Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ရန်ကုန်မြို့လယ်တွင် ၈၈၈၈ လူထုအရေးတော်ပုံ ၃၅ နှစ်မြောက်အထိမ်းအမှတ် လှုပ်ရှားမှုပြုလုပ်
👍16❤6😁3
ရန်ကုန်မြို့လယ်တွင် ၈၈၈၈ လူထုအရေးတော်ပုံ ၃၅ နှစ်မြောက်အထိမ်းအမှတ် လှုပ်ရှားမှုပြုလုပ်
==================

မောင်ခက်နွေ

(မဇ္ဈိမ)။ ။စစ်ကောင်စီက လုံခြုံရေးတင်းကြပ်ထားသည့် ရန်ကုန်မြို့လယ်တွင် ၈၈၈၈ လူထုအရေးတော်ပုံ ၃၅ နှစ်မြောက်အထိမ်းအမှတ် လှုပ်ရှားမှုကို လူ့ဘောင်သစ်ဒီမိုကရက်တစ်ပါတီ(DPNS)နှင့် လူ့ဘောင်သစ် လူငယ် (YNS)တို့က ယနေ့ ဩဂုတ်လ ၈ ရက် နံနက်ပိုင်းတွင် ပြုလုပ်ခဲ့ကြသည်။

ရန်ကုန်မြို့လယ်၊ ဆူးလေလမ်းမ လူကူးကုန်းကျော်တံတားပေါ်တွင် ၈၈၈၈ စာတန်းပါ အင်္ကျီများချိတ်ဆွဲ ပြီး စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်ခဲ့ကြခြင်း ဖြစ်သည်။

“၂၀၂၁ ခုနှစ် ဖေဖော်ဝါရီလမှ ပြန်လည်စတင်ခဲ့သော လူထုတော်လှန်ရေးသည် လွန်ခဲ့သော ၃၅ နှစ်က လူထုလူလူတန်းစား အလွှာပေါင်းစုံတော်လှန်ခဲ့သော စစ်အာဏာရှင်စနစ်ဆန့်ကျင်ရေး တိုက်ပွဲအဆက် ဖြစ်သည်” ဟု လူ့ဘောင်သစ်ဒီမိုကရက်တစ်ပါတီ(DPNS)က ၎င်းတို့၏ လူမှုကွန်ရက်စာမျက်နှာတွင်ဖော် ပြထားသည်။

“ထို့ပြင် ယနေ့အထိ နှစ်ပေါင်းများစွာ ပြည်သူလူထုအား ဖိနှိပ်အနိုင်ကျင့်နေသည့် စစ်အာဏာရှင်စနစ်ကို အမြစ်ပြတ်ချေမှုန်းပြီး တောင်တန်းမြေပြန့် လူထုလူတန်းစားတရပ်လုံး လွတ်မြောက်ဖို့ ဆက်လက်တိုက်ပွဲ ဝင်သွားကြရန် မိမိတို့အနေဖြင့် လေးနက်စွာ တိုက်တွန်းနိုးဆော်လိုက်ပါသည်” ဟု DPNS ၏ ထုတ်ပြန် ချက်တွင် ဖော်ပြထားသည်။

၁၉၈၈ ခုနှစ်၊ ဩဂုတ်လ ၈ ရက်နေ့တွင် စတင်ခဲ့သော ၈၈၈၈ အရေးတော်ပုံကြီးသည် မြန်မာနိုင်ငံတွင် လွတ်လပ်ရေးရပြီးနောက်ပိုင်း လူတန်းစားအလွှာပေါင်းစုံပါဝင်သည့် အကြီးမားဆုံးသော လူထုလှုပ်ရှားမှု တခုအဖြစ် သမိုင်းဝင်ခဲ့သည်။

စာတည်း။    ။ ဖူးသိမ်ကျ
စာမူတည်းဖြတ်။ ။စောဖေ

#ရန်ကုန်မြို့
#ဆူးလေ
#၈၈၈၈
#လှုပ်ရှားမှု

ပုံအညွှန်း - ဆူးလေလမ်းမ လူကူးကုန်းကျော်တံတားပေါ်တွင် ၈၈၈၈ စာတန်းပါ အင်္ကျီများကိုချိတ်ဆွဲ(ဓာတ်ပုံ-DPNS)

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14❤4😁2
ဥတုရာသီပြောင်းလဲမှုကြောင့် လူမှုအသိုင်းအဝိုင်းအပေါ် ရိုက်ခတ်မှု | VOA On Mizzima
==================

ကမ္ဘာ့လူမှုအသိုင်းဝိုင်းရဲ့ လုံခြုံရေး၊ တည်ငြိမ်ရေးနဲ့ သာယာဝပြောရေးဟာ ရာသီဥတုပြောင်းလဲမှုကို ထိန်းချုပ်နိုင်တဲ့အပေါ် အများကြီးမူတည်နေပြီလို့ ကျွမ်းကျင်သူတွေက သတိပေးနေပါတယ်။ ဇွန်လ ၁၃ ရက်နေ့က နယူးယောက်မြို့မှာ ကျင်းပသွားတဲ့ ကုလသမဂ္ဂလုံခြုံရေးကောင်စီ ဝန်ကြီးများအဆင့်ဆွေးနွေးပွဲမှာလည်း ရာသီဥတုပြောင်းလဲမှုက လူမှုဘဝအပေါ် ဘယ်အတိုင်းအတာထိ ခြိမ်းခြောက်နေပြီဆိုတာ အလေးထားဆွေးနွေးသွားပါတယ်။ နန်းလောင်ဝ်က တင်ပြထားပါတယ်။ 

https://youtu.be/Ml-s2tNAmaw

#မဇ္ဈိမအတွက်ဗွီအိုအေ
#MizzimaTV 
-----------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9🔥2
ရန်ကုန်မြို့လယ်တွင် "၈၈၈၈ အရေးတော်ပုံ" ထီးအနီရောင် လှုပ်ရှားမှုပြုလုပ်
👍14❤9🔥1😁1
ရန်ကုန်မြို့လယ်တွင် "၈၈၈၈ အရေးတော်ပုံ" ထီးအနီရောင် လှုပ်ရှားမှုပြုလုပ်
================

ဂန္ဒမာ

(မဇ္ဈိမ)။  ။ ၃၅ နှစ်မြောက် "၈၈၈၈" အရေးတော်ပုံ အထိမ်းအမှတ်အနေဖြင့် ရန်ကုန်မြို့လယ်တွင် ရန်ကုန်လူထုသပိတ်က ထီးအနီရောင် လှုပ်ရှားမှု ပြုလုပ်ကြကြောင်း သိရသည်။

အဆိုပါလှုပ်ရှားမှုတွင်” '၈' ဂဏန်းနှင့် 'တော်လှန်မီးတောက်တွေ လောင်ကျွမ်းနေတုန်းဘဲ' "စာတန်းပါ ထီးများဖြင့် စစ်အာဏာရှင်စနစ် ဆန့်ကျင်ရေး လှုပ်ရှားမှုပြုလုပ်ကြခြင်း ဖြစ်သည်။

" ရှစ်လေးလုံး အရေးတော်ပုံကြီးသည် လူထုလူတန်းစားတစ်ရပ်လုံး ဆန့်ကျင်တော်လှန်ခဲ့ကြခြင်းဖြစ်သလို ယခု ၂၀၂၁ နွေဦးတော်လှန်ရေးသည်လည်း စစ်အာဏာရှင်စနစ်ကို အမြစ်ဖြတ် ရှင်းလင်းရမည့် လူထုလူတန်းစားတစ်ရပ်လုံး၏ အဆုံးသတ်တိုက်ပွဲဖြစ်သည်" ဟုလည်း လှုပ်ရှားမှုနှင့်ပတ်သက်၍ ရန်ကုန်လူထုသပိတ်၏ ထုတ်ပြန်ချက်တွင် ဖော်ပြထားသည်။

ထီးအနီရောင် လှုပ်ရှားမှုအား နေရာဒေသမရွေးတွင်နေထိုင်ကြသော တောင်ပေါ်မြေပြန့် သွေးချင်းအားလုံး ပူးပေါင်းပါဝင်နိုင်ကြောင်း ဖိတ်ခေါ်ထားပြီး မှတ်တမ်းဓာတ်ပုံများကိုလည်း ရန်ကုန်လူထုသပိတ်၏ လူမှုကွန်ရက်စာမျက်နှာ သို့မဟုတ် သတင်းမီဒီယာဌာနများသို့ ပေးပို့ကာ ပါဝင်နိုင်ကြောင်းလည်း ဆိုသည်။

ယမန်နှစ်ကလည်း ရန်ကုန်မြို့ရှိ အထင်ကရ နေရာများတွင် "၈၈၈၈" ထီးသပိတ် ပြုလုပ်ခဲ့ဖူးပြီး ရန်ကုန်လူထုသပိတ်က ပြုလုပ်သော ထီးသပိတ်ကို ကမ္ဘာနိုင်ငံတစ်ဝန်းမှ ပူးပေါင်းပါဝင်ခဲ့ကြသည်။

စာတည်း။   ။ ဖူးသိမ်ကျ
စာမူတည်းဖြတ်။  ။ သန့်ဇော်(သန်လျင်)

#ရန်ကုန်မြို့
#ထီးသပိတ်
#၈၈၈၈

ပုံအညွှန်း-"၈၈၈၈" အရေးတော်ပုံ ထီးအနီရောင်လှုပ်ရှားမှု။(ဓာတ်ပုံ-Yangon People’s Strike)

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍18❤6😁3
စစ်ကောင်စီ ပြုသမျှ နုနေရတဲ့ Non – CDM တွေ
===============

၂၀၂၁ ဖေဖော်ဝါရီ ၁ ရက်နေ့မှာ စစ်ကောင်စီက တရားမဝင် အာဏာသိမ်းပြီးတဲ့ နောက်ပိုင်း စစ်ကောင်စီကို ဆန့်ကျင်တဲ့ ပြည်သူတွေကြားမှာ အကြမ်းမဖက် အာဏာဖီဆန်ရေး (CDM) ဆိုတဲ့ စကားလုံး စတင် တွင်ကျယ် ခဲ့ပြီး ဆန္ဒထုတ်ဖော်ပွဲတွေမှာ လက်သုံးချောင်းထောင် ဆန္ဒပြခဲ့တာ အများအသိ ဖြစ်ပါတယ်။

လက်သုံးချောင်းထောင်ပြီး စစ်ကောင်စီရဲ့ အာဏာကို ဖီဆန် ဆန့်ကျင်တဲ့သူတွေထဲမှာ ပထမဆုံး ထင်ထင်ရှားရှား ရှိသူကတော့ အားလုံး သိကြတဲ့ သံအမတ်ကြီး ဦးကျော်မိုးထွန်းပဲ ဖြစ်ပါတယ်။
စစ်ကောင်စီ အာဏာသိမ်းပြီးတဲ့နောက်မှာ သံအမတ်ကြီး ဦးကျော်မိုးထွန်း လက်သုံးချောင်း မထောင်ခင် ကတည်းက ရှေ့နေတွေ၊ ဆရာဝန်တွေ၊ သူနာပြုတွေ၊ ပညာရေးဝန်ထမ်းတွေ၊ မီးရထား ဝန်ထမ်းတွေ အပါအဝင် ဌာနပေါင်းစုံက အရာထမ်းနဲ့ ဝန်ထမ်းတွေဟာ အကြမ်းမဖက်အာဏာဖီဆန်ပြီး CDM လုပ်ခဲ့ကြပါတယ်။

https://youtu.be/gKBq1dCIh6U

#Newsfeature
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16😁3😢1
အနုမြူသတ္တိကြွရေတွေပြန်သန့်စင်မှုအစီအစဉ်ကြောင့် ကုန်သွယ်ရေးထိခိုက် | VOA On Mizzima
==================

ဂျပန်နိုင်ငံ Fukushima မြို့က အနုမြူသတ္တိကြွဓာတ်သင့်ခဲ့တဲ့ရေတွေကို ပြန်သန့်စင်ပြီး သဘာဝရေစီးထဲ ပြန်သွင်းမယ့်အစီအစဉ်အပေါ် စိုးရိမ်တဲ့ တရုတ်အစိုးရက ဂျပန်ပင်လယ်စာတွေ တရုတ်နိုင်ငံထဲ တင်သွင်းမှုကို အထူးတင်းကြပ်နေပါတယ်။ ပင်လယ်စာအချိန်မီမသွင်းနိုင်လို့ ဘေကျင်းမြို့တော်က ဂျပန်စားသောက်ဆိုင်တွေ အခက်ကြုံနေတဲ့အပြင် ဂျပန်အစားအစာတွေကို လူမှုကွန်ယက်မှာ သပိတ်မှောက်မှုနဲ့လည်း ကြုံနေရတာပါ။ ရိုက်တာသတင်းဆောင်းပါးတပုဒ်ကို မအိသန့်စင် တင်ဆက်ထားပါတယ်။

https://youtu.be/XOv-mjYgr_o

#မဇ္ဈိမအတွက်ဗွီအိုအေ
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7😁2🔥1
​​High Society
==========

ဒီတစ်ခေါက်မှာတော့ High Society ဆိုတဲ့ ကိုရီးယားဇာတ်ကားကို တင်ဆက်ပေးလိုက်ပါတယ်..ဂျန်ထယ်ဂျွန်းဆိုသူကတော့ တက္ကသိုလ်ပါမောက္ခအဖြစ် တာဝန်ထမ်းဆောင်နေသူပါ၊၊ဇနီးဖြစ်သူကတော့ ပြခန်းမှာဒုဒါရိုက်တာအဖြစ်တာဝန်ယူထားတဲ့သူ၊...

တစ်ရက်မှာတော့ ဂျန်ထယ်ဂျွန်းတစ်ယောက် နိုင်ငံရေးလောကထဲဝင်ဖို့အခွင့်အရေးပေါ်လာပါတယ်...ဇနီးဖြစ်သူဟာလည်း ပြခန်းမှာဒါရိုက်တာရာထူးတိုးဖို့အားလုံး အဆင်သင့်ဖြစ်နေတဲ့အချိန်..
သူတို့ဟာ အသုံးချခံသက်သက်ပဲဆိုတာ သိလိုက်ရတဲ့အခါ....

လောကမှာ ငွေဆိုတာအရေးပါတဲ့အရာပါပဲ...လူလတ်တန်းစားဖြစ်တဲ့ ထိုဇနီးမောင်နှံနှစ်ယောက်ဟာဒီကျော်ကြားမှု အောင်မြင်မှုဒဏ်ကို မခံနိုင်ကြပေမဲ့နောက်ဆုံးမှာ အရှုပ်ဇာတ်လမ်းတွေကိုဘယ်လိုဖော်ထုတ်ကြမှာလဲ???

စိတ်ဝင်တစားကြည့်ရှုရမယ့် ဇာတ်ကားကောင်းပဲဖြစ်ပါတယ်..
ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့ Mizzima TV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် - http://onelink.to/jnuwak

#New ပြသမည့်ရက်။ ။ ၈.၈.၂၀၂၃
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍8🔥1😁1
​​ဘုတလင်မြိို့မီးသတ်ဌာနဦးစီးမှူးနှင့် ဝန်ထမ်းများအပါအဝင် ၁၈ဦးကို ပကဖ ဖမ်းဆီးထိန်းသိမ်း
=======================

ရွှေနွယ်
စစ်ကိုင်းတိုင်း၊ ဘုတလင်မြို့မှ မီးသတ်ဦးစီးဌာနရုံးကို ပြည်သူ့ကာကွယ်ရေးတပ်ဖွဲ့က ယမန်နေ့ ဩဂုတ်လ ၇ ရက်နေ့ ညနေ ၃နာရီခန့်တွင် ဝင်ရောက်ပြီး Non CDM ဝန်ထမ်းများနှင့်မိသားစုဝင်များအပါအဝင် စုစုပေါင်း၁၈ ဦးကို ထိန်းသိမ်းလိုက်သည်။

ထိုဖြစ်စဉ်တွင် မီးသတ်ဦးစီးမှူး၊လက်ထောက်ဦးစီး၊ဝန်ထမ်းအချို့နှင့်မိသားစုဝင်အချို့အပါအဝင် ၁၈ဦး ထိန်းသိမ်းခဲ့သည်ဟု ပြည်သူ့ကာကွယ်ရေးတပ်ဖွဲ့ဝင်တဦးကပြောသည်။

"လူ့အခွင့်အရေးနဲ့အညီထိန်းသိမ်းထားပါတယ်။ လက်ရှိမှာ အားလုံးဘေးကင်းရာမှာရှိနေပါတယ်"ဟု အဆိုပါပြည်သူ့ကာကွယ်ရေးတပ်ဖွဲ့ဝင်က ယနေ့ ပြောသည်။

မီးသတ်ဌာန Non CDM ဝန်ထမ်းများအား ဖမ်းဆီးခဲ့သည့် ယခုအစီအစဉ်ကို ဘုတလင်မြို့နယ်ပြည်သူ့ကာကွယ်ရေးတပ်ဖွဲ့နှင့်ဒေသတွင်းတော်လှန်ရေးတပ်ဖွဲ့အချို့ ပူးပေါင်းဆောင်ရွက်ခဲ့ခြင်းဖြစ်ကြောင်းသိရသည်။ မီးသတ်ကားနှစ်စီးကိုလည်း ကာကွယ်ရေးတပ်ဖွဲ့ဝင်များက ယူဆောင်လာခဲ့သည်။ ဖမ်းဆီးထားသူများအား ယခုအခါ လုံခြုံသည့်နေရာတွင်ထားရှိပြီး မိသားစုဝင်များနှင့်လည်း ဖုန်းဆက်သွယ်ခွင့်ပြုထားကြောင်း ပြည်သူ့ကာကွယ်ရေးတပ်ဖွဲ့ဝင်ကပြောသည်။

အဆိုပါ Non CDM ဝန်ထမ်းများကို ပကဖက ဖမ်းဆီး‌ခေါ်ဆောင်သွားပြီးနောက် စစ်ကောင်စီတပ်ဖွဲ့ဝင်များသည် မီးသတ်ရုံးသို့ ရောက်လာခဲ့ပြီး အနီးအနားမှပြည်သူအချို့ကိုဖမ်းဆီးသွားသည်ဟု သိရသည်။ စစ်ကောင်စီက ဖမ်းဆီးသွားသူအရေအတွက်နှင့် အသေးစိတ်အခြေအနေကို မသိရသေးပေ။ ဘုတလင်မြို့ မီးသတ်ဦးစီးဌာနရုံးတွင် တပ်စွဲထားသည့် စစ်ကောင်စီတပ်ဖွဲ့ဝင်များက်ို ယခင်ကလည်း ဒေသတွင်းရှိ တော်လှန်ရေးတပ်ဖွဲ့များက နှစ် ကြိမ်တိုက်ခိုက်ခဲ့ဖူးသည်။

ဘုတလင်မြို့နယ်သည် ဒီပဲယင်း၊ကနီ၊ရွှေဘို၊ ဝက်လက်မြို့တို့နှင့် နယ်နိမိတ်ခြင်းထိစပ်နေသည်။ အဆိုပါဒေသများတွင် စစ်ကောင်စီတပ်၏ စစ်ကြောင်းထိုးဝင်ရောက်မှု၊ မီးရှို့ဖျက်ဆီးမှုနှင့် ဖမ်းဆီးသတ်ဖြတ်မှုများ မကြာခဏကြုံတွေ့နေရပြီး ပြည်သူ့ကာကွယ်ရေးတပ်ဖွဲ့များနှင့်လည်း စစ်ရေးတင်းမာနေသည်။ပြီးခဲ့သည့် ဇူလိုင်လ ၂၈ ရက်နေ့ကလည်း ဘုတလင်မြို့နယ် ညောင်ကန်ကျေးရွာရှိ မြို့နယ်ကျောင်းသားများသမဂ္ဂအဖွဲ့ချုပ်ရုံးကို စစ်ကောင်စီတပ်က စီးနင်းတိုက်ခိုက်ခဲ့ပြီး ဗကသဥက္ကဋ္ဌနှင့် ဒုဥက္ကဋ္ဌအပါအဝင်ရှစ်ဦးကို သတ်ဖြတ်သွားခဲ့သည်။

စာတည်း - မောင်ကြီး

#mizzima
#ဘုတလင်မြို့
#မီးသတ်ဦးစီးဌာန
#ပြည်သူ့ကာကွယ်ရေးတပ်ဖွဲ့

Photo - ဘုတလင်မြို့၊မီးသတ်ဦးစီးဌာနရုံး(ပုံဟောင်း)
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17❤4👏3🔥2😢2
သြဂုတ်လ ၈ ရက်နေ့ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
======================

https://youtu.be/gmPX_XWNVAA

-----------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍15🔥2
This media is not supported in your browser
VIEW IN TELEGRAM
Aug - 8 [ 12 Pm ] Mizzima News Hour

Mizzima Headline News

#12pmnews #mizzimanewshour #reels #shorts
👍2🍌1🖕1