Mizzima
✔
47.6K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ဂန့်ဂေါတွင် စစ်ကောင်စီတပ်မှပစ်ခတ်သော လက်နက်ကြီးကျည် ကျရောက်ပေါက်ကွဲ၍ အရပ်သား ၂ ဦး သေဆုံးပြီး ၄ ဦးဒဏ်ရာရ
🤬4🔥3😢2👍1😁1
ဂန့်ဂေါတွင် စစ်ကောင်စီတပ်မှပစ်ခတ်သော လက်နက်ကြီးကျည် ကျရောက်ပေါက်ကွဲ၍ အရပ်သား ၂ ဦး သေဆုံးပြီး ၄ ဦးဒဏ်ရာရ
=====================

ပါခွီး
(မဇ္စျိမ)။ ။မကွေးတိုင်း၊ ဂန့်ဂေါမြို့နယ်အတွင်းတပ်စွဲထားသည့် စစ်ကောင်စီတပ်ဖွဲ့ပစ်ခတ်သည့် လက်နက် ကြီးကျည် ကျရောက်ပေါက်ကွဲ၍ ဒေသခံ အရပ်သားနှစ်ဦးသေဆုံးပြီး လေးဦးဒဏ်ရာရရှိသွားကြောင်း ဂန့်ဂေါမြို့နယ်ပြည်သူ့ကာကွယ်ရေးတပ်ဖွဲ့(ပကဖ)က ယမန်နေ့ ဩဂုတ်လ ၁၃ ရက်က ထုတ်ပြန်သည်။

ဂန့်ဂေါမြို့နယ်၊ မြောက်ခင်ရန်းကျေးရွာတွင် တပ်စွဲထားသည့် စစ်ကောင်စီတပ်ဖွဲ့သည် စစ်ရေးပစ်မှတ် မဟုတ်သည့် ကျေးရွာများအတွင်းသို့ ၁၂၀ မမဖြင့် ပစ်ခတ်ခဲ့ရာ ဩဂုတ်လ ၈ ရက်နေ့တွင် ရေသာကျေးရွာ သို့ ကျရောက်ပေါက်ကွဲခဲ့ပြီး အသက် ၃၄ နှစ်အရွယ် အမျိုးသမီးတဦး၏ ဦးခေါင်းကိုလက်နက်ကြီးကျည် စထိမှန်ကာ ပြင်းထန်ဒဏ်ရာရရှိခဲ့သည်ဟု ဆိုသည်။

ဩဂုတ်လ ၁၁ရက်နေ့တွင်လည်း အဆိုပါ မြောက်ခင်ရန်းကျေးရွာမှ စစ်ကောင်စီတပ်ဖွဲ့က လက်နက်ကြီး ဖြင့်ပစ်ခတ်ရာ ဂန့်ဂေါမြို့နယ် မြင်သားရွာသို့ ကျည်နှစ်လုံးကျရောက်ပေါက်ကွဲခဲ့ပြီး အသက် ၅၈ နှစ် အရွယ်အမျိုးသမီးတဦးနှင့် အသက် ၃၃ နှစ်အရွယ် အမျိုးသားတဦး လက်နက်ကြီးကျည်စ ထိမှန် သေဆုံးခဲ့ ကြောင်း သိရသည်။
ထို့ပြင် အသက် ၁၂ နှစ်အရွယ် ကလေးငယ်တဦး၊ အသက် ၂၈ နှစ်အရွယ်အမျိုးသား တဦးနှင့် အသက် ၆၃ နှစ်အရွယ် အမျိုးသမီးတဦးတို့ လက်နက်ကြီးကျည်စ ထိမှန်ဒဏ်ရာများ ရရှိခဲ့ကြောင်း ထုတ်ပြန်ချက်တွင် ဖော်ပြထားသည်။

စစ်ကောင်စီ၏ အဆိုပါလုပ်ရပ်များသည် ရာဇဝတ်မှုမြောက်သည့် အကြမ်းဖက်လုပ်ရပ်များဖြစ်သည်ဟု လည်း ထုတ်ပြန်ချက်တွင် ဖော်ပြထားသည်။

ဂန့်ဂေါမြို့နယ် တောင်ခင်ရန်းကျေးရွာ နယ်မြေရဲစခန်းမှ စစ်ကောင်စီတပ်ဖွဲ့ များသည် ဩဂုတ်လ ၁၃ ရက် နေ့ နံနက် ၉ နာရီမှစ၍ ကျေးရွာအတွင်းရှိ နေအိမ်များကို မီးရှို့ဖျက်ဆီးခဲ့ရာ နေအိမ်ခုနစ်လုံး မီးလောင် ပျက်စီးခဲ့ပြီး ယင်းတပ်ဖွဲ့၏ လက်နက်ကြီး ပစ်ခတ်မှုကြောင့်နေအိမ်နှစ်လုံး ပျက်စီးခဲ့ရကြောင်း သိရသည်။
ယင်းနေ့တွင်ပင် မြောက်ခင်ရန်းကျေးရွာရှိ စစ်ကောင်စီတပ်ဖွဲ့က ၁၂၀ မမ လက်နက်ကြီးဖြင့် မြင်သား ကျေးရွာသို့ပစ်ခတ်ခဲ့ရာ ကျေးရွာအတွင်း ကျရောက်ပေါက်ကွဲခဲ့သော်လည်း အထိအခိုက်မရှိကြောင်း ဂန့်ဂေါမြို့နယ် ပြည်သူ့ကာကွယ်ရေးတပ်ဖွဲ့၏ ထုတ်ပြန်ချက်တွင် ဖော်ပြထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#မကွေးတိုင်း
#ဂန့်ဂေါမြို့နယ်
#စစ်ကောင်စီတပ်
#လက်နက်ကြီးပစ်ခတ်မှု

ဓါတ်ပုံ - ဂန်ဂေါမြို့နယ် ပြည်သူ့ကာကွယ်ရေးတပ်ဖွဲ့

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥4🤬4👍2😢2😁1
This media is not supported in your browser
VIEW IN TELEGRAM
စစ်ပွဲကြားမှာအသက်ရှင်ရပ်တည်နိုင်ဖို့ အသေးစားစီးပွားရေးလုပ်ငန်းတွေ ဆူဒန်ပြည်သူတွေ စတင်လုပ်ကိုင်လာကြ

#InternationalNews #reels #shorts #Business #Mizzima
🔥2👍1
စစ်ကောင်စီနှင့်နီးစပ်တဲ့ရွှေဗျိုင်းဖြူကုမ္ပဏီဖျက်သိမ်းကြောင်းကြေညာ| Business Round Up (14.8.2023)
===================

- စစ်ကောင်စီနှင့် နီးစပ်တဲ့ ရွှေဗျိုင်းဖြူစက်သုံးဆီကုမ္ပဏီ ဖျက်သိမ်းလိုက်ကြောင်း ကြေညာ

- မူးယစ်ဆေးဝါးပြဿနာကိုဖြေရှင်းဖို့ အာဆီယံနိုင်ငံအချင်းချင်း နိုင်ငံရေးရောယှက်မှုကင်းစွာ သတင်းဖလှယ်ရန်လိုအပ်ဟုဆို

- လပိုင်းအတွင်း ပြည်တွင်းဘဏ်များက အမေရိကန်ဒေါ်လာ(၈)သိန်းနီးပါးကို အသေးသုံးအဖြစ် ရောင်းချခဲ့

- ထိုင်းထုတ်ကုန်တချို့(၂ဝ) ရာခိုင်နုန်းခန့် ဈေးတက်လာ

https://youtu.be/NJ6f-CkJXHI
 
#BusinessRoundUp
#mizzimatv
👍9😁2
This media is not supported in your browser
VIEW IN TELEGRAM
တပတ်အတွင်း ဖော်ထုတ်ထားတဲ့ သတင်းတု/မှား တွေကို ဂျူချန်းက တင်ဆက်ထားပါတယ်။

အပြည့်အစုံကြည့်ရန် - https://youtu.be/0iFUcKMpqkA

#Misinformation_Buster #Fake_News #reels #shorts #package
🔥4👍2
၈၇၅ ရက်မြောက် စစ်အာဏာရှင်ဆန့်ကျင်ရေး ချီတက်ခဲ့သည့် ကျေးရွာပေါင်းစုံသပိတ်
====================

ပါခွီး
(မဇ္စျိမ)။ ။စစ်ကိုင်းတိုင်း၊ ယင်းမာပင်မြို့နယ်နှင့် ဆားလင်းကြီးမြို့နယ်အတွင်းရှိ ကျေးရွာများစုပေါင်း၍ စစ် အာဏာရှင်ဆန့်ကျင်ရေးဆန္ဒပြပွဲကို ဩဂုတ်လ ၁၄ ရက် ယနေ့တွင် ချီတက်ဆန္ဒပြကြပြသည်။

လူထုသပိတ်စစ်ကြောင်းသည် “ဖက်ဆစ်ဝင်ငွေ ဖြတ်တောက် ပြည်သူ့ဘဏ္ဍာ တည်ဆောက်” စာတမ်း ကိုင်ဆောင်ပြီး စစ်အာဏာရှင်ဆန့်ကျင်ရေး ကြွေးကြော်သံများ ဟစ်ကြွေးချီတက်ခဲ့သည်။
ယင်းနောက် ကျဆုံးခဲ့သော အာဇာနည်အပေါင်းကို ဦးညွှတ်အလေးပြုခဲ့ကြပြီး သွေးမော်ကွန်းတေးသီချင်း ကိုသံပြိုင်သီဆိုကာ ကြွေးကြော်သံများဖြင့် ဆန္ဒပြပွဲကို ရုပ်သိမ်းခဲ့ကြသည်။

ယနေ့ဆန္ဒပြပွဲသည် ကျေးရွာပေါင်းစုံသပိတ်စစ်ကြောင်း၏ စစ်အာဏာရှင်ဆန့်ကျင်ရေး ၈၇၅ ရက်မြောက် ဖြစ်ကြောင်း သိရသည်။
ယင်းမာပင်မြို့နယ်နှင့် ဆားလင်းကြီးမြို့နယ်တို့မှ ကျေးရွာပေါင်းစုံသပိတ်စစ်ကြောင်းသည် ၂၀၂၁ ခုနှစ် မတ်လ ၉ ရက်နေ့မှ စတင်ကာ စစ်အာဏာရှင်ကို ဆန့်ကျင်ဆန္ဒပြခဲ့ခြင်းဖြစ်သည်။

#စစ်ကိုင်းတိုင်း
#ကျေးရွာပေါင်းစုံသပိတ်စစ်ကြောင်း
#စစ်အာဏာရှင်ဆန့်ကျင်ရေး

Website Link - http://www.mizzimaburmese.com/article/132067
👍10❤7🔥1😁1🤔1
ဖမ်းဆီးခံရတဲ့ မြန်မာ ၅၀ ကျော်မှာ PDF တွေ မဟုတ်တဲ့အကြောင်း | Misinformation Buster S3| Ep.78
===================

မဇ္ဈိပရိသတ်များအားလုံး မင်္ဂလာပါ။ သတင်းတု/မှား များကို တိုက်ဖျက်ခြင်း (Misinformation Buster) အစီအစဉ်ကနေ ပြန်လည်ကြိုဆိုလိုက်ပါတယ်။

ဒီတပတ်မှာတော့
-KBZ Bank နာမည်နဲ့ ဘဏ်အကောင့်လုံခြုံရေး အန္တရာယ်ရှိနေတယ်လို့ ဖုန်းကနေ SMS စာတို ပေးပို့တာတွေ ရှိနေတဲ့အကြောင်း

-ထိုင်းနိုင်ငံ၊ မဲဆောက်မြို့မှာ ဖမ်းဆီးခံရတဲ့ မြန်မာ ၅၀ ကျော်မှာ PDF တွေ မဟုတ်တဲ့အကြောင်း

-Cobra စစ်ကြောင်းမှူး ဗိုလ်တာဘော သေဆုံးတာဟာ အမှန်မဟုတ်တဲ့အကြောင်း စတဲ့ တစ်ပါတ်အတွင်းမှာ ပျံ့နှံ့နေခဲ့တဲ့ သတင်းတုသတင်းမှားတွေကို စုစည်းတင်ဆက်ပေးမှာပါ။

https://www.youtube.com/watch?v=0iFUcKMpqkA
👍12😁1🍌1
ဖရူဆိုတိုက်ပွဲအတွင်း ကျဆုံးသွားသည့် KNDF ရဲဘော်ဝင်း‌မောင်၏ စျာပန
😢9🔥3👍1👎1😁1
ဖရူဆိုတိုက်ပွဲအတွင်း ကျဆုံးသွားသည့် KNDF ရဲဘော်ဝင်း‌မောင်၏ စျာပန
===================

ကိုဇာနည်
(မဇ္စျိမ)။ ။ကရင်နီပြည်၊ ဖရူဆိုမြို့နယ်၊ကဒါလားရွာတွင် ပြီးခဲ့သည့် သြဂုတ်လ ၉ ရက်နေ့က စစ်ကောင်စီတပ်နှင့် ကရင်နီပူးပေါင်းတပ်ဖွဲ့တိုက်ပွဲ အပြင်းအထန်ဖြစ်ခဲ့ပြီး ကရင်နီအမျိုးသားများကာကွယ်ရေးတပ်၊ တပ်ရင်းအမှတ်(၄)၊ KNDF B-04 မှ ရဲဘော်၀င်းမောင်ကျဆုံးခဲ့သည်။

ရဲဘော်၀င်းမောင်(ခ)ဆီမိုးနယ်သည် စစ်ကောင်စီတပ်ကိုခုခံတိုက်ခိုက်ရင်းမြင့်မြတ်စွာကျဆုံးသွားသည်ဟု KNDF B-04 က ယမန်နေ့ ဩဂုတ်လ ၁၃ရက်က ထုတ်ပြန်ထားသည်။
ရဲဘော်၀င်း‌မောင်(ခ)ဆီမိုးနယ်၏ကျဆုံးမှုအတွက် ကျန်ရစ်သူ မိသားစုနှင့်အတူထပ်တူ၀မ်းနည်းရပြီး အာဇာနည် သူရဲကောင်းအဖြစ် မှတ်တမ်းတင် အလေးပြုပါသည်ဟု KNDF B-04 က ထုတ်ပြန်သည်။

" ကြယ်တပွင့် ကြွေလွင့်ခြင်း "ဟု KNDF B-04 ၏ထုတ်ပြန်ချက်တွင် ဖော်ပြထားသည်။

ရဲဘော် ဝင်းမောင် (ခ)ဆီမိုးနယ်သည် KNDF B-04 တွင်၂၀၂၁၊ဇွန်လ(၂၇)ရက်နေ့မှစ၍တာ၀န်ထမ်းဆောင်ခဲ့သူ ဖြစ်သည်။ ၎င်း၏ စျာပနအခမ်းအနားကရင်နီပြည်နယ်တနေရာတွင် ယခုရက်ပိုင်း ပြုလုပ်ခဲ့သည်။

ကဒါလားရွာတိုက်ပွဲတွင် စစ်ကောင်စီဘက်မှထိခိုက်မှုကို KNDF B-04က ယနေ့ ဩဂုတ်လ ၁၄ရက်အထိ သတင်းထုတ်ပြန်ခြင်းမရှိသေးပေ။ ကဒါလားရွာတွင် တိုက်ပွဲဖြစ်သည့်နေ့က လွိုင်ကော်မြို့ပတ်လမ်း ၊နမ့်ကွန်ရေစီးကွေ့ တလျှောက်တွင်လည်း စစ်ကောင်စီတပ်နှင့် ကရင်နီပူးပေါင်းတပ်ဖွဲ့တို့တိုက်ပွဲဖြစ်ခဲ့သည်။ ထိုတိုက်ပွဲတွင် စစ်ကောင်စီတပ်ဖွဲ့ဝင်သုံးဦးထက်မနည်းသေဆုံးခဲ့ပြီး ခုနစ်ဦးဒဏ်ရာရသွားကာ စစ်ကားတစီးကို ဖျက်ဆီးနိုင်ခဲ့သည်ဟု KNDF က သတင်းထုတ်ပြန်ထားသည်။

စာတည်း - မောင်ကြီး

#mizzima
#ဖရူဆိုမြို့နယ်
#ကရင်နီပူးပေါင်းတပ်ဖွဲ့တိုက်ပွဲ
#KNDF B-04
#ရဲဘော်၀င်းမောင်

Photo - KNDF B-04

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢13❤3👍2🥰1😁1
​​မြန်မာနိုင်ငံရှိ လက်နက်ကိုင်ဆန့်ကျင်တော်လှန်မှုကို အနောက်အုပ်စု ထောက်လှမ်းရေး အေဂျင်စီများက လောင်စာဖြည့်ပေးနေသလား
=======================

မြန်မာစစ်တပ်၏ ဗိုလ်ချုပ်ကြီးများသည် ၎င်းတို့ကို ပြည်ပ ထောက်လှမ်းရေး အေဂျင်စီများက ထိုးနှက်လျက် ရှိသည် ဆိုပြီး ဆယ်စုနှစ်များကြာ အခိုင်အမာ ယုံကြည်ခဲ့ကြသည်။ စစ်တပ်အုပ်ချုပ်မှုကို တိုက်စားလျော့ပါးစေရန်၊ ပြည်တွင်း မတည်မငြိမ်မှုတို့ကို အားပေးအားမြှောက်ပြုရန်နှင့် ပြည်သူထုအကြား ဇဝေဇဝါ ဖြစ်စေရေး သွေးထိုးရန် ထို ပြည်ပ ထောက်လှမ်းရေးအေဂျင်စီများသည် နိုင်ငံအတွင်းနှင့် နိုင်ငံ၏ နယ်စပ်များအနှံ့တွင် လျှို့ဝှက်လှုပ်ရှားကြသည်ဟု မြန်မာစစ်ဗိုလ်ချုပ်ကြီးများက ထင်မြင်ယူဆသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11😁5👏1🤔1