​​"КАРТОШКА БИЗНИКИ ЭМАС"

Баъзан "Фалон байрам бизники эмас" деб жонингизга тегганларида уларга "Сиз ишлатаётган Айфон ва Самсунг телефонлар, ишлатаётган интернет, Фейсбук ва Твиттер каби ижтимоий тармоқлар, эгнингиздаги кўйлак, шимлар ҳам бизники эмас, аммо уларни ишлатяпсиз ва кийяпсиз" деб ҳақли ва мантиқли жавоб берилади.

Бу жавобни қуйидаги қизиқарли аргумент билан тўлдириш мумкин. Ўзбекистонда биз ейдиган махсулотларнинг деярли ҳеч бири бизники эмас. Бугунги кунда ўзбек ошхонасининг асосини ташкил қиладиган картошка, помидор, қалампир, гуруч, карам ва ҳоказоларнинг барчаси Америка қитъаси ёки бошқа жойлардан кириб келган.


Маълумот учун, картошка Ўзбекистон ҳудудларига 19 аср охирларида кириб келади ва ўша давр диндорлари картошкани харом ва ғайридинлар таоми деб эълон қиладилар. Кимки картошка еганлигини билиб қолишса, ҳозирда айрим диндорлар чўчка гўшти еган одамга қандай қарашса, ўшандай қараганлар ва қарғаганлар.

Айтмоқчи бўлганим, "бизники эмас", "биздан эмас", "мумкин эмас", "харом" ва ҳоказо деган гаплар барчаси нисбий гаплар. Агар ниманидир емаслик, киймаслик, ишлатмаслик, минмаслик, кўрмаслик учун баҳона қидирилса, уни асоссиз ва мантиқсиз йўллар билан бўлса-да албатта топилади. Аксинча, инсонларнинг дунёқараши кенг, билимлари юксак бўлса, майда полемикалар билан жамият тараққиётининг оёғидан тортмайди.

Сўз якунида, биз истеъмол қиладиган айрим махсулотларнинг келиб чиққан жойларининг қисқа рўйхатини келтираман:

Помидор-Перу
Картошка-Боливия
Пиёз-Марказий ва Жанубий Осиё
Сабзи-Марказий ва Жанубий Осиё
Карам-Европа
Қалампир-Экуатор
Болгар қалапири-Мексика
Маккажўхори-Мексика
Ловия-Жанубий ва марказий Америка
Қовоқ-Мексика
Бодринг-Ҳиндистон
Бақлажон-Яқин шарқ
Узум-Яқин шарқ ва Кавказ, Шимолий Америка
Қовун-Африка ва Осиё
Тарвуз-Ғарбий Африка
Гуруч-Жанубий ва шарқий Осиё

"Уч замон" каналига обуна бўлиш учун ҳавола👉 https://t.me/uchzamon

Пиёзкалла Лукашенко бечора қўли йўқ одамнинг қўлига гул ушлаттирмоқчи 🤦‍♂️☝

"Уч замон" каналига обуна бўлиш учун ҳавола👉 https://t.me/uchzamon

Анчадан бери онлайн суҳбат қилмадик. Бугун бир суҳбат қилсакмикан, нима дейсизлар? 🤔😊

Кеча "Жаҳон тарихи ва жўғрофияси" гуруҳи админи Ихтиёр Эсонов ака Франция ошхонаси ҳақида суҳбат қилинг деган эдилар. Мен яхши хўранда бўлсам ҳам француз ошхонаси билимдони эмасман. У ҳақда қисқача маълумот беришим мумкин, аммо махсус суҳбат қилишга билими етмаса керак деб ўйлайман.

Балки бошқаларда Франция тарихи, маданияти, сиёсати, иқтисоди, ҳаёт тарзи, урф-одатлари ва ҳоказолар борасида бошқа саволлар бор бўлиши мумкин.

Бугунги мавзуни "Франция" деб номласак ва сизларнинг Францияга оид саволларингизга билганимча жавоб берсам нима дейсизлар?

Агар бошқа мавзуларга оид саволларингиз бўлса, суҳбатнинг бир қисмини эркин мавзуларга бағишласак.

Нима дейсизлар?

ДИҚҚАТ ! БУГУН "УЧ ЗАМОН"ДА СУҲБАТ!

Бугун, Ўзбекистон вақти билан соат 21:00 да @uchzamon каналида "Франция" мавзусида суҳбат қиламиз.

Сизлардан учта илтимос:

1. Суҳбат учун саволлар ўйлаб қўйинглар.

2. Суҳбат давомида фаол бўлинглар ва тортинмасдан сўз олиб, иштирок этинглар

3. Мазкур постни бошқаларга, гуруҳ ва каналларга тарқатинглар. Суҳбатда кўпроқ инсонлар иштирок этсин.

Барчага олдиндан раҳмат. Суҳбатда учрашгунча! 🤓🙏

Барчага "Франция" мавзусидаги суҳбатимизда иштирок ва фаоллик учун катта раҳмат.

Иштирок эта олмаган ва тингламоқчи бўлганлар учун суҳбатнинг видео кўринишдаги вариантини юклаяпман.

Бошқаларга ҳам улашинглар. 😊🙏

"Франция" мавзусидаги суҳбатнинг аудио (мегабайти камроқ) варианти.

Тошкентдаги 116, 131 автобус ортидан югурганлар борми? 😜🤣

"Уч замон" каналига обуна бўлиш учун ҳавола👉 https://t.me/uchzamon

Шални кўрмадингиздарми мобадо? 😜

"Уч замон" каналига обуна бўлиш учун ҳавола👉 https://t.me/uchzamon

ЎЗБЕКЛАР НЕГА УЗОҚ СЎРАШАДИ?

"Ниппонревью" деган канал Япониядаги мана бу инглиз тили дарслигидаги варақнинг суратини чиқарибди. Қисқача мазмуни америкаликлар, японлар бир оғиз сўз билан саломлашади. Ўзбеклар эса 10 минут давомида саломлашиб сўрашадилар.

Савол японлар ва бу дарслик ҳақида эмас.

Сизнингча ўзбеклар нега узоқ сўрашади?

Ўтган куни "Франция" мавзусидаги суҳбатимиздан сўнг француз тилини ўрганиш, унинг методлари ва ҳоказолар борасида саволлар келди. Ўзим таълим соҳасидан чиқиб кетганимга узоқ йиллар бўлганлиги учун қизиқувчиларни шу соҳада фаолият олиб бораётган курсдош дўстим Шавкат Бафоевга йўналтиришни маъқул топдим. Шавкат ўзининг "Севинч" номли ўқув маркази орқали кўплаб ўқувчиларга таълим бериб келмоқда.

"Севинч" ўқув марказида рус, инглиз, француз, япон, араб тиллари, математика, робото техника, мактабгача тайёрлов ва бошқалар мукаммал ўргатилади.

Ўқув марказ телефон рақами: ☎️71 200 02 96

Мўлжал: Тошкент шаҳри, "Фарҳод" бозори рўпарасида.

Ўқув марказнинг Телеграмдаги канали ҳаволаси: https://t.me/sevinch_study

Постни француз тилини ўрганмоқчи бўлган танишларингизга ва бошқаларга тарқатишингиз мумкин.

Ковид турлари:

- Алфа-Англия штамми
- Бета-Жанубий Африка штамми
- Гамма-Бразилия штамми
- Делта-Ҳиндистон штамми
- Омикрон-Жанубий Африка штамми.

Олимлар ҳали Россия штаммига ном бериб улгуришмаган. Марҳамат, ном таклиф қилишларингиз мумкин 🤓🤣

"Уч замон" каналига обуна бўлиш учун ҳавола👉 https://t.me/uchzamon

Сен деб гапирадиган эрини ўзига сиз деб гапиртирмоқчи бўлган аёлнинг ташаббуси 😜🤣

"Уч замон" каналига обуна бўлиш учун ҳавола👉 https://t.me/uchzamon

ШЕР ЎЛДИ, ЯШАСИН ШЕР!

Эркак шер ўз ҳудудини, оиласи, қабиласи, болалари ва манфаатларини кучи етгунча ҳимоя қилади.

У қариганида кучга тўлган бошқа эркак шер жангда уни енгиб ўлдиради ва кетказади. Шундан сўнг у кекса шернинг ҳудудлари, қабиласи, оиласи ва манфаатларига эгалик қилади. Энг ачинарлиси, у кекса шернинг фарзандларини, ҳатто янги туғилган чақалоқларни ҳам ўлдиради...

Бу ёввойи табиат қонуни.

Аммо давлат бошқаруви табиатнинг ёввойи қонунлари асосида бошқариладиган давлатларда кексайган шернинг кетиши ҳам табиат қонунлари каби юз беради ва унинг "фарзандлари" (қариндош-уруғлари, куёвлари, тарафдорлари) ва улар эгаллаган мансаблар ва бойликлар янги шернинг тасарруфига ўтади. Кекса шер эса ўз мағлубиятини тан олади ва тақдирга тан беради...

ПС. Мен аллақачон "сиёсий ўлик" деб атаган Назарбоев видео орқали барчаси "янги шер"га ўтганлигини баён этибди!

Шер ўлди, Яшасин янги шер!

"Уч замон" каналига обуна бўлиш учун ҳавола👉 https://t.me/uchzamon

Олдинги постни Нурсултон Назарбоевнинг видеосини барча кўрган деган фикрда ёзгандим. Видеони ҳамма кўрмаган бўлиши, ҳатто видео чиққанлигидан хабари йўқлар бор бўлиши ҳаёлимга келмабди.

Шуни ҳисобга олиб, Назарбоевнинг видеосини ҳам юклаяпман.

"Уч замон" каналига обуна бўлиш учун ҳавола👉 https://t.me/uchzamon

​​ЖОДУГАРЛИК-АФРИКА АЁЛИ ПЕШОНАСИНИНГ ШЎРИ

Африка қитъасининг кўплаб давлатларида турли динлар (христианлик, ислом дини, маҳаллий динлар) ва маданиятлар кенг тарқалган. Аммо турли эътиқодларга эга бўлган инсонларнинг бир умумий томони бор. Уларнинг кўпчилиги жодугарликка ишонадилар ва амал қиладилар.

Гана, Судан, Марказий Африка ва бошқа давлатларда жодугарлик кундалик ҳаётнинг бир қисми ҳисобланади. Одамлар ишлари юришиши учун, беморларни даволаш учун, бола кўриш учун, туғилган боланинг бахти учун, севгисига етиш учун, йўқолган нарсасини топиш учун, душманларини жазолаш, қарғаш ёки ўлдириш жодугарликка мурожаат қиладилар. Жодугарликнинг бу қисми ўзбек жамиятида ҳам бор бўлганлиги учун бу жараёнлар кўпчиликка нотаниш эмас. Ўзимизда ҳам иссиқ-совуқ, фонбинлик ва бошқаларга ишонадиганлар маҳаллий "жодугарлар"га мурожаат қилишлари одатий ҳолдир.

Африкада жодугарлик билан боғлиқ яна бир ҳолат борки, у Африка аёллари пешоналарининг шўри деб аташ мумкин.

Анъанавий жамиятларда патриалхал қоидаларга биноан аёлларнинг ҳуқуқлари топталиши бор гап. Африканинг айрим қолоқ жамиятларида жодугарлик аёлларнинг инсон сифатидаги мавжудликлари ва ҳаётларини дўзахга айлантиради.

Масалан бир қиз уни қўлга киритмоқчи бўлган йигитга йўқ деса йигит уни жодугарликда айблайди ва шу билан қизнинг ҳаёти дабдала бўлади. Эркаклар боқа олса олмаса аёлларга уйланиб туғдириб кетавериш ҳолатлари кенг тарқалган. Агар эркак бошқа аёл билан бўлишига қаршилик кўрсатса эри уни жодугарликда айблаши ва шу йўл билан ундан қутулиши мумкин. Ўзининг укаси жодугарликда айблаб "Жодугарлар лагери"га юборилган бир аёл укаси унга қарзини бермаслик учун жодугарликда айблаганлигини айтган.

Хуллас, ҳар қандай сабаб ёки баҳона билан аёл кишини жодугарликда айблаш ва жамиятда ташландиқ ҳолга келтириш энг осон иш, аммо аёллар эркакларни айблашга ҳақлари йўқ.

Энг ачинарлиси, бирон аёл жодугарликда айбланса, одамлар юцнга ишонадилар ва у аёлдан қўрқадилар.

Баъзан аёлларнинг айбланишида арзимаган ёки кутилмаган мантиқсиз сабаблар ҳам бўлиши мумкин. Масалан бир аёл касал ётган одамнинг аҳволи ҳақида фикр билдириб, "менимча у ўлса керак" деса ва касал одам ростдан ўлса, бу ҳақда гапирган аёлни жодугарликда айблашлари мумкин. Яъни бир аёлнинг айтган гапи, таҳмини рост бўлиб чиқса, у аёл йўқ жойдан жодугарликда айбланиши мумкин.

Энг ажойиби, қишлоқ раисига жодугарлик ўтмайди ва у жодугар аёлни "жодугарлар лагери"га юбориши, у ердан қайта чиқариши ёки жодугар аёлни ўлимга ҳукм қилиб ўлдиртириб юбориши мумкин.

Жаҳон ҳамжамияти ва халқаро ташкилотларнинг тазйиқлари ва давлатнинг ҳаракатларига қарамасдан Ганада ҳали ҳам 5 та жодугарлар лагерлари бор экан ва у ерда жодугарликда айбланган аёллар яшар эканлар.

Бу Африкадаги гаплар. Ўзимизнинг Ўзбекистонда ҳам иримларга, жодуларга, иссиқ-совуқ ва фолга ишонадиганлар кўп. Баъзан ўзимизда ҳам фолга, жодуга ишониб аҳмоқона ишларни қиладиган ва охири фожиа билан тугайдиган ҳоллар учраб туради.

Ишончим комилки, мана шу матнни ўқиётган кўпчиликда бунга мисоллар етарли.

"Уч замон" каналига обуна бўлиш учун ҳавола👉 https://t.me/uchzamon

"Уч замон" каналига обуна бўлиш учун ҳавола👉 https://t.me/uchzamon