Prezidentimiz rafiqasi hamrohligida amaliy tashrif bilan Anqaraga keldi.
—
Президент нашей страны вместе с супругой прибыл с рабочим визитом в Анкару.

🌐 Web-site 🔵Telegram 👥 Fb 📷 Instagram🌐 Linkedin

#Tavsiya

🟡 🟦🟦🟦

❓Chang havoda qanday tavsiyalarga amal qilish kerak?

🌤Gidrometeorologiya ilmiy-tadqiqot instituti tahliliga ko‘ra, so‘nggi kunlarda Markaziy Osiyoning bir qator yirik shaharlari, xususan, poytaxtimizda havo sifati indeksi (AQI) 100 dan oshib, ifloslanish darajasi ortgan.

🔵 Bunga oktabr oyi oxirida antisiklon, shamolning susayishi, yog‘ingarchilik yo‘qligi va harorat inversiyasi tufayli transport, sanoat va energetikadan chiqadigan moddalar hamda tabiiy chang havoning quyi qatlamida to‘planib qolgani sabab bo‘lgan.

💬 Mutaxassislar fikricha, Toshkent shahrida atmosfera inversiyasi yana 10 kun saqlanib qolishi mumkin.

❓Xo‘sh, bunday ob-havo sharoitida qanday tibbiy tavsiyalarga amal qilish lozim?

💬 — Havo sifati yomonlashganda ochiq havoda bo‘lish vaqtini imkon qadar qisqartirish lozim, — deydi Respublika ixtisoslashtirilgan allergologiya va klinik immunologiya ilmiy-amaliy tibbiyot markazi direktori Ilmira Razikova. — Ayniqsa, bronxial astma, allergik rinit, allergik konyuktivit, tomoq qichishishi bilan kuzatiladigan yo‘tal, bronxit, bronxlar giperreaktivligi va boshqa nafas yo‘llarining surunkali kasalliklari bor insonlar tashqariga chiqmasliklari kerak.

🔬 Qolaversa, bunday xastaliklari bor kishilar shifokor maslahati bilan allergiyaga qarshi dori vositalarini qabul qilishlari zarur.

🧹 Xona yoki inshootlarni nam latta bilan tozalab turish, uy yoki bino ichiga, atrofiga suv solingan idishlar qo‘yish chang darajasini pasaytirishga yordam beradi. Shuningdek, bu vaziyatda nam sochiqlarni osib qo‘yish, konditsioner va havoni tozalash tizimlari ham foyda beradi.

🪟Derazalarni yopiq holda saqlash, ko‘proq suv ichish, dush qabul qilish nafas olishni yengillashtiradi. Og‘iz va burun bo‘shlig‘ini tuzli eritma bilan yuvib turishning ham foydasi katta.

🏥 Agar yurtdoshlarimizda tashqi muhitdagi changlar tufayli nafas qisishi, burun bitishi, aksirish, burun oqishi, ko‘zlarda va tomoqda qichishish va qizarish, yo‘tal belgilari yuzaga kelsa, oilaviy shifokorga murojaat qilish kerak.

☎️ Eslatib o‘tamiz, yurtimiz aholisi bunday ob-havo sharoitida zarurat sezganda, "103" xizmatiga murojaat qilib, tunu kun sifatli tibbiy yordam olishlari mumkin.

🏥 Bundan tashqari, Respublika shoshilinch tibbiy yordam ilmiy markazi va uning hududlardagi 13 ta filiali hamda tuman va shahar bo‘limlari zarur dori-darmonlar bilan to‘liq ta’minlangan.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin

🟡 🟦🟦🟦

❓O‘zbekistonda insultga qarshi kurashish bo‘yicha qanday choralar ko‘rilmoqda?

✅ Insult — o‘lim va nogironlikka sabab bo‘luvchi eng og‘ir xastaliklardan biri.

➡️ Shu bois, bugun dunyoda kasallik xavfini kamaytirish, asoratlarni bartaraf etish va bemorlarning hayot sifatini yaxshilashga jiddiy e’tibor qaratilmoqda.
 
🗓 Maqsad — aholining xastalik haqidagi bilimlarini oshirish, erta tashxis va profilaktika choralarini kuchaytirishdan iborat.
 
📋 Mazkur yo‘nalishda O‘zbekistonda ham zarur chora-tadbirlar amalga oshirilmoqda. Jumladan, davlatimiz rahbarining shu yil 20-yanvardagi tegishli qaroriga muvofiq yurtimizda ilk bor Infarkt va insultga qarshi kurashish milliy dasturi qabul qilindi.
 

🩺 Dastur doirasida mamlakatimizda ushbu kasalliklarning oldini olish, xavf omillarini erta aniqlash va shoshilinch tibbiy yordam ko‘rsatish tizimini takomillashtirishga qaratilgan izchil ishlar olib borilyapti. Xususan, 30 yoshdan oshgan aholi o‘rtasida maqsadli tibbiy ko‘riklar o‘tkazilib, yurak-qon tomir kasalliklari va insult xavfini oshiruvchi omillar barvaqt aniqlanmoqda.

 
🏥 Shuningdek, tumanlararo qo‘shma shikastlanishlar va o‘tkir qon tomir kasalliklari markazlarida kecha-yu kunduz faoliyat yurituvchi maxsus brigadalar tashkil etilib, bemorlarga shoshilinch tibbiy yordam ko‘rsatish imkoniyatlari kengaytirilyapti.
 
🚒 Qolaversa, bemorni tezkor aniqlash, zudlik bilan ixtisoslashtirilgan tibbiy muassasaga yetkazish va o‘z vaqtida davolash bo‘yicha ham zarur chora-tadbirlar amalga oshirilmoqda.
 

🤩Bu sa’y-harakatlar natijasida Andijon, Farg‘ona, Namangan, Samarqand va Toshkent shahrida infarkt va insult xastaliklaridan erta o‘lim holatlari besh oyda 15 foizga kamaydi. Kasallik boshlanishidagi “oltin soat”da 855 nafar inson erta o‘lim va nogironlik asoratlaridan saqlab qolindi. Kelasi yil dasturga barcha tuman va shaharlar qamrab olinishi ko‘zda tutilgan.

 
🏫 Bundan tashqari, shu yilning 1 noyabridan yurtimiz umumta’lim maktablarida “Angels Initiative” xalqaro tashabbus tashkilotining “FAST — superqahramonlar” xalqaro ta’lim dasturi bosqichma-bosqich joriy etiladi.
 
🔵 Maqsad — o‘quvchilar o‘yin va qiziqarli mashg‘ulotlar orqali nafaqat insultning dastlabki belgilarini tanib olishni o‘rganadilar, balki bu bilimlarni ota-onalari, bobo va buvilariga ham yetkazadilar.

‼️ Shu orqali oilalarda insult haqida xabardorlik oshib, uning belgilarini erta aniqlash va o‘z vaqtida tez tibbiy yordam chaqirish ko‘nikmalari shakllanadi.
 
🚑  SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin

#Tavsiya

🟡 1️⃣2️⃣3️⃣4️⃣5️⃣

❔ Gripp – oddiy shamollashmi?

❔ Undan qanday himoyalanish kerak?

❔ Kimlar xavf guruhiga kiradi?

📹 Ushbu savollarga Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi maslahat poliklinikasi bo‘lim mudiri Kozim Mahkamov batafsil javob beradi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🔴❤️❤️🩵💜🩵❤️🩷

❓Dori vositalari xavfsizligi qanday nazorat qilinmoqda?

💊 Yurtimizda joriy etilgan “Farmakonazorat” milliy elektron axborot tizimi orqali dori vositalarining nojo‘ya ta’sirlari va samarasizlik holatlari yuzasidan xabarnomalar qabul qilinib, tahlil etilmoqda.

❓ Xo‘sh, bu borada qanday ishlar amalga oshirildi va erishilgan natijalar qoniqarlimi?

📹 Farmatsevtika mahsulotlari xavfsizligi markazi Farmakonazorat bo‘limi boshlig‘i Sabohat Hayitova ishtirokidagi brifingda shu haqda batafsil ma’lumot berildi.

🌐 Web-site 🔵Telegram 👥 Fb 📷 Instagram🌐 Linkedin

🟡 ❤️❤️❤️
 

✅Respublika ixtisoslashtirilgan xirurgiya ilmiy-amaliy tibbiyot markazida “Vaqf” xayriya jamoat fondi orqali yana uch nafar bemorda jigar ko‘chirib o‘tkazish amaliyotlari o‘tkazildi.

 
❓ Operatsiyalarda kimlar ishtirok etdi?
 
❓ Hozirda bemor va donorlarning ahvoli qoniqarlimi?
 
📹 SSV Matbuot xizmati tomonidan tayyorlangan videolavha orqali shu kabi savollarga javob topasiz.
 
🚑  SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin

#Vazir_kubogi
🟡🟦🟦🟦

❗️“Sog‘liqni saqlash vaziri kubogi”ning final bosqichiga start berildi

🏆 Bugun O‘zbekiston milliy futbol markazida tibbiyot va farmatsevtika xodimlari o‘rtasida “Sog‘liqni saqlash vaziri kubogi — 2026” sport musobaqalarining final bosqichi boshlandi.

🔵 Prezidentimizning 2020-yil 30-oktyabrdagi tegishli Farmoni ijrosini ta’minlash maqsadida Sog‘liqni saqlash vazirligi va O‘zbekiston sog‘liqni saqlash xodimlari kasaba uyushmalari respublika kengashining qo‘shma qaroriga muvofiq tashkil etilgan mazkur bellashuvlarda qatnashchilar mini-futbol, stol tennisi, shaxmat va shashka bo‘yicha o‘zaro bahs olib bormoqda.

🕒Tibbiyot xodimlari kuni arafasida o‘tkazilayotgan musobaqalardan ko‘zlangan maqsad soha vakillari o‘rtasida sog‘lom turmush tarzini keng targ‘ib qilish, jismoniy faollikni oshirish hamda o‘zaro hamjihatlikni mustahkamlashdan iborat.

⚽️ Hal qiluvchi bahslarda hududiy saralash bosqichlarida g‘oliblikni qo‘lga kiritgan jamoalar o‘zaro kuch sinashmoqda.

🏓Ikki kun davom etadigan turnirda ishtirokchilar nafaqat jismoniy mahoratini, balki jamoaviy birdamlik, chaqqonlik, tezkor fikrlash va g‘alabaga bo‘lgan intilishlarini ham namoyon etadi.

🥇 Ertaga har bir sport turi bo‘yicha g‘olib va sovrindorlar aniqlanib, tashkilotchilar tomonidan qimmatbaho sovg‘alar bilan taqdirlanadi.

🚑 SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin