#КунАнекдоти!

Бир киши йулда бораётса битта дарахтга ёзиб қўйилганмиш:

"Дарахт тепасида 10000$ пул бор, чиқа олсанг пул сеники. Агар чиқолмасдан йиқилиб тушсанг, овозинг қиз боланикидай бўлиб қолади".

Ҳалиги киши "бу бир оддий дарахтку, бемалол чиқа оламан" дебдида дарахтга чиқа бошлабди. Дарахт сирпанчиқ экан, ярмига бормасдан йиқилиб тушибди. "Вой вой вой" деса, овози қиз боланикидай бўлиб қолганмиш. Жаҳли чиқиб ёнидаги милиция участкасига кириб қиз болача овозда нолибди:

"Ўртоқ милиционер, кимдир анови дарахтга "Дарахт тепасида 10000$ пул бор, чиқа олсанг пул сеники. Агар чиқолмасдан йиқилиб тушсанг, овозинг қиз боланикидай бўлиб қолади" деб ёзиб қўйган екан. Шунга чиқаман деб, овозим қиз боланикидай бўлиб қолди. Шу ишни ким қилганини топиб жазоланг илтимос".

Шунда ўтирган милиционер унга қиз болача овозда жаҳл билан жавоб берибди:

"Қўлингдан келмаса дарахтга чиқиб нима қиласан, номард!" 😜

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

"Қанотчи" номи юзасидан филологча фалсафа.

Қанотчи деган номни ўйлаб топишга қанча вақт кетган экана ?

Қанот, қанотлар, қанотча, қанотчалар, қанотли дейиш мумкин. Лекин қанотчи деган сўзнинг ўзи йўқку.

Ёки "қонатчи" демоқчимикан? Масалан, бурнини қонатчи, пешонасини қонатчи, кўрайлик.

🤔😜😂

PS. Агар бу сўз ростдан бор бўладиган бўлса, олдиндан узр!

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Юлдуз Усмоновадан "Узрнома".

"Йух сизларга"! 😜😂

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Сизга иккита хабар бор. Бири хушхабар, иккинчиси шумхабар.

Хушхабар: Бугундан карантин тугаб, рангли зоналарга қараб, енгилликлар бошланади.

Шумхабар: "Қизғин ва очиқ мунозара якунида сенаторлар Ўзбекистон Республикасининг ЕОИИда “кузатувчи давлат” мақомида иштирок этиш таклифини маъқуллашди".😢🤦‍♂️

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

БОРМА КУЯСАН!

Кеча энг профессионал ва жонкуяр журналистларимиздан бири Жамшид Ниёзов "Оға, 3 йилдан сўнг айтганлариз ижобат бўпти" деб ёзиб қолди. Гап 2017 йилда Кун.узда берилган келажак ҳақидаги айрим фикрларим ҳақида борарди.

Мени сўнгги йилларда мунтазам кузатиб келаётган дўстларимиз яхши биладилар, "Шахсий мулоҳазаларим" рукни остида ёзган кўп фикрларим, таҳмин ва тавсияларим ҳозирга келиб амалга ошмоқда.

Мен фолбин ва кўпчилик блогерларга ўхшаб бугунги воқеаларнинг шарҳловчиси эмасман. Мен келгуси йиллар ҳақида фикр ва мулоҳазалар билдирсам, улар чуқур таҳлил, кузатувлар ва шахсий интуицияларимга асосланган бўлади.

Ўтган даврда ёзганларим учун хурсандман, аммо мени бошқа нарса хавотирлантиради. Менинг ҳозирги ёзаётган хавотирларим келгуси йилларда, қисқа ва узоқ муддатларда амалга ошиши мумкинлиги мени дахшатга солади.

Ўзбекистон сенатининг бугунги шармандали қарори менинг хавотирларимни тасдиқламоқда.
Энг алам қиладигани, раҳбарият ҳозир йўл қўяётган хатоларнинг хунини халқимиз кўз ёшлари ва ҳатто қони билан тўлашига тўғри келиши мумкин.

Шунинг учун, мени ёмон кўришса ҳам такрор-такрор айтишга мажбурман. Барака топгурлар, нотўғри йўлга, ўтга қараб кетиб боряпсизлар. Борманглар, куясизлар!

Жонингиз қанчалик ширин ва бебаҳо бўлса ҳам болаларингиз, келажак авлодлар ҳаққи, уни аяманглар. Агар бу ишни мажбурликдан қилаётган бўлсангизлар, фарзандларингиз, невараларингизни қул қилиш ҳақида қарорни қабул қилиб, уларнинг кўзларига қараб яшаб юргандан кўра ҳозир мард ва муносиб равишда қурбон бўлиб кетганларингиз яхши. Келаси авлодлар сизлардан нафратланиб эмас, фаҳрланиб юрадилар.

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

КАРАМ ФОРМУЛАСИ!

ОАВда коррупцияга қарши яна бир агентлик очилганлиги ҳақида хабар чиқди. Навбатдаги агентлик. Бизда вазирлик, қўмита, агентликларнинг очилиш анъанаси карамни эслатиб юборадиган бўлди. Формуласи бундай:

Муаммо=Агентлик+Вазирлик+Қўмита+Яна бир бало ташкилот+♾️.

Бу формулани амалга ошириш учун:

Янги бино+Янги раҳбар+Янги муовинлар+Яна янги муовинлар+Ҳодимлар+Котибалар×$$$=♾️.

Бу ташаббусларни кўриб, муаммонинг томи кетиб қолади. "Мен бор йўғи битта ўзим бўлсам. Булар нималар қилиб ётибди?" деб ўзини ўзи бир нарса қилгиси келиб кетади.

Кейин нимагадир давлатнинг бюджетида пул қолмай қолади. Ҳамма ҳайрон. Ҳечқиси йўқ. Шунча пул қаёққа кетди? Униям ҳал қилишни биламиз. "Карам формуласи" бор. "Бюджет мабдағларини тўғри ишлатиш" бўйича янги вазирлик тузилади ва... "Бу қачонгача давом этади?" дейсизми? Булар муаммога қарши тўғри курашишни ўрганмагунча давом этаверади.

Шуям муаммоми? Агар муаммо десангиз униям ҳал қиламиз. А лаббай? 😜

👉 https://t.me/uchzamon

ФРАНЦИЯДА КАРАНТИН (ДЕЯРЛИ) ТУГАДИ.

Бугун яъни 11 майдан бошлаб Францияда 17 мартда бошланган карантин деярли тугади ва янги ҳаёт бошланди. Деярли деганимга сабаб, "Қизил" зоналарда ҳали тугамади ва "Яшил" зоналарда ресторанлар очилмаган бўлса ҳам кўчага эркин чиқиш мумкин бўлди. Магазинлар бемалол ишлай бошлади. Маска кийиш, қўлқоп кийиш мажбурий эмас, лекин тавсия этилади.

Биз ҳам "эркинлик шамоли" дан фойдаланиб, дўконларга бориб келдик.

Аксарият дўконларда қатъий тартиб ўрнатилган. 90% одамлар мажбурий бўлмаса ҳам маскада юрибди. Магазинларга 100 кишидан ортиқ киши кириш мумкин эмас. Қолганлар ўз навбатларини кутиб, ташқарида турадилар.

Магазинга киришда бир киши қўлингизга гел солади ва саватчани ҳам гел билан артиб қўлингизга беради. Ундан кейин қўлқоплар турибди. Эркин олиб кийиш мумкин.

Ичкарида 1,5 метрлик масофалар чизилган ва ҳамма жойда эслатмалар ёзилган. Ишлатиб бўлинган саватни ерга қўймасингиздан олдин бир киши йиғиб олиб, гел билан тозалаб қўяди. Кассирлар пластик ҳимоя ортида, маска таққан ва қўлқоп кийган.

Хуллас, карантин якунига қаттиқ тайёргарлик кўрилганлиги кўриниб турибди. Мижозлар кўп, лекин улгуришяпти.

Ундан кейин "ҳалол" гўшт олиш учун арабларнинг магазинига бордик. Ифтор учун сотилаётган пишириқлар кўчада очиқ турибди.

Кириш-чиқиш эркин. Гел йўқ, қўлқоп йўқ, таъқиқлар йўқ. Сотувчи ва кассирларда ҳам қўлқоп йўқ. Гўштни қўллари билан ушлаб кесиб берди. Нима дейишни ҳам билмай олавердик.

Менимча, кўп нарса менталитетга ҳам боғлиқ.

Бу иккаласи жуда кўп ҳолатлардан иккита мисол. Умумлаштирмаган ҳолда, карантинда чиқиш куни ҳақида тасаввур беради холос.

👉 https://t.me/uchzamon

Чулун таппи-Чуғулистон қаҳрамони!

Чулун таппи :

- Чуғул руҳига шукрлар бўлсинки, шу ёшга кирганимда менга "Чуғулистон қаҳрамони" деган унвон насиб этди. Албатта, сизларни бу унвон менга қайси хизматларим учун берилганлиги қизиқтираётган бўлса керак. Келинг мен сизларга бўлган воқеани гапириб бера қолай...

Давомини ўқиш учун ҳавола: https://telegra.ph/Chulun-tappi-Chuguliston-qahramoni-05-12

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ЎЗ ФАРЗАНДЛАРИНГИЗГА ДУШМАНЛИК ҚИЛМАНГ!

Коронавирус сабабли дунёнинг кўплаб давлатлари, жумладан Ўзбекистон мактаблари ёпилиб, онлайн дарслар ўтилаётганлиги сир эмас.

Бир хабарга кўра, Ўзбекистонда айрим ота-оналар фарзандларининг ўрнига уйга вазифаларни ечиб, Телеграм орқали юбораётган эканлар.

Ўзи шундоғам фарзандларини пул билан ўқишга олиб кириб қўйишлар, кириб бўлгандан кейин сессияларни ёпишига пул беришлар сабабли юртимизда кадрлар масаласи абгор аҳволга келиб қолган.

Биз ривожланган давлатлардай ривожланишни, катта маошлар олишни, порахўрлик, таниш-билишчилик бўлмаслигини, адолат устувор бўлишини орзу қиламиз, аммо барча иллатларнинг ғиштини ўзимиз қўямиз. Болаларимиз "5" баҳо олишлари учун ўрнига вазифаларни ўзимиз ечиб Телеграмдан жўнатамиз ва ўғрилик, қинғирликни болаларимизга сингдирамиз.

Францияда 17 мартдан бери мактаблар ёпилган ва дарслар онлайн ўтиляпти. Ўқитувчилар вазифаларни мейлдан жўнатади. Ота-оналар уйда ўз болаларига дарс ўтиб, бажарилган вазифаларни ўқитувчиларга жўнатадилар. Ўқитувчилар уларни текшириб, баҳолаб, хатоларни кўрсатиб мелдан қайта жўнатади.

Ҳозирга келиб, ота-оналар сидқидилдан ишлаганлари, фарзандларининг ўрнига вазифаларни ечиб жўнатмаганлиги учун баҳолашни ҳам ота-оналарнинг ўзларига берилди. Ота-она ўз боласига дарс ўтади, вазифаларни текшириб, баҳолаб, ўқитувчига юборади. Ўқитувчи кўриб, тасдиқлаб, навбатдаги вазифаларни жўнатади.

Фарзандининг ўрнига вазифани ечиб жўнатиш бу ўз фарзандига нисбатан душманликдир. Чунки шундай қилганлар ўқиб, ўрганиши керак бўлган ўз фарзандларини бўлғуси ўғрилар, порахўрлар, номардлар, иккиюзламачилар қилиб тарбиялайдилар. Натижада на келгуси авлоднинг, на давлатнинг келажаги обод бўлмайди. Яна иллатлардан нолиб, косамиз оқармай юраверамиз.

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Кўчирмачилик тараққиётимиз оёғига урилган болтадир !

Ўртоғим, мен "ёзган" матнни олиб, "Гугл"га ташлаган эди, шундоқ мен кўчириб олган сайт энг биринчи бўлиб чиқиб келса бўладими? У дастлаб матн кўчирилганлигини тушунгани йўқ. "Мана сеникига ўхшаш матн бор экан" деб ўша сайтни очди. Сайтдаги матннинг бир қисмини ўқидида, "бу сеники билан бир хилку, кўчирмаганмидинг?" деб сўради. "Йўғе, нима деяпсан, ўзим ёздим" дедим. У ўқишда давом этди ва охиригача ўқиб бўлгач, менга айбловчи оҳангда қарадида, "Сен кўчирибсанку!" деди. Ўзбекистонда битта талаба бирон нарсани кўчирса, иккинчи талаба "буни қаердан кўчирдинг, менгаям айт, мен ҳам кўчирай" деб сўрашига ўрганиб қолган эканман. Немиснинг менга қилаётган муаомаласига энсаларим қотиб кетди. "Немис бўлсанг ўзинга" дегандай оҳангда, "Ҳа, кўчирдим, ҳамма кўчирадику" дедим. Ўзбекистонда эмаслигим эсимдан чиқиб кетган эди. У "йўқ, бунақаси кетмайди, бу матнни домлага жўната олмаймиз" деб қолди. "Томи кетганми буни?" деб ўйладим. Шундай дарди бор экан, шуни жўнатадиган куни айтадими? Икки ой олдин айтганида, бемалол ўзим ёзишга улгурардимку.

Шундай деб ўйлаб туриб, бир қарасам, ўртоғимнинг кўзлари ёшланяпти. "Энди иккаламиз ҳам ўқишдан ҳайдаламиз ва "плагиат" (кўчирмачилик) учун энди бизни 5 йилгача ҳеч қаерга ўкишга олишмайди" деб қолди. Ана шундагина, мен қилган "аҳмоқлигим"нинг қанчалар муҳим эканлигини ҳис қилдим. Ўзимни ўқишдан ҳайдашса, балки индамасдан кетаверишим мумкин эди. Лекин мен ўзимдан ташкари битта бегуноҳ инсоннинг келажагини ҳам хавф остига қўйиб қўйган эдим...

Мақолани тўлиқ ўқиш учун ҳавола: https://telegra.ph/Kochirmachilik-05-12

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

МИРЗО БОБУР ҚЎЛИДА ЁЗИЛГАН ҚЎЛЁЗМА.

Ушбу суратни менга бултур француз навоийшунос олими-Марк Тутан юборган эди. Суратни Ҳиндистонга борганида бир музейда туширган экан. Қўлёзмада Заҳириддин Муҳаммад Бобурнинг ўз қўли билан ёзилган ёзуви бўлиб, унинг набираси Акбаршоҳ тасдиқлаб имзолаган.

Бу матн икки буюк инсоннинг қўлёзмаси қўйилганлиги билан ҳам бебаҳодир. Суратни сизлар билан улашгим келди.

ПС. Янглишмасам "Бобур" фонди ҳам ушбу қўлёзмадан нухса олиб келган. Бултур пост қилганимда шундай дейишган эди.

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ПЕТИЦИЯГА ҚАТНАШИНГ. ҚАРШИ ОВОЗ БЕРИНГ ВА ТАРҚАТИНГ.

"Хотира ва қадрлаш" кунини "Ғалаба куни" га ўзгартириш тарафдорлари "Менинг фикрим" порталида петиция қилиб, 9-майни "Ғалаба ва хотира" кунига ўзгартириш бўйича сўровнома ўтказяпти.

Петицияни асосан рус тилли сайтлар тарқатаётганлиги сабабли овоз бераётганларнинг кўпчилиги таклифни ёқлаб овоз берган.

Ўзбек тилли сайтлардан фақат УзА петицияга ҳавола бермасдан бу ҳақда хабар берган. Хабарнинг матни менга гўё петицияни мақтаётгандай туюлди.

Хуллас, петиция давом этяпти ва ўзбек тилли халқнинг бундан хабари йўқ.

Мен барчаларингизни ушбу петицияда иштирок этишга, қарши овоз беришга ва бу хабарни тарқатишга чақираман.

Ўзбек тилли ахборот сайтларини ҳам бу маълумотни ўзбек тилли аҳолига етказишга ҳисса қўшишларини сўрайман.

Петицияга ҳавола: https://petition.gov.uz/uz/petitions/view/4044

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

МАНА ПЕТИЦИЯДАН КЕЙИНГИ БОСҚИЧ!

Эрталаб рус тилли сайтлар тарғиботи билан "Хотира ва қадрлаш" кунини "Ғалаба ва Хотира" деб аташ бўйича петиция ташкил қилинаётганлигини айтиб, сизлардан петицияга қарши овоз беришни сўраган эдим. Чунки бунинг ортида сиёсий мақсадлар тургани кўриниб турибди.

Мана ниҳоят, петицияни ташкил қилиб бшлингач, навбатдаги қадам ҳам ташланди. Кейинги босқич бира тўла "Улуғ Ватан урушидаги ғалаба" деб ўзгартириш бўлади. Асосийси петиция бу ғояни легитимлаштириб бериши керак.

Шу сабабдан мен барчани петтциядаҳфаол қатнашишга ва ҚАРШИ ОВОЗ БЕРИШГА чақираман.

Энг асосийси, петицияни оммалаштиришда иштирок этинглар. Постни фақат улашиб қўймасдан бир оғиз "Иштирок этинг, қарши овоз беринг ва тарқатинг" деб изоҳ қўшиб қўйинглар. Одамнинг психологияси шундай, нима қилиши кераклиги айтилмаса битта лайкни эриниб қўяди.

ҚАНИ ОЛҒА!

Петицияга ҳавола: https://petition.gov.uz/uz/petitions/view/4044

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ХАЛҚ БИЛАН МУЛОҚОТ ВА ХАЛҚ ФИКРИ "ҒАЛАБА КУНИ" ТАРАФМИ?

Эрталабдан бери "Хотира ва қадрлаш" кунига оид иккита пост қўйиб, петицияда иштирок этишга чорладим.

Шулардан илк постни "Халқ билан мулоқот" ва "Халқ фикри" гуруҳига юборган эдим. Иккаласини қўшганда 350 000 аъзолари бор "ХАЛҚ" мавзусига бағишланган гуруҳлар постни чиқармадилар. Ваҳоланки пост гуруҳлар қоидаларига зид эмас ва гуруҳларга қўйиладиган 90% постларнинг савиясидан яхшироқ ва халққа даҳлдор пост эди.

Бироқ иккала гуруҳ ҳам постни чиқармабди. Рус тилли гуруҳлар "Ғалаба куни"ни тарғиб қилган постларни бемалол чиқаряпти.

Мен пост қўйишдан олдин 227 бўлиб қарши овоз бергандим. Шунча ҳаракат қилгач, зўрға 442 қарши овоз бўлди. Ўзбек тилли ОАВлар ҳам, кўплаб дўстлар ҳам бефарқлар.

Мен яна бир марта бу хабарни имконингиз етган жойларга тарқатишга чақираман. Петиция якунигача 89 кун бор. Бўш келманглар!

Петицияга ҳавола: https://petition.gov.uz/uz/petitions/view/4044

👉 https://t.me/uchzamon

ЗУЛЛИСОНАЙН CNN!

Бу CNNчиларга "Икки тилни аралаштирманглар" деб доим айтаман. Барибир ўз билганларидан қолишмайди.

Йўқ, "русча билан ўзбекчани аралаштирибсан, ҳеч бўлмаса тузукроқ қилиб аралаштирмайсанми? А то ничего не понятноку" дейдиган одам йўқ.

Энди бу нопрофессионал зуллисонайн CNNнинг касрига Кун.уз қоладиган бўлди😜😂

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ПЕТИЦИЯДА ҚАРШИЛАР ОЛДИНДА!

Кеча рус тилли сайтлар тарғиботи билан "Хотира ва қадрлаш" кунини "Ғалаба ва Хотира" деб аташ бўйича петиция ташкил қилинаётганлигини айтиб, сизлардан петицияга қарши овоз беришни сўраган эдим. Кейинги босқич бира тўла "Улуғ Ватан урушидаги ғалаба" деб ўзгартириш бўлиши мумкинлигидан ҳам огоҳлантирган эдим. Чунки петиция ўша ғояни легитимлаштириб беришга хизмат қилиши мумкин.

Бир кун давомида олиб борилган тарғиботлар натижасида ниҳоят "Қаршилар" биринчи марта ёқлаганлардан олдинга ўтдилар.

БАРЧАГА ОФАРИН! Халқ бирлашса қўлидан барча ишлар келишини исботладингизлар!

Энди бўшашмаслик керак, чунки петиция яна 88 кун давом этади. Ёқловчилар ҳеч қачон ета олмасликлари ва халқ бу ғояга қарги эканлигини билишлари учун петицияга овоз беришда давом этиш керак. Шунинг учун петицияни тарқатишда давом этинглар!

Петицияга ҳавола: https://petition.gov.uz/uz/petitions/view/4044

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

АЛИШЕР УСМОНОВНИНГ ПУЛИНИ ҚЎЙИБ ТУРИНГ!

ОАВларда Алишер Усмонов "Сардоба" воқеаси жабрдийдалари учун 15 миллион $ пул ажратганлиги ҳақида маълумот берилгач, ижтимоий тармоқларда бу пулларнинг тегишли инсонларга етиб бориши тўғрисида ҳақли муҳокамалар бўлмоқда.

Умуман олганда, мен ҳам пуллар эгаларига етиб боришининг тарафдориман, чунки бу пуллар ўзбек мулозимлари учун эмас айнан жабрланган аҳоли учун хайрия сифатида берилган.

Лекин мен асосий муаммо қолиб, барча эътибор Алишер Усмоновнинг пулларига қаратилганлиги сабабли бош мавзуга қайтиб фикр билдирмоқчиман.
Алишер Усмоновнинг пуллари хайрия, яъни халқ берган махсулотлар, Озода Нурсаидова қуриб бермоқчи уйлар каби кўнгилдан чиққан ҚЎШИМЧА ёрдам. Воқеанинг жавобгари Алишер Усмонов эмас ва у зарарни қоплаб беришга мажбур эмас.

Барча хайриялар сардобаликларга аввло давлат, қолаверса жавобгар ташкилотлар қоплаб бериши керак бўлган компенсациянинг ўрнини қоплаши керак эмас.

Алишер Усмонов ва бошқалар хайрия қилмаса ва пул бермаса сардобаликлар уйсиз, пулсиз қолишлари керакмиди? Албатта йўқ. Воқеанинг айбдолари сардобаликлар эмас. Аксинча улар жабрдийдалар бўлганликлари учун уларга етказилган зарар давлат ва айбдор компаниялар томонидан 100% қопланиши керак.

Алишер Усмонов ва бошқаларнинг хайриялари уларга асосий компенсациянинг устига ҚЎШИМЧА равишда берилиши керак.

Шунинг учун асосий компенсация ва хайрияларни аралаштириб юбориб, хайрияни муҳокама қилиш билан овора бўлиб қолмайлик.

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Муаммо саксовулнинг илдизида!

"Кузатишларимга ва олган билимларимга таянган ҳолда айтишим мумкинки, бизнинг ЭНГ КАТТА МУАММОмиз бу муаммонинг илдизини ўрганишнинг ўрнига саксовулнинг ер юзасидаги қисмини кўриш ва шу ҳақда гапириш билан кифояланишимиз экан. Чунки жамиятимизда учраётган муаммоларнинг кўпчилиги кўзга кўринмас, айсберг ва саксовулга ўхшаган муаммолардир. Уларни ҳамма ҳис қилиб туради, лекин таҳлил қилиб, чуқур ўргана олмайди. Чунки уларни илмий ўрганиш, таҳлил қилиш, соддалаштириб халққа тушунтириш ва шу йўл билан иллатларга қарши курашиш учун фақат..."

Мақолани тўлиқ ўқиш учун ҳавола:
https://telegra.ph/Muammo-saksovulning-ildizida-05-15

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

Мана, мен ҳам депутатимиздан ўрнак оляпман. Депутат одам, бир нарсани билмаса шундай деб ёзмайди 😜

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon

ЭНДИЯМ ШУБҲАНГИЗ БОРМИ ?

Бугун эрталаб ижтимоий тармоқларда Россия Ташқи ишлар вазрлигининг расмий вакили Мария Захарованинг Ўзбекистонда давлат тилида иш юритишни таъминламаганлик учун мансабдор шахсларга жавобгарлик белгиловчи қонун лойиҳасига муносабати тарқалди ва унга "ўзбек тилли сегмент"да деярли бир хил - норози муносабатлар билдирилмоқда. Бу ҳақда ўқимаган, эшитмаганлар у Захарова шундай деган :

«Шундай таассурот уйғоняптики, ушбу қонун лойиҳаси тарафдорлари ҳозирча яққол озчиликни ташкил этади. Билдирилаётган фикрларнинг аксарияти рус тилининг расмий мулоқотда сақланиб қолиши муносабатларимизнинг тарихий руҳи ва замонавий сифатига, энг асосийси — кўпинча Россияда ўқиш ёки ишлаш учун танлов қилаётган кўп сонли Ўзбекистон фуқаролари манфаатларига тўла мос келишини кўрсатмоқда».

Унинг сўзларидан келиб чиқиб ўзбек зиёлилари, журналистлари ва блогерлари ўз сўзларини айтмоқдалар ва мен уларнинг сўзларига қўшиламан. Улар Россия юртимизнинг ички ишларига аралашишга ҳаққи йўқлигини ҳақли равишда урғулаб, Захарова "қонун лойиҳаси тарафдорлари ҳозирча яққол озчиликни ташкил этади" деган сўзни қайси маълумотларга асосланиб айтганлигини сўрамоқдалар. Кимлардир эса бу сўзлари учун Мария Захаровани томи кетганликда, ёқимсизликда айбламоқдалар.

Бу ерда иккита нарсага эътиборни қаратиш керак :

1. Томи кетганми, жинними Мария Захарова Россия Ташқи ишлар вазрлигининг расмий вакили ва у Россия давлатининг РАСМИЙ ПОЗИЦИЯСИни билдиради.

2. Расмий вакил "яққол озчиликни ташкил этади" дейиш учун манба ва маълумотга мухтож эмас, чунки унинг мақсади ҳақиқатни билиш эмас, балки мана шу фикрни тарғиб қилиб рус тили медиаси таъсирида бўлган ҳудудларга, жумладан Ўзбекистонга ЎЗ ҲАҚИҚАТИНИ УҚТИРИШдир.

Шундай экан, у билан баҳслашиш, уни инсофга чақириш ёки уни ҳақоратлашдан фойда йўқ. Аксинча, унинг фикрлари Россиянинг яширин позициясини ошкора қилиб расмий кўринишга олиб чиққани яхши бўлди. Россия ўзини Ўзбекистоннинг катта акаси деб билади ва унинг ички ишларига аралашишга ҳақли деб билади. Энди бу сир бўлмай қолди.

ЕОИИга киритиш орқали эса Ўзбекистон Россиянинг протекторати, яъни вассалига айланиши мўлжалланган. Худди Чор Россияси давридаги каби Хива хони ва Бухоро амири қўғирчоқ хон ва амир бўлиб қолаверади, амалда эса давлатнинг тақдирини Москва ҳал қилади.

Ҳозир қарам бўлмай туриб, Ўзбекистонда ўзбек тилининг қўлланишига тоқат қилмаган Россия ЕОИИга киритиб олгач, керак бўлса рус тилини Ўзбекистонда давлат тилига айлантиради.

Таҳлилларимиз, тарғиботларимиз, тушунтиришларимиз, огоҳлантиришларимизга қарамай айримлар, айниқса ҳукумат масъуллари ва парламент депутатлари "Ким бизни қул қилади" деб юрганди. Энди ҳам шубҳангиз борми, жаноб раҳбарлар ?

Телеграм каналга аъзо бўлиш ва бошқаларга улашиш учун ҳавола : 👉 https://t.me/uchzamon