"Мен нима дегандим" китоби, 214 бет.

Ўша машҳур Шота Руставели кўчаси. Айнан мен видеога олган жой ))

©️Девор бўлмаса кўчани кўрадиган Конфуций )

@tanishgaplar

Провокацияга берилмаймиз, дўстлар!)

Расмдаги жараён канализация люкини очиш жараёни. Истаса-истамаса қилиниши керак бўлган иш. Стандарт жараён.

Люк ўзи шундай очилади.

Биз бунга қарши эмасмиз. Биз янги йўлни кавлаб, коммуникация ўтказилишига қаршимиз холос.

Авторақамга исм ёзишда фақат 6 та харф ишлатиш мумкин экан. Бир умр адночиларга кулиб юрган одам сифатида, қалбимда чуқур қайғу билан DILWOD деган авторақам олишга мажбур бўламан шекилли 😅

Sh - ş
Ch - ç
gʻ - ğ
Oʻ - ö бўлганда, адночиларга кулгу бўлмай ҳам исмларни сиғдира олган бўлардик(

@tanishgaplar

Усталарда айб йўқ! ))

©️ Яхши Гумонли Конфуций

@tanishgaplar

Бастиан хаммангизга салом айтворди. Яқинда келаркан )

Бу йил Аллоҳнинг меҳрибончилиги сабабли жуда гўзал ўтмоқда.

Шу йил аямни Хажга жўнатдим.
Шу йил узоқ йил ният қилган уй қурилишини бошладим. Томини ёпиб бўлдик.
Шу йил катта ўғлим Малайзиянинг энг яхши университетларидан бирига талаба бўлди. Кеча кечаси йўлга кузатгандик.

Бизнес тарафлама ҳам жуда омадли кетяпти, бу йил бир нечта йирик меҳмонхоналар лойиҳалари ва бошқаруви бизга топширилди.

Мана бугун азонда тўртинчи фарзандимиз дунёга келди. Тўртинчи фарзанд, учинчи ўғил!

Аллоҳга беҳисоб шукр!

Аллоҳ барчамизни такрор-такрор суюнтирсин!

©️ Хурсандчилигини баҳам кўраётган Конфуций

Нима учун ижтимоий тармоқларда реклама берганларнинг кўпчилиги товар ёки хизматининг нархини айтмай "директдан жавоб берамиз" дейди? Жавоби видеода ))

©️ Тарихшунос Конфуций

@tanishgaplar

Ҳурматли ўта замонавий, Европани киндигида туғилганликка даво қилиб, аслида Европага алоқаси бўлмаган рус тилида гапириш билан ақлли кўринмоқчи бўлганлар!
"Йипонияда", "Турцида" "Малдивыда" демасдан, оғизни тўлдириб "Японияда, Туркияда, Малдивда" деяверинглар-ей, ўзбекмизу! 😜

©️Ўзбек Конфуций

@tanishgaplar

Ақлли кўринмоқчи бўладиганларнинг сирларини фош қиламиз! 😅



@tanishgaplar

"Фойдали маълумот олдим" , "ҳолат" десангиз - оддий одамсиз.

"Инсайт олдим", "кейс" десангиз, ғирт европаликсиз-да! 😅

©️ "Современный" Конфуций

@tanishgaplar

Агар меҳмонхона Фаберлик ёки Herbalife каби тармоқли бизнесга ўхшаганда:

Белбой - сумка ташиш директори
Официант - таом ташиш директори
Хона тозалаш ходими - хона тозалаш директори.
Идиш ювувчи - идиш ювиш директори бўлган бўларди.

Уларнинг менеджерлари эса "Рестораннинг кумуш директори", унинг раҳбари "рестораннинг олтин директори" бўларди.

Бош менеджер - бриллиант директор бўлган бўларди.

Меҳмонлар - меҳмон директор дейиларди 😂

Изоҳ директорларини изоҳда кутаман. Пост директори учун фикрингиз қизиқ 😂

#Torsde

©️Директор Конфуций

@tanishgaplar

Корпоративларда ишхона ва жамоага омад, барака тилаб тост айтаётганда энг муҳими стол устидаги пичоқларни йиғиштириб қўйишни эсдан чиқармасликдир. Дуони кесиши мумкин))

©️ Иримчи Конфуций

@tanishgaplar

Британиялик олимларнинг изчил изланишлари натижасида маълум бўлишича, ароқни хўплашдан аввал "кху" деб қўйилишидан ароқнинг хабари йўқлиги туфайли, таркибида бирор нарса ўзгариб, масалан, сувга айланиб қолмас экан.

©️ Кузатувчи Конфуций

@tanishgaplar

"Мақтанишмас-у.." деб мақтаниб қўядиган нима воқеалар бўлди бу йил ҳаётингизда?))

@tanishgaplar

#Бастиан

Бастиан янги йилни Ўзбекистонда кутиб олиш учун йўлга чиқаётиб дўстидан "ўзим билан зўр пиротехника воситалари олиб келсам бўладими?" деб сўраганда дўсти "олиб келма, пиротехникани Ўзбекистонга олиб кириш мутлақо мумкин эмас" деган жавобни олган экан.

Етиб келиб, дўсти билан кўчада юрса, пиротехникани ҳар турлиси ҳатто қуртчи холалардаям сотилаётган эмиш.

Дўстига ҳайрон бўлиб "пиротехника умуман кирмайди, мутлақо мумкин эмас дегандинг, ҳар қадамда сотиляпти-я?" дебди.

Дўсти Бастианга "тўғри, аслида мутлақо мумкинмас. Аммо чегараларда хи хо хо ха хо хо.." дейишга уялиб, нима дейишни билмасдан "булар олиб келинмаган, ўзимизда ишлаб чиқарилган маҳсулотлар ҳаммаси" деб қўя қолибди.

Анчадан бери Ўзбекистонга келмаган Бастиан бу ердаги ишлаб чиқаришнинг нақадар тез ривожланиб кетганига, ҳатто пиротехника воситаларигача ишлаб чиқариш йўлга қўйиб юборилганига яна бир бор қойил қолибди.

Сиз ҳам қойилмисиз? ))

@tanishgaplar

Assalomu alaykum do'stlar!

Barchangizni Ramazon Bayrami bilan qutlayman!

Oilangizda hamisha qut-baraka, ishingizda unum bo'lsin! Qilgan ibodatlaringiz va ehsonlaringiz qabul bo'lgan bo'lsin!

Hurmat bilan,

Qizil kitobga kiritilgan admin Konfutsiy🫡

Маданий тадбирлар маданияти.

Кеча Жаҳонгир Отажоновнинг концертига бордик. Концерт зўр бўлди, лекин гап концерт ҳақида эмас, концерт маданияти ҳақида.

19.00 га эълон қилинган концерт соат 20.10 да бошланди. Сабаби, 19.30 даям ҳали кўпчилик залга кириб келмаган эди. Сабаби, вақтида кириб келишса, барибир бошқа кеч қолганларни кутишларига тўғри келарди-да)

Доим шундай, концерт, театрлар ҳеч қачон вақтида бошланмайди. Чунки аксарият "ақлли", "ишни кўзини биладиган" одамлар доим кеч келади. Уларнинг касрига эса вақтида келганларнинг вақти исроф бўлади.

Бир халқаро оркестрнинг концертига тушгандик. Концерт давомида мусиқага қўшиб, орқамиздаги томошабинларнинг болаларига олиб берган чипсининг пакетини шиқирлашини эшитдик, унинг устига концерт давомида тинимсиз олдимиздан у ёқдан бу ёққа одамлар ўтиб туришди. Охири биттасини тўхтатиб, эътироз билдирсам, "ҳожатгаям чиқиб бўлмайдими энди?" деди. Албатта, ҳожатга чиқиш зарурат бўлиб қолса, чиқишга мажбур бўлади, аммо, концертга кираётганини билгандан кейин, киришда ҳожатхоналар мавжуд бўлгандан кейин, концертга киришдан олдин шу эҳтиёжини бажариб олиб, бир соат концертда тинч ўтириш мумкин-ку, дейман-да!

Шу фурсатдан фойдаланиб, концерт ва театрларга кириш учун тавсияларни ёзиб қўймоқчиман.

1. Концертга вақтида келинг. Бошқалар кеч келади, уларни кутаман деб атайлаб кеч келманг. Сиз вақтида келишни ўзингиздан бошланг. Ҳамма секин-секин шундай тартибга тушиб олади.

2. Концерт бошланишига яқин қолганда ҳожатингизни бажариб олинг. Шунда 1-2 соат бировниям, ўзингизниям безовта қилмайсиз.

3. Концертга терлаб, сасиб борманг. Ёнингиздагиларга раҳмингиз келсин.

4. Концертга, айниқса театрга ёш болалар билан борманг. Сизнинг болангизнинг инжиқликлари ва шовқинини сиз кўтарасиз. Бошқалар эса бунга мажбур эмас, улар дам олгани келишган.

5. Чипс жониворни концерт, театр ёки кинотеатрга киришдан олдин ёки кейин истеъмол қилинг. Шу зорманда емаса бўлмайдиган маҳсулот эмас. Қорнингиз оч бўлса, концертдан аввал қорин тўйдириб олинг.

6. Бирор нарсадан жўшиб кетсангиз, чийиллатиб хуштак чалманг. Хуштак овозининг частотаси жуда ёқимсиз таъсир қилади. Атрофингиздагиларнинг қулоғига ёмон таъсир қилади. Айниқса, ҳар тўртта одамнинг бирининг қулоғида тинитус (қулоқ шанғиллаши) бор бир даврда. Тинитус бўлган одамга концертда нима бор, дейсизми? У концертга ўзи шунга рози бўлиб, билет сотиб олган. Сизнинг хуштагингизга эса пул тўламанмаган, репертуарда бўлмаган)

7. Концерт тугаётганини сезиб қолиб, туриб, чиқишга ҳаракат қилманг. Сизга ўхшаган бошқа ишни кўзини биладиганлар билан биргаликда тугамаган концерт йўлакларида тирбандлик ҳосил қилиб, концертни охиригача кўраётганларга ҳалақит берасиз.

8. Кинотеатрда ва театрда телефонингизнинг экранини ёқаверманг. Айниқса, кинотеатрда бу бошқаларнинг кўзини олади.

Концерт ташкилотчилари ҳам тартибни қаттиқроқ қилиши керак. Билетга худди авиабилетларда бўлгани каби "кириш фалон вақтгача" деб ёзиб қўйиш керак. Ундан кеч келганлар киритилмаслиги керак. Шунда одамлар кеч қолмаслик йўлини қилишади.

Концерт, театр томошаларига самолёт ёки поезд рейсидек қараш керак. Вақтида келдингми, рейсга ўтир, кеч қолдингми, поезд кетди!

#torsde
©️Маданиятшунос Конфуций

@tanishgaplar

Бу йил технологик янгиликларга бой бўляпти.

Масалан, Xiaomi 1 секундда 100 км/соат тезликка чиқа оладиган, баллонлари магнитда турадиган суперкар эълон қилди.

Кеча Apple ҳам Iphone ни янги рангда тақдим қилди. Ана буни янгилик деса бўлади! ))

Негативлар "Букланадиган телефонам янгиликку!" дейиши мумкин. У янгилик эмас, Самсунг, Хуавейларнинг эскилиги эди))

Торсде!

©️Интригант Конфуций

P. S. Бормисиларэй, дўстлар?! ))

10 дақиқадаги натижа. Инстграмда обуна бўлмаганлар борми?