​​23.8.2023 (Wednesday) တွင် ထုတ်လွှင့်တင်ဆက်ပြသမည့် အစီအစဉ်
=====================

Highlight

ပညာရေးမြို့တော်က စိန်ခေါ်သံများ (ညနေ - ၇ နာရီ)
India Movie -Bhoomi (ည- ၈ နာရီ)
Korea Movie - Cheese in the trap (ည- ၁၀ နာရီခွဲ)

Mizzima+ channel တွင် ပြသနေ့သည့် အချိန်မှာပဲ Mizzima App တွင်လည်း Live Stream တိုက်ရိုက်ကြည့်ရှုနိုင်ပါသည်။

#mizzimatv

စစ်ကောင်စီဘဏ္ဍာရေး ကပ်ဆိုက်တော့မှာလား
==================

အမေရိကန်က စစ်ကောင်စီရဲ့ ဘဏ်တွေကို အရေးယူဖို့ ချမှတ်ထားပြီးအမေရိကန်ရဲ့ မူဝါဒတွေကို လိုက်နာ မှုရှိမရှိစောင့်ကြည့်မယ်လို့ ဩဂုတ်လ ၅ ရက်နေ့က သတိပေးလိုက်ပါတယ်။ အဲဒီလို သတိ ပေးမှုပြုလုပ်ပြီး သိပ်မကြာခင်မှာပဲ စစ်ကောင်စီဘဏ်တွေနဲ့ ဆက်ဆံမှုရှိနေတဲ့ အိမ်နီးနားချင်း နိုင်ငံက ဘဏ်တွေက စစ်ကောင်စီလက်အောက်ခံ ဘဏ်တွေနဲ့ ဆက်သွယ်ဆောင်ရွက်မှုတွေကို ရပ်ဆိုင်း လိုက်ကြပါတယ်။

https://youtu.be/sJ3-S4EEJzo

#politics
#newsfeature
#mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

လာမယ့်ရွေးကောက်ပွဲနဲ့ သမ္မတဟောင်း Trump အပေါ် ထောက်ခံမှု | VOA On Mizzima
========================

ရီပတ်ဘလစ်ကန်ပါတီတွင်း သမ္မတလောင်းဖြစ်ဖို့ ရှေ့က ပြေးနေတဲ့ အမေရိကန်သမ္မတဟောင်း Donald Trump အပေါ် တရားစွဲဆိုတဲ့ အမှုအသစ် တခု တိုးလာတိုင်း  သူ့ကိုပြတ်ပြတ်သားသား ထောက်ခံတာတွေ တိုးလာတယ်လို့ Donald Trump က ပြောဆိုပါတယ်။ လူထုစစ်တမ်း တချို့မှာလည်း သူပြောတဲ့ အတိုင်း ဖြစ်နေတယ်ဆိုပြီး ပြနေပါတယ်။ တချို့ လူထုစစ်တမ်းတွေမှာတော့ ဒီလို တရားစွဲဆိုမှုတွေကြောင့် တသီးပုဂ္ဂလတွေ၊ ဒီမိုကရက်တွေနဲ့ ယှဉ်ပြိုင်ရမယ့် လာမယ့် ရွေးကောက်ပွဲမှာ Tump ဘက်က အရေးနိမ့်နိုင်တယ်ဆိုပြီး ပြနေပါတယ်။ VOA သံတမန်ရေးရာ သတင်းထောက် Cindy Saine သတင်းပေးပို့ချက်ကို ဦးသိန်းထိုက်ဦး တင်ဆက်ထားပါတယ်။  

https://youtu.be/m6wTDE8EAAw
  
#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

၂၀၂၄ ရွေးကောက်ပွဲနဲ့ ကန်စီးပွားရေးအပေါ် သက်ရောက်နိုင်ခြေ | VOA On Mizzima
========================

သမ္မတ Biden အစိုးရက အမေရိကန်စီးပွါးရေးအားကောင်းခိုင်မာဖို့ အာရုံစိုက်လုပ်ဆောင်နေပေမဲ့ တချို့ လုပ်ငန်းရှင်တွေကတော့ ဒီအပေါ် ယုံကြည်မှုနည်းနေဆဲပါ။ ရွေးကောက်ပွဲရာသီမတိုင်ခင် အသေးစားလုပ်ငန်းရှင်တွေ စီးပွါးရေးအတွက် ရုန်းကန်နေကြရတဲ့ အကြောင်း VOA သတင်းထောက် Veronica Balderas Iglesias ကိုယ်တိုင် သူတို့ဆိုင်တွေကိုသွားရောက်လေ့လာခဲ့ပါတယ်။ မမြသဇင်အောင် တင်ဆက်ထားပါတယ်။

https://youtu.be/NXAxm7hCrVU

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နိုင်ငံရင်း ပြန်လာချိန် ထောင်ချခံရသည့် ထိုင်းဝန်ကြီးချုပ်ဟောင်း သက်ဆင်အား ဆေးရုံသို့ ပို့ဆောင်
==========================

ပြည်ပတွင် နှစ်ပေါင်းများစွာ ထွက်ပြေးတိမ်းရှောင်နေပြီး နိုင်ငံရင်း ပြန်လာချိန် ထောင်ချခံရဿည့် ထိုင်းဝန်ကြီးချုပ်ဟောင်း သက်ဆင် ရှင်နာဝတ်ထရာသည် ထောင်ကျသည့် ပထမရက်မှာပင် ကျန်းမာရေးပြဿနာ ခံစားရခြင်းကြောင့် ညတွင်းချင်း ရဲဘက်ဆိုင်ရာ ဆေးရုံတရုံသို့ ရွှေ့ပြောင်းပေးခဲ့ကြောင်း ထိုင်းရဲတပ်ဖွဲ့က ဗုဒ္ဓဟူးနေ့တွင် ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖိလစ်ပိုင်ရဲ့ ပူးတွဲစစ်ရေးလေ့ကျင့်မှုအတွင်း ဩစတြေးလျရဲ့ အကြီးဆုံးစစ်သင်္ဘောတစ်စင်း ဖြန့်ကျက်ထား
==========================

https://youtu.be/GycOIQF7rPg

သြဂုတ်လ ၂၃ ရက်နေ့ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
====================

https://youtu.be/XAtAT_9ZHM0

အွန်လိုင်း live လွှင့် ဈေးရောင်းတဲ့ တရုတ် ဈေးကွက် ကြီးထွား | VOA On Mizzima 
==================

တရုတ်နိုင်ငံမှာ အွန်လိုင်းကနေ live လွှင့်ပြီး ဈေးရောင်းတဲ့ ဈေးကွက်က အင်မတန် ကြီးလာနေပြီး ၂၀၂၂ မှာ ဒေါ်လာ ၄၈၀ ဘီလျံဖိုး ဝင်ငွေရခဲ့တယ်လို့စစ်တမ်းမှာ ဖော်ပြထားပါတယ်။ အိမ်သာသုံးစက္ကူကအစ ဇိမ်ခံပစ္စည်းတွေအထိ ကြော်ငြာပြီး အွန်လိုင်းကနေ live လွှင့် ဈေးရောင်းတဲ့ ဈေးကွက်အကြောင်း ရိုက်တာသတင်းဆောင်းပါးတပုဒ်ကို မအိသန့်စင် တင်ဆက်ထားပါတယ်။

https://youtu.be/ZFJTXBf6gqc

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အကြမ်းဖက်လုပ်ရပ်တွေကို ကျူးလွန်နေတဲ့စစ်ကောင်စီက NUG၊ PDF နဲ့ တွေ့ဆုံဆွေးနွေးဖို့မရှိဘူးလို့ပြော 
====================

အကြမ်းဖက်လို့ ကြေညာထားသူတွေနဲ့ တွေ့ဆုံဆွေးနွေးရေးလမ်းကြောင်း သွားစရာမရှိကြောင်းနဲ့ ကြေညာခံထားရတဲ့သူတွေအနေနဲ့ အကြမ်းဖက်အလုပ် ကို မလုပ်တော့ပါဘူးလို့ ကမ္ဘာသိဝန်ခံကြေညာမှသာ တွေ့ဆုံ ဆွေးနွေးမည်ဖြစ်ကြောင်း စစ်ကောင်စီပြောခွင့်ရပုဂ္ဂိုလ် ဇော်မင်းထွန်း က ပြောဆို လိုက် ပါတယ်။
သြဂုတ် ၂၂ ရက်က ပြုလုပ်တဲ့ စစ်ကောင်စီရဲ့ သတင်းစာရှင်းလင်းပွဲမှာ နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ထိုင်းနိုင်ငံခြားရေးဝန်ကြီးတို့ရဲ့ တွေ့ဆုံမှုကတဆင့် နောက်ပိုင်းမှာ တွေ့ဆုံဆွေးနွေးရေးလမ်းကြောင်းတွေ ပေါ်လာနိုင်လားဆိုတဲ့ မေးခွန်းနဲ့ပတ်သက်ပြီး သူက အခုလို ပြောဆိုလိုက်တာပါ။

တွေ့ဆုံဆွေးနွေးရေးလမ်းကြောင်းကို သွားနိုင်ဖို့ အချက် နှစ်ချက်ကို စစ်ကောင်စီက ပြောခဲ့ပေမဲ့ NUG နဲ့ PDF ဘက်က မလိုက်လျောနိုင်မယ့် စကားလုံးမျိုးကို ရွေးချယ်သွားတယ် လို့ နိုင်ငံရေးအကဲခတ်တွေက သုံးသပ်ကြပါတယ်။
စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက အကြမ်းဖက်အဖွဲ့အဖြစ် ကြေညာထားသူတွေနဲ့ တွေ့ဆုံမှာ မဟုတ်ဘူးလို့ ပြောပေမယ့် တိုင်းရင်းသားလက်နက်ကိုင်အဖွဲ့တွေနဲ့တော့ ငြိမ်းချမ်းရေး ဆက်ဆွေးနွေးသွားဖို့ ရှိတယ်လို့ အဲဒီ သတင်းစာရှင်းလင်းပွဲမှာ ပြောသွားပါတယ်။
စစ်ကောင်စီအနေနဲ့ ပြည်တွင်းငြိမ်းချမ်းရေးရရှိဖို့ EAOs အဖွဲ့တွေနဲ့ ဆောင်ရွက်နေတာတွေ၊ နိုင်ငံရေးတည်ငြိမ်မှုရရှိဖို့အတွက် နိုင်ငံရေးပါတီတွေနဲ့ တွေ့ဆုံနေတာတွေ၊ ရှေ့ဆက်သွားမယ့် ရွေးကောက်ပွဲ ဆောင်ရွက်နိုင်ဖို့အတွက် ဆောင်ရွက်နေတဲ့ လုပ်ငန်းတွေကိုတော့ ဆက်လက်ဆောင်ရွက်သွားမှာဖြစ်တယ်လို့ ပြောပါတယ်။

စစ်ကောင်စီက သူတို့ရုံးစိုက်တဲ့ နေပြည်တော်၊ ပျဉ်းမနားမြို့နယ်ထဲမှာ တိုက်ပွဲဖြစ်ခဲ့တာ မှန်ကန်ကြောင်း ဝန်ခံခဲ့ပါတယ်။ ကယားပြည်နယ်ထဲက PDF အကြမ်းဖက်တွေ တိုက်ခိုက်တာလို့ သူကပြောဆိုပါတယ်။ ဒါပေမဲ့ ထိခိုက်ကျဆုံးမှုကိုတော့ ထုတ်ဖော်ပြောမသွားပါဘူး။

တော်လှန်ရေးအင်အားစုတွေဘက်ကတော့ အကြမ်းဖက်လုပ်ရပ်တွေကို စစ်ကောင်စီကသာ ကျူးလွန်နေတာဖြစ်ပြီး စစ်ကောင်စီဟာ တွေ့ဆုံဆွေးနွေးရေးနဲ့ ငြိမ်းချမ်းရေးကို လိုချင်တဲ့အဖွဲ့မဟုတ်ဘူးလို့ ဝေဖန်တုန့်ပြန်လိုက်ပါတယ်။
အာဏာသိမ်းစစ်တပ်က ပြည်သူအပေါ် အကြမ်းဖက် သတ်ဖြတ်နေတာတွေကို ကာကွယ်ဖို့ တော်လှန်ရေးအင်အားစုတွေက လက်နက်ကိုင် တိုက်ပွဲဝင်နေရတာ ဖြစ်တယ်လို့လည်း တော်လှန်ရေးတိုက်ပွဲဝင်နေသူတွေကပြောပါတယ်။

စစ်ကောင်စီဟာ မြန်မာပြည်သူတွေအပေါ် ရက်စက်ကြမ်းကြုတ်တဲ့ နည်းလမ်းတွေအသုံးချပြီး ဖိနှိပ်ကြောင်း၊ စစ်တပ်ဟာ ရွာတွေ၊ စာသင်ကျောင်းတွေနဲ့ ဆေးဘက်ဆိုင်ရာ အဆောက်အအုံတွေကို လေကြောင်းကနေ တိုက်ခိုက်ဖျက်ဆီးတယ်လို့ အမေရိကန်က ကြေညာထားပါတယ်။

https://youtu.be/fGGsvpSK9Yo
 

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဖားကန့်တွင် စစ်ကောင်စီတပ် လက်နက်ကြီးပစ်ခတ်၍ ဒေသခံ အမျိုးသမီး ဒဏ်ရာရ
==================

ကချင်လေး

(မဇ္ဈိမ)။ ။ ဖားကန့်မြို့နယ်၊ နန့်ယားဗျူဟာကုန်းတွင် အထိုင်ချတပ်စွဲနေသည့် စစ်ကောင်စီတပ်ဖွဲ့ ပစ်ခတ်လိုက်သည့် လက်နက်ကြီးကျည်ကြောင့် နန့်ယားကျေးရွာဒေသခံ အမျိုးသမီးတဦး ကျည်စထိမှန် ဒဏ်ရာရရှိသွားကြောင်း ဒေသခံများထံက သိရသည်။ 

ကချင်ပြည်နယ်၊ ဖားကန့်မြို့နယ် ၊ ကာမိုင်းမြို့မှ ဖားကန့်မြို့သို့ စစ်ကြောင်းထိုးလာသည့် စစ်ကောင်စီတပ်ကို ယမန်နေ့ သြဂုတ်လ ၂၂ ရက်က KIA၊ PDF ပူးပေါင်းတပ်က ကြားဖြတ်တိုက်ခိုက်ခဲ့ပြီး နှစ်ဖက်တိုက်ပွဲပြင်းထန်ခဲ့သည်။

ထိုသို့ တိုက်ခိုက်ခံရသည့်အတွက် နန့်ယားဗျူဟာကုန်းရှိ စစ်ကောင်စီတပ်ဖွဲ့က လက်နက်ကြီးဖြင့် တစ်ရက်လုံး ပစ်ခတ်ခဲ့ရာ ယင်းလက်နက်ကြီးထဲမှ အချို့သည် နန့်ယားကျေးရွာအတွင်း ကျရောက်ပေါက်ကွဲခဲ့ကြောင်း သိရသည်။ 

“သူတို့(စစ်တပ်)က တစ်ရက်လုံး ပစ်နေတာဟုတ်တယ် ။ ပစ်တာက တိုက်ပွဲဖြစ်တဲ့ နေရာဘက်ကို ပစ်ကြတယ်လို့ပြောတာပဲ။ ဒါပေမဲ့ တိုက်ပွဲဖြစ်တဲ့နေရာက ဒီကနေ ဝေးသေးတယ်။ အဲ့တာ သူတို့ပစ်လိုက်တဲ့ ကျည်တလုံးက ရပ်ကွက် (၁) မှာကျတယ်။ ပေါက်ကွဲတဲ့ ကျည်စက အမျိုးသမီးတယောက်မှာ ထိသွားတာဟုတ်တယ် ” ဟု နန့်ယားဒေသခံအမျိုးသားတဦးက ပြောသည်။

 အသက် ၃၅ နှစ်အရွယ် ဒေါ်ဇင်မာဦးသည် ယမန်နေ့ နေ့လယ် ၁ နာရီခန့်က အိမ်ဝရံတာတွင် ထိုင်နေစဥ် ချိုင်းအောက်တနေရာနှင့် ပေါင်တဖက်ကို လက်နက်ကြီးကျည် ထိမှန်ခဲ့ခြင်းဖြစ်သည်။ 

ထိုသို့ တိုက်ပွဲဖြစ်ပွားနေမှုကြောင့် နန့်ယားစစ်တပ်ဂိတ်နေရာနှင့် ကာမိုင်းလမ်းခွဲများတွင် စစ်ကောင်စီတပ်က လမ်းများပိတ်ဆို့ထားကြောင်း သိရသည်။ လက်ရှိတွင် တိုက်ပွဲဖြစ်ပွားရာအနီးရှိ ကျောက်ထု၊ အွန်ကထောင်နှင့် ခင်တောင် ကျေးရွာများမှ ပြည်သူများသည့် နန့်ယားနှစ်ခြင်းခရစ်ယာန်ဘုရားကျောင်း နှင့် ဆွေမျိုးအသိအိမ်များတွင် တိမ်းရှောင် ခိုလှုံနေပြီး တိုက်ပွဲဖြစ်ပွားရာ နေရာနှင့် အတန်ငယ်ဝေးသည့် နန့်ယား၊ ကပ်မှော်နှင့် ဆိုင်းဖရာကျေးရွာများမှ ဒေသခံများသည် စစ်အရှိန်မြင့်တက်လာမည်ကို စိုးရိမ်နေကြသည်။

စာတည်း။ ။အောင်ကျော်ဖြိုး
#Mizzima
#နန့်ယားရွာ
#အမျိုးသမီး လက်နက်ကြီးကျည်ထိမှန်
#ဖားကန့်မြို့နယ်

ပုံအညွှန်း- လက်နက်ကြီးကျည်ထိခဲ့သည့် အိမ်အခြေအနေ (ဓာတ်ပုံ-ပေးပို့)

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

နိုင်ငံအနှံ့တွင် ပြည်သူ့ထောက်ပံ့ငွေဖြင့် ဒရုန်း အစင်း ၄၀၀ ကျော် ပို့ဆောင်ထားကြောင်း NUG ထုတ်ပြန်
====================

ဂျူချန်း

(မဇ္ဈိမ)။ ။ ပြည်သူများ၏ တော်လှန်ရေးရန်ပုံငွေများဖြင့် ဝယ်ယူထားသည့် ဒရုန်းအစင်းရေ ၄၀၀ ကျော်ကို တိုင်းနှင့်ပြည်နယ်အသီးသီးရှိ ရှေ့တန်းစစ်မြေပြင်များသို့ ပို့ဆောင်ထားကြောင်း အမျိုးသားညီညွတ်ရေးအစိုးရ(NUG) ကာကွယ်ရေး ဝန်ကြီးဌာနက ယနေ့ ဩဂုတ်လ ၂၃ ရက်နေ့တွင် ထုတ်ပြန်လိုက်သည်။

ထိုဒရုန်းများအား စစ်ကောင်စီတပ်နှင့် တိုက်ပွဲဝင်နေသည့် ရှေ့တန်းနေရာများတွင် တိုက်ခိုက်ရေးအပြင် ကင်းထောက်ရန်နှင့် ဝါဒဖြန့်ချီရာတွင်လည်း အသုံးပြုနေကြကြောင်း ဆိုသည်။

မြေပြင်တွင် ကိုယ်တိုင် သွားရောက်တိုက်ခိုက်ရန် အဆင်မပြေသည့် အခါမျိုးတွင် ဒရုန်းများဖြင့် မစ်ရှင်ဖော်ဆောင်ခြင်းသည် တပ်ဖွဲ့ဝင် ရဲဘော်များအတွက် အန္တရာယ်ပိုကင်းပြီး NUG MOD က ပေးပို့သည့် ဒရုန်းများသည် အလုံးစုံ ပြီးပြည့်စုံသည်ဟု မဆိုနိုင်သော်လည်း သာမာန်ဒရုန်းများထက် ဝန်ပိုတင်ဆောင်နိုင်သဖြင့် သုံးစွဲရ အဆင်ပြေကြောင်း ကျိုက်ထိုတော်လှန်ရေးအင်အားစု (KRF) ပြန်ကြားရေးတာဝန်ခံက မဇ္ဈိမ ကို ပြောသည်။

“ကင်းပုန်းတွေကျတော့ သွားဖို့လာဖို့ သိပ်စိတ်မချရတဲ့နေရာဆိုရင် ဒရုန်းနဲ့သွားကြဲချရတာက အားသာချက်ရှိတာပေါ့။ ရဲဘော်တွေအတွက်လည်း အန္တရာယ်ကင်းတယ်။ တစ်ခါတလေ ရာသီဥတုကြောင့် လိုချင်တဲ့ ပစ်မှတ် မရတာမျိုးလည်း ရှိတာပေါ့နော်။ ကျနော်တို့ local အဖွဲ့တွေကတော့ ကိုယ့်ဘာသာ ဝယ်ထားတာလည်းရှိတယ်။ ဒရုန်းတွေကတော့ အမျိုးအစားတွေမတူဘူးပေါ့နော်။ ဟိုတခေါက်တုန်းက (NUG ထောက်ပံ့သည့်ဒရုန်း) သုံးခဲ့တယ်။ အအဆင်ပြေပါတယ်။ ဝန်လည်း ပိုပါတယ်ပေါ့နော်။ သယ်နိုင်ပြုနိုင်တယ်ပေါ့နော်။ လုံးဝအဆင်ပြေတယ်တော့မဟုတ်ပေမယ့် အပြင်မှာ အသုံးချလို့ရတယ်ပေါ့နော်” ဟု KRF ပြန်ကြားရေးတာဝန်ခံက ပြောသည်။

နိုင်ငံအနှံ့အပြားတွင် ဒရုန်းစစ်ဆင်ရေးများကို ပိုမိုမြင်တွေ့လာရပြီး စစ်ကောင်စီ၏ တပ်စခန်း၊ ရဲစခန်းနှင့် စစ်ကြောင်းများသည် ဒရုန်းဖြင့် မကြာခဏ တိုက်ခိုက်ခံနေရကာ အထိအခိုက်လည်းများကြောင်း တော်လှန်ရေးသတင်းရင်းမြစ်များထံမှ ရရှိသည့် အချက်အလက်များအရ သိရသည်။

စာတည်း။ ။အောင်ကျော်ဖြိုး
#Mizzima
#ဒရုန်း
#NUG MOD

ဓါတ်ပုံ-NUG-MOD

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

၁၅ နှစ်ကြာ ပြည်နှင်ဒဏ်ခံရပြီးနောက် ထိုင်းဝန်ကြီးချုပ်ဟောင်းသက်ဆင် ထိုင်းနိုင်ငံသို့ပြန်လည်ရောက်ရောက်ချင်း ထောင်ချခံရ
================

https://youtu.be/xRJwgVEt7Eg

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကျောက်တံခါးနှင့်ပဲနွယ်ကုန်းမြို့တွင် စစ်တပ်၏ လက်နက်ကြီးကြောင့် အရပ်သား ၂ဦးသေဆုံးဟုဆို
===================

ရွှေနွယ်

(မဇ္ဈိမ)။ ။ပဲခူးတိုင်း၊ကျောက်တံခါးမြို့နယ်တွင် စစ်ကောင်စီတပ်က လက်နက်ကြီးဖြင့် ရမ်းသမ်းပစ်ခတ်နေသောကြောင့် နှစ်ရက်အတွင်း အရပ်သားပြည်သူ နှစ်ဦး သေဆုံးခဲ့သည်ဟု ကျောက်တံခါးမြို့နယ်မြေပြင်သတင်းရင်းမြစ်ထံမှ သိရသည်။

ကျောက်တံခါးမြို့၊ သူဌေးကုန်းရွာအနီးတွင်တပ်စွဲထားသော စစ်ကောင်စီတပ်က ဩဂုတ်လ ၂၁ ရက်နေ့ ည ၁၀ နာရီအချိန်ခန့်တွင် လက်နက်ကြီးဖြင့် ပစ်ခတ်သောကြောင့် ရွာအတွင်း နေအိမ်တလုံးပေါ် ကျရောက်ပေါက်ကွဲခဲ့သည်ဟု သိရသည်။ ထိုပစ်ခတ်မှုကြောင့် သူဌေးကုန်းရွာမှ သမဝါယမအသင်းဝန်ထမ်း ဦးမြင့်အောင် အသက် (၆၀) နှစ် ဒဏ်ရာရပြီး သေဆုံးခဲ့သည်ဟု ဒေသခံများကပြောသည်။

ဩဂုတ်လ ၂၂ ရက်နေ့ နံနက် ၁၁ နာရီခန့်တွင်လည်း ကျောက်တံခါးမြို့နယ်၊ ပဲနွယ်ကုန်းမြို့၊ဇရပ်ခင်ကျေးရွာ ရေထိန်းတံခါးဘက်မှ စစ်ကောင်စီတပ်ဖွဲ့က လက်နက်ကြီးဖြင့် ရမ်းသမ်းပစ်ခတ်ခဲ့သောကြောင့် ဒေသခံတဦးသေဆုံး၍ တဦးဒဏ်ရာအပြင်းအထန်ရရှိကြောင်း မြေပြင်သတင်းရင်းမြစ်၏ပြောဆိုချက်အရသိရသည်။ သေဆုံးသူမှာ ဦးတင်ထွေး အသက် (၆၀) နှစ်ဖြစ်ပြီး ပြင်းထန်ထိခိုက်ဒဏ်ရာရသူမှာ ကိုမင်း အသက် (၄၀) နှစ်ဖြစ်သည်။

ကျောက်တံခါးမြို့နယ်အတွင်း စစ်ရေးတင်းမာနေပြီး စစ်ကောင်စီတပ်သည် မြေပြင်မှ စစ်ကြောင်းမထိုးရဲဘဲ လက်နက်ကြီးဖြင့် မကြာခဏပစ်ခတ်နေသည်ဟုကျောက်တံခါးမြို့နယ် ပြည်သူကာကွယ်ရေးတပ်ဖွဲ့မှ တာဝန်ရှိသူတဦးကပြောသည်။

“သူတို့ကရွာထဲဝင်လာတာနဲ့ အသေထွက်ပဲထွက်နေရတော့ ဝင်မလာရဲကြတော့ဘူး။ အဲ့တော့ လက်နက်ကြီးတွေနဲ့ရမ်းပစ်တယ်။ သူတို့အထိုင်ချနေတဲ့ နေရာတွေ၊တပ်တွေကနေပြီးတော့” ဟု ၎င်းက ဆိုသည်။

ကျောက်တံခါးမြို့နယ်သည် ရန်ကုန်−မန္တလေးလမ်းဟောင်းပေါ်တွင် တည်ရှိပြီး လမ်းပိုင်း၏ အရှေ့ဘက်ခြမ်းကျေးရွာများတွင် စစ်ကောင်စီတပ်နှင့် ကာကွယ်ရေးတပ်ဖွဲ့များကြားတိုက်ပွဲပြင်းထန်နေသည်။

စာတည်း - အေးချမ်း
#mizzima
#ကျောက်တံခါးမြို့
#ပဲနွယ်ကုန်းမြို့
#လက်နက်ကြီး
#အရပ်သားသေဆုံး
--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ခုခံတော်လှန်စစ် အောင်ပွဲဟာ စစ်ရေးအရ မဟာမိတ်စုဖွဲ့နိုင်မှုအပေါ်မှာ အများကြီး မူတည်နေကြောင်း NUG ယာယီသမ္မတ ပြော
=================

ခုခံတော်လှန်စစ် အောင်ပွဲဟာ စစ်ရေးအရ မဟာမိတ်စုဖွဲ့နိုင်မှုအပေါ်မှာ အများကြီး မူတည်နေတယ်လို့ အမျိုးသားညီညွတ်ရေးအစိုးရ (NUG) ယာယီသမ္မတ ဒူဝါလရှီးလက ပြောပါတယ်။

ဩဂုတ် ၂၂ ရက် ပြုလုပ်တဲ့ NUG အစိုးရအဖွဲ့ အစည်းအဝေးမှာ ခုလိုပြောလိုက်တာ ဖြစ်ပြီး တော်လှန်ရေးအောင်ပွဲအတွက် စဉ်းစားရမယ့် အခြေခံသဘောတရားတွေထဲမှာ လူထုထောက်ခံမှု ရရှိရေးနဲ့ မဟာမိတ် စုဖွဲ့နိုင်မှုဟာလည်း အရေးကြီးတယ်လို့ သူက ဆိုပါတယ်။

ဒါ့အပြင် စစ်ရေးမှာ သတင်းလက်ဦးမှု ရယူရေးဟာ အလွန်အရေးကြီးသလို ရန်သူစစ်ကောင်စီရဲ့ စစ်ရေးအရှိုက်ကို ထိုးနှက်နိုင်ဖို့အတွက် အတွင်းသတင်း အခိုင်အမာ ရရှိရေးဟာ အထူးအရေးကြီးတယ်လို့ လည်း ယာယီသမ္မတ ဒူဝါလရှီးလကပြောပါတယ်။

တော်လှန်ရေးမှာအောင်ပွဲများ ရနိုင်ရန်အတွက် လူထုထောက်ခံမှုရရန် လိုပြီး လူထုထောက်ခံမှုရစေရန် အလုပ်ဖြင့် သက်သေပြကြရန်နဲ့ မဟာမိတ်စုဖွဲ့နိုင်ရန် အရေးကြီးကြောင်း ၊အခုဆိုရင် နွေဦးတော်လှန်ရေးဟာ ၂ နှစ်ကျော် ၃ နှစ်အတွင်းကို ရောက်ရှိလာပြီး ဒီနေရာမှာ အထူးအလေးထားရမယ့် အရေးကိစ္စတွေက ပထမဆုံးအချက်အနေနဲ့က လူထုထောက်ခံမှု ဖြစ်တယ်လို့ဆိုပါတယ်။

နောက်ထပ် ဒုတိယအနေနဲ့ အရေးကြီးတာကတော့ မဟာမိတ်စုဖွဲ့နိုင်မှု ဖြစ်ပြီး နွေဦးတော်လှန်ရေးမှာ လူမျိုးစု လက်နက်ကိုင်အဖွဲ့အစည်းတွေနဲ့ မဟာမိတ်ဆက်ဆံရေးကို ဖက်ဒရယ်ဒီမိုကရေစီ ပဋိညာဉ်အပေါ် အခြေခံပြီး စနစ်တကျ တည်ဆောက်ထားတာကြောင့် ဒါကို ပိုပြီး စည်းနှောင်အားကောင်းတဲ့ မဟာမိတ်ဆက်ဆံရေး ဖြစ်ထွန်းအောင် လုပ်ဆောင်ထားဖို့ လိုအပ်တယ်လို့ ယာယီသမ္မတ ဒူဝါလရှီးလက ပြောကြားထားပါတယ်။

ဒါ့အပြင် နွေဦးတော်လှန်ရေးဟာ လက်နက်ကိုင်လမ်းစဉ်တခုတည်းကို ကိုင်စွဲ လျှောက်လှမ်းနေတာ မဟုတ်ကြောင်းနဲ့ နိုင်ငံရေးနည်းကိုလည်း လူထုတိုက်ပွဲ အခြေခံ မဟာဗျူဟာနဲ့ ကျယ်ကျယ်ပြန့်ပြန့် လျှောက်လှမ်းနေတာဖြစ်ကာ ပြည်သူကို နေ့စဉ် နှိပ်စက်ညှဉ်းဆဲနေတဲ့ စစ်ကောင်စီရဲ့ လုပ်ရပ်တွေနဲ့ လုပ်ငန်းစဉ်တွေကို အသေးစိတ် ထောက်လှမ်းနိုင်မယ့် ထောက်လှမ်းရေးယန္တရားကို NUG အစိုးရအနေနဲ့ အစောပိုင်း ကာလကတည်းက ဖွဲ့စည်းတည်ဆောက်ထားပြီး ဖြစ်တယ်လို့လည်း ယာယီသမ္မတ ဒူဝါလရှီးလက ပြောပါတယ်။

ဒါ့အပြင် စစ်ကောင်စီရဲ့ အဆိုးဆုံး အကြမ်းဖက်တာခံခဲ့ရတဲ့ စစ်ကိုင်းတိုင်းနဲ့ မကွေးတိုင်းထဲက မြန်မာပြည်အထက်ပိုင်း လမ်းပိုင်းတွေရဲ့ ၉၀ ရာခိုင်နှုန်းကို PDF တွေက ထိန်းချုပ်ထားနိုင်ပြီလို့ NUG အစိုးရက သတင်းစာရှင်းလင်းပွဲမှာ ပြောထားပြီး လက်ရှိ မြေပြင်မှာ အကြမ်းဖက်ခံနေရတဲ့ ကျေးရွာတွေဟာ စစ်ကောင်စီနဲ့ PDF တွေ နှစ်ဖက်စလုံး မထိန်းချုပ်နိုင်သေးတဲ့ ကြားနယ်မြေတွေ ဖြစ်တယ်လို့ ဆိုပါတယ်။

အမျိုးသားညီညွတ်ရေးအစိုးရအနေနဲ့ လူထုနဲ့ တစ်သားတည်း နေထိုင်ရန်နဲ့ လူထုကို ဦးဆောင်ရာမှာ ဖြောင့်ဖြောင့်မတ်မတ်ရှိရန် အထူးလိုအပ်ကြောင်းလည်း ယာယသမ္မတ ဒူဝါလရှီးလက မိန့်ခွန်းထဲမှာထည့်သွင်းပြောကြားသွားပါတယ်။
အမျိုးသားညီညွတ်ရေးအစိုးရဘက်ကလည်း နယ်စပ်ဒေသတွေတင် မဟုတ်ဘဲ စစ်ကောင်စီစိုးမိုးထားတဲ့ နေပြည်တော်၊ မန္တလေး၊ ပဲခူး၊ ရန်ကုန် နဲ့ ဧရာဝတီတိုင်းနယ်မြေတွေအထိကို ဝင်ရောက်တိုက်ပွဲဝင်ဖို့ စီမံချက်ထားရှိတယ်လို့ NUG ကာကွယ်ရေးဝန်ကြီး ဦးရည်မွန်က ပြောထားပါတယ်။

ဒေသအားလုံးမှာ PDF တပ်ဖွဲ့တွေရှိနေပြီး နယ်စပ်ဒေသတင် မဟုတ်ဘဲ ရန်သူ့စိုးမိုးနယ်မြေထဲကို နက်နက်ရှိုင်းရှိုင်းထိုးဖောက် ဝင်ရောက်တိုက်ပွဲဝင်ဖို့ စီမံချက်ထားရှိတယ်လို့ ကာကွယ်ရေးဝန်ကြီးက ပြောကြားထားပါတယ်။
 
https://youtu.be/JJ81Jz5XMyI

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သြဂုတ်လ ၂၃ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
======================

-အကြမ်းဖက်လုပ်ရပ်တွေကို ကျူးလွန်နေတဲ့စစ်ကောင်စီက NUG၊ PDF နဲ့
တွေ့ဆုံဆွေးနွေးဖို့မရှိဘူးလို့ပြောတဲ့သတင်း 

-စစ်ကောင်စီ ဖွဲ့စည်းပုံနဲ့ COC ပျက်ယွင်း‌နေပြီလို့ NUGနဲ့ တော်လှန်ရေးအင်အားစုတွေ ပြောတဲ့သတင်း 

-ပေါက်မှာ ရဲတပ်ဖွဲ့ တိုက်ခိုက်ခံရ ၁ ဦးသေဆုံးပြီး လက်နက်ခဲယမ်းအချို့ ကာကွယ်ရေးအဖွဲ့ရရှိတဲ့သတင်း 

-မနက် ၁၁ နာရီအထိ ရရှိထားတဲ့ ငွေလဲနှုန်း၊ ရွှေဈေး၊ စက်သုံးဆီဈေးနဲ့စားအုန်းဆီဈေးတွေ အပါအဝင် တခြားအရေးကြီး သတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/kXcoaRXQa1c

#12pmnews
#Mizzimanewshour
#MizzimaTV 
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U