‍ #یارباڵابەرز 💞

ڵە خڵ کیید ئاسارە نیشان
زڵفد کردیدە چیو شەۆ پەریشان

هناێ ت خەنی کیەنی ئاو گرێ
وەهەر هناسد سەردوا مرێ

ڵیوەێ پڕ خەنە ت چمانێ قەنە
فرووشیدە چەن قەیمەتێ چەنە؟

لە شوون پاێلد نەقش سەد گڵە
زەێۊ بیووە باخی پڕێ بوڵبوڵە

ڵە کام ایلێ ت ؟ کەڵهوڕی چمان
شیوەێ رەنگیند ماڵەگەم ڕمان

باڵا بەرزەگەم ساتی بەو را لام
تابۆوگن دڵم، شاد وشیرین کام

✍ #خەدیجە_مرادی
➰🌸➰🌿➰🌸➰🌿➰

مشاعرە مکاتبە ای
جواب از سوی پیشکسوت شعرکەڵهور
#ماموستانورالدین ئازادی
➰🌸➰🌿➰🌸➰💞➰👇👇

✍ لە هوز خۆەرو ، کەڵهۆر نیشانم
گیس شو یەڵدا، ها بان شانم

تِیەنی لە خەنەم،دو سەر ئاو گِڕێ
کۆرِ سێاێ رام ، گورانی چِڕێ

خەنەێ لێوانم ، لە قیمەت بانە
طلاێ بێ عەێوە ، بهاێ نەنانە

شێوەێ شاپرور ، وە ارث بردمە
وە نێش بژانگ ، فرهاێ کوشتمە

بیستۊن کەنیاس ، ئەرا خڵاتم
شۊڵەێ مانگ نو، کریاس وە شاتم

تەنیاس لە قەێم ، ئەو رسوماتە
ئەو رسومات ، پاێ مانگ ئەڵاتە

کەڵهۆڕ ماوامەو، مانشت نیشانم
خۊن سیاوەش ، هێما ها گیانم

ئیمە لە یەێ ئێڵ ، لە یەێ تباریم
لە جان بنجان ، ریشەێ یەێ داریم

لە شاخ پەڵ پەلیم ، لە ساقە یەکیم
لە شیر دایان ، زلاڵ و پیەکیم

ئەگەر دولەمەن ، ئەگەر هم گێایم
کۆردیم وارث، ئەهورا مەزدایم

✍ #نورالدین_ئازادی

➰🌸➰🌿➰💞
💚→ @salambarzarne
❤️→ @salambarzarne