Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ပဲခူးရိုးမအတွင်း သစ်ခိုးထုတ်မှုများ ပြင်းထန်စွာအရေးယူမည်ဟု ပဲခူးစစ်ဒေသခွဲ သတိပေး
👏11🔥2😁2👍1
ပဲခူးရိုးမအတွင်း သစ်ခိုးထုတ်မှုများ ပြင်းထန်စွာအရေးယူမည်ဟု ပဲခူးစစ်ဒေသခွဲ သတိပေး
======================

ရွှေနွယ်
(မဇ္ဈိမ)။ ။သာယာဝတီခရိုင်ပြည်သူ့ကာကွယ်ရေးတပ်ဖွဲ့၏ စစ်ဆင်ရေးနယ်မြေတွင်ပါဝင်သော ပဲခူးရိုးမ အတွင်း မော်တော်ယာဉ်များတက်ခွင့် ပိတ်ပင်လိုက်ပြီး သစ်ခိုးထုတ်မှုများကိုလည်း ပြင်းပြင်းထန်ထန် အရေးယူမည်ဟု ပဲခူးစစ်ဒေသခွဲက သတိပေးချက်ထုတ်ပြန်သည်။

ပဲခူးရိုးမအတွင်း သစ်ခိုးထုတ်မှုများကို ထိန်းချုပ်ရန်ကြိုးစားခြင်းနှင့်ပတ်သက်သော အဆိုပါထုတ်ပြန်ချက် ကို ယနေ့ဩဂုတ်လ ၇ ရက်တွင် အသိပေးကြေညာခြင်းဖြစ်သည်။

ပြည်သူပိုင် သစ်တောသယံဇာတများအား ကာကွယ်ထိန်းသိမ်းရန်နှင့် တရားမဝင် သစ်ခိုးထုတ်မှုများအား ဖြတ်တောက်ရန်အတွက် ယင်းကဲ့သို့ဆောင်ရွက်ခြင်းဟု သာယာဝတီခရိုင်ပြည်သူ့ကာကွယ်ရေးတပ်ရင်း (၃၈၀၂)၏ တာဝန်ရှိသူက မဇ္ဈိမကိုပြောသည်။

“ရည်ရွယ်ချက်က အဓိက သုံးချက်ရှိတယ်။ ဒီသစ်ကားတွေနဲ့ စစ်ကောင်စီတပ်သားတွေကို သယ်ပို့ပေးနေ တာတွေရှိတယ်၊ မူးယစ်ဆေးဝါးသယ်နေတာတွေရှိတယ်။နောက်တခုက ဒီလမ်းကြောင်းဟာ စစ်ကောင်စီ ကို တလတလ သိန်းထောင်နဲ့ချီရှာပေးနေတဲ့ လမ်းကြောင်းဖြစ်တယ်။ နောက်ဆုံးတချက်ကတော့ ပြည်သူ ပိုင်သယံဇာတတွေဖြစ်တဲ့အတွက် ကျွန်တော်တို့မှာ ထိန်းသိမ်းစောင့်ရှောက်ပေးရမယ့် တာဝန်ရှိတယ်" ဟု ၎င်းက ပြောသည်။

သာယာဝတီခရိုင်ပြည်သူ့ကာကွယ်ရေးတပ်ရင်း(၃၈၀၂) ၏ စစ်ဆင်ရေးနယ်မြေတွင် လက်ပံတန်း၊ မင်းလှ နှင့် အုတ်ဖိုမြို့နယ်ပိုင် ပဲခူးရိုးမ ဧရိယာပါဝင်သည်။ ထိုဒေသတခုလုံးကို မော်တော်ယာဉ်များတက်ခွင့် အား ဩဂုတ်လ ၆ ရက်နေ့မှစ၍ ပိတ်ပင်လိုက်ခြင်းဖြစ်သည်။ လိုအပ်သည့် အရေးယူမှုများကို ပြင်းပြင်း ထန်ထန် ဆောင်ရွက်သွားတော့မည်ဖြစ်ကြောင်းလည်း ကြေညာထားသည်။
ထိုတားမြစ်ချက်သည် ကားများဖြင့် နေ့စဉ် သစ်သယ်ထုတ်နေသူများကိုသာ အဓိကရည်ရွယ်ခြင်းဖြစ်ပြီး ပဲခူးရိုးမအမှီပြုလုပ်ကိုင်စားသောက်နေသော ပြည်သူများကိုထိခိုက်စေမည်မဟုတ်ဟု ပဲခူး စစ်ဒေသခွဲက ဆိုထားသည်။

“ကျွန်တော်တို့အဓိကရည်ရွယ်တာက နိုင်ငံခြားတင်ဖို့များစွာထုတ်နေသူတွေကိုပါ။ သစ်အစိုတွေ၊ ကောင်း ပေ့ ဆိုတဲ့အပင်တွေကို နေ့စဉ်ခုတ်ယူနေတာပါ” ဟု တပ်ရင်းတာဝန်ရှိသူမှ ဆိုသည်။

ပဲခူးရိုးမအတွင်း ရိုးမဖြတ်ကျော်လမ်း(စိန်ကန့်လန့်−မြို့ချောင်းလမ်း)တလျှောက်တွင် သစ်သယ်သည့်ကား များ နေ့စဉ်အစီးရေရာနှင့်ချီ၍ဖြတ်သန်းနေပြီး ကျောက်တံခါးမြို့နယ်နှင့် မင်းလှမြို့နယ်ဘက်ခြမ်းမှ လည်း ကားများဖြင့်မှ နေ့စဉ် သစ်ခုတ်သယ်ထုတ်နေမှုများရှိသည်ဟု ပြည်သူ့ကာကွယ်ရေးတပ်ဖွဲ့က ဆိုသည်။

ပဲခူးရိုးမအတွင်း သစ်ခိုးထုတ်သူများကို စစ်ကောင်စီဂိတ်များက ‌ငွေကြေးယူ၍ ခွင့်ပြုထားသည်ဟု သိရ သည်။ စစ်ကောင်စီနှင့်ပေါင်း၍ သစ်ခိုးထုတ်နေသူများကို ‌ အရေးယူမည်ဟု ပဲခူးစစ်‌ဒေသခွဲက ပြီးခဲ့သည့် ဇူလိုင်လအတွင်း ကြေညာခဲ့သေးသည်။

ဇူလိုင်လ ၁၉ ရက်တွင် မင်းလှမြို့နယ် စိန်ကန့်လန့်−မြို့ချောင်းလမ်း ခါချဉ်တောင်အနီးတွင် စစ်ကောင်စီ တပ်နှင့်ပူးပေါင်း၍ သစ်နှင့်မီးသွေးများ ခိုးထုတ်လာသောကားအား ပြည်သူ့ကာကွယ်ရေးတပ်ဖွဲ့က တား ဆီးပစ်ခတ်ခဲ့ရာ လူနှစ်ဦးသေဆုံးခဲ့သည်။

အမျိုးသားဒီမိုကရေစီအဖွဲ့ချုပ်ပါတီ(NLD)အစိုးရလက်ထက်တွင် ပဲခူးရိုးမအတွင်းမှ သစ်ထုတ်လုပ်မှုကို ၂၀၁၇−၂၀၁၈ ဘဏ္ဍာနှစ်မှ ၂၀၂၇ ခုနှစ်အထိ ၁၀ နှစ်ရပ်ဆိုင်းခဲ့သည်။ သို့သော် စစ်တပ်က အာဏာ သိမ်းပြီးနောက် ပဲခူးရိုးမအတွင်း သစ်ခိုးထုတ်မှုများ ဆိုးရွားနေကြောင်း ဒေသခံများကပြောသည်။

စာတည်း - မောင်ကြီး
စာမူတည်းဖြတ်။ ။စောဖေ

#mizzima
#ပဲခူးရိုးမ
#သစ်ခိုးထုတ်မှုများ
#ပဲခူးစစ်ဒေသခွဲ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14😁2🔥1
This media is not supported in your browser
VIEW IN TELEGRAM
ဒီတပတ်ရဲ့ သတင်းတုတွေ့ရှိချက်တွေကို ဂျူချန်းက တင်ဆက်ထားပါတယ်။

#Misinformation_Buster #Fake_News #reels #shorts #weekly_package

အပြည့်အစုံ ကြည့်ရန် - https://youtu.be/hezMBzGOthk
👍3🍌2
ရခိုင်ပြည်နယ် မင်းပြားမြို့နယ်တွင် ရေကြီးရေလျှံမှုဖြစ်၊ လူသေဆုံးမှုရှိ
🔥1
ရခိုင်ပြည်နယ် မင်းပြားမြို့နယ်တွင် ရေကြီးရေလျှံမှုဖြစ်၊ လူသေဆုံးမှုရှိ
==================

KMN

(မဇ္ဈိမ)။ ။ရခိုင်ပြည်နယ်၊ မင်းပြားမြို့နယ်တွင် ယခုရက်ပိုင်းအတွင်း မိုးအဆက် မပြတ်ရွာသန်းမှုကြောင့် ရေကြီးရေလျှံမှုများဖြစ်ပေါ်နေပြီး လူသေဆုံးမှုရှိကြောင်း ဒေသခံများက ပြောသည်။
မိုးအဆက်မပြတ်ရွာသွန်းမှုကြောင့် လေးမြို့မြစ်‌ရေသည် မင်းပြားမြို့၏ စိုးရိမ်ရေမှတ်သို့ သြဂုတ်လ ၄ ရက်ဝန်းကျင်တွင်ရောက်ရှိခဲ့ပြီး အမက-ဈေးဟောင်းရှေ့ ကျောင်းအနီးသို့ ရေဝင်ရောက်ခဲ့ကြောင်း သိရ သည်။

“မင်းပြားမြို့ပေါ်ကိုတော့ ရေမဝင်ရောက်သေးဘူးလို့ ပြောလို့ရတယ်။ မြောက်ဘက်ရွာတွေဘက်တော့ ရေကြီးနေတာ သုံးရက်ရှိပြီ။ လေးမြို့မြစ်ရေကတော့တိုးနေပါတယ်” ဟု မင်းပြားမြို့ခံတဦးက မဇ္ဈိမကို ပြောသည်။

ဩဂုတ် ၆ ရက်နေ့ ညနေပိုင်းက မင်းပြားမြို့နယ်၊ ပြင်ယောင်းကျေးရွာမှ မိသားစုဝင်သုံးဦး သာစည်ကျေး ရွာမှပြန်လာစဉ် လမ်းခုလတ်၌ ရေစီးနှင့်မျှောပါပြီး နှစ်ဦးရေနစ်သေဆုံးသွားကြောင်း ရခိုင်သတင်းဌာန များကဖော်ပြသည်။

မင်းပြားမြို့နယ်တွင် လေးမြို့မြစ်ရေမြင့်တက်နေပြီး မိုးရွာသွန်းခြင်းနှင့် တောင်ကျရေများကြောင့် မင်းဖူး၊ ကုလားမတောင်၊ ရွှေကျင်၊ ပြင်ယောင်း၊ မင်းဇီ စသည့်ကျေးရွာ ၂၀ ကျော်ရှိ မြေနိမ့်ပိုင်းရပ်ကွက်များတွင် ရေငါးပေခန့်အထိ မြင့်တက်နေကြောင်းသိရသည်။

ရခိုင်ပြည်နယ်တွင် မင်းပြားမြို့နယ်အပြင် ကျောက်တော်၊ မြောက်ဦး၊ ဘူးသီးတောင်၊ မောင်တောမြို့နယ် များတွင်လည်း ရေကြီးရေလျှံမှုများဖြစ်ပေါ်နေကြောင်း သိရသည်။

ရခိုင်ပြည်နယ် ဘူးသီးတောင်မြို့တွင် ပြီးခဲ့သည့် ၂၄ နာရီအတွင်း မိုးရေချိန် ၃.၉၁ လက်မ၊ ကျောက်တော် မြို့တွင် ၃.၅၄ လက်မ မိုးရွာသွန်းခဲ့ပြီး ဩဂုတ်လ ၈ ရက်နေ့ နံနက်ပိုင်းအထိ ဒေသအလိုက် နေရာကွက်၍ မိုးကြီးနိုင်ကြောင်း စစ်ကောင်စီ မိုးလေဝသနှင့်ဇလဗေဒညွှန်ကြားမှုဦးစီးဌာနမှကြေညာထားသည်။

Photo - CJ / မင်းပြားကြော်ငြာသင်ပုန်းကြီး
မင်းပြားမြို့နယ်တွင် ရေကြီးမှုများဖြစ်ပေါ်နေသည်ကို သြဂုတ်လ ၇ ရက်နေ့မှာတွေ့ရစဉ်။

စာတည်း။ ။စောဖေ
စာမူတည်းဖြတ်။ ။စောဖေ

#Mizzima
#ရခိုင်ပြည်နယ်
#မင်းပြားမြို့နယ်
#ရေကြီးရေလျှံမှု

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥3😢3👍1
​​ဒဂုံမြို့သစ်အရှေ့ပိုင်းမြို့နယ် ကြံ့ခိုင်‌ရေးရုံး၌ ဗုံးပေါက်ကွဲမှုဖြစ်ပွား
================

ဂန္ဒမာ

(မဇ္ဈိမ)။  ။ရန်ကုန်တိုင်း၊ ဒဂုံမြို့သစ်အရှေ့ပိုင်းမြို့နယ် တပင်ရွှေထီးလမ်းနှင့် ကျန်စစ်သားလမ်းထောင့်ရှိ ကြံ့ခိုင်ရေးရုံး၌ ဩဂုတ်လ ၆ ရက်နေ့ညပိုင်းက ဗုံးပေါက်ကွဲမှုဖြစ်ပွားခဲ့ကြောင်း သိရသည်။

“မနေ့ည ၉ နာရီဝန်းကျင်လောက်က အဲဒီရုံးမှာ ဗုံးပေါက်တယ်ကြားတယ်။ အပျက်အစီးတော့ မကြားမိ ဘူး။ အဲဒီရုံးက အရင်ကလည်းဗုံးပေါက်ဖူးတယ်။ အခုက အသံဗုံးလို့လည်း ပြောနေကြတယ်။ မီးမလာတဲ့ အချိန်ဖြစ်တာဆိုတော့ ဘာမှတော့မမြင်လိုက်ဘူး” ဟု ဒဂုံမြို့သစ်အရှေ့ပိုင်းမြို့နယ်မှ ဒေသခံကပြော သည်။

ပေါက်ကွဲမှုဖြစ်ပွားပြီးနောက် စစ်ကောင်စီလက်အောက်ခံ ရဲတပ်ဖွဲ့ဝင် ၁၀ ဦးခန့် ရောက်ရှိလာကြောင်း မြေပြင်ကင်းထောက်များထံမှ သိရသည်။

ဒဂုံမြို့သစ်အရှေ့ပိုင်းမြို့နယ် ကြံ့ခိုင်ရေးရုံးအား ပြီးခဲ့သော ဇွန်လ ၅ ရက်နေ့ ည ၇ နာရီ ၅ မိနစ်က Brave Eagles (UG) အဖွဲ့မှ အဝေးထိန်းမိုင်းဖြင့် တိုက်ခိုက်ခဲ့သေးသည်။

ဩဂုတ်လ ၆ ရက်နေ့ညကဖြစ်ပွားခဲ့သော တိုက်ခိုက်မှုအား မည်သည့်လူပုဂ္ဂိုလ်၊ အဖွဲ့အစည်းက တိုက်ခိုက် သည်ဖြစ်ကြောင်း ကြေညာခြင်းမရှိသေးပေ။

စာတည်း။ ။စောဖေ
စာမူတည်းဖြတ်။ ။စောဖေ

#ဒဂုံမြို့သစ်အရှေ့ပိုင်းမြို့နယ် 
#ကြံ့ခိုင်ရေးရုံး
#ဗုံးပေါက်ကွဲမှု

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍19🔥1👏1🍌1
This media is not supported in your browser
VIEW IN TELEGRAM
CDF တပ်ဖွဲ့ဝင် ၂၀၀ လက်နက်ချပြီး အိန္ဒိယနိုင်ငံကို နိုင်ငံရေးခိုလှုံခွင့် တောင်းတဲ့သတင်း လူမှုကွန်ရက်မှာ ပျံ့နေပါတယ်

#Misinformation_Buster #Fake_News #Shorts #Reels #CDF #အလင်းဝင် #လက်နက်ချ #နိုင်ငံရေးခိုလှုံခွင့် #အိန္ဒိယ

သတင်းအပြည့်အစုံဖတ်ရန် - t.ly/BzzdV
😁6👍2🍌2👎1
တောင်ကျရေကြောင့် အာရှလမ်းမကြီးနေရာအချို့ မြေပြို၊ မိုးကြီးမည့်သတိပေးချက် ဆက်ရှိနေ
😢5🔥3👍1
တောင်ကျရေကြောင့် အာရှလမ်းမကြီးနေရာအချို့ မြေပြို၊ မိုးကြီးမည့်သတိပေးချက် ဆက်ရှိနေ
===================

မဇ္ဈိမ။ ။ကရင်ပြည်နယ်တွင် မိုးအဆက်မပြတ်ရွာသွန်းပြီးနောက် မြန်မာ-ထိုင်းနယ်စပ်ကုန်သွယ်ရေး ၏အဓိက လမ်းပိုင်းဖြစ်သည့် အာရှလမ်းမကြီးနေရာအချို့၌ တောင်ကျရေဆင်းပြီး မြေပြိုကာ လမ်းပန်း ဆက်သွယ်ရေးနှင့် ကုန်စည်စီးဆင်းမှု ပြတ်တောက်နေသည်။

ယနေ့ ဩဂုတ်လ ၇ရက် နံနက်အစောပိုင်းကမြဝတီ-ကော့ကရိတ်ဆက်သွယ်ထားသည့် အာရှလမ်းမကြီး တောနောရေတံခွန်အနီးတွင် လမ်းအလျားလိုက်အတိုင်း ပေ ၁၀၀ ခန့်အထိ မြေပြိုကျသွားကြောင်း ယင်းနေရာသို့ရောက်ရှိနေသည့် ခရီးသွားပြည်သူတဦးကပြောသည်။

“တောနောရေတံခွန်မရောက်ခင်ကွေ့မှာ လမ်းက ပြိုကျသွားတာ။ အကျယ်ဆုံးနေရာက ပေ ၁၀၀ ကျော် တယ်။ အကျဉ်းဆုံးနေရာတောင် ပေ ၆၀ ခန့်ရှိတယ်။ အနက်က ပေ ၃၀ မကဘူး။ အခြေအနေတော်တော် ဆိုးတယ်” ဟု ၎င်းကပြောသည်။

လမ်းကိုပြင်ဆင်ရန် မြေသယ်ကားများ၊ မြေတူးကားများ ရောက်ရှိနေသော်လည်း မိုးသည်းထန်စွာရွာသွန်း နေ၍ ပြင်ဆင်၍မရကြောင်း ဒေသခံများကပြောသည်။

လက်ရှိတွင် အာရှလမ်းမကြီး၊ တောနောရေတံခွန်အနီး၌ လမ်းပြတ်တောက်သည်အထိ မြေပြိုနေသလို ယင်းနေရာနှင့် မလှမ်းမကမ်းတွင် မြေပြိုပြီး လမ်းပိတ်နေသည်ဟု သိရသည်။
ကရင်ပြည်နယ်တွင် ဩဂုတ်လဆန်းကတည်းက မိုးသည်းထန်စွာရွာသွန်းခဲ့ပြီး ယနေ့ ဩဂုတ်လ ၇ ရက် အထိ မိုးဆက်ရွာနေသည်ဟု သိရသည်။

“မိုးက တရက်မှ မပြတ်တာ။ အခုဆိုရင် လမ်းထဲမှာ စီးနေတဲ့ရေက ရွှံ့ရေတွေဖြစ်နေပြီ" ဟု ကော့ကရိတ် မြို့ခံတဦးကပြောသည်။
ယခုအခါ ကရင်ပြည်နယ်အတွင်း၌ သံလွင်မြစ်နှင့် သောင်ရင်းမြစ် စိုးရိမ်ရေမှတ်အထက်၌ မြင့်တက်‌နေပြီး ဘားအံ၊ ကော့ကရိတ်၊ လှိုင်းဘွဲ့၊ မြဝတီမြို့တို့တွင် ဒေသခံများ ရေကြီးနစ်မြုပ်မှုနှင့် ရင်ဆိုင်နေရသည်။

ဘားအံမြို့တွင် သံလွင်မြစ်ရေ မြင့်တက်မှုကြောင့် အမှတ် (၅) ရပ်ကွက်၊ အမှတ် (၂) ရပ်ကွက် ၊အမှတ် (၁) ရပ်ကွက်အပါအဝင် ရပ်ကွက်ငါးခုထက်မနည်း ရေကြီးနစ်မြုပ်နေပြီး ကယ်ဆယ်ရေးစခန်း ၁၄ ခုဖွင့်ထား ရသည်ဟု ဒေသခံလူမှုကူညီရေးအဖွဲ့များကပြောသည်။

ထိုင်း-မြန်မာနယ်စပ်မြို့ဖြစ်သော မြဝတီမြို့တွင်လည်း သောင်းရင်းမြစ်ရေမြင့်တက်နေ၍ အမှတ် (၅) ရပ် ကွက်နှင့်အမှတ်(၁)ရပ်ကွက်တို့တွင် ရေဘေးကြုံတွေ့နေပြီးဒေသခံအချို့ကို ဘုန်းကြီးကျောင်းများတွင် ရွှေ့ပြောင်းထားရကြောင်း သိရသည်။
လတ်တလောရာသီဥတုအခြေအနေအရ ကမ်းရိုးတန်းနှင့် ကုန်းတွင်းဒေသအချို့တွင် မိုးဆက်လက်ပိုနေ နိုင်ကြောင်း အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)က ယနေ့ သတင်းထုတ်ပြန်ထားသည်။

အထူးသဖြင့် ရခိုင်ပြည်နယ်တွင် ယခုရက်ပိုင်း မိုးသည်းထန်နိုင်သည်ဟု MOHADM က သတိပေးထား သည်။

စစ်ကောင်စီလက်အောက်ခံ မိုးဇလဌာနကလည်း ချင်းပြည်နယ်နှင့် ရခိုင်ပြည်နယ်၊ နေပြည်တော်၊ စစ်ကိုင်းတိုင်း၊ ကချင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ယခုရက်ပိုင်း မိုးကြီးနိုင်ကြောင်း သတိပေးချက်ထုတ်ပြန်ထားသည်။ ထို့ပြင် ကရင်ပြည်နယ်အတွင်း သံလွင်မြစ်နှင့် သောင်ရင်းမြစ်သည် စိုးရိမ်ရေမှတ်အထက်၌ နှစ်ပေခန့်မြင့်တက်‌နေကြောင်း ယနေ့ မွန်းလွဲပိုင်းတွင် သတိပေးချက်ထုတ်ပြန် ထားသည်။

ဓာတ်ပုံ- မြေပြိုကျမှု ဖြစ်ပွားခဲ့သော အာရှလမ်းပိုင်း မြင်ကွင်း (CJ)
စာတည်း - မောင်ကြီး
စာမူတည်းဖြတ်။ ။စောဖေ

#mizzima
#မြန်မာ-ထိုင်းနယ်စပ်ကုန်သွယ်ရေး
#အာရှလမ်းမကြီး
#တောင်ကျရေ
#မြေပြို
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11🔥2😁1😢1
This media is not supported in your browser
VIEW IN TELEGRAM
KNU တပ်မဟာ (၁) က PDF ၁၄ ဦး စစ်ကောင်စီထံကို လက်နက်နဲ့တကွ လက်နက်ချ အလင်းဝင်သွားတယ် ဆိုတဲ့ သတင်းတု ပျံ့နှံ့နေပါတယ်။

#Misinformation_Buster #Fake_News #Shorts #Reels #အလင်းဝင် #KNU #KRF #PDF #လက်နက်ချ #KNU #propaganda

သတင်းအပြည့်အစုံဖတ်ရန် - t.ly/NED2Y
😁6🍌1