အငြင်းပွားရေပိုင်နက်အတွင်းက သောင်တင်နေတဲ့ ဖိလစ်ပိုင်စစ်သင်္ဘောကို ဖယ်ရှားပေးဖို့ တရုတ်တောင်းဆို
===================

https://youtu.be/Pb6jNTyt2AU

​​AA တပ် ချင်းပြည်နယ် တောင်ပိုင်း ဝင်ရောက်မှု ဒေသခံများ စိုးရိမ်
======================

မဇ္ဈိမ။ ။ ရက္ခိုင့်တပ်တော် (AA) ချင်းပြည်နယ်တောင်ပိုင်းမြို့နယ်များအတွင်း ဝင်ရောက်နေမှုအပေါ် ဒေသခံများက စိုးရိမ်ပူပန်နေကြောင်း သိရသည်။

ချင်းပြည်နယ်တောင်ပိုင်း ပလက်ဝ၊ မင်းတပ်၊ ကန်ပက်လက်နှင့် မတူပီမြို့နယ်များသို့ ထိုသို့ဝင်ရောက်လာခြင်းဖြစ်သည်။ ယခုရက်ပိုင်းအတွင်း AAစစ်ကြောင်းများ မတူပီနှင့် ပလက်ဝ နယ်စပ်အထိရောက်ရှိလာကြောင်း ဒေသခံများက ပြောသည်။

‘’ကျွန်တော်တို့တွေကတော့ နားလည်မှုနဲ့ AA တပ်ဖွဲ့တွေကို ကျွန်တော်တို့နယ်ထဲမှာ သွားလာတာတွေကိုတော့ ခွင့်ပြုထားတယ်။ ရွာတွေမှာအိပ်တာတွေ၊ စခန်းချတာတွေ၊ မလုပ်ဖို့တော့ပြောထား တယ်’’ဟု မတူပီကာကွယ်ရေးတပ်ဖွဲ့နှင့် နီးစပ်သူတစ်ဦးက ပြောသည်။

စစ်ရေးလှုပ်ရှားမှုမရှိဘဲ ထိုသို့ သွားလာခြင်များက ချင်းနှင့် ရခိုင်အကြား လူမျိုးရေးပဋိပက္ခဦးတည်မှာ စိုးရိမ်မှုရှိကြသည်ဟု မတူပီဒေသခံတဦးက ပြောသည်။

‘’ကျွန်တော်တို့ဆိုင်ကယ်နဲ့လာတော့ AA (AA တပ်ဖွဲ့ဝင်တွေ )တွေ လမ်းပေါ်မှာ အိပ်နေကြတယ်။ ကျွန်တော်တို့က စစ်တပ်ထင်လို့ပြေးမလို့ လုပ်ကြတာ။ နောက်တော့မှာ တံဆိပ်က AA တံဆိပ်ဖြစ်နေတယ်။ လမ်းပေါ်ကနေတော့ ဖယ်ပေးပါတယ်။ ဒါပေမဲ့ ကျွန်တော်တို့မှာ စစ်တပ်လည်း ကြောက်ရ၊ AA လည်း ကြောက်ရဆိုတာမျိုးတော့ မဖြစ်ချင်ဘူး။ ပြီးတော့ ဘာကြောင့် AAက ရခိုင်မှာမနေဘဲကျွန်တော်တို့ဆီမှာ လာစခန်းချတာလဲ’’ဟု ဒေသခံတစ်ဦးက ပြောသည်။

ဇူလိုင်လကုန်ကလည်း မတူပီမြို့ နှင့် ၁၀မိုင်ခန့်သာဝေးသည့် ရွာများအထိ AAတပ် ရောက်ရှိလာခဲ့သည်ဟု ဆိုသည်။
ချင်းနိုင်ငံရေး လေ့လာသူတစ်ဦးက ချင်းပြည်နယ် တောင်ပိုင်းမြို့နယ်များ အားလုံးနီးပါးတွင် AAတပ်ဖွဲ့ ရောက်ရှိနေရာယူထားပြီးဖြစ်သည်ဟုပြောသည်။ လုံခြုံရေးကြောင့် သူက အမည်ပြောဆိုခြင်းမပြုပါ။

‘’ချင်းပြည်နယ် ပလက်ဝထဲကို AA စတင်ရောက်လာတာ အခုဆိုရင် ဆယ်စုနီးပါးရှိပြီး အရင်ကတော့ ပလက်ဝမှာပဲ အခြေချတယ်ဆိုပေမယ့် အခု စစ်တပ်အာဏာသိမ်းပြီးတဲ့ နောက်ပိုင်းမှာ ပလက်ဝအပြင် ကန်ပက်လက်၊ မင်းတပ်နယ်ဘက်တွေမှာ AAတွေ တပ်ရင်းအလိုက် စခန်းချနေကြတယ်။ မတူပီနဲ့ အိန္ဒိယနယ်စပ် လိုင်လင်းပီဆိုရင်လည်း AAတပ်ဖွဲ့တွေက ရှင်းလက်ဝကနေ တဆင့်ရောက်နေကြတယ်။ ဒီပြဿနာက ရေရှည်တော်လှန်ရေးပြီးရင် တောင်ချင်းနှင့်AAပြဿနာတက်နိုင်တယ်’’ဟု သူက ပြောသည်။

၂၀၁၉ခုနှစ် နိုဝင်ဘာလ ၁ရက်က ပလက်ဝမြို့နယ် အမျိုးသားလွှတ်တော် ကိုယ်စားလှယ်ဦးဝှေ့တင်ကို AAအဖွဲ့က ဖမ်းဆီးခေါ်ဆောင်သွားခဲ့သည်။ ဦးဝှေ့တင်ကို ပြန်လွှတ်ပေးရန် ချင်းအရပ်ဘက်အဖွဲ့အစည်းများက စုပေါင်းတောင်းဆိုမှုများလုပ်ခဲ့သော်လည်း ဦးဝှေ့တင်းသည် ခူမီးလူငယ်များနှင့် ပူးပေါင်းကာ ဘာသာရေး ပဋိပက္ခတွေဖြစ်စေရန် ရည်ရွယ်လုပ်ဆောင်နေကြောင်း မင်္သကာ၍ ဖမ်းဆီးစစ်ဆေးနေကြောင်း AA ၏ ပြောခွင့်ရ ခိုင်သုခက ပြန်လည်ဖြေကြားခဲ့ဖူးသည်။

၂၀၁၅ ခုနှစ် နှောင်းပိုင်းက ချင်းပြည်နယ်အတွင်း စစ်ကောင်စီတပ်နှင့် AA တပ်တို့ တိုက်ပွဲများဖြစ်ပွားခဲ့သည်။
ချင်းအမျိုးသား တပ်ဦး (CNF) ကလည်း AA တပ် အနေဖြင့် ချင်းပြည်နယ်အတွင်း စစ်ရေးအရ အခြေမချရန် ၂၀၂၀ ခုနစ် မတ်လ အတွင်းက ထုတ်ပြန်ခဲ့သေးသည်။

စာတည်း။ ။အောင်ကျော်ဖြိုး

#Mizzima
#AAတပ်
#ချင်းပြည်နယ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အငြင်းပွားရေပိုင်နက်အတွင်းက သောင်တင်နေတဲ့ ဖိလစ်ပိုင်စစ်သင်္ဘောကို ဖယ်ရှားပေးဖို့ တရုတ်တောင်းဆို

#InternationalNews #reels #shorts #Mizzima #China #philipines

သြဂုတ်လ ၉ ရက်နေ့ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
===================

https://youtu.be/AZBLMEgrRNw

လျှပ်တပြက်ရေကြီးမှုနဲ့ မြေပြိုမှုများကြောင့် ဗီယက်နမ်မြောက်ပိုင်းမှာ လူ ၈ ဦးထက်မနည်းသေဆုံး

#InternationalNews #reels #shorts #Mizzima #Vietnam

အိန္ဒိယဇိမ်ခံအထပ်မြင့်ဘေးက ယိုယွင်းနေတဲ့ တိုက်ခန်းတွဲ | VOA On Mizzima
======================

အိန္ဒိယနိုင်ငံ ၊ မွန်ဘိုင်းမြို့ ရဲ့ လူကုန်ထံတွေနေထိုင်ကြတဲ့ ဇိမ်ခံအထပ်မြင့် အဆောက်အဦတွေအနားမှာ ယိုယွင်းပျက်စီးနေတဲ့ လူနေ တိုက်ခန်းတွဲတခုရှိပါတယ်။ တကမ္ဘာလုံးအနေနဲ့ အိုးအိမ်တိုက်တာဈေး အကြီးမြင့်ဆုံးထဲ ပါဝင်တဲ့ မွန်ဘိုင်းလို မြို့ကြီးက အဲဒီလို အချိန်မရွေး ပြိုကျနိုင်တဲ့ တိုက်ခန်းတွဲမှာ လူတချို့ဟာ အန္တရာယ်များတဲ့ အခြေအနေကြားကနေ မရွှေ့မပြောင်းဘဲ စွန့်စားနေထိုင်နေကြရတယ်ဆိုတာ အခုဖြစ်ရပ်က သာဓက ပြလိုက်တာပါ။ ရိုက်တာသတင်းဆောင်းပါးတပုဒ်ကို ကိုခင်မောင်စိုးမင်း တင်ဆက်ထားပါတယ်။

https://youtu.be/xTl367cI8UQ

#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​မြန်မာစစ်တပ် ကျူးလွန်သော စစ်ရာဇဝတ်မှုများက ‘ပိုပြီး ခပ်စိတ်စိတ်ဖြင့် ပြောင်ကျလာ’ ဟု ကုလသမဂ္ဂ စစ်ဆေးတွေ့ရှိ
==================

မြန်မာစစ်တပ်၏ အရပ်သားများအပေါ် ဗုံးကြဲခြင်းများ အပါအဝင် ကျူးလွန်သော စစ်ရာဇဝတ်မှုများသည် “ပိုပြီး ခပ်စိတ်စိတ်ဖြစ်ကာ ပြောင်ကျကျ ကျူးလွန်လာကြောင်း” ကုလသမဂ္ဂ စုံစမ်းစစ်ဆေးရေး အဖွဲ့တစ်ရပ်က အင်္ဂါနေ့က အစီရင်ခံစာတစ်ရပ်တွင် ဆိုထားသည်။

“မြန်မာစစ်တပ်နှင့် ၎င်း၏ မိတ်ဖက် ပြည်သူစစ်များသည် တိုက်ပွဲနှင့် ဆက်စပ်သော စစ်ရာဇဝတ်မှု သုံးမျိုးသုံးစားကို ခပ်စိတ်စိတ် မကြာခဏဖြင့် အရှက်မဲ့စွာ ပြောင်ကျကျ ကျူးလွန်နေသည့် ခိုင်မာသော သက်သေများ ရှိထားသည်”ဟု Independent Investigative Mechanism fo Myanmar (IIMM) ၏ အစီရင်ခံစာတွင် ဖော်ပြသည်။ အဆိုပါ အစီရင်ခံစာမှာ ၂၀၂၂ ဇူလိုင်မှ ၂၀၂၃ ဇွန်လ ကြားကာလကို လွှမ်းခြုံဖော်ပြခြင်း ဖြစ်သည်။

အရပ်သားများအပေါ် ထင်ရာစိုင်းကာ သို့မဟုတ် အင်အားမမျှစွာ ဗုံးကြဲခြင်းနှင့် အရပ်သားနေအိမ်အဆောက်အအုံများကို မီးရှို့ခြင်းများအပါအဝင် အဆိုပါ စစ်ရာဇဝတ်မှု ကျူးလွန်ခြင်းများကြောင့် ကျေးရွာများ ရွာလုံးကျွတ် ပျက်စီးခြင်းများ ဖြစ်ရသည်ဟု အစီရင်ခံစာက ဆိုသည်။

“စစ်ဆင်ရေးအတွင်း ဖမ်းဆီးသည့် အရပ်သားနှင့် တိုက်ခိုက်ရေးသမားများကိုလည်း သတ်ဖြတ်ကြောင်း” ယင်းက ဖော်ပြထားသည်။
“မြန်မာနိုင်ငံတွင်းမှာ အရပ်သားတွေအပေါ် ကျယ်ကျယ်ပြန့်ပြန့် စနစ်တကျ တိုက်ခိုက်ခြင်းနဲ့အတူ စစ်ရာဇဝတ်မှုတွေနဲ့ လူသားမျိုးနွယ်ပေါ် ကျူးလွန်တဲ့ ရာဇဝတ်မှုတွေ အံ့အားသင့်စဖွယ် မြင့်တက်နေတာကို ကျွန်တော်တို့ရဲ့ သက်သေအချက်အလက်တွေက ညွှန်ပြနေတယ်၊ ကျွန်တော်တို့အနေနဲ့ ဒီ ကျူးလွန်သူတွေ တာဝန်ခံလာရေး တရားရုံးတွေက အသုံးပြုနိုင်အောင် အမှုတည်ဆောက်နေပါတယ်”ဟု IIMM ၏ အကြီးအကဲ နီကိုလပ်စ် ကွန်ဂျီအန်က ပြောသည်။

လွန်ခဲ့သော နှစ်နှစ်က စစ်တပ်အာဏာသိမ်းချိန်မှစကာ အတိုက်အခံများကို သွေးထွက်သံယို ဖြိုခွင်းခြင်းများကြောင့် အနောက်အုပ်စု၏ ဒဏ်ခတ်ပိတ်ဆို့မှုများ ချမှတ်ခံရသည့် မြန်မာနိုင်ငံတွင် စစ်တပ်အား မျက်နှာစုံမှ တိုက်ခိုက်သည့် တော်လှန်ရေးလှုပ်ရှားမှုများ ပေါ်ထွက်လာခြင်းနှင့်အတူ ဝရုန်းသုန်းကား အခြေအနေ ကျရောက်လျက် ရှိသည်။

ယခု ကုလသမဂ္ဂ စုံစမ်းစစ်ဆေးသူများ၏ တွေ့ရှိချက်နှင့် ပတ်သက်ပြီး ထင်မြင်ချက်ပေးရန် အာဏာသိမ်း စစ်ကောင်စီ၏ ပြောခွင့်ရသူထံ ဆက်သွယ်၍ မရသေးပေ။

ရက်စက်ယုတ်မာမှုများ ကျူးလွန်ခြင်း မရှိကြောင်း စစ်ကောင်စီက ယခင်က ငြင်းဆန်ပြီး အကြမ်းဖက်များကို တရားဝင် စစ်ဆင်နေခြင်းဖြစ်သည်ဟု ပြောဆိုထားသည်။

စစ်ရေးပစ်မှတ်များကို တိုက်ခိုက်ခြင်းအဖြစ် ဗုံးကြဲခြင်းများကို တရားသည်ဟု ပြောဆိုထားသော်လည်း မြန်မာစစ်တပ်အနေဖြင့် တိုက်ခိုက်မှု ပြုလုပ်ရာ စွပ်စွဲထားသော ပစ်မှတ်များ ဝန်းကျင်၌ အရပ်သား အများအပြား ရှိနေခြင်းကို “သိရမည် ဖြစ်သကဲ့သို့ သိအောင် လုပ်ရမည်” ဖြစ်ကြောင်း ကုလသမဂ္ဂ စုံစမ်းစစ်ဆေးသူများက ပြောခဲ့သည်။

(မိုးသဲ ဘာသာပြန်သည်။)

ထိုင်ဝမ်အပေါ် လုံခြုံရေးခြိမ်းခြောက်မှုတွေနဲ့ပတ်သက်ပြီး ကမ္ဘာကနိုးနိုးကြားကြားရှိသင့်ကြောင်း ဂျပန်ဝန်ကြီးချုပ်ဟောင်းသတိပေး

#InternationalNews #reels #shorts #Taiwan #Japan #Mizzima

​​မြန်မာ့အကျပ်အတည်း ဖြေရှင်းရာတွင် သက်ဆိုင်သူအားလုံးက “နိုင်ငံရေးစိတ်ဆန္ဒ” ရှိရန် လိုဟု အင်ဒိုနီးရှား ပြော
========================

မြန်မာ့အကျပ်အတည်းကို ဖြေရှင်းရာ၌ ပဋိပက္ခတွင် ပါဝင်ပတ်သက်နေသော သက်ဆိုင်သူအားလုံးအနေဖြင့် ပြဿနာတို့ကို အမှန်တကယ် ဆွေးနွေးလိုသည့် နိုင်ငံရေးစိတ်ဆန္ဒ ရှိရန် လိုအပ်ကြောင်း အင်ဒိုနီးရှားသမ္မတ ဂျိုကို ဝီဒိုဒိုက ဩဂုတ် ၈ ရက်တွင် ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ထိုင်ဝမ်အပေါ်ခြိမ်းခြောက်မှုတွေနဲ့ပတ်သက်ပြီးကမ္ဘာကနိုးကြားရှိသင့်ကြောင်းဂျပန်ဝန်ကြီးချုပ်သတိပေး
=================

https://youtu.be/FBw-e9KsgWA

သက်တမ်း ၅၆ နှစ်ပြည့်ပြီဖြစ်တဲ့ အာဆီယံထဲ မြန်မာ့အကျပ်အတည်းဖြေရှင်းဖို့ ကြိုးပမ်းနေရဆဲ
=================

မြန်မာ့နိုင်ငံရေး အကျပ်အတည်းကို ကိုင်တွယ်ဖြေရှင်းရာမှာ ပဋိပက္ခမှာ ပါဝင်ပတ်သက်နေတဲ့ သက်ဆိုင်ရာ အစုအဖွဲ့အားလုံးက နိုင်ငံရေး စိတ်ဆန္ဒအပြည့်နဲ့ ဖြေရှင်းဖို့ လိုအပ်တယ်လို့ အရှေ့တောင်အာရှနိုင်ငံများအသင်း (ASEAN) အလှည့်ကျဥက္ကဋ္ဌ အင်ဒိုနီးရှား သမ္မတ Joko Widodo က ပြောကြားလိုက်ပါတယ်။

အာဆီယံကို ဖွဲ့စည်းတည်ထောင်ခဲ့တာ ၅၆ နှစ်ပြည့်တဲ့အချိန်မှာ အာဆီယံ အဖွဲ့ဝင်နိုင်ငံတွေ အတွင်း မြန်မာ့အရေးနဲ့ ပတ်သက်လို့ သဘောထား ကွဲလွဲမှုတွေ ရှိနေသလို၊ မြန်မာ့အရေး ကိုင်တွယ်ဖြေရှင်းဖို့ဆိုတဲ့ အာဆီယံ ဘုံသဘောတူညီချက် ၅ ရပ် ကိုလက်တွေ့မှာ အကောင်အထည် ဖော်နိုင်ခြင်း မရှိတဲ့အပေါ် ဝေဖန်မှုတွေ ရှိနေတာလည်း ဖြစ်ပါတယ်။

“မြန်မာနိုင်ငံရဲ့ အခြေအနေက စိန်ခေါ်မှုတွေ ပြည့်နှက်နေဆဲပဲ ဆိုတာကို ကျနော်တို့ သိထားပြီးသားပါ။ ဒီအခြေအနေတွေကို ဖြေရှင်းနိုင်ဖို့မှာ ပါဝင်ပတ်သက်နေတဲ့ အဖွဲ့အစည်းတွေ အားလုံးက နိုင်ငံရေး စိတ်ဆန္ဒရှိဖို့ လိုအပ်တယ် ဆိုတာကိုလည်း နားလည် လက်ခံရပါလိမ့်မယ်။” လို့ အင်ဒိုနီးရှားနိုင်ငံရဲ့ သမ္မတ Joko Widodo က ပြောဆိုသွားပါတယ်။

ဒါ့အပြင် အင်ဒိုနီးရှားသမ္မတဝီဒိုဒိုက မြန်မာနိုင်ငံရေးပဋိပက္ခကိုဖြေရှင်းနိုင်ဖို့ အချိန်ယူရဖွယ်ရှိနေတယ်လို့လည်း အဆိုပါအစည်းအဝေးအပြီးမှာ သတင်းထောက်တွေကို ဆက်လက်ပြောဆိုခဲ့ကြောင်း သိရပါတယ်။

မြန်မာ့အရေးနဲ့ ပတ်သက်လို့ အာဆီယံ နိုင်ငံတွေကြားမှာပါ သဘောထားကွဲလွဲမှုတွေ ဖြစ်ပေါ်လာပြီး အခုတော့ သံတမန်ရေးအရ ဖြေရှင်းဖို့ အားထုတ်မှုတွေကို ပိုမိုအရှိန်အဟုန် မြှင့်တင်လာနေကြပါတယ်။

အာဆီယံထိပ်သီးအစည်းအဝေးတွေကို တက်ရောက်ခွင့်တားမြစ်ထားခံရတဲ့ အခြေအနေမှာပဲ ( ၅၆ ) နှစ်မြောက် အာဆီယံနှစ်ပတ်လည်နေ့ကို အာဏာသိမ်းစစ်ခေါင်းဆောင် မင်းအောင်လှိုင်က သဝဏ်လွှာပေးပို့ခဲ့ပြီး အာဆီယံပဋိညာဉ်စာတမ်းပါ အခြေခံမူတွေ နဲ့ ရည်မှန်းချက်တွေ ပြည့်မီဖို့ ကြိုးပမ်းဆောင်ရွက်မယ်လို့ ဆိုပါတယ်။

အာဆီယံ ဒေသတွင်းရှိ ပြည်သူတွေရဲ့ ငြိမ်းချမ်းရေးနဲ့ သာယာဝပြောရေးကို ဆောင်ရွက်ရမှာ အဖွဲ့ဝင်နိုင်ငံတွေအနေနဲ့ အာဆီယံပဋိညာဉ် စာတမ်းပါအချက်တွေကို လေးစားလိုက်နာပြီး အာဆီယံရဲ့ အခြေခံမူတွေနဲ့အညီ ဆောင်ရွက်သွားဖို့လိုတယ်လို့ ပြောလိုပါတယ်၊ မြန်မာနိုင်ငံအနေနဲ့လည်း တာဝန်ရှိတဲ့ အဖွဲ့ဝင်နိုင်ငံ တစ်နိုင်ငံအဖြစ် ဆက်လက်ပူးပေါင်းဆောင်ရွက်သွားမှာဖြစ်ပါတယ် လို့သူကပြောပါတယ်။

၂၀၂၁ ခုနှစ် အာဏာသိမ်းပြီးတဲ့နောက် ဧပြီလအင်ဒိုနီးရှားနိုင်ငံ ဂျကာတာမှာလုပ်တဲ့ မြန်မာ့အရေးအစည်းအဝေးကလွဲလို့ အာဆီယံထိပ်သီးအစည်းအဝေးတွေကို စစ်ခေါင်း‌ဆောင်အပါအဝင် နိုင်ငံရေးရာထူးအဆင့်ရှိသူတွေ တက်ရောက်ခွင့်မရခဲ့ပါဘူး။

အကြမ်းဖက်မှုတွေကိုလျှော့ချဖို့ အာဆီယံရဲ့ မြန်မာ့အရေးထုတ်ပြန်တိုက်တွန်းချက်တွေကို အာဆီယံ ပဋိညာဉ်ပါ မူတွေနဲ့ မကိုက်ညီဘူး လို့ စစ်ကောင်စီရဲ့ နိုင်ငံခြားရေးဝန်ကြီးဌာနက တောက်လျှောက်ကန့်ကွက် ခဲ့တာ ဖြစ်ပါတယ်။

ဒီလို တင်းမာမှုတွေရှိခဲ့ပေမဲ့ ‘’မြန်မာနိုင်ငံအနေနဲ့ တာဝန်ရှိတဲ့ အဖွဲ့ဝင်နိုင်ငံ တစ်နိုင်ငံအဖြစ် ဆက်လက်ပူးပေါင်း ဆောင်ရွက်သွားမယ်’’ လို့လည်း စစ်ခေါင်းဆောင် က သဝဏ်လွှာမှာ ထပ်လောင်းကတိပြုထားပါတယ်။

စစ်ကောင်စီအနေနဲ့ အာဆီယံအသိုက်အဝန်းထဲမှာ အင်ဒိုနီးရှား၊ မလေးရှား နိုင်ငံတွေထက် ထိုင်း၊ကမ္ဘောဒီးယား၊ ဗီယက်နမ်၊လာအို တို့နဲ့ ပိုမိုဆက်ဆံရေးကောင်းနေတာ ဖြစ်ပါတယ်။

ဗီယက်နမ်နဲ့ ကမ္ဘောဒီးယား နိုင်ငံတွေမှာ ကျင်းပနေတဲ့ (၅၆)နှစ်မြောက် အာဆီယံတည်ထောင်ခြင်း အထိမ်းအမှတ် အခမ်းအနားတွေကို မြန်မာသံအမတ်ကြီးတွေ ပါဝင်တက်ရောက်နေတာ တွေ့ရပါတယ်။

မြန်မာနိုင်ငံမှာစစ်တပ် အာဏာသိမ်းပြီး နောက်ဆက်တွဲ ဖြစ်ပေါ်လာတဲ့ နိုင်ငံရေး အကျပ်အတည်းတွေကို အာဆီယံက ကူညီ ဖြေရှင်းဖို့ ကြိုးစားခဲ့ပေမယ့် ထူးထူးခြားခြား အကျိုးဖြစ်ထွန်းမှု မရှိဘဲ ရှေ့ဆက်နေတာ အခုဆိုရင် တတိယမြောက် နှစ်အပိုင်းအခြားထဲ ဝင်ရောက်လာပါပြီပဲဖြစ်ပါတယ်။

https://youtu.be/vlusrfad-D4
 
#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဘင်္ဂလားဒေ့ရှ်မှာ ဒါဇင်နဲ့ချီတဲ့ကိုရမ်ကျမ်းတွေမီးရှို့မှုအပေါ် လူထောင်နဲ့ချီကန့်ကွက်ဆန္ဒပြ
===================

https://youtu.be/Oqwzd9Xk7Bc

သက်တမ်း ၅၆ နှစ်ပြည့်ပြီဖြစ်တဲ့ အာဆီယံထဲ မြန်မာ့အကျပ်အတည်းဖြေရှင်းဖို့ ကြိုးပမ်းနေရဆဲ

Watch more detail - https://youtu.be/vlusrfad-D4

#PoliticalNews #reels #shorts #MizzimaTV

တရုတ်စီးပွားဆက်ဆံရေး တံခါး အဖွင့်၊ အပိတ် “ပိုလီဂရပ်”| VOA On Mizzima
=====================

တရုတ်နိုင်ငံဟာ ကမ္ဘာတဝန်းက ရင်းနှီးမြှပ်နှံသူတွေနဲ့ တံခါးပွင့်ဆက်ဆံရေးကို ကျင့်သုံးနေပါတယ်လို့ တရုတ်အစိုးရက  ပြောပါတယ်။ ဒါပေမဲ့ စီးပွားရေးလုပ်ငန်းတင်ကြိုအကဲဖြတ်တဲ့ ကုမ္ပဏီတွေ နှိပ်ကွက်ခံရတာပါ။ အချက်အလက် အခြေခံပြီး မှားမှန်အတည်ပြုထားတဲ့ VOA ရဲ့ ပိုလီဂရပ်ဖ် ရုပ်သံဗီဒီယိုမှာ တင်ဆက်ထားပါတယ်။  

https://youtu.be/7mKJAZa6dkE

#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဘင်္ဂလားဒေ့ရှ်မှာ ဒါဇင်နဲ့ချီတဲ့ကိုရမ်ကျမ်းတွေမီးရှို့မှုအပေါ် လူထောင်နဲ့ချီကန့်ကွက်ဆန္ဒပြ

#InternationalNews #reels #shorts #Mizzima

၂၅ နှစ်ပြည့် မဇ္ဇျိမ မီဒီယာ အပေါ် တော်လှန်ရေးအင်အားစုများ သဘောထား (ရုပ်သံ သတင်း)
=======================

MTO ၊ စိုင်းခန့် ၊ ဂန္ဓမာ ။ ။ ၁၉၉၈ ခုနှစ်က စတင်ခဲ့တဲ့ မဇ္စျိမမီဒီယာဟာ အခု ၂၀၂၃ ခုနှစ်မှာတော့ နှစ်ပေါင်း ၂၅ နှစ် ပြည့်ခဲ့ပါပြီ။

လွတ်လပ်မှု၊ တရားမျှတမှု၊ တာဝန်သိမှုဆိုတဲ့ မဇ္စျိမရဲ့ ဆောင်ပုဒ်နဲ့အတူ လက်ရှိ နွေဦးတော် လှန်ရေး ကာလမှာလည်း အခက်အခဲတွေ ကြားကနေ ပြည်သူတွေဆီ သတင်းစီးဆင်းမှု မပြတ်လတ်စေဖို့ ဆက်လက် ဆောင်ရွက်နေပါတယ်။

မြန်မာနိုင်ငံမှာ စစ်တပ်က အာဏာသိမ်းပြီးနောက် မဇ္စျိမ သတင်းဌာနကို လုပ်ငန်းလိုင်စင်ပိတ်သိမ်းခဲ့ပြီး ရုံးခန်းကို ဝင်ရောက်စီးနင်းမှုတွေ ပြုလုပ်ခဲ့ပါတယ်။ ဒါပေမယ့်လည်း မဇ္စျိမသတင်းဌာနအနေနဲ့ ပြည် သူတွေ သတင်းမှန်တွေ သိရှိနိုင်ရေး နည်းလမ်းမျိုးစုံနဲ့ သတင်းတွေကို ယနေ့ အထိတိုင် တင်ဆက် ပေးနေတာပါ။

လက်ရှိနွေဦးတော်လှန်ရေးကာလတွေမှာလည်း တော်လှန်ရေးလုပ်ဆောင်နေတဲ့ အနယ်နယ်အရပ်ရပ် မှ တော်လှန်ရေးအဖွဲ့အစည်းတွေ ၊ ကူညီကယ်ဆယ်ရေးအဖွဲ့အစည်းတွေ ပြည်သူ့အုပ်ချုပ်ရေးအဖွဲ့ အဖွဲ့အစည်းမျိုးစုံး နဲ့ ဆက် သွယ်ချိတ်ဆက်ပြီး သတင်းမှန်တွေ တင်ဆက်နိုင်ရေးအစွမ်းကုန် ကြိုးစား ရွက်နေပါတယ်။

ဒါကြောင့်လည်း မဇ္ဇျိမမီဒီယာ ရဲ့ ရပ်တည်ချက် ဆောင်ရွက်ချက်တွေ နဲ့ ပတ်သတ်လို့ မြောင်မြို့နယ် ကာကွယ်ရေးနှင့် ပြည်သူ့လုံခြုံရေးအဖွဲ့ CDSOM ရဲ့ ခေါင်းဆောင် ကို နွေဦးမြောင် က အခုလိုပြော ပါတယ်

သတင်း - MTO ၊ စိုင်းခန့်၊ ဂန္ဓမာ
တင်ဆက် ၊ တည်းဖြတ် MTO

https://youtu.be/VlzTzv2HjLo

-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

စစ်ကောင်စီတပ်ကစစ်ရာဇဝတ်မှုများကိုအကြိမ်ကြိမ်ထပ်မံကျူးလွန်နေဟုကုလ စုံစမ်းအရေးအဖွဲ့ အစီရင်ခံစာထုတ်ပြန်
=====================

စစ်ကောင်စီတပ်နဲ့ ယင်းလက်အောက်ခံ ပြည်သူ့စစ်များက အရပ်သားတွေအပေါ်ဗုံးကြဲတိုက်ခိုက်မှုအပါအဝင် စစ်ရာဇဝတ်မှုတွေကို မကြာခဏ ပြောင်ပြောင်တင်းတင်းကျူးလွန်နေကြောင်း ကုလသမဂ္ဂရဲ့ မြန်မာနိုင်ငံဆိုင်ရာ လွတ်လပ်တဲ့ စုံစမ်းစစ်ဆေးရေးယန္တရား အဖွဲ့ IIMM က သြဂုတ်လ ၈ ရက်နေ့ ထုတ်ပြန်တဲ့ အစီရင်ခံစာမှာ ဖေါ်ပြထားပါတယ်။

စစ်ကောင်စီကျူးလွန်တဲ့ စစ်ရာဇဝတ်မှုတွေထဲမှာ လေကြောင်းတိုက်ခိုက်မှုများ၊ အရပ်သားများကို မခွဲခြားဘဲ အင်အားအလွန်အကျွံသုံး တိုက်ခိုက်ခြင်း၊ ဖမ်းဆီးခံရသူများကို အစုလိုက်အပြုံလိုက် သတ်ဖြတ်ခြင်း၊ ပြည်သူနေအိမ်များကို ရွာလုံးကျွတ်မီးရှို့ခြင်းတို့ ပါဝင်တယ်လို့ ကုလသမဂ္ဂ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (IIMM) က ထုတ်ပြန်သော အစီရင်ခံစာတွင် ဖော်ပြထားပါတယ်။

မြန်မာစစ်တပ်နဲ့ လက်ဝေခံ ပြည်သူ့စစ်တပ်ဖွဲ့တွေဟာ ၂၀၂၂ခုနှစ်ကနေ ၂၀၂၃ ခုနှစ် ဇွန်လ အတွင်း စစ်ပွဲနဲ့ ဆက်နွယ်တဲ့ စစ်ရာဇဝတ်မှု သုံးမျိုးကို မကြာခဏ ကြိမ်ဖန်များစွာ ကျူးလွန်ခဲ့တယ်ဆိုတဲ့ ခိုင်လုံတဲ့ အထောက်အထားတွေရှိနေကြောင်း ရေးသားထားပါတယ်။
စစ်ရာဇဝတ် မှုတွေ၊ လူသားမျိုးနွယ်အပေါ်ကျူးလွန်တဲ့ ရာဇဝတ်မှုတွေ သိသိသာသာတိုးလာနေတာကို ရရှိထားတဲ့ သက်သေအထောက်အထားတွေက ဖော်ပြနေပြီး ပြစ်မှုကျူးလွန်သူ တစ်ဦးချင်းစီ တာဝန်ခံမှုရှိစေရန် လုပ်ဆောင်ရာမှာ တရားရုံးများကအသုံးပြုနိုင်မယ့် အထောက်အထားများ စုဆောင်းနေပါတယ် လို့ IIMM အကြီးအကဲ နီကိုလတ်စ်ခွန်ဂျန်က ပြောပါတယ်။

IIMM ရဲ့ အစီရင်ခံစာကို မျက်မြင်သက်သေ ၂၀၀ ကျော်ရဲ့ ထွက်ဆိုမှု၊ ဓာတ်ပုံများ၊ ဗီဒီယိုများ၊ အသံဖိုင်များ၊ စာရွက်စာတမ်းများ၊ မြေပုံများ၊ ဂြိုလ်တုပုံရိပ်များ၊ လူမှုကွန်ရက်သတင်းများနဲ့မှုခင်းဆိုင်ရာ အထောက်အ ထားများ အပါအဝင် အရင်းမြစ်ပေါင်း ၇၀၀ ကျော်ထံမှ အချက်အလက်များကို စုဆောင်းတင်ပြထားတာဖြစ်တယ်လို့ဆိုပါတယ်။

ဒါအပြင် စစ်တပ်ရဲ့ နယ်မြေရှင်းလင်းရေး စစ်ဆင်ရေးမှာ ဖမ်းဆီးထားတဲ့အရပ်သားတွေ ဒါမှမဟုတ် ပြည်သူ့ကာကွယ်ရေးတပ်ဖွဲ့ဝင်တွေကို သတ်ဖြတ်မှုတွေဟာ စစ်ရာဇဝတ်မှုတွေဖြစ်တယ်လို့ ကိုးကားရေးသားထားပါတယ်။

မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား (IIMM သို့မဟုတ် ယန္တရား) ကို ၂၀၁၁ ခုနှစ် နောက်ပိုင်း မြန်မာနိုင်ငံတွင်ကျုးလွန်တဲ့ အကြီးလေးဆုံးသော နိုင်ငံတကာရာဇဝတ်မှုနဲ့ တခြားသော နိုင်ငံ တကာ ဥပဒေများ ချိုးဖောက်ခြင်းများအတွက် အထောက်အထားများ စုဆောင်းရန်နဲ့  စိစစ်သုံးသပ်ရန်အတွက် ၂၀၁၈ ခုနှစ်မှာ ကုလသမဂ္ဂ လူ့အခွင့်အရေးကောင်စီမှ ဖွဲ့စည်းခဲ့တာဖြစ်ပါတယ်။

https://youtu.be/86cpMAsFen8
 
#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

စစ်ကောင်စီတပ်က စစ်ရာဇဝတ်မှုများကို အကြိမ်ကြိမ် ထပ်မံကျူးလွန်နေဟု ကုလ စုံစမ်းအရေးအဖွဲ့ အစီရင်ခံစာထုတ်ပြန်

Watch more detail - https://youtu.be/86cpMAsFen8

#PoliticalNews
#reels
#shorts
#MizzimaTV

August - 9 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

သြဂုတ်လ ၉ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
========================

01:09-သက်တမ်း ၅၆ နှစ်ပြည့်ပြီဖြစ်တဲ့ အာဆီယံထဲ မြန်မာ့အကျပ်အတည်းဖြေရှင်းဖို့ ကြိုးပမ်းနေရဆဲဖြစ်တဲ့သတင်း

04:40-အုတ်ဖိုမှာ CDM သူနာပြုဆရာမကို သတ်ဖြတ်မှုမှာ ပါဝင်သူ ရာအိမ်မှူးပစ်ခတ်ခံရပြီး သေဆုံးပြီး ရဲကားမိုင်းဆွဲခံရတဲ့သတင်း

06:50-ဖြူးမှာ စစ်ကောင်စီတပ်တိုက်ခိုက်ခံရလို့ ၅ ဦးသေဆုံးပြီး ဖြူးအပါအဝင် မြို့ ၃ ခုကို မိုဘိုင်းအင်တာနက်လိုင်း စစ်ကောင်စီဖြတ်တောက်တဲ့သတင်း

08:00-စစ်ကောင်စီတပ်က စစ်ရာဇဝတ်မှုတွေကို အကြိမ်ကြိမ် ထပ်မံကျူးလွန်နေတယ်လို့ ကုလ စုံစမ်းအရေးအဖွဲ့ အစီရင်ခံစာထုတ်ပြန်တဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်ခင်ဗျာ။

https://youtu.be/gfcuGWjIGag

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U