Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
လားရှိုးတွင် မိုးကြီးပြီး အုတ်တံတိုင်းပြိုကျ၍ လူသေဆုံး
==================

မောင်ခက်နွေ
(မဇ္ဈိမ)။ ။ရှမ်းပြည်နယ်မြောက်ပိုင်း၊လားရှိုးမြို့တွင် ယနေ့ စက်တင်ဘာလ ၁၄ရက်နေ့ နံနက်ပိုင်းက မိုးရွာသွန်းမှုများပြီး ရေကြီးရေလျှံကာ အမျိုးသားတဦး အုတ်တံတိုင်းပိ သေဆုံးခဲ့သည်။
ရေကြီးရေလျှံမှုသည် လားရှိုးမြို့ရှိ ရပ်ကွက်(၅)တွင် ဖြစ်ပွားခဲ့ပြီး အုတ်တံတိုင်းပြိုကျသောကြောင့် လေဖြတ်ဝေဒနာခံစားနေရသော အသက်(၃၀)ကျော်အရွယ် အမျိုးသားတဦး သေဆုံးခဲ့ခြင်းဟု ဒေသခံများကပြောသည်။

" လူသေဆုံးမှုက မနက် နှစ်နာရီလောက်က ဖြစ်တာ။
မိုးအရမ်းများနေသေးတယ်။ မိုးဆက်ကောင်းရင် စိုးရိမ်ရတယ်"ဟု လားရှိုးမြို့မှ လူမှုကူညီရေးအဖွဲ့တာဝန်ရှိသူတဦးကပြောသည်။
လားရှိုးမြို့နယ်အတွင်း စက်တင်ဘာလ ၁၂ရက်မှစ၍ မိုးရွာသွန်းမှုများခဲ့ပြီး မြေနိမ့်ပိုင်းရပ်ကွက်များအတွင်း တောင်ကျချောင်းရေ ဆင်းနေကြောင်းသိရသည်။

“မိုးနည်းနည်းကြီးရင် ဖြစ်ပြီ။ ရေမြောင်းတွေနေရာမှာတဖြည်းဖြည်းနဲ့ အုတ်တံတိုင်းတွေခတ်တယ်။ အိမ်တွေဆောက်တယ်။ အဲ့လို လုပ်တဲ့ အခါရေကြီးတော့ ရေကသွားစရာနေရာမရှိဘူး”ဟု ဒေသခံတဦးက ဆိုသည်။

ယနေ့နံနက်လည်း မိုးဆက်လက်ရွာနေပြီး ရေဘေးအန္တရာယ်ထပ်မံမကြုံတွေ့စေရေး ဆောင်ရွက်နေကြောင်း လူမှုကူညီရေးအဖွဲ့များကပြောသည်။

မိုးနှောင်းကာလဖြစ်သည့် လက်ရှိ စက်တင်ဘာလတွင် မုတ်သုံလေဆုတ်ခွာခြင်းဖြစ်စဥ်ကြောင့် မိုးများကာ ရေကြီးကာလထပ်မံကြုံတွေ့နိုင်ကြောင်း အမျိုးသားညီညွတ်ရေးအစိုးရ(NUG)၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)က စက်တင်ဘာလ ၁၁ ရက်နေ့တွင် သတင်းထုတ်ပြန်ထားသည်။

စာတည်း - အေးချမ်း

#mizzima
#လားရှိုးမြို့
#ရေကြီးရေလျှံ

လားရှိုးမြို့ ယခုရက်ပိုင်း ရေကြီးရေလျှံမှုအခြေအနေ
Photo- Nay Myo Facebook

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥1😢1
​​စစ်ကောင်စီအပေါ် နောက်ထပ် ဒဏ်ခတ်ပိတ်ဆို့မှုများ ချမှတ်ရေး ကုလ လူ့အခွင့်အရေး ကျွမ်းကျင်သူက အမေရိကန်ကို တိုက်တွန်း
======================

The Straits Times

မြန်မာအာဏာသိမ်းစစ်ကောင်စီအပေါ် ဒဏ်ခတ်ပိတ်ဆို့မှုများ ထပ်မံ တင်းကျပ်ရန်နှင့် ၎င်းတို့၏ အဓိက ဝင်ငွေရင်းမြစ်ဖြစ်သည့် နိုင်ငံပိုင် ရေနံနှင့် ဓာတ်ငွေ့လုပ်ငန်းကိုလည်း ဒဏ်ခတ်ပိတ်ဆို့သွားရေး မြန်မာနိုင်ငံ လူ့အခွင့်အရေး အခြေအနေဆိုင်ရာ ကုလသမဂ္ဂ အထူးကိုယ်စားလှယ်က စက်တင်ဘာ ၁၃ ရက်တွင် အမေရိကန်ကို တိုက်တွန်းတောင်းဆိုလိုက်သည်။

ဝါရှင်တန်အနေဖြင့် စစ်ကောင်စီ၏ ဒုက္ခပေးမှုကို ခံခဲ့ရသည့် မြန်မာနိုင်ငံအတွင်းနှင့် ပြင်ပရှိ ထိခိုက်ဒုက္ခရောက်ခဲ့ရသူများအတွက် လူသားချင်းစာနာမှု ကူညီပံ့ပိုးမှု လယ်ဗယ်များကို ထိန်းထားရန် အလွန်အရေးကြီးကြောင်း ကုလ အထူးကိုယ်စားလှယ် တွန် အန်ဒရူးစ်က ပြောသည်။

မြန်မာမှ ထွက်ပြေးခဲ့ရသည့် ရိုဟင်ဂျာ ဒုက္ခသည်များအတွက် ထောက်ကူပံ့ပိုးမှုကို အမေရိကန် အပါအဝင် အလှူရှင်နိုင်ငံတချို့က လျှော့ချနိုင်သည် ဆိုသည့် သတင်းနှင့် ဘင်္ဂလားဒေ့ရှ်ရှိ ရိုဟင်ဂျာကလေးငယ်များအတွက် စားနပ်ရိက္ခာများ အပါအဝင် ပူးပေါင်း တုံ့ပြန်မှု အစီအစဉ်တရပ်အတွက် ယခုနှစ် လက်ရှိအချိန်အထိ ၃၂ ရာခိုင်နှုန်းသာ ငွေကြေးထောက်ပံ့မှု ရထားသည် ဆိုသည့် သတင်းများကြောင့် မိမိအနေဖြင့် “စိုးရိမ်” မိကြောင်း တွန် အန်ဒရူးစ်က အမေရိကန်ကွန်ဂရက်၏ Tom Lantos လူ့အခွင့်အရေးကော်မရှင်၏ ကြားနာပွဲတွင် ပြောသည်။

မြန်မာ နိုင်ငံခြားကုန်သွယ်မှုဘဏ်နှင့် မြန်မာ့ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် တို့အပေါ် ဒဏ်ခတ်အရေးယူမှုများ ချမှတ်ခြင်းအတွက် အန်ဒရူးစ်က အမေရိကန်ကို ချီးကျူးခဲ့သော်လည်း နောက်ထပ် ဒဏ်ခတ်ပိတ်ဆို့မှုများ ထပ်မံလုပ်ဆောင်ရန် လိုသေးသည်ဟု ပြောသည်။

“ကျွန်တော်တို့အနေနဲ့ နောက်ထပ် ဒဏ်ခတ်ပိတ်ဆို့မှုတွေ ထပ်မံချမှတ်ဖို့ လိုပါတယ်။

မြန်မာစစ်အုပ်စုရဲ့ တခုတည်းသော အကြီးဆုံး ဝင်ငွေရင်းမြစ် ဖြစ်တဲ့ မြန်မာ့ ရေနံနဲ့ ဓာတ်ငွေ့လုပ်ငန်းအပေါ် အီးယူက ဒဏ်ခတ်ပိတ်ဆို့မှုတွေ ချမှတ်ထားသလိုပဲ အမေရိကန်အနေနဲ့ ခုချက်ချင်း မြန်မာ့ရေနံနဲ့ ဓာတ်ငွေ့လုပ်ငန်းအပေါ် ဒဏ်ခတ်ပိတ်ဆို့ဖို့ ကျွန်တော်တို့ တိုက်တွန်းပါတယ်” ဟု အန်ဒရူးစ်က ပြောသည်။

“သူတို့ (စစ်ကောင်စီ) ဆီ ငွေစီးဝင်မှုကို တားဆီးနိုင်တယ်ဆိုရင် သူတို့ရဲ့ ရက်စက်ကြမ်းကြုတ်တဲ့ လုပ်ရပ်တွေ လုပ်နိုင်စွမ်းကို ဖြတ်တောက်နိုင်မှာဖြစ်တယ်” ဟု ၎င်းက မြန်မာစစ်တပ် လက်ထဲတွင် အရပ်သားများ သေဆုံးရမှုများကို ရည်ရွယ် ပြောဆိုသည်။
ထို့ပြင် မြန်မာစစ်အုပ်စု လက်နက် ရရှိမှုကို ပိတ်ဆို့ရေး အခြားနိုင်ငံများနှင့် ပူးပေါင်းလုပ်ဆောင်ရန် ၎င်းက အမေရိကန်ကို တိုက်တွန်းသည်။

ပြီးခဲ့သည့်လက မြန်မာစစ်အုပ်စု လေကြောင်းတိုက်ခိုက်မှုများ လုပ်ဆောင်ရန် အသုံးပြုသည့် လေယာဉ်ဆီကို ရယူ (ဝယ်ယူ) ရာတွင် ကူညီပေးသည့် နိုင်ငံခြားကုမ္ပဏီများ သို့မဟုတ် လူပုဂ္ဂိုလ်များကို ထည့်သွင်းပြီး ဒဏ်ခတ်ပိတ်ဆို့မှုများကို အမေရိကန်က ချမှတ်ခဲ့သည်။ မြန်မာစစ်တပ်သည် ၂၀၂၁ အာဏာသိမ်းပြီးနောက် အရပ်သား ၃,၉၀၀ ကျော်ကို သတ်ဖြတ်ထားခဲ့သည်။

ဇန်နဝါရီလကလည်း အမေရိကန်သည် မြန်မာ့ရေနံနှင့် ဓာတ်ငွေ့လုပ်ငန်း၏ မန်နေဂျင်းဒါရိုက်တာနှင့် ဒုမန်နေဂျင်းဒါရိုက်တာကို ပစ်မှတ်ထား အရေးယူပိတ်ဆို့ခဲ့သော်လည်း လုပ်ငန်းအပေါ် ထပ်မံ ဒဏ်ခတ်ပိတ်ဆို့မှုများ ချမှတ်ခြင်း မရှိသေးပေ။

မြန်မာစစ်တပ် တာဝန်ရှိသူများက ဒဏ်ခတ်ပိတ်ဆို့မှုများ၏ သက်ရောက်မှုကို လျှောချထားပြီး ၎င်းတို့၏ လေကြောင်းတိုက်ခိုက်မှုများက သောင်းကျန်းသူများကို ပစ်မှတ်ထားသည်ဟု ပြောသည်။
မြန်မာစစ်တပ်သည် အာဏာသိမ်းပြီးနောက် အနည်းဆုံး ဒေါ်လာ ၁ ဘီလီယံတန်ဖိုးရှိ လက်နက်နှင့် အခြားပစ္စည်းများ တင်သွင်းထားခဲ့ကြောင်း အန်ဒရူးစ်က မေလ အစီရင်ခံစာတရပ်တွင် ပြောသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13😁1
​​ရုပ်သံဖိုင်အဟောင်းဖြင့် ဟောင်ကောင်တွင် ရေကြီးနေဟု သတင်းမှားဖြန့်
====================

ZZ
(မဇ္ဈိမ)။ ။ဟောင်ကောင်တွင် ရေကြီးရေလျှံမှုဖြစ်ပွားနေသည်ဆိုသော ရုပ်သံဖိုင်တခု တစ်တော့၌ ပျံ့နှံ့နေ သည်။ အဆိုပါရုပ်သံမှာ ဟောင်ကောင်၌မုန်တိုင်းတိုက်ခိုက်စဉ် မြင်တွေ့ရသော မြင်ကွင်းများမဟုတ်ပေ။

“ရှမ်းကောင်လေး” အမည်ရှိ တစ်တော့အကောင့်မှ စက်တင်ဘာလ ၄ ရက်နေ့တွင် “ဟောင်ကောင်မြို့ကြီး တော့ ရေမြှုပ်သွား” ၊ “၂ ရက်နေ့က လေမုန်တိုင်းတိုက်ပြီး အခုရေကြီးနေတာပါ ဟောင်ကောင်မှာပါ” ဟု ရေးသားကာ ရုပ်သံဖိုင်နှစ်ခုကို ဖြန့်ဝေထားသည်။ ထိုဖိုင်နှစ်ခုလုံးအား ကြည့်ရှုသူ စုစုပေါင်း ၃၀၈,၀၀၀ ကျော် ရှိသည်။
အဆိုပါရုပ်သံဖိုင်ကို “တစ်ကောင်ဘွားစနေသား” အမည် ဖေ့စ်ဘုတ်အကောင့်မှလည်း ဖြန့်ဝေထားသေး သည်။

“ဟောင်ကောင်မြို့ကြီးတော့ရေမြှုပ်သွား”ရုပ်သံဖိုင်၏မူရင်းမှာ “Planet.in.ragegg” အမည်ရှိ တစ်တော့ အကောင့်မှဖြစ်သည်။ စက်တင်ဘာလ ၂ ရက်နေ့က “တရုတ်နိုင်ငံတွင် တိုင်ဖွန်းမုန်တိုင်းကြောင့် လူအများ သေဆုံးခဲ့ရသလို ပေကျင်းမြို့မှ လူပေါင်း ၃၁,၀၀၀ ကျော် ဘေးလွှတ်ရာသို့ရွှေ့ ပြောင်းရွှေ့ခဲ့ရကြောင်း” ဟု ရေးသားဖြန့်ဝေထားသည်။

ပြီးခဲ့သော ဇူလိုင်လ ၃၀ ရက်နေ့က တိုက်ခတ်ခဲ့သည့် တိုက်ဖွန်းမုန်တိုင်းကြောင့် တရုတ်နိုင်ငံအတွင်း ရေလွမ်းမိုးမှုများဖြစ်ပွားခဲ့သည်။ ထိုအကြောင်းကို Down To Earth အမည်ရှိဝက်ဘ်ဆိုက်တွင် သတင်း ဖော်ပြထားသည်။ လင့် - https://shorturl.at/juHLX
တစ်တော့၌ဖြန်ဝေထားသည့်ရုပ်သံပါ ကားများရေနစ်မြုပ်နေသည့်မြင်ကွင်းကို ဇူလိုင်လ ၃၀ ရက်နေ့တွင် တွစ်တာရှိ Insider Paper သတင်းဌာနမှ ဖော်ပြထားသည်။ လင့် - https://shorturl.at/fruzU
“၂ ရက်နေ့က လေမုန်တိုင်းတိုက်ပြီး အခုရေကြီးနေတာပါ ဟောင်ကောင်မှာပါ” စာတမ်းပါ ရုပ်သံတွင်ပါ ဝင်သည့် မီးသတ်ကားသွားနေသည့်ရုပ်သံမြင်ကွင်းမှာလည်း အခြား တစ်တော့အသုံးပြုသူတဦးက ဇူလိုင် လ ၂ ရက်နေ့ကတည်းက ဖြန့်ဝေထားသည်။ လင့် - https://shorturl.at/htxFV

အလားတူ လူနှစ်ဦး ရေထဲမြောပါနေသည့်မြင်ကွင်းကို ဇူလိုင်လ ၁၁ ရက်နေ့က “China Insights” ယူကျု ချန်နယ်၏ သတင်းဖော်ပြမှုတွင် တွေ့ရသည်။ ၎င်းသတင်းတင်ဆက်မှု၏ ၁၃ မိနစ်ကျော်၌ လူနှစ်ဦးရေထဲ မြောပါနေသည်ကို တွေ့ရသည်။

ဟောင်ကောင်တွင် စက်တင်ဘာလ ၂ ရက်နေ့တွင် ဆယ်အိုလာ တိုင်ဖွန်းမုန်တိုင်းဝင်ရောက်တိုက်ခိုက်ခဲ့ ကြောင်း သတင်းဌာနအချို့၏ ဖော်ပြချက်အရ သိရသည်။ မုန်တိုင်းတိုက်ခိုက်မှုကြောင့် ထိခိုက်ပျက်စီးမှု များရှိခဲ့ပြီး ရုပ်သံဖိုင်များလည်း ထွက်ပေါ်ခဲ့သည်။ သို့သော် ယခု ပျံ့နှံ့နေသည့်ရုပ်သံဖိုင်များ မဟုတ်ပေ။

ABC News(Australia) ၏ သတင်းဖော်ပြချက် - https://www.youtube.com/watch?v=vYbO6lfnlDI
DW News ၏ သတင်းဖော်ပြချက် - https://www.youtube.com/watch?v=o8qFcKQB5gc

ထို့ကြောင့် လက်ရှိပျံ့နှံ့နေသည့် ဟောင်ကောင်တွင်ရေကြီးနေသည်ဆိုသောရုပ်သံဖိုင်မှာ စက်တင်ဘာလ ၂ ရက်ကတိုက်ခတ်သော မုန်တိုင်းတိုက်ခတ်မှုနှင့်‌ ရေကြီးမှုဖြစ်စဉ်မဟုတ်ဘဲ ဇူလိုင်လအတွင်းက တရုတ် ပြည်မကြီးအတွင်း ဖြစ်ပွားခဲ့သောဖြစ်စဉ်မှ ရုပ်သံဖိုင်ဖြစ်သည်။

ဖြစ်စဉ်အမှန်အပေါ်အခြေခံကာ အခြားနေရာတွင်ဖြစ်ပွားခဲ့သည့် ရုပ်သံအဟောင်းများဖြင့် ဖြန့်ဝေထား သည့် ချိတ်ဆက်မှုမှားယွင်းနေသည့် သတင်းမှားသာ ဖြစ်သည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News
#TikTik
#Hong_Kong
#Typhoon
#Old_Videos
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥1
​​ယူအေအီးနိုင်ငံ၏ Hope အာကာသယာဉ်ကို အသုံးပြုပြီး အင်္ဂါဂြိုဟ်အား မြေပုံထုတ်
====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥1
​​ပင်လယ်ကြမ်းပြင်၌ ထူးဆန်းသည့် ရွှေဥအား ရှာဖွေတွေ့ရှိ
===================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥1
​​လျှပ်စစ်ကားများအတွက် လစ်သီယမ်ဘက်ထရီများ ဆက်ရှိနေဦးမည်ဟုဆို
====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥1
​​တိရစ္ဆာန်အစစ်များနေရာ၌ သုံးဖက်မြင်ဟိုလိုဂရမ်ဖြင့် အစားထိုးခဲ့သည့် ဂျာမန်ဆပ်ကပ်အဖွဲ့
========================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥2
​​စိတ်ခံစားချက်များကို ဘာသာစကားများဖြင့် ရှင်းပြပေးနိုင်သည့် စက်ရုပ်များ
=====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥3
အိန္ဒိယလျှပ်စစ်မော်တော်ယာဉ်ဈေးကွက် ကြီးထွား | VOA on Mizzima
=======================

ကမ္ဘာပေါ်မှာ အလျင်အမြန် ကြီးထွားလာနေတဲ့ လျှပ်စစ်မော်တော်ယာဉ် EV ဈေးကွက်ကြီးမှာ အိန္ဒိယနိုင်ငံ အနေနဲ့လည်း ပါဝင်ပါတယ်။ ဒီအကြောင်း AP သတင်းတပုဒ်ကို အခြေခံပြီး ကိုခင်မောင်စိုးမင်း တင်ဆက်ထားပါတယ်။

https://youtu.be/jBK6VOKbIFs?si=53zMhVlOmMXinMlo

#VOA
#MizzimaTv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🔥3
This media is not supported in your browser
VIEW IN TELEGRAM
အစိုးရအဖွဲ့ အပြောင်းအလဲလုပ်ပြီး စီးပွားရေးအစီအမံတွေကို ကြပ်မတ်လုပ်ဆောင်သွားဖို့ ဂျပန်ဝန်ကြီးချုပ် ကတိပြု

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts #Japan
🔥3
​​ရာထူးတိုးဖြေပြီး မိဘနေအိမ်သို့ ခေတ္တပြန်လာသော ရဲအုပ် ပစ်သတ်ခံရ
=====================

ဂန္ဒမာ
(မဇ္ဈိမ)။ ။ ရန်ကုန်တိုင်း ၊ ရွှေပြည်သာမြို့နယ်၊ အမှတ် (၈) ရပ်ကွက်၊ ကမ္ဘောဇပန်းခြံထောင့်၊ တပင်ရွှေထီးလမ်းရှိ လဘက်ရည်ဆိုင်တဆိုင်တွင် စစ်ကောင်စီ၏ ရဲအရာရှိတဦး သေနတ်ဖြင့် ပစ်သတ်ခံရပြီး သေဆုံးသွားသည်။

ရဲအုပ်အောင်သက်ထွေးသည် စခန်းမှူးရာထူးတိုး ဖြေဆိုပြီးနောက် မိဘနေအိမ်သို့ ခတ္တပြန်လာစဉ် စက်တင်ဘာလ ၁၃ ရက်နေ့၊ မွန်းလွဲပိုင်းက သေနတ်ဖြင့် ပစ်သတ်ခံလိုက်ရခြင်း ဖြစ်သည်။

သေနတ်ဖြင့် လေးချက်ပစ်ခတ်ခံရပြီး သေဆုံးသွားခြင်းဖြစ်ကြောင်း မြေပြင်သတင်းရင်းမြစ်တဦးက မဇ္ဈိမကို ပြောသည်။

"သူက လွိုင်ကော်ကနေ နေပြည်တော်ကို ရာထူးတိုးသွားဖြေပြီး ရွှေပြည်သာမှာ ခဏဝင်လားနားရင်း ဖြစ်သွားတာပါ" ဟု ရွှေပြည်သာ မြေပြင်ကင်းထောက်(SPT - Info) က မဇ္ဈိမကို ပြောသည်။
ရဲအုပ် အောင်သက်ထွေးသည် ကယားပြည်နယ် စစ်ကောင်စီရဲတပ်ဖွဲ့တွင် တာဝန်ထမ်းဆောင်နေသူဖြစ်ပြီး စခန်းမှူးရာထူးတိုး ဖြေဆိုပြီးနောက် ရွှေပြည်သာမြို့နယ်ရှိ မိဘနေအိမ်သို့ ပြန်ရောက်ပြီး သုံးရက်အကြာတွင် လက်ဘက်ရည်ဆိုင်၌ ပစ်သတ်ခံရခြင်း ဖြစ်သည်။

ပစ်ခတ်ခံရပြီးနောက် ရဲအုပ်အား လူနာတင်ယာဉ်ဖြင့် ဆေးရုံသို့ ပို့ဆောင်စဉ် သေနတ်ဒဏ်ရာဖြင့် လမ်းတွင် သေဆုံးသွားခြင်း ဖြစ်သည်။

အခင်းဖြစ်ပွားရာ နေရာအနီးတဝိုက်ကို စစ်ကောင်စီတပ်နှင့် လက်အောက်ခံအဖွဲ့များ စစ်ကား၊ ရဲကား၊ အိမ်စီးကားများဖြင့် ရောက်ရှိလာပြီး ည ၇ နာရီဝန်းကျင်ထိ ပိတ်ဆို့စစ်ဆေးမှုများပြုလုပ်ခဲ့ကြောင်း မြို့ခံများက ပြောသည်။

မြန်မာနိုင်ငံတွင် စစ်တပ်က အာဏာသိမ်းကာ ငြိမ်းချမ်းစွာ ဆန္ဒပြပြည်သူများကို အကြမ်းဖက်ဖြိုခွင်းပြီးနောက် အရပ်သားများ လက်နက်ကိုင်ကာ စစ်အာဏာရှင်စနစ်ကို တွန်းလှန် တိုက်ထုတ်နေကြသည်။

ရန်ကုန်၊ မန္တလေးအပါအဝင် မြို့ကြီးများတွင် စစ်ကောင်စီတပ်နှင့် ၎င်းတို့၏ ယန္တရားများ လည်ပတ်အောင် ကူညီပေးနေသူများကို ပစ်မှတ်ထားသော မြို့ပြတိုက်ခိုက်မှုများလည်း ဆက်ရှိနေဆဲ ဖြစ်သည်။

စာတည်း။ ။ နောင်နောင်
စာမူတည်းဖြတ်။ ။ သန့်ဇော်(သန်လျင်)
ပုံအညွှန်း - ပစ်ခတ်ခံရသူ ရဲအုပ် အောင်သက်ထွေး

#ရဲအုပ်အောင်သက်ထွေး
#ရာထူးတိုးဖြေ
#လှိုင်သာယာ
#ပစ်သတ်ခံရ
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍21❤2🔥1👏1
မီဇိုရမ်တွင် မြန်မာနိုင်ငံသားများထံမှ မူးယစ်ဆေးဝါးနှင့် ကျည်ဆန်များ ဖမ်းဆီးရမိ
👍5🔥2
မီဇိုရမ်တွင် မြန်မာနိုင်ငံသားများထံမှ မူးယစ်ဆေးဝါးနှင့် ကျည်ဆန်များ ဖမ်းဆီးရမိ
====================

ပါခွီး
(မဇ္စျိမ) ။ ။ အိန္ဒိယနိုင်ငံ ၊ မီဇိုရမ်ပြည်နယ်တွင် မြန်မာနိုင်ငံသားများထံမှ မူးယစ်ဆေးဝါး နှင့် ကျည်ဆန်များ ဖမ်းဆီးရမိခဲ့ကြောင်း မီဇိုရမ်ရဲတပ်ဖွဲ့က ထုတ်ပြန်သည်။

အိန္ဒိယ-မြန်မာနယ်စပ် အနီးရှိ ကျန်းဖိုင်းရဲတပ်ဖွဲ့မှ Chalbawiha Junction Khankawn ရဲဂိတ်တွင် ကားတစီးကို စက်တင်ဘာလ ၁၁ရက်နေ့တွင် စစ်ဆေးရာ ကားဘီးအပိုပါလာသည့် တာယာအတွင်းမှ ဘိန်းဖြူများဖမ်းဆီးရမိခြင်း ဖြစ်သည်။

ကားပေါ်တွင်ပါလာသည့် ချင်းပြည်နယ် ဖလမ်းမြို့နယ် ခေါမွိုင်းရွာနေထိုင်သူ လားထန်းဗွန်ငါ (၄၇နှစ်)ကို ဘိန်းဖြူ ၄၁၀ ဂရမ်ဖြင့် ဖမ်းဆီးခဲ့ခြင်းဖြစ်သည်။

၎င်းကို မူးယစ်ဆေးဝါးတိုက်ဖျက်ရေးဥပဒေ ၊ နိုင်ငံခြားသား ပုဒ်မများဖြင့် တရားစွဲဆိုထားကြောင်း သိရသည်။

တဖန် မီဇိုရမ်ပြည်နယ် တောင်ပိုင်း ဆိုင်ဟားခရိုင်တွင် မြန်မာနိုင်ငံသားနှစ်ဦးနှင့် ဒေသခံအမျိုးသားတဦးထံမှ AK 47 ကျည်ဆန် ၁,၈၀၀ ကို အာသံရိုင်ဖယ်တပ်နှင့် မီဇိုရမ်ရဲ များက ဖမ်းဆီးရမိကြောင်းလည်း ထုတ်ပြန်ထားသည်။

ကြိုတင်သတင်းရရှိထားချက်အရ လောင်တလိုင်မြို့ဖက်ကို ဦးတည်မောင်းနှင့် လာသည့် ဆိုင်ကယ်သုံးစီးကို ဆိုင်ဟားခရိုင် တလိုင်ပွီးကွန် အရောက်တွင် စက်တင်ဘာလ ၁၂ရက်က စစ်ဆေးခဲ့ရာ ကျည်ဆန်များဖမ်းဆီးရမိခြင်းဖြစ်သည်။

အဆိုပါ မြန်မာနိုင်ငံသားနှစ်ဦးနှင့် ဒေသခံကို တရားဥပဒေကြောင်းအရ အရေးယူ ဆောင်ရွက်နိုင်ရေးအတွက် ဆိုင်ဟား ရဲစခန်းသို့ ပို့ဆောင်ထားကြောင်း ထုတ်ပြန် ချက်တွင်ဖော်ပြထားသည်။
“အခုလို မြန်မာနိုင်ငံသားတွေဆီက မူးယစ်ဆေးဝါးတွေခပ်စိပ်စိပ်ပြန်ဖမ်းမိလာတဲ့အပေါ်မှာ ဒေသခံတွေက စစ်ဘေးရှောင်တွေအပေါ်မှာ အမြင်းစောင်းပြီး ငြိုငြင်လာမှာကို စိုးရိမ်ပါတယ်”ဟု ဟု မြန်မာစစ်ဘေးရှောင်ကူညီပေးနေသည့် အဖွဲ့အစည်းမှ တာဝန်ရှိသူ တဦးက မဇ္စျိမ ကို ပြောသည်။

အကူအညီပေးနေသည့် ဒေသခံ လူမှုရေးအဖွဲ့အစည်းများအနေဖြင့် စစ်ဘေးရှောင်လာသူများနှင့် မူးယစ်ဆေးဝါးမှောင်ခို လုပ်သူများကို ခွဲခြားမြင်သော်လည်း ဒေသခံအချို့မှာ မြန်မာနိုင်ငံသားများက ၎င်းတို့ ပြည်နယ်အတွက် အနှောက်အယှက်ပေးနေသည်ဟု ရေးသားပြောဆိုမှုများရှိကြောင်းဆိုသည်။

မြန်မာနိုင်ငံတွင် စစ်တပ်က အာဏာသိမ်းပြီးနောက် အိန္ဒိယနိုင်ငံ မီဇိုရမ်ပြည်နယ်အတွင်းသို့ မြန်မာနိုင်ငံသား ၄၀,၀၀၀ ကျော် ဝင်ရောက်ခိုလှုံလျက်ရှိကြောင်း ဒေသတွင်း သတင်းအရင်းအမြစ်များအရ သိရသည်။

ချင်းအမျိုးသားတပ်ဦး (CNF)က အိမ်နီးချင်းနိုင်ငံများနှင့် ပတ်သက်သော သဘောထားပေါ်လစီကို ဇူလိုင်လ ၁၆ရက်နေ့က ထုတ်ပြန်ရာတွင် ချင်းပြည်သူများကို မိမိတို့ရောက်ရှိနေကြသည့်နိုင်ငံတွင် မူးယစ်ဆေးဝါးနှင့် တရားမဝင် လုပ်ငန်းများတွင် ပါဝင်ချင်းမပြုကြရန် သတိပေးထားသည်။

တရားဥပဒေစိုးမိုးရေးကို ထိခိုက်စေသော လုပ်ငန်းများတွင် ပါဝင်ပတ်သက်မှုမပြုကြရန်နှင့် အထူးသဖြင့် မူးယစ်ဆေးဝါး ရောင်းဝယ်ဖောက်ကားမှုလုပ်ငန်းများတွင် ပါဝင်ပတ်သက်ဆက်နွယ်သူများအားလုံးကို သည်းခံမည်မဟုတ်ဘဲ လိုအပ်သလို အရေးယူသွားမည်ဖြစ်ကြောင်း ထုတ်ပြန်ချက်တွင်ဖော်ပြထားသည်။

စာတည်း - သန့်ဇော်(သန်လျင်)
ပုံအညွှန်း - ဖမ်းဆီးရမိသည့် မူးယစ်ဆေးဝါးနှင့် ကျည်ဆံများကိုတွေ့ရစဥ်
ဓါတ်ပုံ - မီဇိုရမ် ရဲတပ်ဖွဲ့

#mizzima
#CNF
#မီဇိုရမ်ပြည်နယ်
#မြန်မာနိုင်ငံသား
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12🔥1
မြန်မာစစ်တပ်ရဲ့လူ့အခွင့်အရေးချိုးဖောက်မှုအခြေအနေကြားနာပွဲ အမေရိကန်အောက် လွှတ်တော်ကော်မတီမှာ ပြုလုပ်
=====================

မြန်မာနိုင်ငံမှာ စစ်တပ်က အာဏာသိမ်းပြီးနောက်ပိုင်း လူ့အခွင့်အရေးချိုးဖောက်မှုအခြေအနေတွေနဲ့ ပတ်သက်ပြီး အမေရိကန် အောက် လွှတ်တော်ကော်မတီကြားနာပွဲတရပ် စက်တင်ဘာလ ၁၃ ရက်နေ့က ပြုလုပ်ခဲ့ပါတယ်။

ကြားနာစစ်ဆေးမှုထဲက ပထမဆွေးနွေးခန်းမှာ အမေရိကန်နိုင်ငံခြားရေးဌာန၊ အရှေ့အာရှနဲ့ပစိဖိတ်ရေးရာ လက်ထောက်နိုင်ငံခြားရေးဝန်ကြီး မလီဆာ ဘရောင်း (Melissa A. Brown)၊ အမေရိကန်အစိုးရ လူသားချင်းစာနာမှု အကူအညီပေးရေး USAID အဖွဲ့ အာရှရေးရာဗျူရိုအပါအဝင် အမေရိကန်အစိုးရတာဝန်ရှိသူတွေ၊ အမေရိကန်နိုင်ငံခြားရေးဌာန၊ နိုင်ငံတကာရာဇဝတ်မှုနဲ့တရားမျှတရေးဆိုင်ရာ သံအမတ်ကြီး နဲ့ ကိုယ်တွေ့ကြုံခဲ့သူ မျက်မြင်သက်သေအချို့ရဲ့ ထွက်ဆိုချက်တွေနဲ့ ကြားနာစစ်ဆေးမှုကို ပြုလုပ်ခဲ့တာပါ။

အမေရိကန်အောက်လွှတ်တော်ကော်မတီတရပ်ဖြစ်တဲ့ Tom Lantos လူ့အခွင့်အရေးကော်မရှင်ကလုပ်တဲ့ အဲဒီကြားနာမှုမှာ မြန်မာစစ်ကောင်စီအပေါ် အမေရိကန်အစိုးရရဲ့ လက်ရှိအရေးယူကိုင်တွယ်မှုတွေကို လွှတ်တော်အမတ်တွေကို ရှင်းပြခဲ့ကြပါတယ်။
မြန်မာစစ်ကောင်စီကို နိုင်ငံရေးနဲ့ စီးပွားရေးအရ အရေးယူဒဏ်ခတ်ဖိအားပေးမှုတွေလုပ်နေသလို တဖက်မှာလည်း အာဆီယံနဲ့ကုလသမဂ္ဂတို့မှာ မိတ်ဖက်နိုင်ငံတွေနဲ့ ပူးတွဲပြီး မြန်မာစစ်ကောင်စီကို အကြပ်ကိုင်ဖိအားပေးမှုတွေ လုပ်ဆောင်နေတယ်လို့ အမေရိကန်နိုင်ငံခြားရေးဌာန အရှေ့အာရှနဲ့ပစိဖိတ်ရေးရာ ဒုတိယလက်ထောက်နိုင်ငံခြားရေးဝန်ကြီး Melissa A.Brown က ရှင်းပြခဲ့ပါတယ်။

အမေရိကန်အစိုးရအနေနဲ့ စစ်ကောင်စီကို စီးပွားရေးနဲ့ နိုင်ငံရေးဖိအားတွေပေးဖို့နဲ့ ဘက်ပေါင်းစုံ အလွှာပေါင်းစုံပါဝင်တဲ့ သံတမန်ရေးနည်းလမ်းနဲ့ ဆောင်ရွက်သွားဖို့၊ ကုလသမဂ္ဂ အထွေထွေညီလာခံမှာ အပြောင်းအလဲဖြစ်အောင် ဆောင်ရွက်နိုင်မယ့် အလားအလာ အခြေအနေတွေအကြောင်း ဆွေးနွေးတင်ပြခဲ့ကြပါတယ်။
မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးအထူးကိုယ်စားလှယ် မစ္စတာတွမ်အင်ဒရူး (Tom Andrews) ကလည်း အမေရိကန်ပြည်ထောင်စုအနေနဲ့ ဥရောပသမဂ္ဂနဲ့ပူးပေါင်းပြီး မြန်မာစစ်တပ်ရဲ့ ဝင်ငွေအရင်းအမြစ်ဖြစ်တဲ့ မြန်မာ့ရေနံနဲ့ သဘာဝဓာတ်ငွေ့လုပ်ငန်းကို ပိတ်ဆို့အရေးယူဖို့နဲ့ မြန်မာစစ်တပ်အတွက် လက်နက်နဲ့လေယာဉ်ဆီတွေ မရရှိအောင် ဒေသတွင်းနိုင်ငံတွေနဲ့ ပူးပေါင်းဆောင်ရွက်ဖို့ တိုက်တွန်းတောင်းဆိုသွားပါတယ်။

အတိုက်အခံအင်အားစုတွေအတွက် လက်နက်မဟုတ်တဲ့ အကူအညီတွေနဲ့ မြန်မာပြည်သူတွေအတွက် လူသားချင်းစာနာမှုအကူအညီတွေ တိုးမြှင့်ပေးအပ်ဖို့ စတဲ့အချက်တွေကို တိုက်တွန်းထားပါတယ်။
တချိန်တည်းမှာ ရိုဟင်ဂျာတွေအပေါ်ကျူးလွန်တဲ့ရာဇဝတ်မှုတွေနဲ့ အာဏာသိမ်းပြီးနောက်ပိုင်း စစ်ကောင်စီရဲ့ စစ်ရာဇတ်မှုတွေနဲ့ပတ်သက်လို့ နိုင်ငံတကာတရားစီရင်ရေးဖြစ်လာဖို့ ကြိုးစားနေတာတွေကိုလည်း အမေရိကန်နိုင်ငံခြားရေးဌာန တရားမျှတမှုရှာဖွေရေးဆိုင်ရာ သံအမတ်ကြီးက ရှင်းလင်းပြောဆိုပါတယ်။

မြန်မာစစ်ကောင်စီကို စီးပွားရေးနဲ့နိုင်ငံရေးအရ ပိုပြီး ဖိအားပေးအကြပ်ကိုင်ဖို့နဲ့ မြန်မာ့အရေးနဲ့ပတ်သက်လို့ လွှတ်တော်ကအတည်ပြုထားတဲ့ Burma Act ပါ ရည်ညွှန်းဖော်ပြချက်တွေကို အမြန်ဆုံးအကောင်အထည်ဖော်ဖို့ ကြားနာမှုကိုတက်ရောက်ခဲ့သူတွေက တင်ပြခဲ့ကြပါတယ်။

https://youtu.be/jhvMiZMElDA?si=6mc6HSmnI4ZgX2gi

#Political News
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U
👍16😁1
This media is not supported in your browser
VIEW IN TELEGRAM
မြန်မာစစ်တပ်ရဲ့ လူ့အခွင့်အရေးချိုးဖောက်မှုအခြေအနေ ကြားနာပွဲ အမေရိကန် အောက် လွှတ်တော်ကော်မတီမှာ ပြုလုပ်

#မြန်မာစစ်တပ် #လူ့အခွင့်အရေးချိုးဖောက်မှု #VideoNews #shorts #reels
👍12🤮1
ရေးတွင် စစ်ကောင်စီတပ်စခန်း ၂ ခုတိုက်ခိုက်ခံရ၊ ဒုဗိုလ် နှင့် စစ်ကောင်စီတပ်သား၏ ဇနီး အပါအဝင် ၄ ဦး သေဆုံး
👍10🔥1