#TerDU #ACQUIN #akkreditatsiya

🏛 TerDUda xalqaro akkreditatsiya: o‘rganish jarayonlari davom etmoqda

Termiz davlat universitetida ta’lim dasturlarini xalqaro standartlar asosida baholash va ta’lim sifatini oshirishga qaratilgan xalqaro akkreditatsiya jarayonlari izchil davom ettirilmoqda.

Xabar berganimizdek, kecha xalqaro ekspertlar universitet kampusiga tashrif buyurib, oliygohning moddiy-texnik bazasi hamda ta’lim jarayoni uchun yaratilgan shart-sharoitlar bilan tanishgan edilar. Bugun esa o‘rganish jarayonlari doirasida xorijiy ekspertlar hamda universitet rahbariyati ishtirokida onlayn muloqotlar o‘tkazildi.

Muloqotlar davomida ekspertlar universitet rektori va tegishli yo‘nalishlar bo‘yicha prorektorlari bilan ta’lim dasturlarining mazmuni, o‘quv jarayonining tashkil etilishi, ta’lim sifati hamda xalqaro standartlarga muvofiqlik masalalarini muhokama qildilar.

Jarayonda Germaniya, Avstriya, Polsha, Chexiya va Qozog‘istonning nufuzli oliy ta’lim muassasalari olimlari hamda xalqaro ta’lim mutaxassislari ishtirok etmoqda. Jumladan, ekspertlar guruhi tarkibida:
🟢 Prof. Dr. Mohammad Reza Farzanegan — Marburg universiteti professori (Germaniya), iqtisodiyot yo‘nalishi;
🟢 Prof. Dr. Tim Epkenhans — Frayburg universiteti professori (Germaniya), tarix yo‘nalishi;
🟢 Prof. Jenny Lehtinen, PhD — Nazarboyev universiteti dotsenti (Qozog‘iston), ingliz tili va lingvistika yo‘nalishlari;
🟢 Dr. Magdalena Kaltseis — Insbruk universiteti dotsenti (Avstriya), rus tili va lingvistika yo‘nalishlari;
🟢 Prof. Dr. Kinga Paraskiewicz — Yagellon universiteti professori (Polsha), fors tili yo‘nalishi;
🟢 Jiri Matela, PhD — Masarik universiteti dotsenti (Chexiya), yapon tili yo‘nalishi;
🟢 Prof. Dr. Robert Grassinger — Vayngarten pedagogika universiteti professori (Germaniya), psixologiya yo‘nalishi;
🟢 Martin Borg — xalqaro ta’lim, sifatni ta’minlash va o‘qitishni rivojlantirish bo‘yicha ekspert, ish beruvchilar vakili;
🟢 Leon Grausam — Bremen universiteti doktoranti (Germaniya), talabalar vakili sifatida qatnashmoqda.

Uchinchi klaster doirasidagi o‘rganishlar iqtisodiyot, tarix, psixologiya, ingliz, rus, fors va yapon tillari, shuningdek, lingvistika yo‘nalishlarini qamrab oladi.

Bizni kuzating

Telegram | Instagram | Facebook |You tube | Sayt

⚡️⚡️⚡️⚡️⚡️⚡️⚡️

🏆 YUKSAK ZAFAR

🎉Viloyat bosqichi g‘olibi bo‘ldik va Respublika bosqichiga yo‘llanmani qo‘lga kiritdik!

🟩🟩🟩🟩respublika tanlovi hamda debat chempionatlarining hududiy-viloyat bosqichi yakuniga yetdi! Shiddatli va murosasiz kechgan bahslarda Termiz davlat universiteti va vakillarimiz o‘zlarining intellektual salohiyatlarini namoyon etib, munosib g‘alabani qo‘lga kiritishdi!

📊 Mintaqaviy (viloyat) bosqichi natijalari:
🥇 1-o‘rin: Termiz davlat universiteti — "Gumata" jamoasi 🥈 2-o‘rin: Termiz davlat pedagogika instituti — "Humo" jamoasi
🥉 3-o‘rin: Toshkent tibbiyot akademiyasi Termiz filiali — "Aysberg" jamoasi
🔥 Eng quvonarlisi, ushbu yorqin g‘alaba evaziga "Gumata" jamoamiz tanlovning Respublika bosqichiga yo‘llanmani naqd qildi!

👏Barcha g‘olib va sovrindor jamoalarni samimiy muborakbod etamiz! Respublika bosqichida viloyatimiz sharafini munosib himoya qilishda "Gumata" jamoasiga ulkan zafarlar tilaymiz! Oldinda yanada yuksak marralar kutmoqda, olg‘a!

Bizni kuzating

Telegram | Instagram | Facebook |You tube | Sayt

Yoshlar o‘rtasida giyohvandlikning oldini olish va sog‘lom muhitni ta’minlash — ustuvor vazifa

O‘zbekiston Respublikasi Prezidentining 2025-yil 3-noyabrdagi «Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida»gi PF-207-son Farmoni ijrosini o‘rganish maqsadida Surxondaryo viloyatiga tashrif buyurgan O‘zbekiston Respublikasi Prezidenti Administratsiyasi huzuridagi Narkotiklar va o‘qotar qurollarni nazorat qilish agentligi ishchi guruhi Termiz davlat universitetida amalga oshirilayotgan ishlar bilan tanishdi.

O‘rganish davomida universitetda giyohvandlik va narkojinoyatchilikning oldini olish, talabalar o‘rtasida sog‘lom turmush tarzini targ‘ib qilish, huquqiy madaniyatni yuksaltirish hamda profilaktik tadbirlarni tashkil etish borasidagi faoliyatga alohida e’tibor qaratildi.

Shuningdek, universitetda «Biz giyohvandlikka qarshimiz!» shiori ostida ma’naviy-ma’rifiy va profilaktik tadbir tashkil etildi. Unda Agentlikning mas’ul xodimi Jonibek Yusupov ishtirok etib, talaba-yoshlar bilan ochiq muloqot o‘tkazdi.
Muloqot chog‘ida giyohvandlikning inson salomatligi, oila va jamiyat hayotiga yetkazadigan salbiy oqibatlari, yoshlarni narkotik moddalar bilan bog‘liq tahdidlardan asrash, narkojinoyatchilikka qarshi murosasiz munosabatni shakllantirish hamda sog‘lom turmush tarzini qaror toptirishning ahamiyati atroflicha muhokama qilindi.

Tadbir yakunida yoshlarning huquqiy ongi va ijtimoiy mas’uliyatini oshirish, ularni zararli illatlardan himoya qilish hamda universitetda sog‘lom va xavfsiz ta’lim muhitini mustahkamlash ustuvor vazifa ekanligi ta’kidlandi.

♻️ 3️⃣ 4️⃣ 1️⃣

Bizni kuzating

Telegram | Instagram | Facebook |You tube | Sayt