Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ထိုင်းပိုင်နက်အတွင်း မြန်မာစစ်သားများ ဝင်ရောက်မှု တာဝန်ယူဖြေရှင်းရန် ထိုင်းလွှတ်တော်အမတ် တောင်းဆို
=====================

ထိုင်းနိုင်ငံ၊ တာ့ခ်ခရိုင်ထဲကို လက်နက်အင်အား အများအပြားနဲ့ ဝင်ရောက်လာတဲ့ မြန်မာစစ်သားများကို ပြန်လွှတ်ပေးခဲ့ခြင်းနဲ့ ပတ်သက်ပြီး ထိုင်းကာကွယ်ရေးဝန်ကြီး တာဝန်ယူဖြေရှင်းရမယ်လို့ ထိုင်းလွှတ်တော်အမတ်တစ်ဦး ဖြစ်တဲ့ ကန်နာဝီ ဆစ်ဘ်ဆန်က (Kanwee Suebsaeng) ထိုင်းအစိုးရကို တောင်းဆိုလိုက်ပါတယ်။
စက်တင်ဘာလ ၃ ရက်နေ့က မြန်မာစစ်သား အယောက်တစ်ရာနီးပါး ထိုင်းနိုင်ငံထဲ ဝင်ရောက်လာတယ်ဆိုတာ နယ်စပ်ရေးရာ ပြဿနာမဟုတ်ဘဲ ထိုင်းနိုင်ငံရဲ့ အချုပ်အခြာအာဏာကို ထိပါးတဲ့ကိစ္စဖြစ်တယ်လို့ Fair Party မှ ထိုင်းအတိုက်အခံ လွှတ်တော်အမတ် ကန်နာဝီ ဆစ်ဘ်ဆန်က ပြောဆိုကြောင်း ဘန်ကောက်ပို့စ် သတင်းမှာ ဖော်ပြထားပါတယ်။

ဒီသတင်းသာ မှန်ကန်ခဲ့ရင် ဘာတွေဖြစ်ခဲ့သလဲဆိုတာနဲ့ပတ်သက်ပြီး ထိုင်းအစိုးရအနေနဲ့ ပြည်သူကို ရှင်းပြရမယ်လို့လည်း သူက ပြောပါတယ်။

ကရင်အမျိုးသားလွတ်မြောက်ရေး တပ်မတော် (KNLA) နဲ့ မြန်မာ့ အာဏာသိမ်း စစ်အုပ်စု တို့ အကြား တိုက်ပွဲတွေ ပြင်းထန်နေချိန် ဖြစ်တာကြောင့် ထိုင်းနိုင်ငံတွင်း ဝင်ရောက်လာသူတွေဟာ ကရင်အမျိုးသား လွတ်မြောက်ရေး တပ်မတော် (KNLA) အဖွဲ့ဝင်တွေလို့ ဒေသခံတွေက ယူဆသွား နိုင်တာကြောင့် ရှင်းလင်းပေးဖို့ လိုအပ်တယ်လို့ ကန်နာဝီက ဆိုပါတယ်။

ဒီကိစ္စကြောင့် ထိုင်းအစိုးရက မြန်မာစစ်တပ်ဘက်က ရပ်တည်နေတယ်ဆိုပြီး ကရင်အမျိုးသားလွတ်မြောက်ရေးတပ်မတော် KNLA က ယူဆသွားနိုင်တယ်လို့လည်း ဆိုပါတယ်။

ထိုင်း ကာကွယ်ရေးဝန်ကြီးဌာန ၊ နိုင်ငံခြားရေးဝန်ကြီးဌာနတို့အနေနဲ့လည်း အဆိုပါ ကိစ္စရပ်မျိုးကို အလေးအနက် စုံစမ်းစစ်ဆေးသင့်ပြီး နိုင်ငံတကာ ဆက်ဆံရေးနဲ့ ဆက်နွယ်တဲ့ အ‌ရေးကိစ္စ တစ်ခုအနေနဲ့ ကိုင်တွယ်သင့်လို့ အကြံပြုထားပါတယ်။

ထိုင်းဒေသခံတွေက ဒီအကြောင်းနဲ့ ပတ်သက်ပြီး အနီးအနားက ထိုင်းစစ်သားတွေကို အကြောင်းကြားခဲ့ပေမဲ့ တစ်စုံတရာမဆောင်ရွက်ပေးခဲ့ကြောင်း၊ အဲဒီနောက် စက်တင်ဘာလ ၅ ရက်နေ့မှာ ဒီကိစ္စကို လူမှုကွန်ရက်မှာ တင်တော့မှ ထိုင်းစစ်တပ်က မြန်မာစစ်တပ်နဲ့ ကရင်အမျိုးသားလွတ်မြောက်ရေး တပ်မတော် KNLA ကြား ညှိနှိုင်းပေးခဲ့ကြောင်း သိရတယ်လို့ ဆိုပါတယ်။

ဒါ့အပြင် ထိုင်းနယ်စပ် အုန်းဖျန်မြို့နယ် လေးတော်ခိုကျေးရွာထဲကိုလည်း မြန်မာစစ်သား အယောက် ၂ဝ နီးပါး ထပ်မံရောက်ရှိလာပြီး ဈေးဝင်ဝယ်ပြီးနောက် ပြန်ထွက်သွားတယ်ဆိုတဲ့ သတင်းတွေလည်း ရရှိတယ်လို့ ပြောပါတယ်။

ကန်နာဝီ ဆစ်ဘ်ဆန်(Kannavee Suebsaeng) ဟာ ရွေးကောက်ပွဲအနိုင်ရ Move Forward ပါတီနဲ့ ညွန့်ပေါင်းအဖြစ်ဖွဲ့စည်းထားတဲ့ ပါတီ ၈ ခု ထဲက တစ်ပါတီ ဖြစ်တဲ့ Fair Party ရဲ့ အထွေထွေ အတွင်းရေးမှူး တစ်ဦးဖြစ်သလို အောက်လွှတ်တော် အမတ်လည်းဖြစ်ပါတယ်။

ကန်နာဝီ ဟာ အတိုက်အခံအမတ်လည်းဖြစ် လူသားချင်းစာနာထောက်ထားမှုဆိုင်ရာဖောင်ဒေးရှင်း တွေတည် ထောင် ထားသူလည်းဖြစ်ပါတယ်။

မြန်မာစစ်အုပ်စုရဲ့ အကြမ်းဖက် မှုတွေ၊ စစ်ရာဇဝတ် ကျူးလွန်မှုတွေကြောင့် ထိုင်း - မြန်မာ နယ်စပ်တလျှောက် လာရောက်ခိုလှုံနေတဲ့ မြန်မာ စစ်ဘေးဒုက္ခ‌သည်တွေအတွက် ထိုင်း‌- မြန်မာ နယ်စပ်မှာလူသားချင်းစာနာထောက်ထားမှု စင်္ကြံ ဖွင့် လှစ်နိုင်ရေးထိုင်းအောက်လွှတ်တော် အစည်းအဝေးမှာ အဆိုတင်သွင်းခဲ့ သူလည်းဖြစ်ပါတယ်။

https://youtu.be/Bm63uJeehZg?si=BtuV-LVgwbmxwj2p

#PoliticalNews
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12🔥1😁1
လူမှုကွန်ယက်ပေါ်မှာ လူကြည့်များတဲ့ တမိနစ် သတင်းတိုများ | VOA On Mizzima
=====================

လက်ကိုင်အိတ်လို အလှကိုင်တယ်လီဖုံးတွေကိုတော့ ဂျာမနီလျှပ်စစ်ပစ္စည်းပြပွဲမှာ တွေ့ရပါတယ်။ အာဂျင်တီးနားနိုင်ငံမှာ အလယ်တန်းကျောင်းသားလေးတွေ ဘောလုံးအကျော်အမော် မက်ဆီရဲ့ပုံတူကို ပုလင်းဖုံးတွေနဲ့ ပုံဖော်ခဲ့ပါတယ်။ ဒီလို ဆိုရှယ်မီဒီယာပေါ်မှာ လူကြည့်များတမိနစ် သတင်းတိုလေးတွေကို မအေးသန္တာကျော် တင်ဆက်ထားပါတယ်။

https://youtu.be/3RJEnUf5SUQ?si=YwG_hcTtxdR7l6Qu

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7🤮1
Media is too big
VIEW IN TELEGRAM
ထိုင်းပိုင်နက်အတွင်း မြန်မာစစ်သားများ ဝင်ရောက်မှု တာဝန်ယူဖြေရှင်းရန် ထိုင်းလွှတ်တော်အမတ် တောင်းဆို

Watch more detail - https://youtu.be/Bm63uJeehZg

#PoliticalNews
#reels
#shorts
#MizzimaTV
👍11😁2
စက်တင်ဘာလ ၁၃ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
=========================

01:02-ထိုင်းပိုင်နက်အတွင်း မြန်မာစစ်သားများ ဝင်ရောက်မှု တာဝန်ယူဖြေရှင်းရန် ထိုင်းလွှတ်တော်အမတ် တောင်းဆိုတဲ့သတင်း

03:46-ဒေါက်တာ ဖြိုးသီဟရဲ့ ပီတိအိမ်စာပေ ထုတ်ဝေခွင့် လုပ်ငန်းလိုင်စင်ကို စစ်ကောင်စီ ပိတ်သိမ်းတဲ့သတင်း

04:42- “ကနောင်စစ်ဆင်ရေး” အတွင်း စစ်ကောင်စီတပ်ဘက်မှ ဗိုလ်ကြီးအပါအဝင် ၇၀ ကျော် သေဆုံးတဲ့သတင်း

06:32-ယာဉ်မှတ်ပုံတင်ဆိုင်ရာ နှုန်းထား ၃ ဆ တိုးကောက်ဖို့ စစ်ကောင်စီလျာထားတဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာ ဖြစ်ပါတယ်။

https://youtu.be/Mc2tn_uC-EA?si=vN50Nl2aYvlgWojx

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7🔥1
Media is too big
VIEW IN TELEGRAM
စစ်ကောင်စီကျင်းပတဲ့ အာဆီယံလေတပ်ဦးစီးချုပ် ညီလာခံအတွက် နေပြည်တော်မှာ လုံခြုံရေးတင်းကျပ်

Watch more detail - https://youtu.be/BWGKEBfH3wY

#PoliticalNews
#reels
#shorts
#MizzimaTV
😁5❤3🤬1
​​အာရှအားကစားပြိုင်ပွဲမှာ တရုတ်အားကစားသမားတွေ 'နိုင်ငံရေးအသိအမြင်ကို မြှင့်တင်'ရမည်
=================

By PKThawn
တရုတ်အားကစားသမားတွေဟာ ဟန်ကျိုးမှာ လာမယ့် သီတင်းပတ် အာရှအားကစားပြိုင်ပွဲ စတင်တဲ့အခါ "သူတို့ရဲ့ နိုင်ငံရေးအသိအမြင်ကို မြှင့်တင်ရမည်"ဖြစ်ပြီး “အိမ်ရှင်ကောင်းတွေ” ဖြစ်လာစေရမှာဖြစ်ကြောင်း နိုင်ငံရဲ့ ထိပ်တန်းအားကစားအရာရှိတစ်ဦးက ပြောပါတယ်။

ကိုဗစ်ကြောင့် တစ်နှစ်တာ ကြန့်ကြာပြီးနောက် ပြိုင်ပွဲကို စက်တင်ဘာ ၂၃ ရက်မှာ စတင်ဖွင့်လှစ်ပြီး အိမ်ရှင်ဟာ ၁၉၈၂ ကစလို့ ဒီပြိုင်ပွဲတိုင်းမှာ ဇယားထိပ်က ရပ်တည်ကာ ဆုတံဆိပ်တွေ ဆွတ်ခူးနိုင်ဖို့ မျှော်လင့်ထားကြပါတယ်။

တရုတ်နိုင်ငံရဲ့ အာဏာရကွန်မြူနစ်ပါတီအတွက် ဒါဟာ ကပ်ရောဂါကာလအတွင်း ကျယ်ပြန့်စွာ ပိတ်ခံထားရတဲ့ နိုင်ငံရဲ့ အားကစား၊ အဖွဲ့အစည်းနဲ့ နည်းပညာဆိုင်ရာစွမ်းရည်တွေကို ပြသဖို့ အခွင့်အရေးတစ်ခုဖြစ်ပါတယ်။

မိခင်နိုင်ငံဟာ ပြိုင်ပွဲဝင် အားကစားသမား ၈၈၆ ဦးရှိမှဖြစ်ပြီး အဲဒီတို့အနက် အိုလံပစ်ချန်ပီယံ ၃၆ ဦးပါရှိပါတယ်။
"ကိုယ်စားလှယ်အဖွဲ့ဝင်အားလုံးဟာ သူတို့ရဲ့ နိုင်ငံရေးအသိအမြင်ကို မြှင့်တင်ရမယ်။ တိုင်းပြည်ရဲ့ ကြီးမြတ်တဲ့ အကြောင်းတရားတွေကို မြဲမြံစွာ မှတ်သားထားရမယ်"လို့ အားကစားအထွေထွေအုပ်ချုပ်ရေး ဒါရိုက်တာ Gao Zhidan က ဘေဂျင်းမှာ အင်္ဂါနေ့က အားကစားသမားတွေကို ပြောခဲ့ပါတယ်။

Gao က သူတို့ကို "စိတ်ဓာတ်ကောင်းနဲ့ အားကစားကျင့်ဝတ်တွေ" ပြသဖို့နဲ့ "တိုင်းပြည်အတွက် ဂုဏ်ဆောင်"ဖို့ တိုက်တွန်းခဲ့တယ်လို့ နိုင်ငံပိုင် ဆင်ဟွာသတင်းဌာနက ဖော်ပြပါတယ်။
"အိမ်ရှင်ကောင်းတွေ ဖြစ်ဖို့၊ ကျယ်ကျယ်ပြန့်ပြန့် ချစ်ကြည်ရင်းနှီးစွာ ဖလှယ်မှုတွေ ပြုလုပ်ပြီး ကျုပ်တို့နိုင်ငံရဲ့ ပြုပြင်ပြောင်းလဲမှုနဲ့ ပွင့်လင်းမြင်သာမှု၊ စီးပွားရေးဖွံ့ဖြိုးတိုးတက်မှုနဲ့ အာရှနဲ့ နိုင်ငံတကာအသိုင်းအဝိုင်းများအတွက် လူမှုရေးတိုးတက်မှုတို့ကို သရုပ်ပြကြပါ"လို့ Gao က ပြောပါတယ်။

အိုလံပစ်ပွဲတော်ထက် နိုင်ငံပေါင်း ၄၅ နိုင်ငံမှ အားကစားသမား ၁၂,၅၀၀ စံချိန်တင် ပြိုင်ပွဲကို ဒီနှစ်အတွင်း ယှဉ်ပြိုင်ဖို့ စီစဉ်ထားပါတယ်။

အာရှနဲ့ အရှေ့အလယ်ပိုင်းမှ အသင်းတွေဟာ ပြေးခုန်ပစ်နဲ့ ရေကူးမှစလို့ eSports နဲ့ breakdancing အထိ အားကစား ၄၀ မှာ ဆုတံဆိပ်တွေရရှိဖို့ ယှဉ်ပြိုင်ကြမှာဖြစ်ပါတယ်။

Source and Photo: AFP

#AsianGames #chineseathletes #အာရှအားကစားပြိုင်ပွဲ
👍6😁1
This media is not supported in your browser
VIEW IN TELEGRAM
September - 13 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts
👍8🍌1
စစ်ကောင်စီကျင်းပတဲ့ အာဆီယံလေတပ်ဦးစီးချုပ် ညီလာခံအတွက် နေပြည်တော်မှာ လုံခြုံရေးတင်းကျပ်
====================

မြန်မာနိုင်ငံက အိမ်ရှင်အဖြစ် လက်ခံကျင်းပမယ့် အာဆီယံလေတပ်ဦးစီးချုပ်များအစည်းအဝေးကို စက် တင်ဘာလ ၁၃ ရက်နေ့မှာ  နေပြည်တော်မှာ စတင်ကျင်းပသွားမှာဖြစ်ပါတယ်။
ဒါကြောင့် စစ်ကောင်စီရုံးစိုက်ရာ နေပြည်တော်မှာ  မြို့အနှံ့ လုံခြုံရေး အထူးတင်းကျပ်ထားတယ်လို့ နေပြည်တော်မြို့ခံတွေက ပြောပါတယ်။

အဲဒီညီလာခံကို နိုင်ငံတော်အဆင့် အခမ်းအနားတွေကျင်းပတဲ့ အပြည်ပြည်ဆိုင်ရာ ကွန်ဗင်းရှင်းဗဟိုဌာန (MICC-1) အဆောက်အအုံမှာ ကျင်းပမှာဖြစ်ပြီး အဲဒီအနီးတစ်ဝိုက် အပါအဝင် နေပြည်တော်လေဆိပ်တစ်လျှောက်နဲ့ လမ်းဆုံ၊ လမ်းခွတိုင်းမှာ လုံခြုံရေး တင်းကျပ်ထားတာလို့ သိရပါတယ်။

ဒီလေတပ်ညီလာခံကို အမေရိကန်နဲ့ ဗြိတိန်က ပိတ်ဆို့အရေးယူဒဏ်ခတ်ထားတဲ့ စစ်ကောင်စီရဲ့ လေတပ်ဦးစီးချုပ် ဗိုလ်ချုပ် ထွန်းအောင်က အိမ်ရှင်အဖြစ် ဦးစီးကျင်းပမှာပါ။

အာဆီယံအဖွဲ့ဝင်နိုင်ငံတွေဖြစ်တဲ့ မလေးရှား၊ အင်ဒိုနီးရှား နှင့် စင်္ကာပူနိုင်ငံတို့ကတော့ လေတပ်ဦးစီးချုပ်များအစည်း အဝေးကို မြန်မာနိုင်ငံသို့ လာရောက်ကာ တက်ရောက်မှာ မဟုတ်ပဲ  video စနစ်နဲ့ အစည်းအဝေးတက်မယ်လို့ သိရပါတယ်။

၂၀၂၆ မှာ မြန်မာအစား အာဆီယံအလှည့်ကျဥက္ကဋ္ဌ တာဝန်လွှဲပြောင်းယူမယ့် ဖိလစ်ပိုင်ကတော့ ဒီညီလာခံကို လူကိုယ်တိုင်မတက်ဘဲ ဗီဒီယိုသတင်းစကား ပေးပို့သွားမယ်လို့သိရပါတယ်။
စစ်ကောင်စီနဲ့ ဆက်ဆံရေးပြေလည်နေတဲ့ အိမ်နီးချင်း ထိုင်းနိုင်ငံကတော့ လူကိုယ်တိုင် တက်ရောက်မယ်လို့ ဆိုပါတယ်။ကျန်အာဆီယံနိုင်ငံတွေဖြစ်တဲ့ ဘရူနိုင်း၊ လာအို၊ ကမ္ဘောဒီးယား၊ ဗီယက်နမ်နိုင်တို့ကတော့ လေတပ်ဦးစီးချုပ်တွေရဲ့ ဒီညီလာခံကို လာတက်၊ မတက် အတိအကျ မသိရသေးပါဘူး။

ကာကွယ်ရေး၊ အကြမ်းဖက်မှုတိုက်ဖျက်ရေးနဲ့ သဘာဝဘေးဒဏ် တုံ့ပြန်ရေးပိုင်းမှာ ဘယ်လို ပူးပေါင်းဆောင်ရွက်ကြမလဲဆိုတာကို အာဆီယံ လေတပ်ဦးစီးချုပ်များရဲ့ နှစ်ပတ်လည် စည်းဝေးပွဲမှာ ဆွေးနွေးကြဖို့ စီစဉ်ထားတာပါ။

စစ်တပ်က အာဏာသိမ်းထားတဲ့ မြန်မာနိုင်ငံမှာ ဒီမိုကရေစီစံနစ် ပြန်မထွန်းကားမချင်း အာဆီယံ အရာရှိတွေရဲ့ ဘယ်လို အစည်းအဝေးမျိုးကိုမဆို မြန်မာနိုင်ငံအတွင်းမှာ မကျင်းပသင့်ဘူးလို့ နိုင်ငံရေး လေ့လာသူတွေက ပြောကြားထားပါတယ်။

မြန်မာနိုင်ငံဆိုင်ရာ အမေရိကန်သံအမတ်ကြီးဟောင်း Scot Marciel ကလည်း မြန်မာနိုင်ငံက အာဆီယံ လေတပ် စစ်ဦးစီးချုပ်များ အစည်းအဝေးကို လက်ခံကျင်းပတဲ့ကိစ္စကို အံ့အားသင့်မိကြောင်းနဲ့ မြန်မာလေတပ်ဟာ ကိုယ့်ရဲ့ ပြည်သူတွေကို နှစ်နှစ်ကြာ ရက်ရက်စက်စက် သိမ်းကျုံးဗုံးကြဲတိုက်ခိုက်နေတဲ့အတွက် ဘယ်အာဆီယံ အစည်းအဝေးကိုမှ မြန်မာစစ်တပ်ကိုရော၊ သူ့ကို ကိုယ်စားပြုသူတွေကိုပါ ဖိတ်ကြားဖို့ မသင့်ဘူးလို့ အင်တာဗျူးတစ်ခုအတွင်း ပြောကြားထားပါတယ်။

အာဆီယံအဖွဲ့ဝင်နိုင်ငံတွေအနေနဲ့ ဒီညီလာခံကို မတက်ရောက်ဘဲ သပိတ်မှောက်ကြဖို့ Justice For Myanmar အဖွဲ့က ဩဂုတ်လ ၃၁ ရက်ကစလို့ အကြိမ်ကြိမ် တိုက်တွန်းထားပါတယ်။
ပြည်ထောင်စုလွှတ်တော်ကိုယ်စားပြုကော်မတီ CRPH ကလည်း စစ်ကောင်စီက နိုင်ငံတစ်ဝန်း ပြင်းထန်တဲ့ လေကြောင်းတိုက်ခိုက်မှုတွေ ကျူးလွန်ပြီး ကလေးသူငယ်တွေ အပါအဝင် အပြစ်မဲ့အရပ်သား ရာနဲ့ချီ သေဆုံးနေတာကြောင့် ဒီညီလာခံကို မတက်ရောက်ကြဖို့ အာဆီယံနိုင်ငံတွေကို တိုက်တွန်းထားပါတယ်။

https://youtu.be/BWGKEBfH3wY?si=qjW-tRKwOPrFRZvP

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍16🤮4👏3🖕1
ကရင်နီ စစ်ရှောင် ၆၀၀ ကျော်ကို ထိုင်းအာဏာပိုင်တွေ နေရပ်ပြန်ပို့
===================

တိုက်ပွဲတွေကြောင့် ထိုင်းနိုင်ငံထဲ ထွက်ပြေးခိုလှုံနေတဲ့ ကယားပြည်နယ် မယ်စဲ့မြို့နယ် စစ်ရှောင် ၆၀၀ ကျော်ကို နေရပ်သို့ ပြန်ပို့လိုက်ကြောင်း ကရင်နီပူးပေါင်းရေးနဲ့ အရေးပေါ်ကူညီရေးအဖွဲ့ (CTER) က စက်တင်ဘာလ ၁၁ ရက်နေ့က ထုတ်ပြန်ထားပါတယ်။
ပြီးခဲ့တဲ့ ဇွန်လအတွင်း စစ်ကောင်စီတပ်နဲ့ ကရင်နီတော်လှန်ရေးအင်အားစုတို့ရဲ့ တိုက်ပွဲတွေကြောင့် မယ်စဲ့မြို့နယ်ဒေသခံ ၅၀၀၀ ကျော်ဟာ ထိုင်းနိုင်ငံ၊ မယ်ဟောင်ဆောင်ခရိုင်ထဲ ထွက်ပြေးခိုလှုံခဲ့ရတာပါ။

နေရပ်ပြန်ပို့ခံရတဲ့ စစ်ရှောင်ပြည်သူအများစုဟာ ထိုင်းအာဏာပိုင်တွေရဲ့ ဖိအားကြောင့် နေရပ်ပြန် လာခဲ့ရတာဖြစ်ပြီး အနည်းကျဉ်းကသာ မိမိဆန္ဒအလျောက် နေရပ်ပြန်လာကြတာ ဖြစ်ပါတယ်။
ကရင်နီလူ့အခွင့်အရေးအဖွဲ့မျာနဲ့ အမျိုးသမီးအရေးလှုပ်ရှားသူများက စစ်ကောင်စီရဲ့ ရက်စက်ကြမ်းကြုပ်မှုများနဲ့ အကြမ်းဖက်သတ်ဖြတ်မှုများကြောင့် ကရင်နီလူဦးရေးရဲ့ တစ်ရာခိုင်းနှုန်းမှာ သေဆုံးသွားပြီလို့ ပြီးခဲ့တဲ့ ၂၀၂၃ ခုနှစ် အစောပိုင်းကာလများက ပြောကြားထားကြပါတယ်။

ကျန်ရှိနေသေးတဲ့ ထိုင်းနိုင်ငံရှိ ကရင်နီစစ်ဘေးရှောင်များအတွက် လူသားချင်းစာနာထောက်ထားမှုဆိုင်ရာ အကူအညီများ ရရှိရန် ထိုင်းအစိုးရနဲ့ ကရင်နီကြားကာလအုပ်ချုပ်ရေးကောင်စီတို့ကြား ညှိနှိုင်းဆောင်ရွက်မှုရှိနေကြောင်း သိရပါတယ်။

နေရပ်ပြန်လာတဲ့ စစ်ရှောင်ပြည်သူတွေဟာ လက်ရှိအချိန်အထိ မူရင်းဒေသတွေထံ ပြန်သွားတာမရှိဘဲ ထိုင်း-ကယားနယ်စပ်မှာရှိတဲ့ မယ်စဲ့စစ်ရှောင်စခန်းတွေမှာပဲ အခြေအနေစောင့်ကြည့်ပြီး ဆက် လက် ခိုလှုံနေကြတယ်လို့ သိရပါတယ်။

မယ်စဲ့စစ်ရှောင်စခန်းမှာ စစ်ရှောင်ပြည်သူတွေ ထပ်များလာတာကြောင့် ကုန်ဈေးနှုန်းအဆမတန် ကြီးမြင့်နေပြီး အခြေခံစားနပ်ရိက္ခာ ပြတ်လပ်လာမှာကို စစ်ရှောင်အရေးကူညီနေသူတွေက စိုးရိမ်နေကြတာပါ။

တဖက်မှာတော့ စစ်ကောင်စီဟာ လက်လွှတ်ထားရတဲ့ မယ်စဲ့စခန်းကို ပြန်လည်သိမ်းပိုက်ဖို့ မြေပြင်စစ်ကြောင်းတွေအပြင် လေကြောင်းတိုက်ခိုက်မှုတွေ အဆက်မပြတ်ပြုလုပ်နေတဲ့အတွက် စစ်ရှောင်ပြည်သူတွေမှာ စိုးရိမ်မှုတွေ မြင့်တက်နေတာပါ။
မြန်မာနိုင်ငံမှာ ၂၀၂၁ ခုနှစ် မြန်မာစစ်တပ်က အာဏာသိမ်းပြီးနောက်ပိုင်း တိုင်းနဲ့ပြည်နယ်အသီးသီးတို့မှ အိုးအိမ်စွန့်ခွာရသူပေါင်း ၂ သန်းပြည့်တော့မှာ ဖြစ်ကြောင်းနဲ့ ယင်းအထဲမှ ၁.၆ သန်းကျော်မှာ ပဋိပက္ခနဲ့ မလုံခြုံမှုများတို့ကြောင့် ထွက်ပြေးရသူများဖြစ်ပြီး ၎င်းတို့အားလုံးမှာ အကူအညီများစွာလိုအပ်မှု မြင့်တက်နေကြောင်း ကုလသမဂ္ဂအဖွဲ့၏ UNOCHA က ထုတ်ပြန်ထားပါတယ်။

https://youtu.be/h9SwDZJOjL8?si=V85CNol1h1Jbcg6l

#PoliticalNews
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬8👍2🔥1👏1
ကမ်းနီးတွင် ငါးခိုးဖမ်းသည့် ကမ်းဝေးငါးဖမ်းလှေများ ပုလော PDF က ဖမ်းဆီးအရေးယူ
👍10😁2❤1
ကမ်းနီးတွင် ငါးခိုးဖမ်းသည့် ကမ်းဝေးငါးဖမ်းလှေများ ပုလော PDF က ဖမ်းဆီးအရေးယူ
======================

ကိုရွှေမြိတ်
(မဇ္ဈိမ) ။ ။တနင်္သာရီတိုင်း၊ မြိတ်ခရိုင် ပုလောမြို့နယ် ရေပြင်ရှိ ညှင်းဖို ညှင်းမ ကျွန်းအနီးတွင် ကမ်းဝေးငါးဖမ်းလှေ(ဝါလပ်)များက ကမ်းနီးတွင် ဥပဒေမဲ့ ဝင်‌ရောက်ခိုးဆွဲနေခြင်းကြောင့် ပုလောပြည်သူ့ကာကွယ်ရေး တပ်မတော်က ပထမဆုံး ဖမ်းဆီးအရေးယူထားကြောင်း မြိတ်ခရိုင် တပ်ရင်း (၁) က ယမန်နေ့ စက်တင်ဘာလ ၁၂ ရက်နေ့က ထုတ်ပြန်သည်။

အဆိုပါ ကမ်းဝေးငါးဖမ်းလှေများသည် ကမ်းနီးတွင် လာရောက်ခိုးဖမ်းခြင်းကြောင့် ငါးရရှိမှုနည်းပါးလာခြင်း၊ ကမ်းနီးရေပြင်က တနိုင်တပိုင် လုပ်ကိုင် စားသောက်နေကြသည့် ဒေသခံရေလုပ်သားများကို ခြိမ်းခြောက်ခြင်း၊ ကမ်းနီးလှေငယ်များက ထောင်ထားသည့်ငါးဖမ်းပိုက်များ ဆုံးရှုံးရခြင်းတို့ ဖြစ်ပေါ်နေကြောင်း ဒေသခံကမ်းနီးငါးဖမ်းလုပ်ငန်း လုပ်ကိုင်နေသူများက တိုင်ကြားလာ၍ သွားရောက်ဖမ်းဆီးခဲ့သည်ဟု မြိတ်ခရိုင် တပ်ရင်း(၁) သတင်းနှင့် ပြန်ကြားရေးထံမှ သိရသည်။

“လှေနာမည်တွေ နံပါတ်ပြားတွေ အုပ်ထားပြီး ကမ်းနီးမှာ ဝင်ခိုးဆွဲတာပါ၊ စစ်ဆေး မေးမြန်းပြီး ကျွန်တော်တို့က လှေကိုတော့ ပြန်လွှတ်ပေးပြီး ပဲ့နင်း (ငါးဆရာ) ခုနစ်ဦးကို ဖမ်းဆီးထားတာ ဖြစ်တယ်”ဟု မြိတ်ခရိုင်တပ်ရင်း(၁) သတင်းနှင့်ပြန်ကြားရေးတာဝန်ခံ ကိုအာနိုးက ပြော သည်။

ယင်း ကမ်းဝေးငါးဖမ်းလှေ ခုနစ်စီးမှ အပြစ်ကျူးလွန်သူ ပဲ့နင်း ခုနစ်ဦးကို ပြီးခဲ့သည့် စက်တင်ဘာလ ၇ ရက်နေ့က ဖမ်းဆီးထားခြင်းဖြစ်ကြောင်း ၎င်းက ဆိုသည်။

“ကမ်းဝေးငါးဖမ်းလှေတွေက ကမ်းနီးမှာ လာဆွဲရင် ကျွန်တော်တို့က ကြောက်နေရတယ်၊ ပြန်ပြောလို့လည်း မရဲဘူး၊ ပြဿနာ ရှာခံရတယ်၊ အခုလည်း PDF တွေ ပဲ့နင်းတွေကို ဖမ်းဆီးထားတယ် အသံကြားရတော့ စစ်တပ်က စစ်သင်္ဘောတွေ ပုလောရေပြင်ကို ရောက်နေတယ်”ဟု လက္ကူရွာနေ ဒေသခံ ကမ်းနီးရေလုပ်သား တဦးက ပြောသည်။

လက်ရှိတွင် ပုလောပြည်သူ့ကာကွယ်ရေးတပ်မတော်က ဖမ်းဆီးထားသည့် ပဲ့နင်း ခုနစ်ဦးကို ယခုချိန်အထိ ဖမ်းဆီးထိန်းသိမ်းထားဆဲဖြစ်ပြီး ဥပဒေ အရ အရေးယူရန် ပုလော ပအဖ အဖွဲ့က တာဝန်ယူထားကြောင်း ကိုအာနိုးထံက သိရသည်။

စစ်တပ်အာဏာသိမ်းပြီးနောက်ပိုင်း ကမ်းဝေးငါးဖမ်းလှေများသည် စစ်ကောင်စီရေတပ် စစ်သင်္ဘောများကို ငွေပေး၍ ကမ်းနီးတွင် ဝင်ရောက် ငါးဖမ်းမှုက ပိုမိုများပြားလာကြောင်း ဒေသခံကမ်းနီးရေလုပ်သားများထံမှ သိရသည်။

စာတည်း - သန့်ဇော်(သန်လျင်)

#mizzima
#PDF
#ပုလောမြို့နယ်
#ရေပြင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9👏2😁1
Media is too big
VIEW IN TELEGRAM
ကရင်နီ စစ်ရှောင် ၆၀၀ ကျော်ကို ထိုင်းအာဏာပိုင်တွေ နေရပ်ပြန်ပို့

Watch more detail - https://youtu.be/h9SwDZJOjL8

#PoliticalNews
#reels
#shorts
#MizzimaTV
🤬9👍1🔥1
​​ဆိုရှယ်မီဒီယာပေါ်တွင် ကုန်ပစ္စည်းများ ရောင်းချမှုကို ပိတ်ပင်ရန် အင်ဒိုနီးရှား စီစဉ်
====================

အင်ဒိုနီးရှားအစိုးရသည် ကုန်သွယ်မှုစည်းမျဉ်းသစ်များအရ ဆိုရှယ်မီဒီယာပေါ်တွင် ကုန်ပစ္စည်းများ ရောင်းချခြင်းကို ပိတ်ပင်ရန် စီစဉ်လျက် ရှိကြောင်း ကုန်သွယ်ရေးဒုဝန်ကြီးဖြစ်သူက စက်တင်ဘာ ၁၂ ရက် ပါလီမန် အစည်းအဝေးတခုတွင် ပြောသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥1
​​The Attack of 26/11
=============

2008 ခုနှစ်တွင် အကြမ်းဖက်သမားများ မိုဘိုင်းမြို့တိုက်ခိုက်ခဲ့ပုံကို အခြေခံပြီး ပြန်လည်ရိုက်ကူးထားတဲ့ အန္ဒိယ ဟိန္ဒီ အက်ရှင် သည်းထိတ်ရင်ဖို ရုပ်သံဇာတ်လမ်းလေးဖြစ်ပါတယ်။

ကမ္ဘာပေါ်တွင် အကြီးမားဆုံးနဲ့ အဆိုးရွားဆုံး အကြမ်းဖက်အဖွဲ့တစ်ခုဖြစ်တဲ့ လက်ရှ်ကာအီတိုင်ဘာ အဖွဲ့အစည်းက အန္ဒိယကို စစ်ခင်းနေတာ နှစ်ပေါင်းများစွာ ရှိနေပါပြီ.. နည်းမျိုးစုံဖြင့် အကြမ်းဖက်လုပ်ရပ်များ လုပ်ခဲ့ရုံသာမက 2008 ခုနှစ် နိုဝင်ဘာလ 26 ရက်နေ့တွင် ပင်လယ်ထဲမှတစ်ဆင့် လူ ၁၀ ယောက်ကို စေလွှတ်ခဲ့ပြီး အန္ဒိယနိုင်ငံရဲ့ စီးပွားရေးမြို့တော်တစ်ခုဖြစ်တဲ့ မွမ်းဘိုင်းမြို့တွင် တစ်ခါမျှ မကြားဘူးသည့် မတူညီတဲ့ နည်းဗျူဟာများကိုသုံးပြီး တိုက်ခိုက်ခဲ့ကြပုံကို ရင်သပ်ရှုမောဖွယ် ကြည့်ရှုရမှာဖြစ်ပါတယ်။

Mizzima + တွင် ပြသနေသည့် ည (၈) နာရီအချိန်မှာပဲ Mizzima App တွင်လည်း live stream ကြည့်ရှုနိုင်ပါသည်။

#New ပြသမည့်ရက်။ ။ 13.9.2023
ပြသမည့် အချိန် ။ ။ ည (၈:၀၀ )နာရီ
ပြန်လည်ပြသမည့်ရက်။ ။ 14.9.2023
အချိန်။ ။နေ့လည် ၂နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍10🔥1
​​အာရှအားကစားပြိုင်ပွဲမှာ တရုတ်အားကစားသမားတွေ 'နိုင်ငံရေးအသိအမြင်ကို မြှင့်တင်ရမည်'
=======================

တရုတ်အားကစားသမားတွေဟာ ဟန်ကျိုးမှာ လာမယ့် သီတင်းပတ် အာရှအားကစားပြိုင်ပွဲ စတင်တဲ့အခါ "သူတို့ရဲ့ နိုင်ငံရေးအသိအမြင်ကို မြှင့်တင်ရမည်"ဖြစ်ပြီး “အိမ်ရှင်ကောင်းတွေ” ဖြစ်လာစေရမှာဖြစ်ကြောင်း နိုင်ငံရဲ့ ထိပ်တန်းအားကစားအရာရှိတဦးက ပြောပါတယ်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5😁3❤1
This media is not supported in your browser
VIEW IN TELEGRAM
အမေရိကန်နဲ့ အင်ဒိုနီးရှားတပ်တွေရဲ့ ပူးပေါင်း စစ်ရေးလေ့ကျင့်မှု စတင်

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts
👍5🔥1
​​အရပ်သားများထိခိုက်မှု ၎င်းတို့ပစ်ခတ်မှုကြောင့်ဖြစ်ပါက တာဝန်ယူမည်ဟု တော်လှန်ရေးပူးပေါင်းတပ်ဖွဲ့ ပြော
====================

ဂျူချန်း
(မဇ္ဈိမ)။ ။မွန်ပြည်နယ်၊ ရေးမြို့နယ်၊ ကျောင်းရွာတွင် စစ်ကောင်စီတပ်နှင့် တော်လှန်ရေးပူးပေါင်းတပ်ဖွဲ့တို့ အပြန်အလှန်ပစ်ခတ်မှုဖြစ်ပွားပြီး လူနေဧရိယာအတွင်း လက်နက်ကြီး ကျရောက်ပေါက်ကွဲမှုကြောင့် အမျိုးသမီးသုံးဦးအပါအဝင် အရပ်သားလေးဦး ဒဏ်ရာရခဲ့ကြောင်း ဒေသခံများထံမှ သိရသည်။

စက်တင်ဘာလ ၁၂ ရက်နေ့ ညနေ ၃ နာရီခန့်တွင် စစ်ကောင်စီ၏ ခမရ(၅၉၁)တပ်ရင်းအား တော်လှန်ရေး ပူးပေါင်းတပ်ဖွဲ့မှ လက်နက်ကြီးဖြင့် သွားရောက်ပစ်ခတ်တိုက်ခိုက်ခဲ့ရာ လက်နက်ကြီးဖြင့် အပြန်အလှန် ပစ်ခတ်မှု ဖြစ်ပွားခဲ့ခြင်းဖြစ်သည်။

ရေးမြို့အခြေစိုက်တော်လှန်ရေးပူးပေါင်းတပ်ဖွဲ့များက ရွာတွင်းကျရောက်ပေါက်ကွဲသည့် လက်နက်ကြီး သည် ၎င်းတို့ပစ်ခတ်သည့် လက်နက်ကြီးဖြစ်ပါက တာဝန်ယူသွားမည်ကြောင်း အဖွဲ့တာဝန်ရှိသူတဦးက ပြောသည်။

“လောလောဆယ် ကျနော်တို့ မြေပြင်အဖွဲ့နဲ့ အဆက်အသွယ်မရ ဖြစ်နေပါတယ်။ တကယ်လို့ ကျနော်တို့ ကျည်သာမှန်တယ်ဆိုရင် ထိခိုက်သွားတဲ့ပြည်သူတွေကို တောင်းပန်ရမယ်ပေါ့နော်။ ပြီးတော့ တာဝန် လည်းအပြည့်ယူရမှာပေါ့၊ လူထုထိခိုက်သွားတာဆိုတော့။ ကျနော်တို့ စုံစမ်းစစ်ဆေးမှုတွေလည်းလုပ်မှာ ပါ” ဟု ပူးပေါင်းအဖွဲ့မှ တာဝန်ရှိသူတဦးက ပြောသည်။

အပြန်အလှန်ပစ်ခတ်မှုဖြစ်စဉ်အတွင်း ကျောင်းရွာဈေးနှင့် ရွာအလယ်သို့ လက်နက်ကြီး ကျရောက်ပေါက် ကွဲခဲ့ရာ အသက် ၄၀ အရွယ် ဒေါ်ချမ်းမှာ ဦးခေါင်းနှင့် လည်ပင်းတို့တွင် ကျည်စထိမှန်ကာ စိုးရိမ်ဒဏ်ရာ ရရှိခဲ့ပြီး ဒေါ်ငို၊ မရုတ်သီး(အမည်အရင်းမသိရ)နှင့် ဦးချစ်အောင်တို့ မစိုးရိမ်ရ ဒဏ်ရာရခဲ့ကာ နေအိမ် သုံးလုံးနှင့် ဈေးဆိုင်တဆိုင် ပျက်စီးခဲ့ကြောင်း ဒေသခံက ပြောသည်။

“မချမ်းတို့အိမ်နားမှာ ကျတာ၊ သူကတော့ နဖူးနဲ့ လည်ပင်းထိတာ နည်းနည်းများတယ်။ ကျန်တဲ့သူတွေက နည်းနည်းပဲထိတာ။ ကျောင်းနားကျတဲ့အလုံးမပေါက်တာ တော်သေးလို့။ ကလေးတွေအတွက် မတွေးရဲ စရာပဲ။ ရွာစွန်ကအိမ်တော့ ကြေမွသွားတယ်။ အမတို့လည်း တခါမှမကြုံဖူးတော့ အရမ်းလန့်နေတာ” ဟု ဒေသခံအမျိုးသမီးတဦးက မဇ္ဈိမကိုပြောသည်။

လက်ရှိတွင် လက်နက်ကြီးထိမှန်ဒဏ်ရာရသူများအား ကျောင်းရွာတိုက်နယ်ဆေးရုံသို့ ပို့ဆောင်ခဲ့ကြောင်း သိရသည်။ အဆိုပါနေ့က ည ၈ နာရီခန့်တွင်လည်း ခမရ(၅၉၁)က လက်နက်ကြီးဖြင့် နှစ်ကြိမ် ထပ်မံပစ် ခတ်ခဲ့သေးကြောင်း ဒေသခံက ပြောသည်။

ရေးမြို့နယ်အတွင်း စစ်ကောင်စီတပ်နှင့် ဒေသအခြေစိုက်တော်လှန်ရေးပူးပေါင်းတပ်ဖွဲ့များအကြား မကြာ ခဏ တိုက်ပွဲများဖြစ်ပွားလေ့ရှိပြီး အရပ်သားများနေထိုင်သည့်ကျေးရွားများအတွင်းသို့ လက်နက်ကြီး ကျ ရောက်ပေါက်ကွဲခြင်းကြောင့် လူသေဆုံးမှုများရှိခဲ့သည်။

ပြီးခဲ့သည့် ဇွန်လအတွင်းက ရေးမြို့နယ် နှစ်ကရင်နှင့် ကျောက်အိုင်ကျေးရွာတို့တွင် စစ်ကောင်စီတပ်က ပစ်ခတ်သော လက်နက်ကြီးကျရောက်ပေါက်ကွဲပြီး အမျိုးသမီး နှစ်ဦးသေဆုံးခဲ့ကြောင်း ဒေသခံများက ပြောသည်။

စစ်ကောင်စီလက်အောက်ခံ ခမရ(၅၉၁)အခြေစိုက်သည့် ကျောင်းရွာတွင် ၂၀၂၁ ခုနှစ် မေလ ၁၉ ရက်နေ့ က ကျေးရွာအုပ်ချုပ်ရေးမှုူးရုံးရှေ့တွင် လက်လုပ်ဗုံးပေါက်ကွဲမှုကြောင့် အသက်ငါးနှစ်အရွယ် မိန်းကလေး ငယ်တဦးအပါအဝင် အရပ်သားသုံးဦးနှင့် အုပ်ချုပ်ရေးမှူးတဦး၊ ပြည်သူ့စစ်တဦး ထိခိုက်ဒဏ်ရာရရှိခဲ့ သည်။

စာတည်း။ ။စောဖေ

#မွန်ပြည်နယ်
#ရေးမြို့နယ်
#လက်နက်ကြီးထိမှန်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍19❤1🤣1
This media is not supported in your browser
VIEW IN TELEGRAM
ကင်ဂျုံအန်နဲ့ပူတင်တို့တွေ့ဆုံမှု လက်နက်အရောင်းအဝယ်ကိစ္စဖြစ်နိုင်ကြောင်း အမေရိကန်သတိပေး

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts
👍8😁2