❗️“Qarshi – Pomuq” va “G‘uzor – Beynau” yo‘llaridagi temir yo‘l kesishmalarida ikkita zamonaviy yo‘l o‘tkazgich quriladi

Qashqadaryoda yo‘l infratuzilmasini yaxshilash bo‘yicha ham yirik loyihalar amalga oshiriladi. Osiyo taraqqiyot banki bilan A-380 avtomobil yo‘lining viloyatdan o‘tuvchi 100 kilometr qismini rekonstruksiya qilish boshlanadi. Loyiha qiymati 350 million dollar.

Qarshi shahrining aylanma yo‘li 5,5 kilometrga uzaytirilib, mazkur magistralga ulanadi. Masʼullarga texnik-iqtisodiy asoslarni shu yil yakunlab, yanvardan qurilishga kirishish topshirildi.

“Qarshi – Pomuq” va “G‘uzor – Beynau” yo‘llaridagi temir yo‘l kesishmalarida poyezd o‘tayotgan vaqtda katta tirbandlik yuzaga kelmoqda. Bu joylarda qiymati 250 milliard so‘m bo‘lgan ikkita zamonaviy yo‘l o‘tkazgich quriladi.

@nasafnewsuz rasmiy sahifasi

Qamashi tumanidagi Chim mahallasi zamonaviy mahalla qanday bo‘lishi kerakligini ko‘rsatib berdi. Bu yerda 640 o‘rinli maktab, 240 o‘rinli bog‘cha qurildi, oilaviy poliklinika jihozlandi. Yangi mahalla binosi, yoshlar markazi, sport majmuasi va istirohat bog‘i barpo etildi.

Eng muhimi, mahallada kambag‘al oila ham, ishsiz aholi ham qolmagani taʼkidlandi. Prezidentimiz kelgusi yil Mustaqillik bayramigacha ushbu tajriba asosida har bir tumanda ikkitadan zamonaviy mahalla markazini tashkil etish vazifasini qo‘ydi.

Mirishkor tumanida ham Chim tajribasi qo‘llanadi. Bu yerda 20 gektarda limonchilik issiqxonalari, yana 30 gektarda intensiv baliqchilik xo‘jaligi va 50 gektarda bodom bog‘i tashkil etiladi.

Bahorda ijaraga berilgan yerlarning 8 ming gektarida intensiv bog‘lar, 3 ming gektarida issiqxonalar barpo etiladi. Qolgan 11 ming gektarda kooperatsiya asosida yuqori daromadli ekinlar yetishtiriladi. Mutasaddilarga har bir tumanda bu ishlarni boshlash topshirildi.

@nasafnewsuz rasmiy sahifasi

Prezident kreditlashdagi ortiqcha talablarni bekor qilish vazifasini qo‘ydi

Hozir kredit olish uchun 102 turdagi hujjat so‘ralmoqda. Shularning 53 tasi axborot tizimlarida mavjud, yana 22 tasining kreditga aloqasi yo‘q. Bu o‘zgarishlar mahallalardagi tashabbuslarni moliyalashtirish va yangi ish o‘rinlari yaratishni tezlashtirishi kerakligi qayd etildi.

@nasafnewsuz rasmiy sahifasi

Qashqadaryoga yiliga 6 million turist jalb qilish uchun barcha imkoniyat bor. Yil boshidan viloyatga 2,5 million sayyoh kelgan, birgina G‘elon qishlog‘iga tashrif buyurganlar soni 500 mingga yetgan.

Tatariston bilan hamkorlikda G‘elondagi tog‘-chang‘i kurortining birinchi bosqichini kelasi yil ishga tushirish rejalashtirilgan. Tabiati bilan G‘elonga o‘xshash Chiroqchidagi Tarag‘ay, Kitobdagi Bashir va Yakkabog‘dagi Tatar qishloqlarini ham etnoturizm markazlariga aylantirish imkoniyatlari ko‘rsatib o‘tildi. Shahrisabz tumanidagi Sayyod va Suvtushar qishloqlarida tog‘ daryolari negizida rafting va sport turizmini rivojlantirish mumkin.

Mutasaddilarga ushbu olti qishloq bo‘yicha bir oyda master-reja tayyorlab, 1-martdan 50 million dollarlik loyihalarni boshlash topshirildi.

Shuningdek, har bahor G‘uzorda “Lola va kabob”, Ko‘kdalada “Chiyal yaxna” gastronomik festivallarini o‘tkazish yo‘lga qo‘yiladi.

@nasafnewsuz rasmiy sahifasi

Prezidentimiz Qarshi shahridagi Ilg‘or kasbiy mahorat texnikumi tajribasiga to‘xtaldi. Uning 32 nafar ustasi yaqinda Germaniyada malaka oshirib qaytdi va hozir viloyatdagi 57 ta texnikum ustalariga o‘z bilimlarini yetkazmoqda.

Har yili 10-11-sinflarning 2,5 ming nafar o‘quvchisi mazkur texnikumda hunar o‘rganib, attestat bilan birga kasbiy sertifikat ham oladi. Germaniyalik o‘qituvchilar esa yiliga 1,5 ming yoshga nemis tili va kasb o‘rgatmoqda.

Davlatimiz rahbari loyihaning birinchi bitiruvchilari bilan suhbatlashganini aytdi. Ularga Yevropada oyiga 3-5 ming yevro maosh to‘lanadigan ish o‘rinlari taklif qilinmoqda.

Endi tumanlardagi maktab o‘quvchilarini Ilg‘or kasbiy mahorat texnikumi va yangicha metodika asosida ishlayotgan 57 ta texnikumga jalb qilishning aniq yo‘nalishlarini ishlab chiqishga topshiriq berildi.

@nasafnewsuz rasmiy sahifasi

⚡️500 ming aholiga mo‘ljallangan Yangi Qarshi shahri barpo etiladi

Qashqadaryo aholisi ko‘paygani sari zamonaviy uy-joylarga talab ham ortib bormoqda. Shu bois, Qarshi shahri, Ko‘kdala va Qarshi tumani chegarasida 5 ming gektar maydonda 500 ming aholiga mo‘ljallangan Yangi Qarshi shahri barpo etiladi. Qarshi tumanidagi kanal bo‘yida esa 235 gektarlik “Yangi Nasaf” ekomajmuasining qurilishi boshlanadi.

Nufuzli arxitektura kompaniyalari jalb etilib, ikki oyda ilg‘or shaharsozlik yechimlarini qamrab olgan bosh reja ishlab chiqiladi. Uni tayyorlash uchun dastlab 20 milliard so‘m ajratiladi. Yangi hududlarda ko‘p qavatli binolar, savdo va biznes markazlari, uy-joylar “yashil” va “aqlli” shahar tamoyillari asosida quriladi.

Viloyatda ko‘chat ekish va yashil hududlarni ko‘paytirish bo‘yicha ham “Qashqadaryo tajribasi” yaratiladi. Har yili Navro‘z arafasida “Eng yashil mahalla” tanlovi o‘tkazilib, g‘oliblar elektromobil hamda boshqa qimmatbaho sovg‘alar bilan taqdirlanadi.

@nasafnewsuz rasmiy sahifasi

“Bu Toshkent shahri emas, bu Samarqand emas, bu Andijon emas! Qashqadaryoni cho‘lida mana shunday katta marralar olish — bu mahorat!”

— O‘zbekiston Respublikasi Prezidenti Shavkat Mirziyoyev

@nasafnewsuz rasmiy sahifasi

O‘zbekistonda 2026-yilgi paxta yig‘im-terimi rejasi 103 foizga bajarildi

22-oktyabr holatiga ko‘ra, mamlakat dalalaridan 4,6 mln tonnadan ortiq paxta yig‘ib olindi. Hosilning 76 foizi zamonaviy terim mashinalari yordamida terilgan, ayrim viloyatlarda esa mexanizatsiyalashgan terim ulushi 90 foizdan oshgan.

@nasafnewsuz rasmiy sahifasi

Ketma-ket uchinchi yil O‘zbekistondagi eng tezkor mobil internet⚡️

Ketma-ket uchinchi yildirki, Ucell mustaqil Speedtest Intelligence® ma’lumotlar tahliliga ko‘ra O‘zbekistondagi eng tezkor mobil internet* maqomini qo‘ldan bermay kelmoqda.

Ookla® bu yil Ucellni ikkita toifada e’tirof etdi:
🏅 Best Mobile Network (“O‘zbekistondagi eng yaxshi mobil tarmoq”);
🏅 Fastest Mobile Network (“O‘zbekistondagi eng tezkor mobil internet”) — ketma-ket uchinchi yil.

O‘zining 30 yilligida Kompaniya o‘z ishi sifatining yana bir muhim tasdig‘ini qo‘lga kiritadi. Ookla kompaniyalarining xalqaro e’tirofi – bu tarmoqni muntazam takomillashtirish, abonentlar talablariga e’tibor berish va yanada yaxshi bo‘lishga intilish natijasidir.

*Ucell – O‘zbekistonda Ookla® kompaniyasining “Fastest Mobile Network” hamda “Best Mobile Network” mukofotlari sohibi. Ookla® Speedtest Awards, 1H 2026 Uzbekistan – 2026 Speedtest Awards ma’lumotlari bo‘yicha.
2026-yil birinchi yarmiga (Q1–Q2 2026) oid Speedtest Intelligence® ma’lumotlari bo‘yicha Ookla® kompaniyasi tahlili asosida.

Ucell, shuningdek, Speedtest Intelligence® ma’lumotlari bo‘yicha Ookla® kompaniyasi tahlili asosida Q1-Q2 2024, Q3-Q4 2024, Q1-Q2 2025 va Q3-Q4 2025 davrlari uchun Ookla® “Fastest Mobile Network” mukofotining, shuningdek Q3-Q4 2025 davri uchun Ookla® “Best Mobile Network” mukofotining ham sohibi hisoblanadi. Ookla® savdo belgilari litsenziya bo‘yicha qo‘llanmoqda va huquq egasining ruxsati bilan chop etilmoqda.

Batafsil

🍽 O‘zbekistonda umumiy ovqatlanish korxonalari savdosi 200 trln so‘mdan oshdi

Milliy statistika qo‘mitasi ma’lumotlariga ko‘ra, 2026-yilning 1 sentabr holatiga O‘zbekistonda umumiy ovqatlanish sohasida 30 390 ta tijorat korxonalari faoliyat yuritmoqda.

Shundan 148 tasi yirik korxona, 30 242 tasi kichik korxona va mikrofirmalardir.

2026-yilning yanvar–avgust oylarida umumiy ovqatlanish korxonalarining tovar aylanmasi 208,7 trln so‘mga yetdi.

Bu ko‘rsatkich 2025-yilning mos davriga nisbatan real hisobda 26,7 foizga oshgan.

@nasafnewsuz rasmiy sahifasi

🏆 #ДИҚҚАТ #ОЛИМПИАДА #ҚАРШИ

3–4–5–6-синф ўқувчилари учун Қаршида катта ЮТУҚЛИ ОЛИМПИАДА!

Фарзандингиз Президент мактаби даражасидаги саволларда ўз билимини синаб кўрсин ва пул мукофотларини қўлга киритсин!

«Stamford» ўқув маркази Қарши шаҳридаги 3–4–5–6-синф ўқувчилари ўртасида Президент мактабига тайёрлов олимпиадасини эълон қилади.

🥇 1-ўрин — 500 000 сўм

🥈 2-ўрин — 300 000 сўм

🥉 3-ўрин — 200 000 сўм

🎁 Барча қатнашчиларга — махсус Сертификат ва 100 000 сўмлик ўқув ваучери!

Олимпиадада фарзандингиз:

— Президент мактаби имтиҳони форматдаги саволларни ишлайди

— Тенгдошлари орасида ҳақиқий билимини кўради

— Катта имтиҳон залидаги ҳаяжонни енгишни ўрганади

— Ва қимматли пул мукофотлари учун курашади

📅 Сана: 25-октябрь (Якшанба)

📍 Манзил: Қарши шаҳри, «Stamford» ўқув маркази

❗️Жойлар чекланган! Фарзандингизни олимпиадага рўйхатдан ўтказиш учун пастдаги ҳаволага босинг👇

[ Рўйхатдан ўтиш ]
[ Рўйхатдан ўтиш ]
[ Рўйхатдан ўтиш ]

🏙️ Qarshida 107 ta ko‘p kvartirali uy kompleks qurilish asosida barpo etiladi

Qarshi shahridagi Xontepa mahallasida 107 ta ko‘p kvartirali turar joy va 3 050 ta xonadon qurilichi rejalashtirilgan.

Loyiha doirasida 400 o‘rinli maktab, 210 o‘rinli bog‘cha, 47,8 ming kvadrat metr savdo va xizmat ko‘rsatish obyektlari hamda 3 200 ta avtomobilga mo‘ljallangan avtoturargoh tashkil etiladi.

Shundan 1 500 ta o‘rin yer ostida joylashadi. Kompleks qurilish mexanizmi doirasida yer maydonlari zarur infratuzilma bilan birgalikda rejalashtirilib, qurilishga tayyor holda onlayn auksionga chiqariladi.

@nasafnewsuz rasmiy sahifasi

O‘zbekiston Respublikasi Prezidentining “Ichki ishlar organlari xodimlari kuni munosabati bilan bir guruh xodimlarni mukofotlash to‘g‘risida”gi Farmoniga ko‘ra:

«Jasorat» medali bilan:

- Ziyatov Boxodir Umarovich — Qashqadaryo viloyati Ichki ishlar boshqarmasi Patrul-post xizmati batalyoni bo‘linma komandiri.

«Shuhrat» medali bilan:

- Xudayqulov Suyar Suvanqulovich — Qashqadaryo viloyati Kitob tumani Ichki ishlar bo‘limi profilaktika inspektori mukofotlandi.

@nasafnewsuz rasmiy sahifasi

Qashqadaryo viloyati IIB Tezkor boshqaruv markazi uchun yangi bino foydalanishga topshirildi

O‘zbekiston Respublikasi Ichki ishlar vazirligi tashkil etilganining 35 yilligi munosabati bilan Qashqadaryo viloyati Ichki ishlar boshqarmasi Tezkor boshqaruv markazining yangi binosi foydalanishga topshirildi.

Binoning ochilish marosimida viloyat hokimi, viloyat prokurori, DXX boshqarmasi rahbariyati, huquqni muhofaza qiluvchi organlar vakillari, shuningdek, viloyat Ichki ishlar boshqarmasi rahbariyati hamda shaxsiy tarkibi ishtirok etdi.

Shuningdek, Ichki ishlar organlari xodimlari kuni munosabati bilan viloyatdagi barcha tuman ichki ishlar bo‘limlariga yangi xizmat avtomashinalarining kalitlari tantanali ravishda topshirildi.

@nasafnewsuz rasmiy sahifasi

G‘uzorda 10 ming boshli chorvachilik kompleksi qurilishi boshlandi

Prezidentimiz Qashqadaryo viloyatini ijtimoiy-iqtisodiy rivojlantirishga bag‘ishlangan yig‘ilishda G‘uzor, Muborak, Ko‘kdala, Koson, Mirishkor, Qamashi va Dehqonobod tumanlarida 10 ming boshdan yirik va 50 ming boshdan mayda shoxli chorva komplekslarini tashkil etish vazifasi berilgan edi.

Mazkur topshiriq ijrosini ta'minlash hamda mamlakatimizda chorvachilikni rivojlantirish, oziq-ovqat xavfsizligini ta’minlash va aholini go'sht mahsulotlariga bo'lgan talabini qondirish maqsadida G‘uzor tumani “Qorako‘l” mahallasi hududida “Oltin Zamin” MCHJ tomonidan 10 ming bosh qo‘yga mo‘ljallangan zamonaviy chorvachilik kompleksi qurilishi boshlandi.

Tuman hokimi Bekzod Suyunov loyiha bilan tanishib, chorvachilikni rivojlantirish, ichki bozorlarni aholi uchun hamyonbop narxlardagi go‘sht mahsulotlari bilan ta’minlash, chorva mahsuldorligini oshirish hamda aholi bandligini ta’minlash muhimligini ta’kidladi.

Loyiha doirasida dastlab Qozog‘iston Respublikasidan 3 ming bosh qo‘y olib kelindi. Kompleks to‘liq ishga tushirilgach, 80 ta yangi ish o‘rni yaratiladi.

@nasafnewsuz rasmiy sahifasi

⚡️Xorijda tajriba orttirgan shifokorlar O‘zbekistonga qaytsa, 50 mln so‘mgacha ustama to‘lanadi

Xorijiy klinikalarda ishlagan vatandosh shifokorlar O‘zbekistondagi shifoxonalarga jalb qilinadi. Ularga quyidagi imtiyozlar beriladi:

➖ Oylik ish haqiga 50 million so‘mgacha ustama to‘lanadi.

➖ Ish joylari zamonaviy uskunalar bilan jihozlanadi.

➖ Shifokor o‘z atrofida kuchli jamoa tuzadi: hamkasb shifokorlar, assistentlar va hamshirlarni o‘zi tanlashi mumkin.

➖ Nufuzli konferensiyalarda ishtirok etish va xorijlik hamkasblar bilan tajriba almashish xarajatlari qoplanadi.

Bu ish 26 ta ixtisoslashtirilgan markazdan boshlanadi. Har bir markaz direktori kelgusi yili 5–10 nafar vatandosh shifokorni jalb etishi kerak.

@nasafnewsuz rasmiy sahifasi