БОТИР ҚОДИРОВ БИЛАН ПАРИЖДА

Франциянинг Париждаги элчихонасидаги тадбирга борсак Ботир Қодиров келган экан. Ботир Қодировнинг қўшиқларини интернет орқали тинглаб юрган бўлсам-да ўзини кўрган эмасдим.

"Қандай одам экан?", "Ашулани ҳаётда ҳам зўр айтармикан?" деган ўй билан кузатдим.

Ниҳоят Ботир акага навбат берилди. Қўшиқ айтиши бошлаганди микрофон чала ишлай бошлади. Бир-икки ноқулай бўлгач, микрофонни ёнидаги кишига берди-да, қўшиқни микрофонсиз жонли айта бошлади. Ана шунда унинг овози ва санъати тўлиқ очилгандай бўлди. Бир томондан овозининг кучи ҳаммани қойил қолдирган бўлса, бошқа томондан қўшиқларнинг жарангги французларни ҳам, ўзбекларни ҳам сеҳрлаб қўйди.

Тадбир тугагач, бир дўстим иккаламиз унинг олдига бордик. У ёқдан, бу ёқдан гаалашгач, "Ботир ака, шаҳарни кўрдингизми? Хоҳласангиз шаҳарни кўрсатамиз" дедик. Ботир ака эса ҳам камтар, ҳам очиқ гапирадиган инсон экан, бизга "Бир нарса ейдиган жойга олиб боринглар, қорин ўлгудай оч. Хизматлар билан тузукроқ овқатлана олмай юрибмиз" деди.

Бундан хурсанд бўлдик, чунки бирга овқатланишга рози бўладими йўқми деб биз таклиф қилмаган эдик. Фақат элчихонадан дарров чиқиб кета олмагани учун у жойлашган меҳмонхонада кўришадиган бўлдик.

Тадбирлар тугаб, улар бўшаб, хоналарига боргунича тунги 1-2 бўлиб кетди. Ботир ака ва ёнидаги доирачи ака иккаласини олиб, Париж марказига йўл олдик. Ресторанларнинг аксарияти бу вақтда ишламаслиги сабабли, яхши ресторан излаб машинада анча айландик. Мундайроқ ресторанга олиб боргимиз келмади. Ниҳоят, Париж марказидаги "Шатле" майдони ёнидаги ички кўчада бир ресторан топдик.

Ҳар биримизга лаҳм гўштли француз таомларидан олиб, овқатланиш баробарида дилдан суҳбат қурдик. Ботир Қодировнинг камтар инсон эканлигини шунда кашф қилдик.

Кейин эрталабки 4 ларга яқин "Насиб қилганда учрашгунча" деб Ботир акани хоналарида қолдириб ҳайрлашдик.

Агар Ботир ака бу постни ўқиса, Франциядан, ўзим ва мен билан бирга сиз билан учрашган дўстимдан саломлар!

Инстаграм: @uchzamon
Телеграм: @uchzamon

"Perfect", Ed Sheeran

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ОЗАРБАЙЖОН ВА АРМАНИСТОН ЎРТАСИДА ЯНА ЖАНГ БОШЛАНДИ

Эрталабдан ОАВларда нохуш хабарлар пайдо бўлди. Тўғрироғи, сўнгги кунлардаги воқеалар ривожи бу нохуш хабардан дарак бераётган эди.

Озарбайжон ва Арманистон ўртасида яна жанглар бошланибди. Иккала тараф бир-бирини гиж-гижлаганликда айбламоқда ва иккаласи ҳам душманга қарши қаттиқ зарбалар берганини айтмоқда.

Бундай воқеаларда "иссиғи"да бир нарса деб бўлмайди. Воқеалар ривожини кузатиш ва барчаси яхшилик билан тугашини кутишдан бошқа чора йўқ. Агар мазкур конфликт ва унинг тарихи ҳақида билмоқчи бўлсангиз мана бу "Муносабатим"ни ўқишни маслаҳат бераман. 👇

https://t.me/uchzamon/486

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ХАЛҚАРО ТУРИЗМ КУНИ МУБОРАК, ҲАМКАСБЛАР!

Туризм - орзу-ҳаваслар, ҳиссиётлар ва гўзал туйғуларнинг рўёби устига қуриладиган ижобий саноат тури, инсонларга уларнинг одатий ташвишлари, ҳаётий муаммолари, бир хил ритмдаги иш кунларидан узоқлашиш имконини берадиган соҳа ҳисобланади. Туризм 2019 йилда 1,5 миллиард инсонни саёҳат қилдирган ва бу кўрсаткичлар 2020 йилда янада ортиши кутилаётган эди...

Коронавирус пандемияси сабабли ҳозирга қадар кўплар банкрот бўлиб кетди, бошқалар яшаб қолиш учун курашмоқда ва бу навбатдаги йилларда ҳам давом этиш эҳтимоли бор.

Мен мана шундай "ўзига хос" вазиятда туризм соҳасида фаолият юритаётган барча ҳамкасбларга "Байрам муборак" дейман ва уларга барча эзгу тилакларни тилайман! Бу балолар тез орада ўтиб кетиб, ўзингиз севган, инсонларнинг орзуларини рўёбга чиқариш касбингизни хурсандчилик билан давом эттирадиган кунлар тез етиб келсин!

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Аёлларнинг иштони, фалончининг кўйлаги ва ҳоказолар ҳақида пост ёзадиган айрим маънавиятчилар ўша қизларнинг расмларини кўришга уялганларидан кўзларини мана бундай қилиб маҳкам ёпиб оладилар 😜😂😂

Инстаграм: @uchzamon
Телеграм: @uchzamon

#КунАнекдоти !

60 ЁШЛИ АЁЛ БИЛАН САЁҲАТ ҚИЛМАЙМАН !

Олтмиш ёшга кирган эр-хотиннинг турмуш қурганларига 40 йил бўлибди. Улар йўлда бирга кетаётсалар олдиларидан пари чиқибди ва дебди :

- Сизлар 40 йил давомида тинч-тотув яшадингизлар. Ҳар хил қийинчиликларни биргаликда енгиб ўтдингизлар. Бу катта синов. Шунинг учун сизларга миннатдорчилик маъносида ҳар бирингизнинг 3 та тилагингизни бажараман.

Бундан хурсанд бўлган аёл раҳмат айтиб тилакларини айта бошлабди :

- Биринчи тилагим : Менга умримизнинг охиригача етадиган кўп бойлик бер.

Икки чамадонда пуллар ва сандиқда қимматбаҳо тошлаш пайдо бўлибди.

- Иккинчи тилагим : Бизга яшашимиз учун катта қаср бер.

Бир зумда қаср пайдо бўлибди.

- Учинчи тилагим : Менга бутун дунёнинг давлатларига визалар, авиабилетлар, меҳмонхолаларга бронлар қилиб бер. Турмуш сабабли биз ҳеч қаёққа саёҳат қила олмадик. Эрим билан бутун дунёни кезиб чиқмоқчиман.

Буям бир зумда мухайё бўлибди.

Ундан кейин эри тилакларини айта бошлабди.

- Мен хотинимнинг биринчи ва иккинчи тилагига қўшиламан. Менгаям шулар бўлади. Лекин учинчи тилагига қўшилмайман. Мен 40 йил давомида бир хотин билан яшадим, бирон марта ҳиёнат қилмадим. Энди қариган чоғимда, мазза қилиб дунё кезадиган пайтимда 60 ёшли кампир билан саёҳат қиламанми ? Мен ҳам одамларга ўхшаб ёш жувон билан саёҳат қилишни истайман. Учинчи тилагим, хотинимнинг ёшини меникидан икки марта фарқли қилиб қўй!

Пари "Келишдик" дебди-да, унинг ўзиини 120 ёшга айлантириб қўйибди. 😜😂

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

МЕҲМОНХОНАМИ ЁКИ МАЪНАВИЯТ ПОЛИЦИЯСИМИ ?

Кеча бир журналист Фейсбук ижтимоий тармоғида "Гулистон шаҳридаги Safar-obod меҳмонхонаси хўжайинига мурожаат!!!" номли пост эълон қилди. Ўз постида у қуйидаги воқеани гапириб беради :

"...Бугун иш билан ўз машинамда Гулистонга боргандик. Тушдан кейин мазам бўлмагани учун ҳамкасбим (эркак одам) меҳмонхонада қолишга қарор қилдик, чунки машина ҳайдолмасдим. Иккаламиз бошқа-бошқа хона олиб, жойлашдик. Ҳамкасбим паспортимни олиб, регистрация қилгани пастга тушиб кетди. Сўнг қайтиб келиб паспортимни берди. Хона телевизори ишламаётгани учун ундан кўриб беришни сўрадим. Пульти ишламаётгани сабабли ўз хонасига кириб, пулни олиб чиқиб, яна хонамга кирганида эшик тақиллади. Очсам ресепшендаги йигитча турибди. Соат кундузи 17.30 лар чамаси эди. Опа уялмайсизми шу ишни қилгани дейди, томдан тараша тушгандай. Мен нима иш қилибман десам, мен анови эркакни ҳам боя огоҳлантирдим, никоҳларинг йўқ экан, бир бирларингни хоналарингга кирманглар деб, дейди.

-Томингиз кетмаганми, кирса нима булибди, десам, уят, сендақаларни кўпини кўрганман, ўзи журналистлар ж.. бўлади , деб кетди. Асабийлашиб кетдим, оғзингга қараб гапир, ифлос дедедим. Ҳамкасбим кетдик бу ерда бошқа турмаймиз, деди. Унда пулни қайтариб бер десам, Мен қайтармайман. Шу ешга кириб шу ишни қилишга уялинг дейди, безрайиб. Тўғриси қотиб қолдим. Эндигина кийимимни алмаштиргандим, холос. Хуллас, мехмонхонада ярим соат булиб, емаган сомсага 250 минг сўм тўлаб чиқиб кетдик..."

Бу постда журналист айтадиган гапирини айтиб бўлган ва мен унга қўшимча қилишимга ҳожат йўқ. Мен бу воқеа орқали умуман Ўзбекистондаги "меҳмонхона сиёсати"га оид фикрларимни билдирмоқчиман.

Постда айтилган меҳмонхона бу ишни қилган бўлса, бунга иккита сабаб бор бўлади. Биринчиси, менталитетимиздаги аёлларнинг иштони, бировнинг кетини пойлаб юрадиган нуқсонимиз. Иккинчиси эса, жиддийроқ сабаб : давлат сиёсати !

Ўтган йилларда тепадаги қайсидир "ақлли калла" Ўзбекистонда "маънавият полицияси" яратиб, бу орқали "енгилтабиат" аёлларга қарши курашмоқчи эди. Тушунишимча, унинг қарашларига кўра "Меҳмонхона=Фоҳишахона" бўлиб, меҳмонхоналарда туриш қоидаларини максимал даражада қаттиқлаштириб, бу орқали фоҳишаликка қарши курашмоқчи эди.

Бунинг натижасида, республикадаги барча меҳмонхоналарда меҳмонларнинг паспортлари, пропискалари, мижозлар эркак ва аёл бўлса, уларнинг никоҳ гувоҳномалари ва ҳоказолар сўралар эди. Бундан ташқари мижозлар "ётиб қўймасликлари" учун кузатув камераларига қараб ўтирилар эди. Бир муддат ҳатто телевизор орқали меҳмонхоналар ва тунги клублардаги "енгил табиатлилар" ва "мақсадсизлар"ни ушлаб оммага сазойи қилиш орқали бу қарорнинг тўғрилигини исботлашга ҳам уринилди. Энг дахшатлиси, айрим меҳмонхоналар бу қоидани чет эллик меҳмонларга ҳам жорий қиламан деб қовун туширдилар.

Мен Париждаги бир неча меҳмонхоналарда ишлаганман ва биз ҳам меҳмонхона фохишахонага айланмаслигига қарши курашганмиз. Аммо шунга қарамасдан, аксарият меҳмонхоналарда мижоздан ҳатто паспорт сўралмасди. Агар паспорт сўралса ҳам брондаги мижоз айнан шу инсон эканлигини билиш учунгина сўралар эди ва кўриб, дарров қайтиб берилар эди.

Юртимиздаги туризм ривожи ва очиқлик сиёсати туфайли бундай қоидаларнинг абсурдлиги, меҳмонхоналарнинг вазифаси "маънавият полицияси" бўлиш эмас, балки меҳмон қабул қилиш, пул топиш ва солиқ тўлаш эканлиги ойдинлашди. Чунки фоҳишалик қилиш учун албатта меҳмонхона бўлиши керак деган қоида йўқ. Қиламан деган одам унинг йўлини албатта топади. Орада меҳмонхоналар мижозларидан айрилганлари ва ўзларига даҳли бўлмаган ишлар билан шуғулланганлари қолади.

Энди юқоридаги постдаги ҳолатга қайтамиз. Дейлик, Сирдарёдаги меҳмонхона ҳали ҳам мижозларнинг кетини пойлаб, эр-хотин бўлмаганларни бир хонага қўймаётган экан. Гап йўқ. Аммо мижозлар алоҳида хоналарга жойлашганлар ва уларга бир-бирларининг хоналарига киришларига ҳеч ким халақит беришга ҳаққи йўқ. Улар хоҳласалар телевизорни тузатадилар, хоҳласалар гаплашиб ўтирадилар, хоҳласа "ётадилар". Қани меҳмонхона бунинг мумкин эмаслигини қонуна исботлаб берсинчи ? Меҳмонхона, администратор мижознинг хонасига қулоқ тутиши, кўз тикиши бу инсоннинг шахсий ҳаётига аралашиш, "вуайоризм" деб айтилади ва бунинг учун қонунларда жазо бор!

2020 йилда коронавирус сабабли Ўзбекистон турисми мисли кўрилмаган йўқотишларга дуч келди. Баҳорги мавсумдаги йўқотишларнинг ўрнини имкон қадар қоплаш учун ҳали пандемия ўтмаган бўлса ҳам 1 октябрдан меҳмонлар қабул қилишга рухсат бериляпти. Бу туризм соҳаси вакиллари, жумладан меҳмонхоналарга оз-моз даромад қилишлари учун қилинмоқда.

Шундай пайтда, меҳмонхоналар мижозларни хушмуомалалик билан қабул қилиб, хизмат кўрсатишнинг ўрнига уларнинг кетларини пойлаб, уларнинг хоналарига қулоқ тутиб юришлари абсурддир !

Бунга Туризм қўмитаси эътибор қаратиб, меҳмонхоналарга "эски замон" ўтганлигини эслатиб, уларга ўз ишлари билан шуғулланишларини эслатиб қўйса яхши бўлар эди деб ўйлайман!

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Ўтиб кетгани рост бўлсин!🙏

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

"Love me like you do", Ellie Goulding

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

САУДИЯ АРАБИСТОНИ ТУРКИЯ МАҲСУЛОТЛАРИГА ЭМБАРГО ЖОРИЙ ҚИЛГАН ЭМИШ

Хабар "Лента.ру"дай жиддий манбада "эмиш"сиз тарқалган бўлса ҳам ҳар эҳтимолга қарши" эмиш" қўйяпман. Чунки маълумотни текширишга имконим йўқ.

Қискаси, Қорабоғда юз бераётган воқеаларда Туркия Озарбайжонни қўллаб қувватлагани учун Суадия Арабистони Туркиянинг маҳсулотларига эмбарго жорий этганмиш. Мақолада Туркия-Греция масаласида ҳам Саудия Греция тараф бўлгани айтилади.

Бу маълумотни текшира олмасам ҳам кўплаб одамлар худодай биладиган ва сал кам сиғинадиган Саудия Арабистони на туркларнинг, на бошқа мусулмонларнинг ташвишлари билан қизиқмаслигини эслатмоқчиман. Масалан, уйғурлар масаласида ҳам ҳатто Исроил Хитойни айблади, аммо Саудия "муаммо йўқ" деган позицияни эгаллади.

Умуман олганда, менда Саудия Арабистонини на дин, на мусулмонлар эмас, балки мусулмонлар ҳар йили у ерга бориб ташлаб келадиган миллиардлаган долларлар қизиқтиради деган тасаввур пайдо бўляпти.

Мақолага ҳавола: https://m.lenta.ru/news/2020/09/28/nagorny_turk/

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ҚОРАБОҒДАГИ ВОҚЕАЛАРДА ҒАРБНИНГ ПОЗИЦИЯСИ ҲАҚИДА

Мендан Қорабоғда юз бераётган воқеалар юзасидан, Ғарбнинг, хусусан АҚШнинг конкрет позицияси ҳақида савол берилди. Суҳбат орасида берилган ушбу саволга қуйидагича жавоб бердим:

"Трамп келганидан бери АҚШнинг конкрет позициясини ҳеч ким аниқ билмайди. Бу фақат Трамп қайси томони билан уйғонишига боғлиқ нарса.

Айнан шу сабабга кўра ҳозир халқаро муносабатларда "Ғарб" ҳақида гапириб бўлмайди. Чунки ҳозир Ғарбда АҚШ бор ва Европа бор. Европада эса Франция ва Германия бор. Европадаги бошқалар ҳам манфаатлардан келиб чиқиб бўлинган. Англия ўйиндан чиқди ва на АҚШ билан на Европа билан бир хил позицияга эга эмас.

Туркия-Европа муносабатларида ҳам "Туркия-Ғарб" тўқнашувлари дея олмаймиз. Чунки Франция Ғарб ва Европанинг қўлловидан умид қилиб Греция масаласида Туркия билан тўқнашувга борган эди, ҳалигача Германия жим. АҚШ ҳам жим. Туркия НАТОнинг аъзоси. Унга бир нарса дейиш ва Франция тараф бўлиш АҚШга манфаатсиз, Германия эса турк миллатидаги фуқароларининг босимидан қўрқади.

Шу сабабдан, бу конфликтда ҳозир Ғарб томошабин десам бўлади. Бу ерда асосий актёрлар Россия ва Туркия. Қолганлар воқеалар ривожига қараб ё аралашади ё актёрлар хато қилса шундан фойда кўришга ҳаракат қилади"

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

#КунАнекдоти!

МЕН МУАММОЛАР ТАРАФДАМАН!

Шарқ давлатларидан бирида бош вазир президентнинг олдига кирибди ва дебди:

- Жаноб Президент, мен иккита рўйхат қилдим. Бир рўйхатда юртимиздаги муаммолар, иккинчи рўйхатда уларни ечиш чоралари.
- Хўш?
- Муаммолар рўйхати чоралар рўйхатини биринчи раунддаёқ накаутга учратяпти
- Унда мен муаммолар тарафдаман
- Ажойиб танлов, жаноб президент. Мен ва ҳукуматимиз ҳам ҳар доимгидек ғолиб тарафдамиз...

😬😜😂

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

"Знаешь ли ты", МакSим

"Уч замон" каналига ҳали аъзо бўлмаганлар учун ҳавола :
👉 https://t.me/uchzamon

Аёл кишининг оёқ-қўллари чаққон бўлиши керак. Айниқса оёқлари 😜😂👍

"Уч замон" каналига ҳали аъзо бўлмаганлар учун ҳавола :
👉 https://t.me/uchzamon

ДИҚҚАТ ! УЧТЕПА-15 ДА 2 ХОНАЛИ, 55 м² (3 хона қилинган) КВАРТИРА СОТИЛАДИ (Тарқатинглар)
(Посредниклар безовта қилмасин)

Характеристика :

Ўзи яшамоқчи ва арендага бермоқчи бўлганлар учун идеал вариант.
Ғишт, московская планировка (яъни майдони жуда кенг), 2 та балкон (2х6 м ва 2х3 м): 2 хона, ошхона балконга чиқариб 3 хона қилинган. Туалет ва ванна алоҳида. Хонадан хонага ўтилади. Ремонт қилинмаган, лекин бемалол ичига кириб яшаш мумкин. 5-этаж.


Жойлашиши :

Мактаб ва боғчалар пиёда 2 минут. Учтепа туман ҳокимияти, Жуковская больница ва Фарҳод бозорларига яқин. Тинч ва сўлим жойда жойлашган. Ёнида парк, супермаркет, автосервис ва бошқа хизмат кўрсатиш муассасалари бор.

Арендага бермоқчилар учун : ЎзДЖТУнинг талабалари учун қулай (Чўпонотадаги ва Литературнийдаги факультетларнинг ўртасида жойлашган)

Нархи : 30 000$ (Олиш нияти жиддий бўлса, келишилади)

Мурожаат учун телефон : +998 99 804 44 54

ЎЗБЕКИСТОН НЕГА АФҒОНИСТОНДА ТЕМИР ЙЎЛ ҚУРАДИ?

Ўқувчиларимиздан бири менга шундай савол билан мурожаат қилган эди. Бундай мазмунда берилган саволларнинг кўпчилигида "Ўзимизда иқтисодий муаммолар тиқилиб ётганда нега афғонларга темир йўл қуриб берамиз?" дегандай нимкоса маъноси ҳам бўлади. Мен ўқувчимизга пост қилиб жавоб ёзишимни айтгандим.

Ҳамма билгани учун Афғонистонда тинчлик бўлиши Ўзбекистон учун ҳаётий зарурат эканлиги ва "Қўшнинг тинч, сен тинч" деган мақолда айтилганидай қўшни давлатда уруш бўлса, Ўзбекистон ҳеч қачон тинч ухлай олмаслигига тўхталиб ўтирмасдан мақсадга ўтаман.

Ўзбекистон нега Афғонистонда темир йўл қуради ва бундан бизга нима фойда ёки зарар?

Бошидан айтиб қўя қолай, бундан бизга ҳар томонлама фойда бўлади ва деярли зарар бўлмайди.

Сиёсий фойда.
Афғонистонда қандай сиёсий тараф бўлишидан қатъи назар (ҳукумат, Толибонлар, маҳаллий кланлар) ҳар қандай чет эллик давлатларнинг ўз юртига келишини ёмон кўз билан қарайди, чунки Ғарб, Россия, Хитой ва ҳатто ён қўшнилар Покистон ва Ҳиндистон у ерга ҳарбий мақсадлар ва сиёсий амбициялар билан боради.

Ўзбекистон эса у ерга фаровонлик истаб, иқтисодий-ижтимоий лойиҳалар билан кириб бораётганлигини Афғонистондаги барча сиёсий кучлар, ҳатто Толибонлар хуш қабул қилмоқдалар ва тинчлик музокараларида Ўзбекистонни ишончли воситачи деб билмоқдалар. Бу Ўзбекистон ва Афғонистон ўртасида ўзаро ишонч ҳамда сиёсий дўстликни мустаҳкамлашга ва жанубдан келадиган айрим балоларни аритишга хизмат қилади.

Иқтисодий фойда. Ўзбекистон Афғонистонда қураётган темир йўл замонавий иқтисодиётдаги ривожланган ва таянч давлатлар юритаётган ақлли схема орқали амалга оширилмоқда. Ҳали Ўзбекистон ҳеч бир давлатда йирик ва узоқ муддатли иқтисодий лойиҳаларга инвестиция киритмаган эди. Аксинча Ўзбекистон қолоқ давлатлар қатори бошқа давлатлар ўзига келиб бир нарсалар қуриб беришларини кутадиган ва бунинг учун уларга "ноннинг ярми"ни улашишга мажбур бўлган давлатлардан бири эди.

Афғонистон мисолида Ўзбекистон инвестиция киритувчи, шу орқали Афғонистон темир йўллари тизимини яратувчи, узоқ йиллар давомида бошқарувчи ва асосийси иқтисодий фойда олувчи ҳисобланади. Бу ишни бошқа бир давлат қилиши ва фойдани қўлга киритиши ҳам мумкин эди, аммо буни Ўзбекистон уддалади.

Геостратегик фойда. Ўзбекистон Марказий Осиёдаги йирик давлат бўлгани билан жаҳон геосиёсий саҳнасида ўз ўрнига эга давлат ҳисобоанмайди. Яъни биз кичкина давлатмиз ва бизнинг манфаатларимиз ўз миллий ҳудудимиздан ташқарига чиқмайди ҳисоб. Ваҳоланки географик жиҳатдан ҳудудларимиз бошқа давлатлар билан ўралганлиги учун бизнинг манфаатларимизнинг тақдири ҳудудларимиздан ташқаридаги давлатларга боғлиқдир.
Шундай бўлгач, Афғонистондаги темир йўлларни биз қургач ва назорат қилгач, бизнинг Афғонистон орқали жанубга чиқиш имкониятларимиз бизнинг қўлимизда бўлади. Асосийси афғон сиёсий кучлари бу ролни америкаликлар, руслар ёки хитойликларга эмас, айнан бизга ишонмоқда.

Ижтимоий фойда. Афғонистонда тинчлик ўрнатилишининг асосий шартларидан бири бу у ерда иқтисодий фаровонлик бўлиши ва инсонларнинг ҳаёт даражаларининг кўтарилиши, уларнинг таълим олишлари, соғлом бўлишлари ва истеъмол қилишларидир. Агар афғонларда ҳаёт яхшиланса, бу Ўзбекистонга ҳар томонлама имкониятларни очади.

Энди энг асосий масала. Бу Ўзбекистонга қанчага тушади ва бундан ўзбек халқи зарар кўрадими?

Бу лойиҳалар Афғонистондаги иқтисодий фаровонлик учун жаҳон ҳамжамияти ажратган ёрдам маблағлари ва фойдали кредитлар ҳисобига амалга оширилмоқда.

Шундан келиб чиқиб, Ўзбекистоннинг Афғонистонда темир йўл қуришини ижобий баҳолайман ва тўғри қарор деб ўйлайман.

"Уч замон" каналига ҳали аъзо бўлмаганлар учун ҳавола : 👉 https://t.me/uchzamon

ЖАМИЯТНИНГ БОҒБОНЛАРИ, КАСБ БАЙРАМЛАРИНГИЗ МУБОРАК !

Жамиятларнинг ривожи ёки таназзулида бефарқларнинг аҳамияти жуда катта. Муаммоларни кўтариб чиққан, иллатларни ва айбдорларни кўрсатган, уларни таҳлил қилиб, ечимлар таклиф қилган билан жамиятнинг катта қисми бефарқ ва фаталист бўладиган бўлса, бундай жамиятда ривожланиш бўлмайди.

Барча жамиятларда ўзига бир тийинлик фойдаси бўлмаса ҳам ҳеч қачон ҳеч нарса бефарқ бўлайдиган, барча соҳаларга бирдай қизиқадиган, барча янгиликларни қолдирмай кузатиб хабардор бўлиб борадиган, жамиятдаги муаммоларни ўйлаб сиқиладиган ва мунтазам равишда уларни таҳлил қилиб ечимлар излаб юрадиган бир касб эгалари бор. Булар - УСТОЗЛАР, ЎҚИТУВЧИЛАРДИР !

Узтозлар ўзларининг оилавий муаммоларидан ортиб фақатгина ўқувчиларининг эмас, балки бутун жамиятнинг муаммолари учун куюнадилар ва ҳар бир янгиликни ўзларига даҳлдор эканлигини ҳис қилиб яшайдилар. 2004 йилда Тошкентда дарс берганимизда бир ўқитувчи бор эди. Жамиятнинг муаммоларини гапириб ўтириб куюниб кетар эди. Бир куни у муаммолар ҳақида узоқ гапиргач, шундай деган эди :

- Афсус шу гапларга ҳеч ким эътибор бермайди. Муаммоларнинг на раҳбариятга, на одамларга қизиғи йўқ. Қани эди телевиденияда менга ярим соатгина эфир беришса эди, мен мана шу муаммоларни гапириб, барчани огоҳликка чақирган бўлар эдим. Ундан кейин мени отиб ташлашса ҳам майли эди.

Оддий бир ойликка яшайдиган, йиллар давомида бир костюм-шимда юрган ўқитувчи тинчгина оиласини боқиб юравермасдан жамиятнинг муаммоларига одамларнинг эътиборини тортиш учун ўзини отиб ташлашларига ҳам рози.

Бу йил карантин пайтида айниқса устозларнинг қадрини яна бир бор кўрсатди. Ота-оналар бегонанинг эмас, ўзларининг бир ёки икки нафар фарзандига дарс бера олмай қийналиб кетдилар. Ўқитувчилар эса бегоналарнинг болаларидан таркиб топган 25-30 талик синфларга дарс беришни касб қилиб, бу иш билан бир умр шуғулланиб ўтадилар. Чунки устозлар ўша болаларни бегона деб эмас, балки ўзлари даҳлдор жамиятнинг болалари деб биладирлар!

Ўқувчилар жамиятнинг ниҳолларидир. Эртага улар катта бўлгач, жамиятнинг тақдирига жавобгар тўлақонли аъзоларига айланадилар. Уларни парваришлаб, жамиятга етказиб берадиган "боғбонлар" устозлар бўладилар.

Менинг ва барчамизнинг ҳозирги даражамизга етиб келишимизда азиз ва мухтарама устозларимизнинг роллари беқиёсдир !

Мен ушбу фурсатдан фойдаланиб, менга дарс ва таълим берган, менга ҳаётда бир ҳарф бўлса-да ўргатган барча устозларимга, қолаверса юртимиздаги жамиятимизнинг муаммоларига бефарқ бўлмаган, ҳеч ким раҳмат айтмаса ҳам жамиятнинг ниҳолларини парваришлаб келаётган ва уларнинг муваффақиятларидан мамнун бўладиган барча устозларга миннатдорчилик билдираман!

Каналимизда ҳам кўплаб устозлар, ўзимнинг курсдошларим ва устозларим ҳам бор. Яширмайман, постларимнинг, айниқса ижтимоий мавзулардаги таҳлилларимнинг энг фаол ўқувчилари ва шарҳловчилари устозлардир. Сизларнинг борларингизга шукур!

Барчаларингизни касб байрамлари билан муборакбод этаман!

"Уч замон" каналига ҳали аъзо бўлмаганлар учун ҳавола : 👉 https://t.me/uchzamon

МАҚОЛАМИЗ "ЖАМИЯТ" ГАЗЕТАСИДА

Яқинда Ўзбекистон меҳмонхоналаридаги мижозларнинг шахсий даҳлсизликлари ва инсоний ҳуқуқларига аралашиш ҳолатларига оид мақола чоп этган эдим ва у ижтимоий тармоқларда ҳозирга муҳокамаларга сабаб бўлмоқда.

Илми ва дунёқарашлари юксак бўлган кўплаб инсонлар мақолада кўтарилган асл муаммони англаб, унга адекват муносабат билдираётган бўлсалар, айрим мутаассиб инсонлар муаммо қолиб, бошқа нарсалар юзасидан норозиликлар билдирмоқдалар.

Бу орада "Жамият" газетаси сюрприз қилиб мазкур мақолани чоп этибди. Мақолани газетанинг бугунги сонида ўқишингиз мумкин.

Эътибор ва мақолани ўз ўқувчиларига етказгани учун жамиятимизнинг номер "1" газетаси бўлмиш "Жамият"га ўз миннатдорчилигимни билдираман!

"Уч замон" каналига ҳали аъзо бўлмаганлар учун ҳавола :
👉 https://t.me/uchzamon