#konferensiya

ILM-FAN NAMOYANDALARI TERDUDA JAM BO‘LDI

🟢Xabar berganimizdek, bugun — 21-sentyabr kuni Termiz davlat universitetida matematika fanining zamonaviy va istiqbolli yo‘nalishlariga bag‘ishlangan “Matematik analiz va matematik fizika tenglamalarining zamonaviy masalalari” mavzusidagi xalqaro ilmiy-amaliy konferensiya o‘z ishini boshladi.

🟢21–22-sentyabr kunlari davom etadigan nufuzli anjuman Termiz davlat universiteti hamda O‘zbekiston Respublikasi Fanlar akademiyasi V.I. Romanovskiy nomidagi Matematika instituti hamkorligida tashkil etildi. Xalqaro konferensiyaning asosiy maqsadi — matematika va unga tutash zamonaviy ilmiy yo‘nalishlarda olib borilayotgan fundamental va amaliy tadqiqotlar natijalarini muhokama qilish, ilg‘or ilmiy g‘oyalar va tajribalar almashish hamda olimlar o‘rtasidagi ilmiy hamkorlikni yanada rivojlantirishdan iborat.

🟢 Nufuzli ilmiy muloqot maydonida Qozog‘iston Respublikasi Fanlar akademiyasi akademigi, Boshqirdiston Respublikasi Fanlar akademiyasi muxbir a’zosi, Tojikiston Milliy Fanlar akademiyasi A. Jo‘rayev nomidagi Matematika instituti akademigi, shuningdek, Turkiyaning U‘shak universiteti professorlari ishtirok etmoqda.
Konferensiya dasturidan yalpi majlislar va 6 ta ilmiy sho‘ba o‘rin olgan. Sho‘balarda matematika, matematik fizika, dinamik sistemalar, sonli usullar, matematik modellashtirish hamda sun’iy intellektning istiqbolli texnologiyalari kabi dolzarb yo‘nalishlar muhokama qilinmoqda.

Anjuman doirasida fizika-matematika fanlari doktori, professor Miraxmat Mirsaburovning 75 yoshga to‘lishi munosabati bilan yubiley tadbiri ham tashkil etilmoqda. Mazkur xalqaro anjuman olimlar va tadqiqotchilar uchun ilmiy natijalar, ilg‘or g‘oyalar va yangi tadqiqot yo‘nalishlarini muhokama qilish bilan birga, xalqaro ilmiy aloqalarni mustahkamlash va kelgusidagi hamkorlik uchun yangi imkoniyatlar yaratadigan muhim ilmiy maydon bo‘lib xizmat qilmoqda.
______________________________
#SDG17 #SDG16 #SDG4

Bizni kuzating

Telegram | Instagram | Facebook | You tube | Sayt

🟢TerDUda ilmiy-innovatsion faoliyat va ilmiy kadrlar tayyorlash masalalari muhokama qilindi

🟢Termiz davlat universiteti rektori huzurida universitetning ilmiy-innovatsion faoliyatini rivojlantirish, ilmiy natijalarni tijoratlashtirish hamda oliy ta’limdan keyingi ta’lim tizimini takomillashtirish masalalariga bag‘ishlangan muhokama bo‘lib o‘tdi.

🟢Yig‘ilishda 2026-yilda qabul qilingan PF–54, PF–58 va PF–98-son Farmonlari asosida ilmiy faoliyatni boshqarishning yangi mexanizmlari, jumladan, ilmiy ishlanmalarni mahsulotga aylantirish, texnologiyalar transferi va universitetda spin-off korxonalarini tashkil etish istiqbollari ko‘rib chiqildi.

Universitetda spin-off faoliyatini rivojlantirish bo‘yicha mavjud holat va rejalar tahlil qilinib, 14 ta yangi tashabbus, ularning ishlab chiqarish, xizmat ko‘rsatish va turli sohalarga yo‘naltirilgan loyihalari muhokama qilindi.

🟢Shuningdek, PF–98-son Farmoni asosida ilmiy kadrlar tayyorlashning yangi modeli, doktoranturaga qabul, ilmiy rahbarlik, ilmiy kengashlar faoliyati, attestatsiya jarayonlari hamda tadqiqot natijadorligini oshirish masalalariga alohida e’tibor qaratildi.

Universitetdagi 279 nafar mustaqil izlanuvchi, ular faoliyat olib borayotgan 19 ta ixtisoslik hamda himoya natijalari tahlil qilindi.

🟢Shu bilan birga, universitetning 2027-yil uchun tayanch doktorantura, doktorantura va stajyor-tadqiqotchilik bo‘yicha tasdiqlangan qabul kvotalari yuzasidan ham fikr almashildi.

🟢Muhokamalarda ilmiy faoliyatni natijadorlik, amaliy samaradorlik va tijoratlashtirish tamoyillari asosida rivojlantirish, yosh tadqiqotchilarni qo‘llab-quvvatlash hamda universitetning ilmiy salohiyatini yanada oshirish masalalari ustuvor yo‘nalish sifatida qayd etilib, kun tartibidagi masalalar bo‘yicha A.Toshqulov o‘z ko‘rsatma va tavsiyalarini berdi.

Bizni kuzating

Telegram | Instagram | Facebook You tube | Sayt