ခင်ဦးမြို့တွင် စစ်ကောင်စီတပ်ဖွဲ့နှင့် ကာကွယ်ရေးတပ်ဖွဲ့ တိုက်ပွဲဖြစ်ပွား
==================

လွှမ်းမိုး
(မဇ္ဈိမ)။ ။ စစ်ကိုင်းတိုင်း ၊ ခင်ဦးမြို့ အနောက်ခြမ်းရှိ ကံသာယာ ကျေးရွာအနီးတွင် စစ်ကောင်စီတပ်ဖွဲ့နှင့် ကာကွယ်ရေးတပ်ဖွဲ့တို့ ဩဂုတ်လ ၃၀ ရက် ညနေ ၅ နာရီအချိန်၌ ထိတွေ့တိုက်ပွဲဖြစ်ပွားသည်ဟု Myanmar's Royal Dragon Army(MRDA) ၏ စေတန်တပ်ခွဲမှ တာဝန်ရှိသူထံက သိရသည်။

“ချုံခိုပြီး ကြားဖြတ်တိုက်ခိုက်ခဲ့တာ ဖြစ်ပါတယ်၊ နှစ်ဖက်ပစ်ခတ်မှု မိနစ် ၄၀ ခန့် ဖြစ်ပွားပြီး မျက်မြင်စစ်သား လေးဦးသေဆုံးကာ ကိိုးဦး ပြင်းထန် ဒဏ်ရာရရှိခဲ့ပါတယ်” ဟု စေတန်တပ်ခွဲမှူးက ဆိုသည်။
အင်အား ၁၇၀ ခန့်ပါ စစ်ကောင်စီတပ်ဖွဲ့စစ်ကြောင်းကို ပစ်ခတ်တိုက်ခိုက်ခြင်းဖြစ်သည်ဟု ၎င်းကဆိုသည်။

အဆိုပါ တိုက်ခိုက်မှုကို စေတန်တပ်ခွဲ (MRDA)မှ RDGF တပ်စု နှင့် ခင်ဦးမြို့နယ် ပလဖ(ပြည်သူ့လုံခြုံရေးတပ်ဖွဲ့)တို့ ပူးပေါင်းတိုက်ခိုက်ခဲ့ခြင်းဖြစ်ပြီး ဒေသကာကွယ်ရေး အဖွဲ့များဘက်မှ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။

ထိုတိုက်ပွဲအတွင်း ဒဏ်ရာရသည့် စစ်ကောင်စီတပ်ဖွဲ့ဝင်များ ခင်ဦးမြို့ပေါ် ဆေးရုံတွင် ဆေးကုသမှု ခံယူနေကြောင်း အတွင်းသတင်းပေးများ၏ ပြောပြချက်အရ သိရသည်ဟု စေတန်တပ်ခွဲမှူးက ပြောသည်။

ခင်ဦးမြို့နယ် အနောက်ခြမ်းတွင် စစ်ကောင်စီတပ်ဖွဲ့၏ စစ်ကြောင်းများကြောင့် လောက်ရှည် ၊ လက်ပံလှ ၊ ရွာသန်း ၊ ကျီးကန်း ၊ သံဗိုလ် စသည့်ကျေးရွာများမှ ဒေသခံ ၁၀,၀၀၀ ကျော် စစ်ရှောင်နေရကြောင်း ဒေသခံများထံမှ သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

https://youtube.com/shorts/ROYPeAtyto4?si=3eAn_VZJp9c5IaEh

#စစ်ကိုင်းတိုင်း
#ခင်ဦးမြို့နယ်
#စစ်ကောင်စီတပ်
#တိုက်ခိုက်မှု

ရုပ်သံအညွှန်း-ကာကွယ်ရေးတပ်ဖွဲ့ဝင်များပစ်ခတ်တိုက်ခိုက်မှုပြုလုပ်နေစဉ်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အင်ဒိုနီးရှားနဲ့အမေရိကန်အပါအဝင် ၅ နိုင်ငံမဟာမိတ်တပ်တွေရဲ့ ပူးတွဲစစ်ရေးလေ့ကျင့်မှုစတင်
========================

https://youtu.be/NxUmQ4DX-t8?si=JGDTF5GZj1nhZ01q

အာဏာသိမ်း မြန်မာစစ်တပ် ပူးတွဲဥက္ကဋ္ဌ တာဝန်ယူမယ့် အာဆီယံရဲ့ စစ်ရေးလေ့ကျင့်မှု JFM ကန့်ကွက်
==========================

ရုရှားနဲ့ အာဆီယံ နိုင်ငံတွေအကြား ပူးတွဲစစ်ရေးလေ့ကျင့်မယ့် အစီအစဉ်တစ်ရပ်ကို လာမယ့် စက်တင်ဘာ ၂၅ ရက်ကနေ ၃၀ ရက်နေ့အထိ ရုရှားနိုင်ငံ အရှေ့ဖျားဒေသက အူဆူရီစ်မြို့နဲ့ ဗလာဒီဗော့စတော့မြို့တွေမှာ ပြုလုပ်ဖို့ စစ်ကောင်စီက ဦးဆောင်စီစဉ်နေပါတယ်။

မြန်မာစစ်အုပ်စုရဲ့ အကြမ်းဖက်လုပ်ရပ်တွေကို အားပေးကူညီရာရောက်မယ့် ဒီစစ်‌ရေးလေ့ကျင့်မှု အစီအစဉ်တစ်ခုကို  Justice For Myanmar (JFM) အဖွဲ့က ကန့်ကွက်ရှုတ်ချကြောင်း ကြေညာချက်ထုတ်ပြန်ကာ ပြောဆိုလိုက်ပါတယ်။

ဒီစစ်ရေးလေ့ကျင့်မှုတွေဟာ မြန်မာပြည်သူတွေအပေါ် တိုက်ခိုက်၊ သတ်ဖြတ်၊ အကြမ်းဖက် စစ်ဆင်ရေးတွေ လုပ်နေတဲ့ စစ်အုပ်စုကို ပိုမိုကောင်းမွန်တဲ့ စစ်ရေးစွမ်းရည်တွေ ပေးအပ်မှာဖြစ်တဲ့အတွက် ကန့်ကွက်ရှုတ်ချတာဖြစ်ကြောင်း မြန်မာစစ်တပ်နဲ့ စစ်တပ်ရဲ့ အကျိုးစီးပွားတွေကို စောင့်ကြည့်မှတ်တမ်းတင်နေတဲ့ Justice for Myanmar က ပြောပါတယ်။

ရုရှားမှာ ပြုလုပ်မယ့် စစ်ရေးလေ့ကျင့်မှုတွေအတွက် အကြိုပြင်ဆင်ရေး အစည်းအဝေးကို ပြီးခဲ့တဲ့ သြဂုတ်လ ၂ ရက်ကနေ ၄ ရက်နေ့အထိ နေပြည်တော်မှာ ကျင်းပခဲ့ရာမှာ စင်ကာပူမပါဘဲ အာဆီယံနိုင်ငံတွေနဲ့ တရုတ်၊ ရုရှား၊ အိန္ဒိယနိုင်ငံတွေ တက်ရောက်ခဲ့ကြပြီး အာဆီယံရဲ့ ဆွေးနွေးဖက်၊ အမေရိကန်၊ ဂျပန်၊ သြစတြေးလျ၊ တောင်ကိုရီးယားနဲ့ နယူးဇီလန်တို့ကတော့ တက်ရောက်ခဲ့ခြင်းမရှိပါဘူး။

အဲဒီလေ့ကျင့်မှုအပြီးထုတ်ပြန်ချက်မှာတော့ NUG/PDF အကြမ်းဖက်မှုတွေကို ကြုံနေရတဲ့မြန်မာအတွက် ဒီလေ့ကျင့်မှုဟာ အကြမ်းဖက်မှုတန်ပြန်ရေးမှာ နိုင်ငံတကာနဲ့ နီးနီးကပ်ကပ်လက်တွဲလုပ်ဆောင်နိုင်တဲ့ အတွေ့အကြုံကောင်းတွေရရှိခဲ့တယ်လို့ စစ်ကောင်စီဘက်က ပြောထားပါတယ်။

Justice For Myanmar ရဲ့  ပြောရေးဆိုခွင့်ရှိသူ မရတနာမောင်က “စစ်အုပ်စု စစ်သည်တွေကို အကြမ်းဖက်မှု တန်ပြန်တိုက်ဖျက်ရေး နည်းဗျူဟာတွေ လေ့ကျင့်သင်ကြားပေးတဲ့ အာဆီယံရဲ့ ဆုံးဖြတ်ချက်ဟာ အတော် ယုတ္တိမဲ့တဲ့ စက်ဆုပ်ရွံ့ရှာစရာ ဖြစ်ပါတယ်" လို့ ပြောပါတယ်။

ဒါ့အပြင် ဒီစစ်ရေးလေ့ကျင့်မှုတွေကြောင့် စစ်အုပ်စုဟာ ပိုပြီးလက်ရဲဇက်ရဲရှိလာပြီး၊ နိုင်ငံတကာ ရာဇဝတ်မှုတွေ ကျူးလွန်ဖို့အတွက် အားပေးကူညီရာရောက်မယ်ဆိုတာကို အာဆီယံအဖွဲ့ဝင်နိုင်ငံတွေ၊ သူ့ရဲ့ဆွေးနွေးဖက် နိုင်ငံတွေက ကောင်းကောင်း သိပါတယ်လို့လည်း ပြောကြားထားပါတယ်။

လက်ရှိမှာ ရုရှားနဲ့ မြန်မာဟာ အာဆီယံကာကွယ်ရေးဝန်ကြီးအစည်းအဝေးရဲ့ အကြမ်းဖက်မှုတန်ပြန်ရေးဆိုင်ရာ ကျွမ်းကျင်ပညာရှင်များလုပ်ငန်းအဖွဲ့ကို ဦးဆောင်နေတာဖြစ်ပါတယ်။
Justice For Myanmar အပါအဝင် မြန်မာနဲ့ နိုင်ငံတကာအရပ်ဘက်အဖွဲ့အစည်းတွေက မြန်မာစစ်တပ်ကို အာဆီယံရဲ့ ကာကွယ်ရေးဝန်ကြီးများ ညီလာခံ ADMM ကနေ ဖယ်ရှားဖို့နဲ့ မြန်မာစစ်တပ်ပါဝင်တဲ့ လှုပ်ရှားမှုအားလုံးကို မပါဝင်ကြဖို့ အာဆီယံကို အကြိမ်ကြိမ် တောင်းဆိုထားခဲ့ပေမယ့်၊ စစ်ကောင်စီနဲ့ ရုရှားအစိုးရတို့ ဦးဆောင်ပြီး ပြုလုပ်မယ့် ဒီစစ်ရေးလေ့ကျင့်မှုကိုတော့ အာဆီယံကာကွယ်ရေးဝန်ကြီးများ ညီလာခံ ADMM ရဲ့ တစ်စိတ်တစ်ပိုင်းအဖြစ် အကြမ်းဖက်မှု တန်ပြန်တိုက်ဖျက်ရေး ပူးပေါင်းဆောင်ရွက်မှုအနေနဲ့ ကျင်းပမှာဖြစ်ပါတယ်။

ဒီပူးတွဲ စစ်ရေးလေ့ကျင့်မှုလုပ်မယ့် ရုရှား နိုင်ငံအရှေ့ဖျားက ဗလာဒီဗော့စတော့မြို့နဲ့ အူဆူရီစ်မြို့တွေဟာ ယူကရိန်းနိုင်ငံကို ကျူးကျော်တိုက်ခိုက်တဲ့ စစ်ပွဲမှာ ပါဝင်ခဲ့တဲ့ ရုရှားအရှေ့တိုင်း စစ်ဌာနချုပ်ရဲ့ ထိန်းချုပ်မှုအောက်မှာရှိတယ်လို့ Justice for Myanmar က ပြောထားပါတယ်။

အာဆီယံအဖွဲ့ဝင်တွေနဲ့ ဆွေးနွေးဖက်နိုင်ငံတွေအနေနဲ့ စစ်ကောင်စီနဲ့ ရုရှားတို့ ဦးဆောင်ပြုလုပ်မယ့် ဒီစစ်ရေးလေ့ကျင့်မှုကို သပိတ်မှောက်ဖို့နဲ့ စစ်ကောင်စီကို ADMM အခမ်းအနားအားလုံးကို တက်ရောက်ဖို့ခွင့်မပြုဖို့ Justice for Myanmar က တောင်းဆိုထားပါတယ်။

ဒါ့အပြင် ကုလသမဂ္ဂလုံခြုံရေးကောင်စီအပါအဝင် အစိုးရတွေအနေနဲ့ စစ်အုပ်စုက ဘဏ္ဍာငွေ၊ လက်နက် ပစ္စည်းကိရိယာတွေနဲ့ လေယာဉ်ဆီတွေ ရရှိနေတာကို ပိတ်ပင်ဖို့နဲ့  မြန်မာအရေးကို နိုင်ငံတကာရာဇဝတ်ခုံရုံး လွှဲပြောင်းပေးဖို့ ခိုင်မာအားကောင်းတဲ့ အရေးယူဆောင်ရွက်ချက်တွေကို အရေးတကြီး တိုးမြှင့်လုပ်ဆောင်ဖို့ လိုအပ်နေပါတယ် လို့လည်း JFM က ထောက်ပြပြောဆိုထားပါတယ်။

https://youtu.be/6_tbEiW8aFI?si=H2hjbthcM7M-lEMx

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

လူပေါင်းရာနဲ့ချီ လူမသိသူမသိ ပျောက်ဆုံးမှုတွေအတွက် ဘင်္ဂလားဒေ့ရှ်မှာ ထောင်နဲ့ချီ ဆန္ဒပြ

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts

စက်တင်ဘာလ (၁)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
=================

- အာဏာသိမ်း မြန်မာစစ်တပ် ပူးတွဲဥက္ကဋ္ဌ တာဝန်ယူမယ့် အာဆီယံရဲ့ စစ်ရေးလေ့ကျင့်မှု JFM ကန့်ကွက်တဲ့သတင်း 
 
- ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့၏ အထူးအယူခံအမှုများ ပယ်ချခံရတဲ့သတင်း

- လူပေါင်းရာနဲ့ချီလူမသိသူမသိပျောက်ဆုံးမှုတွေအတွက်ဘင်္ဂလားဒေ့ရှ်မှာထောင်နဲ့ချီ
ဆန္ဒပြတဲ့သတင်း 

- KIA ဌာနချုပ်လိုင်ဇာအနီး စစ်ကောင်စီတပ်နဲ့တိုက်ပွဲများ ပြင်းထန်နေတဲ့သတင်းတွေ အပါအဝင် အခြားစိတ်ဝင်စားဖွယ် သတင်းတွေကိုလည်း တင်ဆက်ပေးသွားမှာပါ။

https://youtu.be/1lQKKuwfSsk?si=1_k4pzffVLd-arph

#2pmnews
#Mizzimanewshour
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ရွှေကူမြို့နယ်က စစ်ကောင်စီတပ်စခန်းကို KIA နဲ့ PDF ပူးပေါင်းတပ်ဖွဲ့ သိမ်းပိုက်
=============

မဇ္ဈိမ။   ။ ကချင်ပြည်နယ်၊ ရွေကူမြို့နယ်၊ ကျောက်ကြီး ကျေးရွာတွင် စစ်ကောင်စီတပ်ဖွဲ့ ထိုင်ချထားသည့် တပ်စခန်းတခုကို KIA ၊ PDF ပူးပေါင်းတပ်ဖွဲ့က ယနေ့ စက်တင်ဘာလ ၁ ရက်တွင် တိုက်ခိုက် သိမ်းပိုက်နိုင်ခဲ့ကြောင်း KIAနှင့်နီးစပ်သည့် သတင်းအရင်းအမြစ်ထံက သိရသည်။

ထိုစခန်းကို KIA ၊ PDF ပူးပေါင်းတပ်ဖွဲ့က ယနေ့ မနက် ၃ နာရီတွင် စတင်တိုက်ခိုက်ခဲ့ခြင်းဖြစ်ပြီး မဇ္ဈိမက နောက်ဆုံးဆက်သွယ်ရရှိသည့် နေ့လယ် ၁၂ နာရီဝန်းကျင်တွင် ထိုစခန်းကို မီးရှို့ဖျက်ဆီးပြီးဖြစ်ကြောင်း ၎င်းကဆိုသည်။ 

“ စခန်းက သိမ်းပြီးသွားလို့ မီးရှို့ပြီး ရှင်းလိုက်ပြီ။ တိုက်ခိုက်ပစ်ခတ်တာတွေကတော့ရှိနေတုန်းပဲ။အခု လေယာဥ်တွေနဲ့ လာပစ်နေတယ် ”ဟု သတင်းရင်းမြစ်က မဇ္ဈိမကို ယနေ့ နေ့လယ် ၁၂ နာရီ ဝန်းကျင်တွင် ဖြေကြားသည်။

တိုက်ပွဲအတွင်း စစ်ကောင်စီတပ်က လေကြောင်းတိုက်ခိုက်မှု နှစ်ကြိမ်ထက်မနည်း ပြုလုပ်ပြီးဖြစ်ကြောင်း သိရသည်။ 

လက်နက်ရိက္ခာတင်လာသည့် သင်္ဘောကိုးစီးကို နယ်မြေလုံခြုံရေး ရယူပေးရန် ဧရာဝတီမြစ်တဖက်ကမ်းရှိ ကျောက်ကြီးကျေးရွာတွင် ထိုတပ်ဖွဲ့က စခန်းချတပ်စွဲထားခြင်းဖြစ်သည်။ ထိုစခန်းတွင် စစ်ကောင်စီ၏ တပ်မ (၈၈) လက်အောက်ခံ ခမရ(၃၆၃)၊ ခလရ(၁၀) နှင့် ခမရ (၄၁၅) တို့က စစ်ကြောင်းများခွဲကာ တပ်စွဲနေထိုင်နေကြခြင်းဖြစ်သည်ဟု KIAနှင့်နီးစပ်သည့် သတင်းအရင်းအမြစ်ထံက သိရသည်။

လက်ရှိတွင် ဖြစ်ပွားဆဲဖြစ်သည့် ထိုတိုက်ပွဲအခြေအနေကို ဆက်လက်တင်ပြရန်နှင့် ထိခိုက်သေဆုံးမှု အချက်အလက်များကို မဇ္ဈိမက ဆက်လက်စုံစမ်းနေဆဲဖြစ်သည်။ 

ဧရာဝတီမြစ်အတွင်း၌ စစ်ကောင်စီ၏ လက်နက်ရိက္ခာတင်လာသည့် သင်္ဘောများ မကြာခဏ ပစ်ခတ်တိုက်ခံရခြင်းများရှိသည်။

စာတည်း ။     ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#ကချင်ပြည်နယ်
#ရွှေကူမြို့နယ်
#တိုက်ပွဲဖြစ်ပွား

ပုံအညွှန်း-ကျောက်ကြီးကျေးရွာတွင် တိုက်ခိုက်မှုပြုလုပ်ခဲ့သည့် KIA နဲ့ PDF ပူးပေါင်းတပ်ဖွဲ့ဝင်များ။(ဓာတ်ပုံ-CJ)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

INGO နဲ့ NGO တွေကို ပြည်ပနိုင်ငံတွေက အသုံးချနေတာကြောင့် ကြပ်မတ်ထိန်းသိမ်းရမယ်လို့ စစ်ခေါင်းဆောင်ပြော
=============

အချို့သော ပြည်ပအကူအညီတွေဟာ INGO နဲ့ NGO အဖွဲ့တွေကတဆင့် မျှဝေဆောင်ရွက်နေတာဖြစ်သလို အကူအညီပေးနေတဲ့ အဖွဲ့အစည်း။ နိုင်ငံတွေက အသုံးချမှုတွေရှိတာကြောင့် INGO နဲ့ NGO အဖွဲ့တွေကို သက်ဆိုင်ရာ ဝန်ကြီးဌာနတွေက စနစ်တကျကြပ်မတ်ထိန်းသိမ်း ဆောင်ရွက်ဖို့ လိုအပ်တယ်လို့ စစ်ခေါင်းဆောင်မင်းအောင်လှိုင်ကပြောကြားလိုက်ပါတယ်။

သြဂုတ်လ ၃၀ ရက်က နေပြည်တော်ရှိ စစ်ကောင်စီ ဥက္ကဋ္ဌရုံးမှာ ပြုလုပ်တဲ့ အစည်းအဝေးအတွင်း အခုလိုပြောကြားခဲ့တာဖြစ်ပါတယ်။
စစ်ကောင်စီ အနေနဲ့ အသင်းအဖွဲ့မှတ်ပုံတင်ခြင်းဆိုင်ရာဥပဒေကို အသစ်ပြင်ဆင်ပြဋ္ဌာန်းထားပြီး INGO ၊ NGO အပါအဝင် အသင်းအဖွဲ့မှတ်ပုံတင်ထားတဲ့ အရပ်ဘက်အဖွဲ့အစည်းတွေကို ဥပဒေအရ မှတ်ပုံတင်ကြဖို့ အသိပေးခဲ့ပါတယ်။

မှတ်ပုံတင်မရှိဘဲ အသင်းအဖွဲ့လုပ်ငန်းတွေ ဆောင်ရွက်ပါက ထောင်ဒဏ် ၃ နှစ်အထိ ကျခံရနိုင်ပြီး သက်တမ်းမတိုးဘဲ လုပ်ငန်းဆောက်ရွက်မယ်ဆိုရင် ငွေဒဏ် ၅ သိန်းကျပ် ကျခံရမှာပါ။
မတရားအသင်းအဖြစ် ကြေညာထားတဲ့ အဖွဲ့အစည်းတွေ၊ လက်နက်ကိုင်အဖွဲ့အစည်းတွေနဲ့ သွယ်ဝိုက်ဖြစ်စေ၊ တိုက်ရိုက်ဖြစ်စေ ဆက်နွယ်ပတ်သက်ခြင်းတွေ မပြုလုပ်ဖို့လည်း တားမြစ်ထားပြီး ဖောက်ဖျက်ကျူးလွန်ပါက ထောင်ဒဏ် ၅ နှစ်နဲ့ ဒဏ်ငွေသိန်း ၅၀ ကျခံရမယ်လို့ ထည့်သွင်းပြဌာန်းထားပါတယ်။

နိုင်ငံနဲ့ လူမျိုးရဲ့ အမျိုးသားရေးစရိုက်လက္ခဏာတွေ၊ အမျိုးသားစည်းလုံးညီညွတ်မှုကို ထိခိုက်စေမယ့် လုပ်ဆောင်မှုတွေ၊ ရေးသားထုတ်ဝေမှုတွေ၊ ထုတ်လွှင့်မှုတွေ မရှိစေဖို့ စာပေ၊ ဂီတ၊ ရုပ်ရှင်နဲ့ လူမှုကွန်ရက်စတဲ့ နယ်ပယ်တွေအလိုက် သက်ဆိုင်ရာဝန်ကြီးဌာနတွေက စနစ်တကျ ကြပ်မတ်ဆောင်ရွက်သွားဖို့လိုတယ် လို့လည်း သူက ပြောပါတယ်။

အကြမ်းဖက် စစ်ကောင်စီက ပြည်တွင်းပြည်ပအဖွဲ့အစည်းတွေနဲ့ အသင်းအဖွဲ့တွေကို ထိန်းချုပ်ဖို့အတွက် ၂၀၁၄ ခုနှစ်တွင် ပြဋ္ဌာန်းခဲ့သော အသင်းအဖွဲ့မှတ်ပုံတင်ဥပဒေကို ၂၀၂၂ ခုနှစ် အောက်တိုဘာ ၂၈ ရက်နေ့ ထပ်မံ ပြင်ဆင် တင်းကျပ်ကာ ပြည်တွင်းပြည်ပ INGO ၊ NGO များကို ထိန်းချုပ်ခဲ့တာဖြစ်ပါတယ်။
အခုတခါ အကြမ်းဖက်မင်းအောင်လှိုင်က INGO များနဲ့ NGO များရဲ့ လှုပ်ရှားဆောင်ရွက်မှုများကို ထပ်မံ ထိန်းချုပ် တင်းကျပ်ဖို့ လုပ်ဆောင်လာခြင်းဖြစ်တယ်လို့ ပြည်တွင်း နိုင်ငံရေး တက်ကြွလှုပ်ရှားသူတချို့က သုံးသပ်ပြောဆိုထားပါတယ်။

https://youtu.be/TmcER2RpoU8?si=ZjDgHVRJ0omtkqzr

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တရုတ်ကုမ္ပဏီနှင့်စစ်အာဏာရှင်ကို ဆန့်ကျင်သည့် ရွာပေါင်းစုံသပိတ်
=================

ပါခွီး

(မဇ္စျိမ)။ ။စစ်ကိုင်းတိုင်း၊ ယင်းမာပင်မြို့နယ်နှင့် ဆားလင်းကြီးမြို့နယ်အတွင်းရှိ ကျေးရွာများမှ ပြည်သူများက ဒေသတွင်း ကြေးနီထုတ်လုပ်နေသည့် တရုတ်ကုမ္ပဏီများနှင့် စစ်အာဏာရှင်အား ဆန့်ကျင်ဆန္ဒပြပွဲကို ယနေ့ စက်တင်ဘာ ၁ရက်တွင်ပြုလုပ်ခဲ့ကြသည်။ 

လူထုသပိတ်စစ်ကြောင်းသည် “ကြေးနီသတ္ထုတွင်းအကြောင်းပြု လူသတ်ပွဲလုပ် နေတာချက်ခြင်းရပ်” “ " မြန်မာ - ဝမ်ပေါင် အလိုမရှိ" မြန်မာ - ယန်စီ အလိုမရှိ” ဟူသော စာတန်းများကိုင်ကာ စစ်အာဏာရှင်ဆန့်ကျင်ရေး ကြွေးကြော်သံများဟစ်ကြွေး ချီတက်ခဲ့ကြခြင်းဖြစ်ကြောင်သိရသည်။

ဝမ်ပေါင်နှင့် ယန်စီကုမ္ပဏီသည် စစ်တပ်ကုမ္ပဏီ ဦးပိုင်နှင့်ပူးပေါင်းကာ ယင်းမာပင်မြို့နယ်နှင့် ဆားလင်းကြီးမြို့နယ်တွင် ကြေးနီသတ္တု ထုတ်လုပ်နေခြင်းဖြစ်သည်။

သပိတ်အင်အားစုသည် ခေတ်အဆက်ဆက် ကျဆုံးခဲ့ရသော အာဇာနည်သူရဲကောင်းများကို ဦးညွှတ်အလေးပြုခဲ့ပြီး သွေးသစ္စာသီချင်းကို သံပြိုင်သီဆိုခဲ့ကြသည်။

ယင်းမာပင်နှင့် ဆာလင်းကြီးကျေးရွာပေါင်းစုံသပိတ်စစ်ကြောင်းသည် ၂၀၂၁ခုနှစ် မတ်လ ၉ရက်မှ စတင်ကာ စစ်အာဏာရှင်ကိုဆန့်ကျင်ဆန္ဒပြခဲ့ခြင်းဖြစ်ပြီး ယနေ့သည် (၈၉၃) ရက်မြောက်ချီတက်ခြင်းဖြစ်ကြောင်းသိရသည်။

စာတည်း - အေးချမ်း
#mizzima
#ယင်းမာပင်နှင့်ဆားလင်းကြီး
#စစ်အာဏာရှင်ဆန့်ကျင်ဆန္ဒပြပွဲ
#ဝမ်ပေါင်နှင့်ယန်စီ

ပုံအညွှန်း - ယနေ့ထွက်လာသည့် လူထုသပိတ်စစ်ကြောင်း

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​စစ်ကောင်စီ လေတပ်ချုပ်ဦးဆောင်သည့် အာဆီယံလေတပ်အကြီးအကဲများညီလာခံနေပြည်တော်တွင် ပြုလုပ်မည်
===============

မိုးသောက်

မဲဆောက်(မဇ္ဈိမ)။  ။အာဏာသိမ်းစစ်ကောင်စီ လေတပ်က ဦးစီးပြီး အာဆီယံဆိုင်ရာ လေတပ်အကြီးအကဲများညီလာခံ(The ASEAN Air Chiefs Conference (AACC)) ကို နေပြည်တော်တွင် ကျင်းပလုပ်သွားရန်ရှိနေကြောင်း စစ်ကောင်စီကိုလေ့လာစောင့်ကြည့်နေသည့် Justice For Myanmar က သတင်းထုတ်ပြန်သည်။

လေတပ်ကာကွယ်ရေးဦးစီးချုပ်ဗိုလ်ချုပ်မှူးကြီးထွန်းအောင်က ဦးစီးပြီး လာမည့် စက်တင်ဘာလ ၁၂ ရက်နေ့မှ ၁၅ရက်နေ့ အထိ နေပြည်တော်တွင် ကျင်းပပြုလုပ်သွားမည်ဟု Justice For Myanmar က ၎င်း၏ သတင်းရင်းမြစ်ကိုကိုးကားပြီးဖော်ပြသည်။

ဗိုလ်မှူးကြီးထွန်းအောင်သည် စစ်အာဏာသိမ်းမှုနောက်ဆက်တွဲ စစ်ရာဇဝတ်မှုများနှင့်လူသားမျိုးနွယ်စုများပေါ်တွင် ကျူးလွန်ခဲ့သည့် ရာဇဝတ်မှုအထောက်အထားများအထင်အရှားရှိသူတစ်ဦးဖြစ်သည်။ ၎င်း၏ကွပ်ကဲမှုအောက်တွင် လေကြောင်းတိုက်ခိုက်မှုပေါင်း ၉၃၀ကြိမ်ဖြစ်ပွားခဲ့ပြီး လူပေါင်း ၁၀၀၀နီးပါးသေဆုံးခဲ့ရသည်ဟု the Armed Conflict Location & Event Data Project (ACLED)က စာရင်းပြုထားသည်။

 အထူးသဖြင့် စစ်ကောင်စီက ကျူးလွန်ခဲ့သည့် လေကြောင်းတိုက်ခိုက်မှုများထဲတွင် ကလေးငယ်၄၀ဦးအပါအဝင် လူပေါင်း ၁၂၈ဦးသေဆုံးခဲ့ရသည့် ပဇီကြီးကျေးရွာ တိုက်ခိုက်မှူဖြစ်စဉ်ကို အာဆီယံဥက္ကဌအနေဖြင့် အပြင်းအထန်ရှုတ်ချကြောင်း ကြေညာချက်ထုတ်ပြန်ခဲ့သော်လည်း ယခုကဲ့သို့ သဘာပတိအဖြစ်တာဝန်ပေးထားခြင်သည်အသိအမှတ်ပြုခြင်းဖြစ်ကြောင်းJFMက ထောက်ပြသည်။

စစ်ကောင်စီနှင့်အာဆီယံဆက်ဆံရေးတွင်စစ်ကောင်စီကို လက်ခံသည့်အုပ်စုနှင့်လက်မခံသည့်အုပ်စု နှစ်ခြမ်းကွဲနေသည်ဟု နိုင်ငံရေးလေ့လာသုံးသပ်သူဦးသန်းစိုးနိုင်က သုံးသပ်သည်။

 “အချို့က တရုတ်ပြည်ရဲ့သဘောထားအတိုင်းစစ်ကောင်စီကို ထောက်ခံရပ်တည်တဲ့ အင်အားစုတွေရှိတယ်။အထူးသဖြင့်ထိုင်းတို့ ကမ္ဘောဒီးယားတို့လာအိုတို့ အဲဒီအဖွဲ့တွေ က စစ်ကောင်စီကို အသိအမှတ်ပြုဆက်ဆံဖို့ ထက်သန်တက်ကြွပါတယ်။တရုတ်ရဲ့ပေါ်လစီတိုင်းပေါ့။၊ဒါပေမဲ့ မလေးရှား၊ မလေးရှား၊ စင်ကာပူ၊ အင်ဒီုနီးရှားစတဲ့တိုင်းပြည်တွေကတော့ စစ်ကောင်စီနဲ့ အတတ်နိုင်ဆုံး အဆက်အဆံလုပ်ဖို့ သဘောထားမရှိကြပါဘူး" ဟုပြောသည်။

ထိုညီလာခံကို အကြိမ်( ၂၀) မြောက်အဖြစ် ကျင်းပမည်ဖြစ်သည်။ 
လာမည့်ညီလာခံကိုတာဝန်ယူထားသည့် ဗိုလ်ချုပ်မှူးကြီးထွန်းအောင်သည် ဥရောသမဂ္ဂ၊ အမေရိကန်၊ ယူကေနှင့် ကနေဒါတို့ ပိတ်ဆို့အရေးယူမှူများကို ခံထားရသူတစ်ဦးလည်းဖြစ်သည်။ မြန်မာနိုင်ငံတွင် စစ်အာဏာသိမ်းပြီးနောက်တွင် စစ်ကောင်စီသည် ပြည်သူများကို မြေပြင်တွင်စစ်ကြောင်းထိုးတိုက်ခိုက်မှုများကိုဆက်တိုက်ပြုလုပ်နေသကဲ့ လေကြောင်းတိုက်ခိုက်မှုများလည်းတောက်လျှောက်ပြုလုပ်နေသည်။

စစ်ကောင်စီ၏လေကြောင်းတိုက်ခိုက်မှုများကြောင့်ဒေသခံပြည်သူများသေဆုံးရသည့်အပြင်၊ နေအိမ်များပျက်စီးခြင်း၊ ဘုရားစေတီများ၊ ဝတ်ပြုကျောင်းများနှင့်စာသင်ကျောင်းများလည်းပျက်စီးခဲ့ရသည်။

စာတည်။ ။အောင်ကျော်ဖြိုး

#Mizzima
#အာဆီယံလေဆိုင်ရာလေတပ်အကြီးအကဲများညီလာခံ
#လေတပ်ကာကွယ်ရေးစစ်ဦးစီးချုပ်
#Justice For Myanmar

ဓာတ်ပုံ -JFM

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

KIA ဌာနချုပ်လိုင်ဇာအနီး စစ်ကောင်စီတပ်နဲ့တိုက်ပွဲများ ပြင်းထန်နေ
====================

မြန်မာပြည်မြောက်ပိုင်း တရုတ်နယ်စပ်မှာ အခြေစိုက်တဲ့ ကချင်လွတ်လပ်ရေးတပ်မတော် (KIA) ဌာနချုပ်ရှိရာ လိုင်ဇာမြို့အနီးတစ်ဝိုက်မှာ စစ်ကောင်စီတပ်နဲ့ KIA တို့ကြား တိုက်ပွဲများ ပြန်လည် ပြင်းထန်နေပါတယ်။

ကချင်ပြည်နယ် ဝိုင်းမော်မြို့နယ်၊ KIO ဌာနချုပ် လိုင်ဇာအနီးမှာ စစ်ရေးတင်းမာနေတာ ၂ လခန့် ကြာမြင့်နေပြီ ဖြစ်ပြီး ဒီရက်ပိုင်းမှာတော့ စစ်ကောင်စီတပ်က လိုင်ဇာဘက်ကို မြစ်ကြီးနားနဲ့ ဗန်းမော်ဘက်ကနေ စစ်အင်အားတွေ ဖြည့်တင်းလာနေတာ ဖြစ်ပါတယ်။

ဧရာဝတီမြစ်ကြောင်းအတိုင်း မန္တလေးမှ ဆန်တက်လာတဲ့ လက်နက်ခဲယမ်းနဲ့ စစ်ကူများပါတဲ့ သင်္ဘော ၉ စီး လိုင်ဇာမြို့တောင်ဘက် မိုင် ၅၀ ကျော်သာ ဝေးတဲ့ ကချင်ပြည်နယ် ဗန်းမော်မြို့သို့ ဩဂုတ် ၁၉ ရက်နေ့က ဆိုက်ကပ်ပြီး နောက်ပိုင်းမှာ စစ်ကောင်စီက လိုင်ဇာအနီး မြစ်ကြီးနား-ဗန်းမော်လမ်းပိုင်းမှာ စစ်ရေးလှုပ်ရှားနေရာ KIA က ခုခံနေတာဖြစ်ပါတယ်။
ဒီလမ်းပိုင်းမှတစ်ဆင့် စစ်ကောင်စီ မြေပြင်အင်အား ၁၀၀ ခန့်က စစ်သုံးထရပ်ကား ၄ စီးနဲ့ လက်နက်ခဲယမ်းများသယ်ဆောင်ကာ KIA ဌာနချုပ်ရှိရာ လိုင်ဇာမြို့ မြောက်ဘက် ၁၂ မိုင်ခန့်သာ ဝေးတဲ့ နမ်ဆန်ယန်ရွာသို့ တက်လာရာ လမ်းတစ်လျှောက်မှာ တော်လှန်ရေးအဖွဲ့နဲ့ တိုက်ပွဲများ သုံးရက်ဆက်တိုက ဖြစ်ပွားနေတယ်လို့သိရပါတယ်။

ဗန်းမော်-မြစ်ကြီးနား ကားလမ်းပေါ်က ဝိုင်းမော်မြို့နယ် ဂါးရာယန်ရွာ အနီးမှာ စစ်ကောင်စီတပ်နဲ့ KIA အကြား တိုက်ပွဲ ပြင်းထန်နေပြီး စစ်ကောင်စီဘက်က လေကြောင်းကနေတိုက်ခိုက်နေသလို ဂါရာယန်အနီးမှာ ခုလို ၃ ရက်ဆက် တိုက်ပွဲ ဖြစ်ပွားနေကာ မိုးမောက်မြို့နယ် မဒီးယန်ဘက်မှာလည်း လေကြောင်းက ဗုံးကြဲတာရှိတယ်လို့ KIO ပြန်ကြားရေးတာဝန်ခံက ပြောပါတယ်။ 

လိုင်ဇာနဲ့ အမြောက်တစ်ကမ်းသာ ဝေးတဲ့ နန်ဆန်ယန်မှာ တပ်စွဲနိုင်ဖို့ စစ်အင်အား ရာချီသုံးပြီး ဇူလိုင်လဆန်းမှစကာ အပြင်းအထန်ကြိုးစားနေတာလည်းဖြစ်ပါတယ်။

KIA ဌာနချုပ် လိုင်ဇာအနီးမှာ ပြီးခဲ့တဲ့ ဇူလိုင်လဆန်းက စတင်ပြီး စစ်ရေးတင်းမာခဲ့တာပါ။ 
ဒီ ၂ လအတွင်းမှာ ဗန်းမော်-မြစ်ကြီးနား လမ်းတလျှာက် တိုက်ပွဲတွေ မကြာခနဖြစ်ခဲ့သလို လေကြောင်းက တိုက်ခိုက်တာတွေလည်း ရှိခဲ့ပါတယ်။

KIA ဘက်ကတော့ ဌာနချုပ်လိုင်ဇာအနီးကို စစ်ကောင်စီက တပ်အင်အားတွေ ဖြည့်တင်းနေတာဟာ ဗန်းမော်-မြစ်ကြီးနားလမ်းကို ထိန်းချုပ်ဖို့ ကြိုးစားနေတာဖြစ်ကြောင်း သုံးသပ်ထားပါတယ်။ 

လောလောဆယ်မှာတော့ ဗန်းမော်-မြစ်ကြီးနားလမ်းကို ပိတ်ထားရတာ ၂လနီးပါးရှိနေပြီ ဖြစ်ပါတယ်။

တိုက်ပွဲကာလ ဗုံးအကြိမ်ကြိမ် အကြဲခံထားရတဲ့ နမ်ဆန်ယန်ရွာမှ ဒေသခံများမှာ နီးစပ်ရာ ကျေးရွာတွေနဲ့ ဝိုင်းမော်၊ မြစ်ကြီးနား၊ လိုင်ဇာမြို့များသို့ တိမ်းရှောင်နေကြရတယ်လို့လည်းသိရပါတယ်။

အာဏာသိမ်းပြီးနောက် စစ်အာဏာရှင်ကိုဆန့်ကျင်ကာ လက်နက်ကိုင်တော်လှန်လိုတဲ့ ပြည်မက လူငယ်တွေကို KIA က စစ်သင်တန်းပေး၊ လက်နက်ခဲယမ်းများ ကူညီကာ အမျိုးသားညီညွတ်ရေးအစိုးရ (NUG) နဲ့လည်း ပူးပေါင်းဆောင်ရွက်နေတာကြောင့် စစ်ကောင်စီကလည်း KIA ကို ဖိအားပေးတိုက်ခိုက်နေတာဖြစ်ပါတယ်။

https://youtu.be/RhmhZZ-SJlc?si=_nFauDWhCBSvmVGc
 
#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အာဏာသိမ်း မြန်မာစစ်တပ် ပူးတွဲဥက္ကဋ္ဌ တာဝန်ယူမယ့် အာဆီယံရဲ့ စစ်ရေးလေ့ကျင့်မှု JFM ကန့်ကွက်

Watch more detail - https://youtu.be/6_tbEiW8aFI

#PoliticalNews
#reels
#shorts
#MizzimaTV

​​မြို့ဆိုးစစ်တောင်းမြစ်ကူးတံတားတိုက်ပွဲတွင် စစ်ကောင်စီတပ်သား ၈ ဦးသေဆုံးဟု PDF ပြော
=====================

ရွှေနွယ်
(မဇ္ဈိမ)။ ။ပဲခူးတိုင်း ၊ထန်းတပင်မြို့နယ် ၊ မြို့ဆိုးကျေးရွာရှိ စစ်တောင်းမြစ်ကူးတံတားမှ စစ်ကောင်စီတပ်ဖွဲ့၏ ဂိတ်စခန်းအား ပြည်သူ့ကာကွယ်ရေးပူးပေါင်းတပ်ဖွဲ့များက သွားရောက်တိုက်ခိုက်ခဲ့ရာ ရှစ်ဦးသေဆုံးသည်ဟု အထူးကွန်မန်ဒိုတပ်ရင်း −တောင်ပိုင်းတိုင်းက ယနေ့ စက်တင်ဘာလ ၁ ရက်တွင်ထုတ်ပြန်သည်။

ဩဂုတ်လ ၃၁ ရက် နံနက် ၄ နာရီ ၁၀ မိနစ်မှစတင်ကာ နံနက် ၅ နာရီ ၃၀ မိနစ်အထိ တစ်နာရီကျော်ကြာ တိုက်ခိုက်ခဲ့ခြင်းဖြစ်ပြီး တိုက်ပွဲအတွင်း စစ်ကောင်စီတပ်သား ခြောက်ဦး နေရာတွင်ပင်သေဆုံးကြောင်း ကာကွယ်ရေးတပ်ဖွဲ့ဝင်တဦးက ပြောသည်။
ထို့အပြင် စစ်ကောင်စီတပ်သား ၁၂ ဦးဒဏ်ရာရရှိသွားပြီး အဆိုပါ ဒဏ်ရာရရှိသူများထဲမှ နှစ်ဦး ထပ်မံသေဆုံးသွားသောကြောင့် ယနေ့နံနက်အထိ သေဆုံး ရှစ်ဦး အတည်ပြုထားကာ ထပ်မံသေဆုံးနိုင်ခြေရှိကြောင်းလည်း သတင်းရရှိထားသည်ဟု ၎င်းကဆိုသည်။

ယနေ့နံနက်ပိုင်းအထိ မြို့ဆိုးဒေသအတွင်း စစ်ရေးတင်းမာလျက်ရှိကာ စစ်ကောင်စီတပ်ဘက်မှလေကြောင်းတိုက်ခိုက်မှုများလည်း လုပ်ဆောင်နေကြောင်း သိရသည်။

"စစ်ကောင်စီဘက်က သေဆုံးမှုတွေရှိနေပါတယ်။ ဒီဘက်မှာ စစ်ဆိုင်နေကြဆဲပါ” ဟု အထူးကွန်မန်ဒိုတပ်ရင်း−တောင်ပိုင်းတိုင်း၏ တာဝန်ရှိသူက မဇ္ဈိမကိုပြောသည်။

ထိုသို့ထိတွေ့မှုဖြစ်ပွားစဉ်တွင် စစ်ကောင်စီတပ်ဖွဲ့က မြို့ဆိုးကျေးရွာအတွင်းသို့ လက်နက်ကြီးပစ်ခတ်မှုများရှိခဲ့ပြီး လက်နက်ကြီးကျည်သည် ရွာအတွင်း အရပ်သားနေအိမ်ပေါ်သို့ကျရောက်ပေါက်ကွဲခဲ့သည့်အတွက် ဒေသခံနှစ်ဦး သေဆုံးခဲ့ကြောင်းလည်း သိရသည်။
သေဆုံးသူ အရပ်သား နှစ်ဦးမှာ မြို့ဆိုးကျေးရွာ အောက်ပိုင်းနေ ဦးဝင်းအောင်နှင့် ဇနီး ဒေါ်မီးမီးတို့ဖြစ်ကြောင်း မဇ္ဈိမမှသတင်းရရှိသည်။

ပဲခူးတိုင်းအရှေ့ခြမ်း မြို့နယ်များဖြစ်သော ထန်းတပင်၊ ရေတာရှည်၊ ဖြူး၊ ကျောက်တံခါး၊ကျောက်ကြီး၊ ရွှေကျင်၊ အုတ်တွင်း၊ သံတောင်မြို့နယ်တို့တွင် စစ်ကောင်စီတပ်ဖွဲ့နှင့် ဒေသတွင်း KNLA PDF ပူးပေါင်းတပ်ဖွဲ့များကြား စစ်ရေးတင်းမာလျက်ရှိကာ ရင်ဆိုင်တိုက်ပွဲများ ဆက်တိုက်ဖြစ်ပွားလျက်ရှိကြောင်း ပဲခူးတိုင်းတော်လှန်ရေးတပ်ဖွဲ့ဝင်များထံက သိရသည်။

ထိုသို့ စစ်ရေးတင်းမာလျက်ရှိသော ဒေသများသို့ စစ်ကောင်စီတပ်ဘက်မှ လေကြောင်းတိုက်ခိုက်မှုများ၊ လက်နက်ကြီး ပစ်ခတ်မှုများလည်း လုပ်ဆောင်လျက်ရှိကြောင်း သိရသည်။

အဆိုပါ ဒေသများသည် စစ်ကောင်စီအခြေစိုက်ရာ နေပြည်တော်နှင့် နယ်နိမိတ်ချင်းထိစပ်လျက်ရှိသည့်အတွက် စစ်ကောင်စီဘက်မှ လေကြောင်းရောမြေပြင်တွင်ပါ အပြင်းအထန် ခုခံလျက်ရှိကြောင်း တော်လှန်ရေးအင်အားစုများ၏ ပြောဆိုချက်အရ သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#ပဲခူးတိုင်း
#ထန်းတပင်မြို့နယ်
#စစ်ကောင်စီ
#ကာကွယ်ရေးတပ်ဖွဲ့

ပုံအညွှန်း - ထန်းတပင်မြို့နယ်၊ မြို့ဆိုးတံတား(ပုံဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Sep - 1 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

​​ဆန္ဒပြမှုများကို နှိမ်နင်းရန် စစ်ကောင်စီက အမျိုးသမီးနှင့် ကလေးငယ်များကို ဖမ်းဆီးဟု ကုလသမဂ္ဂ ပြော 
=======================

အရှေ့တောင်အာရှ မြန်မာနိုင်ငံသည် အမျိုးသမီးများနှင့် ကလေးငယ်များအတွက် ဘေးအန္တရာယ် ရှိသည့် နိုင်ငံတနိုင်ငံ ဖြစ်သည်ဟု ၂၀၂၁ ဖေဖော်ဝါရီလ အာဏာသိမ်းပြီးနောက် မြန်မာနိုင်ငံဆီ လာရောက်ခဲ့သူ ကုလသမဂ္ဂ အကြီးတန်းတာဝန်ရှိသူတဦးက ပြောသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U