​ВЕГЕТАТИВ ҚОН-ТОМИР ДИСТОНИЯСИ ҚАНДАЙ КАСАЛЛИК?

ССВ Матбуот хизматига бу ҳақда тиббиёт фанлари доктори, профессор Бахтиёр ҒОФУРОВ маълумот берди:

— Турли психологик омиллар, яъни стресс, уйқуга тўймаслик, шунингдек, камҳаракатлилик ва ҳатто оддий авитаминоз (витамин етишмаслиги) ҳам баъзан ўсмирларда вегетатив қон-томир дистонияси хуружларига сабаб бўлади.

Хуруж давомида беморда кўнгил айниши, қоринда оғриқ пайдо бўлиши, сўлак кўп ажралиши сингари ҳолатлар юзага келади.

Ўсмирлик даврида (11-15 ёш) болалар организми жуда тез ривожланаётган бўлади. Қон-томир дистониясига айнан шу даврда чалиниш кўпгина муаммоларни юзага келтиради. Яъни ўсмирлар танасидаги айрим аъзолар ривожланиши тенгдошларникидан ўзиб кетади, натижада номутаносиблик рўй беради. Худди шу вақтда юрак-қон томир тизими иши сусайиб, ўсмир кундалик вазифаларни бажаришга қийналади.

Касалликнинг юрак фаолиятига бу хилда таъсир кўрсатиши қон босими кўтарилиши ёки пасайиши, хотира сусайиши, бош айланиши ва чарчоқ ҳолатлари билан кечади.

Дистонияни бошдан ўтказаётган қизлар йиғлоқи, таъсирчан (кайфияти тез ўзгарадиган) ва қувватсиз бўлиб қолишади. Ўғил болалар эса паришонхотирлик ва бош оғриғидан қийналишади.

Бунинг устига, ўсмир болалардаги дистония худди катталардаги каби хуружли бўлиши мумкин. Хуружлар пайтида ўсмир тўсатдан терлаб кетади, боши айланади, юз териси қизаради, юраги қаттиқ уради, қулоғига шовқин эшитилади. Ўта таъсирчан ва ҳиссиётга берилувчан болаларда бундай хуружлар тез-тез рўй беради.

Оиладаги носоғлом муҳит руҳиятига азият етказиши оқибатида дистония жуда жадаллик билан ривожланиши мумкин. Айниқса, бемор яшаётган оилада тез-тез бўлиб турадиган жанжаллар (ота-она, ака-ука ва опа-сингилларнинг ўзаро келишмовчилиги) натижасида дистония касаллиги оғир кечади.

Ўсмир улғайгани сайин унинг организмида турли касалликлар билан курашиш қобилияти сустлаша боради. Чунки ўсмир балоғат фаслига қадам қўйиш арафасида зиммасидаги вазифалар, масъулият, юкламалар (турли топшириқлар, ёшларга хос шахсий ҳаётига оид турли кечинмалар) миқдори ортади. Демак, қон-томир дистонияси хуружлари тез-тез такрорланишига имкон яратилади.

Шунинг учун ҳам бола ўсмирлик ёшидаёқ бу касалликни даволаб тузатиш лозим. Акс ҳолда дистония ривожлана бориб, кейинчалик турли асоратлар юзага келади. Яъни, қон босимининг доимий кўтарилиши, ички аъзолар иши ёмонлашиши, айниқса, овқат ҳазм қилишда муаммолар пайдо бўлиши мумкин.

Вегетатив қон-томир дистониясининг олдини олишда айрим маслаҳатларга риоя қилиш лозим.

📌Аввало, тўйиб ухлаш шарт. Чунки уйқуга тўймаслик нерв ва эндокрин тизимлари ишгига салбий таъсир қилади.

📌Таомлар калий ва магний тузларига бой бўлиши керак. Шунда улар нерв импульсларини ўтказишга кўмаклашиб, юрак ишини яхшилайди, вегетатив қон томирлари фаолиятини рағбатлантиради.

📌Калий ва магний моддаси гречиха, ловия, нўхат, петрушка ва ёнғоқда кўп. Қатиқ ва сут маҳсулотлари, аччиқроқ дамланган чой ва қаҳва каби маҳсулотлар ҳам яхши самара беради.

Беморнинг руҳий ҳолати даволанишда муҳим роль ўйнайди. Стресс ва сиқилишлардан сақланиш, спорт билан шуғулланиш руҳий муаммоларни бартараф қилишда ёрдам беради.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​СОЧ ТРАНСПЛАНТАЦИЯСИНИНГ ҚАНДАЙ ТУРЛАРИ БОР?

ССВ Матбуот хизматининг соч касалликлари ва уларни даволашдаги замонавий ёндашувлар ҳақидаги саволларига Республика ихтисослаштирилган дерматология ва косметология илмий-амалий тиббиёт маркази директори ўринбосари Илҳом РАҲИМОВ жавоб берди (3-қисм).

— Соч тўкилишига қарши қандай даво чоралари қўлланилади?

— Алопецияни тўхтатишнинг бир неча принциплари мавжуд бўлиб, шу асосда даволаш олиб борилади. Масалан:

🔺соч фолликулаларида микроциркуляцияни ва васкуляризацияни яхшилаш;

🔺анаген фазани индуцирлаш;

🔺соч фолликулаларида 5 альфаредуктаза ферментини ва андрогенга боғлиқ рецепторларни блоклаш;

🔺касаллик ривожланишига олиб келувчи ички аъзолар касалликларини даволаш.

Соч тўкилишини даволаш усуллари касалликнинг келиб чиқишига қараб турланиб боради.

Анъанавий даво усулида В гуруҳ витаминлари, иммун тизимининг фаолиятини оширувчи, қон томирларини мустаҳкамловчи, антиоксидант дори воситалари қўлланилади.

Плазмолифтинг технологияси ҳам бу борада ўз самарасини бермоқда. Бу беморнинг қонидан ажратилган, тромбоцитларга бой бўлган плазмани тери ичига юбориш бўлиб, плазмолифтинг натижасида тромоцитларда сақланувчи ўсиш фактори фибробластларни стимуляция қилиб, зарур моддалар ишлаб чиқарилишини кўпайтиради.

Бу жараён, ўз навбатида, янги ҳужайраларнинг пайдо бўлиши ва майда қон томирлари ўсишини ривожлантиради, натижада модда алмашинуви тикланади, тери ҳужайраларида микроциркуляция ва метоболизм жараёни яхшиланади.

— Ҳозир соч трансплантациясига мурожаат қилувчилар сони ҳам ортиб бормоқда...

— Сочларни тиклаш бўйича халқаро ташкилот (ISHRS) берган маълумотга кўра, ҳозирги кунда соч трансплантациясининг икки тури расман рўйхатга олинган:
✅ чок қўйиш орқали (FUT);
✅ чоксиз усул (FUE).

Бу усуллар хирургик жараён бўлиб, ўзига яраша мураккабликлари бор.

♻️ FUT усулида фолликулаларни кўчириб ўтқазиш натижасида юқори косметик натижага эришиш мумкин. Қисқа вақт ичида (яъни 4-6 соатда) кўп миқдорда (5000) графтларни кўчириб ўтқазиш имкони бўлади. Донор ўчоқдан олинган материалларнинг кам миқдорда зарар кўриши ҳисобига 92 фоиз экилган графтларнинг яшаб кетишига кафолат берилади.
❗️FUT усулининг камчилиги эса лоскут (кесим) олинган энса қисмида чизиқли чок ҳосил бўлишидир.

♻️ FUE усули эса кам инвазив соч трансплантацияси усули бўлиб, алоҳида фолликулалар донор соҳадан махсус панчлар ёрдамида олинади.
❗️Соч кўчириб ўтқазилгандан сўнг ҳеч қандай чандиқ ва чок қолмайди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

❗️Дунёда COVID-19га қарши 6 миллиард 497 миллион дозадан ортиқ вакцина қўлланилди

ЖССТ маълумотига кўра:
🦠дунёда коронавирус юқтирганлар сони 237 миллион 383 мингдан ортди. 4 миллион 842 мингдан зиёд киши вафот этган (11.10.2021. Европа вақти билан 17:52 ҳолатида).

🔴Охирги суткада 236 629 та янги касалланиш ҳолати аниқланди.
⚫️ 3 302 нафар бемор вафот этди.

Жонс Хопкинс университети маълумотига кўра :
🦠 дунёда 238 миллион 274 мингдан ортиқ одам касаллик юқтирган. 4 миллион 857 мингдан ортиғи вафот этган (12.10.2021. Тошкент вақти билан 12:18 ҳолатида).

ЖССТга кўра, касалланиш бўйича қуйидаги давлатлар юқори ўринда:
🇺🇸АҚШ (43,792 миллиондан ортиқ),
🇮🇳 Ҳиндистон (33,971 миллиондан ортиқ),
🇧🇷Бразилия (21,516 миллиондан ортиқ),
🇬🇧Буюк Британия (8,154 миллиондан ортиқ),
🇷🇺Россия (7,804 миллиондан ортиқ).

💉Жонс Хопкинс университетига кўра, дунёда 6 миллиард 497 миллион дозадан ортиқ вакцина қўлланилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​ЮРТИМИЗДА 2 753 ТА ГРИППГА
ҚАРШИ ЭМЛАШ ПУНКТИ ТАШКИЛ ЭТИЛДИ

ССВ Матбуот хизматининг гриппни олдини олиш ва касалликка қарши эмлаш тадбирларига доир саволларига Санитария-эпидемиологик осойишталик ва жамоат саломатлиги хизмати бошлиғининг биринчи ўринбосари Холмамат НОРБОЕВ жавоб берди. (2-қисм)

— Грипп касаллигини даволашда антибиотиклардан фойдаланиш қанчалик самара беради?

— Шуни алоҳида таъкидлаш лозимки, коронавирус, грипп каби вирусли касалликларда антибиотиклардан назоратсиз фойдаланиш, ушбу хасталикларга чалинган беморларни антибактериал препаратлар билан даволаш клиник амалиётда кенг тарқалган хатоликдир.

Афсуски, антибиотиклар вирусли инфекцияларга қарши фаол эмаслигига қарамасдан, айрим шифокорлар ушбу дори воситаларини гриппнинг бактериал асоратларини ривожланиш хавфини камайтиради, деган тушунча билан беморларга кенг миқиёсда буюрадилар. Айрим беморлар эса шифокорга ҳам бормасдан уй шароитида ўзи билганича антибиотиклар билан даволанишга ҳаракат қилади.

Қолаверса, вирусга қарши махсус препаратларни назоратсиз қўлланилиши натижасида гриппнинг циркуляция қилиб юрувчи вирусларида чидамлилик ривожланади. Шу боис, мутахассислар ушбу хасталикнинг кенг тарқалиши ва унинг олдини олиш учун гриппга қарши эмланишни тавсия этади.

— Жорий мавсум юртимизда гриппга қарши эмлаш тадбирлари қандай ташкил этилмоқда?

— Маълумки, Президентимизнинг 2020 йил 26 августдаги тегишли қарори ва Коронавирус касаллигига қарши курашиш Республика махсус комиссиясининг 2021 йил 25 февралдаги йиғилиш баёни билан грипп юқтириш ва унинг оғир асоратларини бошдан ўтказиш хавфи юқори бўлган барча МТМ тарбиячилари, мактаб ўқитувчилари ва тиббиёт ходимларини гриппга қарши марказлашган ҳолда бепул эмлаш тадбирларини амалга ошириш белгиланган.

Эмлаш учун зарур бўлган грипп вакциналари жорий йилнинг 15 сентябрига қадар ҳудудларга тўлиқ етказиб берилди. Тиббиёт ходимларига касалликни юқиш хавфи юқори эканлигини инобатга олиб, биринчи навбатда уларда эмлаш ишлари ташкил этилди.

Айни пайтда профилактик эмлаш тадбирлари юртимиздаги 2 753 та эмлаш пунктида олиб борилмоқда. Бунинг учун 1 065 та эмлаш бригадалари фаолияти йўлга қўйилган.

Жорий йил соғлиқни сақлаш тизимида 475 минг 357 нафар тиббиёт ходими гриппга қарши мавсумий эмланиши белгиланган бўлиб, шу йилнинг 9 октябрь ҳолатига уларнинг 443 минг 632 нафари (93,1 фоиз) касалликка қарши вакцина олди.

— Бугунги кунда юртимизда грипп ва ЎРВИ инфекциясини аниқлаш бўйича нечта лаборатория фаолият юритмоқда?

— Мамлакатимизда грипп ва ўткир респиратор инфекцияларини аниқлаш бўйича Республика Санитария-эпидемиологик осойишталик ва жамоат саломатлиги хизматининг 15 та вирусология лабораториялари томонидан лаборатор текширувлар ўтказилмоқда. Таҳлил натижаларига кўра, аксарият ҳолларда гриппнинг А вируси аниқланмоқда.

Сўнгги ҳафталарда аҳоли ўртасида ўткир респиратор инфекцияларнинг мавсумий кўтарилиши кузатиляпти.

Жумладан, Тошкент шаҳрида ЎРВИ бўйича эпидемик жараён бироз фаоллашиб, октябрь ойининг дастлабки 7 кунида 10 минг 212 та ҳолат қайд этилди.

Шуни инобатга олган ҳолда барча юқумли касалликлар шифохоналари, перинатал марказларининг интенсив терапия ва реанимация бўлимларида етарли қўшимча бемор ўринлари заҳираси ташкил этилиб, тегишли шароитлар яратилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​⚡️Тезкор хабар

ССВ: Юртимизда "Sputnik V" вакцинаси ишлаб чиқарилиши йўлга қўйилди

“Jurabek Laboratories” МЧЖ қўшма корхонасида ишлаб чиқарилаётган "Sputnik V" вакцинаси 1- ва 2- компонентларининг дастлабки 260 500 дозаси Санитария-эпидемиологик осойишталик ва жамоат саломатлиги хизматига топширилди.

Бу юртимизда тайёрланаётган иккинчи вакцина бўлиб, бундан аввал ушбу корхонада жами 7 миллион доза ZF-UZ-VAC2001 вакцинаси ишлаб чиқарилган бўлиб, унинг 1 458 820 дозаси эмлаш учун топширилигани ҳақида хабар берган эдик.

Шундай қилиб, юртимизга эмлаш жараёнларида фойдаланилаётган жами вакцина 28 473 528 дозани ташкил қилмоқда.

Улардан:
💉1 594 480 дозаси AstraZeneca,

💉21 958 488 миллион дозаси ZF-UZ-VAC2001,

💉720 500 дозаси "Sputnik V",

💉 3 000 060 дозаси Moderna,

💉 1 200 000 дозаси Pfizer/BioNTech вакцинасидир.

Шундан 22 721 129 дозаси эмлаш жараёнларида қўлланилган бўлиб, 5 226 139 нафар аҳоли коронавирусга қарши барча босқичларда тўлиқ эмланди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

Шамоллаган болани даволашда йўл қўймаслик керак бўлган хатолар – шифокор тавсиялари

Мутахассис шамоллаган болаларни даволашда ўзбошимчалик билан чора кўриш, аниқ натижаси бўлмаган усулларни қўллаш мумкин эмаслигини таъкидлаб, исириқ тутатиш ва антибиотиклар оқибатлари ҳақида гапирди.

👉 https://kun.uz/63680689

▶️@ssvuz
▶️@ssvmatbuotkotibi

​ССВ: Юртимиздан Россияга келишув асосида юбориладиган 10 минг нафар қурувчи янги турдаги Sputnik Light вакцинаси билан эмланади

Ўзбекистондан Россиядаги қурилиш жараёнларига 10 минг нафар меҳнат мигранти ишга жалб қилиниши ҳақида хабар берилган эди. Шунингдек, номзодларни ишга жалб қилиш, тиббий кўрикдан ўтказиш, эмлаш, рус тили ва Россия қонунчилиги бўйича имтиҳон топшириш, патент расмийлаштириш ва транспорт харажатлари — иш берувчилар томонидан қопланиши ҳам айтилган.

Россия Федерацияси Соғлиқни сақлаш вазирлиги томонидан меҳнат миргантларини эмлаш учун янги турдаги "Спутник Лайт" (Sputnik Light) вакцинасининг 12 минг дозаси юртимизга олиб келинди.

❗️"Спутник Лайт" бир компонентли вакцина бўлиб, у билан тўлиқ эмланиш учун вакцинанинг бир дозасини олиш кифоя қилади.

Ушбу вакцина билан фақат юртимиздан юборилиши мўлжалланган 10 минг нафар қурувчи мигрантлар эмланади. Вакцинация жараёни россиялик тиббиёт ходимлари томонидан амалга оширилади.

Эмлаш жараёнлари тез орада бошланиши кутилмоқда.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

ССВ: Юртимизга Sinovac вакцинаси олиб келинди

Туркия ҳукумати томонидан Ўзбекистонга беғараз ёрдам сифатида COVID-19га қарши Хитойда ишлаб чиқарилган Sinovac вакцинаси олиб келиниши ҳақида хабар берган эдик.

❗️Ҳозиргина Истанбул – Тошкент рейси билан мамлакатимизга келтирган Sinovac вакцинасининг 200 минг дозаси шунингдек, 20 минг қути “Фавипиравир” дори препарати юртимиз вакиллари томонидан қабул қилиб олинди.

Ўзбекистон ва Туркия ҳукуматлари ўртасида соғлиқни сақлаш соҳасида грант ёрдамига оид имзоланган битим асосида олиб келинган Sinovac вакцинаси мамлакатимизга келтирилган олтинчи вакцинадир.

Шундай қилиб, юртимизга эмлаш жараёнларида фойдаланилаётган жами вакцина 28 673 528 дозани ташкил қилмоқда.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​❗️Кеча юртимизда 385 нафар кишида коронавирус инфекцияси қайд этилди, 3 нафар бемор вафот этди

🔺2021 йил 12 октябрь ҳолатига кўра, Ўзбекистонда коронавирус инфекцияси қайд этилганлар сони 179371 (+385) нафарни ташкил этмоқда.

🔴Янги касалланиш ҳолатларининг:
📌4 нафари Қорақалпоғистон Республикасида,
📌12 нафари Андижон вилоятида,
📌7 нафари Бухоро вилоятида,
📌11 нафари Жиззах вилоятида,
📌4 нафари Қашқадарё вилоятида,
📌4 нафари Навоий вилоятида,
📌5 нафари Наманган вилоятида,
📌39 нафари Самарқанд вилоятида,
📌7 нафари Сирдарё вилоятида,
📌5 нафари Сурхондарё вилоятида,
📌27 нафари Фарғона вилоятида,
📌18 нафари Хоразм вилоятида,
📌88 нафари Тошкент вилоятида,
📌154 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 7 нафар,
🔹Андижон вилоятида 18 нафар,
🔹Бухоро вилоятида 7 нафар,
🔹Жиззах вилоятида 13 нафар,
🔹Қашқадарё вилоятида 5 нафар,
🔹Навоий вилоятида 4 нафар,
🔹Наманган вилоятида 19 нафар,
🔹Самарқанд вилоятида 40 нафар,
🔹Сурхондарё вилоятида 6 нафар,
🔹Фарғона вилоятида 31 нафар,
🔹Хоразм вилоятида 20 нафар,
🔹Тошкент вилоятида 102 нафар,
🔹Тошкент шаҳрида 278 нафар бемор тузалиб, касалликдан соғайганлар жами 175192 (+550) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 3 нафар коронавирусга чалинган бемор вафот этиб, касалликдан вафот этганлар сони 1276 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​❗️Айни кунгача мамлакатимизда жами 22 миллион 956 минг дозадан ортиқ коронавирусга қарши вакцина қўлланилди

🔺12 октябрда мамлакатимиз ҳудудлари бўйлаб 234 929 доза COVID-19га қарши вакцина қўлланилди. Улардан:
💉1-босқич эмланганлар 85 712 нафарни,
💉2-босқич эмланганлар 67 460 нафарни,
💉3-босқич эмланганлар 81 757 нафарни ташкил қилди.

❗️Айни кунгача мамлакатимизда жами 22 956 058 доза вакцинадан фойдаланилди. Улардан:
💉1-босқич эмланганлар 12 414 142 нафарни,
💉2-босқичда эмланганлар 7 244 022 нафарни,
💉3-босқич эмланганлар 3 297 894 нафарни ташкил қилди.

❗️Шу кунгача тўлиқ эмланган фуқаролар 5 328 121 нафарни ташкил қилмоқда.

📊Кеча эмлаш кўрсаткичлари бўйича юқори ўринларни:

📌Сурхондарё вилояти (32 046 доза),
📌Тошкент вилояти (30 752 доза),
📌Наманган вилояти (26 238 доза) банд қилди.

🔺Жами эмлашлар бўйича юқори кўрсаткичлар:
📌Фарғона вилоятида 2 459 309 доза,
📌Андижон вилоятида 2 415 583 доза,
📌Наманган вилоятида 2 399 335 дозани ташкил қилмоқда.

Эмлаш жараёнлари давом этади.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
▶️@sanepidxizmat

#таъзия

ССВ ходими вафот этди

Соғлиқни сақлаш вазирлигининг Маъмурий-ҳўжалик бошқармаси 1-тоифали мутахассиси Пивкин Владимир Михайлович 62 ёшида вафот этди.

У 1959 йил Қозоғистон Республикасининг Қизил-Ординск вилоятида туғилган. Мутахассислиги муҳандис-механик бўлган Владимир Пивкин 2010 йилдан бери Соғлиқни сақлаш вазирлигининг Маъмурий-ҳўжалик бошқармасида ишлаб келган.

Соғлиқни сақлаш вазирлиги марҳумнинг яқинларига чуқур ҳамдардлик билдиради.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​ССВ: ZF-UZ-VAC2001 вакцинасининг мамлакатимизда ишлаб чиқарилган иккинчи партияси фойдаланиш учун топширилди

Куни кеча “Jurabek Laboratories” МЧЖ қўшма корхонасида ишлаб чиқарилаётган "Sputnik V" вакцинаси 1- ва 2- компонентларининг дастлабки 260 500 дозаси Санитария-эпидемиологик осойишталик ва жамоат саломатлиги хизматига топширилгани ҳақида хабар берган эдик.

Бундан аввал ушбу корхонада тайёрланган ZF-UZ-VAC2001 вакцинасининг 1 458 820 дозаси эмлаш учун топширилган эди.

Энди эса корхона томонидан ZF-UZ-VAC2001 нинг 1 219 510 дозалик иккинчи партияси ҳам Санитария-эпидемиологик осойишталик ва жамоат саломатлиги хизматига етказиб берилди.

Шундай қилиб, юртимизга эмлаш жараёнларида фойдаланилаётган жами вакцина 29 893 038 дозани ташкил қилмоқда.

Улардан:
💉1 594 480 дозаси AstraZeneca,

💉23 177 998 миллион дозаси ZF-UZ-VAC2001,

💉720 500 дозаси "Sputnik V",

💉 3 000 060 дозаси Moderna,

💉 1 200 000 дозаси Pfizer/BioNTech,

💉 200 000 дозаси Sinovac вакцинасидир.

Шундан 22 956 058 дозаси эмлаш жараёнларида қўлланилган бўлиб, 5 328 121 нафар аҳоли коронавирусга қарши барча босқичларда тўлиқ эмланди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​Ўзбекистонда тиббий буюмларни ишлаб чиқариш ва тайёрлаш учун лицензия талаб қилинмайди

«Лицензиялаш, рухсат бериш ва хабардор қилиш тартиб-таомиллари тўғрисида»ги қонун қабул қилингани муносабати билан Ўзбекистоннинг айрим қонун ҳужжатларига ўзгартириш ва қўшимчалар киритиш ҳақидаги қонун Президент томонидан имзоланди.

Қонунга мувофиқ, айрим лицензияланадиган фаолият турлари билан рухсатнома ва хабардор қилиш орқали шуғулланишга рухсат берилгани муносабати билан бир қатор қонунларда лицензия талаби бекор қилинган.

Унга кўра, «Дори воситалари ва фармацевтика фаолияти тўғрисида»ги қонунда фармацевтика фаолиятининг қуйидаги йўналишларига лицензия олиш талаб қилинмаслиги белгиланди:

📌тиббий буюмларни ишлаб чиқариш, тайёрлаш, улгуржи реализация қилиш;

📌дори воситалари ва тиббий буюмларни яратиш бўйича илмий-тадқиқот ишлари;

📌дори воситалари ва тиббий буюмлар сифатини назорат қилиш;

📌доривор ўсимлик хом ашёсини қадоқлаш ва улгуржи сотиш.

Эслатиб ўтамиз, Президентнинг «Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида»ги фармони билан Ўзбекистонда 2021 йил 1 январдан бошлаб 17 та лицензия ва 14 та рухсатномалар хабардор қилиш тартиби жорий этилиши йўли билан бекор қилинганди.

▶️@ssvuz
▶️@ssvmatbuotkotibi

Ҳасталикдан дард чекканимизда, энг аввало, кимдан нажот кутамиз? Жисмимиз оғриқдан зир-зир титраб, нафас олишга ҳам мажолсиз қолганимизда-чи? Соғлиғимиз ёмонлашиб, тўшакда жон талашиб ётганимизда биринчи бўлиб ёрдамга ошиқадиганлар кимлар?

Албатта, шифокорларимиз, янаям аниқроғи, куну тун сергак, кўмакка ҳамиша шай “тез ёрдам” хизмати ходимлари!

Аммо орамизда “иситмам кўтарилмадимикан?”, “қон босимимни ўлчатай-чи?”, “уколимни қилдириб олсаммикан?” деган важлар билан ҳам “тез ёрдам”га сим қоқишади. Қолаверса, ёлғон ва асоссиз чақирувлар туфайли тизим ходимларини овораю сарсон қилувчилар ҳам, афсуски, учраб турибди.

Табиийки, бундай ҳолатлар хизмат бригадасининг баъзан оғир беморлар манзилига кечикиб етиб боришига сабаб бўлади. Оқибатда инсонлар ҳаёти хавф остида қолиши мумкин.

Юқоридаги видеоролик баъзи юртдошларимиз учун ибрат бўлса, ажаб эмас. Зеро, “тез ёрдам” хизматида ҳар дақиқа ҳисобли, ҳар сония ғанимат.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

Когда мы мучаемся от болезни, от кого в первую очередь ждем помощь? А когда наше тело дрожит от боли и нет сил даже дышать? Когда нам совсем плохо и мы лежим в постели в надежде на спасение – кто спешит к нам на подмогу?

Конечно, это наши врачи, а точнее, сотрудники службы «Скорой помощи» которые бдят, несмотря на время суток!

Но среди нас встречаются люди, которые звонят в «Скорую помощь» с мыслями вроде «А не поднялась ли у меня температура», «Стоило бы мне измерить давление», «А не попросить ли у них сделать мне укол?» К тому же, есть те, кто тревожит сотрудников системы ложными и безосновательными вызовами.

Естественно, что из-за таких случаев служебная бригада иногда опаздывает по адресату тяжелобольных граждан. В итоге жизнь людей может остаться в опасности.

В этом смысле, этот ролик может послужить уроком для некоторых наших соотечественников. Так как каждая минута и даже секунда имеет значение в службе «Скорой помощи».

Пресс-служба
Министерства здравоохранения.

▶️@ssvuz
▶️@ssvmatbuotkotibi

​Дунёдаги мавжуд ўлим кўрсаткичларининг 23 фоиздан ортиғи наркотиклар суистеъмоли билан боғлиқ!

Гиёҳвандлик аянчли иллатгина эмас, глобал офат ҳамдир. Чунки бугун айни шу хатар инсоният саломатлиги, тақдири ва ҳатто келажагига раҳна солиб турибди.

Ўзбекистон Республикаси Соғлиқни сақлаш вазирлиги Бош наркологи, Республика ихтисослаштирилган наркология илмий-амалий тиббиёт маркази директори, тиббиёт фанлари доктори Зарифжон АШУРОВ шу ҳақдаги фикр-мулоҳазалари билан ўртоқлашди.

— БМТнинг Наркотиклар ва жиноятчиликни назорат қилиш бошқармаси маълумотларига кўра, ҳозирги кунда дунё аҳолисининг 31 миллиондан ортиғи гиёҳванд моддалар суистеъмоли туфайли жиддий касалликлардан азият чекади ва уларнинг аксарияти ёшлардир, — дейди Зарифжон Шарифович. — Ачинарлиси, ер юзидаги барча ўлимлар кўрсаткичининг 23 фоизидан ортиғи наркотиклар суистеъмоли билан боғлиқ.

Яна бир ўта оғриқли жиҳат: ушбу ўлимлар миқдорининг қарийб 5 фоизини 15-29 ёш оралиғидаги йигит-қизлар ташкил этмоқда. Мазкур кўрсаткичлар йилдан-йилга яшариб бораётгани эса бутун дунё аҳлини жиддий ташвишга солмоқда. Қолаверса, ёшлар орасида психостимуляторлар, янги синтетик гиёҳванд моддалар истеъмоли оммалашяпти.

Афсуски, бу борада Ўзбекистонда ҳам вазият яхши, деб бўлмайди. Жорий йилнинг 9 ойи якунларига кўра, 5 мингга яқин юртдошимиз гиёҳвандликка қарам кишилар ҳисобида турибди. Уларнинг 31 фоизини 20-40 ёшдагилар ташкил этади. Бундан ташқари, мазкур дардга мубтало бўлганларнинг 1,8 фоизида ОИВ инфекцияси аниқланган.

Албатта, ушбу глобал хавф кўлами кенгайиши унга қарши кураш самарадорлигини оширишни тақозо этаяпти. Шу мақсадда яқинда Ҳамдўстлик давлатларининг наркология соҳасида фаолият олиб борувчи етакчи мутахассислари Россия Федерацияси пойтахтида тўпланишди. Биз ҳам Ўзбекистон делегацияси таркибида ана шу тадбирда қатнашдик.

“Руҳий саломатлик: Келажакка назар” деб номланган мазкур VIII Миллий Конгресс ҳамда “Россия Федерацияси наркология хизматининг фаолият тажрибаси” мавзусидаги конференцияда наркология соҳасидаги муаммолар, уларнинг ечимлари, касалликни ташҳислаш, даволаш, олдини олиш ва тиббий-ижтимоий реабилитация қилишга доир янги ёндашувлар ҳақида илмий-амалий янгиликлар тақдим этилди.

Шу билан бирга, ташрифимиз доирасида хорижлик ҳамкасбларимиз билан фикр ва тажриба алмашдик. Якунда наркология марказимиз билан Москва шаҳри наркология илмий-амалий маркази ҳамда Бошқирдистон Республикаси Соғлиқни сақлаш вазирлигининг 2-сонли наркология диспансери ўртасида Меморандум, В.П. Сербский номидаги наркология ва психиатрия Миллий тиббий тадқиқот маркази билан эса келишув лойиҳаси имзоланди.

Шунга мувофиқ, келгусида ўзаро ҳамкорликда илмий тадқиқотлар, илмий-техник лойиҳалар ишлаб чиқилиб, рўёбга чиқарилиши кўзда тутилган. Бинобарин, илмий ходимларимизни Россияга ўқиш ва малака ошириш учун жўнатмоқчимиз. Қўшма илмий-амалий конференциялар, семинарлар, ишчи учрашувларини ўтказиш режалаштирилди.

Ўйлайманки, буларнинг барчаси Ўзбекистонда гиёҳвандлик тарқалишининг камайишига ва унга тобеъ бўлган беморлар самарали даволаниб, жамиятнинг тўлақонли соғлом аъзолари сафига қайтишига замин яратади.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​МАМЛАКАТИМИЗДА ПРОФИЛАКТИКА ВА СОҒЛОМЛАШТИРИШ КУНЛАРИ БЎЛИБ ЎТМОҚДА

Соғлиқни сақлаш вазири буйруғи билан жорий йилнинг 4 октябридан 20 октябригача Профилактика ва соғломлаштириш кунларига старт берилди.

2021 йилда ялпи хатлов натижасида аҳолининг саломатлик ҳолатини ўрганиш амалиёти илк бора ўтказилди, саломатлик ҳолати ва касалланиш даражасидан келиб чиқиб, аҳоли 4 та хавф гуруҳларига таснифлангани ҳақида хабар бериб борган эдик.

Бунда саломатлигидан шикоят бўлмаган, соғлом турмуш тарзи тамойилларига риоя қилувчи аҳоли 1-гуруҳга, амалда соғлом бўлса-да, турли хил касалликлар хавф омиллари бўлган, тез-тез касал бўлувчи аҳоли 2-гуруҳга, сурункали касалликларга чалинган, лекин уларнинг асоратлари намоён бўлмаганлар 3-гуруҳга ҳамда сурункали касалликлар асоратлари бор, ногирон ва ўзгалар парваришига муҳтож аҳоли 4-гуруҳга таснифланди.

Ҳар бир гуруҳ вакиллари учун индивидуал тарзда оила шифокори ёки заруратга кўра, тор соҳа мутахассисларининг назорати, соғломлаштириш ва реабилитация режалари махсус стандартларга мувофиқ белгиланди.

Бошланган ушбу профилактика ва соғломлаштириш ҳафталигини ўтказишдан асосий мақсад, пандемия ҳолати енгиллашган даврда аҳоли орасида соғлом турмуш тарзини шакллантириш бўйича индивидуал ва оммавий тадбирларни янада жадаллаштириш, беморлар ҳолидан хабар олиш ва уларни яшаш жойларида ихтисослаштирилган амбулатор ва стационар ёрдам олишларини таъминлаш ҳамда йил давомида амалга оширилган ишларни сарҳисоб қилишдан иборат.

Амалга оширилаётган ишлар самарадорлигини ошириш, жойлардаги раҳбарлар ва тиббий ходимларга амалий ва услубий ёрдам кўрсатиш мақсадида Соғлиқни сақлаш вазири ўринбосари Элмира Баситханова ва Аҳолининг соғлом турмуш тарзини қуллаб-қувватлаш ва жисмоний фаоллигини ошириш маркази директори Барно Одилова Қорақалпоғистон Республикаси ва Хоразм вилоятида бўлди.

Шу йилнинг 7-9 октябрь кунлари бўлган ушбу хизмат сафари давомида ҳудудлардаги мавжуд муаммоларнинг ечимларини ўз жойида ҳал қилиш ва режалаштирилган тадбирларни ҳамкорликда амалга ошириш мақсадида Қорақалпоғистон Республикаси Вазирлар Кенгаши раиси ўринбосари М. Жуманов билан учрашув бўлиб ўтди.

Шунингдек, Қўнғирот ва Чимбой туманларида тиббиёт ходимлари билан суҳбатлар ўтказилиб, маҳаллаларда амалга оширилган ишлар билан танишилди ва уйда ётиб қолган беморлар ҳолидан хабар олинди. Уларга тегишли мутахассислар консилиуми ўтказилди ва маслаҳатлар берилди.

Элмира Баситхонова бошчилигида Хоразм вилоятининг Боғот ва Янгибозор туман тиббиёт бирлашмаларида ташкил қилинган ҳудудий семинарларда вилоят соғлиқни сақлаш бошқармаси, шаҳар ва туман тиббиёт бирлашмалари мутасаддилари, бирламчи тиббиёт муассасалари раҳбарлари иштирокида профилактика ва соғломлаштириш кунларида амалга оширилаётган ишлар таҳлил қилинди.

Учрашувлар давомида ҳудудларда ташкил қилинган туманлараро перинатал марказлар ва кўп тармоқли марказий поликлиникалардаги "Аёллар маслаҳатхонаси" бўлими, "Қизлар саломатлиги маркази” ,“Она ва бола кластери” , "онко-назорат" хонаси, болалар бўлими фаолиятлари ҳам ўрганилиб, янги вазифалар белгиланди.

Шунингдек, маҳалла фуқаролар йиғинларида ташкил қилинган “Саломатлик мактаби” фаолияти ҳам ўрганилди. Бунда МФЙ идорасидаги “Саломатлик бурчаги” ҳолати, маҳалланинг тиббий бригадаси томонидан аҳолининг 1- ва 2- гуруҳлар билан ишлаш жараёнлари, 3- ва 4-гуруҳ фуқаролари билан ишлаш ҳолати таҳлил қилинди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​❗️Кеча юртимизда коронавирус инфекциясига чалинган беморлар сони 350 нафардан камайиб, яна 380 нафарга яқин киши касалликдан тўлиқ соғайди

🔺2021 йил 13 октябрь ҳолатига кўра, Ўзбекистонда коронавирус инфекцияси қайд этилганлар сони 179711 (+340) нафарни ташкил этмоқда.

🔴Янги касалланиш ҳолатларининг:
📌5 нафари Қорақалпоғистон Республикасида,
📌13 нафари Андижон вилоятида,
📌6 нафари Бухоро вилоятида,
📌9 нафари Жиззах вилоятида,
📌5 нафари Қашқадарё вилоятида,
📌2 нафари Навоий вилоятида,
📌11 нафари Наманган вилоятида,
📌42 нафари Самарқанд вилоятида,
📌10 нафари Сирдарё вилоятида,
📌4 нафари Сурхондарё вилоятида,
📌23 нафари Фарғона вилоятида,
📌13 нафари Хоразм вилоятида,
📌53 нафари Тошкент вилоятида,
📌144 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 11 нафар,
🔹Андижон вилоятида 13 нафар,
🔹Бухоро вилоятида 7 нафар,
🔹Жиззах вилоятида 7 нафар,
🔹Қашқадарё вилоятида 3 нафар,
🔹Наманган вилоятида 30 нафар,
🔹Самарқанд вилоятида 43 нафар,
🔹Фарғона вилоятида 22 нафар,
🔹Хоразм вилоятида 18 нафар,
🔹Тошкент вилоятида 63 нафар,
🔹Тошкент шаҳрида 162 нафар бемор тузалиб, касалликдан соғайганлар жами 175571 (+379) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 4 нафар коронавирусга чалинган бемор вафот этиб, касалликдан вафот этганлар сони 1280 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi