ئەنجومەنی پارێزەرانی ژینگەی سەلاسی باوەجانی هاوکات لە گەڵ هەموو ڕێکخراوە ژینگەپارێزیەکان و گرووهە شاخەوانیەکان و دانیشتوانی زاگرۆس ، حەوتەمین ساڵی زاگرۆسانە بەڕێوە ئەبات .چاوەڕوانی بەشداری بەرفراوانی هەموو چین و توێژەکانی کۆمەڵگا ئەکەین.


telegram : @salas_cep

Inestagram : https://instagram.com/salas_cep16

زاگرۆسانە هێمای یەک بوون و وشیاری نەتەویی

حەوتەمین ساڵی هەڵمەتی نیشتمانی زاگرۆسانە ، لە لایەن ئەنجومەنی پارێزەرانی ژینگەی سەلاسی باوەجانی لە ڕێکەوتی ۲۷ی سەرماوەزی ۲۷۲۵ی کوردی لە جادەی ئاوایی گوڕیشە ناسراو بە جادەی سەڵامەت بەڕێوە چوو
لە مەراسیمەکە مامۆستایانی ئاینی و لاوانی کتێوخانە هیرا و خەڵکی ژینگە پارێزی سەلاسی باوەجانی بەشدار بوون .

جێی ئاماژەیە لە لێواری ئەو جادە نەمامی بەڕووی چەن ساڵەی هەیە و هەر لەو لێوارە دنکە بەڕوو چێنراوە .
ئەنجومەنی پارێزەرانی ژینگە دوای هەماهەنگی لە گەڵ ئیداراتی منابع طبیعی و راە و شهرسازی ، ئەو شوێنەی هەڵبژارد و داوا لە هەموو خەڵکی ناوچەکە ئەکات کە پارێزەری ئەو نەمامە چەند ساڵانە بن .

ئەنجومەنی پارێزەرانی ژینگەی سەلاسی باوەجانی داوا لە ئیداراتی پەیوەندیدار ئەکات ئەرکی یاسایی و ئینسانی و نەتەویی و ئایینی خۆیان توندوتۆڵ بگرنە بەر و تێکدەرانی ژینگە بە توندی سزا بدەن و ڕچاوی بیر و ڕای جەماوەری ژینگە پارێزی ئەم نیشتمانە بکەن .
۲۷۲۵/۹/۲۷💚

inestagram : salas_cep16
Telegram : @salas_cep
#زاگرۆسانە
#ثلاث_باباجانی

بە جێماو لە حەوتەمین هەڵمەتی زاگرۆسانەی شارەکەمان ، لەگەل رێز و حۆرمەت بۆ هەموو بە رێوبەرانی ئەو کارە پیرۆزە🙏💛


Inestagram : salas_cep16
Telegram : @salas_cep

بۆ زاگـرۆس⛰️💚

#ثلاث_باباجانی

پارستنی ژینگە ، پاراستنی ژیانە💚..

@salas_cep
#ئەنجوومەنی_پارێزەرانی_ژینگەی_سەلاسی_باوەجانی

‍ بەیاننامەی ئەنجوومەنی پارێزەرانی ژینگەی سەلاسی باوەجانی  سەبارەت بە پاراستنی لەوەڕگە و دارستانەکان لە ئاگر

بە ناوی بەرزە ناو         خولقێنەری هەست و ژین

وڵات کە قڕان و وێران بێت، هیچ سودێک بە نەوەکانی ئێستا و داهاتوو ناگەیەنێت.

خەڵکی تێگەیشتوو و دڵسۆزی ژینگە و ژینگەپارێزان و وڵات دۆستانی سەلاسی باوەجانی:

ئێمە ئێستا لە یەکێک لە قۆناغە هەرە هەستیارەکانی مێژووی ژینگەداین. گۆڕانی کەشوهەوا، بەرز بوونەوەی پلەی گەرما ، وشکەساڵی درێژخایەن و ناڕێکی کەشوهەوا ، هەلومەرجێکی دروستکردووە کە بچووکترین برووسکەی ئاگر بگۆڕێت بۆ کارەساتێکی بەرفراوان.
بەهۆی زۆری بارانبارینی ئەمساڵەوە زیاتر لە ساڵان گژ و گیا و ڕووەکمان بینیوە. لەوەڕگە و قەرەوێڵەی دارستانەکان لە وەرزی هاویندا وشک ئەبن و بوونی کەسانی نابەرپرس، لەگەڵ نەبوونی کولتوورێکی دروستی گەڕان و سەیران لە سروشتدا، مەترسییەکانی ئاگرکەوتنەوەیان زیاتر کردووە.
لە ناوچەکانی ئێمەدا ئاگری سروشتی بوونی نیە و هەموو ئاگرەکان لە ئەنجامی دەستێوەردانی ئینسانە. بەشێک لەم کێشەیە ئەگەڕێتەوە بۆ کولتوری نادروستی داگیرساندنی ئاگر؛ خوویەک کە ڕەگ و ڕیشەی مێژوویی هەیە و تا ئێستاش بە شێوەیەکی بەرفراوان لە کۆمەڵگای ئێمەدا ئەبینرێت. هەروەها نەبوونی پەروەردە و نەبوونی چاودێری و نەبوونی یاسای ڕێگریکردن و بەرپرچدانەوە بازنەی ئەم کارەساتەی گەورتر و ئەم قەیرانەی قوڵتر کردووە.

کێشەی کۆنترۆڵکردنی ئاگری شاخەکان تایبەت بە ئێمە نییە، تەنانەت وڵاتانی دەوڵەمەند و پێشکەوتووی جیهان لە کۆنترۆڵکردنی ئاگری دارستانەکانیشدا ڕووبەڕووی ئاستەنگی ئەبنەوە. کۆنتڕۆڵکردنی ئاگر لە دارستانەکان زۆر ئاڵۆزە و هەندێکجاریش مەحاڵە. وڵاتانی وەک ئەمریکا، کەنەدا، ئوسترالیا و تەنانەت هەندێک وڵاتی ئەوروپی سەرەڕای ئەوەی کە کەرەستەی پێشکەوتوویان هەیە، هەندێکجار چەند هەفتەیەک لە بەرەنگاربوونەوەی ئاگرەکاندا بەسەر ئەبەن. کۆنتڕۆڵکردنی ئاگر لە ناوچە دارستانییە دەست پێنەگیشتووەکان ناتوانرێت بەراورد بکرێت بە کوژاندنەوەی ئاگری بینایەک. ڕادەی ئاگرەکە و دەستڕاگەیشتن بە سەختی ئەرکەکە ئاڵۆزتر دەکات.

ئێمە جەختی ئەکەین لەسەر چارەسەری سەرەکی بۆ ڕێگریکردن لە ئاگرکەوتنەوە. بە بڕوای ئێمە بە پەروەردە و یاسا و جەریمەی قورس ئەتوانرێت ئاگرکەوتنەوە بەڕێکەوتەکان کەم بکرێتەوە و ئاگری بە ئەنقەستیش ئەبێت بە وەڵامێکی ئەمنی و دادوەری یەکلاکەرەوە بنبڕ بکرێت.
بۆیە داوا لە هاونیشتمانیانی ئازیزمان ئەکەین کە لە هەموو کاتێک زیاتر بەرپرسیار بن لە پاراستنی ژینگە و سروشت ، کاتێک میوانی سروشت ئەبن. ئێمە لە ساڵانی پێشوودا ئەزموونی سەختمان هەبووە، هیوادارین ئەمساڵ ئەزموونێکی وا تاڵ دووبارە نەبێتەوە.


ئەنجوومەنی پارێزەرانی ژینگەی سەلاسی باوەجانی

پووشپەڕی 2726 کوردی
تێلیگرام👇
@salas_cep
ئینستاگرام👇
@salas_cep16

‍ بیانیه انجمن حامیان ژینگه ثلاث باباجانی در زمینه حفظ مراتع و جنگلها از آتشسوزی

بنام خداوند هستی

سرزمینی که بیابان و ویران شود، هیچ بهره‌ای برای نسل امروز و فردا در بر نخواهد داشت

مردم فرهیخته،دلسوزان محیط‌زیست و طبیعت دوستان ثلاث باباجانی

ما اکنون در یکی از بحرانی‌ترین دوره‌های تاریخ محیط زیست زندگی می‌کنیم. تغییرات اقلیمی، گرمای شدید، خشکسالی‌های طولانی و بی‌نظمی آب‌وهوایی، شرایطی ایجاد کرده که کوچک‌ترین جرقه می‌تواند به فاجعه‌ای گسترده تبدیل شود.
به دلیل بارشهای پر بار امسال پوشش گیاهی بیشتر از حد معمول را شاهد بودیم به این دلیل در تابستان بخش زیادی از بستر مراتع و جنگلها خشک است و حضور افراد بی مسئولیت همراه با نبود فرهنگ صحیح حضور در طبیعت، خطر آتش‌سوزی را تشدید کرده است.
در مناطق ما آتش‌سوزی طبیعی تقریباً وجود ندارد و همه آتش‌ها نتیجه مداخله انسان است. بخشی از این مسئله به فرهنگ نادرست روشن‌کردن آتش برمی‌گردد؛ عادتی که ریشه‌های تاریخی دارد و هنوز در جامعه ما به‌طور گسترده دیده می‌شود. نبود آموزش، نبود نظارت و نبود قوانین بازدارنده نیز به این چرخه دامن میزند.

مشکل مهار آتشسوزی کوهها مختص به ما نیست بلکه  کشورهای ثروتمند جهان نیز در مهار آتش‌سوزی‌های جنگلی با دشواری روبه‌رو هستند، کنترل آتش در جنگل بسیار پیچیده و گاهی ناممکن است. کشورهایی مانند آمریکا، کانادا، استرالیا و حتی برخی کشورهای اروپایی با وجود برخورداری از ناوگان پیشرفته، گاهی هفته‌ها درگیر مهار آتش‌اند. مهار آتش در مناطق صعب‌العبور جنگلی را نمی‌توان با خاموش‌کردن آتش یک ساختمان مقایسه کرد. گستره آتش و دسترسی دشوار، کار را پیچیده می‌کند.

تاکید ما بر راه‌حل اصلی جلوگیری از وقوع آتش است. به باور ما، آتش‌سوزی‌های سهوی با آموزش و قانون و جریمه‌های سنگین قابل کاهش هستند و آتش‌سوزی‌های عمدی نیز باید با برخورد قاطع امنیتی و قضایی ریشه‌کن شوند.
لذا از همشهریان عزیز تقاضامندیم قبل از وقوع یک فاجعه زین پس در مواقعی که مهمان طبیعت هستید مسئولانه تر از همیشه حافظ محیط زیست و طبیعت باشید . ما تجارب سختی در سالیان قبل داشته ایم امید است امسال چنین تجربه ی تلخی تکرار نشود .

با تشکر
انجمن حامیان ژینگه ی ثلاث باباجانی

تیرماه ۱۴۰۵
تلگرام👇
@salas_cep
اینستاگرام👇
@salas_cep16

بەشداری ئەنجومەنی پارێزەرانی ژینگەی سەلاسی باوەجانی لە مەراسمی یەکەمین ساڵیادی شەهیدانی ژینگەی سنە ( ئەنجومەنی ژینگە پارێزی شنەی نەوژینی سنە) و پێشکەش کردنی وتارێک لە لایەن هاوڕێ سەروەر میرابی💛..

سـنە ، ڕێکەوتی ١٤٠٥/٥/١

@salas_cep

Inestagram : salas_cep16

ساڵیادی لە دایک بوونی پێغەمبەری ئیسلام ،
حەزرەتی مۆحەممەدی مستەفا ( د خ)
بەرز و پیرۆز بێت
ئەنجوومەنی پارێزەرانی ژینگەی سەلاسی باوەجانی.
@salas_cep   تلگرام
@salas_cep16  اینستاگرام

‍ ‍ ئەی شەهیدانی ژینگە و ژیانی کوردستان؛

ئەندێشەی سەوزتان ڕێبەرمانە،
ڕێگای ئێوە ڕێگای پاراستنی ژیانە.

بەوپەڕی ڕێز و نەوازش بۆ یادی شەهیدانی ژینگەی کوردستان

ڕێکخراوە ژینگەپارێزییەکانی کوردستان
مەریوان / ٣ی خەرمانانی ٢٧٢٦

‍ بە ناوی ئافرێنەری ژینگە

یەکدەنگییەک بۆ داهاتوو

بەیاننامەی ڕێکخراوە ژینگەپارێزییەکانی کوردستان
بە بۆنەی ساڵیادی شەهیدانی ژینگەی کوردستان

بە ناوی چیا بریندارەکانی کوردستان،
بە ناوی شەهیدانی ژینگە و ژیانی کوردستان؛
شەریف باجوەر، ئومێد کۆنەپۆشی، محەمەد پەژووهی، ڕەحمەت حەکیمی‌نیا و هەموو ئەو شەهیدانەی کە بۆ پاراستنی ژینگە و ژیان گیانیان بەخشی.

هەموو هەورێک دەمرێت، بەڵام هەور هەیە کە بارانەکەی هەرگیز لە بیر ئەم سەرزەمینە ناچێتەوە.
هەموو درەختێک دەمرێت، بەڵام سێبەری هەندێک درەخت هەر لە یاد و ناخی باخاندا دەمێنێتەوە.
هەموو مرۆڤێک دەڕوات، بەڵام هەندێک مرۆڤ بە مردنی جەستەیان، زیاتر لە پێشوو دەژین.

شەهیدانی ژینگە لەو مرۆڤانەن؛ ئەوان لە نێوماندا نین، بەڵام لە بیر و هزر و ڕێگای ژیانماندا هەرمانن.

ئەمڕۆ تەنیا یادیان ناکەینەوە؛ بەڵکوو پرسیارێکیش دەخەینە بەردەم هەموو لایەنە بەرپرسیارەکان:

گیانی مرۆڤ چەند بەهادارە؟
بۆ پاراستنی ئەو گیانە چی کراوە؟
و بۆ ئەوەی ئەم کارەساتانە دووبارە نەبنەوە، چی دەکرێت؟

کاتێک زاگرۆس دەسووتێت، ژینگەپارێزان زۆرجار پێش هەمووان لە بەرەی ئاگرن. بۆ ئەوان زاگرۆس تەنیا دار و چیا و ڕووبار نییە؛ زاگرۆس واتە نیشتمان، واتە ژیان.

بۆیە یادکردنەوەی شەهیدان تەنیا بە دانانی گوڵ و خوێندنەوەی وتار کۆتایی پێ نایەت؛ یادەوەریی ڕاستەقینە، بەردەوامکردنی ڕێگایانە.

ئەمڕۆ، لە قۆناغێکی هەستیاردا، زیاتر لە هەر کاتێک پێویستمان بە کۆمەڵگایەکی وشیار، ئارام، بەهێز و یەکگرتووە.

ڕەنگەکانمان جیاوازن، باوەڕەکانمان جیاوازن و ڕێگاکانمان هەموو جارێک یەک نەگرن؛ بەڵام ئەمە نابێت ببێتە هۆی دوورکەوتنەوەمان.

وەک زاگرۆس کە لە هەزاران ڕەنگ و دەنگ پێک دێت و پێکەوە ژیان دروست دەکات، ئێمەش دەتوانین بە جیاوازییەکانمانەوە یەکدەنگ بین.

یەکدەنگ بۆ ژیان،
بۆ کەرامەت،
بۆ ئاشتی و تەبایی،
بۆ ژینگەیەکی ئاوەدان و داهاتوویەکی باشتر.

ئێمە بەڵێن دەدەین لەبەرامبەر وێرانبوونی ژینگە بێدەنگ نەبین؛ دەنگی ژینگەپارێزان بە تەنهایی نەهێڵینەوە و لە کاتی پێویستدا یەکدەنگ و یەکڕیز بین.

پێویستە بەرپرسان بزانن:
ژینگە چیتر بابەتێکی پەراوێزخراو نییە کە بۆ سبەی دوا بخرێت.

ئەمڕۆ دەنگمان بەرز دەکەین؛
بۆ ژیان، بۆ زاگرۆس، بۆ ئەوانەی ژیانیان بەخشی بە خاک.

ئەی شەهیدانی ژینگە و ژیانی کوردستان؛

ئەندێشەی سەوزتان ڕێبەرمانە،
ڕێگای ئێوە ڕێگای پاراستنی ژیانە.

بەوپەڕی ڕێز و نەوازش بۆ یادی شەهیدانی ژینگەی کوردستان

ڕێکخراوە ژینگەپارێزییەکانی کوردستان
مەریوان / ٣ی خەرمانانی ٢٧۲۶


@salas_cep تلگرام

@salas_cep16 اینستاگرام