​​ဘုရားတွင် တပ်စွဲထားသည့် စစ်ကောင်စီတပ် PDF တိုက်ခိုက်ခံရ၍ ၃ ဦး သေဆုံး
=====================

ကိုရွှေမြိတ်
(မဇ္ဈိမ)။ ။ တနင်္သာရီတိုင်း၊ ရေဖြူမြို့နယ်ရှိ၊ ရေဖြူတံတားအနီး ရပ်တော်မူဘုရားတွင် တပ်စွဲထားသည့် စစ်ကောင်စီတပ်ကို တိုက်ခိုက်ခဲ့ရာ သုံးဦးသေဆုံးပြီး လေးဦးဒဏ်ရာရသွားကြောင်း ကာကွယ်ရေးတပ်ဖွဲ့မှ မဇ္ဈိမကို အတည်ပြုသည်။

ဩဂုတ်လ ၂၉ ရက်နေ့၊ နံနက် ၉ နာရီခန့်တွင် ကာကွယ်ရေးပူးပေါင်းတပ်ဖွဲ့မှ ၄၀ မမ လက်နက်ကြီးနှင့် လက်နက်ငယ်များဖြင့် သွားရောက်တိုက်ခိုက်ခဲ့ခြင်းဖြစ်ကြောင်း ထားဝယ်ပြည်သူ့လွတ်မြောက်ရေး တပ်ဖွဲ့ (TPLF) မှ တပ်ရေးအရာရှိ ကိုဝေက မဇ္ဈိမကို ပြောသည်။

“အဲဒီဂိတ်မှာ စစ်ကောင်စီတပ်သား ၁၀ ဦးကျော်ရှိပါတယ်။ တိုက်ခိုက်မှုအပြီးမှာ အင်အားစုတွေရဲ့ အတည် ပြုလို့ရတဲ့ သတင်းရင်းမြစ်ထံကနေ ရရှိတဲ့အချက်အလက်တွေအရ သုံးဦးသေ လေးဦးဒဏ်ရာရတယ်ဆို တာ အတည်ပြုလို့ရတယ်” ဟု ကိုဝေက ပြောသည်။

ယခုနှစ်ဆန်းပိုင်းမှစကာ စစ်ကောင်စီတပ်က အင်အား ၁၀ ဦးဝန်းကျင်ဖြင့် ဘုရားတွင်တပ်စွဲ အထိုင်ချလာ ခြင်းဖြစ်ပြီး ဘုရားရှေ့၌ ဂိတ်ဖွင့်ကာ ကားများကို စစ်ဆေးမှုများပြုလုပ်ကြောင်း ဒေသခံများက မဇ္ဈိမကို ပြောသည်။

အဆိုပါစစ်ဆေးရေး ဂိတ်သည် ရေဖြူမြို့မှ နဘုလယ်ဒေသသို့သွားသည့် လမ်းပေါ်တွင် တည်ရှိသည်။

တိုက်ခိုက်မှုအပြီးတွင် ဒဏ်ရာရစစ်ကောင်စီတပ်ဖွဲ့ဝင်များကို အရေးပေါ်ကားများဖြင့် စစ်ဆေးရုံသို့သယ် ဆောင်သွားကြောင်းလည်း ဒေသခံများထံမှ သိရသည်။

ယခုတိုက်ခိုက်မှုကို ထားဝယ်ပြည်သူ့လွတ်မြောက်ရေးတပ်ဖွဲ့(TPLF)၊ ထားဝယ်ပြောက်ကျားတော်လှန် ရေးတပ်ဖွဲ့ (DGRF) - တပ်ခွဲ (၄)၊ နဂါးနီပြောက်ကျားတပ်ဖွဲ့၊ ထားဝယ်ခရိုင် အမှတ် (၁) တပ်ရင်း (T-1)၊ ဝေဟင်ပြည်သူ့ကာကွယ်ရေးအဖွဲ့ (ပကဖ)၊ DDT-တပ်ခွဲ(၃)တို့က ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။

ပြီးခဲ့သော ဩဂုတ်လ ၁၉ ရက်နေ့က အဆိုပါဂိတ်မှ စစ်ကောင်စီတပ်သားများက သေနတ်ဖြင့်ပစ်ခတ်မှု ကြောင့် ဒေသခံလေးဦး ထိမှန်ဒဏ်ရာရရှိခဲ့ကာ အမျိုးသမီးတဦး ဆေးကုသမှုခံယူနေစဉ် ဩဂုတ်လ ၂၆ ရက်နေ့တွင် သေဆုံးသွားကြောင်း ဒေသခံများက ပြောသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ရေဖြူ
#ဘုရားတွင်တပ်စွဲ
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အုတ်ဖိုတွင် အရပ်ဝတ်ဖြင့်သွားလာနေသည့် ဗိုလ်ကြီးတင်မျိုးအောင် ပစ်ခတ်ခံရပြီးသေဆုံး
======================

ရွှေနွယ်
(မဇ္ဈိမ)။ ။ပဲခူးတိုင်း၊ အုတ်ဖိုမြို့နယ်တွင် စစ်ကောင်စီလက်အောက်ခံ ခမရ(၆)မှ ဗိုလ်ကြီးတင်မျိုးအောင်အား မြေအောက်ပြောက်ကျားတပ်ဖွဲ့ကပစ်ခတ်ခဲ့ရာ နေရာတွင်ပင် သေဆုံးသွားကြောင်း သိရသည်။

ဩဂုတ်လ ၃၁ ရက် နံနက် ၁၀ နာရီ ၃၀ မိနစ်ခန့်က အုတ်ဖိုမြို့နယ်၊ အေးမြသာယာမြို့သစ်အတွင်း အရပ်ဝတ်ဖြင့်သွားလာနေသည့် ဗိုလ်ကြီးတင်မျိုးအောင်အား မြေအောက်ပြောက်ကျားတပ်ဖွဲ့ရဲဘော်များက စောင့်ကြိုပစ်ခတ်ခဲ့ခြင်းဖြစ်ကြောင်း သာယာဝတီခရိုင် တပ်ရင်း (၃၈၀၂) တပ်ရေးတာဝန်ခံမှ ပြောသည်။

“အုတ်ဖိုနဲ့အေးမြသာယာဘက်က အဖမ်းခံရတဲ့ကိစ္စတိုင်းမှာသူပါတယ်။ ကျွန်တော်တို့မြို့မှာ သူက အဓိက ပဲ။ လောင်းကစားဝိုင်းတွေ၊ ပြည့်တန်ဆာခန်းတွေကနေ သူကိုယ်တိုင် ငွေလိုက်ကောက်နေတာ” ဟု တပ်ရေးတာဝန်ခံကဆိုသည်။

အုတ်ဖိုမြို့နယ်အတွင်း ပြည်သူများ၏လယ်ယာမြေများကို စစ်ကောင်စီမှ တပ်ပိုင်အဖြစ် သိမ်းဆည်းပြီးနောက် တာဝန်ခံဆောင်ရွက်နေသူဖြစ်သည်ဟုလည်း တပ်ရေးတာဝန်ခံက ဆိုသည်။
ဗိုလ်ကြီးတင်မျိုးအောင်သေဆုံးပြီးနောက် ၎င်းထံမှ MA 3 မောင်းပြန်သေနတ်တလက်၊ မိုလ်ဘိုင်းဖုန်း တလုံး၊ ပိုက်ဆံအိတ်တခု၊ မှတ်ပုံတင်နှင့် ပြန်တမ်းဝင်စိစစ်ရေးကတ်တို့ကို သိမ်းဆည်းရရှိခဲ့ကြောင်း တပ်ရင်း (၃၈၀၂) တပ်ရေးတာဝန်ခံမှ ပြောသည်။

အဆိုပါ ပစ်ခတ်မှုကိုလုပ်ဆောင်ခဲ့သော မြေအောက်ပြောက်ကျားတပ်ဖွဲ့− အုတ်ဖို၏ တပ်ဖွဲ့ဝင်များသည် ၎င်းတို့၏စခန်းသို့ ပြန်လည်ရောက်ရှိပြီဖြစ်ကြောင်းလည်း သိရသည်။
ပြီးခဲ့သည့် ဩဂုတ်လ ၁၁ ရက်နေ့ကလည်း ခမရ(၆)မှတပ်ခွဲမှူး အောင်မျိုးသူ တပ်သားတဦး၏ပစ်ခတ်မှု ကြောင့် တပ်တွင်း လမ်းမပေါ်၌ သေဆုံးခဲ့သေးသည်။

စာတည်း။ ။စောဖေ

#ပဲခူတိုင်း
#အုတ်ဖိုမြို့နယ်
#ခမရ(၆)

ပုံအညွှန်း - ဗိုလ်ကြီးတင်မျိုးအောင်ထံမှသိမ်းဆည်းရရှိသည့်ပစ္စည်းများ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Myanmar junta garment association ‘worries about garment workers’
===================

https://youtu.be/2hkluTv0Nto?si=potg-vf0e5L7M9w0

သြဂုတ်လ ၃၁ ရက်နေ့ ညနေ ၅ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
======================

https://youtu.be/JqAHoRnRMWA?si=soMFisD-g9lXywD4

ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့၏ အထူးအယူခံအမှုများ ပယ်ချခံရ
========================

001
(မဇ္စျိမ)။ ။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့၏ အထူးအယူခံအမှုများကို စစ်ကောင်စီလက်အောက်ခံ ပြည်ထောင်စုတရားလွှတ်တော်ချုပ်က ဩဂုတ်လ ၂၉ ရက်တွင် ပယ်ချလိုက်ကြောင်း တရားရုံးနှင့် နီးစပ်သည့် အသိုင်းအဝိုင်းထံက သိရသည်။

သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေပုဒ်မ ၂၅ အမှုများ၊ ပို့ကုန်၊ သွင်းကုန်ဉပဒေပုဒ်မ ၈ ၊ ဆက်သွယ်ရေးပုဒ်မ ၆၇၊ ရာဇသတ်ကြီး ဥပဒေပုဒ်မ ၅၀၅ (ခ)စသည့် အမှုများအား အထူးအယူခံ တက်ခွင့်မရဘဲ ပယ်ချခံလိုက်ရခြင်းဖြစ်သည်။

ယင်းအမှုများသည် အာဏာသိမ်းပြီးနောက် ဒေါ်အောင်ဆန်းစုကြည်နှင့် ဦးဝင်းမြင့်တို့အား ကနဦးစွဲဆိုခဲ့သည့် အမှုများဖြစ်ပြီး စစ်ကောင်စီက ယခုသြဂုတ်လ ၁ ရက်နေ့တွင် ပြစ်ဒဏ်လျှော့ပေါ့ပေးကြောင်း ကြေညာခဲ့သည့် အမှုများလည်းဖြစ်သည်။

စွပ်စွဲခံရသူများဘက်ကမူ ပြစ်မှုကျူးလွန်ခြင်း မရှိကြောင်း အထူးအယူခံဆက်တက်ထားခြင်းဖြစ်ကာ ယခု ပယ်ချခံလိုက်ရသည့်အတွက် ဥပဒေကြောင်းအရ လုပ်ဆောင်နိုင်သည်များကို ဆက်လက်လုပ်ဆောင်သွားရန်ရှိကြောင်း အမည်မဖော်လိုသည့် တရားရုံးနှင့် နီးစပ်သူတဦးက မဇ္စျိမကိုပြောသည်။

ပြည်ထောင်စုတရားလွှတ်တော်ချုပ်က NLD အစိုးရလက်ထက် ထိပ်ပိုင်းအစိုးရအဖွဲ့ဝင်များ၏ အမှုများကို ဆက်တိုက်ပယ်ချနေခြင်းဖြစ်ပြီး ယမန်နေ့ ဩဂုတ်လ ၃၀ ရက်နေ့ကလည်း NLDအစိုးရလက်ထက် နေပြည်တော်မြို့တော်ဝန် ဒေါက်တာမျိုးအောင်နှင့် ဒုတိယမြို့တော်ဝန် ဦးရဲမင်းဦးတို့၏ အထူးအယူခံ အမှုငါးမှုကို ပယ်ချခဲ့သေးသည်။

စည်ပင်သာယာရေးကော်မတီက နေပြည်တော်တွင် အထူးမြေကွက်များဖော်ထုတ်ခြင်း ၊ မြေညှိခြင်းလုပ်ငန်းများဆောင်ရွက်ရာတွင် အဂတိလိုက်စားသည်ဟုစွပ်စွဲကာ ဒေါက်တာမျိုးအောင်နှင့် ဦးရဲမင်းတို့အပေါ် အမိန့်ချမှတ်ခဲ့သည့်အမှုများကို အထူးအယူခံဆက်တက်ခွင့်မပေးဘဲ ပယ်ချခဲ့ခြင်းဖြစ်သည်။

ယင်းအမှုများကိုလည်း ဥပဒေကြောင်းအရ ဆက်လက်ဆောင်ရွက်သွားမည်ဖြစ်ကြောင်း တရားရုံးနှင့် နီးစပ်သူက ဆိုသည်။
စစ်ကောင်စီက နိုင်ငံတော်အတိုင်ပင်ခံပုဂ္ဂိုလ်အား လက်ရှိတွင် အမှုပေါင်း ၁၉ မှုအတွက် ထောင်ဒဏ် ၂၇ နှစ် သတ်မှတ်ထားပြီး သမ္မတဦးဝင်းမြင့်အား အမှုပေါင်း ရှစ်မှုအတွက် ထောင်ဒဏ် ၁၀ နှစ် သတ်မှတ်ထားသည်။ နေပြည်တော်စည်ပင်သာယာရေးကော်မတီ ဉက္ကဌနှင့် ဒုဉက္ကဌများအဖြစ် တာဝန်ယူခဲ့သည့် ဒေါက်တာမျိုးအောင်နှင့် ဦးရဲမင်းဦးတို့မှာမူ တဦးလျှင် ထောင်ဒဏ် နှစ် ၂၀ ကျော် ချမှတ်ခံထားရသည်။

အာဏာသိမ်းကာလ ၂၀၂၁ ခုနှစ် ဖေဖော်ဝါရီလမှ ၂၀၂၃ ခုနှစ် မေလအထိ အမျိုးသားဒီမိုကရေစီအဖွဲ့ချုပ် NLD ပါတီဝင် ၁,၂၀၀ ဦး ဖမ်းဆီးခံထားရပြီး သတ်ဖြတ်ခံရသူ ၉၃ ဦးရှိကြောင်း NLD ပါတီက ပြီးခဲ့သည့် ဇွန်လအတွင်းက ထုတ်ပြန်ထားသည်။

စာတည်း။ ။အောင်ကျော်ဖြိုး

#Mizzima
#ဒေါ်အောင်ဆန်းစုကြည်
#ဦးဝင်းမြင့်
#အထူးအယူခံအမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နှစ်ပေါင်း ၃ ထောင် သက်တမ်းရှိသည့် ဘုန်းတော်ကြီးအုတ်ဂူအား ပီရူးနိုင်ငံ၌တွေ့ရှိ
==================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အမျိုးသမီးတစ်ဦး၏ ဦးနှောက်အတွင်း၌ ကပ်ပါးပိုးကောင်အား တွေ့ရှိ
====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

NUG supplies defence forces with 400 drones
=================

https://youtu.be/55n7-MP2E6Q?si=aRUunef0EKJViS8X

​​ဘယ်လ်ဂျီယံတိုက်စစ်မှူး ရိုမီလူ လူကာကူဟာ ချယ်လ်ဆီးအသင်းကနေ တစ်ရာသီအငှားစာချုပ်ဖြင့် အီတလီကလပ် ရိုးမားဆီ ပြောင်းရွှေ့ဖို့ သဘောတူညီမှုရရှိခဲ့ပြီဖြစ်ပါတယ်။

အသက် ၃၀ နှစ်အရွယ်ရှိပြီဖြစ်တဲ့ ကစားသမားဟာ ပြီးခဲ့တဲ့ရာသီက အင်တာမီလန်အသင်းထံ အငှားသွားရောက်ကစားခဲ့ပြီး ချန်ပီယံလိဂ်ဖိုင်နယ်အထိ ရောက်ရှိအောင် ကူညီပေးခဲ့ကာ စီးရီးအေကို တကျော့ပြန်လာခဲ့တာဖြစ်ပါတယ်။

လုပ်ခလစာအများအပြားရမယ့် ဆော်ဒီပရိုလိဂ်ဆီ ပြောင်းရွှေ့မှုကို ပယ်ချခဲ့တယ်လို့ သတင်းတွေအရ သိရပါတယ်။

Photo: AS Roma

#Lukaku
#ASRoma
#SerieA

​​ဒဏ္ဍာရီလာ လော့ခ်နက်စ်သတ္တဝါကြီးအား ရှာဖွေနေသည့် သုတေသီများ
==================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

UK foreign secretary Cleverly holds meeting with Chinese FM
=--==================

https://youtu.be/10NjCUjwn8w?si=muZ4Yxfe7OrujV0-

​​ထိုင်းဝန်ကြီးချုပ်ဟောင်း သက်ဆင်က တော်ဝင်လွတ်ငြိမ်းချမ်းသာခွင့်အတွက် တင်သွင်း
======================

ထိုင်းဝန်ကြီးချုပ်ဟောင်း သက်ဆင် ရှင်နာဝတ်ထရာသည် တော်ဝင်လွတ်ငြိမ်းချမ်းသာခွင့်အတွက် တောင်းဆိုချက် တင်သွင်းထားကြောင်း ရာထူးမှ ထွက်ခွာတော့မည့် တရားရေးဝန်ကြီး ဝီဆန်နုကို ကိုးကားပြီး ဌာနေမီဒီယာများက ကြာသပတေးနေ့တွင် ဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သြဂုတ်လ (၃၁)ရက်၊ ကြာသပတေးနေ့ ညပိုင်း မဇ္ဈိမ ရေဒီယို အစီအစဉ်
====================

ဒီကနေ့ည နားဆင်ရမယ့် အစီစဉ်တွေကတော့ ... ကချင်ပြည်နယ်မှာ စစ်ကောင်စီတပ်က ဒေသခံတွေနဲ့ ခရီးသွားတွေကို ဖမ်းဆီးကာ စစ်ယူနီဖောင်းတွေ ဝတ်ဆင်ခိုင်းပြီး လူသားဒိုင်းအဖြစ် အသုံးပြုခဲ့တဲ့ သတင်းနဲ့အတူ ကျောင်းသားလက်ရုံးတပ်တော်ရဲ့ အထူး တိုက်ခိုက်ရေးသင်တန်းဆင်းပွဲကို ဩဂုတ်လ ၂၈ ရက်နေ့ မှာ ဗဟိုဌာနချုပ်တည်ရှိတဲ့နေရာမှာ ပြုလုပ်ခဲ့ပြီး သင်တန်းဆင်းရဲဘော်တွေနဲ့ ဗျူဟာမြောက်ထိုးစစ်ဆင်မှုတွေ ပြုလုပ်သွားမှာ ဖြစ်တယ်လို့ ကျောင်းသားလက်ရုံး တပ်တော်ကပြောဆိုလိုက်တဲ့သတင်း အပါအဝင် တခြားစိတ်ဝင်စားဖွယ် ပြည်တွင်းနဲ့ နိုင်ငံတကာ သတင်းတွေကို နားဆင်ကြရပါမယ်။

အဲ့ဒီနောက်မှာတော့ စီးပွားရေးသတင်းတွေနဲ့ ဒီကနေ့အတွက် သတင်းသုံးသပ်ချက်အစီအစဉ်ကို နားဆင်ရဖို့ရှိသလို ကျန်းမာရေးအကြောင်းပြောပြထားတဲ့ ကျန်းမာသုတ လူမှုဘဝ အစီအစဉ်ကို နားဆင်ရမှာဖြစ်ပါတယ်။
....................................................
မဇ္ဈိမရေဒီယို ညနေပိုင်းအစီအစဉ်ကို မတ်လ ၂၆ ရက်နေ့ကစပြီး Frequency ပြောင်းလဲထုတ်လွှင့်နေတာဖြစ်တဲ့အတွက် ယခင်ဖမ်းယူနေကျ လှိုင်းတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လှိုင်းတိုမီတာ ၁၃ မီတာ၊ ၂၁.၇၁ မီဂါဟဇ်ကို ပြောင်းလဲဖမ်းယူနားဆင်ကြဖို့အတွက် မေတ္တာရပ်ခံအပ်ပါတယ်။

ဖမ်းယူနားဆင်နိုင်မယ့်အချိန်ကတော့ ထုတ်လွှင့်နေကျဖြစ်တဲ့ မြန်မာစံတော်ချိန် ညနေ ၆ နာရီခွဲကနေ ၇ နာရီခွဲအတွင်း ဖမ်းယူနားဆင်နိုင်မှာပဲဖြစ်ပါတယ်။

https://youtu.be/oyigxr6o2xE?si=j1pXXf0TKNYIQMkz

#Mizzimaradio
#Eveningradio
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ဩဂုတ်လ (၃၁) ရက်၊ ည (၇) နာရီ The Mizzima Prime Time မဇ္စျိမ ပင်မသတင်းအစီအစဥ်
========================

-စစ်ကောင်စီရဲ့ စားသုံးဆီအသင်းဥက္ကဋ္ဌအပါအဝင် ဒေါ်လာရောင်းဝယ်သူ (၄၀)ခန့်ကို စစ်တပ်က ဖမ်းဆီးလိုက်တဲ့သတင်း

-ဒေါ်အောင်ဆန်းစုကြည်နှင့် သမ္မတဦးဝင်းမြင့်အပါအဝင် NLD ထိပ်ပိုင်းခေါင်းဆောင်တွေရဲ့အထူးအယူခံအမှုတွေ ဆက်တိုက်ပယ်ချခံနေရတဲ့အကြောင်း

-ကချင်ပြည်နယ်မှာ စစ်ကောင်စီတပ်က လူသားဒိုင်းအဖြစ် ဖမ်းဆီးထားသူတွေကို စစ်ယူနီဖောင်း ဝတ်ဆင်ခိုင်းတဲ့သတင်း

-မြန်မာစစ်တပ်၏ အလိမ်အညာများကိုနားမယောင်ဘဲ အမှန်တရားကိုမြင်အောင်ကြည့်ရန် အိန္ဒိယအစိုးရ ကို အရပ်ဘက်အဖွဲ့အစည်းများ တိုက်တွန်း လိုက်တဲ့အကြောင်း

-ဝဂ္ဂနာအကြီးအကဲရဲ့ ဈာပနကို စိန့်ပီတာစဘတ်မှာလျှို့ဝှက်ကျင်းပခဲ့တဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို စုစည်းတင်ဆက်ပေးသွားမှာပါ။

https://www.youtube.com/live/tip60PTGVg0?si=lcEQYPhOxLsojIzA

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U