ခဲ့တဲ့ အဆိုပါ အစီရင်ခံစာအရ ရုရှားက အမေရိကန်ဒေါ်လာ ၄၀၆ သန်းနဲ့ အများဆုံး ရောင်းချထားပြီး တရုတ်က ၂၆၇ သန်းနဲ့ ဒုတိယအများဆုံး ရောင်းချခဲ့ကာ စင်္ကာပူက ၂၅၄ သန်း၊ အိန္ဒိယက ၅၁ သန်းနဲ့ ထိုင်းက ၂၈ သန်း ရောင်းချထားကြောင်း ဖော်ပြထားပါတယ်။
Tom Andrews ကတော့ တရုတ်နိုင်ငံက တင်ပို့ခဲ့တဲ့ လက်နက်တွေထဲမှာ အဆင့်မြင့် သံချပ်ကာကားနဲ့ တိုက်ခိုက်ရေးဂျက်လေယာဉ်တွေအပြင် စစ်လက်နက် ထုတ်လုပ်ရေးသုံး အလူမီနီယံ၊ ကြေး၊ ရာဘာ စတဲ့ ဆက်စပ်ပစ္စည်းတွေလည်း ပါဝင်တဲ့အကြောင်းပြောဆိုထားပါတယ်။
အမေရိကန်အစိုးရကတော့ မြန်မာစစ်တပ်ရဲ့ ဝင်ငွေ အရင်းအမြစ်တွေကို ပိတ်တာ၊ တဦးချင်း အရေးယူတာတွေ လုပ်ဆောင်နေတာဖြစ်ပြီး ဇွန်လ ၂၁ ရက်နေ့ကပဲ စစ်တပ် ထိန်းချုပ်ထားတဲ့ ပြည်တွင်းက MFTB နဲ့ MICB တို့ကို အမေရိကန်အစိုးရက ပိတ်ဆို့ အရေးယူခဲ့တာဖြစ်ပါတယ်။ 

https://youtu.be/WwTt18Gsojw

#Political News
#MizzimaTV
------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ချောက်မြို့ရှိ မြန်မာ့စီးပွာရေးဘဏ် ကင်းဂိတ်စခန်း တိုက်ခိုက်ခံရ
====================

MTO

(မဇ္ဈိမ) ။  ။ မကွေးတိုင်း၊ ချောက်မြို့နယ်ရှိ မြန်မာ့စီးပွားရေးဘဏ် ကင်းဂိတ်စခန်းကို ဇူလိုင်လ ၂၆ ရက်၊ ည ၈ နာရီ ၁၅ မိနစ်ခန့်တွင် လက်ပစ်ဗုံးနှစ်လုံးဖြင့် ပစ်ခတ်တိုက်ခိုက်ခဲ့ကြောင်း Chauk Guerrilla Force မှ ထုတ်ပြန်သည်။

လက်ပစ်ဗုံးနှစ်လုံး ပစ်သွင်းတိုက်ခိုက်ခဲ့သော်လည်း တစ်လုံးသာပေါက်ကွဲခဲ့ပြီး တစ်ဦးထိမှန်လဲကျသွားသည်ကို မြင်တွေခဲ့ကြောင်းလည်း ယင်းအဖွဲ့ကဆိုသည်။

 “စစ်သားတွေနေတဲ့ တဲအတွင်းသို့ကျရောက်ပေါက်ကွဲတာကြောင့် ထိခိုက်ဒဏ်ရာများနိုင်ပါတယ်၊ တစ်ဦးနေရာတွင် လဲကျသွားတာ ကိုယ်မျက်မြင်တွေ့ရှိရပြီး သေမသေတော့ အတိအကျ မသိရသေးဘူး“ ဟု Chauk Guerrilla Force မှတာဝန်ရှိသူတစ်ဦးက ပြောသည်။

တိုက်ခိုက်ခံရသည့် စစ်ကောင်စီတပ်ဖွဲ့သည် ပြန်လည်ပစ်ခတ်ခြင်းမရှိခဲ့သော်လည်း ပစ်ခတ်မှုဖြစ်ပြီးနောက် မြို့ အဝင်၊ အထွက်များကို ပိတ်ဆို့စစ်ဆေးနေကြာင်း သိရသည်။

စစ်ကောင်စီတပ်ဖွဲ့သည် ချောက်မြို့ပေါ် ဂိတ်များဖွင့်လှစ်၍ ပြည်သူများကိုစစ်ဆေးခြင်း၊ ရိုက်နှက် ခြင်းများပြုလုပ်နေပြီး မတရားဖမ်းဆီး ငွေတောင်းခံခြင်းများလည်းရှိနေကြောင်း Chauk Guerrilla Force အဖွဲ့ မှ တာဝန်ရှိသူက ပြောသည်။

 “အပြစ်မဲ့ ပြည်သူတွေကို မတရားဖမ်းစီးတာတွေ အကြောင်းမဲ့ ရိုက်နှက်တာတွေ သူတို့ချထားတဲ့ဂိတ်တွေရှေ့ ဆိုင်ကယ်မောင်းမိတာတွေဆိုရင် ထိုင်ထတွေ၊ ရိုက်နှက်တာတွေလုပ်တယ်လို့ သိရပါတယ်” ဟု ၎င်းကဆိုသည်။

တရားမဝင်စစ်ကောင်စီမှ ၎င်းတို့လုပ်ပိုင်ခွင့်မရှိသော ကျပ် ၂၀,၀၀၀ တန် ငွေစက္ကူထုတ်ဝေမှုသည် ပြည်သူများကိုပိုမိုဒုက္ခရောက်စေပြီး ငွေကြေးဖောင်းပွမှုကိုဖြစ်စေသောကြောင့် တိုက်ခိုက်ရခြင်းဖြစ်ကြောင်း Chauk Guerrilla Force ၏ ထုတ်ပြန်ချက်တွင် ဖော်ပြထားသည်။

ယခုတိုက်ခိုက်မှုကို Chauk Guerrilla Force ၊ ချောက် (ပ.က.ဖ) နှင့် Burma Revolution Rangers အဖွဲ့ တို့က ပူးပေါင်းဆောင်ရွက်ခဲ့ခြင်းဖြစ်ကြောင်း Chauk Guerrilla Force က ထုတ်ပြန်ထားသည်။

စာတည်း ။ ။ Alden
စာမူတည်းဖြတ်။  ။သန့်ဇော်(သန်လျင်)

#ချောက်မြို့နယ်
#မြန်မာ့စီးပွားရေးဘဏ်
#လက်ပစ်ဗုံး
#ChaukGuerrillaForce
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​27.7.2023 (Thursday) တွင် ထုတ်လွှင့်တင်ဆက်ပြသမည့် အစီအစဉ်

✅Highlight ✅

👉Korea Movie - Too hot to die (မနက်- ၁၀ နာရီ) 

👉 ပန်ချရက် ( ညနေ- ၆ နာရီ) 

👉 ကြယ်ပွင့်လေးရဲ့ သက်သေ (ညနေ - ၇ နာရီ) 

➡️Mizzima+ channel တွင် ပြသနေ့သည့် အချိန်မှာပဲ Mizzima App တွင်လည်း Live Stream တိုက်ရိုက်ကြည့်ရှုနိုင်ပါသည်။ #mizzimatv #dailyschedule

ရုရှားကာကွယ်ရေးဝန်ကြီးနဲ့ကိုယ်စားလှယ်အဖွဲ့ကို မြောက်ကိုရီးယားက လှိုက်လှဲစွာကြိုဆို
=============

https://youtu.be/JCplP1SyHbI

#International
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ကောင်စီတပ်က ညောင်ပင်သာရွာအတွင်း တပ်စွဲနေ၍ ဒေသခံ ၁,၅၀၀ ကျော် စစ်ရှောင်နေရ
==============

လွှမ်းမိုး

(မဇ္ဈိမ) ။ ။ စစ်ကိုင်းတိုင်း၊ မုံရွာမြို့နယ်၊ တောင်ဘက်ခြမ်းရှိ ညောင်ပင်သာကျေးရွာကို စစ်ကောင်စီတပ်က ဇူလိုင်လ ၂၆ ရက်နေ့မှစတင်ကာ တပ်စွဲနေခြင်းကြောင်း ဒေသခံ ၁,၅၀၀ ကျော် နေရပ်စွန့်ခွာထွက်ပြေးနေရကြောင်း ကာယကံရှင်များက ပြောသည်။

“ ရွာကိုတပ်စွဲနေတာ ဒီနေ့ရောဆို နှစ်ရက်ရှိပြီ ဖြစ်ပါတယ်။ ကျမတို့ဘက်က ဟင်းချက်စရာ ဟင်းသီး၊ ဟင်းရွက်ပေါပေမယ့် ဆန်နဲ့ ဆီတော့ မလုံလောက်ဘူးဖြစ်နေတာပေါ့။ တချို့က ဖြစ်သလိုလေး ချက်စားကြရတယ်။ တချို့ကိုတော့ နီးစပ်ရာကျေးရွာတွေက အဖွဲ့အစည်းတွေက ချက်ပြုတ်ကျွေးနေတာဖြစ်တယ်” ဟု လုံခြုံရေးအရအမည်မဖော်လိုသည့် စစ်ရှောင်တစ်ဦးက ဆိုသည်။

ညောင်ပင်သာကျေးရွာတွင် စစ်ကောင်စီတပ်က တပ်စွဲနေခြင်းကြောင့် ညောင်ပင်သာကျေးရွာအပါအဝင် လင်းပိုး၊ လင်းပင်ဝ၊ ထန်းလေးပင်၊ ဆူးလေကုန်း စသည့် ကျေးရွာများမှ ဒေသခံ ၁,၅၀၀ ကျော် နေရပ်စွန့်ခွာစစ်ရှောင်နေရခြင်းဖြစ်သည်။

အဆိုပါ စစ်ကောင်စီစစ်ကြောင်းသည် စစ်အင်အား ၆၀ ခန့်ဖြင့် အနောက်မြောက်တိုင်း စစ်ဌာနချုပ် (န.မ.ခ) မှထွက်ခွာလာပြီး ရွာစဉ်လှည့်လည် စစ်ကြောင်းထိုးနေကာ ယခုအခါ ညောင်ပင်သာ ကျေးရွာတွင် စခန်းချတပ်စွဲနေခြင်းဟု သိရသည်။

စစ်ကောင်စီတပ်သည် ညောင်ပင်သာကျေးရွာအတွင်း တပ်စွဲနေထိုင်သည်မှာ ပထမဆုံးအကြိမ် ဖြစ်သော်လည်း ဇွန်လ ၁၂ ရက်နေ့က ကျေးရွာအတွင်း ဝင်ရောက်စီးနင်းပြီး နေအိမ် လေးလုံးကို မီးရှို့ခဲ့ဖူးသည်။

စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်၊ နတ်လူထိပ္ပါန်ကျေးရွာအုပ်စု၌ တည်ရှိသည့် ညောင်ပင်သာကျေးရွာသည် အိမ်ခြေ ၇၀ ခန့်သာရှိသော ကျေးရွာဖြစ်ပြီး အသေးစိတ်အခြေအနေများကို မဇ္ဈိမက ဆက်လက်စုံစမ်းနေသည်။

စာတည်း ။ ။ Alden
စာမူတည်းဖြတ်။  ။သန့်ဇော်(သန်လျင်)

#ညောင်ပင်သာကျေးရွာ
#မုံရွာမြို့နယ်
#စစ်ရှောင်
#ဒေသခံ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အိန္ဒိယနိုင်ငံသို့ ဝင်ရောက်နိုင်သည့် မုန်တိုင်းငယ်ကြောင့် မြန်မာနိုင်ငံတွင် ထပ်မံမိုးကြီးနိုင်
================

ဂျူချန်း

(မဇ္ဈိမ)။ ။ အားကောင်းသည့် လေဖိအားနည်းရပ်ဝန်းသည် အိန္ဒိယနိုင်ငံ၊အင်ဒရာပရာဒေ့ရှ်ပြည်နယ်မြောက်ပိုင်း၊ ဩရိဿပြည်နယ် တောင်ပိုင်းကမ်းခြေကို ဖြတ်ကျော်ဝင်ရောက်နိုင်ကြောင်း မိုးဇလမှ ယနေ့ ဇူလိုင်လ ၂၇ ရက်နေ့တွင် ထုတ်ပြန်ထားသည်။

ထိုလေဖိအားနည်းရပ်ဝန်းအရှိန်ကြောင့် ယနေ့တွင် စစ်ကိုင်းတိုင်းအထက်ပိုင်း၊ ကချင်ပြည်နယ်နှင့် မွန်ပြည်နယ်တို့တွင် မိုးကြီးနိုင်ပြီး ကရင်ပြည်နယ်၊ ရှမ်းပြည်နယ်၊ ကရင်နီပြည်နယ်၊ တနင်္သာတိုင်း၊ မန္တလေးတိုင်း၊​ စစ်ကိုင်းတိုင်းဒေသ၊ မကွေးတိုင်း နှင့် နေပြည်တော်တို့တွင် မိုးရွာသွန်းနိုင်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာန မှ ဖော်ပြထားသည်။ 

ဇူလိုင်လ ၂၈ ရက်နေ့မှ စတင်ကာ မုတ်သုံမုန်တိုင်းငယ်သည် အန္ဒိယနိုင်ငံ ဩရိဿကမ်းခြေအနီးသို့ စတင်ဖြတ်ကျော်နိုင်ပြီး ရခိုင်ပြည်နယ်၊ ကရင်ပြည်နယ်၊ မွန်ပြည်နယ်၊ ရန်ကုန်တိုင်း၊ ပဲခူးတိုင်း၊ တနင်္သာရီတိုင်းတို့တွင် ဇူလိုင်လ ၃၀ ရက်နေ့အထိ ဆက်လက်မိုးကြီးနိုင်သဖြင့် ထိုဒေသများတွင် ရေဘေးအပြင် မြေပြိုခြင်း ဘေးအန္တရာယ်ကိုပါ အထူးသတိထားကြရန် အမျိုးသားညီညွတ်ရေးအစိုးရ လူသားချင်း စာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာန (NUG-MOHADM) မှ သတိပေးထားသည်။ 

ပြီးခဲ့သည့် ဇူလိုင်လ ၁၇ ရက်နေ့မှ ဇူလိုင်လ ၂၁ ရက်နေ့အထိ မွန်ပြည်နယ်အတွင်းရှိ မော်လမြိုင်၊ ပေါင်၊ ချောင်းဆုံ၊ ကျိုက်မရော၊ မုဒုံ၊ သံဖြူဇရပ်၊ ရေး စသည့် မြို့များတွင် မိုးသည်းထန်မှုကြောင့် ရေကြီးရေလျှံ ဖြစ်ပွားခဲ့ရာ အချို့နေရာတွင် အုတ်တံတိုင်းပြိုကျခြင်း၊ လမ်းတံတား မြေပြိုခြင်းနှင့် ရေနစ်သဖြင့် လူသေဆုံးသည်အထိ ဖြစ်ပွားခဲ့သည်။ 

လတ်တလောတွင် မိုးအနည်းငယ် လျော့နေပြီး အများအားဖြင့် ညပိုင်းတွင်သာ မိုးကြီးတတ်ရာ နေ့ပိုင်းတွင် နေသာလေ့ရှိကြောင်း မော်လမြိုင်၊ ပေါင်၊ မုဒုံနှင့် ရေးမြို့မှ ဒေသခံများက ပြောသည်။

“ညက မိုးကြီးတယ်။ ဒီနေ့တော့ နေသာနေတယ်။ အရင်ကလည်း ညဘက်တွေပဲ ရွာတာများတယ်။ ဟိုတလောကတုန်းကပဲ မိုးကြီးတာပါ” ဟု ရေးမြို့မှ ဒေသခံတစ်ဦးက မဇ္ဈိမ ကိုပြောသည်။

ဇူလိုင်လ နောက်ဆုံးအပတ်တွင် မုတ်သုံလေအားကောင်းမှုကြောင့် မိုးပိုနိုင်ပြီး ရှမ်းပြည်နယ်တောင်ပိုင်း၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းတို့တွင် မိုးများပြီး ရေကြီးရေလျှံခြင်းနှင့် မြေပြိုခြင်းများကို အထူးသတိထားကြရန် NUG-MOHADM မှ သတိပေးထားသည်။

စာတည်း - သန့်ဇော်(သန်လျင်)
ဓါတ်ပုံ-ဘိုဘိုဝင်း (ဇူလိုင် ၁၉ ရက်နေ့ မော်လမြိုင်မြို့)

#mizzima
#NUG
#MOHADM
#မုန်တိုင်းငယ်h

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇူလိုင်လ ၂၇ ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
============

-ရန်ကုန်တိုင်းအတွင်းရှိ စစ်ကောင်စီတပ်ရင်း၊ တပ်ဖွဲ့တွေမှာ မှတ်ပုံတင်အစား Smart Card ပြုလုပ်ပေး နေတဲ့သတင်း

- ဗြိတိန်နာမည်ကျော်ကုန်တိုက်က မြန်မာ့ကျောက်မျက်ရတနာ ရောင်းချမှု ရပ်ဆိုင်းတဲ့သတင်း

-ငွေကျပ်သိန်းပေါင်း ၉ ထောင်ကျော် ကိုယ်ကျိုးသုံးစွဲမှုနဲ့ စစ်ကောင်စီခန့်အုပ်ချုပ်ရေးမှူး ဖမ်းဆီးခံရတဲ့သတင်း

- နိုင်ငံခြားရေးဝန်ကြီးချင်းဂန်ကို ရာထူးကဘာကြောင့်ထုတ်ပယ်ခဲ့တာလဲဆိုတဲ့ မေးခွန်းတွေကို ဖြေကြားဖို့ တရုတ်ငြင်းဆန်တဲ့သတင်းအပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်ခင်ဗျာ။

https://youtu.be/mtr1S8-RLJ8

#2pmnews
#Mizzimanewshour
#MizzimaTV 
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဗြိတိန်နာမည်ကျော်ကုန်တိုက် မြန်မာ့ ကျောက်မျက်ရတနာ ရောင်းချမှု ရပ်ဆိုင်း
===============

ဗြိတိန်နိုင်ငံ လန်ဒန်အခြေစိုက် နာမည်ကျော်ကုန်တိုက်ကြီးတစ်ခုဖြစ်တဲ့ John Lewis Partnership ကုန်တိုက်က မြန်မာနိုင်ငံက ကျောက်မျက်ရတနာတွေကို ရောင်းချတာ ရပ်ဆိုင်းတော့မယ်လို့ ပြောလိုက်ပါတယ်။

ဗြိတိန်အခြေစိုက် ရတနာကုမ္ပဏီတွေအနေနဲ့ သူတို့ ရောင်းချနေတဲ့ ကျောက်မျက်ရတနာပစ္စည်းတွေဟာ မြန်မာ စစ်တပ်အတွက် ဝင်ငွေရှာပေးနေတဲ့ မြန်မာနိုင်ငံထွက် ကျောက်မျက်တွေမဟုတ်ကြောင်း သက်သေပြဖို့ မြန်မာ့ကျောက်မျက်ရတနာတွေကို ဝယ်ယူရောင်းချပြီး စစ်ကောင်စီကို ထောက်ပံ့သလို မဖြစ်စေဖို့ John Lewis ကုန်တိုက်အပါအဝင် ကုမ္ပဏီ ၄ဝ ကိုBurma Campaign UK အဖွဲ့က မေလ ၃ဝ ရက်နေ့က စာရေးသားတောင်းဆိုခဲ့တာပါ။

အဲ့ဒီနောက် ဇူလိုင်လ ၂၅ ရက်နေ့မှာတော့ John Lewis Partnership ကုန်တိုက်က အခုလို အကြောင်းပြန်ကြားလာတာဖြစ်ကြောင်း Burma Campaign UK အဖွဲ့က ဇူလိုင် ၂၆ ရက်နေ့က သတင်းထုတ်ပြန်ပါတယ်။

မြန်မာနိုင်ငံမှာ ဖြစ်နေတဲ့ ပဋိပက္ခတွေအတွက် စိုးရိမ်ပူပန်ကြောင်း၊ သူတို့ကုန်တိုက်အနေနဲ့ ကျောက်မျက်ရတနာ အနည်းအကျဉ်းကိုပဲ ဝယ်ယူခဲ့တာဖြစ်ပေမဲ့ စစ်ကောင်စီကို ထောက်ပံ့တဲ့ လမ်းကြောင်းထဲ ရောက်နေဆဲဖြစ်ကြောင်း" John Lewis Partnership ကုန်တိုက်က Burma Campaign UK အဖွဲ့ကို ပြန်ကြားတဲ့စာမှာ ဖော်ပြပါရှိပါတယ်။

အလားတူ တခြားကျောက်မျက်ကုမ္ပဏီတွေအနေနဲ့လည်း ကျောက်မျက်တွေ ဝယ်ယူရောင်းချပြီး မြန်မာစစ်တပ်က ကျူးလွန်တဲ့ လူ့အခွင့်အရေးချိုးဖောက်မှုတွေနဲ့ လက်နက်ဝယ်ယူရေးမှာ ကူညီပေးတဲ့ အရင်းအမြစ်မဖြစ်ကြစေဖို့ တောင်းဆိုတယ်လို့ Burma Campaign UK ကဆိုပါတယ်။
ဗြိတိန်အခြေစိုက် TJC ကျောက်မျက်ကုမ္ပဏီကလည်း မြန်မာ့ပတ္တမြားနဲ့ ကျောက်မျက်ရတနာတွေ ရောင်းချနေတာတွေကို ရပ်တန့်လိုက်ကြောင်း ဇွန်လထဲမှာ ပြောဆိုခဲ့ပါတယ်။

နှစ်စဉ် အမေရိကန်ဒေါ်လာ နှစ်ဘီလီယံ ဝင်ငွေရနေတဲ့ မြန်မာ့ကျောက်မျက်ရတနာလုပ်ငန်းကို ၂၀၂၁ ခုနှစ် အာဏာသိမ်းပြီးကတည်းက စစ်တပ်က ထိန်းချုပ်ထားတာဖြစ်ပါတယ်။

မြန်မာစစ်တပ်ဟာ တပ်ပိုင်ကုမ္ပဏီတွေ၊ နိုင်ငံပိုင်လုပ်ငန်းတွေ၊ အစိုးရဝန်ကြီးဌာနတွေအပြင် စစ်တပ်ခေါင်း ဆောင်တွေနဲ့ မိသားစုဝင်တွေပိုင်ဆိုင်တဲ့ ကုမ္ပဏီတွေကတစ်ဆင့် ကျောက်မျက်ရတနာ ရောင်းချမှုတွေကို တရားဝင်အပြင် တရားမဝင်တဲ့ နည်းလမ်းတွေနဲ့ပါ ထိန်းချုပ်ထားပြီး ကျောက်မျက်လုပ်ငန်းကနေ ပုံစံအမျိုးမျိုးနဲ့ ဝင်ငွေရနေတယ်လို့ Burma Campaign UK အဖွဲ့ရဲ့ မေလ ၃၀ ရက်ထုတ် ကြေညာချက်မှာ ဖော်ပြထားပါတယ်။

 မြန်မာစစ်တပ်ဟာ ဒီကျောက်မျက်လုပ်ငန်းကနေ ရတဲ့ဝင်ငွေတွေနဲ့ စစ်လက်နက်ပစ္စည်းတွေ ဝယ်ယူနေနိုင်ပြီး လူ့အခွင့်အရေး ချိုးဖောက်မှုတွေ ဆက်လက်ကျူးလွန်နေတာ ဖြစ်တယ်လို့လည်း ဆိုထားပါတယ်။

https://youtu.be/bUDc4qcwMpY

#Political News
#MizzimaTV
------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြင်းမူမြို့နယ်တွင် လမ်းပေါ်တက်ငွေတောင်းသည့်စစ်တပ် ပစ်ခတ်ခံရ ၂ ဦးသေဆုံး
==============

ပါခွီး

(မဇ္စျိမ) ။ ။စစ်ကိုင်းတိုင်း ၊မြင်းမူမြို့နယ် မြောင်လမ်းခွဲတွင် ခရီးသွားပြည်သူများကို စစ်ဆေးပြီးငွေတောင်းခံနေသည့် စစ်သားများကို ပစ်ခတ်တိုက်ခိုက်ခဲ့ရာ နှစ်ဦး သေဆုံးသွားကြောင်း Black Eagle Defence Force (MMU) က ဇူလိုင်လ ၂၇ရက် ယနေ့တွင်ထုတ်ပြန်သည်။

မြောင်လမ်းခွဲတွင် အထိုင်ချထားသည့် စခန်းမှ စစ်ကောင်စီတပ်သား ရှစ်ဦးခန့်သည် လမ်းပေါ်သို့ထွက်နေချိန် ဇူလိုင်လ ၂၅ရက် နေ့လယ် ၁နာရီအချိန်တွင် တိုက်ခိုက်ခဲ့ခြင်း ဖြစ်သည်။

“ ကျနော်တို့ နာရီဝက်လောက်အပြန်အလှန်ပစ်ခတ်ခဲ့ကြတယ် ၊ ပြည်သူ့ကားတွေကို ကာဗာလုပ်တာရယ်၊ အထိုင်စခန်းနဲ့ နီးနေတဲ့အတွက် ပြန်ဆုတ်လာခဲ့ရတယ်” ဟု Black Eagle Defence Force အဖွဲ့ တာဝန်ခံ ဗိုလ်စံရှား က မဇ္စျိမ ကို ပြောသည်။

တိုက်ခိုက်မှု မိနစ် ၃၀အတွင်း စစ်ကောင်စီတပ်သား နှစ်ဦးသေဆုံးခဲ့ကြောင်းနှင့် လမ်းပေါ်တွင်ဖြတ်သန်းသည့် ပြည်သူ့ကားများကို ရပ်တန့်၍ အကာကွယ်အဖြစ် အသုံးပြုသည့်အတွက် ကာကွယ်ရေးမဟာမိတ်တပ်ဖွဲ့ဝင်များ ပြန်လည်ဆုတ်ခွာလာခဲ့ကြောင်း ဆိုသည်။

အဆိုပါတိုက်ခိုက်မှုကို Black Eagle Defence Force နှင့်အတူ T.R.G People Defense Force , T.R.G Women Drone Force နှင့် ကျောက်ဆည်ခရိုင် တပ်ရင်း (၂) တို့ ပူးပေါင်းတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင်ဖော်ပြထားသည်။

မြင်းမူမြို့နယ် မြောင်လမ်းခွဲတွင် စစ်ကောင်စီတပ်သည် အင်အား ၁၀၀ခန့်ဖြင့် အထိုင်ချထားပြီး လမ်းသွားပြည်သူများကို စစ်ဆေးခြင်းနှင့် ဒေသတွင်းကျေးရွာများကို စစ်ကြောင်းထိုးလေ့ရှိကြောင်း သိရသည်။

ယနေ့ ဇူလိုင်လ ၂၇ရက်ယနေ့တွင် မြင်းမူမြို့နယ် မြောင်လမ်းခွဲ အထိုင်စခန်းမှ အင်အား ၅၀ခန့်ရှိ စစ်ကောင်စီတပ်ဖွဲ့သည် မြင်းမူမြို့နယ် လက္ကပင်ရွာကို လက်နက်ငယ်များဖြင့် ပစ်ခတ်ဝင်ရောက်လျက်ရှိကြောင်း သိရှိရသည်။

https://youtu.be/Uzq1bDEmTrQ

စာတည်း - သန့်ဇော်(သန်လျင်)

#mizzima
#မြင်းမူမြို့နယ် 
#မြောင်လမ်းခွဲ
#BlackEagleDefenceForce 
#စစ်ကောင်စီတပ်ဖွဲ့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အိန္ဒိယဘက်မှ မြန်မာနိုင်ငံသား ၇၀၀ ကျော်ကို ပြန်မပို့နိုင်သေး
=================

ကလေး ၃၀၁ ဦးအပါအဝင် မြန်မာနိုင်ငံသား ၇၁၈ ဦးကို ပြန်ပို့ရေးအတွက် အိန္ဒိယနိုင်ငံ မဏိပူရ်ပြည်နယ်အစိုးရက နယ်စပ်လုံခြုံရေးကွပ်ကဲရသော Assam Rifles တပ်သို့ တိုက်တွန်းပြီးနောက်တစ်နေ့တွင် အဆိုပါ “တရားမဝင် ရွှေ့ပြောင်းဝင်ရောက်သူများ”အား မြန်မာနိုင်ငံဆီ ပြန်မပို့ရသေးကြောင်း တာဝန်ရှိသူတစ်ဦးက အင်္ဂလိပ်လို ထုတ်ဝေသော The Hindu နေ့စဉ်သတင်းစာသို့ အင်္ဂါနေ့က ပြောသည်။

စစ်ကောင်စီနဲ့ အာဆီယံအဖွဲ့ဝင်နိုင်ငံများ အလွတ်သဘော ဆွေးနွေးဖို့ မလေးရှားအကြံပြု

Watch more detail - https://youtu.be/MCDzMkpgDpY

#စစ်ကောင်စီနဲ့ #အာဆီယံ#ဆွေးနွေး#VideoNews #shorts #reels

​​သရက်ချောင်းမြို့နယ် ပိန်းတောရွာတွင် ဗုံးပေါက်ကွဲ
===============

ကိုရွှေမြိတ်
(မဇ္ဈိမ) ။ ။ တနင်္သာရီတိုင်း၊ ထားဝယ်ခရိုင်၊ သရက်ချောင်းမြို့နယ် ပိန်းတောရွာတွင် ယနေ့ ဇူလိုင်လ ၂၇ ရက်နေ့၊ နံနက် ၆ နာရီခွဲအချိန်က ဗုံးပေါက်ကွဲမှု ဖြစ်ပွားခဲ့ကြောင်း ဒေသခံများက မဇ္ဈိမကို ပြောသည်။

ပိန်းတောကျေးရွာရှိ အထက်တန်းစာသင်ကျောင်းရှေ့ ကျောင်းခြံစည်းရိုးအနီးတွင် ပေါက်ကွဲမှုဖြစ်ပွားခဲ့ခြင်းဖြစ်ပြီး ပေါက်ကွဲသံကို ကျယ်လောင်စွာ ကြားရကြောင်း ၎င်းတို့က ဆိုသည်။

ဗုံးဖောက်ခွဲမှုကို မည်သူတို့က လုပ်ဆောင်ခဲ့ကြောင်း မသိရသော်လည်း ပေါက်ကွဲဖြစ်ပြီးနောက် စစ်ကောင်စီတပ်သားများနှင့် ၎င်းတို့၏ လက်အောက်ခံ ပျူစောထီးများ ရောက်ရှိလာပြီး စစ်ဆေးမှုများ ပြုလုပ်ကာ ရမ်းသန်းပစ်ခတ်မှုအချို့ ပြုလုပ်ခဲ့ကြောင်း မဇ္ဈိမက စုံစမ်းသိရှိရသည်။

“ဗုံးက ဘယ်အဖွဲ့က ဖောက်ခွဲတယ် ဆိုတာ မသိရသေးဘူး၊ လူထိခိုက်မှုတော့ မရှိဘူးလို့ သိရတယ်”ဟု သရက်ချောင်းမြို့ခံ တစ်ဦးက ပြောသည်။

ဗုံးပေါက်ကွဲမှုသည် စာသင်ကျောင်းအတွင်း ကျောင်းသူ၊ ကျောင်းသားများ မရှိချိန် နံနက်အစောပိုင်း ပေါက်ကွဲမှု ဖြစ်ပွားခဲ့ခြင်းဖြစ်ကြောင်း သိရသည်။

သရက်ချောင်းမြို့နယ်၊ ပိန်းတောရွာတွင် ယခုနှစ် ဧပြီလ ၂၄ ရက် ည ၆ နာရီကလည်း လယ်ကွက်အနီး ကားလမ်းမဘေးတွင် မြက်ခြောက်များ မီးရှို့ရာမှ ပေါက်ကွဲမှု ဖြစ်ပွားခဲ့ကာ ဒေသခံတစ်ဦး ထိခိုက်ဒဏ်ရာ ရရှိခဲ့သေးကြောင်း ဒေသခံများက ပြောသည်။

စာတည်း။ ။ နောင်နောင်
စာမူတည်းဖြတ်။ ။ သန့်ဇော်(သန်လျင်)

#သရက်ချောင်း
#ပိန်းတော
#ဗုံးပေါက်
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U