#شێعرمناڵانە


#وەیڵکان


وەیڵکانەگەم ڕەنگینە

شیوەی ناز و شرینە

زوڵفێ هۊل و تاڵ تاڵە

ڕەنگ چەوەیلێ کاڵە

بژانگێ شووڕو سییە

لە ڕەنگینی لێ نییە

دەمێ بۊچگ لۊتێ کوڵ

ناوێ نامە خانم گوڵ

ئڕای سێنم شەۊ شواڵ

م داڵگم ئەۊ مناڵ

لاوە لاوەی کەم شەوان

خەفنمەی لە داوان


✍ #ئەسرین ( #زینب_شفیعی). ایوان

﷽ ❣| @salambarzarne

واران


بژەن واران بشوور خەم لەی وڵاتە
گوڵەیل وشک و زەمین بێ دەسڵاتە

بژەن ک بێ دەماخن دار و ئایەم
نیەتیەیدن بوو خوەش کەڵتۊن واێەم

وڵات دا وە دەم پا گەردەگیژان
چەمی کەڵوەن لە داخ وەڵنگەڕێژان

دەم دونیا لە چنگ گرت تەپڵەتووزان
بژەن واران وە هەردەی داخ و سووزان

بژەن واران بوار بغزد بخەو دەیشت
زەڵان یەی گوڵ لە سارا و سەرزەمین نەیشت

#ئەسرین_شەفیعی

| کەڵتۊن ؛ گیس
وەڵنگە ڕێژان ؛ برگریزان |

ꦿEyvan |🔻#سلام_بر_زرنه
@salam_bar_zarneh