​​Kitob haqida jimjimador soʻzlar yozmoqchi emasman. Shunchaki oʻqimoqchi boʻlgan asarlaringiz roʻyhatiga qoʻshib qoʻyishingizni istagan boʻlardim.

.. qadarimizda ne boʻlsa, bari xayrlidir, goʻzaldir!)

@nigohlarda

"Qachon biror muammoga duch kelsa, darrov kitoblarga yopishadi, u boshi berk deb oʻylagan koʻchalarda mana shu kitoblar unga yoʻl koʻrsatadi."
#kitobdan

Oʻzingni topgan jumlalar bir umr senga qadrli boʻlib qoladi shunaqa.

@nigohlarda

Dunyoda jannat bormi?

Ikki olam sarvari sollallohu alayhi vasallam sinovli va azob-uqubatlarga toʻla boʻlgan dunyo hayoti haqida shunday deganlar: "Dunyo moʻmin uchun zindondir".

Iymon keltirgan va eʼtiqodi mustahkam moʻmin hayoti davomida turli xil sinov va qiyinchiliklarga qaramasdan jannatga yetishish yoʻllarini qidiradi, ana shu yoʻldan yurishga bor kuchi bilan harakat qiladi.
Ammo, soʻzimiz va hayotimizning yagona yoʻlboshchisi boʻlgan Rasulimiz yana bir boshqa hadislarida moʻminning zindoni boʻlgan bu dunyoning baʼzi yer va makonlarida jannat hidini sezish mumkinligi haqida xushxabar berganlar.

Paygʻambarimizning muborak soʻzlari shuni anglatadiki: "Kaʼbatulloh, Hajar-ul Asvad, Arofat, Muzdalifa, Ravzai Mutohhara va Uhud jannat iforini his qilish mumkin boʻlgan joylardir. Va yana soliha ayol, solih farzandlar, solih va sodiq doʻstlar ayni jannat xushxabarlaridir."

"Oila axloqi" kitobidan.

#erkintarjima @nigohlarda

Hech bir kitobni oʻqiyolmay qolgandim oxirgi paytlar. Shu kitob orqali tushunarsiz holatdan chiqib oldim.

Kitob nomidan maʼlum, ichida nima yoritilganligi. Xitoy iskanjasi, kommunizm iskanjasi, dinsizlik iskanjasi... Adiba uslubi maʼqul keladi menga har gal asarlarini oʻqiganimda.

Yaxshi kitobakan, #советую)

Tagiga chizib oʻqigan jumlalarimdan birini yozib qoldiraman:
"Narigi dunyoda foyda bermaydigan bir kalima bor: "Koshki...!"

@nigohlarda

​​Sezyapsiz, sezyapman kanal oldingidek ruhda emas. Buni sabablari bor tabiiyki)

Toʻlib-toshib yozadigan, kitoblar tavsiya qiladigan, yangi olgan suratlarimni sizlar bilan tezroq boʻlishish kayfiyatida yuradigan kunlarimni oʻzim ham qoʻmsab, xoʻrsinib qoʻyaman bir-bir. Va albatta hamma ishda hikmat bor deb oʻzimni ovutaman ham)

Nigohlarda auditoriyasi mening oilamdek boʻlib qolgan-da (siz mubolagʻaga yoʻysangiz ham shunday).

🧡 Oʻz qobigʻiga oʻralib qolish mavsumini yopiq deb eʼlon qilgan holda, sizlarning fikrlaringizni oʻqishni istayapman ayni dam.

Xoʻsh nega hali hamon men bilansiz?
Qachondan buyon kuzatasiz sahifani?
Va qanday maqsad bogʻlab turadi sizni biz bilan?

Eng hayajonli savol:
Alloh nasib qilgan, oldinda kutib turayotgan kunlarda nimalarni kutyapsiz sahifada?

Befarq qoldirmang, sizning fikringiz, har bir izoh kaminada ijobiy natijalar, yangi kitob tavsiyalari, book reviewlar, yoqimli kuz tasvirlari tushirilgan suratlar uchun turtki boʻlishi mumkin :) Biiznillah!

@nigohlarda

Har yili mamlakatda minglab talabalar oʻqish pulini toʻlay olmagani uchun institutlardan haydaladi.

Har yili yana oʻng minglab talabalar faqatgina otasining pullari boʻlgani uchungina oʻqishga kiradi va diplom oladi.

Har yili yuz minglab otalar bolasini oʻqitish uchun qullikka rozi boʻladi.

Har yili yana shuncha otalar bolasi uchun pora oladi, davlat sirlaridan koʻra hozir azizroq boʻlgan boyligini talon-taroj qiladi.

Har yili minglab oʻqituvchilar bir tiyinga qimmat ilmiy ishlarini yoqlaydi va shu ilmni talabalarga pullaydi.

Har yili qanchadan-qancha qizlar faqat oʻqish puli uchun oʻzini sotadi.

Har yili minglab onalar bolasini oʻqitish uchun oʻz jigarini davolatishdan voz kechadi.

Har yili necha yosh oʻqishga pul topish uchun Vatandan chiqib ketadi.

Har yili... har yili shu ahvol yangi boʻladi. Yasharadi, tozalanadi va takrorlanadi.

"Qoʻrqma" 📖

@nigohlarda

​​Sen meni shunchaki yaratganing yoʻq,
Shunchaki yashashni men odat qildim.
Shundanmi hushusiz, huzusiz, quruq,
Shunchaki joʻngina ibodat qildim.

Saodat asbobi Kalomingda jam,
Yoʻlga rahnamo-yu, koʻngilga malham,
Qurʼon oʻqisam-da, har on oʻqisam,
Boʻgʻzimdan oʻtkazmay tilovat qildim.

Rasuling soʻziga qulogʻim tutdim,
Lekin qalb qulogʻin qattiq bekitdim,
Asli kimligimni ancha unutdim,
Shayton daʼvatini ijobat qildim.

Dardlarga darmonim istigʻfor, ammo
Quruq oh-vohlarni boʻlar deb davo,
Xasdek hasratimni etib muammo,
Uchragan har kasga shikoyat qildim.

Riyo libosini kiyib tanimga,
Maqtovlar yogʻdirib oʻzim shaʼnimga,
Zarra amal qilmay oʻrganganimga,
Sayrab oʻzgalarni hidoyat qildim...

Shuncha xato bilan qarab kechamga,
Gunohlar yukidan botgancha gʻamga,
Koʻzlarim chirt yumiq boqib olamga,
Oʻzimni anchayin xijolat qildim!

Sen meni shunchaki yaratganing yoʻq,
Shunchaki yashashni men odat qildim...

Oʻtkirbek Muhammadsobir

@nigohlarda

‏كل الكلمات معرضه لسوء الفهم
حتى الصمت .. قد يساء فهمه احياناً ."

Barcha so'zlar tushunmovchilikka uchraydi.
Hatto sukut.. ba'zida noto'g'ri tushunilishi mumkin.

Mustafo Mahmud

@nigohlarda

Agar Oʻtkirbek domla yana bizga darsga kirganlarida shu sheʼrlarini oʻqib berishlarini iltimos qilgan boʻlardim)

Men boshqa yoʻlini topdim: dard bilan oʻynashdim.
"Yurak kattalashib bordi".

"Qoʻrqma" 📖

Maʼruza vaqtida badiiy kitob oʻqish zoʻrda) @nigohlarda

قَالَ الامام ابنُ القَيَّم - رَحِمَهُ اللّٰه :

" ولا يسـيء الظـن بنفسه إلا مـن عرفها ومن أحسن ظنه بنفسه فهو من أجهل الناس بنفسه" .

Ibn Qoyyim rohimahulloh dedilar:

"Oʻzini tanigan odamgina oʻziga nisbatan salbiy fikrda boʻladi. Kim oʻziga nisbatan ijobiy fikrda boʻlsa, demak u oʻzini hali tanimabdi".

@nigohlarda

​​Lola hozir Berlinning talabasi, koʻz jarrohi boʻladi.
U menga shirin kulgancha: "Oʻzbeklarni yigʻlamaydigan qilaman", - degan. Men bu niyatiga doim qarshi turganman. Bir men yigʻlay olmasligim yetmaydimi, axir?
#asardan

Asar ijtimoiy tarmoqlarda juda keng reklama qilingani uchun deyarli oʻqib koʻrishga qiziqish boʻlmagan menda.
Hattoki, universitetimizda kitob taqdimoti oʻtkazilganda ham qiziqmagandim. Tasodifiy istak sabab kitob qoʻlimga tushdi va oʻzbek adabiyotidan oʻzim uchun yana bir yorqin asarni kashf qildim.

Asar uslubi, badiiyati, unda koʻtarilgan mavzu yangilik boʻldi kaminaga. Hozirgi kundagi oliy taʼlim talabalari haqiqatan, kitobda berilgan taʼrifga juda mos tushadi(miz). Osmondan olib yozmagan-da axir. Oʻzi ham asardagidek "maqsadsiz", "nursiz", "koʻp uyquli", "qorin gʻamigina bilan yashalgan" talabalik kunlarini boshidan kechirgan, ayni shunday muhitdan boʻgʻilgan. Va asar yaralishiga shu muhit qisman turtki boʻlgan nazarimda.

Kitob men tavsiya qiluvchi asarlar qatoridan joy oldi. Ming marta eshitgandan bir marta oʻqib koʻring menga oʻxshab.

"Otasi, bolasi, xotini uchun emas, sevgi, boylik, mansab yo prezidentlik uchun emas, shu millat uchun oʻqishni istash - naqadar goʻzal, naqadar goʻzal, naqadar goʻzal!"

@nigohlarda