Surxondaryo Rossiya hududlari bilan hamkorlikni yangi bosqichga olib chiqmoqda

Farg‘ona shahridagi “Farg‘ona Expo” xalqaro ko‘rgazmalar majmuasida O‘zbekiston va Rossiya hududlari Kengashining III yig‘ilishi doirasidagi tadbirlar davom etmoqda.

Tadbirlar doirasida Surxondaryo viloyati hokimi Ulug‘bek Qosimov Novosibirsk viloyati gubernatori Andrey Travnikov hamda Krasnoyarsk o‘lkasi gubernatori Mixail Kotyukov boshchiligidagi delegatsiyalar bilan uchrashuvlar o‘tkazdi.

Uchrashuvlarda avval erishilgan hududlararo hamkorlik kelishuvlarining ijrosi, mavjud loyihalarning holati hamda istiqboldagi hamkorlik yo‘nalishlari muhokama qilindi.

Xususan, Surxondaryoning Novosibirsk viloyati va Krasnoyarsk o‘lkasi bilan savdo-iqtisodiy va investitsiyaviy aloqalarni kengaytirish, yangi qo‘shma loyihalarni shakllantirish hamda o‘zaro manfaatli tashabbuslarni amaliyotga tatbiq etish masalalariga alohida e’tibor qaratildi.

Tomonlar mavjud salohiyatdan samarali foydalanish va o‘zaro manfaatli loyihalarni hayotga tatbiq etish borasidagi hamkorlikni izchil davom ettirishga kelishib oldilar.

Surxondaryo.uz | Telegram | Facebook | Instagram | YouTube | X

#Mirziyoyev #taqdimot #talim #ilmfan

Prezident Shavkat Mirziyoyev Ta’lim va ilm-fan vazirligi faoliyatini tashkil etish hamda ta’lim tizimining barcha bosqichlarida amalga oshirilishi lozim bo‘lgan ustuvor vazifalar yuzasidan taqdimot bilan tanishdi.

➖ maktabgacha ta’limdan tortib oliygohgacha bo‘lgan barcha bosqichlar yagona vertikal sifatida ishlaydi, takrorlanuvchi vazifalar qisqartirilib, hududiy bo‘g‘inlar mas’uliyati kuchaytiriladi hamda boshqaruv to‘liq raqamlashtiriladi;

➖ bog‘cha ta’limida bolalarning qiziqish va qobiliyatlari erta aniqlanadi, dastur va metodikalar yangilanib, tarbiyachilar malakasini oshirishga alohida e’tibor qaratiladi;

➖ maktab ta’limida darsliklar yangilanadi, pedagoglarga metodik yordam berishda sun’iy intellektdan foydalaniladi, ayrim maktablarda ingliz tilida o‘qitish tajribasi joriy etiladi hamda xususiy sektor ishtiroki kengaytiriladi;

➖ kasbiy ta’lim bo‘yicha dasturlar mehnat bozori talablariga moslashtiriladi, korxonalar bilan birgalikda dual ta’lim kengaytiriladi hamda xalqaro dasturlar joriy etiladi;

➖ oliy ta’limda universitetlar mustaqilligi kengaytiriladi, davlat aralashuvi kamaytirilib, rektorlarning natija uchun mas’uliyati oshiriladi hamda ta’lim ishlab chiqarish bilan yaqinlashtiriladi;

➖ ilm-fan sohasida ilmiy klasterlar tashkil etilib, ilmiy izlanishlar natijalari asosida yangi mahsulotlar va korxonalar yaratiladi.

Prezident ta’lim jarayonida milliy va umuminsoniy qadriyatlarga tayanish zarurligini, har bir rektor o‘z oliygohining yaqin va o‘rta istiqboldagi aniq rivojlanish rejasiga ega bo‘lishi shartligini ta’kidladi.

Facebook | Instagram | YouTube | Telegram