​ССВ: Байрам кунлари тиббиёт муассасалари туну кун ишлайди

Президентимизнинг тегишли фармонига кўра, Янги йил байрамида юртдошларимиз 31 декабрдан 5 январгача кетма-кет 5 кун дам олади. Ана шу даврда халқимизнинг хотиржамлиги ҳамда саломатлигини таъминлаш — ўта муҳим масала.

Шундан келиб чиққан ҳолда, байрам кунларида мамлакатимиздаги тиббиёт муассасалари фаолиятини мувофиқлаштириб бориш мақсадида Соғлиқни сақлаш вазирлигида штаб ташкил этилди ва бугун унинг дастлабки йиғилиши ўтказилди.

Унда қайд этилганидек, 31 декабрь — 4 январь кунларида қуйидаги даволаш-профилактика муассасаларида 40 минг нафар тиббиёт тизими ходими навбатчилик асосида аҳолига хизмат кўрсатади:

✅ 995 та оилавий поликлиника,
✅ 858 та оилавий шифокор пункти,
✅ туман, вилоят ва республика миқёсидаги барча шифохоналар,
✅ ихтисослаштирилган илмий-амалий тиббиёт марказлари,
✅ тиббиёт олий ўқув юртлари клиникалари.

Шунингдек:

✅ Республика шошилинч тиббий ёрдам илмий маркази, унинг ҳудудлардаги 13 та филиали ҳамда 180 та аҳоли пунктида жойлашган субфилиалларида 24 соат давомида навбатчи шифокор ва ҳамширалар фаолият юритади. Ушбу муассасалар зарур дори-дармонлар билан таъминланиб, захира ўринлари яртилди.

🏨 Call-марказ (1003) орқали малакали мутахассислардан коронавирус бўйича саволларингизга туну кун жавоб олишингиз мумкин.

Ўз навбатида, мамлакатимиз бўйлаб 2861 та тез тиббий ёрдам бригадаси аҳолидан бўладиган чақириқлар учун доимо шай ҳолатда туради.

Бундан ташқари, байрам кунлари 238 та туғруқ муассасаси ҳам узлуксиз фаолият кўрсатади.

Санитария-эпидемиололгия хизматининг марказий аппарати ва ҳудудлардаги 14 та бошқарма ҳамда 203 та аҳоли пунктида жойлашган бўлимларида ҳам 24 соат давомида 200 нафардан зиёд навбатчи шифокор, қарийб 200 нафарга яқин врач-лаборант ва ёрдамчи ходимлар ўз фаолиятини давом эттиради.

Соғлиқни сақлаш вазирлиги байрам ва дам олиш кунларида ишлайдиган тиббиёт ходимларига ўз миннатдорлигини билдиради.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

Мўъжизаларга ишонасизми? Мен ишонаман. Бутун вужудим билан, ҳар лаҳзада. Мўъжизага ишонсаккина, у содир бўлади.

Очиғи, «Кўнгил кўзи» лойиҳасига энди киришганимизда катта ҳаяжон бор эди. Боиси, мақсадимиз ӯта мураккаб — бу дунёнинг ёрқин рангларини кўра олмайдиган, у ҳақда фақат бировдан эшитган ва тасаввурида фараз қиладиган болажонларга ёрдам бериш эди. Лойиҳани амалга ошираётган катта жамоамиз 3 мингдан зиёд болани кенгайтирилган кўрикдан ўтказди. Ташхис натижасига кӯра кўриш қобилияти яхшиланишига умид бӯлганлари операция қилинди. Бундай болалар сони 400 нафарга етди.

Камила Есбергенова қувончдан кўз ёшларини тиёлмайди. Чунки олдин унга операция қилишдан фойда йўқ, деб айтилган. Садоқат Тулибаева шашка бўйича жаҳон чемпиони бўлди. Коля Аношкин биринчи интервьюсини ӯзи камерага суратга олди. Кўзлари операциягача деярли кўрмаган Кумуш эса менга хат ёзди. Булар мўъжиза эмасми?

Мўъжизага ишонинг. Нафақат янги йил арафасида, балки ҳамиша...

Манба

▶️@ssvuz
▶️@ssvmatbuotkotib

CCВ расмий каналида берилган хабарлар 66 миллион мартадан кўп кўрилди

Якунланиб бораётган йил соғлиқни сақлаш тизимида янгиликларга бой бўлди. TGStat.com сайти маълумотларига кўра, CCВ расмий каналида йил давомида 4,2 мингдан ортиқ хабар берилди.

Телеграмнинг ўзбек сегментида тиббиёт йўналишидаги каналларнинг ТОП-рўйхатида 5-ўринни эгаллаган расмий саҳифа хабарлари кунига 96,9 минг марта ўқилган.

2021 йил давомида Соғлиқни сақлаш вазирлиги расмий саҳифасидан 2 387 та канал иқтибос олган.

Соғлиқни сақлаш соҳасига оид энг сўнгги ҳодисалардан @ssvuz орқали хабардор бўлинг! Янги – 2022 йилда ҳам биздан узоқлашманг!

▶️@ssvuz
▶️@ssvmatbuotkotibi

​❗️ Кеча юртимизда 135 нафарга яқин кишида коронавирус инфекцияси аниқланди, яна ўлим ҳолати қайд этилмади

🔺2021 йил 30 декабрь ҳолатига кўра, Ўзбекистонда коронавирус инфекцияси қайд этилганлар сони 198903 (+134) нафарни ташкил этмоқда.

🔴Янги касалланиш ҳолатларининг:
📌11 нафари Андижон вилоятида,
📌9 нафари Бухоро вилоятида,
📌7 нафари Жиззах вилоятида,
📌8 нафари Қашқадарё вилоятида,
📌1 нафари Навоий вилоятида,
📌4 нафари Наманган вилоятида,
📌15 нафари Самарқанд вилоятида,
📌1 нафари Сирдарё вилоятида,
📌1 нафари Сурхондарё вилоятида,
📌6 нафари Фарғона вилоятида,
📌14 нафари Хоразм вилоятида,
📌24 нафари Тошкент вилоятида,
📌33 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Андижон вилоятида 6 нафар,
🔹Бухоро вилоятида 7 нафар,
🔹Жиззах вилоятида 8 нафар,
🔹Қашқадарё вилоятида 2 нафар,
🔹Навоий вилоятида 2 нафар,
🔹Наманган вилоятида 7 нафар,
🔹Самарқанд вилоятида 13 нафар,
🔹Сурхондарё вилоятида 2 нафар,
🔹Фарғона вилоятида 9 нафар,
🔹Хоразм вилоятида 10 нафар,
🔹Тошкент вилоятида 30 нафар,
🔹Тошкент шаҳрида 76 нафар бемор тузалиб, касалликдан соғайганлар жами 196012 (+172) нафарга етди ва соғайиш кўрсаткичи 98 фоизни ташкил этмоқда.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

❗️2021 йилнинг сўнгги эмлаш кунида мамлакатимизда жами 39,2 миллион дозадан ортиқ вакцинадан фойдаланилди

🔺30 декабрда мамлакатимиз ҳудудлари бўйлаб 167 131 доза COVID-19га қарши вакцина қўлланилди. Улардан:
💉1-босқич эмланганлар 25 001 нафарни,
💉2-босқич эмланганлар 88 000 нафарни,
💉3-босқич эмланганлар 54 130 нафарни ташкил қилди.

❗️Айни кунгача мамлакатимизда жами 39 203 933 доза вакцинадан фойдаланилди. Улардан:
💉1-босқич эмланганлар 18 838 626 нафарни,
💉2-босқичда эмланганлар 13 507 790 нафарни,
💉3-босқич эмланганлар 6 857 517 нафарни ташкил қилди.

📊Кеча эмлаш кўрсаткичлари бўйича юқори ўринларни:
📌 Андижон вилояти (35 035 доза),
📌 Самарқанд вилояти (25 203 доза),
📌Тошкент шаҳри (20 049 доза) банд қилди.

❗️Биринчи доза билан эмланиш кўрсаткичи эмланиши режалаштирилган қатламга нисбатан 87,8 фоизни, тўлиқ босқичларда эмланиш кўрсатчики эса 63,1 фоизни ташкил қилмоқда.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

Халқимизнинг тиббиёт ходимларига меҳри, ҳурмат ва эътибори юксак. Уларнинг фидойи меҳнатларини эса ҳеч нима билан қиёслаб бўлмайди.

Айниқса, барчамиз қадрдон оила даврасида Янги йил байрамини хурсандчилик билан қарши олаётган мана шундай дамларда “Тез ёрдам” ходимлари эл саломатлиги йўлида кунни тунга, тунни тонгга улаб, сидқидилдан хизмат қилаётгани ҳар қандай эътирофга лойиқ.

Хусусан, байрам ва дам олиш кунларида мамлакатимиз бўйлаб 2861 та тез тиббий ёрдам бригадаси ва CALL-марказ ходимлари аҳолидан бўладиган чақириқларга ўз вақтида жавоб бериш ва уларга биринчи тиббий ва тиббий-психологик ёрдам кўрсатиш мақсадида сидқидилдан меҳнат қилаётир.

Бир сўз билан айтганда, ушбу фидойи касб эгалари эл корига ярашдек эзгу хислатларни яна бир бор амалда намоён этмоқда, десак муболаға бўлмайди.

Буни эса қуйидаги видеолавҳани томоша қилиб, ўзингиз ҳам амин бўласиз.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​​Ҳурматли тиббиёт ходимлари!

Азиз шифокор ва ҳамширалар!

Сизларни кириб келаётган Янги – 2022 йил билан чин юракдан қутлайман!

Халқимиз саломатлиги йўлида билим ва иқтидорингиз, куч-ғайратингизни бағишлаб, кечани кундузга улаб, садоқат билан қилаётган меҳнатларингиз таҳсинга сазовордир.

Зеро, ҳурматли Президентимиз таъкидлаганларидек: “Инсон саломатлиги – жамиятнинг бебаҳо бойлиги, шифокорлар эса ана шу бойликнинг фидойи посбонларидир”.

Аҳоли саломатлигини сақлаш борасида ўзингизни аямай амалга ошираётган самарали саъй-ҳаракатларингиз – эзгулик ва олийжанобликнинг юксак намунасидир. Аминманки, мамлакатимизда тиббиёт соҳасига қаратилаётган юксак эътибор ва чексиз ғамхўрлик барчамизни жипслашиб, халқни рози қилишдек эзгу мақсадни амалга оширишга ундайди.

Янги йил остонасида эл саломатлиги посбонлари бўлган – Сиз, азиз тиббиёт ходимларини қутлуғ айём билан яна бир бор муборакбод этиб, барчангизга мустаҳкам соғлик, узоқ ва баракали умр, хонадонларингизга осойишталик ва файзу барака тилайман!

Ойдин орзу-умидларингиз, яхши ният ва мақсадларингиз рўёбга чиқсин! Доимо халқ ардоғида бўлинг!

Беҳзод МУСАЕВ,
Ўзбекистон Республикаси
Соғлиқни сақлаш вазири.

Президент Шавкат Мирзиёев Янги йил муносабати билан Ўзбекистон халқига табрик йўллади.

Табрикда Ўзбекистонда 2022 йил Инсон қадрини улуғлаш ва фаол маҳалла йили деб эълон қилинди.

@ssvuz
@ssvmatbuotkotibi