Bugun TerDUda universitet Kengashining navbatdagi 3-sonli yig‘ilishi bo‘lib o‘tdi

Dastlab, Kengash raisi, rektor A. Toshqulov mamlakatimizda uzluksiz ta’lim tizimini joriy etishning ahamiyatiga to‘xtalib, bu jarayonda professor-o‘qituvchilar zimmasidagi mas’uliyat va ularning jamiyat ravnaqi yo‘lidagi daxldorligi yanada ortib borayotganini ta’kidladi. Shuningdek, ustoz va murabbiylar amalga oshirilayotgan islohotlarning faol ijrochisi va tashabbuskori bo‘lishi lozimligini qayd etdi.

Yig‘ilishni o‘tkazish uchun kvorum yetarli ekanligi tasdiqlangach, kun tartibidagi masalalar muhokamasiga kirishildi.
Dastlab, “Zarya Surxana” gazetasining 2026-yil 24-iyuldagi 27 (14180)-sonida e’lon qilingan vakant ish o‘rinlariga tanlovning yakuniy bosqichi o‘tkazildi. Jarayonda professor, dotsent, katta o‘qituvchi, o‘qituvchi va o‘qituvchi-stajyor lavozimlariga nomzodlar elektron platforma orqali Kengash a’zolarining ovoz berishi natijasida tasdiqlandi.

Ma’lumot uchun: mazkur tanlovda bir vakant o‘rin uchun 11 nafar nomzod da’vogarlik qildi. Kengash a’zolarining tasdig‘i bilan jami 74 nafar yosh mutaxassis ishga qabul qilindi. Ular orasida xorijiy TOP  universitetlar hamda  AQShning Toshkentdagi Vebster universiteti, Buyuk Britaniyaning Vestminster universitetida tahsil olgan yoshlar ko‘pchilikni tashkil etdi.

Yig‘ilishda  universitet katta o‘qituvchilarini dotsent vazifasini bajaruvchilikka o‘tkazish, dissertatsiya mavzulari va ilmiy rahbarlarni tasdiqlash, professor-o‘qituvchilar tomonidan tayyorlangan o‘quv qo‘llanmalari hamda monografiyalarni ko‘rib chiqish masalalari muhokama qilindi.

Shuningdek, universitet ehtiyojlari uchun zamonaviy kongress zali qurish, mavjud suzish havzasi binosini rekonstruksiya qilish va mukammal ta’mirlash ishlarini tashkil etish masalalari ko‘rib chiqildi.
Yig‘ilish yakunida kun tartibidagi masalalar yuzasidan tegishli qarorlar qabul qilinib, universitet faoliyatini takomillashtirish, ilmiy salohiyatni yuksaltirish va ta’lim sifatini oshirishga qaratilgan ustuvor vazifalar belgilab olindi.

♻️ 4️⃣ 8️⃣ 9️⃣

Bizni kuzating

Telegram | Instagram | Facebook |You tube | Sayt

🟦🟦🟦🟦

🏛TerDU jamoasi hudud g‘olibi — respublika bosqichi ishtirokchisi!

🟢Termiz davlat universiteti talabalari “Kelajak o‘yinlari” doirasida tashkil etilgan PHYGITAL FOOTBALL respublika sport musobaqasining hududiy bosqichida g‘oliblikni qo‘lga kiritdi.

🟢Navoiy, Samarqand, Qashqadaryo va Surxondaryo yoshlari ishtirok etgan musobaqada TerDU vakillari o‘z mahorati, strategik fikrlashi va jamoaviy birdamligi bilan ajralib turdi. Murosasiz kechgan bellashuvlar yakunida talabalarimiz respublika bosqichiga yo‘llanmani qo‘lga kiritdi.

🟢 Endilikda jamoamiz 9–11-noyabr kunlari poytaxtimizda bo‘lib o‘tadigan respublika bosqichida hududimiz sharafini himoya qiladi.

Bu g‘alaba — izchil tayyorgarlik, jamoaviy birlik va yuksak maqsadlar sari intilish samarasi. Oldinda yangi sinovlar, yangi imkoniyatlar va yangi marralar!

✅TerDU jamoasiga respublika bosqichida omad va zafarlar tilaymiz!

♻️ 3️⃣ 4️⃣ 1️⃣ 1️⃣

Bizni kuzating

Telegram | Instagram | Facebook |You tube | Sayt

#rektor #talabalar #uchrashuv

🟢TerDUda “Talabalikka bag‘ishlov” tadbirlari yangicha formatda boshlandi

🟢Termiz davlat universitetida an’anaga aylangan “Talabalikka bag‘ishlov” tadbirlari bu yil yangicha formatda — rektorning birinchi bosqich talabalari bilan yuzma-yuz, ochiq va samimiy muloqotlari shaklida tashkil etilmoqda.

🟢Ilk uchrashuv Sport faoliyati fakultetining birinchi bosqich talabalari bilan o‘tkazildi. Unda universitet rektori Abduqodir Toshqulov yoshlarni talabalik baxtiga muyassar bo‘lgani bilan qutlab, ular o‘zbek sportining yangi avlodi, bo‘lajak chempionlari ekaniga ishonch bildirdi hamda respublika va xalqaro maydonlarda ulardan katta g‘alabalar kutayotganini ta’kidladi.

🟢Samimiy muloqotda yosh sportchilar o‘z fikr-mulohazalari, taklif va tashabbuslarini bildirdilar. Rektor ularni qo‘llab-quvvatlash va mavjud masalalarni hal etish bo‘yicha mas’ullarga vazifalar belgiladi.

🟢An’anaga muvofiq, talabalarga rektorning ezgu tilaklari va dastxati bitilgan Erkin A’zamning “Momaqaldiroq ostida sayr” romani sovg‘a qilindi.

🟢Yangi format doirasida talabalarning rektor bilan doimiy va bevosita muloqotini ta’minlash maqsadida maxsus
📱Telegram manzili — @terdurektor ishga tushirilgani ma’lum qilindi.

✅Endilikda talabalar o‘z taklif, tashabbus va murojaatlarini rektorga to‘g‘ridan to‘g‘ri yo‘llashlari mumkin.
Asosiy maqsad — har bir talabani tinglash, uning iqtidorini qo‘llab-quvvatlash va universitetda ochiq muloqot muhitini mustahkamlash.

♻️ 3️⃣ 4️⃣ 1️⃣ 1️⃣

Bizni kuzating

Telegram | Instagram | Facebook |You tube | Sayt