📖Maktab va maktabgacha ta'lim tashkilotlari yangi jihozlar bilan ta'minlandi

➡️Bugun Bandixon tumanidagi 9-sonli davlat maktabgacha ta'lim tashkilotida tashkil etilgan "Metodik mahorat kuni" tadbirida viloyat hokimi Ulug‘bek Qosimov, viloyat Maktabgacha va maktab ta'limi boshqarmasi boshlig‘i Xusniddin Mamadiyev ishtirok etishdi. Tadbirda viloyatning har bir hududidan tanlab olingan tayanch maktabgacha ta’lim tashkilotlariga Maktabgacha va maktab ta'limi vazirligi tomonidan ajratilgan 330 ta planshet, 15 ta elektron doska hamda televizorlar topshirildi.

⭐️Shuningdek, tumandagi 43-sonli maktabda o‘tkazilgan tadbirda shahar va tumanlardagi 21 ta maktabga Maktabgacha va maktab ta'limi vazirligi tomonidan taqdim etilgan jami qiymati 2,6 mlrd so‘mlik 38 turdagi sport anjomlari tuhfa qilindi. Viloyat rahbari Prezidentimizning Surxondaryo viloyatida ta’lim sifatini oshirish, maktab va bog‘chalar moddiy texnika bazasini mustahkamlashga qaratayotgan e’tibori hamda bu borada ko‘rsatayotgan ko‘magi uchun Maktabgacha va maktab ta’limi vazirligiga minnatdorchilik bildirildi.

➡️Shuningdek, maktabda tashkil etilgan to‘garaklar faoliyati bilan tanishilib, ta’lim sifatini oshirish, dual ta’lim tizimini sifatli yo‘lga qo‘yish yuzasidan tavsiyalar berildi.

👍Telegram   👍Facebook
👍Instagram 👍You tube
👍Twitter       👍Veb-sayt