#Talabalikka_bag‘ishlov #7

🟢TerDU rektori bo‘lajak IT mutaxassislari bilan uchrashdi

🟢Termiz davlat universitetida “Talabalikka bag‘ishlov” tadbirlari doirasida rektor Abduqodir Toshqulov Axborot texnologiyalari fakultetining birinchi bosqich talabalari bilan ochiq muloqot o‘tkazdi.

🟢Uchrashuvda rektor raqamli texnologiyalar va sun’iy intellekt jadal rivojlanayotgan bugungi davrda IT sohasi mutaxassislariga talab tobora ortib borayotganini ta’kidlab, yoshlarni zamonaviy bilimlarni puxta egallash, xorijiy tillarni o‘rganish va innovatsion g‘oyalar ustida ishlashga undadi.

🟢Bugungi kunda fakultetda 1 724 nafar talaba sun’iy intellekt, dasturiy injiniring, kompyuter injiniringi va boshqa istiqbolli yo‘nalishlarda tahsil olmoqda. Talabalarning xalqaro dasturlar, davlat stipendiyalari va innovatsion tanlovlardagi yutuqlari alohida e’tirof etildi.

🟢Samimiy muloqot davomida yoshlarga kitoblar taqdim etilib, yetuk mutaxassis bo‘lish uchun kasbiy bilim bilan birga keng dunyoqarash va yuksak ma’naviyat ham muhimligi ta’kidlandi.

🟢Shuningdek, rektor talabalar murojaatlari uchun ochilgan maxsus Telegram manzili haqida ma’lumot berib, ularning taklif va tashabbuslarini tinglashga doimo tayyor ekanini bildirdi.

🟢Uchrashuv yakunida talabalarning bilim olishi, ilmiy va innovatsion loyihalarini qo‘llab-quvvatlash hamda mavjud imkoniyatlarni kengaytirish yuzasidan mas’ullarga tegishli topshiriqlar berildi.

🟢Muloqot yoshlarni nafaqat zamonaviy texnologiyalardan foydalanuvchi, balki ularni yaratuvchi mutaxassislar bo‘lib yetishishga ruhlantirdi.

Bizni kuzating

Telegram | Instagram | Facebook | You tube | Sayt

🇺🇿ONA TILIM — MILLATIM FAXRI VA G‘URURI!

🟢21-oktabr — O‘zbek tili bayrami munosabati bilan Termiz davlat universitetida qator ma’naviy-ma’rifiy tadbirlar tashkil etilmoqda.

🟢Universitetda o‘tkazilgan “Talabalikka bag‘ishlov” tantanali tadbirida rektor Abduqodir Toshqulov O‘zbek tili bayramiga alohida to‘xtalib, ona tilimiz millatimizning bebaho boyligi, tarixiy xotirasi va milliy o‘zligimizning yorqin ifodasi ekanini ta’kidladi.

🟢Rektor o‘zbek tilining nufuzini yuksaltirish, uning boyligi va sofligini asrab-avaylash, kelajak avlodlarga bezavol yetkazish har birimizning sharafli burchimiz ekanini qayd etib, barchani qutlug‘ ayyom bilan tabrikladi.

🟢Bayram doirasida talabalar o‘rtasida ijodiy tanlovlar, she’riy bellashuvlar, adabiy uchrashuvlar va ma’rifiy kechalar tashkil etilmoqda.

🟢Shuningdek, universitet professor-o‘qituvchilari harbiy qismlar, tashkilot va muassasalarda o‘tkazilayotgan targ‘ibot tadbirlarida faol ishtirok etib, ona tilimizning nufuzini yuksaltirish, uning sofligini asrash va nutq madaniyatini rivojlantirishga munosib hissa qo‘shmoqdalar.

🟢Zero, ona tili — millatning ruhi, tarixiy xotirasi va ma’naviy borlig‘idir!

🇺🇿O‘zbek tili bayrami muborak bo‘lsin!

Bizni kuzating

Telegram | Instagram | Facebook | You tube | Sayt