#Talabalikka_bağişlov #10

IJOD VA TAŞABBUSLAR QŌLLAB-QUVVATLANGAN SAMIMIY MULOQOT

Termiz davlat universitetida «Talabalikka bağışlov» tadbirlari doirasida rektor Abduqodir Toşqulovning San’at va ijtimoiy iş fakulteti birinçi bosqiç talabalari bilan uçraşuvi bōlib ōtdi.

Samimiy va oçiq muloqot davomida talabalik yillaridan unumli foydalaniş, kitobxonlik madaniyatini yuksaltiriş, mustaqil izlaniş, ijodiy qobiliyatlarni rivojlantiriş hamda kasbiy kamolotga erişiş masalalariga alohida e’tibor qaratildi. Rektor yoşlarga ōz sohalarining yetuk mutaxassisi bōlib yetişiş yuzasidan tavsiyalar berib, ularga kitoblar sovg‘a qildi.

San’at inson qalbiga yōl topişni, ijtimoiy iş esa uning dardini anglaş va kōmak berişni talab etadi. Şu ma’noda, har ikki sohada ham kasbiy bilim bilan bir qatorda ijodkorlik, insonparvarlik, hamdardlik va ijtimoiy mas’uliyat muhim ahamiyat kasb etişi ta’kidlandi.

Bugungi kunda fakultetda bakalavriatning 12 ta ta’lim yōnalişi va magistraturaning 4 ta mutaxassisligi bōyiça kadrlar tayyorlanmoqda. Fakultet qoşida faoliyat yuritayotgan «Jayhun» folklor-etnografik xalq ansambli va orkestr jamoasi esa talabalarning ijodiy salohiyatini rōyobga çiqariş, milliy san’at an’analarini asrab-avaylaş va rivojlantirişga xizmat qilmoqda.

Uçraşuvning e’tiborli jihati, talabalar ōz ijod namunalaridan parçalar ōqib, ezgulik va şukronalik tuyğularini ifoda etdilar. Şuningdek, tengdoşlarini ijod va ma’rifat atrofida birlaştiriş, yangi taşabbuslarni amalga oşiriş borasidagi takliflarini ilgari surdilar. Rektor yoşlarning intilişlarini qōllab-quvvatlab, ularning ijodiy faoliyati uçun zarur noutbuk ajratiş masalasini ijobiy hal etişga tayyorligini bildirdi.

Muloqot talabalarning fikr va taşabbuslarini qōllab-quvvatlaş, ularni yangi marralar sari ruhlantiriş hamda universitet rahbariyati va yoşlar ōrtasidagi ōzaro işonçni yanada mustahkamlaşga xizmat qildi.

Bizni kuzating

Telegram | Instagram | Facebook | You tube | Sayt

#seminar

TerDUda xavfsiz va hurmatga asoslangan mehnat muhitini şakllantiriş bōyiça ōquv kurslari ōtkazilmoqda

Termiz davlat universitetida mehnat munosabatlarida tazyiq va zōravonlikning oldini oliş, xodimlarning huquq va manfaatlarini himoya qiliş hamda soğlom mehnat muhitini ta’minlaşga qaratilgan maxsus ōquv kurslari taşkil etilmoqda.

Mazkur ōquvlar Ōzbekiston Respublikasi Prezidentining 2026-yil 21-sentyabrdagi PQ-345-son qarori hamda Vazirlar Mahkamasining 2026-yil 28-sentyabrdagi 518-son qarori ijrosini ta’minlaş doirasida amalga oşirilmoqda.

Tōrt kunlik ōquv kurslarida universitet professor-ōqituvçilari orasidan şakllantirilgan trenerlar guruhi iştirok etmoqda. Maşğulotlar davomida mehnat jamoalarida tazyiq va zōravonlik holatlarini barvaqt aniqlaş va oldini oliş, bunday vaziyatlarga qonuniy va samarali munosabat bildiriş, ōzaro hurmat, tenglik va kasbiy etika tamoyillariga asoslangan iş muhitini yaratiş masalalariga alohida e’tibor qaratilmoqda.

Ōquv kurslarini muvaffaqiyatli yakunlagan trenerlar tomonidan yil yakuniga qadar kaskad usulida boşqa mehnat jamoalari xodimlari uçun ham ōquv maşğulotlari taşkil etilişi rejalaştirilgan. Asosiy maqsad — har bir xodimning huquq va qadr-qimmati hurmat qilinadigan, tazyiq va zōravonlikka yōl qōyilmaydigan xavfsiz va soğlom mehnat muhitini şakllantirişdir.

Bizni kuzating

Telegram | Instagram | Facebook |You tube | Sayt

Ayni daqiqalarda Prezidentimiz sog’liqni saqlash va farmatsevtika sohasi xodimlari bilan uchrashuv o’tkazmoqda

– Oilasining baxtini ko‘rish, halol mehnat qilib, orzulariga yetish, umrini mazmunli o‘tkazish uchun odamga, avvalo, sog‘liq kerak. Shu bois, inson salomatligini asrashni islohotlarimizning eng muhim yo‘nalishlaridan biri etib belgilaganmiz,

– dedi Prezidentimiz.

So‘nggi o‘n yilda mamlakatimizda 10 million aholiga xizmat ko‘rsatadigan yangi poliklinika va shifoxonalar ishga tushdi, 58 ming shifo o‘rni yaratildi. Zamonaviy shifoxonalar ko‘payib, xususiy sektorga keng imkoniyat berilgani tufayli tibbiy xizmatlar hajmi uch karra oshdi.

Ilgari chet elda amalga oshirilgan tug‘ma yurak nuqsonlari, a’zolar transplantatsiyasi, robot jarrohligi va bosh miyadagi murakkab jarrohlik amaliyotlari kabi yuzdan ziyod xizmatlar bugun mamlakatimizda bajarilmoqda.

Prezidentimiz bu natijalarda tibbiyot xodimlarining bilim va mahorati hal qiluvchi o‘rin tutayotganini qayd etdi.

– Qancha zamonaviy klinikalar qurmaylik, eng so‘nggi uskunalarni olib bermaylik, malakali xodimlarsiz natija bo‘lmaydi,

– dedi Prezidentimiz.

Bugun 11 ta davlat oliygohida yiliga 15 ming shifokor tayyorlanmoqda. Biroq bitiruvchilarning hammasi ham ishga kirgan birinchi kundan bemor bilan ishlashga tayyor emas.

– Boshqa sohada yosh xodim xato qilishi mumkin, ammo bo‘lg‘usi shifokorning bunga haqqi yo‘q. Chunki tibbiyot xodimining har bir harakati ortida inson hayoti turibdi,

– dedi davlatimiz rahbari.

Shu bois, kadrlar tayyorlash klinik amaliyot bilan bog‘lanadi. Kelasi yildan talabalar haftada uch kun bemor bilan ishlashni o‘rganadi, bitiruvchilar esa oxirgi o‘quv yilida to‘liq tibbiyot muassasasida amaliyot o‘taydi.

Bakalavriatni bitirgan hamshira va tibbiyot og‘asiga 1,5 million so‘m, magistraturani tugatganlarga 2,5 million so‘m qo‘shimcha ustama to‘lanadi. Oilaviy shifokorlik bo‘yicha tor soha mutaxassisiga ustama 5,5 million so‘m bo‘ladi.

Prezidentimiz 2027-yildan oliygohlarda tor soha mutaxassisligi bo‘yicha o‘qish – rezidentura bepul bo‘lishini ma’lum qildi. Talabalarga 3 million so‘m stipendiya to‘lanadi.

Yo‘nalishga qarab rezidentura ikki yildan besh yilgacha davom etadi. Oilaviy shifokorlik bo‘yicha o‘qish ikki yil, jarrohlik bo‘yicha esa besh yil bo‘ladi.

Oliygohlarga klinikalar bog‘lanib, “universitet klinikasi” tizimi joriy etilgan. Endi tibbiyotdagi ilmiy tadqiqotlarning 80 foizi oliygohlar klinikasida bo‘lishi kerakligi ko‘rsatib o‘tildi.

Tadqiqotlarda tashxis aniqligini oshirish, davolash samarasini yaxshilash va asoratlarni kamaytirishga e’tibor qaratiladi.

Facebook | Instagram | YouTube | Telegram